رواية جبروت إبن عمي الفصل السادس عشر بقلم توتة
شنو شفتي ?
حبيبتك ليوم عرسها شفتهم اخذوها ..
هيه گالت هيج واني وكفت مصدوم واحس نفسي ضاااق وراسي صار يدور
لزمت ايدي بخوف. جلال جلال شبيك شنوو صارر ياربي جلال فدوه حاجيني
گعدتني ع مرجوحه وراحت تركض للبيت خليت اديه علئ راسي واني مصدوم هاي ثاني مَـرّھٌ تصير بيه
انصدم ولساني ينربط ماكدر افتح حلكي واحجي يصير كلشي ثكيل عندي.
اجت تركض لازمه ميي بأيدها غسلت وجهي وهيه تبچي وترجف
لزمت ايدها بقوووه وعيوني طاكه م̷ـــِْن الخبرر
شفتيهم اخذووها. يعني تزوجت خلاص
اهدئ جلال ولله لْـۆ اعرف بيك هيج يصير بيك مجان حجيتلك
ااااخ راسي
لزمت راسي بأديها وهيه تبچي وين الوجع اروح اجيبلك علاج
عووفيني دنوو روحي طالعه خليني اروح بلگي ارتاح شويه
وين تروح وانت بهل حاله ولله ماخليك تمشي هسه اتصل بمؤمل يجي ياخذك للدكتور
لزمتها م̷ـــِْن وجهه بأديه بقوه وحجيت
انتي ليشششش مجاي تفهمين ماااريد شخص يمي حالين اريد ارتاح ارحموني كافي
لزمت اديه الي لآزٍمٍ وجهه بيهم وهيه مركزه بعيوني
اني احبك جلال اعوضك عنها ولله
دفعتها ورحت لسيارتي سقت بسرررعه جنونيه واني مقهوور وروحي احسها طلعت م̷ـــِْن سمعت الخبرر
اتذكر كلامها شلون كان ويايه اتذكر حبنه الي استمر 3سنوات عمر واحنه سويه
بلحضه خلص كلشي وادمر وكل هل شي بسبب اخوها وسام اااخ لْـۆ الزمه اكله بسنوني ومايبرد كلبي
رحت علئ بيتنه واني روحي طالعه صعدت لغرفتي فورا. وكعدت ادخن واتذكر بكلام دنوو
دخل عليه ثائر
شبيك جلال اشو مو ع بعضك
تقرب وكعد يمي.
جلال داحجي وياك شبيك ساكت طفي جكاره ورد
تزوجت
منو ?
منوو غيرها ليوم عرسها شفت شلوون يريد يحرك كلبي لان ليوم حنت حبيبته خله اخته تزوج حته يقهرني بهاذه الًيَوُمًِ
لاتضوج يخوي ولله متستاهلك هاي خليناه يذوق نفس عذابك
واني شنووو راح استفاد كولي شنوو كلبي هاذه ياثائر كلبي احس صااار رماد ولله احس نفسي جسد بلايه روح
شهل كلام جلال قوي نفسك شويه انت رجال مو حلوه بحقك تكسرك بنت وتخليك ضعيف
مو بيدي ثائر ولله مو بيدي كلبي يحبها متعلق بيها كلش ولك 3سنين واني مايوم باوعت علئ بنيه غيرها
ولاعجبتني وحده بكدها كنت مفضلها علئ الكل بلحضه وحده راحت م̷ـــِْن ايدي وصارت لواحد غيري
انت ماخليت شي ماسويتله ع مودها عاندت الكل عليها بس شنوو صار اهلها ماقدروك ومانطوك كله لان انت ابن ميثاق ميحبون ابوي ليش مجاي تفهم
خلص ثائر فدوه عوفني لوحدي شويه ارتاح وانزل وياكم.
مانزل اذا انت مو وياي ولك اني شعندي غيرك ولله راح اخلي يتندم علئ كلشي سواه بيك. انت بس احجي واني انفذلك
ثائر فدوه اروحلك عوفني لوحدي شويه اريد ارتاح نفسيتي تعبانه بس ارتاح ابدل وانزل وياكم
براحتك بس لاتتاخر
تمام.
عافني ثائر وطلع واني بقيت لوحدي ضايج وروحي طالعه احس نفسي ميت ولله
تذكرت دنوو شلون كالت احبك ولله اعوضك عنها
كانت تبجي علئ حالتي هل انسانه تحبني بس اني ماكدر احبها لان كلبي وعقلي معلقين بمريم
لآزٍمٍ تكون قوي ياجلال مو انت الي تكسرك بنت خليك قوي
شجعت نفسي ورحت سبحت وبدلت تأنقت علئ اخر حبايه ونزلت ويه المعازيم
صار اليل وبدت الحفله شويه وطلعنه نروح لبيت خالي حته ثائر ورود يحتفلون سويه.
.......................................................
ورود.
وصلنه لبيت اهل دنوو كلششش جبير وحلو يعني ماعرف شلون اوصفه شبه القصر
عالي كلش وجهيت البيت تخبل وحديقه كدام البيت جبيره.
اول ماوصلنه تلاكه ويانه جلال هوه وامه واخته ديانا سلمنه عليهم ودخلنه
كان البيت يجنن جبير كلش وماله بدايه ولانهايه بقو امي واخواتي بس صافنين لان بحياتنه كلها مداخلين هيج بيوت فخمه
اجت ام دنوو لابسه فستان قصير شويه وبدون حجاب شعرها اصفر حرير
اهلا وسهلا نورتو بيت بيتكم تفضلو تفضلو
دخلنه وكعدنه ع غنفات ب استقبال ولصاله فتح سويه صايرات.
شويه واجت دنوو ضايجه مدري شبيها
اجت يمي ديانا اخت ثائر.
تعالي ورود نصعد فوگ ترتبين نفسج بين ماتجي. ام صالون ترتب الميكاب
تمام.
صعدت وياهم اجت ويانه دنوو وامي بقت كاعده هيه واخواتي ويه ام دنو وام ثائر
صعدنه للطابق الثاني. دخلوني بغرفه تجنن كعدت علئ السرير اجت يمي دنوو
اكولج ورود
كولي
الحب حرام لْـۆ حلال
ليش ?
بس جاوبي علئ سؤالي فدوه
لا حلال شي حلوو الحب شعور ثاني
هففف لعد اني شبيه حضي ليش حبي ڱڵـه. عذاب
اجت ديانا وگالت. انتي م̷ـــِْن يوم يومج جلال ماخذ عقلج ومعذبج يمعوده حبي غيره
انصدمت م̷ـــِْن طريقه كلامهم يعني
دنوو تحب جلال ?
بقن يحجن ب حب ومدري شنوو اذا هيج مهتمين للحب ليش حرموني م̷ـــِْن حب حياتي مراح اسامح كل شخص كان سبب بعدي عن وسام
شويه بقينه وجت ام الصالون وياها 3 بنات جايبين وياهم بدله مارونيه قصيره م̷ـــِْن گدام وطويله كلش م̷ـــِْن ورا.
لبستها وطلعت عليهم البدله طلعت كلش حلوه عليه وبارزه جمال جسمي
بدت ب مكياج كملت وبدت تسوي ب تسريحه اديانا ودنوو هم يسوون بيهم المساعدات الي اجن ويه ام صالون
گملتني وبدت تعديل ب ديانا ودنوو صعدت مروه واخواتي ثنينهن هم رتبوهن ومكيجن
صارت الساعه ب 7 بليل وبدت الحفله
نزلت علئ الدرج ديانا ومروه لازمات البدله م̷ـــِْن وره هنه هم لبسن فساتين قصيره.
نزلت انصدمت شلوون مرتبين البيت ومزينينه شبه القاعه صاير وجايبين كوشت العرس كلش حلووه
مخليها وبنات جاييات ڱڵـه. لبسهم فساتين قصيره حد الركبه
بدت الحفله ركص واغاني وكذا شويه واجه ثائر وجماعته
لبنات صارت علئ صفحه دخلت الزلم خلت امي عليه مثل الغطئ م̷ـــِْن فور علئ كتافي ويه البدله يجي
دخل ثائر كان لابس ستره سوده وتحت قميص ابيض بنطرون اسود طالع كلش انيق
تقرب مِڼـّي وباس راسي وهمس طالعه كلش حلو
ابتسمت بحزن ومارديت عليه
كعدنه سويه وجابو الكيكه جبيره وعاليه معرف كم طابق المهم كلش جبيره هههه
قطعناها ولمصور يصور بينه شباب علئ صفحه مادخل يمنه لان بنات لبسهم ممستور
وكلني وكلته بعدين شغلو اغاني وبدينه نركص
لزمني م̷ـــِْن خصري وشال اديه خلاهم علئ عنقه نزل راسه قريب م̷ـــِْن عنقي واحنه نركص بهدوء
احجي بكلبي عووفي ياثائر ماااريدك ولله اكره روحي م̷ـــِْن تلمسني ماكدر حته اباوع بوجهك
الكل صار علئ صفحه وخلو لمكان خالي بس النه دخلو المصور صار يصور بينه واحنه نركص بهدوء
خله ايده علئ ضهري م̷ـــِْن ورا وايد علئ خصري واحنه نركص
كافي ثائر ماريد اركص بعد
اوك
خلصنه ركص وخلصت الحفله كعد الكل وضيفوهم كعدنه اني وثائر علئ الغنفه المخصص النه
لزم ايدي وگال
شبيج ليش ضايجه
مضايجه بس موعيب تدخل شباب ويانه ب بيت واني هل شكل
ترا ماكوو شخص دخل يمج كلها بقت ب استقبال واحنه هنا وحدنه بعدين شكولهم لادخلون ورود متقبل
ايي ماقبل اني عمري كله مشايفتي شخص واني هل شكل
نزل راسه قريب م̷ـــِْن اذني هاذه الشي الي اريده اني ماحب البُـنًتٍ المكشوفه كدام العالم.
رفعت عيوني بملل وحجيت بكلبي ايي واضح متحب هيج هاي اخواته بدون لاحجاب ولاشي ومخليهم براحتهم رايح ولجاي يباوع عليهن
بقو شويه وراح الكل واني هم صعدت للغرفه الفوك نزعت البدله انطتني دنوو ملابس نوم تراك حريري
غسلت المكياج لان خلولي مكياج اوفر كلش
واني م̷ـــِْن نوع ماحب هيج المكياج غسلت وتمددت علئ السرير ونمت بدون ماحس
........................................................
جلال.
وصلنه لبيت خالي كان خالي ومؤمل واصدقائنه لبعض منهم منتضرينه بيتهم
سلمنه ودخلنه وبدت الحفله ماقبل ثائر يدخل شخص م̷ـــِْن الشباب الجايه لان كال لبنات لبسهم مو نضام
بقت الشباب قسم ب ديوانيه وقسم ب ستقبال اني دخلت للستقبال ويه ضيوفنه
رحت ويه مؤمل حته نجيب ضيافه للمعازيم
دخلنه تلاكت ويانه دنوو واختي مروه لابسين فساتين حد الركبه خزرت مروه بسرعه حست وراحت ماحب مؤمل يباوع عليها هل شكل
اجت يمنه دنوو تتمايع
تصدك مؤمل اديني تكسرو كد ماشتغلت ليووم ولله ثائر لْـۆ يبقه يشكرني منا لباجر ميكفي
ههههههه انتي تشتغلين لا ولله ماصدك
شبيك ولله شتغلت
شسويتي بلا
رحت ويه مروه اشترينه الكيكه وحضرنه الزينه سويه اوو.
ضحكت عليها شلون تعدد بلي سوته ومصدكه واخوها يضحك عليها
اخذنه الضيافه وطلعنه بدت الحفله اغاني وركص وكذا
بعدين صار التصوير
اجه المصور وصرنه نصور احنه وجماعتنه
شويه وصاحوني كالو تعال ادخل ويانه ناخذ صوره جماعيه
دخلت اخذنه صور وياهم وطلعت م̷ـــِْن يمهم
شويه ورجعنه للبيت.قصص وروايات عراقية
كنت دايخ وتعبان كلش صعدت لغرفتي حته ارتاح شويه دزتلي رساله دنوو
جلال ممكن نحجي شويه
ستغربت هاذي شتريد بهل وقت المتاخر
تفضلي
راح اتصل عليك
تمام.
اتصلت بيه فتحت خط عليها
الوو
جلال اني اسفه لان ليوم ضوجتك وحجيتلك هيج صدكني مالي قصد بيها بس حبيت اكولك عنها حته متضل تتاملها وهيه مو الك
دنوو شرايده م̷ـــِْن الاخير احجيها
رايدتك اني احبك جلال ليش مجاي تحس بيه احبك م̷ـــِْن احنه صغار ولله
دنوو انتي ليش مجاي تفهمين علي ترا اني ماكدر اجبر نفسي عليج اني كلبي يحب وحده ثانيه
شلون تقبليها ع نفسج احب غيرج وانتي تعرضين نفسج الي
جلال شهل كلام اني مجاي اعرض نفسي الك بس داحجيلك عن مشاعري ولحب مو عيب ولاحرام بس كولي شنوو ناقصني حته متحبني وتحبها
ماكدر حته اقارن بينج وبينها دنوو انتي مو تحبيني يعني عايشه الحب شايفه شلون شغله توجع م̷ـــِْن الي تحبه يروح منك ومايصير الك
اني حالين كلبي ملچوم ماكدر اخليج تتاملين شي ماعرف بيه اذا راح يصير او لا
شنو قصدك ?
قصدي شوفي حياتج ولاتنتضرين شي مِڼـّي ورجاء بعد لاتراسليني
احسها صارت تبچي ومتكدر تحجي ب كوه طلعت لكلمه منها.
اوك براحتك
سدت الاتصال كلش نقهرت عليها ياربي ليش هل بنيه تحبني ولله ماريد اكسرر كلبها
بس هل شي احسن الها ماريدها تتعلق بيه اكثرر واني
احب غيرها
بقيت افكرر وافكرر لاحد مادخت ونمت
گعدت الصبح وليوم عرس اخوي ثائر لآزٍمٍ اكون وياه وماخلي شخص يحس عليه ضايج او مقهور
سبحت ونزلت لگيت امي ب مطبخ ويه الخادمه تحضر ب ريوك للعالم الموجوده عدنه
صباح الخير يعافيتي
هلا يروح امك صباح النور
تراني ميت جوع لبارحه مماكل شي غير الكيك ولعصير
سوده عليه الاكل موجود انت صعدت بسرعه لغرفتك وماخليت شخص يصعدلك لان تعبان گتلهم خلو يرتاح
مخلين كل شغل ع راسك
اي ولله لبارحه كلش تُعباُنٌ وبسرعه نمت لان مخلصها ركضه هسه عندي كومه شغل لآزٍمٍ اروح اشتري طقم ثائر
واخذ سيارته ارتبها وازينها
هاذه الريوك جاهز بس انطي للعالم الموجوده عدنه وانت هم تريك وياهم وجهك صاير اصفرر
انشالله.
اخذت الاكل م̷ـــِْن امي ولخادمه جابت الباقي ورايه وكفت ب باب خليت الاكل كدام الناس العدنه
گعدنه نتريك ولشيخ ثائر نايم للضهر ومخلي تعب عليه
خلصت ريوك ورحت صعدت لثائر
ولله شنوو نايم واني اشتغل اله اكعدك
دكيت الباب ودخلت لكيته نايم ومحاس علئ شي ولساعه ب 9 الصبح
ثاااثر ثااائر كووم
طفرر بسرعه مرعوب
شكوو شكوو شبيك
مابيه شي بس صار الضهر وانت نايم شنوو نسيت ليوم عرسك وناس كلها عدنه مخلي جماعتك كاعدين لوحدهم مو عيب
اني اريد اطلع هسه عندي شغل ب مستشفئ اخلصه ومناك اروح اشتريلك الطقم وارتبلك سياره تمام
تمام.
عفته وطلعت م̷ـــِْن الغرفه رحت بدلت واخذت سويج سيارتي ورحت لشغلي
كملت شغلي بسرعه وطلعت اشتريت طقم ثائر وسيارته رتبتها
ورجعت للبيت.
حضرنه ثاائر للعرس وركص وهوسات الكل حضر نفسه وطلعت زفه متوجهين للصالون ناخذ ورود ونروح للقاعه مالت العرس.
