رواية لأني عاقر الفصل السادس عشر بقلم مريم خفاجة
صوتوا للبارت+تعليق بين الفقرات+متابعة
لحسابي
ـــــــــــــــــــــــــــــــــــــــــــــــــــــ
...
زفرت بتعب وذبيت الي بيدي
دخلت للصالة وشفتة
يغسل وجهه ؏ مغسلة
جان يشيل بالمي ويذبة حيل ؏ وجهه
عبرتة ورحت لخالتي
فتحت باب غرفتها
باوعتلي:-خالة كمال اجة من الدكتورة
فزت بخوف:-اي؟
ملاك:-يگول بس ضعف بالمبايض
بس يعني يصير عندي اطفال
بيداء:-يلا الحمدلله ولا شي اكبر
زين وين ورقة التحليل؟ خلي نشوف النسبة
باوعت لكمال المغمض ومدنك:-كمال
باوعلي عيونة حمر:-ها حبيبي
ملاك:-وين ورقة التحليل؟
كمال:-بالسيارة
راد يعبر گتلة:-والعلاجات
كمال:-هسه رايح اجيبهن
باوعت لخالتي مبينة سمعت كلامة عفتها
ورحت اكمل الأكل
واحمد رب العالمين همزين ماكو شي
جنة متوقعين وخايفين من الأكبر
بين شغلة وشغلة
صفناتي الماتخلص واني اگول شوكت؟
الأنتضار مُتعب
جانت نتيجة التحليل انطتني بصيص أمل
للأنتضار وما مليت بس تعبت
ونهاية كل شهر كانت
ضربة توگعني من الف جبل
ومرت سنة أُخرى مابين حسراتي
وانتضاري وما محصلة شي
وبكائي كل يوم يزداد اكثر من القبلة تعبت
من كلام خالتي ونضراتها وهي تگول
ما مقتنعة بكمال
صرت اشك بي لحد ما شفت ورقة التحليل
والعلاجات اخذتهن لمدة 15 يوم وبعدها
گال كمال مايحتاج تكرريهن
مثل العادة گاعدة ودموعي بخدي
طب كمال ذب حسرة وگال:-وتالي؟ لشوكت تخلصين دموع
ملاك:-تعبانة
مد ايدة مسحت دموعي همست:-وين
كمال:-نطلع
سحبت ايدي وگلت:-كمال اني وين وانت وين
كمال:-گومي راح اسبح واطلع اذا ما لگيتج
متجهزة اكتلج والله
غمضت عيوني وهو يطلع
بملابسة ويباوعلي ويخزرني
وراح للحمام
كمت لبست شلون ما جان ولبست
عبايتي
واتخلى عن المكياج؟
لا اكيد
جان يضم عيوبي
گعدت انتضرة دخل وهو يسحب
بالبنطرون وابتسملي:-ما حاجة تلبسين عباية
ملاك:-شنو خايف خاف اسودنك شون ذيج المرة
ضحك وكال:-اي
بس راح تتقيدين لان راح تسوقين انتي يحبيبي
ابتسمت:-صدك؟
هز راسة وراح يعدل بروحة
بذيج الفترة جنت من اضوج وانقهر
يجي يهديني بجملة:-مكتفي بيج ماريد اطفال
وجان هو الوحيد الي يزيل
همومي
نزعت العباية ولبست شي اطول واستر
صعدت بالسيارة واني الأسوق
باوعتلة بمكر ومشيت سريع وهو يصيح:-لاااااا ملللااااك
لااا نندعم متسسيطرين خفففي
ضحكت بصوت عالي
وخففت لزم گلبة وهو يدعي ويسب بية:-شنو
خفت؟ هههههههههه
كمال:-بت النذل لو مكلوبة هسه السيارة بينة هو انتي وين تسيطرين
ضربتة بأيدة و وگفنة گبال مطعم
نزل اخذ اكل
واخذناه لحديقة وفرشنة وگعدنة
واني ابتسم لبساطتنة شگد احبة ياللهي
باوعلي وگال:-راح اغص من كد ماتباوعيلي
ابتسمت:-احبك تدري؟
كمال:-بالبيت خليني ادري حبيبي
يعني اقصد بالغرفة
هزيت راسي وضحكت
ثواني وانضربت بطوبة ؏ زندي
عگدت حاجبي وباوعت طفل زغير جان
شعرة اشگر وعيونة سمائية ولابس سمائي
ابتسمت ولزمت الطوبة
واشرتلة بيدي:-تعال
وامة تباوعلة
وصل يمي لزمتة وبستة وهمست:-هلو
باوعلي وابتسم بستة بخدة وكتلة:-بوسني
قدمت خدي باسني
وضحك جان عندة سنون بس ثنين بالگدام
ابتسمت لشكلة اخذ
الطوبة وركض باوعتلي
امة وابتسمت
درت وجهي لكمال مبتسمة المدنك
ومغمض عيونة همست:-كمال؟
فتح عيونة وباوعلي:-ها يلا نرجع
ملاك:-شبيك؟
كمال:-مابية گومي يلا خلي نتمشى نوب نرجع
تأخرنه الساعة راح دك العشرة امي وحدها
خفت من توترة وارتباكة والحزن البعيونه
مافهمته شنو؟
لزم ايدي وضلينة نتمشى اني وياه
وابتسم ؏ نسمة الهوى التمر بينة واني ويا
لازمين أدين بعض ونمشي
وهو يبتسملي
حط ايدة ؏ خصري وضلينة نمشي
لحد ما وصلنة للسيارة وصعدت اني كذلك اسوقها
جان يريد يغيرلي جوي
بس رجعت لمخدتي ولفراشي
ودموعي؟
شوكت يخلصن؟
وكل يوم يزداد الأنتضار
اشرطة التحليل مكومة ويومية اسحب واحد
صار عند هوس الأطفال من گد ما
افكر واقلق
ماگدرت اتجاوز الموضوع ابداً
ياكل ويشرب وياية
رغم كُل تصبيرات كمال ، أمي ، وردة
اخواتي حتى خالتي تركتني
ماگامت تحجي
او تضل تذب حجي گامت تسكت
وتگول للناس ضعف عدهم وجاي يعالجون
بس بالحقيقة احنه ما جاي نعالج؟
كمال يتهرب
من هالموضوع ليش مادري
اشوف نضراتة الحزينة القلقة تحتضني دائماً
جان يواسيني بس بغير طريقة
معرفت سر عيونة
ويا ليت ماعرفت...
واني ابجي بهدوء بالمطبخ
حسيت احد دخل
رفعت راسي شفتها خالتي مسحت دموعي
بسرعة وهي تباوعلي ونضرات الخوف
بعيونها
ملاك:-صباح الخير
بيداء:-صباح النور ، ليش تبجين؟
ملاك:-انهلكت روحي من الأنتضار
بيداء:-مو بدينة
ملاك:-خالة جاي اموت من التفكير والقلق ليش
شنو السبب هيج يتأخر
بيداء:-غير كالو ضعف بعد ماندري
شنو رأيج نروح لغير دكتورة؟
ملاك:-وين نروح؟
بيداء:-اكو دكتورة صديقتي جانت ببغداد يمكن
احسن من الهنا؟ يمكن تنطيج علاجات احسن وتتحسنين
گلبي صار يدك من الفرحة:-اي اقنع كمال واروح
بيداء:-اي خلي نروح نشوف النسبة شو كمال بس گال
ضعف وشرد شگد حرمصتلة ؏ ورقة
يگلي مضيعها مدري جذب مدري صدك
ملاك:-تمام من يجي نقنعة اني وياج
هزت راسها وهي مقهورة ؏ حالي
سكتت وثاني يوم نزل كمال
گلت هسه تعبان خلي يرتاح
وبعدين اگلة
بليل واحنة دنتمشى بالشارع والهوى عالي
همست:-كمالي
كمال:-روحة
ملاك:-خالتي شافت دكتورة زينة ببغداد وكالت نروح نتأكد ونشوف بلكي تنطيني علاجات تزيد النسبة مال مبايض
عكد حاجبة وگال:-ميحتاج هي الدكتورة گالت ماكو علاج بس مجرد تأخير وهذا هو
ملاك:-حتى لو حباب خلي يرتاح گلبي فدوة
حجة بحدة:-ملاااك گتلج ميحتاااج لاتلحيين
همست ودموعي تجرح عيوني:-لاتخلي فرحتي ولهفتي تطفى كمال
گال بعصبية:-امشي نرجع
رجعنة وهو ماحجة ولا كلمة
تلگتنة خالتي اشرتلها ماقبل راد يعبر
من يمها حطت ايدها ؏ صدرة منعتة:-يمة كمال
كمال:-يممممة كاااافي جاااااي اگلللجن ماكوووو شي لاتلحنننن لاتلحن
راد يعوفنة رجعت لزمتة خالتي
بعصبية ورجعتة لمكانة:-دتشووووف
شلون مرتك تذذذبل كل يومممم وهاي شهرين
وتطبون السنة الثالثثثة لشوووووكت يعنننني تببقة
البنية منتضرررة نريد نروووح احنة نشوف النتيجة بعيووونه
كمال:-انيييي عقييييمممم يلا ارتاااحي
صفنت خالتي واني دمعتي نزلت
ديشاقة اكيد؟
عافنة وراح ركضت وراه دخل للغرفة
واني دخلت بسرعة لزمتة
من زندة ودرتة علية:-شتقصدددد بكلامك؟ شنو عقيم؟
كمال:-ملاك روحي عني ترة روحي طافرة كااافي تلحن بالموووضوع كااافي مو طلعتني حتى من الاسلام
ملاك:-انتتتت الكااااافي دتشوووف تعبببي وانتضااااارري صارلي كم سننننة انتضرررر
وكل ثانية تمرررر احسها بسنة وانت متحس
ماجاي تحس بية دتأذيني بالزايد ما جاي تخلي
گلبي يرتاح كمال والله تعبت والله كل ما تتقرب
مني القُراِن اختمة في سبيل اگعد والكة روحي حامل
لو احس ببذرة انزرعت بداخلي
ليش احسك ما مهتممم لييش
صاح بية بصوت عالي:-لاتكلللللليييييلللللليييي ما مهتمممممم لاتگووووووللللين ولجججج كلللل لييييلةةةةةة انطفيييي وانووووج وتگليييلييي مامهتمممم؟؟؟؟؟
همست بخوف:-ليش تنطفي وتنوج؟ ليش احسك ضام شي؟ احجيلي كمال
كمال:-ملاك ماكوووو ماكووووو كااااافي تعبتوووني
ملاك:-حتى إذا ماقبلت نروح اني وخالتي
ميحتاج تروح ويانة
ردت امشي جرني من ايدي حيييل:-شقصددددج؟؟
ملاك:-وخر ايدك امير يودينة
سحبني بقوة وضرب ضهري بالحايط
ورفعني ليفوك صرت بمستواه وشهگاتي
مالية الغرفة:-من اگول لا يعني لا بعد ماكو نقاشش
مفهوووم؟؟؟؟؟
ذبني واني ضربت صدرة:-ليييييش لييييييييش
تسووووي هيييييج ليش فهمني
دفعني وراح للحمام
وضلت محاولاتي البائسة وياه
تفشل كل يوم
لحد ما وگعت ولازمت الفراش وهو
جان مموجود ولا احد يدري بية
جنت احاول اشيل روحي من الفراش
ماگدر وادية ماكدر احركهن
ولا رجلية احس جسمي يطلع منه نار
وضليت هيج مغمضة عيوني
لحد ما انفتح الباب
ودخل كمال واحنة واحد
ميحجي ويا الثاني من عركتنة ذيج
وصار 8 ايام هو بعيد عني
اريد اشيل البطانية عن وجهي
ماگدر يكول مربطة صرت احاول اتنفس
والحرارة دگت جسمي دك
وهو ماحس بية
عبالة نايمة
اريد احاول بس انطي حركة حتى يحس
اخر شي ونيت
سمعت صوت باب الكنتور نسد وهمس
بخوف:-ملاك؟
بسرعة اجة وخر البطانية
وفتحت عيوني والعرك يصب من جبيني
هزني حيل وهو يطبطب ؏ خدي:-شبيييج ملااااك
وهذا اخر شي
سمعتة
وأول شي حسيت بي دخول أبرة الكانونة
بوريدي
رأساً فزيت غواش بعيني
صوت كمال وهو يرن بأذني:-اكو شي خطر؟
واسمع صوت انثوي يجاوبة:-لا اخي بس صخونة
قوية
سمعت تنهيداتة
فتحت عيوني عدل باوعتلي الممرضة
وابتسمت:-الحمدلله ؏ سلامة
جانت طويلة كلش
همست بصوت خافت:-اني حامل؟
عگدت حاجبها وهي
تباوعلي مستغربة ورجعت نضرها لكمال
الي تنفس بغضب
حجة بصوت ناصي:-توهوس عيوني مشكورة
عافتنة وراحت حط ايدة
؏ كصتي ونوب كعد ولزم ايدي:-هي هيج تسوين بية؟
ملاك:-تعبانة
كمال:-مو كافي؟
نزلت دمعتي وعبرت ؏ جهتي اليسرى:-من شنو كافي!
كمال:-كافي تفكرين بشي ما موجود
عگدت حاجبي وهمست:-شنوَ الما موجود؟
فرك وجهه بعصبية:-ملاك جاااي تأذين
نفسج حرام عليج
ملاك:-اخذني للدكتورة
باوعلي ودار وجهه عني
رجعت گلت بخيبة:-هاي اذا جنت خايف علية
ضحك بأستهزاء وطلع من يمي
وبقت دموعي التخوني تجري
وتفزز جروحي
ضليت انتضرة لحد ما أجة
وبيدة علاگة مال أدوية
واوراق گال:-يلا سجلولج خروج
گمت واني اتكئ ؏ ايدة
حاوط خصري باوعتلة وعيوني مليانة عتب
وقهر
دار وجهه ويمشي بية ؏ كيف
متجاهل نضراتي
وصلنة للسيارة خليت راسي
؏ شباك وضليت احاول انسى
فتحت الشباك والهوى عالي صار يدخل
بين فراغات لحجاب لشعري
ويتسلل لجسمي واحس بالبرودة
بس گلبي؟ الي مشتعل بي نار؟ شوكت
يبرد
ورجعنة للبيت وصار يداريني
واني الح علي بموضوع الدكتورة
وصرت بين فترة وفترة ادخل مستشفيات
وانشمر من الصخونة
حرفياً
بهذا الشهر 4 مرات دخلت مستشفى وكانونات
وأبر
لحد ما استسلم للأمر الواقع وقرر ياخذني
جانت الفرحة ما سايعتني
جنت احس بالفرحة والكون كلة صار يضحك
وما هيّ الا ساعات...
گاعدة بقلق ؏ ما وصلنة لبغداد
روحي طلعت جان كمال يسوق ؏ كيف
كأنما ميريدنة نوصل!
و وجهه
ميگصة الطبر
ولو اصيح بأسمة
جان دفني واني عدلة من گد العصبية
بقيت ساكتة وادعي والقرآن ختمت
وصلنة للدكتورة رجل كمال تتقدم خطوة
وترجع عشرة
دخلنة واحنة حاجزين قبل
ضلينة ننتضر
كمال جان لازم ايدي بكل قوتة
التفت علية وهمس مخنوك:-اريد اگلج....
قاطعة صوت السكرتير وهو يصيح بأسمي
گمت ملهوفة
ونسيت اليريد يگولة كمال
دخلنة تلاثتنة سوة
گامت الدكتورة سلمت سلام حار ؏ خالتي
مبينة علاقتهن قوية بوستني اني هم
وحجت بهدوء:-كمال ابن احمد مو؟
هزت راسها بـ اي
وذيج تباوعلها بقهر ومبينة تعرف
سالفة حبها
اني وين وانتن وين
انطيناها التحاليل ودخلنة لغرفة هي داخل
غرفتها وبدت تسويلي سونار
وبعدها كلتلي اروح اسوي الأجراءات
اللازمة رحت واني كلبي
حاطتة بشيشة
واهمس ياللهي وكمال الي بوجهه ملامح القلق
كلها ساعتين
لو احسهن قرنين
واحنة گاعدين واني حاطة راسي
؏ كتف كمال همست:-شنو تتوقع النتيجة؟
ذب حسرة وهمس:-مادري
ملاك:-مادري عندي احساس اكو شي راح يفرحني؟
هز راسة وهمس:-الله كريم شما تكون النتيجة
اني وياج للابد لاتتوقعين اعوفج
هزيت راسي وابتسمت:-احبك
ابتسم بهدوء:-واني احبج هم
وضل لازم ايدي واباوعلة
كل دقيقة يغمض عيونة ويحط راسة
؏ حايط ويهمس:-يا رب
صاحولنة دخلنة وگعدنة كبالها
وخالتي گبالي گاعدة
بلعت ريگي وهي مدنگة
تقرة وتقارن بالأوراق الي مال تحليل القديم
رفعت راسها علينه واني اطكطك بأصابعي:-ها
دكتورة؟
دارت وجهه عليّ وتحمحمت وهمست:-أنتَ تدري؟
جان واگف ؏ رجل وحدة ورجلة الثانية
ثانيها ؏ حايط
و وجهه من القلق صار اسود بلون
ملابسة
ذب نفس وغمض عينه
ودار وجهه لغير مكان رجعت باوعتلها:-شكو دكتورة راح اموت والله
ملامحها ذبلت و
همست بصوتها الناصي:-ماما أنتِ عاقر...
"بـ خيبة عِراقية:يا فرحة ما تمت "
شعور هذه العبارة
شعوري الآن...
فتحت عيوني
اني وين؟
رجفة عضامي ، عرك جسمي ، المي الي ينذب ؏ وجهي ، صوت همسات القلق ، وصوت آخر
يهمس:-أنتِ عاقر
جنت اباوع لگدام احس حنجرتي
يابسة احاول ابلع بريگي حتى اگدر احجي
كلمة
بادت محاولاتي بالفشل
ورجعت غمضت عيوني سمعت صوت
هو نفسة الصوت الحطمني
هو نفسة اللي عرفت اني عاقر؟
الدكتورة:-طلعوها من هذا الباب
انشاليت احس
بس ماجاي احس بروحي
گلبي احسة ما جاي يدك
النفس؟ صار الهوة يمر من يمي ومايدخل بريتي
فزيت اني حاطة راسي ؏ شباك
وكمال يحاول يصحيني
فتحت عيوني علي وباوعتلة ملامحي الباردة
جان حلم؟ اي اي حلم
جنت أحلم
ما جان واقع
ليش عاقر؟
ماكو شي اسمة عاقر
انا مو عاقر
يصير عندي اطفال انا احس
ولفتت انتباهي محافضتي
وهي ترحب بية
ليش ترحبين؟
ليش اني اجيتج فرحانة؟
اني جاية مكسورة تستقبليني؟
اني ماراح يصير عندي اطفال؟
فرعنة
انتَ حزنان ؏ بنت احد هاي البيوت؟
لو فرحان بكسرتي؟
باب بيت أهلي؟
دتسمعون صياح گلبي؟
حنجرتي اليابسة
دتسمعون الي تريد تگوله؟
صوتي الطلع؟ من وين؟
ملاك:-نزلني يم أهلي
وگف گبال بيت أهلي
ونزلت
حتى ما واساني؟
لا جان يواسيني وانا جنت فاصلة؟
اتذكر يحجي اتذكر خالتي
تحجي بس ماتذكر عن شنو
اني وين جنت؟ بيا عالم؟
سعيد لو حزين؟
ايدي الراخية شلتها ودگيت الباب
تطلعون لو اعود ادراجي؟
اني اجيتكم
بيدي طفلي
لا لا اجيت ايدي فارغة
اجيت وشايلتلكم مو طفل؟ لا شايلتلكم خبر
انا عاقر!
فتحة اخوية جاسر؟
اختك مريضة
اختك متعوبة
توكف وياية؟ تفرحني مثل ما جنت
تجيبلي لفة وتدافعلي عن ابوية
اريد ارجع
اباوع لحلگة يتحرك
يعني جاي يحجي وياية
بس اني ماسمع
لزمني من ايدي وايدة ؏ خصري
يمشي بية
صوت عالي بأذني:-يممممة تعااااي شوفي ملاك
صوت أمي
التدافعلي وتحميني
الي تحملت كلشي لخاطرنة
صوتها المتعوب
وجهه المتعوب من الضرب
عيونها الحزينة حيييل
يمة تحزنين على بتج؟
اني بحضنها وشهگاتي مختفية
دموعي تصب واحسها غسلتني غسل
وامي تهز بية:-ملااااك شبيج يمة باوعيلي
تشربني ماي
هذا تيزاب؟
اي ديحرك بلعومي ليش؟
لو انا جاي احس الدنيا تحترك بية
همست:-يمة اني عاقر
ورحت لعالمي المتوحش
فاقدة كل حواسي
ورجعت لنقطة الصفر
شلون راح اقنع العالم اني بخير؟
شلون اقنع العالم اني حيصير عندي اطفال؟
ليش كلشي واگف ضدي؟
ليش؟
أيمان:-يمة ملاك باوعيلي فتحي عيونج أمي
فتحت عيوني باوعتلها همست:-يمة
أيمان:-يبعد امج ررررريييممممم جيبيييلي المااااي
اجت تركض بيدها بطل فتحتة امي
وصارت تقرة عليّ آيات وذبت
نص بوجهي ونص شربتنياه
بس ماجاي احس بالراحة ابد
باوعت اخواني مسطرين يباوعولي
امي الي تحاول تصحيني
ودموعها بعينها
ملاك: يمة اني عاقر
أيمان:-اششش يمة اسكتي الله كريم
ربج موجود
شهگت وصيحت بصوت عالي:-مووووجوووود
مووووجوووود جاااا لييييش مايباووووع لحااااالي
تعببببت يممممة تعبتتتتت
وبالأخير حتى الي اريد افرح بي
جن. جنت ار.. اريد طففل حت.. حتى اسد وحشتي
يمة بعد كلشي ماراح يصير عندي
يعني كمال راح يعوفني
راح يزوج حتى يجيبولة طفل؟
كلها راح تعوفني اني...
خذت راسي لحضنها وضلت تبجي وتشهك
وتصبر بية
بس يا صبر؟
شهگاتي تعلى وماتوقفت ابد
جاسر حاطني بحضنة ويهدي بية
جاسر:-وين رحتوا انتوا ليا دكتورة؟
ملاك:-دكتورة***
هز راسة واخذ نفس عميق
ورفع راسي خلاني اباوعلة:-ملاك الطب
تطور وصارت هسه اكو علاجات
وانابيب واشكال والوان لاتضوجين ربج بيدة
كلشي وجاي يشوفوج ويشوف تعبج
وانتضارج خلي ثقتج برب العالمين جبيرة
رجعت راسي ؏ صدرة
وابوية گبالي
معقولة بسببك حتى هذا الوصلتلة؟
معقولة دُعائك استجابة رب العالمين وحققة الكم
ولوع گلبي وگلب أمي؟
انتَ تكرهني وتكرهه امي وتكره كمال؟
يعني دعائك استجاب؟
لا لا هاي مشيئة رب العالمين
بس يمكن البالي صح؟
الله واعلم...
وهو بعيد يباوعلي
وبنضراتة اشوف نضرات الشماتة
حتى انتَ مارتاحيت يمك
صبو الغدة
هه ويردوني اكل
ضليت اكلب بالتمن
تالي عفتهم وطلعت برة بالحديقة
والشمس داگة بالكاع
گعدت ؏ مرجوحة واني اهز بروحي
ومغمضة عيوني
انفتح باب البيت وطبت ملك
من جامعتها جاية
ملك:-غضضصب اللله ؏ عرررااااق شنووو هذذذا الحر ياربيييي
طبت تصيح ومانتبهت لوجودي
عادي
شوية وطلعت وهمست:-ملاك؟ هاي هنا شو مانتبهت
اجت يمي بوستني واني حتى ما بادلتها
عيونها بيهن قلق رفعت حنجي وكلتلي:-شبيج؟
ابتسمت:-ماراح يصير عندي اطفال
عگدت حاجبها وگعدت بصفي
وحجت بصوت ناصي:-ليش؟ يعني منج لو منة؟
ملاك:-اني.. اني عاقر
فتحت عيونها بصدمة
وخلت ايدها ؏ حلگها ودموعها جرت
حضنتني حيييل وگالت:-مستححيييل ملااااك شلووون هييييج
لويت شفتي بـ ما ادري
ملك:-زين وين رحتوا وصارلكم شكد تدرون
ملاك:-قبل سنة تقريباً وشهر رحنة لدكتورة *
وكمال اليعرف بالموضوع بس ماگال
وبعد ما لحيت علي اخذني لهاي الدكتورة
وعرفت اليوم
بلعت ريكها وهمست بخوف:-ام كمال تدري؟
ابتسمت:-ويانة راحت
ضربت ؏ فخذها حيل وگالت:-شنو هالمصااااايب يارببببي شووووكت نرررتاح
سكتت وضليت دايرة وجهي
اداري دموعي التريد توگع واني مجلبة بيهن گوة
كومتني وياها وصعدتني لفوك
فتحت باب غرفتنة القديمة اني وخواتي
وشميت عطرها وبرودتها ايامنه الكضيناها هنا
خطوبتي اني وكمال من جان يصعدلي
مغيراتها خواتي ومغيرات الجرابي
بي جربايتي عازلاتها
كلشي مغيرات صابغين الغرفة واشياء جديدة
ابتسمت واني اباوعلها
حتى الحيطان تغيرت
جا ملاك ليش انتي جاي ترجعين ليورا؟
گعدت ؏ جربايتهن ام النفرين وطمست
لجوة جانت من هاي النفخ
اجتني ريم تضحك وكومتني
ملاك:-هاي ليش هيج مشتريات؟
ريم:-سوالف ملك
بس باعي رادو يوخرون جربايتج ماقبلت
وخليتها بمكانها
ابتسمت وحضنتها
طب جاسر يتناكر ويا ملك
گعدو كلهم ؏ جرباية وملك تصيح:-رااااااح تنكسسسر
گووووم جنك هاييييشششة گووووم گوة جبتهاااا
جاسر:-جبتها بفلوسي
ملك:-اي ديييلاااا گوم
جاسر:-دوولي ، اييي ريومة شلونج شخبارج
وذيج تدك وتنوح تريدة يكوم بس هو
مايرضى تالي استسلمت
وگعدت تسولف وتضحك وياهم
اما اني؟ مجرد صنم وكاعدة لا شاركت ولا حتى ضحكت
يحجون وياي بس اني مو يمهم
طلعت ملك نساتلها وحلوياتها من الجامعة
وضلو ياكلون وجاسر يسولف لملك عن جامعتة
وهي هم تسولفلة
ملك:-ترة احنة اصعب منكم؟
جاسر:-ثنيناتنه طب لاتضلين تاكلين تبن
ملك:-ملااااك منو الاصعب طب عام لو تحليلات
ابتسمت:-مادري
ملك:-والله الطب عام اصعب دولي
جاسر:-اي ديلا يلا ام الدكتوراه اشوفج تتكافشين
وي المرضى
ملك:-بس جفيني شرك وهذا هو اني بخير
حلمي جان بيناتهم ردت ادخل جامعة
واصير حالي حالكم
بس كلشي يعكس ويا ملاك...
كمت من يمهم ورحت لجربايتي القديمة
تغطيت بالبطانية وصعدتها
لراسي وغمضت عيوني
وصوت الدكتورة براسي
كامو كلهم باسني جاسر براسي
وطلع وطفة الضوة و
خواتي يسولفن ؏ كيف
لحد مانمت...
وگعدني صوت أمي وهي تصيح:-ولجن
يممممة صاااار المغرب مو زين فگر كووومن
وفتحت الضوة
ونزلن دموعي اتذكر هاي القوانة
كل ما ننام وتگعدنة أمي وقت المغرب
نفس الكلام ونفس الخوف
حسيت بايدها الحنونة مسحت دموعي
گمت بسرعة وحضنتها
جنت محتاجتها
ضليت فترة بحضنها
وهي گالت:-كمال اجة مساع
فزيت وكلتلها:-ما كعدتيني
أيمان:-شفتج نايمة مانطاني گلبي اگعدج
ملاك:-يمة جاي اتعب
أيمان:-وارجع واگول الله موجود كافي تتعبين نفسج
ملاك:-مادري احس الصار كلة حلم
رفعت راسي الها وهي باست كصتي
وضلت تهدي بية
كومتني توضيت وياها وصلينة
وحطيت راسي بحضنها وضلت تقرة قران
وتمسد ؏ راسي
بعدها شوية وكامت تسوي
العشة
كمت لبست شالي وعبايتي ونزلت
جانت تگلي
باوعتلي وعكدت حاجبها:-وين؟
ملاك:-اريد اروح
أيمان:-هاي سويت الأكل يمة
ملاك:-ماشتهي والله لعبانة روحي
باوعتلي بحزن وگالت:-جا راح اسويلج لفة زغيرونة اكليها بالدرب
ابتسمت وهزيت راسي
وسوتلي لفة بيها خيار وخضرة وكباب
وانطتني عصير ضليت آكل
واغمض عيوني
واحاول انسى
خلصت بوست امي وضلت توصيني
ادير بالي ؏ روحي
يا روح هي الضلت؟
واكفة برة منتضرة جاسر يجي
طلع ابوية من المغاسل
درت وجهي عنة
حسيت بي يتقدم
وبعدة الخوف من عندة يلازمني
تراجعت لورا وطخ ضهري بالباب
وصل يمي
ولزمني من عكسي وجرني اله وهمس بفحيح
واحس بأنفاسة بخدي:-ديري بالج تطلگين
وترجعين لهنا مالج مكان بهالبيت تجين خطار لا أكثر
نزلت دمعتي وهمست:-اعرف انتَ مو الأب الكفو
فـ لاتخاف ما اجيك ولا ادك بابك
ضربني راشدي قوي
صاح جاسر:-هاااااي لييييش
وخرة عني واني لازمة
خدي واحس بحرارة دموعي:-صدددك تححححجي
انتتتت هيييه بياااا حاااال بربك بدياناتك
خزرة ابوية
وهو دار وجهه علية وحضني:-كافي اسكتي
شو باوعيلي اذاج
وخر ايدي عن خدي وهو يباوعلي
ويصيح بعلو صوتة
اخذني من ايدي وغسلي وجهي
وباسني بخدي
ابتسمت وحضنتة
وطلعنة وهو لازم ايدي
واني اسولفلة شكالي
وكفني بنص الشارع وحاوط وجهي
جاسر:-لو الدنيا كلها توگف ضدج
لاتدگين اي باب ولاترحين لأي احد ملاك خلي
نفسج عزيزة
تعاليلي مو ببيتي اخليج
بنص روحي واضمج عيوني هاي اذا ترديها
انطيها الج
هو احنه شكم ملاك عدنة؟
ردت اتأكد هو منو ابوية بالأساس؟
انتَ لو ذاك الهددني بالباب؟
اخذت نفس وحضنتة وضل يبوس
بوجهي ويهمسلي ويگلي:-معليج بالعالم شحجو
ماحجو اهم شي صحتج ونفسيتج ولاتتعبين روحج
هواي احنة موجودين بأي وكت
ابتسمتلة والكلمات ضاعت
مني شريد احجي بعد سكتت وضليت
كل ساعة اباوعلة
الطريق بين بيتنه
وبيت خالتي بعيد يعني يحتاج سيارة
بس ردت امشي شوية
وصلني جاسر للبيت وراح
دخلت ؏ كيف وگلبي انقبض
سديت الباب بهدوء
حتى ماطلعت صوت
جنت اريد انزع حذائي واكفة يم
الجزامة
والسهام طبت بگلبي
واني اسمع خالتي تحجي
ويا كمال
بيداء:-شننننوووو يعنننني نضل نننتضر
شكممم سنةةةة يعنننني؟؟؟
نسبتها ثنين ثنين يالأغبر يا حضي الأعوج
ولك گتلك لاتاخذها لاتاخذها گلبي حاس
بس انت عاندت ودگيت رجل هاي
شحصلت؟...
بدينة؟...
