رواية لأني عاقر الفصل الخامس عشر بقلم مريم خفاجة
تبيع عيونك؟
بعُمري اشتريهن
دضحك يا سلام الله عليهن..
#لأني_عاقر
#البارت_الخامس_عشر
صوتوا للبارت+تعليق بين الفقرات+متابعة
لحسابي لُطفاً...
ـــــــــــــــــــــــــــــــــــــــــــــــــــــــــــــــ
...
ضحك كمال وگال:-؏ شنو تشكين؟
بيداء:-كلشي يصير
كمال:-كلشي ماكو ان شاءلله يصير عدنة فروخ اني وملاك مو حبيبتي
جنت مخلية ايدي ؏ ميز
سحبها وباسها ضحكت وضربتة بزندة
وهمست:-ان شاءلله ماكو شي
هزت راسها ورجعت تاكل
وزودت الخوف الي بگلبي
وردة:-الله يعني جهالكم كلهم ان شاءلله يطلعون
يشبهوني
كمال:-ليش يشبهوج بوية شمعنى انتي؟
وردة:-موو ملاك تحبني هواية
ضحكت وگلت:-جا شفايتلي اذا يشبهون وردة اكو بجمال وردتي
باوعلي ورفع حاجبة:-وردتج؟
ملاك:-لاتغار اني احبها هواية
هز راسة ورجع ياكل ويهمس ب:-اممم
باستني وردة وهي
فرحانة وخالتي مطنگرة مافكت ابد
والغيرة من تشوفني
اني و وردة
لاتوصف
بحيث اضل تبلع بريگها من الحرگة
وتخوزر بية
گامت ونترت:-غسلي الأماعين وياج لاتبقيهن للعصر
هوَ اني دائماً اغسلهن شنو الجديد؟
سكتت ولميت الأماعين وغسلتهن
وردة:-ملاك
ملاك:-ها
وردة:-هاج ذني مال تحليل خلي نشوف بلكي الله والحسين تطلعين حامل
ملاك:-ان شاءلله يمة گلبي كام يدك بسرعة
وردة:-حتى اني باعي جسمي يرجف
ضحكت ودخلت للحمام سويت التحليل
وبقيت انتضر طلع خط فرحت
وطلعت لوردة:-بااعي طلع خط
وردة:-شو اشوف
اخذتة مني وباوعتلة ردت بخيبة:-لا
لازم خطين
بهتت ملامحي وهمست:-عبالي خط واحد
وردة:-شو بلا جربي الثاني ترة اول مرة
يصير خطأ حتى اني 3 مرات يلا صارت
ورحت حللت تحليل دم وتأكدت
ملاك:-شنو انتي شكد جايبة
وردة:-هههههه ولج هو اني جبت هواي
لان كالو ميصير بالمحاولة الأولى وزادن ذني
دخلي يلا
دخلت وسويتها مرتين تلاثة واربعة
ونفس النتيجة لويت شفتي
بإسى:-يمكن ما مكتوبلي
ضربتني بزندي وصاحت:-ولج شنو السالفة
قابل طب عمرج اربعين سنة بعدج زغيرونة
لاتضوجين وترة هو رزق من رب العالمين اني اصلا
متفقة ويا أمير ورا السادس يصير عدنة طفل
بس صار واحنة بدون مانحسبلة
حتى جنت آخذ مانع بس مرة وحدة ماخذت وصار
فـ لاتضوجين شوكت ما الله كاتب
ملاك:-لا ماضجت الله كريم
صاح كمال من الغرفة:-عمممممي اررررييييدددد انااااام
ملاك:-اي راح ننزل
اخذتها ونزلنة
طلعنة برة بالفي گاعدين ؏ مرجوحة
ونشرب جاي
وردة:-ماسولفتيلي ؏ قصة ابوج وأمي
ملاك:-خاف تطلع خالتي وتسمعنة
وردة:-گومي خلي ندور المرجوحة گبال الباب
حتى اليمر نشوفة
وفعلاً درناها للجهه الثانية
وفتحت الباب والشباك وسديت
باب المطبخ حتى من تفتحة يطلع صوت
وگعدت اسولفلها وهي تسمعني
ونحجي بصوووت ناااصي
وردة:-بس الغلط بأبوية تدرين يعني يدري
بيها تحبة ليش اخذها
ملاك:-اني هم اگول هيج
بس يعني فات الأوآن كبروا هم هسه ياريت
اعمارهم عشيرنات عمي نكول ثلاثينات
انتوا اعماركم حطب خمسين سنة هاي اذا مو ستين
وردة:-بس احسهم انضلموا حتى أبوج
وديطلع حرگتة بأمج وبيكم
ملاك:-اني بالأخص
وردة:-شنو السبب يكرهج الج يعني احس
يأذيج اكثر وحدة
ابتسمت بألم وسولفتلها
بيوم ولادتي
ابوية جان لازمني ويأذن بأذني
هذا الحجي ؏ لسان خالتي وجدان الجانت حاضرة
ويا أمي
وردة:-اي
ملاك:-
اخترق مسامع أبوية صوت خالتي
بدون حياء اجت للمستشفى
بيداء:-السلام عليكم
رجفت ادين ابوية وردت اوگع من إيدة
لزمتني خالتي وهمس:-بيداء شجابج
بيداء:-اجيت اباركلكم
وهي عيونها مغرغرة بالدموع:-الف مبروك علاء
ان شاءلله تتربة بعزك
علاء:-بيداء تعاي
عافته وركضت ركض وراها
وخالتي عافتني يم أمي الجانت فاقدة
وراحت وراهم جان لازم من عكسها
وهي تشهك:-كل ضني تطلگها كل ضني هاي
لعبة منك حتى تخليني اغار
علاء:-بس انتي هم تزوجتي وصار عندج ثنين مو واحد
صرخت بنص المستشفى
وضربته ؏ صدرة لدرجة الممرضين
والممرضات انتبهولها:-بس بعدددني احببببككك مايووووم حبيييت احمممدد ولا يووووم واحد
علاء:-ولا اني الحبيييت غيرررج بس انتي
العفتيني اول شييي بيددداء كاااافي تحرگييين بگلبييي كاااافي
وجدان:-كافي شنو زعاطيط انتوووو
ماسمعولها وضلو يتعاتبون اخر
شي ختمتها خالتي:-علاء البنية هاي اعتبرها
صارت غصة بگلبي ولاتتهنى بيها ان شاءلله
دفعتة وركضت
وطلعت من المستشفى ومن يومها كرهني
امي تگول من جنتي تبجين
جان يضربني حتى من جنت بالگماط
يشيلني ويشمرني بالگاع أكثر من مرة امي دخلت
بية مستشفيات واشكال والوان صارت امراض
بية وجانت سببها خالتي
مسحت دمعتي الوگعت وابتسمت
لوردة:-احسهم متأذين هواية واحنة الوگعنة بيها
ملاك:-الله يبرد گلبهم
خلصنة سوالفنة صار المغرب كمت صليت
و وردة راحت
كمال:-تسوين عشة لو نطلع؟
ملاك:-بكيفك
كمال:-تكيفين خو انتي ؏ خوارة
ضحكت:-عيد وجابة العباس
دمغني وراح لخالتي يقنعها
طلع مبتسم من يمها:-يلا روحي بدلي
ملاك:-خالتي تروح ويانة؟
كمال:-اي يلا
رحت صعدت فوك
لبست بنطرون وبلوز اسود وفوكاهن كوت
احمر جان طويل كلش
ملاك:-عليك الله كمولي
كمال:-شنو؟
ملاك:-خلي اطلع هيج
كمال:-اكلي تبن لا اشگة عليج
ملاك:-والله باوع من اللبس العباية
يگبگب من فوك فدووة
كمال:-ليش اخليج تطنگرين وتضوجين لبسي العباية
وصيري حبابة يلاااا بدون كلاااام زايد
صاح بوجهي طنگرت
لبست العباية وگتلة اني اعلمك
حطيت حمرة احمر ناري وخطيت عيوني بالكحلة
ولبست كعب اسود وشال اسود
وجنطتي مخططة اسود وابيض واحمر
ونزلت ضايجة حتى ما يحاجيني ؏ حمرة
باوعلي وخزرني:-انتيي ترددددين تكفررررييييني
شنوووو هاااااي الحمرررة
ملاك:-عاجبتني والله ما امسحها
كمال:-ملااااااك
ملاك:-كتلك ما امسحها
كمال:-انعل ابوج لابو اليطلعج هيييج امسسسحيييها
ملاك:-لاتغلط ؏ ابوووية
كمال:-ليييش لان سااااقط وگ....
دمعت عيوني وهمست:-ليش هيج تحجي
كمال:-امسحي
سكتت وماهتميت طلعت خالتي
وهمست من وراي:-هذا كلة لان راح اروح وياكم
رأساً درت وجهي عليها وفتحت حلكي كتلها:-مو
يمج السالفة ترة؟
عفتهم ورحت
خففت الحمرة بس بعدها قوية
وطلعت قبلة وگفت يم السيارة
تقدم وهو يخوزر بية يباوعلي ويباوع لشفتي
فتح السيارة
فتحت الباب وطبكتها حييل همس:-كسر بيدج
عطت بي:-خوووو بيددددك
ضحك وهز ايدة وصاح خالتي
صعدت بالصدر وهي تضحك بشماتة ياللهي
صبرني ضليت مطنگرة طول الطريق
وهي عبالها ؏ اساس ضايجة منها
وصلنة للمطعم گعدت بالطرف همس:-گومي
گعدي هنااا الزلم كلها گبالج
ملاك:-ماگوم مو دائماً من نجي اگعد هنا شتغير؟
اجة بهدوء ولزمني من زندة
حتى مايبين للناس لازمني ؏ خفيف
وگعدني بصف خالتي
الدموع صارت تلالي بعيني شبي هذا اليوم؟
بيداء:-ماما حبيبي لاتصرف هواي ترة ما مشتهين
ملاك:-لا اني جوعانة
نترت:-ترة ما مستلم راتب
كمال:-كافي عندي فلوس شنو السالفة
باوعتلها بتك عين رجعت بنفس النترة:-شوف
شوف شلون تباوع جا اذا ماترديني اجي شكو
تقنعون بية
ملاك:-ماقنعتج اني وما ضايجة لان جاي ويانه
بالعكس
بيداء:-كلام قنعي بي روحج
كمال:-اني صوجي طلعتجن
بيداء:-هو صوجك جا البشر يفيد ويا
شما تنطي
يكول بعد
گلت بگلبي هاي انتي مو اني
طلبنة وبالعناد طلبت هواية وهي تباوع
وتهمس بينها وبي روحها ماهتميت
اجة الاكل نزعت العباية من يم الردانات
باوعلي كمال:-هااا شنوو ترة تتوصخ العباية
كمال:-عمي اكلي شگلنة احنة اليوم تخبلتي شبيج
بيداء:-والله گتلك ضايجة مني
ملاك:-اي يلا هذا هو
ضليت آكل بشهية خلصت الاكل
كلة وهي تصيح:-يا يا جا شو هناك تتبطرين ؏
نعمة الله
ملاك:-يمتة متبطرة؟
كمال:-كافي شبيجججن تردن تتمالخن هننننااا
باوعتلها ورفعت حاجبي
وهي غمتني من جوة الميز غير اعرف شبيها
وياية
رجعنة للبيت مطنگرين حتى كمال
ضاج
باليل جنت نايمة واون من وجع
بطني دخل كمال للغرفة ونزع ملابسة
ودخل وياية بالفراش جرني اله وهمس:-يلا نراضيج
ملاك:-كمال مجازة عوووفني بطني تأذيني
كمال:-هااا واني اگول شبيها الفيوزات طاگة اليوم
باوعتلة بتك عين:-انت شفت امك شسوت بية
كمال:-انتي هم مطنگرة وتنطحين بكلامج
باوعتلة مستغربة ودرت وجهي
علي:-شنو يعني انطح بكلامي؟
شتقصد
كمال:-اهووو بدة النكد ب12 بالليل الله واكبر آسف بوية واعتذر غلطان اني وحقج ؏ راسي يلا بس نامي
ملاك:-تريد تخلص مني؟ واضح بعد متطقيني
هو انتوا هيج الزلم سنة وحدة وتملون
احس بي يهتز من الضحك:-شو دتضحك علية؟؟
كام ؏ حيلة وهو يمسح عيونة
ويضحك فحطان ضربتة بضهرة ودرت وجهي
عنة وضليت ابجي رجع حط
حنچة ؏ متوني:-اويلي يهرموناتج متطلع اله بتوالي الليل
ملاك:-وخررررر يلااااا
دارني وباسني بشفتي وضل يضحك
ويهدئ بية
اصلاً مدري شبية اليوم
من سولفت لوردة لحد هسه
متضايقة مدري ليش
مرت أيام هوواااية
وحياتي صارت فارغة من يروح
كمال اضل مبتعدة عن الكُل
صرت احتاج
طفل اعتني بي ويونسني بغياب كمال
فعلاً جنت محتاجة شي يغير حياتي
واني نايمة بحضن كمال همست:-كمالي
كمال:-همممم
گمت واني مخلية البطانية
؏ جسمي اتكيت ؏ عكسي ولعبت
بشعرة:-اريد طفل
كمال:-باجر
عگدت حاجبي:-شنو باجر؟
كمال:-اجيبلج طفل
ضربتة بصدرة ضحك وگال:-شتسوين بالطفل
حياتنه هيج حلوة
ملاك:-انتَ ماشايف حياتي من تروح وتعوفني
كمال:-يعني تردين الطفل يونسج؟
ملاك:-أي
كمال:-راح يطيح حضج حبيبتي
ملاك:-عاادي حلو شعور تكون أب لو أكون ام
شايف من اول ما ينطق الطفل
ماما او بابا تحس روحك تريد تطير
ابتسم:-شنو مجربة هذا الشعور؟
ملاك:-ارسمة بمخيلتي دائماً
واحلم اني بوسطكم انت وجهالي راح نكون اسعد عائلة صدكني
مستحيل اقصر عليكم بشي
خلة شعري ورا اذني وضحك:-حمستيني
هزيت راسي مبتسمة:-شعور حلو مو؟
هز راسة وذب الجگارة وسحبني
اله مرة الثانية
؏ أمل أصير حامل
انتضرت لنهاية الشهر واني ادعي
ماتجي الشهرية حتى اتأكد من روحي حامل
لكن خابت ضنوني من اجت
وعبرتها هالمرة وگلت يمكن مرة
ومرتين وتلاثة يلا يصير
بس وردة گالت مرة وحدة؟ وصار حتى بالغلط
ضليت احاول كل مرة وأفشل
رحت لبيت أهلي نمت
؏ رجلين أمي همستلي أمي:-ماما شو ماصار عدكم اطفال؟
وگعن دموعي ؏ دشداشتها وكمت:-يمة مادري
ليش ماجاي يصير طفل والله راح اموت
اخذت راسي لحضنها وهمست:-يا يمة اسم الله ان شاءلله يصير عدكم اطفال ليش هيج تولفين ؏ روحج
ملاك:-خايفة يمة هواي
أيمان:-لا يمة ماكو شي گولي يالله جا اني سنتين يلا صرتي انتي ونوب وراج خمس سنين يلا صارت ملك
واخر شي ريم وانتي موجودة وشفتي شكد طولت يلا حبلت بيها اصلا طب عمري نهاية الثلاثين وصرت حامل بريم عادي اكو يتأخر
ملاك:-بس اني اريد طفل
أيمان:-أمي جا هو بدينة قابل غير رب العالمين بيدة كلشي وبعدكم زغار حتى ماكبرتوا وصارلكم سنة من تزوجتوا حتى مو خمس لو ست سنين وتردين طفل جا اكو ناس 15 سنة عشرين سنة يلا يصير
شهگت وهمست بخوف:-يمة اسم الله
أيمان:-الله كريم يمة لاتفكرين زيادة
هزيت راسي وتطمنت وبالليل رجعت
لكمال سولفتلة الگالتة أمي:حتى اني اكول ليش
مستعجلين بس غير حضرت جنابج الكسيف
تردين طوفل
ضربتة حيييل:-لاتتتتعييييب غير انت تعوفني وحدي
كمال:-جا شتردين اعوف الضباط والعالم
والدنيا كلها والله ملوكة تريدني؟
تريد طوفل هههههههههههه
دمعت عيوني وصحت:-لاتضضضضححححححكككك
شبگني وهمس:-آسف آسف
جنة گاعدين ؏ تخم وهو حاضني
واني نايمة ؏ صدرة دخلت خالتي بيدها كوب
جاي وكعدت كبالنة ردت اگوم
كمال لزمني حيل مانعني همست
بيداء:-هاي ليش تصيح عليك؟
گلبت عيوني
وكمال جاوبها:-تريد طوفل
خزرتة خزرة هو لم شفايفة ويتوسلي
بعيونه
بيداء:-اي جا ليش غير اريد اشوف احفادي ليش متستعجلون؟
كمال:-بابا جا هو بيدي غير الله يرزقنة يعني شكلة يا الله استعجل والله امي ومرتي يردن
بيداء:-اي كون انتوا تشتغلون
كمال:-حبيبتي المعمل يشتغل والعمال بحيلهم بعدهم
ضحكنه بصوت عالي وخالتي همست وهي تضحك:-هيلك والله
ومرت ايام وماكو شي صار
بيوم بليل نايمة اني دك تلفوني كمت كوة
اشوف باوعت هاي وردة؟ شتريد
الساعة ب3
فتحت الخط وكلت:-الو
اجاني صوت أمير خايف ويحجي
مرتبك:-ملاااك وردة جاي تطللك واحنة بالمستشفى
گالت شسمة خلي ترتب الجنطة انتي بس انتي تعرفين شون مادري هي كالت
كمت مفزوعة وكتلة:-يلا هسه دقايق واجيكم
ركضت بدلت ولبست شي مستور
وركضت لخالتي
گعدتها فززت عبالها شو شصاير من درت
بوردة كامت حضرت نفسها ورحنة
لبيت جدي الكل مخبوص
صعدت ركض لغرفة وردة لكيت اخوات
امير كالبات الغرفة مايندلن الغراض
وين من اجيت صاحن بسرعة بسرعة
طلعتهن وهنه الغراض كبالهن
خليت ملابس الطفل وملابس الها وحفاضات
اله والها وخليت حليب واشكال والوان شنو
الي گالتة الي حطيتة
حتى تكرمون نعال وحذاء حطيت
كلت خاف تحتاج وملابس نضيفة جبتلها و واسعة
حتى تكدر ترضع براحتها
اخذت الجنط ونزلت اركض صعدت بالسيارة
وي محمد وانطلقنة للمستشفى
واني ادعي واناجي ربي تكوم بالسلامه
هي والطفل
وصلنة ورحنة ركض الها
أمير ومرت خالي وخالي وجدي والامة محترگة
كلها تفتر بصالة الانتضار
وصوت وردة وصراخها يعلى كل ثانية
ويكولون الطفل بعدة ما طلع لان الجارة
متقدمة
كلها تدعي وتستنجد برب العالمين
صاح امير بصوت عالي وهو يشهك
وما واعي ؏ روحة: -ياااااا علييييي
صحنة وراه كلنة
هدئ صوت وردة
ونور المكان بصوت الطفل يبجي
نصهم نزلو سجدو
للگاع
نزلت دموعي وحمدت رب العالمين
طلعن الممرضات يركضن
وبيدهن الطفل
منعونة نطب كالو جاي ينضفوها واحنة
؏ نار حولوها لغرفة خاصة
لأن جانت المستشفى أهلية ونضيفة حيل
لو حكومية جا ما اعتنوا بيها هيج
كلها تركض ورا السدية
و وردة الفاقدة وماتحس بشي
دخلوها وكالو بس ٣ يدخلون مو كلها
علمود المريضة
دخلنة اني وأمير وخالتي
لزم امير ايدها ويبوس بيها ويهمس:-وردتي گومي يروحي
واني امرغ برجليها
ودموعي تصب صحت وهي تهمس:- وين ابني
أمير:-جبتي يروحي اجة بخير وسلامة
اخذو ينضفو انتي زينة باوعيلي
شفت خوفة ولهفتة وصار گلبي
يدك سريع ؏ الموقف
همست بصوت انصى:-اريد مي
راد يشربها ايدة ترجف
اخذته منه وهو عدل كعدتها شربتها وهي
رجعت حجت:-ملاك انتي ماتجذبين علية ابني عايش؟
ابتسمت ومسدت ؏ راسها:-اي عايش والله
تدرين من صحنة يا علي وانتي جبتي وصار يبجي
بصوت عالي
ابتسمت ودمعت عيونها وگالت:-اني هم صحت يا ابو الحسنين
ملاك:-لعد سموه علي
هزت راسها وهي تگول لأمير:-نسمي علي حباب
ابتسم وباس راسها وگالها:-هذا هو
طلعت خالتي
وبقينة اني وأمير نبدللها ملابسها رغم
جانت تعبانة حيل
بس ماقبلت تضل بملابسها الوصخة
نضفتها عدل ورتبتها وشعرها شلتة
عالي ومالبستها شال گلت
ماكو احد غريب
غسلتلها وجهها ؏ كيفي
وشربتها ماي احسها ارتاحت ابتسمتلي وگالت:-بيوم
ولادتج راح ارجعلج هذا كلة
ملاك:-ان شاءلله بس ادعيلي
وردة:-اول مادخلوني للغرفة دعيت بصوت
عالي علمودج
حضنتها وبستها وخليتها تتمدد
وترتاح طلعت عنها ودخلو
جدي ومرت خالي وخالي يتطمنون
خالتي وأمير يمكن راحو للولد
شفت كمال من بعيد يركض ويدور رأساً
وگفت وأشرتلة بسرعة اجاني
ملهوف:-هاا جابت
ملاك:-اي جابت الحمدلله
كمال:-وهي زينة خو ماتخربطت؟
ملاك:-لا مابيها شي بس تعبانة شوية
شفنة أمير وخالتي يتقدمون
وبيد امير الطفل ومدمع يباوعلة حتى ما انتبهه
لطريقة
وصل يمنة باركلة كمال وباس راس
أمة همس:-انطينياه شو
اخذة كمال وضمة لصدرة وكال:-يابعد روح خالك
شسميتوه؟
امير:-علي
كمال:-أذنت بأذنة؟
أمير:-جدي گال هو يأذن
كمال:-شو وخري الغطا عن وجهه خلي اشوفة عدل
اباوعلة مبتسم وعيوني مدمعة
وكل ساعة نزلت دمعة
مني سريعة وامسحها واني اشوف لهفة كمال اله
وخرت عنة الغطا جان زغيروون كلشش و وجهه
ناعم وعيونة كبار وبعدة ملامحة ممبينة
بس هو ناعم حيل باس راسة كمال وانطاه
لامير ودخلو
وهو باوعلي وابتسم:-شبيج؟
ملاك:-احس گلبي يرجف شوكت يجي اليوم الألزم بي أبني
كمال:-يجي ان شاءلله لاتخافين واني وياج ويجينة طوفل
ضحكت وگلت:-مو وكتك
ضحك وحضن متوني دخلنة سوة
وردة جانت لازمه ابنها وتبجي بصوت ناصي
راح يمها كمال باس راسها وباركلها
وكلهم ملتمين
رادت ترضعة استحت شاورت مرت خالي
وهي طلبت منهم يطلعون
بس كمال ماطلع
وهي مستحية كلش من عندة
ملاك:-كمال اطلع خطية مدتشوفها تريد ترضعة
كمال:-جا منو لازمها مترضعة
خزرتة وگتلة:-متشوف البنية مستحية
گوم خطية
عافنة وهو يهز بأيدة
وبقينة بس اني وخالتي ومرت خالي
وكل ساعة معدلات الها
راسة لان متعرف تلزمة جسمها كلة يرجف
كملت رضاعة وهمست:-تعاي شيلي ملاك
خفت وتراجعت لورا:-لااا ماكدر
وردة:-لج تعاااي الزمي
تقدمت وگلبي يدك شلتة ومرت خالي
مساعدتني بي دموعي كامت تنزل
؏ خدودي وامسحها بستة بخدة
برقة وعفتة عد خالتي
وضليت كل ماتذكر اني شلتة جسمي يكزبر
جابلها أمير اكل
اكلت ونامت بسرعة
بقينة اني وأمير يمها لثاني يوم العصر
طلعناها واخذناها لبيتنه
تضل يمي احسن
حتى اتطمن وهي هم ماقبلت تروح لهناك
خليناها بالصالة وطلعنالها جربايتها
القديمة
وكاروك ابنها الخشبي بصفها
وخليت شنو تحتاجة ؏ طبلة وحطيتلها
جرارات وسلة حتى تذب بيها
وكلنس كلشي خليت يمها حتى متتعب
صرت انام يمها جوة بالصالة
امير من يطلع من دوامة لحد ما يصير باليل
هو يمها وشتريد يركض يجيبلها
جان مكيف بإبنة ومو
بس هو كلنة فرحانين بية گمت
حتى ماحس بكمال من يروح للدوام اضل مكابلتة
وگاعدة
بس مرات قليلة اشيلة مادري
ليش عندي رهبة من اشيلة اضل ارجف
ويريد يوگع مني
مرات يضل يبجي بليل ويصرخ
وأمة تحاول تسكت بي
بس من اخذه اني بسرعة يسكت
خالتي گالت:-لأن حنونة فـ الطفل يحس بأنو هذا الانسان حنون يرتاح يمة
وردة:-جا وشبية اني يمة؟ جا غير اني امة
والله غرت شنهاي
ضحكت
وخالتي كالت:-جا كمال ماجان يسكت عندي
همين بس عد خالتج ام زهراء يسكت
بسرعة
گلبت وجهي واني اهز بي ؏ رجلية
بيداء:-خلي ايدج جوة راسة لاينمتن
ملاك:-ماگدر يتأذة
بيداء:-دجيبي جيبي شمعرفج انتي
باوعتلها بقهر
وسكتت و وردة كالت:-شنو السالفة
ماينمتن ؏ كيفج يمة انتي راح تمتني لاتهزين بي هيج
بيداء:-دروحن كلشي ماتعرفن
هاج رضعي شوفي يدور
وردة:-شنو كل ساعة هيه
بيداء:-شوف الفهاوة يالله
ولج رضعي جوعان
وردة:-مايشبع كش حتى اني وابوك مو أكالين حتى تطلع هيج ماشايف
ضحكت وهي تدردم علي
وهو مرات يعضها حيل من صدرها وهي
تضل تصرخ واني اضحك عليها
كم يوم واجت رندة للبيت
الحمدلله ما اجت ولاء وياها حتى
تضحك وتسولف وياية
عكس ماتجي
ذيج الحية وياها
جنة كاعدين ؏ غدة وهي تسألني
ليش ما صار عدكم ومدري شنو
ملاك:-والله مادري لحد الآن ليش ماكو رغم
احنة لا ماخذين احتياطاتنه ولا شي
رندة:-ليش اصلاً اني من اول مرة
صار و وردة كذلك وكل الي اعرفهن من اول مرة
وحتة مرات تصير بالغلط
ويصير عدهم انتوا ليش ربكم وحد
ملاك:-عادي حتى امي تكول سنتين يلا جبتج
اني و وردة عيونه تمركزت ؏ خالتي الكلبت
وجهه وضاجت والسبب معروف
رندة:-هذا المسكين يضل ينتضر
ملاك:-هو أصلاً ميريد يكول هيج مرتاح خليني
رندة:-حبي هاي بس هيج البدايات كم شهر
ويصيح اريد طفل ويبقة شالع كلبج وحقة طبعاً
محد يلومة منين اكو واحد يتحمل سنتين بدون طفل
ملاك:-لعد ذولة الينتضرون اكثر من عشر سنين
شلون يتحملون
رندة:-اي ذولاك يحبون نسوانهم
ملاك:-وكمال يحبني هم ولو اضل بعد عشرين سنة
ماعندي اطفال يضل وياية ومتوكف بعينة هيج اشياء
رندة:-والله مادري بيكم بس لاتثقين زايد حبيبي
سكتت واني احترك شتقصد يعني؟
مرت أيام وراحت وردة لبيتها
صارت وحشة وحتى من طلعو بقيت بس ابجي
احس صدري قبط
تعودت علي هوواية كمت حتى من اطبخ
اگول خلي اخلص بسرعة حتى اروح
لعلاوي بعدين اتذكر همه راحوا
تبقة دموعي تلالي بعيني
گمت باليوم مرة لو مرتين اروحلهم واضل
اشمشم بي واشكي حالي الة
واگولة ان شاءلله يصير عندي ولد وتصيرون
انتَ وياه اصدقاء وتلعبون سوة
جنت اتخيل ابني وابن وردة
اتخايلهم سوة ويكبرون سوة
ويبقون اصدقاء للأبد
بس يبقة كلشي بمكانة
ومو كلشي نريدة يصير
والحلم يبقة حلم
صار الوضع لا يُطاق مشاكل يومية
علمود الاطفال بين خالتي وكمال
بيداء:-شنوووو موووو بككككييييفكم اكللللههه
العالممم اكللللت وجهي راح يصييير سنتين وانتوا ؏ وضعكممم
كمال:-بالكائنااااات يعنيييي هووو بيدييييي
بيداء:-جااا بيدمنننن متگليييي
كمال:-تعععععاااي اصعدددي باليل وشوفيني
شلون ...............
بلعت ريگي بخجل وسكتت
وهي تفور
عافنة وصعد
وهي اجت لزمتني حيل من ايدي:-شوووفي ولج تروحين تقنعيييننننه يجيبلج صخام لطام من الدكاترة لو ياخذج لدكتورة وتشوفون الوضعية كاااافي مليييتتت ترة اني وردة تزوجت وراااج وهسه ابنها
كم يوم ويررركض يگوم وانتتتتووووا بس حايرين
......... وكلشي ماكو
ملاك:-خالة شسويلة مايقبل والله
بيداء:- مو مشكلتي قنعي لاتشوفين الوجه
الثاني
كلة هذا وبعد اكو وجهه ثاني؟
ششوف يعني بعد؟
عافتني وطبت لغرفتها
واني اشيل بالاماعين واغسل بيهن واركع
وعيوني تجري
كملت وصعدت لكمال
لگيتة يدخن
اول مادخلت صرت اشهك وامسح
دموعي:-شبيييييج انتتتي الثااااانية
ملاك:-ل.لاتصييييحح علية لاتصيح لاتصيح
حجيتها و وكعت
بين الكنتور والحايط واني اشاهك
وضامة رجلية لصدري وايدي ؏ وجهي
حسيت بس ادي تحتضني وراسي صار برگبتة
وهو يمسد ؏ شعري ويهمس:-اششش بابا اسكتي
ملاك:-مووو ذننننبي اذا ماكو لسة اطفال
الله جاي يعذبني ليششش هييييج
كمال:-حرررام ملاك لاتكولين هيج
كومي شو
گمت وياه تمددت ؏ الجرباية واني دموعي
بعدهن يجرن:-كافي يا أبوية هو لابيدي ولابيدج شنسوي بعد الي كاتبة الله يصير
ملاك:-اكو منشطات دزتلياهن وردة جيبهن من الصيدلية يمكن يصير حباب
كمال:-مايصير تاخذين شي ما موصفة الج الدكتور
ملاك:-انتَ بس روح وشوف اذا انطاك واسألهم يصير ناخذهن
هز راسة وهمس:-ان شاءلله نامي هسه تعبتني انتي وامي
ملاك:-هي هم حقها تريد تشوف احفادها
سكت وضل يمسد ؏ شعري
غفيت شوية وفزيت ؏ صياحة عرفتة تعارك
ويا خالتي
نزلت اركض سمعتة يگللها:-قسماً بالله اذا
سمعتج يـ يمة محاجية ملاك لو کايلتلها شي
اخذها واطلع لغير بيت
بيداء:-ولككك اككككل تبببن شنووو تطلللع ماگتللللها شيييي گتلهااا قنعي تشوفين دكتووورة تجيك الووووضع وينها خلي تنزل وتحط عينها بعينييي وتگول ماگلتي هيييج
كملت نزلتي واني اهمس:-اني ماگتلة شي لكمال
خالة بس هو عبالة انتي مضوجتني
بيداء:-اخلاق سز ومامتربي عبالي بيك حظ بس طلعت
مو كد المقام واني كل الي اريدة مصلحتك
وتشوف جهالك ويكبرون گبالك وراح ابقة الح لحد
ماتشوفولكم جارة ماخليكم ؏ هواكم اني اعلمكم
دخلت وهي تخزرني وتخزر بكمال
وطبگت الباب وراها قوي
استغفر كمال وطلع
صعدت فوك ضيگي بدة يقل
وقدرة تحملي بعد خلصت
لليل واجة كمال وجاب منشطات
وصرت اخذهن كل ما يخلصن اجيب
ونهاية شهر من الشهور بقيت منتضرة العادة
مثل كل مرة ويخيب ضني
مر يوم وهي ماكو مرت يومين وماكو
3 ايام وهم ماكو بقت عيوني تدمع يعني اني حامل
هسه؟
نزلت اركض لخالتي وكتلها
وهي حجت بلهفة:-اي اي خلي يجي كمال وياخذج
بلكي بجاه الحسين كون حامل والله تعبت من الحجي
انقهرت عليها واني اشوفها فرحانة:-ان شاءلله
خالة ادددعييلي فدوووة
بيداء:-والله كلبي مرتاح احس صدك حامل
ملاك:-اني هم والله
انتضرت كمال ؏ احر من الجمر اول
مادخل عطت بصوت عالي يرجف
وملازمتة شهگة:-كمال يم. يمكن اني حامل والله
عكد حاجبة وكال: وشون عرفتي
ملاك:-ماكو تاخرت الشهرية امشي خلي نروح لأي مختبر
كمال:-ملاك مو هيج لاتستعجلين خاف تطلعين مو حامل وتتأذين
ملاك:-لا لا اني متأكدة والله مستحيل يخيب ضني برب العالمين واني احس احس اكو طفل ببطني
ذب نفس وهمس:- يلا بدلي
ركض ركض ماعرف شلبست وطلعنة
واني ادعي ربي وساعة اشكرة واگول مايخيب ضني
اكيد متأكدة
وصلنة سحبو دم وگعدنة ننتضر
ودموعي بعيني وادعي ربي
صاحو اسمي ماگدرت اگوم من الرجفة
لزمني كمال وهمس:-؏ كيفج ملاك
ملاك:-يارب يارب
انطتني السكرتيرة الورقة حجت
وهي تعلج:-سالب عيني مو حامل
تسللت دمعة مني ؏ خدودي
واني اباوعلها بخيبة وكمال لازمني حيل
ويحجي وياية بس اني فاصلة
مسحتها وكلت واني صوتي يرجف
حتى هي انقهرت:-زين الشهرية تأخرت واني ولا مرة تاخرت هيج عندي شلون مو حامل
:-عادي هي تصير خربطة بالهرمونات
شكد صارلها متأخرة؟
ملاك:-3 ايام
حركتها شفتها بيأس وكالت:-انتضري عشرة أيام
وتعاي اذا نزلت فـ بعد مبينة السالفة
اخذ منها الورقة وسلمها فلوس
وطلعنة واني گوة امشي
بهاي الثواني
كبرت عشر سنين احس
انطفت الدنيا بعيني
شراح اگول لخالتي؟ كمال الي تلهف؟
روحي العطشت للطفل؟
مثل آخر شمعة
تضوي البيت وانطفت...
رجعنة واني حتى دموعي خلصت
بقيت اباوع للطريق وللجهال الي يلعبون بالشوارع
واتخيل ابني وياهم
وصلنة للبيت واني حايرة شلون
اواجهه خالتي شنو أگللها؟
لزمني كمال من خصري ومشاني وهو يگول:-بابا
شنو السالفة كوة تمشين صدك جذب لاتسوين هيج بروحج
فتح الباب وعيوني التقت بخالتي
وكعت دموعي بسرعة
وهي جانت تفتر بالصبة
ومتوترة شافتنة وكفت وتباوعلنة بخوف
شافتة الوضعية لوت شفتها
بيأس ودخلت للغرفة
راد يدخلني للجوة
همست:-عوفني هنا
كمال:-اكعدي جا نزعي العباية انطيني
نزعتها وگعدت ؏ مرجوحة
واني صافنة واباوع للگاع وكمال بصفي
يستغفر كل ساعة ويدردم علية
بس جنت فاصلة
لشوكت انتضر؟
شنو سبب تأخير هذا كلة؟
معقولة رب العالمين ميريد يرزقني طفل؟
يريد يعذبني؟
زين ليش؟
حطيت راسي ؏ رجل كمال
وهو بقة يهز بالمرجوحة لحد ما دخت ونمت
مرت خمسة ايام واجت الشهرية
وخلص الصبر
خلصت العادة
ورحت لخالتي دگيت باب غرفتي صاحت:-طبي
دخلت وهي ضايجة
ملاك:-خالة
باوعتلي مضيكة عيونها:-ها
ملاك:-تعرفين دكتورات زينات هنا؟
بيداء:-ليش؟
ملاك:-اريد اروح اشوف السبب يمكن يطلع بينة شي
بلعت ريگها بخوف وكالت اي
وكامت خابرت ومدري شنو وانطتني اسماء الدكتورات
انتضرت ثاني يوم من أجة كمال
فاتحتة بالموضوع گام
يصيح ويغلط ويگول:-ملااااك جززززعتتتتيييينيييي كافي كرررهت حتى رووووحي من وررراج
ملاك:-حقك اني هم كارهة روحي مالومك من تكرهني انتَ هم
استغفر وگال:-كافي ماتعبتي ملاك لاضلين توهوسين
مو زين والله
ملاك:-ميحتاج تروح اني اروح اني وخالتي وامي
باوعلي وغمض وكال:-باجر الصبح اخذج
؏ ما طلع الصبح روحي طلعت
رحنة للدكتورة سوينة التحاليل المطلوبة
وگالو 3 ايام ويطلع التحليل
استغربت ليش 3 ايام؟
مرن الايام واني گلبي مشتعل بي نار
لا اگدر آكل ولا أكدر اسوي اي شي
وخالتي مقدرة وضعي وماتحاجيني
واليوم لازم كمال يروح يجيب النتيجة
شگد حاولت اروح وياه
ماقبل بحيث راح من دوامة مناك في سبيل
ما اجلب وياه
للضهر وهو ماكو واني من التفكير
صار عندي دوار وصداع كل ساعة ادوخ وخالتي
تنطيني علاجات
وگفت اطبخ الغدة گلت عاد الهي روحي
جاي اخوط بالتمن طب كمال
فز گلبي وگلت بخوف:-ها كمال
ابتسم بوجهي واتقدم لزم خصري
وباسني بشفتي بعدتة:-كمال مو وكتك والله گلبي مات
احجي
كمال:-بابا شبيج تبجين ماكو شي
بس شوية ضعف وانطتج علاجات استمري عليهن
وكالت عادي يتأخر عدكم ماكو اشكال لاتخافين
ارتاح گلبي وهمست:-يعني عادي يصير اطفال مو؟
هز راسة بـ اي دمعت عيوني وحضنتة
واني اهمس:-الحمدلله ياررب
بعدني واني اشوف بعيونة حيرة وقلق
باسني بخدي وراح
باوعت وراه عيونة ضامة
شي بس شنوة؟...
