رواية زوجة ابي الفصل السادس عشر بقلم ام زيزو
حسن/السلام عليكم
سيف/وكفت وخليت ايدي بجيوبي مسيطر
وعليكم السلام
تفضلو
حسن/ايه يمكم
سوسن /هو هذا اكيد هو الي خطفها
حسن/دقيقه هلي نسمع
سيف/اي يمي ايه
حسن/اني مرتين اٍُِجٌِــيٍّتٍُْ ومالكيت احد بالبيت اني ابوسلام صديق المرحوم ابني ايه وين وشوصلها يمك ايه نامت كدام عيني الصبح ماكو بفراشها خوما بيها شي احجي ابني
سيف/عمي لتخاف ايه بالحفظ والصون وبامان
دااحجي وياه ومااحس اله هذا ابو كرش مد ايده يريد يضربني وصاح عليه ابراهيم اوووكف خلي نفتهم
سيف/هاااا يعني انت. ابراهيم ياهلا والله شعندك جاي تريد ايه موووو صكيت على اسنوني
سوسن/ابراهيم خطيبها
سيف/ من شوكت صار خطيبها
من رخصتك عمي دقيقه واجي
طبيت جبت نسخه من لعقد وطلعت
خليت بيد عمها تفضل ايه زوجتي شراعاً وقانوناً
ابراهيم/ نفخ صدره يريد يضربين هو سمين وكصير واصل لبطني شو تعااال جبته بوكس على خشمه بقه يصب دم من السكر جسمه متخدر ايده كوه يرفعها
سوسن/تصيح الله لينطيك الله اشتكي عليك
سيف/اعلى مابخيلج اركبي
حسن/صاح عليها دقيقه بس اسكتي خلي افتهم من الولد
ابني انت اذا رايدها ليش مااجيت خطبتها مني
سوسن بقت تكلب الوان
سيف/اني اجيت وجبت اخويه الجبير واجينه نخطب حسب الاصول بس المدام مالتك طلبت مني 20 مليون مقابيل تنطوني ايه
حسن /انصدم باوع عليها كلها ماتبتي كررتيها
سيف/وضاعفت المبلغ هالمره
حسن/زين ايه وينها اكدر اشوفها احجي وياها
سيف /لحضه طلعت فوني اتصلت عليها وفتحت مايك
ايه/الووو سيف
حسن/الوو عمو ايه اني عمج ليش هيجي عمو موتيني خوف عليج صار ثلاث ايام لاليلي. ليل ولانهاري نهار
ايه/عموو اعذرني كوله بسبب زوجتك تريد تزوجني غصب لابراهيم وانت تعرف ابراهيم شنو ومن احه سيف يخطبني هم رادت تبيعني مره ثانيه وطلبت 20 مليون عموو اني احبك واحترمك بس الصغار موله بسبب زوجتك. هي الي خلتني اتصرف هيج قصص وروايات عراقية
حسن/ايي عمو افتهمتج انتي مرتاحه عمو
ايه/اي عمو كلش مرتاحه الحمدالله
حسن/ربي يوفقج ويسعدج واي شي تحتاجينه اني موجود
سيف/انتطاني التليفون وكلي دير بالك عليها هاي امانه يمك
وراح
سوسن تصيح اله اشتكي عليك شلون ضربت ابراهيم وزوجها يجر بيها دارت وجهه عليه سويتلها 😉🖐🏻 بااااي
طبيت بدلت ورحت لبيت علي لكيتهم كاعدين بالمطبخ كلهم سحبت كرسي وكعدت
نور/هااا. سيوفي وسويتها مثل ماخططت مْْـٍ❌ـْْو
سيف/لعد شعبالج
بقيت اسولفلهم على سوسن وعلى ابراهيم وهمه يضحون ايه تضحك تكول الحمدالله شكدارتاحيت من ابراهيم ماكله ضربه حيييل
كولت لعلي ايه تبقه يمكم مااتزوجها اله البيت ينباع. واشتريلي بيت هنا قريب عليكم واجهزه ياله اتزوج مااريد ازوج بعد بهذاك لبيت واحنه اصلاً عرضناه للبيع
علي/خاف سالفه البيت تطول وليش ماجل زواجك روح لمكاتب العقارات شوفلك بيت مرتب على كدكم وشد يصير فلوسه اني ادفعلك وبعدين عود اخذهن من ينباع البيت كتله اذا هيج خووش خويه العصر اطلع اخذلي فره اشوف
البيت الجبير يصير بمنطقه شارع فلسطين عرضناه للبيع هو واثاثه اما بيت علي بمنطقه البلديات
سيف/خويه بس مثل مااتفقنه غرفت امي وغراضها مو وي البيت وغراض الرياضه مالتي طبعاً
علي لا غرفة امي راح انقله هنا بالغرفه الفوك الفارغه وعلى حطيتها هناك انصبها هنا
وغراضك اخذهن لبيتك عود ولبقيه كلهن من ضمن لبيت
سيف/طلعت اخذت فرع العصر ع المكاتب لكست اكثر من بيت بس مساحاتهم جبيره اصغر بيت لكيته مساحه 125 رحت شفته مرتب نواقصه قليله ترتيب صبغ وهالامور بي كراج وحديقه صغيره ومطبخ حار بارد وهول صغير واستقبال وغرفه صغيره وفوك غرفتين كبار نضام سويت #ڪــڔٰا̍ڕ
عجبني كوتله باجر نجيك نتفق ع السعر مادام البيت فارغ حته راساً نبلش بالمعامله وارتبه
رحعت سولفتلهم كال علي باجر نروح وسهله انشالله
وحنه ثاني يوم يفرق عن بيت علي مسافه 10 دقايق اذا مشي شافه علي عجبه اتفقنه ع السعر كله باجر يمك العربون خته نفتح بيان رحعت اسولف لايه على تصميم لبيت واشوف الفرحه بعيونها
ايه/من بـٍْْـٍْ؏ـٍْْد ماحجه وياي عمي حسيت هم وانزاح عن صدري كولش ارتاحيت وكولشي سهل علينه صار بسرعه لكه بيت ولتصميم الي عاجبنه سيف يسولفلي واني احس نفسي بحلم مااريد اصحى منه بقيت اخب سيف بسكل موطبيعي بكلبي كلت سبحانك رَبّـ❤ـيٌ تزرع الحب بـٍْْـٍْ؏ـٍْْد الكره شكد جنت اكره ومن اشوفه عبالك شايفه ابليس هسه من يسولف ادقق بكل حرف يكوله اباوع على حلكه شلون ينطق الكلمه. هــًـًســًه ياله حسيت عندي سند وضهر انتجي عليه لدرجه كلشي سواه بيه انمحى من ذاكرتي الي دا اشوفه كدامي شخص يختلف جذرياً عن الي جنت اعرفه واشوفه
سيف/تفرغت للبيت طلعت كادر يرتبه ورق جدار ع ديكورات مغربيه صار البيت يجنن بديت بلاثاث اخذت ايه وطلعنه لسنتر هوم كولتلها اختاري الي يعجبج
علي نطاني مبلغ كولش زين من فلوس ابويه الي بالسوك كلي اثث بيتك بيهن
اختارينه غرفه تركيه لونها اوف وايت فخمه تجنن واختارينه مطبخ تصميم ايطالي ووياه كعده على شكل ميز للبارد نخلي واخذنه تخم تركي فخم للصاله وتخم صغير ناعم للهول وبلازمات وثلاجه كبيره وطباخ. ومواعين هواي شغلات جهزنه بيتنه طبعاً مْْـو بيوم واحد خلال اسبوع كملنه الاثاث هنا اني فتره مرايح للدوام مجاز خلصت اجازتي علي فتحو موضوع اترك الدوام واستلم مكان ابويه بالسوك.
ايه/ حباب اسمع
كلام علي شموازيك رايح للموت برجلك
نور/موكافي عناد تكدر تفارك عالكمر اسبوع كامل
علي/حلال ابونه. لَيــِْش نبقي بيد العمال واني واحمد وحسين كلمن لازم شغله منكدر
سيف/هنا اقتنعت بحجيهم كولتلهم اروح اقدم استقالاتي وارجع.
ايه/كولش فرحت حيل خايفه من دوامه وخطورته خفت لاهو هم يروح ويعوفني واني مالي احد بالدنيه غيره
سيف /تركت دوامي كولت لعلي بعد الزواج ابلش الزم الشغل
نور اهتمت بشغلات ايه اخذتها اشترتلها الملابس وهاي سوالف النيشان
ورحنه اني وياها ونور اخذتلها ذهب الي يعجبها واني اشتريت حلقه اليه
ايه/باوعــت ع سيف ودنكت استحيت حيل
سيف المفروض اني الي اشتريلك الحلقه واجيبلك نيشان هم
سيف/كرصتها من خدها واني وياج واحد اهم شي انتي تلبسيلياها بيدك ضحكت وطلعت الغمازات
اووويلي يممه. شلون غمازات وخدود ينكرطن يالحمزه
كملنه كولشي علي كال انت المدلل مال امي منسويلك عرس شلون مجان راح حجزلي على حساب ارقى قاعه
وحسين حجزلي فندق
واحمد كال اني ورا لعرس دازكم بسفره ع حسابي
سيف/كولش فرحت بيهم عوضوني عن غياب ابويه وكولهم همه وعوائلهم فرحانين على فرحي والكل يجهز اشترينه. قوط اربعاتنه من نفس المحل كلمن اخذ لون اني اخذت قاطي سترته بيضه وبنطلونه اسود كولش مرتب حته اتميز بينهم شويه
ايه/نور اخذتني لارقى المجمعات والمولات لاماكن بعمري مشايفتهن اشترتلي اشكال الملابس ولاحذيه والجنط والمكياجات وكولشي يعجبني اخذته سيتات نوم تجنن اختارتلي ع ذوقها اني استحي كملنه حجزتلي بمرمز تجميل اول مره عنايه بشره واضافر وصبغ شعر وعنايه قدم وبدكير ومنكير وحجز ثاني للتسريحه والمكياج واختاريت بدله تجنن مال اميرات ردنها كيبور ومن ورا تصير مفروشه ع الكاع ماهلكد طويله وحذاء كعب قررنه منسوي حنه كبل عرس والبنات كولهن حجزن صالون وياي واشترن فساتين واليوم موعد زفافي
