رواية بينا معاد الفصل الخامس عشر
في محل مجوهرات
ناره: ايه رايك في الخاتم الالماظ ده ياهشام
هشام ابتسم غصب عنه : اختاري اي واحد يعجبك
ناره كشرت: بس دي خطوبتنا وانت لازم تشاركني وتختار معايا
في نفس اللحظه جنه كانت قربت من المحل ومعاها كيس اسود فيه جزء من العينات للتصاميم ووقفت برا المحل تتفرج ع الديل ابتسمت ودخلت
ناره: بص يا هش طقم الكوليه مع الحلق ماشين مع الخاتم جدا مش كدا
هشام عيونه مركزه ع الي داخله عليهم ومعاها كيس اسود
ناره مسكت دقنه: ها يا هشام هنختارهم ولا ايه رايك
جنه قربت: ناره هانم اتفضلي جبتلك عينه من التصاميم
ناره بدون نفس: مكنش لازم تيجي بيهم كل المسافه دي شكلك معندكيش طوله بال زي ما تباني
جنه بنفعال بسيط: مش حضرتك الي طلبتي اجبهملك هنا
ناره رفعت صوباعها وحطت الخاتم قدامها: ايه رايك هشام اختاره عشاني
جنه: جميل ماشاء الله
هشام: مش ناويه تشتري دبله لخطيبك ارمي نظره لانه شكله هيخلص الرسمه ع الحيط قريب
ناره: اه اشتري من هنا بس يمكن ممعهاش فلوس زينا ‘ ليه تحرجها يا هشام , بس دوري مين عارف يمكن تلاقي دبله سعرها يناسب امكانيتك
جنه بتحدي: لاء الحمد لله معايا وعشان كدا هختار من هنا
جنه للبائع: لو سمحت فرجني عالدبل الرجالي
البائع: اتفضلي هناك اسعار ارخص وكمان تشكيله للدبل الرجالي
ناره: ها يا هشام اختارت دبلتك
هشام اتحرك وراح لجنه وبدء ختار معاها: ايه رايك في الدبله دي اعتقد هتبقي مناسبه لعمرو
ناره قربت وبدئت الاستفزاز: متخافيش لو معكيش يكمل احنا ندفعلك
جنه تجاهلتهم واختارت دبله ع قدها وخفيفه: عندك واحده نفس دي بس مقاس اكبر نمرتين
هشام سحب دبله وقاسها وجنه طنشته
جنه للبائع: من فضلك حطهالي في علبه
هشام خلع الدبله وحطها قدامها بعنف وخرج للعربيه وناره هتولع وخرجت وراه, وجنه حسبت وخرجت
هشام سألها: لو راجعه الشركه تعالي اركبي معانا
جنه بتهكم: المواصلات العامه مريحه اكتر
ناره أأعدت جنبه: اشوفك بكره
جنه: استني خدي دول معاكي
ناره: ابقي هاتيهم بكره في المكتب
جنه مسكت الباب وحدفتهم عليها: قولتلي تعالي لحد هنا اجبلك عينه من التصاميم فخديهم معاكي( بصت لهشام بغل وهبدت الباب)
ناره بغيظ: شايف وقاحتها
هشام ابتسم ع تصرف جنه وحرك العربيه
…………….قصص منه محمد كاتب…………
تاني يوم جنه واقفه مع مخلص بيضحكوا ويهزوا وهشام معدي بالمجموعه سمع صوتها وهي بتضحك رجع وقف بضيق وبصلها
جنه قربت عليه وهزت له دماغها: صباح الخير
هشام بصلها نظره من جحيم واضح انه شويه ويولع من العصبيه لدرجه ان وشه قلب للون الاحمر وفضل يزق في الموظفين ويزعق فيهم
رؤف: حصل حاجه ده زق الموظفين كلهم وشكله مدخن ع الاخر
جنه رفعت كتافها: محصلش حاجه ومعرفش ماله
رؤف: انا ابويا نفسه عمره ما زقني
جنه: يله بينا
آيه: جنات وراكي حاجه الليله
جنه: لاء بس رايحه مع عمرو اشتري اللوان تحبي تيجي معانا ونتمشي
آيه حركت دماغها شمال ويمين برفض:لاء ياختي يفتح الله ,انا بتجمد لما بشوف عمرو بيتخانق عليكي لما حد بيعكسك ,ولا يجي جنبك والله بخاف منه آوي بيتحول وانا بخاف زي الفرخه
رؤف دخلهم: انا اسف بس هتاخدوا ورديه اضافيه الليله
موظف: ليه مش خلاص سلمنا التصاميم
رؤف: ده قرار الريس عايز يحتفل الليله وكل الموظفين كمان في الاقسام التانيه الكل يحضر بلا استثناء ,الكل لازم يحضرها وممنوع اي فرد يعتذر الا اذا اتعرض لحادثه كبيره ودخل غرفه الانعاش يله كلنا تحت اتوبيسات هتاخدنا
هشام دخل وعيونه ع جنه الي قاعده وعيونها بتروح وتيجي ع الساعه في ايدها
هشام: محدش هيمشي احنا بنحتفل بالتصاميم موافقين
الموظفين: كلنا موافقين
هشام: انا عايزكم تنبسطوا ع الاخر اصل لما هنبدء في تصاميم جديده هنبقي مشغولين ع الاخر ,عشان كدا عزمتكم ها تروحو
الموظفين كلهم: طبعا
جنه رفعت عيونها وبصتله وهو بصلها
رؤف: بس هنروح فين يا ريس
هشام مركز عيونه ع جنه : شوفهم هم عايزين يروحوا فين وانا موافق
آيه: ديسكو
الموظفين كلهم ايدوها لما ضحكوا
رؤف: دي هتفسد اخلاق الموظفين, لاء حضرتك حدد المكان ليطلع واحد يقول كباريه
آيه بشخط فيه: ما تودينا ديسكو عمرنا ما شوفناه الا في التلفزيون
جنه: انتي مجنونه
آيه: ياستي نفسي اشوفه ع الحقيقه ,دي مره واحده في العمر متبقيش فقريه
جنه وهي بتتحرك ع برا: انا هتشل من جنانك
آيه: رايحه فين
جنه: راجعه
آيه: ماشي ارجعي بسرعه
جنه طلعت برا وهشام طلع يتابعها وخطف نظره سريعه عليها,, وناره مقربه عليها تلفونها رن كانت داليا بعد ما اغلقت معاها
ناره: دي مدام داليا عايزاني
هشام: روحلها هخلي جميل يوصلك وتبقي تعالي لمكانا
جنه بتتكلم في الموبيل بصوت عالي شويه: معلش ياعمرو حصلت ظروف في الشغل ,ويظهر هتأخر عنك شويه,, بس ممكن اجيلك بعد ساعه عشان كدا استناني ماشي
هشام بص لناره الي رافضه تتحرك: اقولك خدي عربيتي
ناره اخدت المفتاح بتردد انها تمشي وتسيبه يحتفل مع جنه , وجنه بصتلهم وهزت دماغها بحترام ودخلت لللمكتب
هشام : يله روحي عشان متتأخريش
……………
في الديسكو
آيه قامت ترقص ورؤف قرب يرقص معاها كشرت وفضلت تزق فيه وجنه قاعده مبسوطه بيها وتصقفلها بهدوء لحد ما آيه شدتها عافيه هي ورؤف ودخلوها وسطيهم ,والكل عمل دايره حواليها لكن جنه محروجه جدا ووقفت تصقف وبعدين اندمجت ورقصت بحركات راقيه جميله وشقيه وهشام طلع الدور الثاني عشان يتأملها واتمني لو يشاركها جنانها لكن هي بعيده تماما عنه وقلبها ملك واحد تاني ,,لحد ما الكل اتجمعوا ع تربيزه وقرروا يلعبوا لعبه تحدى إللى مش يجاوب صح بلونه تتفرقع ع دماغه وهشام سحب كرسي وقعد معاهم وسند ضهره على الكرسي
آيه: انا نفخت البلالين وعبتها دقيق مين هيشارك طبعا ماعدا مستر هشام
هشام ابتسم: وليه خرجتيني منها
آيه استغربت: بجد هتحب تشارك وتتبهدل عادي
هشام بتهديد مصطنع: لو بقيت براها هتكرهوني بعدين
آيه ضحكت: وع ايه انت اول واحد يا مستر
هشام قام قعد بين جنه ورؤف وكل واحد فوق دماغه بلونه مليانه دقيق ابيض
آيه وقفت وراهم بدبوس: الاجابه تكون بسرعه والا البلونه هتنفجر ع دماغكم
آيه ليهم: اسم بنت بحرف الهاء والرد في ثواني؟
هشام: هاله
جنه : هند
رؤف: هليله
آيه: مستر هشام ما هو الكوكب الأقرب لنجم للشمس؟
هشام جاوب بسرعه: كوكب عطارد
آيه: جنه حيوان بحرف الص
جنه معرفتش تجاوب في الوقت المحدد وآيه فرقعت البلونه جنه اتغرقت بالدقيق والكل ضحك
آيه: استاذ رؤف بيت شعر يبدء بحرف الالف بسرعه
رؤف تهته وآيه فرقعت البلونه بالدقيق وجنه جاوبت هي وهشام صح
آيه : جه وقت لعبه المسابقه وانا هلفها عشان اعرف مين شريك مستر هشام في شرب الكاكاولا اتنين لتر مره واحده
آيه لفت الازازه وهشام عيونه راحت ع جنه وهي بصتله بتبادل النظرات
آيه : ارجوكي اقفي يله
الازازه لفت ع جنه وآيه مسكتها: قومي اقعدي جنبه
الموظفين: يله يا جنات
آيه: جنات ومستر هشام الي هيشرب فيهم ازازه الكاكولا كلها مره واحده فايز والي مش هيقدر هيبقي عليه حكم قاسي من الثاني
جنه بدئت تشرب الازازه وهشام بطئ خالص لحد ما جنه فازت
آيه: بس انت بطئت يا مستر
هشام وضح لها : ده يسمي نبل مني مش كدا
آيه بأعجاب: انت فارس وكدا هلفها تاني
رؤف: يارب تيجي عليا
الازازه لفت ورؤف مسكها : هيه انا
آيه زعقتله: انت عملت ايه انت وقفتها وهي بتدور انت بتحب تعمل مشاكل
رؤف مدلها لسانه: اهو ده جزاء الي يلعب مع واحده عندها هرمونات في النكد ووتأخر في العقل
آيه لفتها تاني لحد ما وقفت ع جنه وقالتلها: جنات المره دي هتشربي الازازه كلها لوحدك
جنات اتنهدت واخدت الازازه وهشام اخدها منها وشربها لانه واثق مش هتكمل وهتتعب
الموظفين : يعيش قلب المدير
جنه انتبهت لنظرات هشام عليها وجت عينها بعينه بس بعدتها وبسرعه قامت
جنه راحت ع آيه الي بترقص مع رؤف وقالت لها: يله بينا بقي يا آيه
آيه: ليه لسه بدري هتروحي تعملي ايه؟
هشام قام ياخدها في حضنه لعلي وعسي حضنها يطفي قهرته والنار اللي بقلبه وسحبها من ايدها وبرجاء: خديني في حضنك حاسس ان هيغمي عليا
جنه وجعها قلبها عليه وفضلت ثابته مكانها واتأثرت لما قالها: وحشتني ومفتقدها اوي هتجنن لو مشفتهاش تاني قدامي ولو مت دلوقت هقابلها مش كدا مش الارواح بتتقابل وهتسامحني عشان حضنتك انتي جنات
جنه غصب عنها دموعها جريت زي السيل ولفت ايدها حواليه تضمه بحنيه
هشام بصعوبه ياخد النفس : انا بجد متأسف بس مش قادر ابعد
جنه ولا بترد عليه..الدموع واحساسها ان بتخون عمرو مش مخليها تتكلم…
ومره واحده فكت ايدها من ع جسمه ….لدرجه هشام وقع علارض والكل صرخ ….وجنه اخدت شنطتها وطلعت تجري من المكان…… لكن وهي بتجري عربيه ناره خبطتها وجنه ……وقعت جامد ع دماغها …..وهنا افتكرت كل حاجه الحادثه …..وهي بتطير في الهواء والمشهد بيتكرر قدامها وفضلت مبحلقه عيونها
ناره نزلت بربكه وخوف ومبرقه عيونها: جرالك حاجه ,شكلك كويسه بس انتي الغلطانه جريتي قدام العربيه
ناره دخلت سألت ع هشام قالولها دخل الحمام راحت تدور عليه لقته قاعد علارض في حاله انهيار وبينادي ع جنه
ناره صرخت في وشه: ليه بتعمل فيا كدا انا عملتلك ايه
هشام خلاص وصل حد الانهيار: عايز اروح لجنه
ناره بتضربه في صدره بغل وحقد: انا بكرهك يا هشام بكرهك وبكرهها
اما جنه طلعت تجري في الشارع وانفجرت عياط ,حطت ايدها على بؤها تكتم انينها ..شهقتها..وصرختها..لا تصم الكون منها. …..وراحت تدور ع السلسله مكان ما رمتها بين الزرع لحد ما لقتها ,واخدتها وضمتها لحضنها ونزلت دموعها الكتير وقفلت ايدها عليها وطلعت تجري بين العربيات وتعيط بصوت وتصرخ بأعلي صوت ع كل الكدب الي عاشت فيه سنين معقول سرقوا احلامها حياتها اسمها اهلها حتي سرقوا حب طفولتها هشام
…….قصص منه محمد كاتب…………
جنه قررت تاني يوم تروح لهشام وتقوله انها كانت فاقده الذاكره , لبست فستان ازرق ولمت شعرها ديل حصان وهندمت نفسها لانه يوم الاحتفال بنتهاء الرسمه ع الجدار وهي بتجري تلحق الاسانسير قابلت هاله الي جايه تحضر الاحتفال وجنه بصتلها بجمود وهاله ابتسمت في وشها ع اساس انها جنات
هاله برفعه حاجب: فات وقت طويل بعد ما زيارتك لينا؟
جنه: انتي كويسه؟!
هاله: بصراحه مش بحب اشوفك اتمني تشوفيلك وظيفه تانيه غير هنا
جنه ابتسمت ع جنب: بس انا مش عايزه غير الوظيفه هنا
هاله بحتقار: بجد بنت وقحه
جنه : مش اكتر منك يامرات ابويا
هاله صدمها الرد وارتبكت : قولتي ايه
جنه كررت ببطئ: مرات ابويا
هاله بنفعال: انتي اتجننتي قولي كدا ده تاني
جنه بنظره كلها تحدي :انا جنه مراد المسيري وانتي مرات ابويا
هاله الموبيل وقع من ايدها من الخوف وهنا النور قطع والاسانسير وقف
جنه قربت منها اوي : ايه مش فاكره الي عملتيه فيا انتي وبنتك
هاله رفعت ايدها تضربها ,جنه افتكرت لما ضربتها وهي طفله زمان ومسكت ايدها وزقتها جامد: اه يا مجرمه متغيرتيش لسه جبروت زي ما انتي ( لفت الفورير ع رقبتها تخنـ قها)
هاله بتاخد النفس بالعافيه لحد ما النور رجع والاسانسير اشتغل والناس ,, بدئت تتلف حوالين هاله ياخدوا حوار سلفي ,,في نفس الوقت هشام داخل وجنبه ناره ووفد كبير للاحتفال وجنه بتجري عشان تروحله تفهمه الحقيقه لحد ما وقفت قدامهم وعيونها ع هشام حب عمرها الي سرقوه منها لحد ما وقعت في حضنه
هشام لحقها بفزع: مالك ياجنات فيكي ايه؟؟!
جنه بصتله ونظرات عيونها بتعبر بكل الاوجاع الي في قلبها بتحكي قصه فراق اشتياق وجايه تحضنه
ناره فقدت اعصابها وشدته بنرفزه: هشام الناس مستنينا يله والامن ياخد دي يرميها برا يله اتحركوا
هشام مشي مع ناره كام خطوه لكن عيونه مع جنه الي بتحاول توصله من الامن ,,رجع وقف تاني ولف بصلها وافتكر لما كان محتجلها ونام في حضنها وهي بكل قسوه سابته ووقع علارض قدام الموظفين جمد قلبه وكمل طريقه
