رواية الإرهابي وذات النقاب الفصل الخامس عشر بقلم ام غايب
ﻭﻛﻔﺖ ﻛﺒﺎﻝ ﮔﻠﺒﻚ ﻻ ﻫﻼ ﻻ ﺭﻭﺡ
ﻻ ﻟﻤﻴﺘﻨﻲ ﻻ ﻛﺘﻠﻲ ﻣﺘﺮﺍﺟﻊ
ﻻ ﻧﺸﻔﺖ ﺩﻣﻌﻲ ﻻ ﺗﺮﺳﺖ ﺍﻟﻌﻴﻦ
ﻻ ﻣﺸﺘﺮﻱ ﺍﻟﺨﺎﻃﺮ ﻻ ﻛﻠﺖ ﺑﺎﻳﻊ
🏻✍ ﺳﻴﻒ _ ﻋﺎﺩﻝ
ﻋﻼﻭﻱ - ﺍﺍﺍﻧﺖ ﺗﺨﺒﻠﺖ ﻭﺍﻟﻠﻪ ﻭﻛﺒﻞ ﻫﺠﻢ ﻋﻠﻴﻪ ﻳﻌﺮﻑ ﻣﺎﺍﻛﺪﺭ ﺍﺿﺮﺏ ﺍﺑﻦ ﺧﺎﻟﺪ ﻛﻤﻨﻪ ﻧﺘﻼﻭﻯ ﺍﻧﻲ ﻭﻳﺎ ﺣﺼﺮﻧﻲ ﺑﺎﻟﺒﺎﺏ
ﻭﺍﻟﻤﺴﺪﺱ ﺑﻴﺪﻱ ﻃﻠﻌﺖ ﻃﻠﻘﻪ ﻣﻦ ﺍﻟﻤﺴﺪﺱ ..
ﺣﺴﻴﺖ ﺑﺤﺮﺍﺭﻩ ﻭﺭﺃﺳﺎً ﺍﺧﺘﻨﻜﺖ
ﻋﻠﻲ - ﺧﻀﺮﺭﺭﺭﺭ ﺍﺭﺗﺎﺣﻴﺖ ﻫﺴﻪ ﺧﻀﺮﺭﺭﺭﺭﺭ
ﻛﻤﺖ ﺍﺳﻤﻊ ﺻﺮﺧﺎﺗﻬﻢ ﺑﺲ ﺍﺣﺲ ﻧﻔﺴﻲ ﺿﺎﻕ ﻛﻠﺶ ﺑﺲ ﺷﻔﺖ ﺣﺒﻮﺑﺘﻲ ﻭﻫﻲ ﺑﻈﻬﺮﻫﻪ ﺍﻟﻤﻨﺤﻨﻲ ﺍﺟﺘﻲ ﻋﻠﻴﻪ ﻭﺭﺟﻠﻴﻪ ﻣﻜﺪﺭﻥ ﻳﺤﻤﻠﻨﻲ ﻭﻋﻠﻲ ﻻﺯﻣﻨﻲ ﻧﻮﻣﻨﻲ ﻭﺍﺟﺖ ﺣﺒﻮﺑﻪ .... ﺫﺑﺖ ﻋﻮﺟﻴﺘﻬﻪ ﻭﺧﻠﺖ ﺭﺍﺳﻲ ﻋﻠﻰ ﺣﻀﻨﻬﻪ ﻭﺗﺼﺮﺥ
ﻳﻤﻪ ... ﻳﻤﻪ ﻭﻟﻴﺪﻱ ﻳﻤﻪ ﺣﺒﻮﻭﻭﺑﻪ ﻛﻮﻭﻭﻭﻡ ﻭﻳﻦ ﺟﻨﺖ ﻳﻤﻪ ﺧﻀﻴﺮﺭ ﺭﻩ ﻳﻤﻪ
ﻋﻠﻲ - ﺣﺒﻮﺑﻪ ﻭﺧﺮﻱ ﻣﻨﻪ ﺧﻞ ﺍﺷﻴﻠﻪ ﺑﺴﺮﺭﺭﺭﻋﻪ ﺧﺎﺑﺮﻭ ﺧﻞ ﻳﺠﻲ ﻭﺍﺣﺪ ﻣﻦ ﺍﻟﻮﻟﺪ
ﺧﻀﺮ - ﺣـً .... ﺣﺒﻮﺑﻪ .... ﺭﺍﺡ ... ﺭﺍﺡ ﺃﻣﻤﻤﻮﺕ ... ﻭﻭﺍﻧﻲ ﻣﻤﺎﺧﺬ ...... ﻣﻜﺪﺭﺕ ﺍﻛﻤﻞ ﺟﻨﺖ ﺍﺳﺘﺼﻌﺐ ﺍﺣﺠﻲ ﺑﺲ ﺟﻨﺖ ﺍﺣﺲ ﺑﺤﻀﻨﻬﻪ ﺍﻟﺪﺍﻓﻲ ﺍﻟﺤﺒﻮﺑﺘﻲ ...... ﺟﻨﺖ ﺣﻴﻞ ﻣﺸﺘﺎﻕ ﺍﻟﺤﻀﻨﻬﻪ .... ﻭﺍﻟﺮﻳﺤﺘﻬﻪ ....
ﻓﺘﺤﺖ ﻋﻴﻨﻲ ﻣﻮﺟﻮﻉ ﻭﺍﻟﺪﻧﻴﺎ ﺗﻔﺘﺮ ﺑﻴﻪ ﻓﺮ
ﻣﺎﺍﺣﺲ ﺍﻟﻪ ﺣﻤﺼﻪ ﻓﻮﻙ ﺭﺍﺳﻲ
ﺣﻤﺼﻪ - ﻫﺎ ﻋﺎﺭ ..... ﻣﻮ ﺍﻛﻠﻬﻢ ﻟﺘﺨﺎﻓﻮﻥ ﻫﺬﺍ ﻋﺎﺭ ﻣﻴﻤﻮﺕ
ﺷﺎﻫﻴﻦ - ﻫﺎ ﺧﻀﻴﺮﺭﺭ ﻭﻟﻚ ﺍﻟﺤﻤﺪﻟﻠﻪ ﻋﻠﻰ ﺍﻟﺴﻼﻣﻪ ﻓﻀﺤﺘﻨﺎ ﻓﻀﻴﺤﻪ ﺳﻮﺩ ﺍﻟﻠﻪ ﻭﺟﻬﻚ .....
ﺣﻤﺼﻪ - ﺧﺎﻳﺐ ﺑﻌﺪ ﺧﺎﻟﻚ ﺷﻨﻬﻲ ﻋﺎﺟﺒﺘﻚ ﺷﻐﻠﻪ ﺳﺤﺎﻗﻴﻴﻦ ﻭﻳﺎﻫﻮ ﺍﻟﺸﺎﻳﻔﻪ ﺗﻜﻠﻪ ﺳﺤﺎﺍﺍﺍﻗﻲ ﺍﺑﻦ ﺍﻡ ﺍﻟﺴﺤﺎﻗﻴﻪ ﻫﺎ ﻭﻟﻚ ﺧﺎﻑ ﻋﺬﺭﺍﺀ ﺿﺎﻟﻪ ﺑﻨﻔﺴﻚ
ﻋﻠﻲ - ﻣﻨﻮ ﻋﺬﺭﺍﺀ ﻫﺎﻱ .... ﺷﻤﺴﻮﻳﻦ ﺑﺪﻭﻧﻲ
ﺷﺎﻫﻴﻦ - ﻃﺎﺡ ﺣﻈﻜﻢ ﺍﻱ ﻭﺍﻟﻠﻪ ﺷﻠﻮﻥ ﻣﺠﻤﻮﻋﻪ ﺗﺎﻓﻬﻪ ﻧﺎﻗﺼﻜﻢ ﻋﺰﻭﺯ ﻭﺭﺍﺷﺪ ﻭﺗﻜﻤﻞ ﺑﻌﺪ
ﺣﻤﺼﻪ - ﻭﻟﻚ ﻋﻠﻴﻮﻱ ﻣﻮ ﺑﺲ ﻋﺬﺭﺍﺀ ﻓﺎﻳﺘﻚ ..... ﻭﻓﺎﺗﺘﻚ ﺷﻮﺷﻪ ﻫﻢ ........ ﻳﺎ ﺷﻮﺷﻪ ﻳﺎ ﺷﻮﺷﻪ
ﺷﺎﻫﻴﻦ _ ﻭﺍﻟﻠﻪ ﺍﻟﻴﺤﺠﻲ ﺑﻬﺎﻱ ﺍﻟﺴﺎﻟﻔﻪ ﻭﻳﺘﺸﺎﻗﻰ ﺍﻟﻪ ﺍﻣﻠﺺ ﺍﺫﺍﻧﺎﺗﻪ ...
ﻋﻠﻲ - ﻟﻚ ﻫﺬﺍ ﺧﻀﺮ ﺧﻄﻴﺮ ... ﺍﻡ ﺗﻚ ﻭﺗﻚ ... ﻣﻔﺘﻬﻤﺖ ﺣﺬﺍﺀ ﻭﺿﺎﻳﻌﻪ ﻣﻨﻪ ﺍﻟﻔﺮﺩﻩ ﻭﺑﺎﻗﻴﻪ ﺗﻚ ﻟﻮ ﺷﻨﻮ ﺍﻟﻤﻮﺿﻮﻉ ﺍﻇﺎﻫﺮ ﻓﺎﻳﺘﻨﻲ ﻫﻮﺍﻱ
ﺧﻀﺮ - ﻛﻮﻩ ﻃﻠﻊ ﺻﻮﺗﻲ .... ﺷﺎﻫﻴﻦ .... ﻣﺴﻤﻌﻨﻲ ﺑﺎﻥ ﺟﺎﻧﻮ ﻣﻨﺪﻣﺠﻴﻦ ﺑﺎﻟﻜﻼﻡ ﺭﺟﻌﺖ ﻣﺮﻩ ﺛﺎﻧﻴﻪ ... ﺷﺎﻫﻴﻦ ﻭﺻﻮﺕ ﺣﻤﺼﻪ ﻋﺎﻟﻲ
ﺣﻤﺼﻪ - ﺷﻮﻭﺷﻪ ﻳﺮﻭﺣﻲ ﻣﻴﻠﻮﻛﺞ ﺍﻟﺘﻌﺼﻴﺐ ﻳﻤﻪ ﺭﺣﺖ ﻓﺪﺩﻭﻩ ﺍﻟﻬﻠﻮﺟﻪ ﺍﻻﺳﻮﺩ
ﺷﺎﻫﻴﻦ - ﺷﻠﻮﻥ ﻳﺮﻳﺪ ﺍﺭﺗﻜﺐ ﺟﺮﻳﻤﻪ ﺑﻲ ﻫﺬﺍ ﺍﻟﺤﻴﻮﺍﻥ
ﺧﻀﺮ - ﺟﻨﺖ ﺍﺑﺎﻭﻉ ﻋﻠﻴﻬﻢ ﺑﺲ ﻣﻮ ﻳﻤﻬﻢ ﺍﺣﺲ ﻧﻔﺴﻲ ﺿﺎﻳﻊ .... ﻛﻠﺸﻲ ﺍﻟﻲ ﺍﺭﻳﺪﻩ ﻳﺮﻭﺡ ﻣﻨﻲ .... ﻳﺎﺭﻳﺘﻨﻲ ﻟﻮ ﻣﻴﺖ ﺑﻬﺎﻱ ﺍﻟﻄﻠﻘﻪ .... ﺭﺍﺡ ﺍﺩﺧﻞ ﺍﻟﺴﺠﻦ ﻭﻛﻠﺸﻲ ﺭﺩﺗﻪ ﻣﺼﺎﺭ ﻭﻣﻴﻤﻮﻧﻪ ﻛﺒﺎﻝ ﻋﻴﻨﻲ ﻣﺎﺍﻋﺮﻑ ﻭﻳﻦ ﺭﺍﺣﺖ ... ﺷﺎﻫﻴﻴﻴﻦ
ﺩﺍﺭ ﻋﻠﻴﻪ ﻭﺗﻘﺮﺏ ﻳﻤﻲ ...... ﻭﺩﻧﻚ ﻫﺎ ﺧﻀﻴﺮﻩ ﺧﻮﻣﺎ ﻣﻮﺟﻮﻉ
ﺧﻀﺮ - ﻣﻴﻤﻮﻧﻪ ﺍﺧﺘﻔﺖ
ﺷﺎﻫﻴﻦ - ﺑﻌﺪﻙ ﺗﺤﺖ ﺗﺄﺛﻴﺮ ﺍﻟﺒﻨﺞ ﻭﻟﻚ ﺷﺨﺒﺼﺘﻨﺎ ﺑﻤﻴﻤﻮﻧﻪ ﺣﺘﻰ ﺍﻟﻤﻴﻌﺮﻑ ﻋﺮﻑ ﺍﻧﺖ ﺗﺤﺐ ﻭﺣﺪﻩ ﺍﻡ ﺗﻚ ﻭﺗﻚ
ﺧﻀﺮ - ﺭﺍﺡ ﻳﺴﺠﻨﻲ ﺧﺎﻟﺪ ﺍﻛﻴﺪ .... ﺩﻭﺭ ﻋﻠﻰ ﻣﻴﻤﻮﻧﻪ ﺷﺎﻫﻴﻦ ﻳﻜﺘﻠﻮﻫﻪ ﻋﻤﺎﻣﻬﻪ
ﺷﺎﻫﻴﻦ - ﻟﻴﺶ ﻣﻴﻤﻮﻧﻪ ﻣﻮ ﻳﻤﻚ ﺍﻧﺖ ﺗﻌﺮﻑ ﻣﻜﺎﻧﻬﻪ
ﺧﻀﺮ - ﺍﻧﻲ ﻃﺮﺩﺗﻬﻪ ﻭﺍﺧﺘﻔﺖ
ﺩﻧﻚ ﺣﻤﺼﻪ .... ﻃﺮﺩﺕ ﻣﻨﻮ ﻭﻟﻚ
ﺑﻬﺎﻟﻠﺤﻈﻪ ﺩﺧﻞ ﺧﺎﻟﺪ
...
ﺧﺎﻟﺪ - ﺷﻜﺎﺍﺍﻋﺪ ﺗﺴﻮﻭﻭﻥ ﻓﻮﻙ ﺭﺍﺳﻪ ﻣﻦ ﻛﻞ ﻋﻘﻠﻜﻢ ﺍﻧﺘﻮ
ﻭﺻﺎﺭ ﻓﻮﻙ ﺭﺍﺳﻲ ﺭﻓﻌﺖ ﻋﻴﻨﻲ ﻋﻠﻲ ﺩﻧﻚ ﺗﻘﺮﺏ ﻣﻨﻲ
ﺧﺎﻟﺪ - ﺑﻌﺪﻳﻦ ﺣﺴﺎﺑﻲ ﻭﻳﺎﻙ ﺧﻀﺮﺭﺭ
ﺧﻀﺮ - ﺭﺩﺕ ﺍﺣﺠﻲ ﻛﺤﻴﺖ ﻻﻥ ﻣﺨﺘﻨﻚ ... ﺳﻜﺘﻨﻲ
ﺧﺎﻟﺪ - ﺍﻋﺮﻑ ﺍﻟﻲ ﺗﺮﻳﺪ ﺗﺤﺠﻲ ... ﺭﺍﺡ ﺗﻜﻠﻲ ﺍﻧﺖ ﺍﻟﺴﺒﺐ ﺑﻜﻠﺸﻲ .... ﺻﺪﻛﻨﻲ ﺭﺍﺡ ﺗﺘﻨﺪﻡ ﺑﻌﺪﻳﻦ ﻭﺗﻜﻮﻝ ﻳﺎﺭﻳﺖ ﺳﻤﻌﺖ ﻛﻼﻣﻚ ﻳﺎ ﺧﺎﻟﺪ
ﻭﺩﺍﺭ ﻋﻠﻰ ﺍﻟﻮﻟﺪ ..... ﻃﻠﻌﻮﻭﻭ ﺑﺮﻩ ﺍﺭﻳﺪ ﺍﺣﺠﻲ ﻭﻳﺎ
ﺧﺎﻟﺪ - ﺧﻀﺮﺭﺭ ﻭﻳﻦ ﺍﻟﺒﻨﻴﻪ ﺍﻟﻲ ﺍﻧﻬﺰﻣﺖ ﻭﻳﺎﻙ
ﺧﻀﺮ - ﺑﺎﻭﻋﺖ ﻋﻠﻲ .... ﻟﻴﺶ ﺗﺴﺄﻝ ﺧﺎﻟﺪ ﻋﻠﻴﻬﻪ
ﺧﺎﻟﺪ - ﺧﻄﻔﺘﻬﻪ ﻟﻮ ﻫﻴﻪ ﺍﻧﻬﺰﻣﺖ ﻭﻳﺎﻙ ﻭﻭﻳﻨﻬﻪ
ﺧﻀﺮ - ﺍﻧﻲ ﺧﻄﻔﺘﻬﻪ ﻭﺍﻧﻲ ﺟﺒﺮﺗﻬﻪ ﺗﺘﺰﻭﺝ ﻣﻨﻲ
ﺧﺎﻟﺪ - ﺗﺰﺯﻭﺟﺘﻬﻪ
ﺧﻀﺮ - ﺍﻱ
ﺧﺎﻟﺪ - ﻭﻳﻨﻬﻪ ﻭﺍﺫﺍ ﺗﺮﻳﺪ ﺗﺘﺰﻭﺝ ﺣﻀﺮﺓ ﺟﻨﺎﺑﻚ ﻟﻴﺶ ﻣﺘﺤﺠﻲ ﻧﺰﻭﺟﻚ .... ﺭﺣﺖ ﺍﻧﻬﺰﻣﺖ ﻣﻦ ﻳﻮﻣﻬﻪ ﻭﺍﺩﻭﺭ ﻋﻠﻴﻚ ﺍﻟﻜﻪ ﺳﻴﺎﺭﺗﻚ ﻣﺸﻤﻮﺭﻩ ﺑﺎﻟﺸﺎﺭﻉ ﺑﺪﻭﻧﻚ ﻭﺗﺘﻔﻖ ﻭﻳﻪ ﺫﻭﻟﻲ ﺍﻟﻄﺎﻳﺢ ﺣﻈﻬﻢ ﻣﻦ ﺷﺎﻫﻴﻦ ﺍﻝ ﺣﻤﺼﻪ ﻳﺸﻮﻓﻮﻧﻲ ﺍﺩﻭﺭ ﻋﻠﻴﻚ ﻭﻣﺤﺪ ﺑﻴﻬﻢ ﻳﺤﺠﻲ .... ﺍﻧﺖ ﻣﺨﺒﻞ ﻭﺍﻟﻠﻪ ﻣﻮﻭﻭ ﺻﺎﺣﻲ ..... ﺳﻮﻳﺘﻨﻲ ﻋﺪﻭ ﺍﻟﻚ ﺑﺲ ﻻﻥ ﺍﺭﻳﺪ ﺍﺣﻤﻴﻚ
ﻣﺨﺒﻞ ﺍﻧﺖ .... ﻟﻚ ﺑﺎﺑﺎ ﺍﻧﺖ ﻟﻴﺶ ﻣﺘﻔﻜﺮ ﺑﻌﻘﻞ ﻓﻬﻤﻨﻲ
ﺍﻧﺖ ﻟﻮ ﻣﻮ ﻣﻬﻢ ﻋﻨﺪﻱ .... ﺍﻧﻲ ﻣﺮﺑﻴﻚ ﺍﻧﺖ ﺣﺎﻟﻚ ﺣﺎﻝ ﺍﺧﻮﺍﻧﻲ ﻭﻭﻟﺪﻱ .... ﻟﻚ ﻛﻠﺒﻚ ﻣﺄﺫﺍﻙ ﻋﻠﻴﻪ ﻭﺍﻧﺖ ﺗﺴﻮﻳﻨﻲ ﻋﺪﻭ ﺍﻟﻚ
ﻭﻳﻦ ﺍﻟﺒﻨﻴﻪ ...... ﺍﺣﺠﻲ
ﺧﻀﺮ - ﻃﺮﺩﺗﻬﻪ
ﺧﺎﻟﺪ - ﻟﻴﺶ ﻃﺮﺩﺗﻬﻪ ﺍﺫﺍ ﺍﺧﺬﺗﻬﻪ ﻣﻦ ﺍﻫﻠﻬﻪ ﻭﺗﺰﻭﺟﺘﻬﻪ ﻟﻚ ﺧﻀﺮ ﺍﻧﺖ ﺷﻨﻮ ﺻﺎﻳﺮ .... ﺍﻧﻔﻀﺤﻮ ﺍﻫﻠﻬﻪ ﺍﺑﻮﻫﻪ ﻣﻨﻴﻤﻲ ﻋﻞ ﻗﺒﻠﻪ ﺍﻣﻬﻦ ﻣﺘﻮﻓﻴﻪ ﻭﺍﺧﺘﻬﻪ ﻛﺎﻟﺖ ﺑﺴﺒﺒﻚ ﻣﺎﺗﺖ ﺍﻣﻬﻦ ... ﻣﻌﻘﻮﻟﻪ ﺍﻧﺖ ﺧﻀﺮ ﻣﻜﺎﻋﺪ ﻳﺴﺘﻮﻋﺐ ﻋﻘﻠﻲ ... ﺍﻋﺮﻑ ﺑﻴﻚ ﺣﻴﻮﺍﻥ ﺑﺲ ﻣﺘﻮﻗﻌﺖ ﺣﻴﻮﻧﺘﻚ ﺍﻟﻬﺎﻱ ﺍﻟﺪﺭﺟﻪ
ﺍﺧﺬ ﻧﻔﺲ ﻭﻃﻠﻊ ﻣﻮﺑﺎﻳﻠﻪ ... ﻭﺍﻧﻲ ﺍﺑﺎﻭﻉ ﻋﻠﻲ ﻣﺮﺩﺕ ﺍﻛﻠﻪ ﺍﻟﺒﻴﻨﻲ ﻭﺑﻴﻦ ﻣﻴﻤﻮﻧﻪ ﻭﻟﻴﺶ ﻃﺮﺩﺗﻬﻪ ﺭﺩﺗﻪ ﻳﻠﻜﺎﻫﻪ ﻭﻳﻪ ﺷﺎﻫﻴﻦ .... ﺍﻋﺮﻑ ﻳﻜﺪﺭ ﻳﺤﻤﻴﻬﻪ ﻣﻦ ﻋﻤﺎﻣﻬﻪ ﻋﻞ ﺍﻗﻞ ﺑﻴﻦ ﻣﺎﺍﺗﺄﻛﺪ
ﺧﺎﻟﺪ - ﻫﺎﻙ ﺍﺣﺠﻲ ﻭﻳﻪ ﺣﺒﻮﺑﻪ ﻃﻤﻨﻬﻪ ﻋﻠﻴﻚ
ﺧﻀﺮ - ﺍﺧﺬﺕ ﺍﻟﻤﻮﺑﺎﻳﻞ ﻣﻨﻪ ..... ﻭﺣﺠﻴﺖ ﻭﻳﺎﻫﻪ ﻭﻃﻤﻨﺘﻬﻪ ﻋﻠﻰ ﻭﺿﻌﻲ ..... ﺑﻘﻴﺖ ﺑﻴﻮﻣﻬﻪ ﺑﺎﻟﻤﺴﺘﺸﻔﻰ ﻭﺧﺎﻟﺪ ﻣﻌﺎﻓﻨﻲ ﻛﺎﻋﺪ ﻳﻤﻲ ﻋﺒﺎﻟﻪ ﺍﻧﻬﺰﻡ ﻭﺻﺪﻙ ﻟﻮ ﻣﻮ ﻓﻮﻙ ﺭﺍﺳﻲ ﺍﻛﻴﺪ ﺯﻭﺝ ﺍﻟﻴﺒﻘﻪ .... ﻣﺎﺍﻋﺮﻑ ﺷﻨﺎﻭﻳﻠﻲ ﻛﻌﺪﺕ ﺑﺎﻟﺨﻤﺴﻪ ﺍﻟﺼﺒﺢ ﻻﻥ ﺟﺎﻧﻮ ﻣﻨﻄﻴﻨﻲ ﻣﺴﻜﻨﺎﺕ ﻭﺑﻴﻬﻦ ﻣﻨﻮﻡ ﻋﻠﻤﻮﺩ ﺍﻟﻮﺟﻊ ﺑﺲ ﻓﺰﻳﺖ ﻋﻠﻰ ﻛﻼﻡ ﺧﺎﻟﺪ ﻭﻫﻮ ﻳﺮﺯﻝ ﺑﺸﺎﻫﻴﻦ
ﺧﺎﻟﺪ - ﺑﺲ ﺍﺭﺭﺭﻳﺪ ﺍﻋﺮﻑ ﺍﻧﺖ ﺷﻠﻮﻥ ﺗﻤﺸﻲ ﻭﺭﺍﻫﻢ ﺍﻧﺖ ﻋﺸﺘﻮﻭﻭﻭﺭ ﺍﻟﻌﺎﻗﻞ
ﺷﺎﻫﻴﻦ - ﺧﺎﻟﺪ ﺍﻧﻲ ﺗﻤﺎﺷﻴﺖ ﻭﻳﺎ ﻻﻥ ﺧﻀﺮ ﻣﻮ ﺑﻌﻘﻠﻪ
ﻭﺻﺮﺍﺣﻪ ﻣﺎﺍﻋﺮﻑ ﺑﺸﻨﻮ ﺗﻔﻜﺮ ﻭﻫﻮ ﺧﻄﻒ ﺍﺑﻨﻚ
ﺧﺎﻟﺪ - ﻟﻚ ﺑﺎﺑﺎ ﻫﺬﺍ ﺍﺧﻮﻳﻪ ﺍﻧﺖ ﺷﻌﺒﺎﺑﻚ ﻋﺰﻭﺯ ﻭﺭﺍﺷﺪ ﻣﺎﺍﻛﺪﺭ ﺍﻃﻠﻌﻬﻢ ﻣﻦ ﺍﻟﺴﺠﻦ ﺍﻛﺪﺭ ﺑﺲ ﺍﻧﻲ ﻣﺘﻘﺼﺪ ﻣﺒﻘﻴﻬﻢ ﺫﻭﻻﻙ ﺍﺧﺒﻞ ﺛﻨﻴﻦ ﻳﻤﺸﻮﻥ ﻭﻳﺎ ﺑﺪﻭﻥ ﻋﻘﻞ ﺑﻘﻴﺘﻬﻢ ﺑﺎﻟﺴﺠﻦ ﻭﻣﺮﺗﺎﺡ ﻛﻠﺖ ﻫﺴﻪ ﻳﻔﺘﺮ ﻳﺨﻠﺺ ﻓﻠﻮﺳﻪ ﻭﻣﻴﻠﻜﻪ ﻣﻜﺎﻥ ﻭﻳﺮﺟﻊ .... ﺗﻄﻠﻊ ﺍﻧﺖ ﺷﺎﻫﻴﻦ ﺗﺴﺎﻋﺪﻩ ﻭﺍﻟﻠﻪ ﻣﻦ ﻋﺮﻓﺖ ﺍﻟﺤﺪ ﻫﺎﻱ ﺍﻟﻠﺤﻈﻪ ﻣﺼﺪﻭﻡ ﺑﻴﻚ ﺍﻛﺜﺮ ﻭﺍﺣﺪ
ﺑﻠﻠﻪ ﺣﻤﺼﻪ ﻭﺍﺣﺪ ﻃﺎﻳﺢ ﺣﻈﻪ ﻣﺎﻋﻨﺪﻩ ﻋﻘﻞ ﺗﻮﻗﻌﺘﻬﻪ ﺑﺲ ﺗﺪﺭﻱ ﻟﻮ ﻣﻮ ﺍﻧﺖ ﺣﻤﺼﻪ ﻣﺎﻟﻪ ﻋﻼﻗﻪ ﺑﺨﻀﺮ ﻫﻢ
ﺑﺲ ﺍﻟﻲ ﻣﺪﻭﺧﻨﻲ ﺷﻠﻮﻥ ﺗﺰﻭﺟﻬﻪ ﺧﻀﺮ
ﺷﺎﻫﻴﻦ - ﺧﺎﻟﺪ ﺷﺒﻴﻚ ﻣﻮ ﺗﻌﺮﻑ ﻣﺎﻋﺪﻫﻪ ﻭﻟﻲ ﺍﺑﻮﻫﻪ ﻳﻌﺘﺒﺮ ﻣﻴﺖ
ﺧﺎﻟﺪ - ﺍﻱ ﻭﺍﻧﺘﻮ ﻫﻴﺞ ﺳﻴﻄﺮﺗﻮﺍ ﺍﻧﺖ ﺍﻟﻤﺘﺪﻳﻦ ﻣﻔﻜﺮﺕ ﺑﺴﻤﻌﺔ ﺍﻟﻌﺎﺋﻠﻪ ﻟﻮ ﺍﻟﺒﻨﻴﻪ ﻋﻤﺮﻫﻪ ١٩ﺳﻨﻪ ﻭﺍﻫﻠﻬﻪ ﻳﺮﻳﺪﻭﻥ ﻳﺬﺑﺤﻮﻫﻪ ﻭﻫﻴﻪ ﻣﺎﻛﻮ ﺑﺮﻛﺒﺔ ﻣﻨﻮ ﻫﺎﻱ ﺍﻟﺒﻨﻴﻪ
ﺍﻧﻲ ﺍﺧﺘﺼﺮﻟﻚ ﺷﺎﻫﻴﻦ ﺫﻧﺐ ﻫﺎﻱ ﺍﻟﺒﻨﻴﻪ ﺑﺮﻛﺒﺘﻚ ﺍﻟﻚ
ﺷﺎﻫﻴﻦ - ﻫﻴﻪ ﻣﻮﺍﻓﻘﻪ ﻟﻴﺶ ﺑﺮﻛﺒﺘﻲ ﺍﻧﻲ ﺑﺲ ﺻﺮﺕ ﺷﺎﻫﺪ ﻭﺑﻌﺪﻳﻦ ﺧﻀﺮ ﻟﻴﺶ ﻳﻄﺮﺩﻫﻪ
ﺧﺎﻟﺪ - ﻻﻥ ﺍﻇﺎﻫﺮ ﺧﻀﺮ ﺻﺎﻳﺮ ﺳﺎﻗﻂ ﻭﺍﺧﺬ ﻟﻠﻲ ﻳﺮﻳﺪﻩ ﻣﻨﻬﻪ ﻭﻋﺎﻓﻬﻪ ﻫﺬﺍ ﺍﻟﻲ ﻓﻬﻤﺘﻪ
ﺷﺎﻫﻴﻦ - ﺍﺫﺍ ﻫﻴﺞ ﻏﻴﺮ ﺍﻧﻲ ﺍﻣﻮﺗﻪ ﺑﻴﺪﻱ ﻭﺍﻟﻠﻪ ....... ﺍﻧﻲ ﺟﺎﺭﻳﺘﻪ ﻭﻣﺸﻴﺖ ﻋﻠﻰ ﻣﺎﻳﻪ ﻛﻠﺖ ﺑﻠﻜﺖ ﻳﺤﺒﻬﻪ ﺻﺪﻙ ﻭﻳﺘﻐﻴﺮ ﻋﻠﻤﻮﺩﻫﻪ
ﺧﺎﻟﺪ - ﺍﺳﻜﺖ ﺷﺎﻫﻴﻦ ﺍﺣﺴﻦ ﺍﺳﻜﺖ
ﺧﻀﺮ - ﺟﻨﺖ ﺍﺳﻤﻊ ﺍﻟﻬﻢ ... ﻭﺍﻛﻮﻝ ﺑﻜﻠﺒﻲ ﻳﺎﺭﻳﺖ ﻟﻮ ﺍﻧﻲ ﻛﻠﺐ ﻭﻧﺬﻝ ﻭﻻ ﻣﺼﺪﻭﻡ ﺑﻤﻴﻤﻮﻧﻪ ...
ﺑﻘﻴﺖ ﻣﻐﻤﺾ ﻋﻴﻨﻲ ﺷﻮﻳﻪ ﻭﻓﺘﺤﺘﻬﻦ ﻟﻜﻴﺖ ﺧﺎﻟﺪ ﻣﺘﻤﺪﺩ ﻋﻞ ﺗﺨﻢ ﺟﺎﻧﺖ ﺍﻟﻐﺮﻓﻪ ﺑﻴﻬﻪ ﺗﺨﻢ ﻭﺳﺮﻳﺮ ﻻﻥ ﻣﺴﺘﺸﻔﻰ ﺭﺍﻗﻴﻪ ﺍﻭﻝ ﻣﻔﺘﺤﺖ ﻋﻴﻨﻲ ﺗﻘﺮﺏ ﺷﺎﻫﻴﻦ ﻋﻠﻴﻪ . ﻭﺩﻧﻚ ﻭﻫﻤﺲ
ﻟﻴﺶ ﻃﺮﺩﺕ ﻣﻴﻤﻮﻭﻭﻧﻪ ﺧﻀﺮﺭﺭﺭ ﻣﻌﻘﻮﻟﻪ ﺟﻨﺖ ﺑﺲ ﺗﺮﻳﺪ ﺗﺸﺒﻊ ﻏﺮﻳﺰﺗﻚ ... ﺍﻧﺖ ﺍﻛﺜﺮ ﻣﻦ ﻣﺮﻩ ﺑﻴﻨﺘﻦ ﺗﺸﺘﻬﻲ ﻗﺰﺏ ﻫﺎﻱ ﺍﻟﺒﻨﻴﻪ ... ﺍﺫﺍ ﻫﻴﺞ ﺍﻧﻲ ﺑﻴﺪﻱ ﺭﻭﺣﻚ ﺍﻃﻠﻌﻬﻪ
ﺧﻀﺮ - ﻻﺯﻡ ﺗﻠﻜﺎﻫﻪ ﺷﺎﻫﻴﻦ ﺩﻭﺭﺕ ﻋﻠﻴﻬﻪ ﻣﺎﻟﻬﻪ ﺍﺛﺮ
ﺷﺎﻫﻴﻦ - ﻟﻴﺶ ﻃﺮﺩﺗﻬﻪ ﻟﻌﺪ
ﺧﺎﻟﺪ — ﺷﻜﺎﻋﺪ ﺗﺤﺠﻮﻥ ﺍﻧﺘﻮ ﺍﻻﺛﻨﻴﻦ .... ﺑﻌﺪ ﻣﺎﺍﺭﺗﺎﺡ ﺍﻟﻜﻢ ﺍﺛﻨﻴﻨﻜﻢ ﻣﻦ ﺗﻨﺠﻤﻌﻮﻥ .... ﺍﺣﻮ ﺷﻲ ﺿﺎﻣﻪ ﻋﻠﻴﻪ ﺧﻀﺮ
ﺧﻀﺮ - ﻻ ... ﺭﺍﺡ ﺗﺪﻭﺭ ﻋﻠﻰ ﻣﻴﻤﻮﻧﻪ
ﺧﺎﻟﺪ - ﺍﻧﺖ ﻣﻮ ﻃﺮﺩﺗﻬﻪ ﺷﻜﻮ ﺑﻌﺪ ﺗﺴﺄﻝ ﻋﻠﻴﻬﻪ ﻭﺗﺪﻭﺭ ﻋﻠﻴﻬﻪ ﺑﻌﺪ ﻫﺎﻱ ﺍﻻﺟﺮﺍﺀﺍﺕ ﺍﻧﺖ ﻟﺘﺪﺩﺧﻞ ﺑﻴﻬﻪ
ﺧﻀﺮ - ﺭﺍﺡ ﺗﺴﺠﻨﻲ
ﺧﺎﻟﺪ - ﺍﻛﻴﺪ ﺗﺎﺧﺬ ﺟﺰﺍﺋﻚ ﻭﺑﻠﻜﺖ ﻋﻘﻠﻚ ﻳﺮﺟﻊ ﺍﻟﺮﺍﺳﻚ
ﻣﺎﺍﺣﺲ ﺍﻟﻪ ﻛﻠﺒﺶ ﺍﻳﺪﻱ ﺑﺎﻟﺠﺮﺑﺎﻳﻪ ..... ﻭﻛﺎﻝ ﺍﻧﻲ ﺭﺍﻳﺢ ﻫﺴﻪ
ﺩﻳﺮ ﺑﺎﻟﻚ ﺗﺤﺎﻭﻝ ﺗﻔﺘﺤﻬﻪ ﻻﻥ ﺍﻛﻮ ﺑﺎﺏ ﻏﺮﻓﺘﻚ ﻣﺨﻠﻴﻠﻚ ﺟﻴﺶ ﻛﺎﻣﻞ ﻭﺍﻧﺖ ﺷﺎﻫﻴﻦ ﺑﻌﺪ ﻣﺎﺍﺳﻤﺤﻠﻚ ﺗﺠﻲ ﻫﻨﺎ
ﺷﺎﻫﻴﻦ - ﺻﺪﻙ ﺗﺤﺠﻲ
ﺧﺎﻟﺪ - ﻧﻌﻢ ﺻﺪﻙ ﺍﺣﺠﻲ .... ﻭﺍﺫﺍ ﺷﻔﺘﻚ ﻣﺮﻩ ﺛﺎﻧﻴﻪ ﻳﻤﻪ .... ﺍﺛﻨﻴﻨﻜﻢ ﺍﺩﺧﻠﻜﻢ ﺍﻟﺴﺠﻦ
ﺷﺎﻫﻴﻦ - ﺧﺎﻟﺪ ﺍﻧﺖ ﺷﻨﻮ ﺗﻬﺪﺩﻧﻪ ﺑﻤﻨﺼﺒﻚ ﻳﻌﻨﻲ
ﺧﺎﻟﺪ - ﺷﺘﺮﻳﺪ ﺗﻔﻬﻤﻬﻪ ﺍﻓﻬﻤﻬﻪ ..... ﻭﺍﻟﻠﻪ ﺍﻟﻲ ﻳﻮﺻﻞ ﻳﻢ ﺧﻀﺮ ﺑﻌﺪ ﻣﻴﻠﻮﻡ ﺍﻟﻪ ﻧﻔﺴﻪ
ﺷﺎﻫﻴﻦ - ﺍﺭﻳﺪ ﺍﻓﺘﻬﻢ ﻣﻨﻪ ﻏﻴﺮ ﺍﺭﻳﺪ ﺍﻋﺮﻑ ﺍﻟﺒﻨﻴﻪ ﻭﻳﻦ ﺭﺍﺣﺖ
ﺧﺎﻟﺪ - ﻣﻮ ﺷﻐﻠﻚ ﻫﺬﺍ ﺷﻐﻠﻲ ﺍﻧﻲ ﺍﺭﺟﻊ ﻟﻠﻤﺤﻞ ﻭﺍﻛﻌﺪ ﺑﻲ ﻻﻥ ﻫﺬﺍ ﺷﻐﻠﻚ ﺍﻧﺖ . ﻭﻫﺎ ﻣﺘﺪﺭﻱ ﺍﻧﺖ ﺑﻌﺪﻙ ﺷﺎﻫﻴﻦ ﺳﻼﺣﻴﻦ ﻣﻦ ﻛﻨﺘﻮﺭﻙ ﺍﺧﺬﺗﻬﻦ ﻭﺍﺫﺍ ﺷﻔﺖ ﻋﻨﺪﻙ ﺳﻼﺡ ﺑﻌﺪ ﻟﻮ ﺍﺷﻢ ﺧﺒﺮ ﻣﻴﺼﻴﺮ ﺧﻴﺮ
ﺷﺎﻫﻴﻦ - ﺧﺎﻟﺪ ﺍﻧﺖ ﻛﺎﻋﺪ ﺗﺘﺸﺎﻗﻰ ﻭﻳﺎﻱ ﺍﻛﻴﺪ ... ﺷﻠﻮﻥ ﺩﺗﺤﺠﻲ ﻭﻳﺎﻱ ﻫﻴﺞ
ﺧﺎﻟﺪ - ﺍﻧﺖ ﻭﺧﻀﺮ ﻭﻋﺰﻭﺯ ﻭﻋﻼﻭﻱ ﻭﺳﻠﻤﺎﻥ ﺍﻧﻲ ﻣﺴﺆﻝ ﻋﻠﻴﻜﻢ ﻳﻌﺠﺒﻜﻢ ﺍﻫﻼً ﻭﺳﻬﻼً ﻭﺍﻟﻤﻴﻌﺠﺒﻪ ﻳﺮﻛﻊ ﺭﺍﺳﻪ ﺑﺎﻟﺤﺎﻳﻂ ﺍﻟﻬﻨﺎ ﻭﺑﺲ
ﺷﺎﻫﻴﻦ - ﻫﺬﺍ ﺍﻟﺤﺠﻲ ﻣﻮ ﺍﻟﻴﻪ ﺧﺎﻟﺪ
ﺧﺎﻟﺪ - ﺍﻟﻚ ﻫﻢ ﻻﻥ ﺍﻇﺎﻫﺮ ﺍﻧﺖ ﺣﺎﻟﻚ ﺣﺎﻟﻬﻢ ﻫﻢ ﻣﺘﻌﺮﻑ ﺗﺘﺼﺮﻑ ﻭﻣﺎﺷﻴﻦ ﻭﺭﻩ ﺧﻀﺮ ﺍﻟﺰﻋﻄﻮﻁ ﺍﻟﻲ ﻣﺎﻋﻨﺪﻩ ﻋﻘﻞ
ﺧﻀﺮ - ﺳﺎﻟﻤﻴﻦ
ﺧﺎﻟﺪ - ﺍﺍﺍﺍﺍﻧﺠﺐ ﻟﻚ ﻣﺘﺤﺠﻲ ﻭﻻ ﺣﺮﻑ ﺍﺍﺍﺍﻧﺖ
ﺧﻀﺮ - ﺑﺎﻭﻋﺖ ﺍﻟﺸﻬﺎﻳﻦ ﻛﻠﺶ ﺿﺎﺝ ﺑﺲ ﻣﻴﻜﺪﺭ ﻳﺤﺠﻲ ﺧﺎﻟﺪ ﺍﻛﺒﺮ ﺍﻻﺣﻔﺎﺩ ﻭﻭﻭﻟﺪ ﻋﻤﻨﻪ ﺍﻟﺒﺎﻗﻴﻦ ٣ ﺍﻟﻜﺒﺎﺭ ﺑﻌﻤﺮ ﺧﺎﻟﺪ ﺳﻮﻭ ﺣﺎﺩﺙ ﺳﻮﻩ ﺑﻄﺮﻳﻖ ﺍﻟﻨﺠﻒ ﻣﻦ ﺭﺍﺟﻌﻴﻦ ﺟﺎﻧﻮ ﺭﺍﻳﺤﻴﻦ ﺩﻓﺎﻧﻪ ﻭﺍﻟﺴﻴﺎﺭﻩ ﻛﻠﻬﻪ ﺍﻧﮕﻠﺒﺖ ﺑﺎﻟﺮﺟﻌﻪ ﻭﺗﻮﻓﻮﺍ
ﺑﻘﻴﺖ ﻳﻮﻣﻴﻦ ﺑﺎﻟﻤﺴﺘﺸﻔﻰ ﻣﺸﺎﻳﻒ ﻭﻻ ﻭﺍﺣﺪ ﺑﻴﻬﻢ .... ﺍﻋﺼﺎﺑﻲ ﻣﻨﻬﺎﺭﻩ ﻛﻠﺶ ﺑﺲ ﺧﺎﻟﺪ ﻭﻳﺠﻲ ﻳﺴﻤﻌﻨﻲ ﻛﻢ ﻛﻠﻤﻪ ﺗﻨﺮﻓﺰﻧﻲ ﻭﺑﺎﻗﻲ ﺍﻧﻲ ﻭﺍﻟﺠﻨﺪﻱ ﻛﺎﻋﺪﻳﻦ ﻧﺴﻮﻟﻒ
ﺟﺎﻥ ﺍﺳﻤﻪ ﻣﺼﻄﻔﻰ
ﻣﺼﻄﻔﻰ - ﻭﺍﻟﻠﻪ ﺍﺷﺘﻬﻴﺖ ﺍﻟﺠﻜﺎﺭﻩ
ﺧﻀﺮ - ﻣﺘﺪﺧﻦ ﺍﺣﺪ ﻻﺯﻣﻚ
ﻣﺼﻄﻔﻰ - ﺍﻟﻮﺍﺟﺐ ﻻﺯﻣﻨﻲ
ﻳﻮﻣﻴﻪ ﺻﺢ ﺍﻟﺰﻡ ﻭﺍﺟﺐ ﺑﺲ ﻣﻮ ﺑﺎﻟﻤﺴﺘﺸﻔﻰ ﺍﻛﻌﺪ ﻭﺍﻟﺪﻧﻴﺎ ﻇﻠﻤﻪ ﻭﺍﻃﻠﻊ ﻳﺎﺱ ﺧﻀﺮ ﻭﺍﺩﺧﻦ
ﺧﻀﺮ - ﺍﺫﺍ ﻋﻨﺪﻙ ﻳﺎﺱ ﺧﻀﺮ ﻃﻠﻌﻠﻲ ﻫﻢ ﺭﺟﻊ ﻛﻠﺒﻲ ﻳﺤﻦ
ﻣﺼﻄﻔﻰ - ﺷﻠﻮﻥ ... ﺷﻠﻮﻥ ﻣﺎﻋﻨﺪﻱ
ﺧﻀﺮ - ﻻﺯﻡ ﻣﻀﺮﻭﺏ ﺑﻮﺭﻱ
ﻣﺼﻄﻔﻰ - ﺍﻱ ﻭﺍﻟﻠﻪ ﻭﺑﻮﺭﻱ ﻣﻌﺪﻝ ﻫﻢ ﺗﺨﻴﻞ ﺳﻨﺘﻴﻦ ﻛﺎﻣﻼﺕ ﺍﺣﺠﻲ ﻭﻳﻪ ﻭﺣﺪﻩ ﻭﺍﺣﺒﻬﻪ ﻭﻣﺘﻔﻖ ﻭﻳﺎﻫﻪ ﻋﻠﻰ ﺍﻟﺰﻭﺍﺝ
ﻭﻭﻭﺟﺐ ﻭﺗﺘﺼﻞ ﻋﻠﻴﻪ ﺟﺎﻭﺑﺘﻬﻪ ﻣﺜﻞ ﻛﻞ ﻣﺮﻩ ﻭﻳﺤﺠﻲ ﻭﻳﺎﻱ ﻭﺍﺣﺪ
ﺍﻧﺖ ﻣﺨﺎﺑﺮ ﻋﻠﻰ ﻣﺮﺗﻲ
ﻳﺎ ﻣﺮﻩ ﻫﺎﻱ ﺍﺑﺎﻭﻉ ﻋﻠﻰ ﺍﻟﺮﻗﻢ ﺭﻗﻤﻬﻪ ﻭﺑﻌﺪﻳﻦ ﺍﻛﺘﺸﻒ ﺍﻟﺴﻨﺘﻴﻦ ﻛﻠﻬﻦ ﺍﻧﻲ ﺍﺣﺠﻲ ﻭﻳﻪ ﻭﺣﺪﻩ ﻣﺘﺰﻭﺟﻪ ﻻ ﻭﺗﻀﺤﻚ ﻋﻠﻴﻪ ﺣﺘﻰ ﺍﺳﻤﺎﺀ ﺍﻃﻔﺎﻟﻨﺎ ﻣﺨﺘﺎﺭﻳﻬﻦ
ﺣﺒﻴﺘﻬﻪ ﺻﺪﻙ ﻣﻦ ﻛﻠﺒﻲ ﻭﺿﺤﻜﺖ ﻋﻠﻴﻪ ﺍﻟﺤﻘﻴﺮﻩ ﺑﺲ ﻫﺬﺍ ﻛﻠﺒﻲ ﺍﺣﻘﺮ ﻣﻨﻬﻪ ﻳﺤﻦ ﺍﻟﻬﻪ .... ﻳﻌﻨﻲ ﻋﻘﻠﻲ ﻣﻴﺴﺘﻮﻋﺐ ﻭﺍﻟﻠﻪ ﺍﻟﺤﺪ ﺍﻻﻥ ﺟﺬﺍﺑﻪ
ﺧﻀﺮ - ﻗﻬﺮﻧﻲ ﺟﺎﻥ ﻳﺤﺠﻲ ﺑﺤﺮﻛﻪ ﻭﻣﺒﻴﻦ ﻳﺤﺒﻬﻪ ﻭﻣﺒﻴﻦ ﻫﻮ ﻓﻘﻴﺮ ﻣﻦ ﺍﻫﻞ ﺍﻟﻠﻪ ﻃﻠﻊ ﺍﻻﻏﻨﻴﻪ ﻭﻛﺎﻡ ﻳﻐﻨﻲ ﻭﻳﺎﻫﻬﻪ ﻭﺍﻧﻲ ﺳﺎﻛﺖ ﻭﺍﺗﻤﻌﻦ ﺑﻜﻠﻤﺎﺗﻬﻪ ﺻﺪﻙ ﻛﻠﺒﻲ ﺣﻦ ﺍﻟﻬﻪ
ﺍﺧﺘﻨﻜﺖ ﺣﻴﻞ ﻟﻮ ﺑﺎﻗﻲ ﺍﺣﺒﻬﻪ ﺑﺪﻭﻥ ﻣﻤﺼﺪﻭﻡ ﺍﺣﺴﻦ ﺍﻟﻲ
ﻫﻢ ﺭﺟﻊ ﻗﻠﺒﻲ ﻳﺤﻦ ﻣﺎ ﻛﻔﻰ ﺟﺮﺡ ﺍﻟﺒﻲ ﺿﺎﻙ ﺍﻟﻤﺮﻣﻦ ﺣﺒﺔ ﺍﻟﻔﺎﺕ ﺭﻳﺖ ﺍﻟﻠﺔ ﻳﻬﺪﻳﻪ ﻫﻢ ﺭﺍﺡ ﺍﺭﺟﻊ ﺍﺷﻜﻲ ﻭﺍﺑﺠﻲ ﻭﻳﺬﺑﻠﻨﻲ ﺳﻬﺮ ﺍﻟﻠﻴﻞ ﻭﺍﻟﻠﺔ ﺗﻌﺒﺖ ﻣﻦ ﺍﻟﻌﺸﻚ ﻭﺍﻟﻜﻠﺐ ﻣﺎ ﻇﻞ ﺑﻲ ﺣﻴﻞ ﺯﺭﻉ ﺑﻴﺔ ﺍﻟﻌﺸﻚ ﺧﻮﻑ ﻳﻌﻨﻲ ﺍﺑﻄﻞ ﻣﺎ ﺷﻮﻭﻑ ﺍﻭﻑ ﻣﻦ ﻛﻠﺒﻲ ﺍﻭﻑ ﺍﻭﻓﺎﻭﻑ ﺍﻭﻑ ﺍﻭﻑ ﻧﺎﺭ ﺍﻟﺤﺐ ﺟﻮﺕ ﻛﻠﺒﻲ ﻭﺧﻠﺘﻨﻲ ﺳﺎﻛﺖ ﻣﺤﺘﺎﺭ ﻭﻳﻦ ﺍﻟﻲ ﻳﺸﻔﻴﻠﻲ ﺍﻟﺮﻭﺡ ﻭﻭﻳﻦ ﺍﻟﻲ ﻳﻄﻔﻴﻠﻲ ﺍﻟﻨﺎﺭ ﺯﺭﻉ ﺑﻴﺔ ﺍﻟﻌﺸﻚ ﺧﻮﻑ ﻳﻌﻨﻲ ﺍﺑﻄﻞ ﻣﺎ ﺷﻮﻑ ﺍﻭﻑ ﻣﻦ ﻛﻠﺒﻲ ﺍﻭﻑ ﺍﻭﻑ ﺍﻭﻑ ﺍﻭﻑ
ﻓﻠﻚ - ﻛﻌﺪﺕ ﺛﺎﻧﻲ ﻳﻮﻡ ﺭﺣﺖ ﻭﺳﺠﻠﺖ ﺍﻻﻗﻮﺍﻝ ﺍﻟﻲ ﻛﻠﻲ ﻋﻠﻴﻬﻦ ﺍﻟﻀﺎﺑﻂ ..... ﻣﻦ ﻃﻠﻌﺖ ﻣﻦ ﻏﺮﻓﺔ ﺍﻟﺘﺤﻘﻴﻖ ﺟﺎﻥ ﻋﻤﻲ ﻭﻗﺎﺳﻢ ﻭﺍﻛﻔﻴﻦ ﺑﺎﻟﺒﺎﺏ
ﻗﺎﺳﻢ - ﺷﻜﻠﺘﻲ
ﻓﻠﻚ - ﺍﻟﻲ ﺻﺎﺭ ﻏﻴﺮ
ﺗﻮﻧﻲ ﺍﻣﺸﻲ ﺑﺎﻟﻤﻤﺮ ..... ﻭﻛﻒ ﻛﺒﺎﻟﻲ ﺍﻟﻲ ﺍﺟﻪ ﻭﻳﻪ ﺍﻟﻀﺎﺑﻂ
ﻋﻤﻲ ﻋﺎﻣﺮ ﻛﻠﻪ ...... ﺗﻔﻀﻞ
ﺍﻟﻨﻘﻴﺐ ﺧﺎﻟﺪ ﺍﻟﻤﺴﺆﻝ ﻋﻠﻰ ﻫﺎﻱ ﺍﻟﻘﻀﻴﻪ .... ﻳﺮﻳﺪ ﻳﺸﻮﻑ ﺍﻟﺒﻨﻴﻪ ﻋﻠﻤﻮﺩ ﺗﺼﺪﻳﻖ ﺍﻻﻗﻮﺍﻝ
ﻣﺸﻪ ﻛﺪﺍﻣﻨﻪ ﻭﺍﺣﻨﻪ ﻭﺭﺍ .... ﺗﻌﺒﺎﻧﻪ ﺣﻴﻞ ﻭﺣﻴﻠﻲ ﻣﻬﺪﻭﺩ
ﻣﺎﺍﻋﺮﻑ ﺍﺗﻤﻨﻰ ﺍﺷﻮﻑ ﻣﻴﻤﻮﻧﻪ ﻭﺍﻛﻠﻬﻪ ﺍﺭﺗﺎﺣﻴﺘﻲ ﻫﺴﻪ ﻣﺮﺗﺎﺣﻪ ﻭﻋﺸﺘﻲ ﺣﻴﺎﺗﺞ ﻭﻳﻪ ﺍﻟﻤﺠﺮﻡ .... ﻭﺗﺎﻟﻴﺘﻬﻪ ﻳﺎ ﻣﻴﻤﻮﻧﻪ ﻭﺗﺎﻟﻴﺘﻬﻪ ﻣﻦ ﻳﻘﺒﻀﻮﻥ ﻋﻠﻲ ﺗﻌﺮﻓﻴﻦ ﻭﺗﺤﺴﻴﻦ ﺑﻐﻠﻄﺞ
ﺩﺧﻠﺖ ﺟﺎﻥ ﺩﺍﻳﺮ ﺍﻟﻜﺮﺳﻲ ﻣﺎﻟﺘﻪ ﺑﻘﻴﺖ ﻭﺍﻛﻔﻪ ﺍﻟﺤﺪ ﻣﺎ ﺩﺍﺭ ﻭﺟﻬﻪ .... ﻛﺎﻡ ﻳﺒﺎﻭﻉ ﻋﻠﻴﻪ ﻭﻣﺜﻞ ﺍﻟﻴﻤﺮﺥ ﺑﺤﻨﺠﻪ
ﺧﺎﻟﺪ - ﺑﻬﺎﻱ ﺍﻻﻳﺎﻡ ﺻﺎﺭ ﺷﻲ ﺟﺪﻳﺪ
ﻓﻠﻚ - ﻻ
ﺧﺎﻟﺪ - ﻛﻠﺘﻲ ﻣﺜﻞ ﻣﻜﺘﻠﺞ
ﻓﻠﻚ - ﺍﻱ
ﺧﺎﻟﺪ - ﻋﺮﻓﺘﻲ ﻣﻜﺎﻥ ﺍﺧﺘﺞ ... ﺭﺟﻌﺖ ﺍﻟﻜﻢ
... ﺻﺎﺭ ﺍﺗﺼﺎﻝ ﺑﻴﻨﻜﻢ
ﻓﻠﻚ - ﻫﺰﻳﺖ ﺭﺍﺳﻲ ﺑـ ﻻ
ﺍﺧﺘﻲ ﺿﺎﻋﺖ ﺑﻌﺪ .... ﻭﺍﻟﻠﻪ ﻳﺎ ﺳﻴﺪﻱ ﺍﺧﺘﻲ ﻣﻮ ﻣﻦ ﺍﻟﻨﻮﻉ ﺍﻟﻲ ﺗﻨﻬﺰﻡ ... ﻣﺎﺍﻋﺮﻑ ﺑﺸﻨﻮ ﻣﻘﺸﻤﺮﻫﻪ ... ﺑﻠﻠﻪ ﺻﺎﺭ ﻋﻠﻰ ﺍﺧﺘﻲ ﺷﻲ .... ﻟﻴﺶ ﺧﻠﻴﺘﻨﻲ ﺍﻧﻄﻲ ﻏﻴﺮ ﺍﻭﺻﺎﻑ
ﺳﺤﺐ ﻧﻔﺲ ﻣﻦ ﺍﻟﺠﻤﺎﺭﻩ ﻭﻃﻠﻊ ﺩﺧﺎﻧﻪ
ﺧﺎﻟﺪ - ﻛﺘﺒﻴﻠﻲ ﺍﺳﻤﺎﺀ ﻛﻞ ﺍﻟﻲ ﺗﻌﺮﻓﻮﻫﻢ ﻭﻋﻨﺎﻭﻳﻨﻬﻢ
ﻓﻠﻚ - ﺻﺎﻳﺮ ﺷﻲ ﻋﻠﻰ ﺍﺧﺘﻲ ﺳﻴﺪﻱ ﺍﻟﻠﻪ ﻳﺨﻠﻴﻚ ﺭﻳﺤﻨﻲ
ﺧﺎﻟﺪ - ﺍﻧﻄﺎﻧﻲ ﺍﻟﻘﻠﻢ ﻣﺪ ﺍﻳﺪﻩ ﻭﻣﻴﺠﺎﻭﺑﻨﻲ ﻋﻠﻰ ﺍﻱ ﺳﺆﺍﻝ ﺍﺳﺄﻟﻪ ﻣﺎﺍﻋﺮﻑ ﻛﻠﺒﻲ ﻧﻐﺰﻧﻲ ﺣﺴﻴﺖ ﺻﺎﻳﺮ ﻋﻠﻰ ﻣﻴﻤﻮﻧﻪ ﺷﻲ ﻭﻣﺠﺎﻭﺑﻨﻲ ﻛﻌﺪﺕ ﺍﻛﺘﺐ ﺍﺳﻤﺎﺀ ﺻﺪﻳﻘﺎﺗﻨﺎ ﻭﻋﻨﻮﺍﻧﻬﻢ ﺑﺲ ﻟﻴﺶ ﺭﺍﺩﻫﻦ .... ﻣﺎﺍﻋﺮﻑ
ﺑﻴﺒﺎﻟﺒﻴﺖ ﺍﺑﺠﻴﻒ
ﻛﻤﻠﺘﻬﻦ ﻭﻭﻛﻔﺖ ﻛﺒﺎﻟﻪ
ﺧﺎﻟﺪ - ﺗﻜﺪﺭﻳﻦ ﺗﺮﻭﺣﻴﻦ
ﻃﻠﻌﺖ ﻣﻦ ﺍﻟﻤﻜﺘﺐ ﻭﺍﻧﻲ ﻣﺜﻞ ﺍﻟﻤﺼﺪﻭﻣﻪ ﺍﻛﻮﻝ ﻣﻌﻘﻮﻟﻪ ﺻﺎﺭ ﻋﻠﻰ ﺍﺧﺘﻲ ﺷﻲ .... ﺯﻳﻦ ﺷﻴﺴﻮﻱ ﺑﻬﺎﻱ ﺍﻟﻌﻨﺎﻭﻳﻦ ﻭﺍﻻﺳﻤﺎﺀ .... ﺳﺄﺑﻨﻲ ﻋﻤﻮ ﻫﻮ ﻭﻗﺎﺳﻢ ﻛﺘﻠﻪ ﻋﻠﻰ ﺍﻟﻌﻨﺎﻭﻳﻦ ﻣﺎﺍﺩﺭﻱ ﻟﻴﺶ ﺭﺍﺩﻭﻫﻢ
ﺭﺟﻌﺖ ﻟﻠﺒﻴﺖ ﺩﺧﻠﺖ ﻳﻢ ﺑﺎﺑﺎ ﺷﺮﺑﺘﻪ ﻣﻲ ﻭﻧﻤﺖ ﻋﻠﻰ ﺻﺪﺭﻩ
ﺷﻮﻛﺖ ﻳﺎﺑﺎﺑﺎ ﺗﻜﻮﻡ ﻓﻬﻤﻨﻲ .... ﻟﺴﻮﻛﺖ ﺗﺒﻘﻰ ﻧﺎﻳﻢ ﺍﺩﺭﻱ ﺑﻴﻚ ﺗﺤﺲ ﺑﻴﻨﺎ ﻭﺗﺴﻤﻌﻨﺎ ﻭﻣﺤﺘﺮﻙ ﺩﻣﻚ .... ﺑﺎﺑﺎ ﻣﻴﻤﻮﻧﻪ ﻣﺎﺍﻋﺮﻑ ﺷﺒﻴﻬﻪ .... ﻣﻌﻘﻮﻟﻪ ﺻﺎﺭ ﺑﻴﻬﻪ ﺷﻲ
ﺍﺗﻤﻨﻰ ﺍﻃﻠﻌﻬﻪ ﻣﻦ ﻛﻠﺒﻲ ﻭﺍﻛﻮﻝ ﻃﺒﻬﻪ ﻣﺮﺽ ﺷﻴﺼﻴﺮ ﺑﻴﻬﻪ ﺧﻞ ﻳﺼﻴﺮ ﺑﺲ ﻛﻠﺒﻲ ﻳﻨﻐﺰﻧﻲ ﻋﻠﻴﻬﻪ ﺍﺩﺭﻱ ﺑﻴﻚ ﺍﻧﺖ ﻫﻢ ﻣﺘﺄﺫﻱ ﻋﻠﻴﻬﻪ ﺍﻟﻠﻪ ﺍﻋﻠﻢ ﻫﺬﺍ ﺍﻟﺤﻘﻴﺮ ﺑﺸﻨﻮ ﻗﺸﻤﺮﻫﻪ
ﻟﻮ ﻳﺠﻮﺯ ﻫﺪﺩﻫﻪ
ﻣﺮﻥ ﺍﺳﺒﻮﻋﻴﻦ ﺍﺩﺭﻳﺲ ﺍﺧﺘﻔﻪ ﻭﺍﻟﺪﻛﺘﻮﺭﻩ ﻫﻢ ﺍﺧﺘﻔﺖ ﻭﻛﻞ ﺍﻟﻲ ﻳﻄﻠﺒﻮﻧﻲ ﺍﻧﻈﻒ ﺑﺒﻴﻮﺗﻬﻢ ﻣﺘﺼﻠﻮ ﻋﻠﻴﻪ
ﻭﺍﻟﻔﻠﺲ ﺻﺎﺭ ﺣﺴﺮﻩ ﻋﻠﻴﻪ ﻭﺣﺘﻰ ﺍﻻﻳﺠﺎﺭ ﺗﺄﺧﺮﺕ ﻣﺎﻋﻨﺪﻱ ﻭﻋﻼﺝ ﺑﺎﺑﺎ ﺍﻟﻲ ﺍﻧﻄﻲ ﺍﻟﻪ ﺑﺎﻟﻜﺎﻧﻮﻧﻪ ﻭﺍﻟﻨﻐﺬﻳﺎﺕ ﻣﺎﺍﻛﺪﺭ ﺍﺩﺑﺮﻫﻦ
ﺗﻌﺒﺖ ﺣﻴﻞ ﺍﻟﺪﻧﻴﺎ ﺍﻓﺘﺮﺕ ﻋﻠﻴﻪ ﺣﺘﻰ ﻛﻤﺖ ﺍﻧﺴﻰ ﺍﻧﻲ ﺻﻐﻴﺮﻩ ﺍﺣﺲ ﻧﻔﺴﻲ ﺟﺒﻴﺮﻩ
ﻭﺧﻮﺏ ﻣﻴﻤﻮﻧﻪ ﺭﺍﺣﺖ ﻭﺍﻟﺮﻭﺣﻪ ﺭﻭﺣﻪ ﻣﺒﻴﻨﻪ ﻣﺮﺗﺎﺣﻪ ﻧﺴﺘﻨﻲ ﻭﻧﺴﺖ ﺑﺎﺑﺎ ﻭﻛﻠﺸﻲ .... ﻭﺍﺻﻼً ﺍﻟﻲ ﻛﺎﻋﺪ ﻳﺼﻴﺮ ﺑﺴﺒﺒﻬﻪ
ﻣﺎﺍﻋﺮﻑ ﺍﺣﺲ ﺍﺩﺭﻳﺲ ﺳﺄﻝ ﻋﻠﻴﻪ ﻣﻦ ﺍﺧﺬ ﺍﻟﻌﻨﻮﺍﻥ ﻭﺍﻛﻴﺪ ﻛﺎﻟﻮﻟﻪ ﺍﺧﺘﻬﻪ ﺍﻧﻬﺰﻣﺖ ﻭﻳﻪ ﻭﺍﺣﺪ ..... ﻭﺍﻟﺪﻛﺘﻮﺭﻩ ﺍﻛﺜﺮﻫﻦ ﺍﻟﻲ ﺍﻧﻈﻒ ﺑﻴﻮﺗﻬﻪ ﺻﺪﻳﻘﺎﺗﻬﻪ
ﻣﺎﺍﺩﺭﻱ ﻣﺎﺍﻋﺮﻑ ﺷﺮﺍﺡ ﻳﺼﻴﺮ ﺑﺤﺎﻟﻲ
ﺍﻧﺪﻛﺖ ﺍﻟﺒﺎﺏ .... ﻟﺒﺴﺖ ﺷﺎﻝ ﻭﻏﻄﻴﺖ ﻭﺟﻬﻲ ﺑﻲ ﻭﺻﺤﺖ ﻣﻨﻮﻭﻭﻭ
ﺍﻧﻲ ﺍﺑﻮ ﺳﻼﻡ
ﻓﻠﻚ - ﻳﺒﻮﻭﻭﻭ ﻳﺎ ﺭﺑﻲ ﻓﺘﺤﺖ ﺍﻟﺒﺎﺏ
ﻫﻠﻮ ﻋﻤﻮ
ﺍﺑﻮ ﺳﻼﻡ - ﺍﻫﻼ ﺑﻨﺘﻲ ﻫﻴﺞ ﺍﻟﻲ ﻳﺴﻮﻱ ﺯﻳﻦ ﻛﻠﺘﻴﻠﻲ ﺍﻧﻄﻴﻨﻲ ٣ﺃﻳﺎﻡ ﻭﺍﺟﻴﺒﻠﻚ ﺍﻻﻳﺠﺎﺭ ﺭﺍﺡ ﻳﺼﻴﺮ ﺷﻬﺮ ﻣﻴﺼﻴﺮ ﻳﺎ ﺑﻨﺘﻲ ﻫﻮ ﺍﻧﻲ ﻋﻴﺸﺘﻲ ﻋﻞ ﺍﻳﺠﺎﺭ ﻭﻗﺮﺏ ﺭﻭﺣﻪ
ﺷﻮﻓﻲ ﺑﻨﺘﻲ ﻟﻮ ﻣﺎ ﺧﺎﻃﺮ ﺍﺑﻮ ﻗﺎﺳﻢ ﺍﻟﻠﻪ ﻳﺮﺣﻤﻪ ﻭﺍﻧﺘﻮ ﺗﻘﺮﺑﻮﺑﻪ ﻣﺎﺍﺑﻘﻴﻜﻢ ﺑﺎﻟﺒﻴﺖ ﻣﻦ ﺑﻌﺪ ﺍﻟﻔﻀﻴﺤﻪ ﺣﺘﻰ ﺍﻟﺒﻴﺖ ﺭﺍﺡ ﻳﺼﻴﺮ ﻣﺸﺒﻮﻩ ﻭﻫﺬﺍ ﺭﺯﻗﻲ ﺍﻟﻮﺣﻴﺪ ﻭﻓﻮﻙ ﻛﻞ ﻫﺬﺍ ﺗﺘﺄﺧﺮﻳﻦ ﺑﺎﻻﻳﺠﺎﺭ
ﻓﻠﻚ - ﻋﻤﻮ ﺑﺲ ﻳﻮﻣﻴﻦ ﻭﺍﻟﻠﻪ ﻭﺍﻟﻔﻠﻮﺱ ﻳﻤﻚ
ﺍﺑﻮ ﺳﻼﻡ - ﻳﻮﻣﻴﻦ ﺍﺫﺍ ﺍﺗﺄﺧﺮﺗﻮ ﺍﺷﻤﺮ ﺍﻏﺮﺍﺿﻜﻢ ﺑﺎﻟﺸﺎﺭﻉ ﻭﺍﻟﻠﻪ ﻣﻴﺼﻴﺮ ﻫﻴﺞ ﺻﺎﺣﺒﻚ ﺣﻠﻮ ﻟﺘﺎﻛﻠﻪ ﻛﻠﻪ .
ﺭﺍﺡ ﻭﻫﻮ ﻳﺪﺭﺩﻡ ﻋﻠﻴﻪ .... ﻣﺎﻋﻨﺪﻱ ﻣﻜﺎﻥ ﺑﻴﺖ ﺧﺎﻟﻪ ﻭﻫﻮ ﻳﺎﺩﻭﺏ ﻣﻜﻔﻴﻬﻢ ﻭﺍﺧﺮ ﺷﻲ ﺑﻴﺒﻴﺔ ﻗﺎﺳﻢ ﺍﺟﺘﻬﻢ ﻭﻣﻮﺑﺎﻳﻠﻲ ﻛﻠﺸﻲ ﻣﻴﺠﻴﺐ ﻣﻦ ﻫﺬﺍ ﺍﻟﻌﺎﺩﻱ ﻭﻣﺎﻛﻮ ﺍﺣﺪ ﻳﺪﺍﻳﻨﻲ
ﻃﺒﻜﺖ ﺍﻟﺒﺎﺏ ﻭﻛﻌﺪﺕ ﻋﻠﻰ ﺍﻟﺪﺟﻪ ﺍﺑﺠﻲ
ﻣﺎﺍﻋﺮﻑ ﺷﺴﻮﻱ ﺗﻌﺒﺖ ﺣﻴﻞ .... ﻣﺎﻋﻨﺪﻱ ﺑﻌﺪ ﻗﺎﺑﻠﻴﻪ
ﻃﻠﻌﺖ ﻋﻨﺪﻱ ﻛﻢ ﻓﻠﺲ ﺭﺣﺖ ﺳﻮﻛﺖ ﺍﻏﺮﺍﺽ ﻣﺎﻝ ﻛﺒﻪ ﻭﺳﻮﻳﺘﻬﻪ ﺍﻧﻲ ﻭﺧﺎﻟﻪ ..... ﻭﺭﺣﺖ ﻛﻠﺖ ﺍﺭﻭﺡ ﻟﻼﺳﻮﺍﻕ ﺍﻟﻲ ﺑﺎﻟﺪﺭﺑﻮﻧﻪ ﺍﻟﺜﺎﻧﻴﻪ ﺍﺧﺬﺗﻠﻲ ﻛﻢ ﻛﺒﻪ ﻭﻳﺎﻱ ﻳﺸﻮﻓﻬﻦ ﺍﺑﻮ ﺍﻻﺳﻮﺍﻕ
ﺩﺧﻠﺖ ﺟﺎﻧﺖ ﻓﺎﺭﻏﻪ ﺑﺲ ﺍﻃﻔﺎﻝ ﻭﺑﻴﻬﻪ ﺭﺟﺎﻝ ﻳﻄﻠﻊ ﺑﺎﻝ ٣٥ﺳﻨﻪ
ﻓﻠﻚ - ﺍﻟﺴﻼﻡ ﻋﻠﻴﻜﻢ
- ﻭﻋﻠﻴﻜﻢ ﺍﻟﺴﻼﻡ ...... ﻭﻛﺎﻡ ﻳﺒﺎﻭﻋﻠﻲ ﺑﻨﻈﺮﺍﺕ ﻣﻤﻔﻬﻮﻣﻪ
ﻓﻠﻚ - ﺍﻧﻲ ﺍﺳﻮﻱ ﻛﺒﻪ ﺑﺎﻟﺒﻴﺖ .... ﻭﻣﺨﻠﻴﺘﻬﻦ ﺑﻔﻠﻴﻨﻪ ﻛﻞ ﻓﻠﻴﻨﻪ ٦ﻗﻄﻊ ﺍﺫﺍ ﺗﺤﺐ ﻫﺎﻱ ﺟﺎﻳﺒﻪ ﻭﻳﺎﻱ
ﺑﺎﻭﻉ ﻋﻠﻴﻪ ﺍﻧﺖ ﻣﻮ ﺑﺪﺭﺑﻮﻧﻪ ﺍﻟﻲ ﺑﻴﻬﻪ ﺩﻛﺎﻧﺔ ﺍﻡ ﺍﺣﻤﺪ
ﻓﻠﻚ - ﺍﻱ .... ﻫﺎﻱ ﺍﻟﻜﺒﻪ ﺗﺤﺐ ﺗﺸﻮﻓﻬﻪ
ﺑﺎﻭﻉ ﻋﻠﻴﻪ ﻣﻦ ﻓﻮﻙ ﺍﻟﺠﻮﻩ .... ﻭﻛﻠﻲ
- ﻟﻴﺶ ﻻ ﺑﺲ ﻣﺎﺍﺣﺐ ﺑﺎﻟﻤﺤﻞ ﺍﺷﻮﻓﻬﻪ ﺑﺎﻟﺒﻴﺖ ﻭﻣﻦ ﺍﻟﺴﻄﺢ ﺍﺟﻲ ﺷﻨﻮ ﺭﺃﻳﺞ ﻟﻮ ﻣﻦ ﺍﻟﺒﺎﺏ ﻋﺎﺩﻱ
ﺑﺎﻭﻋﺖ ﺑﺼﺪﻣﻪ ..... ﻛﺘﻠﻪ ... ﺑﻜﺪ ﺍﺑﻮﻭﻭﻳﻪ ﻭﻣﺘﺴﺘﺤﻲ ﻭﻃﻠﻌﺖ ﺑﺴﺮﻋﻪ ﺍﻫﻒ ..... ﻛﻠﺒﻲ ﻛﺎﻡ ﻳﻮﺟﻌﻨﻲ
ﺷﻜﺪ ﻛﺮﻫﺘﺞ ﻳﺎ ﻣﻴﻤﻮﻧﻪ ..... ﺷﻜﺪ ﻛﺮﻫﺘﺞ
ﺍﺥ .... ﺍﻣﺸﻲ ﻭﺍﺑﺠﻲ ﻣﻴﺘﻪ ﻗﻬﺮ
ﻭﻣﺎﺍﻋﺮﻑ ﺷﺴﻮﻱ .... ﻣﺴﺤﺖ ﺩﻣﻮﻋﻲ ﻭﺩﺧﻠﺖ ﻟﻠﺒﻴﺖ ﻻﻥ ﺧﺎﻟﻪ ﻣﻮﺟﻮﺩﻩ
ﺍﻡ ﻗﺎﺳﻢ - ﻫﺎ ﻳﻤﻪ ﺑﺸﺮﻱ
ﻓﻠﻚ - ﻳﻜﻮﻝ ﻋﺪﻧﻪ ﻏﻴﺮ ﻭﺣﺪﻩ ﺗﺴﻮﻳﻠﻬﻢ
ﺍﻡ ﻗﺎﺳﻢ - ﻟﻴﺶ ﻟﻌﺪ ﺗﺒﺠﻴﻦ
ﻓﻠﻚ - ﻻﻥ ﺗﻌﺒﻨﺎ ﻫﻴﺞ ﺭﺍﺡ
ﺍﻡ ﻗﺎﺳﻢ - ﺍﻧﻲ ﻫﺴﻪ ﺷﻮﻳﻪ ﺍﺭﺗﺎﺡ ﻭﺍﻣﺮ ﻋﻠﻰ ﺍﻟﺤﺒﻴﺒﺎﺕ ﺍﻟﻲ ﺑﻤﻨﻄﻘﺘﻨﺎ ﻭﺍﻛﻠﻠﻬﻦ ﺑﻠﻜﺖ ﺍﻟﻠﻪ
ﻓﻠﻚ - ﻣﺎﻛﻮ ﺩﺍﻋﻲ ﺧﺎﻟﻪ
ﺍﻡ ﻗﺎﺳﻢ - ﻳﺎﺍﺍﺍﺍﺍ ﺷﺒﻴﺞ ﻳﻤﻪ ﺍﺫﺍ ﻭﺍﺣﺪ ﻣﺮﺍﺩﻫﻦ ﻣﻌﻨﺎﻫﻪ ﻣﺤﺪ ﻳﺎﺧﺬ ﻣﻨﺞ ﻟﻴﺶ ﺗﺄﻳﺴﻴﻦ ﻛﺒﻞ
ﻓﻠﻚ - ﺑﺠﻴﺖ ﻣﻴﺎﺧﺬﻭﻥ ﺧﺎﻟﻪ .... ﻣﺤﺪ ﻳﻜﻮﻝ ﻣﻴﻤﻮﻧﻪ ﺍﻧﺨﻄﻔﺖ ﺍﻟﻜﻞ ﻳﻜﻮﻝ ﺍﻧﻬﺰﻣﺖ .... ﻣﺤﺪ ﻳﺼﺪﻙ ﻫﻴﻪ ﺍﻧﺨﻄﻔﺖ
ﺍﻡ ﻗﺎﺳﻢ - ﻃﺒﻬﻢ ﻃﺐ ﺍﻟﻲ ﻣﻴﺼﺪﻛﻮﻥ ﺷﻨﺴﻮﻳﻠﻬﻢ ﻟﻌﺪ ﻫﺎﻱ ﺑﻨﻴﺘﻨﺎ ﺭﺍﺣﺖ ﻭﺍﻟﻠﻪ ﺍﻟﻴﻌﻠﻢ ﻫﺴﻪ ﻣﻴﺘﻪ ﻋﺎﻳﺸﻪ ﻭﺍﻟﺸﺮﻃﻪ ﻭﻻ ﻳﻤﻬﻪ
ﻗﺮﺭﺕ ﺍﺧﺎﺑﺮ ﻋﻤﻮ ﻋﺎﻣﺮ .... ﺷﺴﻮﻱ ﻳﻌﻨﻲ ﺍﻟﻪ ﺍﺑﻴﻊ ﺷﺮﻓﻲ ﺑﻌﺪ ﺣﺘﻰ ﺍﻟﻜﺎﻟﻲ ﻣﻜﺎﻥ ﻳﻠﻤﻨﻲ ﺍﻧﻲ ﻭﺍﺑﻮﻳﻪ ... ﻭﺑﺬﺍﻙ ﺍﻟﻮﻛﺖ ﻳﺼﻴﺮﻭﻥ ﻫﻤﻪ ﺷﺮﻓﺎﺀ
ﻃﻠﻌﺖ ﺑﺎﻟﺤﻮﺵ ﺍﺧﺬﺕ ﻧﻔﺲ ﻭﺍﺗﺼﻠﺖ ﻋﻠﻲ
ﻓﻠﻚ - ﻫﻠﻮ ﻋﻤﻮ
ﻋﺎﻣﺮ - ﻓﻠﻚ
ﻓﻠﻚ - ﺍﻱ ﻋﻤﻮ
ﻋﺎﻣﺮ - ﺳﻤﻌﺘﻲ ﺷﻲ ﻋﻠﻰ ﺍﺧﺘﺞ
ﻓﻠﻚ - ﻻ ﻭﻛﻌﺪﺕ ﺣﺠﻴﺘﻠﻪ ﻋﻞ ﺍﻳﺠﺎﺭ ﻭﻋﻼﺝ ﺑﺎﺑﺎ
ﻋﺎﻣﺮ - ﺍﻧﺖ ﻣﺘﻌﺮﻓﻴﻦ ﺍﻧﻲ ﻛﻮﻩ ﺍﺟﻴﺐ ﺍﻟﻜﻤﻪ ﻭﻳﻮﻡ ﺍﻛﻞ ﻭﺍﻟﺜﺎﻧﻲ ﻻ ﺷﺴﻮﻱ ﺍﻧﻲ ﻟﻮ ﺑﺲ ﺍﻧﺖِ ﺑﻴﻬﻪ ﻣﺠﺎﻝ ﺍﺑﻮﺝ ﻭﻳﻦ ﺍﺧﻠﻲ ﻫﺴﻪ ﻏﻴﺮ ﺍﻟﻠﻪ ﻳﺎﺧﺬ ﻋﻤﺮﻩ ﻻ ﻫﻮ ﺍﻟﻤﻴﺖ ﻭﺍﺣﻨﻪ ﺧﻠﺼﺎﻧﻴﻦ ﻭﻻ ﻫﻮ ﺍﻟﻌﺎﻳﺶ ﻭﺍﺣﻨﻪ ﻫﻢ ﺧﻠﺼﺎﻧﻴﻦ ﻭﻛﺎﻳﻢ ﻣﺘﺤﻤﻞ ﻣﺴﺆﻟﻴﺘﻜﻢ ﺻﺎﺭ ﺳﻨﻴﻦ ﻣﺨﻠﻲ ﻋﻞ ﻗﺒﻠﻪ ﻫﺴﻪ ﻳﻤﻮﺕ ﻫﺴﻪ ﻳﻤﻮﺕ ﻣﺎﻛﻮ
ﻓﻠﻚ - ﻟﻴﺶ ﺗﺘﻤﻨﻰ ﺍﻟﻤﻮﺕ ﺍﻻﺑﻮﻳﻪ ﻛﻞ ﺫﻧﻴﺞ ﺍﻟﺴﻨﻴﻦ ﺑﺸﻨﻮ ﻣﺄﺫﻳﻜﻢ ﻭﻻ ﻣﺎﺧﺬﻳﻦ ﻣﻨﻜﻢ ﺷﻲ ﻋﺴﺎ ﻣﺎ ﺗﺨﻠﻮﻧﻪ ﺑﺎﻟﺴﻄﺢ ﺍﻧﻲ ﻭﺍﺑﻮﻳﻪ ﺍﻓﺮﺷﻠﻪ ﻭﺍﻧﺎﻡ ﺑﺼﻔﻪ
ﻛﺎﻡ ﻳﺴﺐ ﺑﻴﻪ ﻭﻳﺘﺤﻠﻔﻠﻲ ﻭﻳﻐﻠﻂ ﻭﺳﺪﻩ ﺑﻮﺟﻬﻲ
ﺍﺗﻤﻨﻴﺖ ﺑﻬﺎﻱ ﺍﻟﻠﺤﻈﻪ ﺍﺷﻮﻑ ﻣﻴﻤﻮﻧﻪ ﻛﺒﺎﻟﻲ ﻭﺍﻛﻄﻢ ﻟﺤﻤﻪ ﻣﻨﻬﻪ ﻋﻠﻰ ﺍﻟﺤﺎﻝ ﺍﻟﺨﻠﺘﻨﻪ ﻧﻮﺻﻞ ﺍﻟﻪ
ﺭﺟﻌﺖ ﻏﺴﻠﺖ ﺍﻟﻤﻮﺍﻋﻴﻦ ﻭﺍﻟﻬﻮﺳﻪ ﻣﺎﻝ ﻛﺒﻪ ﻭﺧﺎﻟﻪ ﺭﺍﺣﺖ ﺍﻟﺒﻴﺘﻬﻢ ﻭﺍﻧﻲ ﻃﻮﻝ ﺍﻟﻮﻗﺖ ﺍﻓﻜﺮ ﺷﺴﻮﻱ ﺷﺴﻮﻱ ﻭﺍﺑﻮ ﺍﻻﻳﺠﺎﺭ ﻣﻦ ﻳﺠﻲ ﺷﻜﻠﻪ ﻭﺍﺫﺍ ﺷﻤﺮﻧﻪ ﺑﺎﻟﺸﺎﺭﻉ ﻭﻳﻦ ﺍﻧﻄﻲ ﻭﺟﻬﻲ
ﻟﻠﻴﻞ ﺑﺤﺪﻭﺩ ﺍﻟﺘﺴﻌﻪ ﺍﻧﺪﻛﺖ ﺍﻟﺒﺎﺏ .... ﻛﻤﺖ ﻟﺒﺴﺖ ﺷﺎﻟﻲ ﻭﻏﻄﻴﺖ ﻭﺟﻬﻲ ﻭﺻﺤﺖ ﻣﻨﻮﻭﻭﻭﻭ
ﻋﺎﻣﺮ - ﺍﻧﻲ ﻋﻤﺞ ﻓﺘﺤﻲ ﺍﻟﺒﺎﺏ
ﻓﺘﺤﺖ ﺍﻟﺒﺎﺏ ﺍﻟﻪ ﺍﺑﺎﻭﻉ ﻭﻳﺎ ﻭﺍﺣﺪ ﻳﻄﻠﻊ ﺷﻮﻳﻪ ﺍﺻﻐﺮ ﻣﻨﻪ ﻭﺷﻮﺍﺭﺑﻪ ﺑﻴﻬﻦ ﺑﻴﺎﺽ
ﻋﺎﻣﺮ - ﺗﻔﻀﻞ ﺍﺑﻮ ﻋﻠﻲ ﺗﻔﻀﻞ
ﺑﺎﻭﻋﺖ ﻣﺼﺪﻭﻣﻪ ﻣﺎﺍﺩﺭﻱ ﻭﻳﻦ ﺍﺭﻭﺡ ﻣﺴﺘﻐﺮﺑﻪ ﻭﻣﻜﻠﻲ ﺧﻄﺎﺭ
ﻋﺎﻣﺮ - ﺗﻌﺎﻟﻲ ﻋﻤﻮ ﻓﻠﻚ ﺗﻌﺎﻟﻲ ﺍﺑﻮ ﻋﻠﻲ ﻣﻮ ﻏﺮﻳﺐ
ﺑﻘﻴﺖ ﺑﺎﻟﻤﻄﺒﺦ ﻭﻫﻮ ﺩﺧﻠﻪ ﺑﺎﻟﻬﻮﻝ ﻭﺭﺟﻊ ﻋﻠﻴﻪ
ﻓﻠﻚ - ﺷﻨﻮ ﺍﻟﻘﺼﻪ ﻋﻤﻮ
ﻋﺎﻣﺮ - ﻫﺬﺍ ﺍﻟﻲ ﺭﺍﺡ ﻳﻔﺘﺤﻠﺞ ﺑﺎﺏ ﺍﻟﺠﻨﻪ ﺑﺸﻲ ﻋﺒﺎﻟﻲ ﺍﺷﺮﺣﻠﺞ ﺍﻟﺴﺎﻟﻔﻪ ﺑﺲ ﻫﻮ ﻣﺴﺘﻌﺠﻞ ﻻﻥ ﻻﻛﻴﻠﻪ ﻣﺮﻩ ﻏﻴﺮﺝ ﻭﺍﻧﻲ ﺟﻠﺒﺖ ﺑﻲ ﺑﺴﻨﻮﻧﻲ ﻋﻠﻤﻮﺩﺝ
ﺑﺎﻭﻋﺖ ﻋﻠﻲ ﻣﺼﺪﻭﻣﻪ ﻭﻣﻤﺴﺘﻮﻋﺒﻪ ﺷﻜﺎﻋﺪ ﻳﺤﺠﻲ
ﻋﺎﻣﺮ - ﺭﺍﺡ ﻳﻨﻄﻴﻨﺎ ١٢ﻣﻠﻴﻮﻥ
ﻓﻠﻚ - ﺷﻨﻮﻭﻭ ﺍﻟﻤﻨﺎﺳﺒﻪ
ﻋﺎﻣﺮ - ﺗﺠﻴﺒﻴﻠﻪ ﻃﻔﻞ ﻭﺗﺴﻠﻤﻲ ﺍﻟﻪ ﻫﻮ ﻭﻣﺮﺗﻪ ﻭﻣﻘﺎﺑﻠﻬﻪ ٦ ﻣﻼﻳﻴﻦ ﻟﻴﻮﻥ ﻳﻨﻄﻴﻨﺎ ٣ﻣﻼﻳﻴﻦ ﻫﺴﻪ ﻭﻣﻦ ﺗﺠﻴﺒﻴﻦ ٣ﻣﻼﻳﻴﻦ
ﻓﻠﻚ - ﻋﻘﻠﻲ ﻣﻴﺴﺘﻮﻋﺐ ﺍﻟﻲ ﻳﺤﺠﻲ ﻋﻤﻲ ﺑﻘﻴﺖ ﺻﺎﻓﻨﻪ
ﻋﺎﻣﺮ - ﺍﺫﺍ ﻣﺘﻘﺒﻠﻴﻦ ﻣﺎﻛﻮ ﻣﻜﺎﻥ ﻳﻠﻤﺞ ﻓﻬﻤﺘﻲ ﺍﺿﻄﺮ ﺍﻧﻲ ﺍﻣﻮﺕ ﺍﺑﻮﺝ ﺍﻛﻄﻊ ﻋﻠﻲ ﺍﻻﻭﻛﺴﺠﻴﻦ ﻭﺍﺧﺬﺝ ﻳﻤﻤﻤﻤﻲ
ﻻﻥ ﺍﺧﺘﺞ ﺟﺎﺑﺘﻠﻨﻪ ﺍﻟﻌﺎﺭ ﻭﻣﺤﺪ ﻳﻜﻮﻝ ﺍﻧﺨﻄﻔﺖ ﻻ ﻳﻜﻮﻟﻮﻥ ﺍﻧﻬﺰﻣﺖ ﻫﺎﻱ ﺑﻌﺪ ﻭﺍﻧﺖ ﻣﺤﺪ ﻳﺘﺰﻭﺟﺞ ﻭﺍﺑﻮﺝ ﻳﻤﻮﺕ ﻻﻥ ﺍﻧﻲ ﻣﺎﺍﻛﺪﺭ ﻋﻠﻰ ﻧﻔﺮﻳﻦ ﺑﻴﺘﻲ ﻛﻠﻪ ﺧﺮﺍﺑﻪ ﻭﻏﺮﻓﺘﻴﻦ ﻭﺣﺪﻩ ﺑﺒﻄﻦ ﺍﻟﺜﺎﻧﻴﻪ ﻭﺑﻴﻬﻦ ﺍﻟﺼﺤﻴﺎﺕ ﻭﺍﻟﻤﻄﺒﺦ ﻫﺬﺍ ﺣﺎﻟﻨﻪ ﻋﻞ ﺍﻗﻞ ﻫﺬﺍ ﻣﺘﻤﻜﻦ ﺍﻝ٣ﻣﻼﻳﻴﻦ ﺍﺧﺬﻫﻦ ﺍﻧﻲ ﺍﺧﻠﻲ ﺍﺑﻮﺝ ﻳﻤﻲ ﻭﺍﺻﺮﻑ ﻋﻠﻰ ﻋﻼﺟﻪ
ﺑﻘﻴﺖ ﺍﺑﺎﻭﻉ ﻳﻌﻨﻲ ﻋﻤﻮ ﺑﺎﻋﻨﻲ ﻫﺴﻪ ﻟﻮ ﺷﻨﻮ ﻭﻣﺎﺍﻋﺮﻑ ﻋﻘﻠﻲ ﻭﻛﻒ ﻣﻜﺎﻋﺪ ﺍﺳﺘﻮﻋﺐ ﺍﻟﻲ ﻳﺤﺠﻲ
ﺩﺧﻠﻨﻲ ﻳﻢ ﺍﻟﺮﺟﺎﻝ ﻭﺍﻧﻲ ﻛﻠﺸﻲ ﻣﻔﺎﻫﻤﻪ ﻛﻌﺪﺕ ﻣﺪﻧﻜﻪ
ﻣﺎﺍﻛﺪﺭ ﺣﺘﻰ ﺍﺑﺎﻭﻉ ﺑﻮﺟﻪ ﺍﻟﺮﺟﺎﻝ
ﻋﺎﻣﺮ - ﻫﺎﻱ ﺑﺖ ﺍﺧﻮﻳﻪ ﻓﻠﻚ ﺻﻐﻴﺮﻩ ﺗﻮﻫﻪ ١٨ﺳﻨﻪ
ﺣﺴﻴﻦ - ﻛﻠﺘﻠﻬﻪ ﺍﻟﻲ ﺍﺭﻳﺪﻩ ﻻﻥ ﻣﻦ ﻫﺴﻪ ﻻﺯﻡ ﻧﺘﻔﻖ
ﺗﺠﻴﺒﻴﻦ ﺍﻟﻄﻔﻞ ﺭﺃﺳﺎً ﺗﻨﻄﻲ ﺍﻟﻲ ﻭﻣﺎﻟﺞ ﻳﻤﻲ ﺷﻲ ﻏﻴﺮ ﺍﻟﻔﻠﻮﺱ ﺍﻧﻄﻴﻬﻦ ﺍﻟﺞ ﻭﺍﻟﻠﻪ ﻭﻣﺤﻤﺪ ﻭﻋﻠﻲ ﻭﻳﺎﺝ
ﻣﻦ ﻫﺴﻪ ﻧﺘﻔﻖ ﺍﻧﻲ ﺻﺎﺭﻟﻲ ٢٥ﺳﻨﻪ ﻣﺘﺰﻭﺝ ﻭﺍﻟﻠﻪ ﻣﺮﺯﻗﻨﻲ ﺯﻭﺟﺘﻲ ﻣﺮﻳﻀﻪ ﺑﺎﻟﻘﻠﺐ ﻭﻣﺘﻜﺪﺭ ﺗﺨﻠﻔﻠﻲ ﻃﻔﻞ ﻭﺍﻧﻲ ﺍﺣﺒﻬﻪ
ﺍﺭﻳﺪ ﺍﺗﺰﻭﺝ ﺯﻭﺍﺝ ﻭﻗﺘﻲ ﻭﺑﻘﺒﻮﻟﻬﻪ ﻫﻴﻪ ﻭﻋﻠﻤﻬﻪ
ﻓﻠﻚ - ﻳﺤﺠﻲ ﻭﻳﺸﺮﺣﻠﻲ ﻭﺍﻧﻲ ﺍﺣﺲ ﺍﻟﺪﻧﻴﺎ ﺗﻔﺘﺮ ﺑﻴﻪ
ﻭﻛﻼﻡ ﻋﻤﻮ ﻋﺎﻣﺮ ﻳﻄﻦ ﺑﺄﺫﻧﻲ ﻳﻜﺘﻞ ﺍﺑﻮﻳﻪ ﻻﻥ ﻻ ﻫﻮ ﻋﺎﻳﺶ ﻭﻻ ﻫﻮ ﻣﻴﺖ ﻭﻳﺮﻳﺪﻧﻲ ﺍﺑﻘﻲ ﻳﻤﻪ ﺍﺣﺲ ﻏﻮﺍﺵ ﺣﺎﻭﻁ ﻋﻴﻨﻲ ﻭﺭﺍﺳﻲ ﻳﻮﺟﻌﻨﻲ ﻛﻮﻩ ﻛﺪﺭﺕ ﺍﺳﻴﻄﺮ ﻋﻠﻰ ﻧﻔﺴﻲ
ﻓﻠﻚ - ﺍﻧﻲ ﻣﻮﺍﻓﻘﻪ ﻭﺍﻗﺒﻞ ﺑﺲ ﺑﺸﺮﻁ
ﻋﺎﻣﺮ - ﻓﻠﻚ ﺍﻧﻮﺏ ﺍﻧﺖِ ﺗﺘﺸﺮﻃﻴﻦ ﺍﻋﺬﺭﻧﻪ ﺍﺑﻮ ﻋﻠﻲ
ﻓﻠﻚ - ﺍﺑﻮﻳﻪ ﻭﻳﻦ ﻣﺎﺍﺭﻭﺡ ﺍﺧﺬﻩ ﻭﻳﺎﻱ ﻣﺎﻛﺪﺭ ﺑﺪﻭﻧﻪ ﻭﺍﻧﻲ ﺍﺳﻮﻱ ﺍﻟﻲ ﺗﺮﻳﺪﻩ
ﻋﺎﻣﺮ - ﻓﻠﻚ ﻛﻮﻣﻲ ﺍﺭﻳﺪ ﺍﺣﺠﻲ ﻭﻳﺎﺝ
ﺣﺴﻴﻦ - ﻋﻮﻓﻬﻪ ﻣﺎﻛﻮ ﺩﺍﻋﻲ ﺗﺤﺠﻲ ﻭﻳﺎﻫﻪ ﻣﻮﺍﻓﻖ ﻣﺎﻋﻨﺪﻱ ﻣﺸﻜﻠﻪ ﺍﻟﺒﻴﺖ ﺟﺒﻴﺮ ﻭﺍﺧﺼﺼﻠﻪ ﻏﺮﻓﻪ ﺍﻟﻰ ﺍﻥ ﺗﺠﻴﺒﻴﻦ ﺗﺎﺧﺬﻳﻦ ﺍﺑﻮﺝ ﻭﺗﻄﻠﻌﻴﻦ ﻭﺍﻧﻄﻴﺞ ﺍﻟﻤﺒﻠﻎ ﺍﻟﺒﺎﻗﻲ ﻭﺍﺑﻮ ﺣﺴﺎﻡ ﻟﺘﺨﺎﻑ ﻧﺼﻴﺒﻚ ﻣﻮﺟﻮﺩ
ﻓﻠﻚ - ﻋﻤﻮ ﻋﺎﻣﺮ ﻣﻦ ﻛﺘﻠﻪ ﺍﺧﺬ ﺍﺑﻮﻳﻪ ﺿﺎﺝ ﻋﻠﻤﻮﺩ ﺍﻝ٣ﻣﻼﻳﻴﻦ ﻃﻠﻊ ﺍﻟﺮﺟﺎﻝ ﻭﻃﺒﻜﺖ ﺍﻟﺒﺎﺏ ﻣﺎﺍﻋﺮﻑ ..... ﺷﺴﻮﻳﺖ ﻋﻠﻤﻮﺩ ﺍﻟﻜﻪ ﺑﻴﺖ ﻳﻠﻤﻨﻲ ﺍﻧﻲ ﻭﺍﺑﻮﻳﻪ ﻭﻋﻤﺮﻱ ﺻﻐﻴﺮ ﻣﻌﺮﻓﺖ ﺍﻟﻤﺼﻴﺒﻪ ﺍﻟﻲ ﺭﺍﺡ ﺍﺧﻠﻲ ﻧﻔﺴﻲ ﺑﻴﻬﻪ ﻭﻫﻴﻪ ﺍﻧﻄﻴﻬﻢ ﻗﻄﻌﻪ ﻣﻦ ﺭﻭﺣﻲ
ﺭﺃﺳﺎً ﺍﻧﺪﻛﺖ ﺍﻟﺒﺎﺏ ﺻﺤﺖ ﻣﻨﻮ
ﻋﺎﻣﺮ - ﺍﺍﺍﺍﻧﻲ
ﻓﺘﺤﺖ ﺍﻟﺒﺎﺏ ﺍﻟﻪ .... ﻫﺎ ﻋﻤﻮ
ﻋﺎﻣﺮ - ﺍﻝ٣ﻣﻼﻳﻴﻦ ﺑﺎﺟﺮ ﺭﺍﺡ ﺍﺳﺘﻠﻤﻬﻦ ﺍﺿﻤﻬﻦ ﻳﻤﻲ ﺍﻟﺤﺪ ﻣﺎ ﺗﺮﺟﻌﻴﻦ
ﻓﻠﻚ - ﺍﻧﺖ ﻣﻮ ﺗﺼﻴﺤﻠﻪ ﺍﺑﻮ ﺣﺴﻴﻦ ﺷﻠﻮﻥ ﻟﻌﺪ ﻣﺎﻋﻨﺪﻩ ﻃﻔﻞ
ﻋﺎﻣﺮ - ﻣﺠﺮﺩ ﻟﻘﺐ .... ﺟﻬﺰﻱ ﻧﻔﺴﺞ ﺑﺎﺟﺮ ﺏ١١ﺍﻟﺼﺒﺢ ﻧﻌﻘﺪﻟﻜﻢ
ﻓﻠﻚ - ﻛﻠﺸﻲ ﺳﺮﻳﻊ ﻣﻤﺪﺭﻭﺱ .... ﻭﻻ ﺍﻋﺮﻑ ﺷﻨﻮ ﺣﻴﺼﻴﺮ ﻣﺠﺮﺩ ﺭﺩﺕ ﺍﺧﻠﺺ ﻣﻦ ﺍﻟﺤﺮﺏ ﺍﻟﻲ ﺍﻧﻲ ﺑﻴﻬﻪ ﺩﻭﻩ ﺍﺑﻮﻳﻪ ﺍﻻﻳﺠﺎﺭ ﺍﻟﻤﻨﻄﻘﻪ ﺍﻟﻲ ﺗﺤﺠﻲ ﻋﻠﻴﻨﻪ ﻫﺮﺑﺖ ﻣﻦ ﻛﻞ ﺫﻧﻲ
ﻣﻘﺎﺑﻞ ﺍﺑﻴﻊ ﻗﻄﻌﻪ ﻣﻦ ﺭﻭﺣﻲ
ﺟﻬﺰﺕ ﻧﻔﺴﻲ ﺑﻠﻴﻞ ﻭﺛﺎﻧﻲ ﻳﻮﻡ ﺧﺎﺑﺮﺕ ﻋﻠﻰ ﺧﺎﻟﻪ ﺍﺟﺘﻨﻲ ﻭﻛﺘﻠﻬﻪ ﺭﺍﺡ ﻳﺰﻭﺟﻨﻲ ﻋﻤﻮ ﻭﺣﺠﻴﺘﻠﻬﻪ ﺷﻠﻮﻥ
ﺷﻬﻜﺖ ... ﻭﺩﻛﺖ ﻋﻠﻰ ﺻﺪﺭﻫﻪ
ﺍﻡ ﻗﺎﺳﻢ - ﺍﺍﺍﻧﺖ ﺗﺨﺒﻠﺘﻲ
ﻓﻠﻚ - ﻟﻌﺪ ﺷﺴﻮﻱ ﺧﺎﻟﻪ
ﺍﻡ ﻗﺎﺳﻢ - ﺍﺣﻴﺒﻴﻦ ﻃﻔﻞ ﻭﺗﻨﻄﻲ ﺍﻟﻬﻢ ﻳﺘﺴﺤﻞ ﺑﺄﺳﻤﻬﻢ ﻭﺍﺻﻴﺮﻳﻦ ﻣﻄﻠﻘﻪ ﺑﻌﻤﺮ ﺍﻝ ﺍﻝ١٩ﻟﻮ ﺍﻝ٢٠
ﺗﺨﺒﻠﺘﻲ ﺍﻧﺖِ
ﻓﻠﻚ - ﻭﻳﻦ ﺍﺭﻭﺡ ﻋﻤﻪ ﻓﻬﻤﻴﻨﻲ ﻭﺍﻟﻨﺎﺱ ﻛﻠﻬﻪ ﻋﺒﺎﻟﻬﻪ ﻳﺘﻄﻔﺮﻭﻥ ﺯﻟﻢ ﻋﻠﻴﻪ ﻭﺍﺫﺍ ﺍﺷﻴﻞ ﻫﻮ ﺍﻧﻲ ﻻﻛﻴﻪ ﻓﻠﻮﺱ ﺍﻳﺠﺎﺭ ﺣﺘﻰ ﺍﺷﻴﻞ
ﻭﺍﻟﺒﻴﺖ ﻫﺬﺍ ﺷﻠﻮﻥ ﺗﻔﺮﻏﻲ
ﻓﻠﻚ - ﻭﺍﻟﻠﻪ ﻣﺎﺍﺩﺭﻱ ﺭﺍﺡ ﻳﺠﻲ ﺍﻟﻴﻮﻡ ﺍﻟﻌﺮﻳﺲ
ﺍﻡ ﻗﺎﺳﻢ - ﻭﺷﻜﺪ ﻋﻤﺮﻩ ﺍﻟﻌﺮﻳﺲ
ﻓﻠﻚ - ﺟﺒﻴﺮ ﻭﺑﺠﻴﺖ
ﺍﻡ ﻗﺎﺳﻢ - ﺑﻜﺪﻣﻦ ﺗﻘﺮﻳﺒﺎً ﺷﻜﺪ ﻋﻤﺮﻩ
ﻓﻠﻚ - ﻓﻮﻙ ﺍﻝ٤٠ﺗﻘﺮﻳﺒﺎً
ﺍﻡ ﻗﺎﺳﻢ - ﺍﺧﺬﺕ ﻧﻔﺲ ﺍﺥ ﻳﺎﻟﻔﻘﺮ ﺍﺥ ﻟﻮ ﻋﻨﺪﻱ ﺑﻴﺖ ﻫﺴﻪ ﻣﺜﻞ ﺍﻟﺒﺸﺮ ﺍﺧﻠﻴﺞ ﻫﻴﺞ ﺗﺴﻮﻳﻦ ﻭﺗﺒﻴﻌﻴﻦ ﺭﻭﺣﺞ ﺍﺥ ﻳﺎ ﻳﻤﻪ ﺍﺥ
ﻛﻌﺪﺕ ﻟﻤﻴﺖ ﺍﻭﺭﺍﻗﻨﺎ ﺍﻟﻤﻬﻤﻪ ﻭﺻﻮﺭﻧﺎ ﻭﺍﻟﺒﺎﻗﻲ ﻫﻨﻪ ﻛﻢ ﻏﺮﺽ ﺣﺘﻰ ﻣﺎﻛﻮ ﻣﻜﺎﻥ ﺍﺧﻠﻴﻬﻦ ﺑﻴﻬﻪ ﻭﻛﻠﺖ ﺍﻟﺨﺎﻟﻪ ﺗﻨﻄﻴﻬﻦ ﺍﻟﻔﻘﻴﺮ
ﺻﺪﻙ ﺑﺎﻝ١١ﻭﺷﻮﻳﻪ ﺍﺟﻮﻱ ﻭﻋﻘﺪﻭﻟﻲ ﻋﻘﺪ ﺳﻴﺪ ﻭﺍﺧﺬﻧﻲ
ﻛﺎﻝ ﺍﺑﻮﺝ ﻳﺒﻘﻪ ﻳﻢ ﻋﻤﺞ ﻳﻮﻣﻴﻦ ﺑﻴﻦ ﻣﺎﺍﺟﻬﺰﻟﻪ ﻏﺮﻓﻪ ﺑﺒﻴﺘﻨﺎ
ﺍﺧﺬﻧﻲ ﻭﺭﺣﺖ ﺍﻧﻲ ﻣﺜﻞ ﺍﻟﻤﺼﺪﻭﻣﻪ ﺍﻟﻬﺒﺸﻪ ﻣﺎﺍﻋﺮﻑ ﺑﺲ ﺍﺗﺼﻔﻦ ﻣﻤﺴﺘﻮﻋﺒﻪ ﻛﺎﻧﻤﺎ ﺣﻠﻢ ﺍﻭ ﻫﻴﺞ ﺷﻲ
ﻭﺻﻠﻨﻪ ﺍﻟﺒﻴﺘﻬﻢ ﺟﺎﻥ ﺑﻤﻨﻄﻘﻪ ﺭﺍﻗﻴﻪ ﻭﺑﻴﺘﻬﻢ ﻛﻠﺶ ﺭﺍﻗﻲ
ﺍﻧﻲ ﺍﻟﺤﺪ ﻫﺎﻱ ﺍﻟﻠﺤﻈﻪ ﻣﻤﺴﺘﻮﻋﺒﻪ ﺍﻧﻲ ﺷﻜﺎﻋﺪ ﺍﺳﻮﻱ
ﺧﻠﻪ ﺍﻟﺴﻴﺎﺭﻩ ﺑﺎﻟﺒﺎﺏ ﻭﻛﻠﻲ ﻳﻠﻠﻪ ﻧﺰﻟﻲ
ﻧﺰﻟﺖ ﺍﻧﻲ ﺟﺎﻳﺒﻪ ﺟﻨﻄﻪ ﺻﻐﻴﺮﻩ ﺟﺒﺖ ﺩﺷﺪﺍﺷﺘﻴﻦ ﺯﻳﻨﺎﺕ ﻋﻨﺪﻱ ﻭﻛﻢ ﻟﺒﺲ ﺩﺍﺧﻠﻲ ﻭﺍﻣﺸﻲ ﻣﺜﻞ ﺍﻟﻤﺨﺒﻠﻪ ﺍﻭﻝ ﻣﺪﺧﻠﺖ ﺑﺎﻭﻋﺖ ﺍﻟﺤﺪﻳﻘﻪ ﺷﻜﺒﺮﻫﻪ ﻭﺗﻠﻤﻊ ﻟﻤﻊ
ﺩﺧﻠﺖ ﻭﺭﺍ ﺟﺎﻥ ﻫﻮ ﺷﺨﺼﻴﻪ ﻣﺒﻴﻦ
ﺟﺎﻥ ﻃﻮﻟﻪ ﻭﺳﻂ ﻭﺟﺴﻤﻪ ﻣﺮﺑﻮﻉ ﻭﻣﻼﻣﺤﻪ ﻋﺎﺩﻳﻪ ﻭﻭﺟﻬﻪ ﺑﻲ ﻣﻼﻣﺢ ﻛﺒﺮ ﻣﺒﻴﻨﻪ ﺷﻮﻳﻪ
ﺩﺧﻠﺖ ﻭﺭﺍ ﺍﻭﻝ ﻣﺪﺧﻠﺖ ﻟﻼﺳﺘﻘﺒﺎﻝ ﺷﻜﺒﺮﺍﺗﻪ ﻭﺑﻲ ﻗﻨﻔﺎﺕ ﻧﺎﺯﻛﻪ ﻛﻠﺶ ﻣﺒﻴﻨﻴﻦ ﻧﺎﺱ ﻋﺪﻫﻢ ﺧﻴﺮ ﻫﻮﺍﻱ
ﺗﻮﻧﻲ ﻃﻠﻌﺖ ﻣﻦ ﺑﺎﺑﺎ ﺍﻻﺳﺘﻘﺒﺎﻝ ﺩﻧﺪﺧﻞ ﻫﻢ ﻛﻌﺪﻩ ﺛﺎﻧﻴﻪ ﻭﺟﺎﻥ ﺍﺷﻮﻑ ........
