رواية الملازم والعنوديه الصغيرة الفصل السادس عشر بقلم مجهول
،،،،،،،،،،،،،،،،،،،،،،،،،،،،،،
ﻫﺸﺎﻡ،،ﺍﺷﻠﻮﻭﻥ ﻣﻨﻴﻴﻦ ﻃﻠﻌﻬﺎﺍﺍ ???
ﺳﻤﺮ،،ﻛﻤﺖ ﻋﻠﺊ ﺣﻴﻠﻲ ﻭﺩﺧﻠﺖ ﺍﻟﻐﺮﻓﺖ ﻋﻤﺘﻲ ﺧﻔﺖ ﻣﻨﻪ ﻳﻀﺮﺑﻨﻲ ﻭﻳﻔﺸﻠﻨﻲ
ﺍﺟﺖ ﻋﻤﺘﻲ ﮔﺎﻟﺖ ﺍﺧﺬﻱ ﺩﺷﺪﺍﺷﻪ ﻣﻦ ﻛﻨﺘﻮﺭﻱ ﺍﻛﻮ ﺍﻟﻤﺮﺍﻡ دشاديشﻋﺎﻓﺘﻬﻦ ﻫﻨﺎ
ﻋﺎﻓﺘﻨﻲ ﻭﻃﻠﻌﺖ ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﻫﺸﺎﻡ ﺍﻟﻮﺟﻪ ﻣﺎﻳﺘﻔﺴﺮ
ﻭﺻﻞ ﻳﻤﻲ ﻭﺍﻧﻲ ﻻﻓﻪ ﻧﻔﺴﻲ ﺑﺎﻟﻤﻨﺸﻔﻪ ﺑﻠﺤﻀﻪ ﻭﺣﺪﺓ ﺳﺤﺒﻨﻲ ﻣﻦ ﺯﻧﺪﻱ
ﻫﺸﺎﻡ،،ﺷﺎﺍﺍﺍﻓﺞ ﻫﻴﻴﺞ ??
ﺳﻤﺮ،،ﻭﻭ ﻭﺍﻟﻠﻪ ﻣﻤﺎ ﺷﺎﻓﻨﻲ ﺑﺲ ﺍﻧﻄﺎﻧﻲ ﺍﻟﺒﻄﺎﻧﻴﻪ
ﻫﺸﺎﻡ،،ﻭﻟﻠﻠﻠﻠﺞ ﺍﻧﺘﻲ ﻣﻦ ﻳﺎﺍﺍﻃﻴﻨﻪ ﻣﺼﻨﻮﻋﻪ ﻓﻬﻤﻴﻨﻴﻴﻲ
ﺷﻮﻛﺖ ﺗﺸﻴﻠﻴﻦ ﺍﻟﻤﻄﻲ ﺍﻟﻤﺪﺩ ﺑﺮﺍﺳﺞ ﻭﺗﺒﻄﻠﻴﻨﻦ ﻋﻨﺎﺩﺝ ﻫﺬﺍﺍﺍ ﮔﺘﻠﺞ ﻟﺘﺸﻐﻠﻲ ﻭﻋﺎﻧﺪﺗﻲ ﻳﻌﻨﻲ ﻫﻲ ﺑﺲ ﺷﻐﻠﻪ ﻋﻨﺎﺩ ﻭﺧﻠﺺ ﻟﻮ ﻣﻴﺘﻪ ﺑﻠﻪ ﺳﺎﻋﺘﻬﺎ ﺧﻞ ﻳﻔﻴﺪﺝ ﻋﻨﺎﺩﺝ
ﻭﻟﺞ ﻛﻠﻬﺎ ﺑﻜﻔﻪ ﻭﻣﻦ ﺍﺗﺨﻴﻞ ﻣﻬﻨﺪ ﺷﺎﻳﻔﺞ ﺍﻟﻴﻮﻡ ﺑﻜﻔﻪ ﺛﺎﻧﻴﻪ
ﺳﻤﺮ،،ﻭﺭﻭﺡ ﺍﻣﻲ ﻣﺎﺷﺎﻓﻨﻲ ﻛﺎﻓﻲ ﻫﺸﺎﻡ ﺍﻟﻠﻠﻪ ﻳﺨﻠﻴﻚ
ﻫﺸﺎﻡ،،ﺗﻌﺒﺘﻴﻨﻲ ﺑﻌﻨﺎﺩﺝ ﺳﻤﺮ ﺍﻱ ﺷﻲ ﺍﻃﻠﺒﻪ ﻣﻨﺞ ﺗﺴﻮﻳﻦ ﻋﻜﺴﻪ ﺷﻮﻛﺖ ﺗﻜﺒﺮﻳﻦ ﻓﻬﻤﻴﻨﻲ ﻣﺠﺮﺩ ﻓﻜﺮﺓ ﺍﻛﻮ ﺍﺣﺪ ﻏﻴﺮﻱ ﻟﻤﺤﺞ ﺑﻬﺬﺍ ﻣﻨﻀﺮﺝ ﺍﺗﺨﺒﻞ
ﺳﻤﺮ،،ﺷﻔﺘﻪ ﻃﻠﻊ ﺑﺎﻛﻴﺖ ﺍﻟﺠﺎﻛﻴﺮ ﻣﻦ ﺟﻴﺒﻪ ﺳﺤﺐ ﺟﮕﺎﺭﺓ ﻭﺭﺛﻬﺎ ﺳﺤﺐ ﺩﺧﺎﻥ ﻗﻮﻱ ﻭﺯﻓﺮﺓ ﻟﻔﻮﮒ ﺍﺟﻪ ﻳﻤﻲ ﻭﺍﻧﻲ ﺗﺮﺍﺟﻌﺖ ﺧﺎﻳﻔﻪ ﻣﻨﻪ ﺟﻤﻊ ﺍﻳﺪﺓ ﻋﻠﺊ ﺷﻜﻞ ﻗﺒﻀﻪ ﻭﺿﺮﺏ ﺍﻟﺤﺎﻳﻂ ﺣﻴﻞ ﻭﻫﻮ ﻳﺨﺰﺭﻧﻲ ﻓﺘﺢ ﺍﻟﺒﺎﺏ ﻭﺭﺍﺡ
ﺑﺪﻟﺖ ﻭﻃﻠﻌﺖ ﺭﻳﺤﺖ ﺍﻟﺪﺧﺎﻥ ﺗﺎﺭﺳﻪ ﺍﻟﺒﻴﺖ ﺗﺮﺱ ﻣﺘﻨﻪ ﻣﻦ ﺍﻟﺮﻳﺤﻪ
ﻋﻤﺘﻲ ﺣﺠﺖ
ﺍﻡ ﻫﺸﺎﻡ،،ﻳﻠﻪ ﻳﻤﻪ ﻧﺮﻭﺡ ﺍﻟﻴﻮﻡ ﻳﻢ ﺑﻴﺖ ﺧﺎﻟﻚ ﺍﺑﻮ ﺷﻬﺪ ﻧﺒﺎﺕ ﻳﻤﻬﻢ ﺑﻴﻦ ﻣﻴﺼﻠﺤﻮﻥ ﺍﻟﻜﻬﺮﺑﺄﺀ ﻭﻫﻢ ﺍﻟﺮﻳﺤﻪ ﻣﺎﻝ ﺍﻟﺪﺧﺎﻥ ﻗﻮﻳﻪ ﻭﺍﻧﻲ ﺍﺧﺘﻨﮕﺖ ﺧﻞ ﻧﺮﻭﺡ ﻫﺴﻪ ﻭﻋﻮﺩ ﺍﺑﻮﻙ ﻭﺍﺧﻮﻙ ﻳﻠﺤﮕﻮﻧﻪ
ﻫﺸﺎﻡ،،ﺻﺎﺭ ﻳﻤﻪ ﺑﺲ ﺍﺧﺬﻳﻠﻲ ﻣﻼﺑﺲ ﻭﻳﺎﺝ ﻣﻦ ﺳﻼﻡ ﻻﻥ ﺑﻔﻀﻞ ﻣﺮﺗﻲ ﺍﻟﻔﺎﻫﻴﻪ ﻣﺎﺧﻠﺖ ﺑﺎﻟﻐﺮﻓﻪ ﺷﻲ
ﺳﻤﺮ،،ﺍﻋﺮﻑ ﺍﺳﻠﻮﺑﻪ ﻣﻦ ﻳﻀﻮﺝ ﻳﺮﻳﺪ ﺑﺲ ﻳﻐﺜﻨﻲ ﻭﺍﻧﻮﺏ ﻧﺮﻭﺡ ﺍﻟﺒﻴﺖ ﺷﻬﺪ ﺍﻟﺤﻴﻪ ﺍﻟﻠﻪ ﻳﺴﺘﺮ
ﺍﺧﺬﻧﻪ ﻭﺭﺣﻨﻪ ﻭﻫﻲ ﻭﺍﻣﻬﺎ ﺗﻠﻜﺘﻨﻪ ﺍﻛﻠﺖ ﻋﻤﺘﻲ ﺑﺎﻟﺴﻼﻡ ﻭﻋﻴﻨﻬﺎ ﻉ ﻫﺸﺎﻡ ﺧﺮﺭﺭﺏ ﻫﺴﻪ ﻫﻮ ﻣﺘﺰﻭﺝ ﺷﻜﻮ ﺑﻌﺪ ﺍﺟﺖ ﻳﻤﻲ ﺳﻠﻤﺖ ﻋﻠﻴﻪ ﺩﺧﻠﻮﻧﻪ ﻟﻠﺼﺎﻟﻪ ﻭﻫﻲ ﮔﺎﻟﺖ
ﺷﻬﺪ،،ﺍﻛﻴﺪ ﻣﺎﻣﺘﻌﺸﻴﻦ ﺩﻗﺎﻳﻖ ﻭﻳﺠﻬﺰ ﺍﻟﻌﺸﻪ
ﺧﻄﻴﻪ ﻫﺸﻮﻣﻲ ﺑﻌﺪﻙ ﺑﻤﻼﺑﺲ ﺍﻟﺪﻭﺍﻡ ﻋﻤﺖ ﻋﻴﻨﻲ ﻛﻮﻡ ﺍﺣﻀﺮﻟﻚ ﺍﻟﺤﻤﺎﻡ
ﻫﺸﺎﻡ،،ﺍﻱ ﻭﺍﻟﻠﻪ ﺑﺖ ﺧﺎﻟﻲ ﻣﻴﺖ ﺗﻌﺐ ﻭﻛﻠﻲ ﺭﻳﺤﺔ ﺩﺧﺎﻥ
ﺳﻤﺮ،،ﺍﺑﺪﺍﺧﻠﻲ ﺍﮔﻮﻝ ﻛﻮﻥ ﺳﺒﺤﺘﺞ ﺏ ﺍﺧﺮ ﺣﻤﺎﻡ ﺑﻮﺍﺩﻱ ﺍﻟﺴﻼﻡ ﺍﻡ ﺍﻟﻮﺻﺦ ﺗﺘﻤﺎﻭﻉ ﺑﺎﻟﺤﭽﻲ
ﺍﻡ ﺷﻬﺪ،،ﻛﻮﻣﻲ ﻋﻴﻨﻲ ﺍﻡ ﻫﺸﻮﻣﻲ ﻫﻢ ﺍﺳﺒﺤﻲ ﻭﺍﺭﺗﺎﺣﻲ ﺑﻴﻦ ﻣﻨﺤﻀﺮ ﺍﻟﺴﻔﺮﺓ
ﺳﻤﺮ ،،ﺷﻮﻳﻪ ﻭﻃﻠﻊ ﻫﺸﺎﻡ ﻟﺒﺲ ﺗﺮﺍﻙ ﺳﻼﻡ ﻭﻣﺒﻴﻦ ﻋﻀﻼﺗﻪ ﺍﻛﺜﺮ ﺣﺎﺻﺮ ﺟﺴﻤﻪ ﻻﻥ ﻫﻮ ﺍﺿﺨﻢ ﺍﺧﻮﺗﻪ ﺷﻬﺪ ﺑﺲ ﺍﺗﺒﺎﻭﻉ ﻋﻴﻨﻬﺎ ﺻﻠﻔﻪ
ﺻﺒﻮ ﺍﻻﻛﻞ ﻭﻛﻠﻨﻪ ﻛﻌﺪﻧﻪ ﻧﺎﻛﻞ ﻭﺍﻧﻲ ﻣﺎﻟﻲ ﻧﻔﺲ ﺑﺲ ﺍﻧﻘﺶ
ﺷﻬﺪ،،ﺷﻨﻮ ﺭﺃﻳﻚ ﺑﺎﺍﻛﻠﻲ ﺑﺪﻭﻥ ﻣﺠﺎﻣﻠﻪ
ﻫﺸﺎﻡ،،ﻋﺎﺷﺖ ﺍﻳﺪﺝ ﻛﻠﺶ ﻃﻴﻴﺐ
ﺷﻬﺪ،،ﺳﻤﺮ ﺗﻌﺮﻓﻴﻦ ﺍﻃﺒﺨﻴﻦ ﻟﻮ ﻻ
ﺍﻡ ﻫﺸﺎﻡ،،ﻟﻴﺶ ﺍﺣﻨﻪ ﻧﺎﻛﻞ ﻏﻴﺮ ﻣﻦ ﺍﻳﺪﻫﺎ ﻧﻔﺴﻬﺎ ﻃﻴﺐ ﻉ ﺍﻻﻛﻞ
ﺳﻤﺮ،،ﻋﻤﺘﻲ ﻳﻤﻜﻦ ﺣﺴﺖ ﺑﻜﻼﻡ ﺷﻬﺪ ﺗﺮﻳﺪ ﺗﻐﺜﻨﻲ ﺭﺟﻌﺖ ﻗﺼﻔﺘﻬﺎ ﺗﺴﺘﺎﻫﻞ
ﻛﻤﻠﻨﻪ ﺍﻛﻞ ﻭﻛﻤﺖ ﺍﻟﻢ ﺑﺎﻟﺴﻔﺮﺓ ﻭﺍﻟﻤﻮﺍﻋﻴﻦ ﻭﻳﺎﻫﺎ ﻭﻫﻲ ﻭﺟﻬﺎ ﺛﮕﻴﻞ ﻋﻠﻴﻪ
ﺍﻡ ﺷﻬﺪ ﮔﺎﻟﺖ ﺍﺑﻮ ﻫﺸﺎﻡ ﻭﻫﺸﺎﻡ ﻳﻨﺎﻣﻮﻥ ﺏ ﺍﻻﺳﺘﻘﺒﺎﻝ ﻭﺍﻡ ﻫﺸﺎﻡ ﻭﺳﻤﺮ ﻳﻨﺎﻣﻦ ﻳﻢ ﺷﻬﺪ ﺑﻐﺮﻓﺘﻬﺎ
ﺍﺗﻤﻨﻴﺖ ﻳﺨﻠﺺ ﺍﻟﻴﻮﻡ ﻭﺍﺭﺟﻊ ﺍﻟﺒﻴﺘﻨﻪ ﻣﺠﺮﺩ ﻭﺟﻮﺩﻱ ﻳﻤﻬﺎ ﻳﺴﺒﺒﻠﻲ ﺗﻌﺐ ﻧﻔﺴﻲ
ﺻﻌﺪﻧﻪ ﻭﺍﻧﻲ ﻭﻋﻤﺘﻲ ﺍﺑﻐﺮﻓﺘﻬﺎ ﻧﻤﻨﻪ ﻭﻫﻲ ﺍﺷﺘﻐﻠﺖ ﺍﻟﻮﺍﮔﻪ شهد ﻧﺎﻣﺖ ﺑﺤﻀﻦ ﻋﻤﺘﻲ ﻭﺍﺗﮕﻠﻬﺎ ﺍﺣﺐ ﺭﻳﺤﺘﺞ ﻣﺜﻞ ﺭﻳﺤﺔ ﺍﻣﻲ ﻭﺷﺘﺮﺩﻳﻦ ﺍﺳﻮﻳﻠﺞ ﺍﺣﭽﻲ ﻣﻴﺮﺩﺝ ﻏﻴﺮ ﺍﻟﺴﺎﻧﺞ ﺍﻧﻲ ﻫﻢ ﺣﺎﻟﻲ ﺣﺎﻝ ﺑﻨﺎﺗﺞ ﻭﻋﻤﺘﻲ ﺍﺗﮕﻠﻬﺎ ﺍﻧﺘﻲ ﻫﻢ ﺑﻨﺘﻲ ﻭﻣﺘﻘﺼﺮﻳﻦ ﺍﺣﺲ ﻧﻔﺴﻲ ﺻﺎﺭ ﻋﻨﺪﻱ ﺟﺎﻟﻲ ﻣﻦ ﺟﺬﺑﻬﺎ ﻭﺗﺼﻔﻴﻄﻬﺎ
ﻋﻔﺘﻬﻦ ﻭﻧﻤﻨﺖ ﻻﻥ ﺗﻌﺒﺎﻧﻪ ﻛﻌﺪﺕ ﺍﻟﺼﺒﺢ ﻟﻤﻴﺖ ﺍﻻﻓﺮﺍﺵ ﻭﻧﺰﻟﺖ ﺳﻤﻌﺘﻬﻢ ﻣﻠﺘﻤﻴﻦ ﺑﺎﻟﻤﻄﺒﺦ ﻳﺘﺮﻳﮕﻮﻥ ﺑﺲ ﺍﻟﺼﺪﻣﻨﻲ ﻛﻼﻡ ﺍﻡ ﺷﻬﺪ
ﺍﻡ ﺷﻬﺪ،،ﻭﺍﻟﻠﻪ ﻳﺎﻋﻤﻪ ﻳﺎﻫﺸﺎﻡ ﻣﺮﺗﻚ ﻣﻮﻣﺎﻝ ﻣﺴﺆﻟﻴﻴﻪ ﻟﻮ ﺣﺎﺭﮔﺘﻜﻢ ﺍﻟﺒﺎﺭﺣﻪ ﻳﻌﻨﻲ ﺍﺣﻤﺪ ﺍﻟﻠﻪ ﻣﻬﻨﺪ ﻣﺮ ﻭﺷﺎﻑ ﺍﻟﺪﺧﺎﻥ ﻟﻮ ﻣﺎﻫﻮ ﺟﺎﻥ ﺍﺣﺘﺮﻙ ﺍﻟﺒﻴﺖ ﻛﻠﻪ
ﻛﺘﻠﺖ ﻧﻔﺴﻚ ﻋﻠﻴﻬﺎ ﻟﻮ ﻣﺎﺧﺬ ﻭﺣﺪﺓ ﺑﻌﻤﺮﻙ ﺗﻔﻬﻤﻚ ﻭﺗﻔﻬﻤﺎ ﺍﺣﺴﻦ ﻣﻦ ﻣﺮﺗﻚ ﺟﺎﻫﻞ ﺑﻌﺪﻫﺎ ﺣﺘﺊ ﻣﺼﻠﺤﺘﻬﺎ ﻣﺘﻌﺮﻓﻬﺎ
ﺳﻤﺮ،،ﺿﻠﻴﺖ ﻣﺼﺪﻭﻣﻪ ﺑﻜﻼﻣﻬﺎ ﻭﺍﻛﻔﻪ ﺑﻤﻜﺎﻧﻲ ﺷﻨﻮ ﻣﻦ ﺑﺸﺮ ﻫﺎﻱ ﻋﺒﺎﻟﻚ ﺟﺎﻧﺖ ﻣﺘﺤﻤﻠﻪ ﻋﻠﻴﻪ ﻭﺍﻧﻬﺪﺕ ﻓﺮﺩ ﻫﺪﺓ
ﺑﺲ ﺳﻤﻌﺖ ﻫﺸﺎﻡ ﺟﻮﺍﺑﻬﺎ
ﻫﺸﺎﻡ،،ﻻ ﻋﻤﻪ ﻫﻲ ﻣﻮ ﺟﺎﻫﻞ ﺳﻤﺮ ﺧﻮﺵ ﺳﻤﺮ ﻭﺟﻞ ﻣﻦ ﻻﻳﺨﻄﺊ ﺍﻧﻲ ﺍﺭﻳﺪﻫﺎ ﺗﺘﻌﻠﻢ ﻣﻦ ﺍﺧﻄﺎﺋﻬﺎ ﻭﺑﻌﺪﻳﻦ ﺍﻧﻲ ﺍﺣﺒﻬﺎ ﻭﻣﻘﺘﻨﻊ ﺑﻴﻬﺎ ﻭﻣﺘﻤﻠﻲ ﻋﻴﻨﻲ ﻏﻴﺮﻫﺎ
ﺍﺻﻼ ﺍﺣﻤﺪ ﺍﻟﻠﻪ ﻭﺍﺷﻜﺮﺓ ﻃﻠﻌﺖ ﺳﻼﻣﺎﺕ ﻣﻦ ﺍﻟﺤﺎﺩﺙ ﺍﻟﺒﺎﺭﺣﻪ ﻓﺪﻭﻩ ﺍﻟﻬﺎ ﺍﻟﺒﻴﺖ ﻛﻠﻪ ﻭﻫﺴﻪ ﻣﻦ ﺭﺧﺼﺘﻜﻢ ﺍﺗﺼﻠﺖ ﺏ ﺍﻟﻜﻬﺮﺑﺄﺋﻲ ﺍﺧﺬﺓ ﻟﻠﺒﻴﺖ
ﺳﻤﺮ،،ﻭﺍﻟﻠﻪ ﻣﻦ ﺳﻤﻌﺘﻪ ﺭﺩﺕ ﺍﻫﻠﻬﻞ ﻣﻦ ﺍﻟﻔﺮﺣﻪ ﻳﻄﺒﻬﻦ ﻃﻮﺏ ﺧﻮﺵ ﺟﺎﻭﺑﻬﻦ ﻋﺒﺎﻟﻬﻦ ﻳﺤﺠﻲ ﻋﻠﻴﻪ ﻛﺪﺍﻣﻬﻦ
ﺳﻮﻳﺖ ﻧﻔﺴﻲ ﺗﻮﻧﻲ ﺩﺧﻠﺖ ﻭﺍﻡ ﺷﻬﺪ ﺿﻠﺖ ﺗﻜﻮﻝ ﻓﺪﻭﺓ ﺍﻟﻄﻮﻟﺞ ﺑﻌﺪ ﺧﺎﻟﺘﺞ ﻣﻌﺪﻟﻪ ﻣﺮﺕ ﻫﺸﻴﻢ ﻫﻨﻴﺎﻟﻪ ﻋﻠﻴﺞ
ﺍﻧﻲ ﻣﻦ ﺳﻤﻌﺘﻬﺎ ﺑﺪﺍﺧﻠﻲ ﮔﻠﺖ ﺧﺮﺏ ﻋﺮﺿﺞ ﺣﺘﺊ ﺍﺑﻠﻴﺲ ﺿﻞ ﺻﺎﻓﻦ ﻳﻤﺞ ﺗﻮﺝ ﮔﺼﻴﺘﻴﻨﻲ ﮔﺺ ﮔﺪﺍﻡ ﻫﺸﺎﻡ ﺷﺒﺴﺮﻋﻪ ﺻﺮﺕ ﻣﻌﺪﻟﻪ
ﻟﻠﻌﺼﺮ ،،ﺍﺟﻪ ﺳﻼﻡ ﮔﺎﻝ ﺍﺭﺟﻌﻜﻢ ﻟﻠﺒﻴﺖ ﺍﻟﻜﻬﺮﺑﺎﺉ ﺧﻠﺼﺖ ﺍﻧﻲ ﻣﺎﺻﺪﮔﺖ ﺑﺲ ﺍﺭﻳﺪ ﺍﻃﻠﻊ ﻣﻦ ﺑﻴﺖ ﻣيساء ﺍﻟﺴﺤﺎﺭﺓ ﻟﻔﻴﺖ ﺷﺎﻟﻲ ﻭﻟﺒﺴﺖ ﻋﺒﺎﺗﻲ ﻭﻃﻠﻌﺖ ﺑﺪﻭﻥ ﻛﻼﻡ ﺣﺘﺊ ﻣﺎﺳﻠﻤﺖ
ﺍﻡ ﺷﻬﺪ،،ﻳﺎﺍﺍ ﺧﺎﻟﻪ ﺷﻮ ﻣﺎﺳﻠﻤﺘﻲ ﻣﻌﻘﻮﻟﻪ ﺯﻋﻠﻨﺎﺝ ﻭﺍﺣﻨﻪ ﻣﻨﺪﺭﻱ
ﺳﻤﺮ،،ﻻ ﺧﺎﻟﻪ ﻋﻠﻴﻤﻦ ﺯﻋﻠﺘﻮﻧﻲ ﺑﺲ ﺍﻛﻴﺪ ﻫﺴﻪ ﻫﺸﻮﻣﻲ ﺗﻌﺒﺎﻥ ﻣﻦ ﺍﻟﺼﺒﺢ ﻟﺴﻪ ﻣﺤﺘﺎﺭ ﺑﺎﻟﻜﻬﺮﺑﺎﺉ ﻭﺍﻛﻴﺪ ﻣﻴﺮﺗﺎﺡ ﺍﻟﻪ ﻟﻤﻦ ﻳﺸﻮﻓﻨﻲ
ﺍﻡ ﺷﻬﺪ،،ﺍﻱ ﺍﻟﻠﻪ ﻳﺨﻠﻴﻜﻢ ﺍﻟﺒﻌﺾ
ﺳﻤﺮ ،،ﺍﺟﺖ ﻋﻤﺘﻲ ﺭﺟﻌﻨﻪ ﺳﻼﻡ ﻟﻠﺒﻴﺖ ﺟﻨﺖ ﺣﻴﻞ ﻣﻘﻬﻮﺭﺓ ﻋﻠﺊ ﻏﺮﻓﺘﻲ ﻻﻥ ﺑﺲ ﻫﻲ ﺍﺧﺬ ﺑﻴﻬﺎ ﺭﺍﺣﺘﻲ ﺍﺿﻄﺮﻳﻨﻪ ﺍﻧﺎﻡ ﺑﻐﺮﻓﺔ ﻣﺮﺍﻡ
ﻫﺸﺎﻡ ﻭﺻﻪ ﻋﻠﺊ ﻏﺮﻓﺔ ﺧﺸﺎﺏ ﺟﺪﻳﺪﺓ ﻛﺎﻝ ﻳﻮﻣﻴﻦ ﻭﻳﺠﻴﺒﻮﻫﺎ ﻫﻮ ﺭﺍﺡ ﺍﺷﺘﺮﺓ ﻣﻼﺑﺲ ﺍﻟﻨﻔﺴﻪ ﻭﺍﻧﻄﻪ ﺍﻟﻌﻤﺘﻲ ﻓﻠﻮﺱ ﻛﺎﻟﻬﺎ ﺍﻧﺘﻲ ﺗﺮﺣﻴﻦ ﺗﺸﺘﺮﻳﻠﻬﺎ ﻣﻤﻨﻮﻉ ﻫﻲ ﺗﺮﻭﺡ ﻭﻳﺎﺝ ﺍﺫﺍ ﺭﺣﺖ ﻭﺳﻤﻌﺖ ﻣﺎﺧﺬﺗﻬﺎ ﻭﻳﺎﺝ ﺍﺯﻋﻞ ﻋﻠﻴﺞ ﺍﻧﺘﻲ
ﻭﻓﻌﻼ ﺭﺍﺣﺖ ﻋﻤﺘﻲ ﻭﺟﺎﺑﺖ ﻫﻮﺍﻱ ﻣﻼﺑﺲ ﺟﻬﺰﺗﻨﻲ ﻣﻦ ﻛﻠﺸﻲ ﻫﻲ ﺗﻌﺮﻑ ﻗﻴﺎﺳﻲ ﻭﻏﺮﻓﺔ ﺍﻟﺨﺸﺎﺏ ﺟﺎﺑﻮﻫﺎ ﺻﺢ ﺣﻠﻮﺓ ﺑﺲ ﻣﻮﻣﺜﻞ ﺍﻟﺤﺘﺮﻛﺖ ﺟﺎﻧﺖ ﺍﺣﻠﺊ
ﻭﺑﺪﻳﻨﻪ ﻧﺮﺗﺐ ﺑﻐﺮﻓﺘﻨﻪ ﻭﻫﺸﺎﻡ ﻭﺟﻬﺎ ﺛﻜﻴﻞ ﺍﺣﺒﻪ ﻣﺎﺍﺗﺤﻤﻞ ﺯﻋﻠﻪ ﻫﻮ ﻳﻐﺎﺭ ﻭﻫﺎﻱ ﻣﺸﻜﻠﺘﻪ ﻭﻳﺘﻌﻘﺪ ﻣﻦ ﻣﻬﻨﺪ ﻻﻥ ﺧﻄﺒﻨﻲ ﻣﻴﺤﺒﻪ
ﺍﻟﻴﻮﻡ ﺧﻤﻴﺲ ﺑﺎﺟﺮ ﻋﻄﻠﻪ ﻣﻴﺮﻭﺡ ﻟﻠﺪﻭﺍﻡ ﻟﺬﺍﻟﻚ ﻃﻠﻊ ﻉ ﺷﻂ ﺍﻟﻜﻮﻓﻪ ﻳﺤﺐ ﻫﻠﻤﻜﺎﻥ ﺍﺗﺨﺬﺗﻬﺎ ﻓﺮﺻﻪ ﺟﻬﺰﺕ ﻧﻔﺴﻲ ﻛﻠﺸﻲ ﺟﺪﻳﺪ ﺑﻠﻠﻐﺮﻓﻪ ﺷﻐﻠﺖ ﺍﻟﻨﺸﺮﺍﺕ ﻭﺯﻳﻨﺘﻬﺎ ﺑﺸﻐﻼﺕ ﺑﺴﻴﻄﻪ ﺣﻀﺮﺕ ﺻﻴﻨﻴﻪ ﺧﻠﻴﺖ ﺑﻴﻬﺎ ﻛﺮﺯﺍﺕ ﻭﻋﺼﺎﻳﺮ ﻭﻛﻴﻚ ﻟﺒﺴﺖ ﺳﻴﺖ ﻧﻮﻡ ﺍﺣﻤﺮ ﻧﺎﺭﻱ ﻭﻣﻜﻴﺎﺝ ﺻﺎﺭﺥ
ﺍﻧﻲ ﺍﻋﻠﻤﻪ ﺍﺭﻳﺪ ﺍﺷﻮﻑ ﺍﺷﻠﻮﻥ ﻳﺘﺤﻤﻞ ﻳﻀﻞ ﺯﻋﻼﻥ ﺍﻧﻲ ﺍﻟﻚ ﺳﻴﺎﺩﺓ ﺍﻟﻨﻘﻴﺐ
ﺑﺎﻭﻋﺖ ﻉ ﻧﻔﺴﻲ ﺑﺎﻟﻤﺮﺍﻳﻪ ﺭﺷﻴﺖ ﻋﻄﺮ ﺧﻔﻴﻒ ﺳﻤﻌﺖ ﺻﻮﺕ ﺳﻴﺎﺭﺗﻪ ﻃﻔﻴﺖ ﺍﻻﺿﻮﻳﻪ ﻭﺧﻠﻴﺖ ﺑﺲ ﺍﻟﻨﺸﺮﺍﺕ ﺗﺸﺘﻐﻞ ﺑﻀﻮﺉ ﺧﻔﻴﻒ
ﺳﻤﻌﺖ ﺻﻮﺕ ﺧﻄﻮﺍﺗﻪ ﻉ ﺍﻟﺪﺭﺝ ﺭﻛﻀﺖ ﻭﻛﻔﺖ ﻭﺭﺓ ﺍﻟﺒﺎﺏ
ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﻫﻮ ﺣﻀﻨﺘﻪ ﻣﻦ ﺿﻬﺮﺓ ﻣﺸﺘﺎﻗﺘﻠﻪ ﺣﻴﻞ ﺩﺍﺭ ﻭﺟﻬﺎ ﻋﻠﻴﻪ ﻭﻣﺪ ﺍﻳﺪﺓ ﺷﻐﻞ ﺍﻟﻀﻮﻩ ﺿﻞ ﺻﺎﻓﻦ ﺑﻮﺟﻬﻲ ﺣﻀﻦ ﺧﺼﺮﻱ ﻭﻛﺎﻝ
ﻫﺸﺎﻡ،،ﺍﺍﺍﺍﻭﻑ ﻳﺎﺑﻪ ﺻﺪﻙ ﻛﻴﺪﻛﻦ ﻋﻈﻴﻢ ﺗﻌﺮﻓﻦ ﺍﺷﻠﻮﻥ ﺗﻀﺮﺑﻦ ﻉ ﺍﻟﻮﺗﺮ ﺍﻟﺤﺴﺎﺱ
ﺳﻤﺮ،،ﺿﺤﻜﺖ ﻋﻠﺊ ﻛﻼﻣﻪ ﮔﺘﻠﻪ ﻟﻴﺶ ﺯﻋﻼﻥ ﻭﻋﻠﺊ ﺷﻨﻮ ﺑﺪﻝ ﻣﺘﻔﺮﺡ ﻃﻠﻌﺖ ﻣﻦ ﺍﻟﻤﻮﺕ
ﻫﺸﺎﻡ،،ﻭﺷﻮﺩﺍﺝ ﻟﻠﻤﻮﺕ ﻏﻴﺮ ﻏﺒﺎﺋﺞ ﺩﻭﻡ ﺗﻌﺎﻧﺪﻳﻦ ﻭﺗﺴﻮﻳﻦ ﺍﻟﺒﺮﺍﺳﺞ ﻭﺍﻟﻤﺼﻴﺒﻪ ﺍﺟﻲ ﻭﺍﺳﻤﻊ ﺍﻟﻤﻄﻠﻌﺞ ﻣﻬﻨﺪ ﺗﺪﺭﻳﻦ ﺑﺎﻟﻠﻪ ﻣﻦ ﺍﺫﻛﺮ ﺍﻟﻤﻮﻗﻒ ﻳﺼﻌﺪ ﺿﻐﻄﻲ ﻭﺍﺗﻤﻨﺊ ﺍﻛﺴﺮﺝ ﺗﻜﺴﺮ ﺑﺲ ﮔﻠﺒﻲ ﻣﺎﻳﻨﻄﻴﻨﻲ
ﺗﺪﺭﻳﻦ ﺑﻴﻪ ﻋﺎﻗﻞ ﻭﻳﻪ ﺍﻟﻜﻞ ﺍﻟﻪ ﻭﻳﺎﺝ ﻳﺴﺘﺨﻒ ﻋﻘﻠﻲ ﻭﺍﺗﺨﺒﻞ ﻭﺍﻧﺴﻪ ﻛﻠﺸﻲ ﻫﺪﻭﺋﻲ ﻭﻛﺒﺮ ﻋﻤﺮﻱ ﻭﺍﺳﻠﻮﺑﻲ ﻣﺎﺍﺗﺤﻤﻞ ﻏﻴﺮﺗﻲ ﻋﻠﻴﺞ ﻣﻮﺗﺘﻨﻲ
ﺳﻤﺮ،،ﺍﺣﺒﻚ ﻫﺸﺎﻡ ﻭﺍﻟﻠﻪ ﻭﻋﻴﻮﻧﻲ ﻣﺘﺸﻮﻑ ﻏﻴﺮﻙ ﺍﺑﺪ ﻭﻋﻤﺮﻱ ﻣﺎﻓﻜﺮﺕ ﺑﻔﺎﺭﻕ ﺍﻟﻌﻤﺮ ﺍﻧﻲ ﻛﺒﺮﺕ ﻭﺗﺮﺑﻴﺖ ﻋﻠﺊ ﺍﻳﺪﻙ ﻋﻴﻮﻧﻲ ﻣﺘﺸﻮﻑ ﻏﻴﺮ ﻫﺸﺎﻣﻲ ﻭﺑﺲ
ﻫﺸﺎ،،ﺍﺣﺘﺮﮔﺖ ﻋﺸﻴﺮﺕ ﻫﺸﺎﻡ ﻧﻔﺮ ﻧﻔﺮ ﺗﺪﺭﻳﻦ ﻭﻟﺞ ﺻﺎﺭ ﻛﻢ ﻳﻮﻡ ﺯﻋﻼﻥ ﻭﻳﺎﺝ ﺍﺭﻭﺡ ﻟﻠﺪﻭﺍﻡ
ﻭﺍﻧﻲ ﻣﻴﺖ ﻋﻠﻴﺞ ﻭﻣﺸﺘﺎﻗﻠﺞ ﻭﺍﻛﻮﻝ ﺍﻟﻨﻔﺴﻲ
ﻳﺎﺑﻪ ﻭﺍﻟﻠﻪ ﻟﻮ ﻟﺰﻣﺘﺞ ﺍﻻ ﻣﺎﺍﺭﺣﻤﺞ ﺑﺎﻟﻠﻪ ﺍﻟﻌﻈﻴﻢ
ﺍﺧﻠﻲ ﻋﻴﻮﻧﺞ ﺗﺘﻮﺳﻞ ﺍﻟﺮﺣﻤﻪ ﻣﻦ ﺷﻮﻗﻲ ﺍﻟﺞ ﻳﻤﻜﻦ ﺍﺫﺍ ﺍﺣﻀﻨﺞ ﺍﻛﺴﺮ ﺿﻠﻮﻋﺞ ﺑﺴﺎﻋﺘﻬﺎ
ﺳﻤﺮ، ،ﺧﺠﻠﻨﻲ ﻣﻦ ﻛﻼﻣﻪ ﻭﺑﻠﺤﻀﻪ ﻭﺣﺪﺓ ﺑﺎﺳﻨﻲ ﻭﺻﺎﺭ ﻳﺘﻔﻨﻦ ﺑﺸﻮﻗﻪ ﻭﻟﻬﻔﺘﻪ ﺍﻟﻲ ﻭﺍﻧﻲ ﻛﺬﺍﻟﻚ
ﻭﻣﺮﺕ ﺍﻻﻳﺎﻡ ﻭﺍﻻﺷﻬﺮ ﻭﻣﻴﺲ ﻣﺮﺕ ﺳﻼﻡ ﺟﺎﺑﺖ ﻭﺭﺟﻌﺖ ﻟﻠﺒﻴﺖ ﻭﺍﻧﻲ ﻭﻫﺸﺎﻡ ﻋﻼﻗﺘﻨﻪ ﺳﺎﻋﻪ ﻧﺘﻤﺎﻟﺦ ﻭﺳﺎﻋﻪ ﺍﺣﻠﺊ ﻣﺎﻳﻜﻮﻥ ﺻﺮﺕ ﺍﺣﺐ ﺍﻃﻔﺎﻝ ﻣﻴﺲ ﻭﺗﻌﻠﻘﺖ ﺣﻴﻞ ﺑﻴﻬﻢ ﺣﺘﺊ ﺻﺮﺕ ﺍﻫﺘﻢ ﺑﻴﻬﻢ ﺍﻛﺜﺮ ﻣﻦ ﺍﻣﻬﻢ
ﺻﺎﺭ ﻋﻤﺮﻫﻢ 6 ﺍﺷﻬﺮ ﻳﺨﺒﻠﻮﻥ ﻣﺮﺍﺕ ﺍﺭﻛﺾ ﺑﺎﻟﺸﻐﻞ ﺑﺴﺮﻋﻪ ﺑﺴﺮﻋﻪ ﺍﺣﺲ ﻧﻔﺴﻲ ﺍﻣﻬﻢ ﻭﺧﺎﻳﻔﻪ ﻳﺮﻭﺡ ﻣﻮﻋﺪ ﺷﺮﺏ ﺣﻠﻴﺒﻬﻢ ﺣﺘﺊ ﺑﺎﻟﻮﻗﺖ ﺍﺫﻛﺮ ﻣﻴﺲ
ﺻﺎﺭ ﺍﻛﺜﺮ ﻣﻦ ﺳﻨﻪ ﻣﻦ ﺗﺰﻭﺟﺖ ﻭﺍﺣﺲ ﮔﻠﺒﻲ ﻃﮓ ﺍﺭﻳﺪ ﻃﻔﻞ ﻟﻌﺪ ﺍﺷﻠﻮﻥ ﻟﻮ ﻣﺮ ﺍﻟﻌﻤﺮ ﺑﺪﻭﻥ ﺍﻃﻔﺎﻝ ﺷﻴﺼﻴﺮ ﺑﺤﺎﻟﻲ ﻭﺻﺮﺕ ﺩﻭﻡ ﺍﺩﻋﻲ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﺊ ﻣﻴﻨﺴﺎﻧﻲ ﻭﻳﺴﻮﻳﻠﻨﻪ ﻣﻌﺠﺰﺓ ﻭﻳﺼﻴﺮ ﻋﺪﻧﻪ ﻃﻔﻞ ﻳﻤﻜﻦ ﺳﺎﻋﺘﻬﺎ ﺍﻟﻔﺮﺣﻪ ﻣﺘﺴﻴﻌﻨﻲ
ﻣﺮﺍﻡ ﺣﺎﻣﻞ 4 ﺍﺷﻬﺮ ﻭﺷﻜﻠﻬﺎ ﺻﺎﻳﺮ ﻛﻠﺶ ﺣﻠﻮﺓ ﺑﻴﻬﺎ ﺑﻨﻴﻪ ﻭﺳﻤﻨﺎﻧﻪ ﻭﺭﺟﻠﻬﺎ ﺣﻴﻞ ﺣﺒﺎﺏ ﻭﻳﺤﺒﻬﺎ ﺣﺘﺊ ﻣﻴﺨﻠﻴﻬﺎ ﺗﺒﺎﺕ ﻳﻤﻨﻪ ﺗﺠﻲ ﺷﻮﻳﻪ ﻭﺗﺮﻭﺡ
ﻭضرﻏﺎﻡ ﺍﺗﻌﺮﻑ ﻋﻠﺊ ﺑﻨﻴﻪ ﻣﻦ ﺍﻟﺒﺼﺮﺓ ﻭﻓﺎﺗﺢ ﺍﻫﻠﻪ ﺑﺎﻟﻤﻮﺿﻮﻉ ﺣﺘﺊ ﻳﺘﻘﺪﻣﻠﻬﺎ
ﻋﻤﺎﻣﻲ ﻗﺒﻠﻮ ﻭﺗﺤﺪﺩ ﻳﻮﻡ ﺍﻟﻤﺸﻴﻪ ﻭﺍﺧﺬﻭ ﺳﻴﺪ ﻭﻳﺎﻫﻢ ﻳﻌﻘﺪﻟﻬﻢ
ﺟﺎﻧﺖ ﺍﺟﻮﺍﺀ ﺍﻟﻔﺮﺡ ﻛﻠﺶ ﺣﻠﻮﺓ ﺑﺎﻟﺒﻴﺖ ﻭﺍﻟﻤﺤﻠﻴﻬﺎ ﺍﻛﺜﺮ ﻓﺮﺣﺔ ﺿﺮﻏﺎﻡ ﻭﺗﺤﺸﻴﺸﻪ
ﻋﻤﺘﻲ ﺍﺗﻜﻠﻪ ﻭﻟﻚ ﺭﺍﺡ ﺗﻌﺮﺱ ﺍﺛﮕﻞ ﺷﻮﻳﻪ
ﺍﻟﻴﻮﻡ ﺍﻟﻤﺸﻴﻪ ﻭﻛﻞ ﻋﻤﺎﻣﻲ ﻭﺍﻗﺮﺑﺎﺋﻨﻪ ﻳﺮﺣﻮﻥ ﻣﻦ ﺍﻟﺼﺒﺢ ﮔﻌﺪﻧﻪ ﻻﻥ ﻃﺮﻳﻖ ﺣﻴﻴﻴﻞ ﻃﻮﻳﻞ
ﺍﻡ ﻫﺸﺎﻡ،،ﻭﻟﻚ ﺿﺮﻏﺎﻡ ﻋﻔﺖ ﺍﻟﺪﻧﻴﻪ ﻛﻠﻬﺎ ﻭﻣﺎﺧﻄﺒﺖ ﻏﻴﺮ ﻣﻦ ﺍﻟﺒﺼﺮﺓ ﻭﻟﻚ ﺍﻧﻲ ﻣﺎﻛﺎﺗﻠﻨﻲ ﺷﻲ ﻏﻴﺮ ﺍﻟﻄﺮﻳﻖ ﺧﺎﻑ ﻧﻤﻮﺕ ﻗﺒﻞ ﻣﺎﻧﻮﺻﻞ
ﺿﺮﻏﺎﻡ،،ﻫﻬﻬﻬﻬﻬﻬﻬﺎﻱ ﺻﺎﻳﺮﺓ ﺗﺤﺸﺸﻴﻦ ﺣﺠﻴﻪ ﻋﻤﺮﺝ ﻃﻮﻳﻞ ﻫﻤﺰﻳﻦ ﻣﻦ ﺍﻟﺒﺼﺮﺓ ﻟﻌﺪ ﺍﻧﻲ ﻣﺎﻛﺘﻠﺞ ﺟﻨﺖ ﺍﺣﺐ ﺳﻮﺭﻳﻪ ﺑﺲ ﺍﻟﻘﺴﻤﻪ ﺍﺗﺨﺮﺑﻄﺖ 😂
ﺍﻡ ﻫﺸﺎﻡ،،ﻳﺎﺍﺍﺍ ﺻﺪﻙ ﻭﻟﻚ ﺗﺤﺠﻲ
ﺿﺮﻏﺎﻡ،،ﻭﺭﻭﺡ ﺟﺎﺭﺗﻨﻪ ﺍﻡ ﺧﺰﻋﻞ ﻣﺎﺍﺟﺬﺏ ﻋﻠﻴﺞ 😂😂
ﺍﻡ ﻫﺸﺎﻡ،،ﻋﺰﺍﺍﺍ ﺑﻌﻴﻨﻚ ﻻﺗﺴﻤﻌﻚ ﺍﻟﻤﺮﺓ ﻭﺗﺰﻋﻞ
ﺳﻤﺮ،،ﺍﺳﻤﻊ ﺣﺠﻴﻬﻢ ﻭﺿﺤﻚ ﺍﺣﺐ ﺳﻮﺍﻟﻒ ﺿﺮﻏﺎﻡ ﻳﺨﻠﻖ ﺟﻮ ﺣﻠﻮ ﺑﺎﻟﺒﻴﺖ
ﻋﻜﺲ ﻫﺸﺎﻡ ﻛﻠﻬﺎ ﺗﺨﺎﻑ ﻣﻨﻪ ﻭﺗﺘﺠﻨﺒﻪ ﻣﻦ ﻳﺠﻲ ﻛﻠﻬﺎ ﺗﺨﻨﺲ ﺣﺘﺊ ﻣﻦ ﺟﺎﻧﺖ ﻣﺮﺍﻡ ﻣﻮﺟﻮﺩﺓ ﻗﺒﻞ ﻣﺘﺘﺰﻭﺝ ﻣﻦ ﻧﻀﺤﻚ ﺍﻧﻲ ﻭﻳﺎﻫﺎ ﺑﺼﻮﺕ ﻋﺎﻟﻲ ﻭﻧﺴﻤﻊ ﺻﻮﺗﻪ ﻧﺨﻨﺲ ﺣﺘﺊ ﮔﻮﺓ ﻧﺘﻨﻔﺲ ﻭﻋﻤﺘﻲ ﺗﻜﻮﻝ ﺍﺟﻪ ﺻﮕﺎﺭﺝ ﻳﺎﺑﻮﻣﻪ ﻋﺒﻨﻪ ﻛﻠﻬﺎ ﺗﺨﺎﻑ ﻣﻨﻪ ﺣﺘﺊ ﻋﻤﻲ ﻣﻴﺎﺧﺬ ﻗﺮﺍﺭ ﺷﻲ ﺍﺫﺍ ﻣﺎﻳﺴﺘﺸﻴﺮﺓ
ﺑﻌﺪ ﺷﻬﺮﻳﻦ ﺯﻭﺍﺝ ﺿﺮﻏﺎﻡ ﺑﺲ ﻫﻮ ﻣﺎﻗﺒﻞ ﻧﺴﻮﻱ ﻫﻮﺳﻪ ﻣﺎﻝ ﻋﺮﺱ ﮔﺎﻝ ﺍﺧﺬﻫﺎ ﻭﺍﺭﻭﺡ ﺍﻻﻳﺮﺍﻥ ﻧﺨﻠﺺ ﻛﻢ ﻳﻮﻡ ﻭﻧﺮﺟﻊ ﻭﻣﻦ ﻧﺮﺟﻊ ﻧﺴﻮﻱ ﻋﺰﻳﻤﻪ ﻭﻧﻌﺰﻡ ﻋﻤﺎﻣﻲ ﻛﻠﻬﻢ ﻭﻓﻌﻼ ﺳﻮﻳﻨﻪ ﺣﻨﻪ ﺍﺑﻴﺖ ﺍﻟﻠﻌﺮﻭﺱ ﻭﻛﻠﻨﻪ ﺭﺣﻨﻪ ﻭﻫﺸﺎﻡ ﺟﺰﻋﻨﻲ ﻣﺎﻗﺒﻞ ﺍﻟﺒﺲ ﻋﻠﺊ ﺫﻭﻗﻲ ﺷﺮﻁ ﻓﺴﺘﺎﻥ ﻣﺤﺘﺸﻢ ﻭﻫﻮ ﺭﺍﺡ ﺍﺷﺘﺮﺍﻩ ﻭﺟﺎﻥ ﻛﻠﺶ ﺣﻠﻮ ﻭﻣﺴﺘﻮﺭ
ﻛﻤﻠﻨﻪ ﺍﻟﺤﻨﻪ ﻭﺛﺎﻧﻲ ﻳﻮﻡ ﺳﺎﻓﺮ ﻫﻮ ﻭﺯﻭﺟﺘﻪ ﻭﻫﺸﺎﻡ ﮔﺎﻝ ﺑﺲ ﻳﺼﻴﺮ ﻣﺠﺎﻝ ﺍﺧﺬ ﺍﺟﺎﺯﺓ ﻭﻧﺴﺎﻓﺮ ﺍﻧﻲ ﻭﺍﻧﺘﻲ ﻧﺠﺪﺩ ﺯﻭﺍﺟﻨﻪ ﺟﻨﺖ ﺣﻴﻞ ﻓﺮﺣﺎﻧﻪ
ﻭﺧﺎﺻﺘﺎ ﺑﺸﻬﺮ ﻭﺍﺣﺪ ﺻﺎﺭﺕ ﻫﻮﺍﻱ ﺍﻋﺮﺍﺱ ﺣﺘﺊ ﻣﻘﺪﺍﺩ ﺍﺑﻦ ﻋﻤﻲ ﺍﺑﻮ ﻣﻬﻨﺪ ﺯﻭﺍﺟﻪ ﺧﻼﻝ ﺫﻧﻲ ﺍﻟﻴﻮﻣﻴﻦ
ﺍﺻﺮﻳﺖ ﻋﻠﺊ ﻫﺸﺎﻡ ﺍﻟﺒﺲ ﻋﻠﺊ ﺫﻭﻗﻲ ﻻﻥ ﺍﻟﻌﺮﻭﺱ ﺑﻨﺖ ﻋﻤﻲ ﻳﻌﻨﻲ ﻛﻠﻨﻪ ﺍﻫﻞ ﻣﻮ ﻏﺮﺏ ﻭﺍﺧﺬ ﺭﺍﺣﺘﻲ ﺑﻠﺒﺴﻲ ﻛﻮﺓ ﺍﻗﺘﻨﻊ ﻭﺍﻧﻲ ﺍﺻﻼ ﺷﻔﺖ ﺍﺧﺖ ﻣﻴﺲ ﻣﺸﺘﺮﻳﻪ ﻓﺴﺘﺎﻥ ﻭﻋﺠﺒﻨﻲ ﻭﺻﻴﺖ ﻳﺠﻴﺒﻮﻟﻲ ﻧﻔﺴﻪ ﺍﻧﻄﻴﺖ ﺍﻟﺼﻮﺭﺓ ﺍﻟﻌﻤﺘﻲ ﺟﺎﺑﺘﻪ ﺟﺎﻥ ﻗﺼﻴﺮ ﻭﻣﻨﻔﻮﺵ ﻟﻮﻧﻪ ﺍﺳﻮﺩ ﺑﺪﻭﻥ ﺍﺭﺩﺍﻥ ﻳﻌﻨﻲ ﺍﺻﻠﻮﺥ ﻭﺣﺬﺍ ﻛﻌﺐ ﺳﻮﺩﺓ ﺷﻌﺮﻱ ﺳﻮﻳﺘﻪ ﺿﻔﻴﺮﺓ ﻓﺮﻧﺴﻴﻪ ﻭﻣﻜﻴﺎﺝ ﻣﺮﺗﺐ ﻃﻠﻌﺖ ﺗﻮﺏ
ﺑﻨﺎﺕ ﻋﻤﺘﻲ ﻛﻠﻬﻦ ﺍﺟﻦ ﺍﻧﺠﻤﻌﻨﻪ ﺑﺴﻴﺎﺭﺗﻴﻦ ﻭﺭﺣﻨﻪ ﻫﺸﺎﻡ ﮔﺎﻝ ﺍﻧﻲ ﺍﻟﻌﺼﺮ ﺍﺟﻲ ﻭﺭﺍﻛﻢ ﺍﺧﺬﻧﻪ ﺳﻼﻡ ﻭﺿﺮﻏﺎﻡ ﻭﺭﺣﻨﻪ
ﺫﺑﻴﺖ ﺍﻟﻌﺒﺎﻳﻪ ﻭﻛﻠﻬﺎ ﺿﻠﺖ ﺻﺎﻓﻨﻪ ﻭﻣﺮﺍﻡ ﺗﻜﻮﻝ ﺧﺎﺑﺮﻱ ﺭﺟﻠﺞ ﻳﻠﺤﻜﻨﻪ ﻟﻠﻤﺴﺘﺸﻔﺊ ﻻﻥ ﻣﺎﻃﻠﻌﻴﻦ ﺳﻼﻣﺎﺕ ﺍﻟﻴﻮﻡ ﻭﺍﻧﻲ ﺍﺿﺤﻚ ﻋﻠﻴﻬﺎ ﺑﺲ ﺍﻟﻘﻬﺮﻧﻲ ﻣﻦ ﺿﻤﻦ ﺍﻟﻤﻌﺰﻭﻣﻴﻦ ﺷﻬﺪ ﺟﺎﻳﻪ ﻣﻦ ﺷﺎﻓﺘﻨﻲ ﺍﺟﺖ ﺳﻠﻤﺖ ﻋﻠﻴﻪ ﻭﺍﻛﻠﺘﻨﻲ ﺑﺎﻟﺴﻼﻡ ﺣﺘﺊ ﺍﻧﻲ ﺿﻠﻴﺖ ﻣﺴﺘﻐﺮﺑﻪ ﻫﻠﺤﻨﻴﻪ ﺍﻻﺟﺖ ﻋﻠﻴﻬﺎ ﻓﺠﺎﺓ
ﺿﻠﺖ ﮔﺎﻋﺪﺓ ﻳﻤﻲ ﻭﻓﺘﺤﺖ ﻫﻮﺍﻱ ﻣﻮﺍﺿﻴﻊ ﺻﺪﻙ ﺍﺣﺲ ﻧﻔﺴﻲ ﺿﻠﻤﺘﻬﺎ ﺍﻭ ﻳﻤﻜﻦ ﺷﺎﻓﺖ ﻏﻴﺮ ﻫﺸﺎﻡ ﻣﺎﺍﻋﺮﻑ ﺑﺲ ﺷﻲ ﺑﺪﺍﺧﻠﻲ ﺗﻐﻴﺮ ﻣﻦ ﻧﺎﺣﻴﺘﻬﺎ ﻛﻼﻣﻬﺎ ﻭﺍﺳﻠﻮﺑﻬﺎ ﻣﻘﻨﻊ
ﺷﻬﺪ،،ﺳﻤﻮﺭﺓ ﻃﺎﻟﻌﻪ ﺗﺨﺒﻠﻴﻦ ﺑﺲ ﺷﻮﻳﻪ ﻣﻜﻴﺎﺟﺞ ﻣﻮ ﺿﺎﺑﻂ ﻛﻮﻣﻲ ﺍﺭﺗﺒﻪ ﺍﻟﺞ
ﺳﻤﺮ،،ﻻ ﺷﻜﺮﺍ ﻋﻠﻴﻤﻦ ﻫﻮ ﺍﺣﻨﻪ ﺷﻮﻳﻪ ﻭﻳﺠﻲ ﻫﺸﺎﻡ ﻭﻧﺮﻭﺡ
ﺷﻬﺪ، ،ﺩﻛﻮﻣﻲ ﻳﺎﻋﻴﻨﻲ ﺧﻞ ﺍﺧﻠﻴﻠﺞ ﻣﻜﻴﺎﺝ ﻭﺍﻧﻄﻴﻨﻲ ﺭﺍﻳﺞ
ﺳﻤﺮ، ،ﺳﻤﺮ ﺑﻌﺪ ﺍﻟﺤﺎﺡ ﻣﻨﻬﺎ ﻗﺒﻠﺖ ﻻﻥ ﺧﺠﻠﺖ ﺍﺭﺩﻫﺎ ﻛﺘﻠﻬﺎ ﻭﻳﻦ ﻧﻜﻌﺪ ﻛﺎﻟﺖ ﺗﻌﺎﻟﻲ ﺑﻬﺎﻱ ﺍﻟﻐﺮﻓﻪ ﻭﺍﺻﻼ ﺍﻟﻐﺮﻓﻪ ﻣﻌﺰﻭﻟﻪ ﻋﻦ ﺍﻟﺒﻴﺖ ﻭﺍﻟﻮﻟﺪ ﻛﻠﻬﻢ ﻃﺎﻟﻌﻴﻦ ﻻﻥ ﺣﻨﻪ ﻭﻣﺎﺿﻞ ﺷﻲ ﻭﻧﺮﻭﺡ ﺍﻟﺒﻴﺖ ﻋﻤﻲ ﺟﺎﺑﺮ ﺣﻨﻪ ﺍﻟﺒﻨﻴﻪ
ﻛﺘﻠﻬﺎ ﺧﺎﻑ ﻋﻴﺐ ﻳﺠﻲ ﺍﺣﺪ ﻛﺎﻟﺖ ﻣﺤﺪ ﻳﺠﻲ ﻳﻤﻌﻮﺩﺓ ﻛﻠﻬﻢ ﺑﺮﺓ ﻋﻤﻲ ﺍﺑﻮ ﻣﻬﻨﺪ ﻭﻣﻬﻨﺪ ﻭﻣﻘﺪﺍﺩ ﻛﺎﻋﺪﻳﻦ ﺍﺑﻴﺖ ﻋﻤﻲ ﺍﺑﻮ ﺣﺴﻴﻦ ﺑﻴﻦ ﻣﺘﺨﻠﺺ ﺍﻟﺤﻨﻪ
ﺩﺧﻠﻨﻪ ﻟﻠﻐﺮﻓﻪ ﻛﺎﻧﺖ ﺑﻴﻬﺎ ﺳﺮﻳﺮ ﻧﻔﺮ ﻭﺍﺣﺪ ﻭﻛﻨﺘﻮﺭ ﺻﻐﻴﺮ ﺑﺪﺕ ﺗﺨﻠﻴﻠﻲ ﻣﻜﻴﺎﺝ ﻭﺍﻧﻲ ﻣﻐﻤﻀﻪ ﺳﻤﻌﺖ ﺻﻮﺕ ﻣﻮﺑﺎﻳﻠﻬﺎ ﻛﺎﻟﺖ
ﺷﻬﺪ،،ﺳﻤﺮ ﺩﻗﻴﻘﻪ ﻟﺘﺘﺤﺮﻛﻴﻦ ﻫﺴﻪ ﺍﺟﻲ ﺑﺲ ﺍﺟﺎﻭﺏ ﺻﺪﻳﻘﺘﻲ ﻣﻮ ﺗﻜﻮﻣﻴﻦ ﻭﺍﻟﻠﻪ ﺍﺯﻋﻞ ﻋﻠﻴﺞ
ﻫﻲ ﻃﻠﻌﺖ ﻳﻤﻜﻦ ﺩﻗﻴﻘﻪ ﻣﻮ ﺍﻛﺜﺮ ﻭﺍﻧﻔﺘﺢ ﺍﻟﺒﺎﺏ ﻭﺍﻧﻲ ﺩﺍﻳﺮﺓ ﻭﺟﻬﻲ ﺍﺭﺗﺐ ﺑﺎﻟﻤﻜﻴﺎﺝ ﻋﺒﺎﻟﻲ ﻫﻲ ﻛﺘﻠﻬﺎ ﺷﺒﺴﺮﻋﻪ ﺭﺟﻌﺘﻲ
ﻭﻫﻨﺎ ﺟﺎﻧﺖ ﺍﻟﺼﺪﻣﻪ ﻣﻦ ﺷﻔﺘﻪ ﻣﻬﻨﺪ ﻭﺍﻛﻒ ﺑﺎﻟﺒﺎﺏ ﻓﺘﺤﺖ ﻋﻴﻮﻧﻲ ﻋﻠﺊ ﻭﺳﻌﻬﻦ ﺍﺳﺘﺤﻴﺖ ﻣﻦ ﺍﻟﻤﻮﻗﻒ ﻻﻥ ﻟﺒﺴﻲ ﺷﺒﻪ ﻋﺎﺭﻱ ﻭﻫﻮ ﻭﺍﻛﻒ ﺑﻤﻜﺎﻧﻪ ﻫﻢ ﻳﻤﻜﻦ ﻣﺼﺪﻭﻡ ﺍﻭﻝ ﻣﺮﺓ ﻳﺸﻮﻓﻨﻲ ﺑﻬﻴﺞ ﻣﻨﻀﺮ ﺭﺩﺕ ﺍﺗﺤﺮﻙ ﺏ ﺍﺗﺠﺎﻩ ﺍﻟﺒﺎﺏ ﻻﻥ ﺣﺘﺊ ﻋﺒﺎﺗﻲ ﻋﻔﺘﻬﺎ ﻳﻢ ﻋﻤﺘﻲ ﺑﺤﺠﻪ ﺍﻟﺒﻴﺖ ﻣﺎﺑﻲ ﺯﻟﻢ ﻫﻮ ﺧﻄﻴﻪ ﺍﺭﺗﺒﻚ ﺩﺍﺭ ﻭﺟﻬﺎ ﻳﺮﻳﺪ ﻳﻄﻠﻊ ﺑﺲ ﻛﺎﻥ ﻫﺸﺎﻡ ﺑﺎﻟﺒﺎﺏ ﻭﻫﻮ ﻳﺒﺎﻭﻋﻠﻲ ﻭﻳﺒﺎﻭﻉ ﺍﻟﻤﻬﻨﺪ
