رواية عشك الشاهيين الفصل الخامس عشر بقلم مجهول
🌿**گــون أَلـروح أحطهة بـگِذلتچ طـوگ**🌿
حبيت واني شيخ صگر من احب اوافي صح بدايه رهن جانت وصح عيب احجيه واني شيخ بس صارت صدفه وصارت واحلا صدفه.
أميره جانت مرام بعيني أميره. وعدت وفيت احس الدنيا كله فرحانه وياي اليوم
من رجعت جنت اسمع امي وزهراء. مرت اخوي علي يسولفن شلون البنات يتحصرن عليه ويحسدن مرام بيه.
بس اني كل هذا ماجنت اشوفه كل الي اشوفه. مرام وضحكته خجله من لبسته المحبس وبست ايده. ويه افكاري ودوامت افكاري اتصلت عليه
اووف ربي العشك حس بيه
مرام
الو
صگر
كل الهله بهل صوت هله يروح صگر
مرام
صگر فدوه الحكلي
صگر
ها ولج شبيج شصاير
مرام
ماعرف صگر. غرام تخبلت. عليه. تكلي لو اني بحياتج لو صگر
صگر
انتي شتحجين تخبلتي. موجانت فرحانه. وتهوس مو انتي كلتيلي. كلتيلي غرام كالت راح اسويلج احلا حفله مهر بلكون
مرام
اي هيه الي جانت فرحانه وتهوس وتركص اصلا حتى قبل منابس الذهب همست بذني كالت عمتج ذهب مصفه ديري بالج عليه. اشو هيه شافتك انكلبت خلقته وعافتنه وراحت وره مراحت الناس كلبت البيت عليه لو ما اخويه دخل للبيت مجان سكتت
صگر
مرام شتحجين اني بعمري ما شايف اختج ولا اعرفه صدكيني.
مرام
ماعرف صگر فدوه الگالي حل. والله راح اتخبل انته من جه وغرام من جه
لا اكدر اعوفك ولا اكدر اعوف غرام هاي مو بس اختي هاي هي الربتني وصلتني وصرت صيدلانيه شكبرني بفضله اتحملت كلشي لخاطري
وانته ماحاجه احجيلك منو انته روحيً انته صگر حايره شسوي
صگر
كولي يا الله وخلي املج بالله. جبير مرام. ربج الجمعنه بالحلال مايفرقنه صدكيني واختج اكيد اكو شي غلط او صاير شي سامعه شي وإنشاء الله سوء فهم ونحله
سديت التليفون من مرام واني اصبر عليه بس احس روحي مخنوك. يافرحه الماتمت. ضليت للصبح مانيم واني افكر شصاير وليش اخته هيج تسوي
ماكلت لاحد شي. وثاني يوم رحت لأخته للمستشفى. الخبلني هي قافله. وآخر شي كالته من كتله راح احجي ويه اخوج انتي حتى. سبب مقنع ماكو عندج حتى ترفضني
كالت ( اخويه لو يعرف انته منو. جان انطاك شي ثاني مو مره. )
ضليت مثل الي ضاربينه بعصه زينه على راسه ودايخ ليش اني منو شلي مسوي لأهل مرام
ضليت ابحث وادور سبوعين وماكو اي تغير. أخت مرام قافله. ومرام كالت اخوهه رجع سافر. ومن كد ما هيه واخته مشاكل. امه حالته كامت سوء يوم عن يوم. اكثر
مغزى الكلام. جان لازم. نفترق. معقوله هاي نهايتي أني ومرام. لا مستحيل
وضعي دهور صحتي صارت من اسوء لاسوء. شبيه اني معقوله احبه. هيج. كل هذا الي صار وياي ومحد يدري بالي صار بس الكل يعرف اني صحتي مو تمام. وأكثر من مره نقلوني للمستشفى. وآخر مره الدكتور. كال حولوً لبغداد.
اني جنت رافض كلشي ماريد اصلا تعالج احس المرض هو دواي
بس الي هد حيلي. وزاد مرضي من جنت اشوف أخت مرام بالمستشفى شوف وضعي ومايرفله جفن
طبعًا اني جان شاهين وفهد وياي بالمستشفى وذوله ثنينهم مايعرفونه. وماشيفينه لذالك حتى لو يلمحونه. بس الي صدمني قصص وروايات عراقية كرار صلاح من كال فهد
فهد
اكلك اشو مرام. ماجتي شافتك ولا مره
صگر
ماتدري بمرضي
شاهين
وعساها لاجت اصلا اول ماتطلع من المستشفى تنهي كلشي
صگر
شاهين انته شتحجي
فهد
خير شاهين شهل كلام
شاهين.
لحد يسألني. شي كل الي لازم يعرفه ذني كوم مال گ**** اب ومو من ثوبنه
صگر
شاهين ماسمحلك البنيه خمس سنين وياي. اعرف شبيه مابيه. واني بنفسي سالت عنه شهل حجي
شاهين
لعندي كلته اذا تختار هاي الزباله. يعني تتبرهه مني
من كال شاهين هيج كمت ماشوف كدامي كسرت كلشي واني أصيح واعيط كتله
صگر
فهمني شكو شنو البينه وبينهم ليش اخته تهدد. وتنهي كلشي وخلته تبتعد عني وتنهي علاقته وليش انته هسه هم هيج سويت
شاهين
شلون يعني مرام. نهت علاقته بيك
صگر
اي اخته كالتله لو اني لو صگر
شاهين
اي وهيه اكيد لازم طاوع. اخته المنحله الفالته. قابل ضحي بير انحطاط والسقوط الدكتوره غرام وتختار لا حشى
فهد
ليش انته منين تعرف اخته غرام
شاهين
جانت وياي بالجامعه اسقط خلق الله واقبحهم
صگر
لا تخبلني ولك البينه عاجنه وخابزه على ايدي وبعدين انته كل عقلك تحجي هيج على دكتوره غرام الي الكل يحلف بخلاقه وشرفه
شاهين
ههههههههه اي من حمرته. والكعب الي لابسته جنه. استغفر الله
فهد
شاهين ترى عمره الشكل مجان مقياس للخلق والشرف. ترى حكمك مو صح
شاهين
الي عنده. كلته وانتهى
كال هذا الكلام شاهين. وطلع من الغرفه. اول ماسد الباب ورفع راسه شاف غرام مثل الصنم واكفه وكان. تمثال مو بشر. صفن بيه وكال
شاهين
لو نطبقت السمه عل ارض ماخلي. وحده مثل اختج تدخل بيت الشيخ مظفر جنه
قبل مترد عليه نزلت دموعه غاب كل ذاك الغرور والشموخ الراسمته ودنكت راسه وكالت
غرام
لآخر. لحضه جنت اكول حبيت رجال بس وسفه ويا حريمه بيك اسم الشيخ
كالته وكملت طريقه هو ماكدر يرد لان اجه عباس ابن عمه وره مادخل عباس وسولفو شويه وعافهم وطلع وهو اشبه بركان. سال عنه كالوله بالعنايه المركزيه
راح وحتى الكاع تخاف من خطواتها اصلا هو الغضب الي كاتمه طول هاي السنوات يريد بس يحصل فرصه حتى يفرغه من وصل قبل ميدخل سمعه تكول
غرام
ولجً والله لو ادري بيه يستاهل مارفضت اني اختج. منو ممكن يفكر بمصلحتج اكثر مني
مرام
غرام. خيرتني بينج وبين صگر وخلص اختاريتج ليش هل حجي هسه
غرام
ههههههههههه. والمفروض افرح واني اشوف اختي وحديتي الي ربيته على ايدي مدده مثل الجثه لخاطر واحد. يعتبره رهان وكسبه
مرام
شوفي انتي اختي وروحي الج فدوه بس صگر هذا كلشي بيه غرام كتلج متكسر قرارج بس غرام اياج ثم اياج. تسيئين لصگر بحرف واحد
ترى اذا جنتي مختاره خطا بماضيج مو معناته ماكو رجال بالدنيا.
غرام
مرام ( كالته بغضب )
مرام
اختي ترى صگر بعيني يسوى دنيه هاي بكبره وسألفه الف واحد يتمناج ترى الألف. يرحون فدوه لتراب لي يمشي عليه صگر. هذا شيخ كلبي بيوم... قصص وروايات عراقية كرار صلاح
وعدني مره اله اصير وفه بوعده واني وعدته لغيره ماصير لو حياتي كل بشر اعرفه ادفعه ثمن ومستحيل اكسر هذا. الوعد لا اليوم ولا بعد الف عام. لآخر يوم بعمري راح ابقه باسم الشيخ صگر
غرام
هههههههه انتي مو اكثر من مجرد. رهان بحياة صكر خليه بالج
قبل متطلع غرام من الغرفه دخل شاهين بهيبته وكال
شاهين
السلام عليكم
مرام
وعليكم السلام. يمكن انته الشيخ شاهين اخو صگر
شاهين
اي نعم اني شيخ شاهين. واجيت اشوف مرت اخوي
غرام جانت مستغربه من الجاي يصير وعرفت. بيه راح يسويه شغله اعناد وراح يجبره بطريقه ما توافق عله هل زواج
