رواية الملازم والعنوديه الصغيرة الفصل الخامس عشر بقلم مجهول
هشام،،طول عمري احلم تصير الي واخيرا حلمي تحقق لحد هاي اللحضه مامصدك بروحي هي بغرفتي
دخلت للغرفه وشفتها بالبدله البيضه ملاك من السما ونازل اووووف الله منين ابدي واني ميت عليها
قفلت الباب ورحت يمها لگيتها ترجف رجف وتختض كلها مثل السعفه
احب خوفها ورجفتها بين اديه نهت اخر نقطة تعقل عندي وبلحضه وحدة اخذت شفايفها بين شفايفي واني اتذوق طعمهن مثل الكرز اتمنيت اضل طول عمري بهاي اللحضه ماتمنئ ابعد عنها
بس بعدت من حسيتها انتهت من الخوف والارتباك وخرت عنها اباوع بعيونها دموع وصارت شهگاتها تتعالئ سحبتها بحضني وصرت امسد علئ شعرها اريدها تهدئ شويه
سمر،،مااعرف ليش صرت ابجي احس اضلوعي واحد احتضن الثاني من الخوف هو من شافني هيج بعد عني وحضني وصار يمسد علئ شعري
هشام،،كافي ابويه انتي ليش تبچين??
سمر،،خايفه
هشام،،من شنو??
سمر،،خايفه
هشام،،من شنو??
سمر، ،منك
هشام،،افاااا عليج بنيتي ليش تخافين مني??
سمر، ،،مااعرف بس خايفه
هشام،،شتتوقعين ااذيج??
سمر،،ماجاوبت بس دنگت
هشام،،ااذي روحي ومااذيج ابد انتي بنيتي ومريتي وحبيبتي وام بيتي
ولج انتي متدرين شگدها معزتج بگلبي والله يمكن اعز من روحي انتي
سمر، ،يحجي ويمسد علئ شعري واني دافنه وجهي بصدرة
هشام،،زين انتي راح تخلصين عليه الليله بس بچي واني صار سنين ابو ابوي مشتعل بسبب طفله
سمر،،رفعت راسي وگتله طفله??
هشام،،واحلئ طفله طفلتي اني وبس طفله هشام انتي فهمتي لولا
سمر، ،ابتسمت علئ كلامه
هشام،،يله بويه انزعي بدلتج حتئ ترتاحين
سمر،،صدك اني لسه بالبدله رفعتها بديه ودخلت للحمام الموجود داخل الغرفه
دخلت وسديت الباب ضليت اجيبها منا وارجعها منا السحاب بعيد مااكدر افتحه وتاخرت ومن ارتباكي ماطلعت ملابس بس سيت النوم الابيض يبووو عليه
شويه وسمعت صوته
هشام،،تاخرتي جوة شنو ناويه تنامين بالحمام اليوم
سمر،،مااعرف شحجي كتله السحاب دقيقه
ماحسيت غير فتح الباب ودخل گال
هشام،،تستحين مني ??ليش ماصحتيلي اساعدج
سمر، ،تلعثمت بالكلام كتله مو مو هذا عبالي اني افتحه
حسيت ايدة صارت علئ ضهري بدة يفتح السحاب علئ كيف اباوعله بالمرايه بعالم ثاني وهو مركز نضرة علئ ضهري فتح السحاب وباسني بمتني حسيت برجفة سرت بكل جسمي وجمدت
كوة گدرت ابعد عنه طلعت للغرفه فتحت باب الكنتور وصرت انزع ورة الباب
هشام،،هههه من كل عقلج ضامه روحج ورة الباب??
سمر،،صدك يعني هاي عقليتي احتميت بالباب
كتله ممكن تنطيني ملابسي يمك
هشام،،صار تدللين
سمر، ،جابهن واني بسرعه اخذتهن وهو يضحك
لبسته وياريت مالبسته فضيييييحه ضليت اريد استر نفسي بس شستر منه وهو بطول الكف لبست الروب فوگه شويه ارحم منه وطگيتها ركضه رفعت الغطه ونمت وغطيت حتئ راسي
حسيت بي يبدل يمي وگوة كاتم ضحكته شويه ورفع الغطه ونام يمي سحبني الحضنه واخذ نفس طويل من شعري وگال
هشام،،افييييش يارويحتج خذت روحي
ديري وجهج عليه ليش شاردة مني
سمر، ،درت وجهي بس مغمضه قووي رفع وجهي بايدة وباسني بگصتي
هشام،،زين انتي من لبستي الروب وخنگنتي روحج شعبالج الروب يخلصج مني??
سمر، ،معدتي نمغصت خاف جنت عايزة شويه خوف
كملها بكلامه لزم اديه وبدة يبوس بهدوء وبكل حنيه ورقه حسيت نفسي ذبت بين ادي والخوف تبدد وصرت ابادله بكل حب اخذني العالم بس اني وياه
بعد مااتقربلي وصرت مرته قلبا وقالبا باسني براسي وگال
هشام،،مبروك مريتي واخيرا صرتي مرتي گول وفعل
سمر، ،ضليت متلفله بلغطه استحي منه هو راح للحمام سبح شويه وطلع واني بعدني ملفله بالشرشف گمت وبوجهي للحمام صح كان اكو الم بس خفيف سبحت وكملت ونسيت ماجبت ملابس وياي
ضليت احوس بالحمام واستحي اطلع اخر شي دگ الباب
هشام،،بويه شنو سالفتج ويه الحمام اليوم ماناويه اطلعين
سمر،،كتله بصوت ناصي ينطيني شي البسه من الكنتور
شويه وجاب دشداشه قصيرة ربع ردن لبستها وطلعت
شويه وهو طلع ودخلت عمتي ومرام وميس هلهلن ويباركن ومرام نزلت جابت عشه النه باركن وطلعن ودخل هشام يباوعلي ومبتسم
هشام،،اكلي وراج شوط ثاني 😉
سمر،،متت خجل وهو منطلق بالحجي
كعد ياكل واني هم كعدت بدينه بالاكل وهو يلفلي وينطيني اباوع بوجه الفرحه بايبوسوني كملنه اكل غسلنه وهو طلع اخذ الصينيه نزلها جوة شويه ورجع نزع الدشداشه ونام ع السرير وفتحلي ايده گال تعاي يمي رحت خليت راسي علئ ايدة وهو طوقني بثنين ادي صار يبوس براسي وگصتي بكل قوته ويگول
هشام،،الف الحمدالله من صرتي الي جنتي بالنسبه الي حلم عشت كل عمري احلم بي بس الله عوض صبري خير لو تدرين شگد احبج والله اعز من روحي انتي
سمر،،هشام سؤال
هشام،،جواب يروح هشام
سمر،،ليش دائما تضربني??
هشام،،تردين الصدك، ،،بالله العضيم اضربج اريد بس المس خدج ولج احبج وميت عليج اغااااار من الهوئ التتنفسي مرات اضربج علئ سبب تافه بس ماعندي غير حل حتئ المس بشرتج الترفه ومرات اريد اشوف دموعج من اشوفج تبجين اريد اضمج بگلبي دموعج تزيدج طفوله وجمال
اني بطبعي من اريد شي الي اريدة يكون الي وحدي وبس ملك حصري باسم هشام وبس
سمر،،بس اليحب ميضرب ولا ايذي الشخص اليحبه
هشام،،اني عن نفسي مااعرف اتفاهم غير بهاي الطريقه وخاصتا وياج كل حواسي تتوقف عن التفكير وايدي بس التشتغل يصير تفاهمي بالضرب وبس لكن من اضربج اندم ماريدج تكرهيني تدرين سمر اغار عليج من مرام ومن امي ومن اخوتي من يشاقون وياج اريدج بس الي ماريد احد يحجي وياج ابد شتسميني سميني بس هذا حبي الج فاق المعقول
سمر،،مانمنه للفجر ضلينه نسولف ماحسينه شوكت نمنه كعدنه علئ صوت الباب يندك كعد هشام فتح الباب وكانت عمتي تنبها يكعد الان الناس علئ جيه
اجه كعدني سحبني بحضنه وهو يكول مااتمنئ اصحه شگول عليج يمه
اني مبتسمه علئ كلامه كعدت لميت فرشت السرير وفرشت جديدة وهو دخل للحمام سبح وطلع
اباوع عليه سبحان الخالقه طول بضخامه بعضلات شعرة مبلل ورموشه طوال مزينهن المي الينزل منهن شكله جذاب صحيت علئ صوته
هشام،،هابويه وين صافنه معقوله اني هلگد حلوو وصافنه بوجهي
سمر،،اهااا منيلك حلا اصلا خلف الله عليه مشيتك😞
هشام،،ههههههه اسمع منيلج هذا الحجي ولج اليوم امووتج
سمر،،صرت افتر منا وارجع منا شاردة وعمتي رجعت ادك الباب لان تاخرنه وخطار اجه اخر شي لزمني وعضني بخدي وهو يكول عندج بخت امي اجت جان توبتج من هاي السوالف
هو طلع واني دخلت للحمام سبحت وطلعت. نشفت شعري ومشطته طلعت فستان ابيض مال عرايس قصير وحصر ع الجسم خليت مكياج مرتب خليت شال عراسي ولبست عباتي لان ولد عمي جوة
بس من دخلت الغرفت عمتي ذبيت العبايه والحجاب جان اكو نسوان جيرانه موجودات وعماتي كلهن جايبات هدايه ومنهن انطن واجب شويه وراحن وعمتي كالت البسي عباتج اجو عمامج
اجه عمي ابو كاضم وعمي ابو هشام وضرغام وسلام ومهند وهشام وياهم كلهم باركولي وانطوني افلوس وهشام صار احمر يريد ينفجر لان كلهم بوسوني
شويه وراحو واني صعدت الغرفتي داابدل وانفتح الباب هشام
اني واكفه يم الكنتور وفاتحه السحاب اجه بسرعه دفعني وحاوطني بثنين ادي
هشام،،مرة الثانيه اذا بستي احد اخنگج عرفتي لو لا
سمر،،ليش شو همه عمامي
هشام،،حتئ ابوي متبوسي حذرتج سمر هلمرة اعديها مرة الثانيه ماارحم
سمر،،بلحضه باسني واخذني. اني وياه بعالمنه اذا قبل بس احبه هسه صرت احبه قاطات سبحان الله الحب يزيد بعد العشرة
مرت الايام والاشهر واني وهشام احلئ مايكون بس الغيرة سالفتها سالفه يغاااار غيرة مو طبيعيه
نزلت الصبح علئ صوت عالي وضحك ويباركون السلام لان ميس حامل اني صار 6اشهر من تزوجت بس صرت كل ماتغيب الشهريه اتمنه يكون عندي طفل بس تخيب امالي من الگاها نازله بس ولامرة بينت هلشي گدام هشام
وصارت الايام تركض ومرام زواجها بعد كم يوم والبيت مخبوص خبص بين تحضيرات وتنضيف 5
اليوم ثلاثاء وعمتي اخذت مرام هي وسهام للصالون
واني وحذام التهينه بتجهيز البيت والحلويات لان باجر الحنه للضهر رجعت عمتي ومرام جانت طالعه كلش حلوة مع العلم هي بس حفت وصبغت شعرها مامخليه مكياج
ولج طالعه تخبلين عين الحارة باردة عليج
مرام، ،سمر الحگيني من هسه معدتي تاذيني وخايفه والله
سمر،،شوفي ياروحي انتي مااعتقد اكو جبانه مثلي شگد جنت اخاف من اخوج بس سبحان الله بيوم عرسنه الله سبحانه وتعالئ رفع ساتر الخجل بيناتنه صرت عبالك متزوجين من زمان صح بالبدايه خفت بس بعدين بشطارة اخوج گدر يتقربلي ويكسر حاجز الخوف والخجل
مرام،،عبالج كلامج خلاني اهدة لا والله بالزايد خفت😣
سمر،،،ههههههههه لعد شسويلج ضلي خايفه قابل ادخل وياج حتئ رجلج يرميني چيلات😂
ثاني يوم الحنه مرام اخذوها للصالون واني والبنات ضلينه نستقبل الخطار اني لبست فستان ماروني قصير منفوش وسويت تسريحه بسيطه رفعت بيها شعري ورسمت عيوني شويه تعلمت اتفنن بالمكياج انزل من اليوتيوب واطبق
للعصر انترس البيت خطار حتئ شهد اجت ومن نضراتها مامرتاحتلي واني هم ماارتاح الوجودها بس اغض النضر عنها لان متهمني بس هي من تشوف هشام مابطلت تتلوگ وهلشي يسبب مشاكل بينه اني وياه لان اني هم مرة ومن اشوف رجلي كدام عيني يتشاقه ويه وحدة تريدة اموووت من الغيرة وااتمنئ اگطعها بس اني دوم عندي احساس يخوفني منها احس بيوم من الايام راح تخبث وياي
شويه وجت مرام لابسه البدله طالعه تجنن واهل زوجها كالو اليوم حنه وزفه عليمن يومين نختصرها بيوم واحد احسن
بدينه نلبسها البدلات والمله تقرة مولود اخر شي لبسناها البدله البيضه والمله جلتها منضرها يخبل كلنه صورنه وياها بكامرة هشام لان هوئ گال ممنوع تصوير بالموبايل
شويه وسمعنه صوت الهورنات ومرام صارت ترجف وعمتي تقرة ايات وهي مجلبه بيدي خطيه احنه لبسنه العبي لان زوجها دخل ودخلو وياه ولدنه وعمي ابو هشام مرام تبجي وبجتنه كلنه عليها خاصة اني مااگدر علئ فراگها كلش احبها
اخذوها وراحو واني ركضت الغرفتي بچيت من كل گلبي نار فايرة بروحي مااتحمل بدونها ماتخيل يومي وهي مو وياي اجه هشام
هشام،،اوووف ول يابه المن هاي الدموع كلها
سمر،،عبالك گالي بززز دموعي صارن يجرن اكثر كتله مااتحمل بدونها اني منو الي
هشام،،تعاي بحضني ابويه انتي وكافي بجي اني وين رحت
هاي بدل متفرحيلها وتتمنين الله يريحها بحياتها ميصير تبچين بنيتي كافي
سمر،،يحجي وهو حاضني واني بس اناشغ لزم وجهي بثنين ادي وگال
هشام،،شو اني شاك هاي الدموع تمثيل حتئ متنطيني حصتي اليوم وانتي بهذا الفستان طالعه كارثه واني گلبي رهيف وميتحمل 😍
سمر، ،باوعتله صفح گتله صدك تحجي انته 😞
هشام،،اي بويه صدك احجي لعد شعبالج اليوم كلها تعرس واني اضل غير اشبعج كتل
سمر، ،شيخلصني بعد مابعد عني اله اخذ اليريدة وهو يضحك ونساني دموعي وضوجتي علئ مرام
بعد كم يوم هشام راح للدوام وصار يقدم علئ نقل للنجف يگول تعبني الطريق مال بغداد
اجه المغرب واني كنت محضرتله الحمام واكل لان يجي تعبان من الطريق
صبيتله بالغرفه وگعد ياكل الجو صيف وحارة الدنيه اشتميت ريحت شعواط تطلع من السبلت هو بسرعه طفا كال خاف اكو طبگ بالوايرات لتشغلي بس شنو مووت حر غرفتنه فوگ ومابيها بس سبلت من طفينا ضلينه ع المروحه حارة للصبح ماگدرت انام
ثاني يوم كعدت ب 6سويتله ريوك بدل وراح للدوام واني نزلت لجوة انضف البيت ميس بيها توم وهي شهر السادس خطيه كوة تمشي واطفالها نازلين الدكتورة طلبت منها تنام علئ ضهرها وعمتي گالت اوديها لهلها احسن هناك اخواتها يخدمنها هنا بس انتي تحتارين بيه لو بيها لو بشغل البيت
البيت صار فارغ بعد زواج. مرام وميس يم اهلها وضرغام يشتغل بشركه بالبصرة يجي كل اسبوع
يعني ماكو احد بس اني وعمتي طول النهار وبليل يجي سلام وهشام وعمي
صار العصر صبيت غدة. اني وعمتي لان نتاخر بالغدة
البيت اني كملت تنضيفه حيل تعبت واليوم خميس صار المغرب صعدت الغرفتي بس الجو بوخه وناااار حارة ماعندي غير حل شغلت السبلت شتغل شويه كلشي مابي حتئ ريحه مابي وهوا بارد ثلج
دخلت للحمام وتاخرت شويه و كملت ولفيت نفسي بالمنشفه وشعري هم منشفه صغيرة وطلعت
اني طلعت وياريتني ماطلعت اباوع البردة داويه نااار والوايرات عبارة عن شعلات ناريه الغرفه بس دخان وصار صوت مال اطگطگ مال الوايرات صرت اصرخ بكل صوتي لا أگدر اطلع ولا أگدر اضل رجعت للحمام وسديت الباب اكو يمي تخته خشب جبيرة خليت عليها ملابسي النزعتهم وصعدت فوكها خفت لتوصل الكهرباء للارضيه صرت ابجي واقرة ايات عمري ماتخيلت اموت بهلطريقه تمنيت يجي هشام يطلعني احس نفسي اختنگت الحمام انترس ريحت دخان
شويه وسمعت صوت صريخ عمتي واكو صوت رجال وياها بس احس نفسي دايخه منتجيه ع الحايط واني صاعدة ع التخته باب الحمام صار يندفع بصورة قويه اسمع صوت مهند يصيح
مهند،،سمررر سمررر تسمعيني
سمر، ،من عرفته مهند جمدت بمكاني دخيلك ربي اشلون اطلع واني بطرگ المنشفه والغرفه مشتعله نار
صحت مااطلع عوفووني مااطلع
مهند،،ولج خويه اني اخوج والله بيدي بطانيه ابتعدي عن الباب واخذيها راح يخنگج الدخان حتئ اني اختنگت
سمر، ،بعدت عن الباب لان ماعندي حل مد البطانيه خضرة كلها مي لفيت نفسي بيها وطلعت هو بسرعه شالني وطلعني واني حتئ وجهي مغطيته بس احس الغرفه مشتعله وعمتي تصيح ومرت عمي تصيح هي دقايق بس رعب
نزلني لجوة بالطارمه كعدت وعمتي وياي جابت عبايه ذبتها عليه فوك البطانيه واني بس ارجف بهاي الاثناء سمعت صوت هشام اجه يركض بتجاهي
هشام،،سمرر بوويه بيج شيي اتاذييتي باووعيلي
سمر،،اني حاضنته بثنين اديه واحس نفسي كلي ارجف مااعرف اشلون طلعت انكتبلي عمر جديد يمكن عمري ماانسه هذا الموقف
هشام،،بنيتي جزت انشالله لتخافين اني يمج بس خل اساعد الولد اجت الاطفاء
سمر،،عافني وراح واني كاعدة بالطرمه وعمتي والنسوان يمي كلها تسأل اشلون صار هيج واشلون مانتبهنه ع الكهرباء
الاطفاء بدت اطفي الغرفه صعدو من الشباك متت قهر بعدني ماتهنيت بغرفتي واسمع الناس تصيح فدوة المهم طلعت البت بسلامه
خمدو الحريق والناس كلمن راح لهله ضلينه بس احنه وعمامي ملتمين والعرفته الغرفه صايرة رماد بسبب التماس كهربائي بالسبلت
وهشام يسالهم اشلون صار الحادث وعمتي تحچيله اتگله احمد الله سمر بالحمام ميته خلف الله علئ مهند طلعها اباوع علئ هشام ملامحه تغيرت دار وجها عليه وگال
هشام،،اشلووووووووون منييين طلعهاااااا??? 😠😡
