رواية ذيب الشامخ الفصل الخامس عشر بقلم توتة
يڪول تفآرگنه وبعدهآ النآس تحسدنه
وبعدهآ طيوفگم كل ليل تلچمنه🖤🥀
༺༺༺༺༻༻༻༻
ذيب
راحو اهلي ؏ بيت رباب اني رحت علئ شغلي وماعرفت بعد شصار وياهم.
التهيت بالشغل غلقت جهازي حسب شغلي ماگدر افتحه حته مايشوش عليه
خلصت كل شغلي تقريبا بليل فتحت جهازي جان الگاه محترك من الاتصلات رباب متصله عليه اكثر من 20 اتصال
وامي واختي واخوي متصل بقيت صافن شصاير وياهم وليش الكل متصل عليه
اتصلت ؏ امي بقه شويه يرن وفتحت خط
ام ذيب : الوو هاا يمه ذيب شلونك
_هلا يوم زين انتي شلونج
ام ذيب : الحمدلله يمه زينه
_شصار وياكم موضوعي
قبل 5 ساعات "
دكينه الباب فتحته عمت رباب يسمونها حرير رحبت بينه ودخلنه للبيت
بيتهم مابيه هواي ناس بس رجال جبير هوه ومره جبيره اعتقد اجداد رباب
الحجيه : اهلا وسهلا
ام ذيب : بيج اكثر يبعد ڪلبي
حرير : تفضلو عيوني محتاجين شي
ام ذيب : ولله يمه احنه سألنه عليكم وعرفنه انتو ناس طيبين. واخلاق بناتكم ماكوو منهاا واحنه ليوم جايين عليكم حته نطلب ايد وحده من بناتكم
الحجيه : رحم لله والديج الانسان ينعرف بسوالفه الزينه والناس تعرفنه احنه شنهي وشلون رابين بس مَآعِرَفتّ انتي يابنيه تردين احنه عدنه خير مال بنات
اباوع علئ هاي حرير صارت تتبسم عبالها عليها جايين
ام ذيب : ولله احنه عاجبتنه وحده من بناتكم اسمها رباب
غلصت عيونها حرير مراضيه بكلام ام ذيب ..
الحجيه : انشالله بس ماعرفنه منين انتو ابنكم شيشتغل
كريمه : ولله حبيبه عدنه خير بس لله يعرف بيه ولولد ضابط ومعروف بشغله وناس كلها تعرفه بكرمه وطيبه گلبه وراح تكون بنتكم مدللهه عنده.
حرير : اممم ... الله كريم خاله يجي ابوها ونحجي وياه تعرفين القرار مو بدينه هوه الي يقرر
ام ذيب : اكيد احنه ننتضر خبر منكم.
الحجيه : انشالله
سلمنه وطلعنه اتصلنه برياض اجه رجعنه وبعد مادري شيصير
الحاضر "
_لله كريم يوم انشالله خير
ام ذيب : اهلها مبينين خيرين وناس اهل كرم وطيب
_اي صح بس كون هل ناس مايرفضون
ام ذيب : وين يلگون احسن منك خسرانين اذا يرفضون ولله
_يمه اني مو ؏ خسرانين او لا اني اريد لبنيه مايهمني شخص بيهم الي يهمني رباب وبس
ام ذيب : لله كريم يمه سوينه العلينه ولباقي عليهم همه اذا يرضون يردولنه خبرر واني انطيت رقمي لعمتها حرير
_لله كريم
بيت جد رباب ....
حرير : اكص ايدي اذا ماطلع اكوو علاقه بين رباب وهاذه الولد ابنهم
مروه : حته اني شكيت بالموضوع يعني وين شافوها وهمه من غير محافضه وابنهم ضابط واجو حجو حته بأسمها كدامنه وين عرفو اسمها اصلا
حرير : هل بنيه طلعت ملعبه بس دواها عدي يجي ابوها واني اعرف شلون اتصرف
مروه. : اي ولله طلعت ماتنگدر لا والاحلا من هاذه جايين خطابه لبيتنه ماراحو عليهم اذا هيج شوفي تريد تذلج لأن بعدج ممتزوجه
باوعت عليها بغضب.
مروه : اسفه ماقصدي احچي هيج بس هاي رباب حقيره شفتي شلوون دور بس فرصه حته تذلج بيها ولاجنج عمتها
حرير : لله كريم
سهام : هاا شلونكم
حرير. : انتي وين جنتي من صبح ماكوو ?
سهام : اتصلت بيه ام رباب وگالت تعاي علينه صارلنه هواي ماشايفينج ورحت ليش صاير شي
مروه : ليوم اجت عالم خطبت رباب وابنهم ضابط
سكتت سهام وعرفت انو اهل ذيب جايين علئ بيتهم مو علئ بيت رباب وعرفت السالفه راح تنلاص ماطول وصلت لحرير
حرير : اشوفج صفنتي شنهي تعرفينهم ?
سهام : منين اعرفهم بس شردت اي ومنو گعد وياهم منين همه.
حرير : اني وامي گعدنه وياهم وگالو يريدون رباب مادري حاسه يعرفونها
سهام. : لا منين يعرفونها
حرير : همه گالو يريدون رباب شخصيا منين عرفو اسمها اكيد عدها شي ويه الولد
مروه : اني هم هيج اگول ..
سهام : ولله مادري وحته اذا يعرفونها الموضوع مابي شي يجوز شايفينها وهيه رايحه للمدرسه واجو يخطبونها ماطول اجو من الباب ورايدينها علئ سنه الله ورسوله الموضوع مابي شي
حرير : لله كريم يجي ابوها ونگوله وبعد بكيفه هوه يريد ينطينها يريد لا
سهام : اي بعد بكيفه هوه احنه معلينه صدك هيثم رجع لْـۆ بعده
مروه : اي رجع وهسه نايم
سهام. : رايحه اشوفه
راحت سهام وهيه دايخه بكلام حرير تدري بيها حيه وتاخذ السالفه ؏ طاير عرفت اكوو شي موطبيعي ياربي تزوج الي تحبه ولله خطيه نوكف بقسمتها
مروه : اجه عمي وراح گعد ويه جدو
حرير : رايحه احچي وياه لاتخلين احد يدخل علينه
مروه : ماشي
دكت الباب ودخلت لگت اخوها كاعد ويه امه وابوه وهمه يحجوله علئ الناس الجايه ؏ بنته رباب
حرير : لله يساعدك خويه
ابو رباب : هلا خويه
حرير : حجولك ليوم اجت ناس ؏ بنتك رباب
ابو رباب : اي گالو منين ياهو الاجه وياهم نعرفهم احنه لْـۆ غرب
حرير : ولله شگلك خوويه احنه مانعرفهم بس بنتك يمكن تعرفهم
ابو رباب : شقصدج ?
حرير : ولله مادري خويه بس همه من اجو علينه عبالك يعرفون بنتك من زمان وحته گالو نريد رباب منين عرفو اسمهاا لآزٍمٍ اكوو شي وانته ماتدري
الحجيه : حرررير شنهي هل حچي
حرير : ياا يمه شگلت هسه اني
ابو رباب : لا خويه اكيد مشتبهه منين تعرفهم اصلا هيه ماتطلع
حرير : اي صح بس اني هاذه الي بالي وحچيته الك وانته بعد بكيفك تريد تنطيها تـريد لا بنتك بعد هيه احنه مالنه حق ندخل بقسمتها
ابو رباب : لا بالعكس انتو اهلها والكم الحق تحچون واذا شخص موزين تنصحوني
الحجيه : ولله اني شفت النسوان خوش ناس وابنهم حالته زينه
الحجي : حته لوو حالتهم زينه ناس غرب مانعرف شي عنهم صدكتي حجيهن شمدريج مايجذبن عليجن
حرير : ولله كلام ابوي صحيح
ابو رباب : لله كريم .. يلا اترخص منكم
حرير : الله وياك خويه محروس سلملي ؏ مرتك ولبنات
ابو رباب : يوصل
____________________
رباب
ساره : رباب ابوي جوه يريدج
_شيريد ??
ساره : ولله مادري بس سمعته يحچي ويه امي موضوع خطوبتج ضاهر اهل ذيب رايحين ؏ بيت جدي.
_ياااا
ساره : ولله هيج سمعته يحچي وحته ابوي هسه جاي م̷ـــِْن يمهم تعاي خلينه ننزل ونشوف شيريد منج بلكي لله وراضي ويريد ياخذ رأيج
_ساره ولله خايفه ماعرف ليش گلبي مامرتاح كوليله نايمه ماريدد انزل
ساره : يااا رباب شبيج يلا گومي خلينه ننزل هيج راح تخلين ابوي يشك بيج يلا
سحبت نفس بقهر ونزلت وياها شفت ابوي كاعد بالصاله هوه وامي مادري ليش كلبي خايف واديه ترجف
وصلت يمه واني اعصر بأديه همست بصوت ناصي
_لله يساعدك بابا
ابو رباب : هلا
_صحتلي
ابو رباب : ليوم جايين عليج ناس يخطبونج تعرفين الولد انتي ?
_ءا لا منين اعرفه منوو همه الجايين
ابو رباب : ناس غرب واني رفضت الموضوع مايناسبج الولد وانتي بعدج صغيره موو مال زواج كملي دراستج ولله كريم.
احس مثل سجين وخلاها بگلبي بلعت الغصه وسكتت مانطقت كلمه وحده هزيت راسي بأي عفتهم وصعدت علئ غرفتي.
گعدت ابجي ؏ حضي اتصل جهازي جانت مرت عمي سهام
سهام : الوو هاا رباب شلونه الوضع يمج
_كلشي خرب عمه ابوي رفض
سهام : طبعا يرفض اذا عمتج شاكه انو اكوو عندج علاقه وياه اكيد قرت براسه وخلته رفض هاذه الزواج
_هوه حضي واعرفه لْـۆ عندي حض مجان راحو ؏ بيت جدي اووف هسه شسوي
سهام : شوفي هسه اسكتي ولاتصرفين شي خلي يهدئ الوضع وابوج ينسه كلام عمتج وخلي ذيب يجيب اهله مره ثانيه بس هل مَـرّھٌ خليها تجي زلم مو نسوان
_بس هيج راح يشك بيه
سهام : ادري راح يشك بس ماعندج خيار ثاني واذا ماتريدين ذيب اسكتي او عوفي
_شلون ماريده بس خايفه من يعرف ابوي رفض بعد مايرجع يخطبني
سهام : غلطانه اذا يحبج من صدك يرجع مره ومرتين
و 3
_لله كريم
سديت من عمتي ونمت گعدت الصبح على اتصال من ذيب فتحت عيوني نعسانه شفته رقمه كمزت بسرعه
_الوو
ذيب: صباح الخير حبيبي شلونج
_زينه الحمدلله انته شلونك شخبارك
ذيب : الحمدلله شگالو اهلج ماسمعتي شي
_ماسمعت شي ميحجون كدامي
ذيب.: ابوج گلتوله بعدكم
_اي امي حجتله ومادري شگالها
ذيب : لله كريم حبيبي انشالله يقبل واذا مايرضه ارجع مره ثانيه اخطبج
_واهلك شلون
ذيب : اهلي شعليهم
_يعني يقبلون يرجعون مره ثانيه
ذيب : ليش همه بكيفكم ارجعهم ١٠ مرات
_فدوة لكلبك يروحي انته.. انته ليش اتصل عليك لبارحه مغلق
ذيب : ولله جان عندي شغل وماگدر احجي وياج حتى اهلي كلهم لگيتهم داكين عليه
_ها تمام
ذيب : اني هسه طالع بشغل محافضه ديالى من ارجع احجي وياج ماشي حبيبي
_شلون يعني هم تغلق جهازك
ذيب : لآ مراح اغلق جهاز بس احتمال اتاخر يلا ارد عليج لايضل بالج ماشي
_تمام حبيبي دير بالك على نفسك
ذيب.: انشالله گلبي انتي هم ديري بالج على نفسج
سديت من عنده عفت الجهاز وبدلت ورحت على المدرسه ....
___________________
طلعت من اهلي اتصلو بيه گالو لازم تجي عدنه شغل ضروري بالرغم اني ماخذ اجازه بس ماگدر اكعد
طلعت على ديالى سمعنه بيها بيوت دعاره وتعاطي مخدرات وهل سوالف
رحت على المركز وطلعنه دوريات على منطقه ***
وصلنه تقريباً العصر داهمنه المكان ودخلنه على البيت جان عباره عن كح**** وكوا*** وياهم
سحلناهم للمركز بالطريق صاعد بسيارتي متوجهه للمركز لمحت شخص واكف يشبهه ايي ولله هوه نفسه
لله جابك الي ليووم منوو يفلتك من ايدي
رجعت سيارتي ليورا وعفت سيارات الوراي تطلع ركنتها وطلعت سلاحي وتوجهت عليه
ليووم صدك ناوي اندمه على كلشي سواه بيه موو اني الي ينضحك عليه
جان واكف على شارع العام مقابيل محلات بنص السوك
سحبت المسدس وجهته عليه ورحت عليه خليته براسه واني عيوني مركزه عليه
همستله بصووت غاضب
_اششش اي حركه منك افرغ هل مسدس براسك
