رواية ثأر الشيخ مهران الفصل السادس عشر بقلم حوراء
#ثأر_الشيخ_مهران -
#part16 -
#ثأر الشيخ مهران
#بقلمي انا حوراء
لاتنسون التعليق على الفقرات والتصويت
______________
حتى لو چنت باب
و ينسد على أصابيعي اريدك •
_________________
ادم:- شنووو
نارة:-مثل ماسمعت مااريد اداوم كليه
ادم:-راح اسوي نفسي ماسمعت هذا الكلام وبعدين نتفاهم
نارة:-سكتت لان شفته حيل عصبي طلع من الديوان شوي وصاح عليه
الحجيه ترفه:-كومي يمه وشوفي زلمتج شيريد منج
:-حاضر حجيه
كمت من يمهم وصعدت فوكك اول مادخلت للفرفه لزمني من ايدي ولطشني بيه
ادم:-شلون تكسرين كلمتي كدامهم
نارة:-مو قصدي والله
ادم:-الي اكوله يصير اداومين كليه يعني اداومين
نارة:-تمام بس عوف ايدي جاي اتأذيني والله
نتر ايدي بقوة ارتديت على اثرها ليورة ولزمت ايدي بوجع
ادم:-اول مرة تلتقين بجمال مو
اكتفيت بهز راسي
ادم:؛ جاوبيينيي جايي احجيي وياججج
نارة:-ايي والله اليوم شفته ماشايفته من قبل والله
ادم:-الكلب ابن الكلب مرة ثانيه اذا يجي اي واحد من اقاربنا لاتطلعين كدامهم
نارة بفهاوة:-بس اني جنت كاعدة يم مهيمن وفهد هم
ادم:-هذولي يختلفون اأمن على روحي يمهم مو بس عليجن تعاي اكعدي هنا اريد احجي وياج
يحجي ويأشر على طرف الجربايه كمت وكعت بالمكان الي كالي عليه
:-شوفي اول شي خلينه نتفق على شغله مهمة وهي اساس كل علاقه بين شخصين تمام
:-شنو هية
:-الثقه، الثقه أساس العلاقه بيني وبينج صدكي اذا سويتي شي يخليني افقد الثقه بيج راح تشوفين شي مني ماتتخيلينه
:-والشي الثاني شنو؟؟
:-الجذب، باعي اني انسان اتخبل من الجذب والي يجذبون لان الي يجذب مستعد يسوي كلشي غلطتي بشي ماكو مشكله تعالي واحجيلي راح نحاول احنه الاثنين نصحح هذا الغلط
:- يعني هسة انته ماتجذب؟
:-الحمدلله مامجذب بشي
:-زين اذا سألتك سؤال تجاوب عليه؟
:-اسمعج
:-تحب نور او اكو يوم من الايام وعدتها بزواج او خطوبه؟؟
:-ابدد لاحبيتها ولا وعدتها لان اني اعتبر نور حالها من حال رياحين وهم تصرفاتها ماتعجبني
:-مثل شنو
:-خفيفه ودائما تجذب وعدها سوالف مو زينه مااحب احجي بيهن لأي احد
:-زين ليش دائما تكلي بگتي ادم مني؟
:-هههه شنو بگتي بابا زلمه طول بعرض انتي تبوگيني
:-شنو مو بعينك اني
:-انتي مو بعيني انتي بكلبي
:-ءءءء شسمه سؤال ثاني
:-جواب ثاني حبيبتي
:-اتزوجت من قبل او جانت عندك علاقات
:-باعي زواج لا مامتزوج بس احجي ويه بنات اي
:-عزههه ادم تحجي صدكك
:-قابل اجذب عليج اني صريح حته وياهن من احجي اكللهن اني مو مال زواج او حب اني مال شقه وسوالف وهنة يقبلنه يجني نسولف ونوب انطيهن رصيد ويختفن بعد مااشوفهن
:-يعني يضحكن عليك؟
:-لا بابا مو يضحكن عليه يجن يفضفضن يمي ويأخذن رصيد ويرحن
:-يعني انته مشتغل دكتور نفسي وبنهايه كل جلسه توزع رصيد مثل ما الدكتور يوزع جكليت؟
:-ههههه خرب يومج على هذا التشبيه
:-ترة الي تسويه غلط!!!
:-ترة هاي العادة بطلتها من لزمني مهران
:-جذبب لگفك
:-اي والله جنت كاعد بالحديقه واحجي وياها ومااحسلج اله مهران واكف فوك راسي ومهيمن كاظ فهد من ياخته عود اني حاطه يراقبلي الطريق
:-اي وشصار بعدين
:-مااحجيلج التكمله خوفأ على كرامتي لاتتطشر كدامج
:-لا عليك الله سولف ترة الفضول يقرة الفف حباب
:-بس اذا ضحكتي حظج اطيحه
:-هههه تمام
:-بعدني ماحاجي وضحكتي امشي ولي مااحجي
:-لا والله التوبه مااضحك يلا سولف حباب
:- شوفي هو مو لزمني واني احجي ويه الابنيه بوكتها عمرة جانن 19 هستوني نازل اجازة من الكليه ومسوي روحي فد شي ومااقبل اله يصيحولي ضابط وحته هاي الابنيه اني حاجي الهة انو اني ضابط جان ياخذلج مهران الموبايل من ايدي ويكول الهة بعد لاتتصلين بيه هذا ميفيدج كلتله ليش ميفيدني هو ضابط واني احبها كال ترة هذا بعده حته الضاء مال الضابط ماماخذهة ويضحك عليج طاح حضج اي والله وهو من كال هيج هي سدت الخط بوجهة وحظرتني
:-هو كال هيج واني متت من الضحكك
:-ههههههههههههه
بسرعه حط ايده على حلكي يكتم صوت ضحكتي
:-وسم شنو هاي الضحكه مال *****
ضربته على صدرة حته يوخر ايده من حلكي لان احس الاوكسجين خلص لان ايدة جبيرة وصايرة على خشمي وحلكي وخانكني وخر ايدة وحجيت بسرعه
:-خنكتني ترة
:-ردت اسكتج لاتضحكين هيج يم احد غيري مفهوم
:-ليش عيني
:-لان ضحكتج بوحدها تسحل الواحد سحل
:-ءءء شسمه شوكت تسوي الوثيقه مال الدوام ترة الطلاب صارلهم أسبوعين من داومو معقوله يقبلوني
:-معليج بهذا الحجي اني اسويها الج واداومين ويه رياحين بعد بس نشوف شنو يقبلوج
:-تمام موافقه
:-زين شنو رأيج بقسم قانون؟؟
:-اموت عليه بس مااعتقد يقبلوني
:-ليش انتي شايفه القبولات مال كليه رياحين
:-لاا
:-تعاي نطلعها ونشوف شنو يقبلوج
:-تمام
كام جاب الحاسبه مالته وكام يدوس بيها مااعرف شيسوي يدخل على رابط ويطلع من رابط ثاني منا لحد ما كال لكيتهم تعاي شوفيهم
:-اجيت شفتهم اكو معدلات 70 مقبولين قانون حجيت بحماس
:-يعني اني عادي انقبل لان معدلي 76
:-اي حبيبتي تنقبلين
:-يابه شكد فرحانه
:-ايي مو انتي نفسج الي قبل شويه تكول مااريد ادخل كليه
:-اسفه بس والله كلامهن مثل السم ينزل عليه
:-معليج بيهن هنة ميتات منج والي اريده منج تمشين ورة حجيي حته اربيهن الج
:-معليه بيهن اني ولااريد احجي وياهن
:-الى متى تضل شخصيتج هيج ضعيفه بابا ياكلوج اذا ضليت هيج على فطاريتج وخاصه انتي مقبله على كليه وراح تشوفين اشكال الوان الناس منهم الزين ومنهم مو زين
:-مااعرف اني الله هيج خالقني شسوي بروحي
:-لاتسوين شي بس حاولي لاتسكتين عن حقج تمام
:-تمام احاول
:- نشوف
_______________
رياحين:-كلش فرحت بقرار ادم بخصوص دوام نارة صح هي رفضت بس اني متأكدة ادم راح يكدر يقنعها احس حيل فرحانه راح يصير عندي صديقه بالكليه امشي وياها بطبيعتي مااثق بسرعه ودائما اعتزل البنات وبسبب طبيعتي ماصار عندي صديقات طول فترة دراستي ووجود نارة بالكليه وياي راح يغير شوي من نفسيتي
:-كعدت ثاني يوم من الصبح وبدلت بسرعه لان ادم هو الي يوصلني ومااريده يتأخر على المحكمه من وراي طلعت من الغرفه واتقابلت ويه نارة
:-صباح الخير ياعروس
:-صباح النور حبيبتي
:-شلونها المعنويات
:-خايفه ومتوترة حيل
:-علمود شنو هسة الي يسمعج يكول عندج امتحان هو سؤال واحد راح يسألج القاضي وتوقيع صغير وفضت راحت بعد شكو قابل مثلي راح انسحل سحل بأمتحان اليوم
:-والله قابله انسحل بالامتحان ولا اروح هاي الروحه
:-اهوو اكلج امشي انزلي خلينه نتريك لانتأخر عليهم، ادم وين؟
:- نزل من زمان
:- خربب تعاي ولج راح يرزلنه
:-غير من وراج بس تسولفين
:-هاا هيج صارت
:-انزلي نزلي
ادم:-بعد لو نايمات ليش اجيتن
:-حبيبي ادم شبيك ترة كاعدة من وكت اليوم
:-لو مامستعجلين جان عرفت شسوي بيج
:-الحمدلله لعد انتم متأخرين
:-تعاي اكلي خلينه نطلع يلا ولج
:-اجيت، تريكت على السريع وطلعنه اني وادم ونارة بسياره ومهيمن ومهران بسيارة ثانيه وصلوني للكليه وراحو دخلت للقاعه 5دقايق ودخل الدكتور وكال
:-يلا و الملازم وطلعو اقلام امتحان
:-سوينه مثل ماكال وهو انطانه اوراق واوراق الاسئله اني شفت الاسئله وضليت اصفن ولاعبالك قاريه شي هديت نفسي وقريت الفاتحه لأم البنين شوي شوي بديت احل خلصت على الوگت وسلمت الورقه للدكتور وطلعت من القاعه رحت للكافتيريا اشتريت كيكه وعصير ورحت للحديقه اكل واني منسجمه بهاي الاجواء الحلوة قطع هاي الاجواء صوت الموبايل شلته وشفته ادم رديت عليه
رياحين:-قبل ساعه جنت يمك شبسرعه اشتاقيتلي؟
ادم:-انتي تغيبين عني دقيقه احس مضيع روحي مو نوب تغيبين ساعه
:-كول حبيبي شنو الي تريده
:-يابه شكد احبج لان تفتهميني
:-غرد سيدي اسمعك
:-يروحلج فدوة فهد اريد منج خدمه هسة راح يجيج فهد اريدج ترحين وياه وتختارين فستان وحذاء لنارة على ذوقج
:-بس فستان وحذاء خويه اشو صاير بخيل؟
:-جا بعد شتريدن تجيبين
:-مكياج اكسسوارات فستان تبدل بيه لو تريدها تطلع كدام الناس بفستان واحد؟
:-يابه اني دازلج فلوس بيد فهد اذا اعتازيتي بعد اخذي من فهد واني انطيه وجيبي كلشي تحتاجين اله تمام؟
:-اكول ماناسي شي انته؟
:-لاا ماناسي ليش اكو شي بعد
:-اهم شي نسيته
:-شنو هو
:-فستاني!!!!!!
:-اكلج انتي الكنتور مالتج راح يطگ من ورة الملابس ملاتج وتردين تشترين بعد
:-تريدني اطلع كدام الناس بفستان قديمم ترضاها على نفسكك هااا
:-يابه اشتري الج هم بس خلصيني ترة معتمد عليج مو تفشليني خوش
:-مو عيب عليك سيدي روح وحط ايدك ورجلك بمي بارد
:-خوش مع السلامه حبيبتي
:-الله وياك حبيبي
سديته من ادم وضليت انتظر اتصال فهد شوي ودك عليه حته اطلعله طلعت ولكيته واكف يم الامن مال الكليه سلم على الحارس ومشه قبلي صعد للسيارة واني صعدت بالصدر يمه
:- شلون الدوام اليوم؟
:-زين الحمدلله
:-جان عندج امتحان اليوم؟
:-اي
:-جاوبتي لو لا؟
:-لا الحمدلله جاوبت صح بالبدايه نسيت كلشي بس بعدين تذكرت
:-الحمدلله
مشه وصلنه للمحلات مال الفساتين ونزلنه ندور على فساتين مناسبه اخذت قفطان ابيض وحذاء واكسسوارات ومكياج لان هي ماعدها شي واخذت كم عطر على ذوقي واخذت فستان ثاني بيجي تصميمه مفتوح من يم الصدر والظهر هم مفتوح وبيه سلسله بيها لؤلؤ وبيه فتحه من يم الرجل توصل للفخذ كلشش حلو عجبني متأكدة راح يطلع يخبل عليها
:-بشري يابه خلصتي لو لا
:-بعد بس اختار فستاني والحذاء وهاا الفلوس الي انطاك ياهن ادم خلصن كال اخذي من فهد واني ارجعهن اله تمام
:-يابه صدكك جذب اشتري الي ترديه ومو مهم الفلوس بس خلصينه مو تكسرن اديه من العلاليك وتوبه بعد اذا اطلع وياج
:-يلا اذا هيج ورق وانطيني خليني اشتري
هذا الفستان
:-تحجين صدكك انتي
:-ليش مو حلو
:-بويه هذا هم لبس
:-ليش شبيه
:- مابيه بس نص جسمج يطلع منه
:-عزةة شنو هذا الحجي وبعدين ماطالعه بيه كدام احد بس كدام البنات
هز راسه بس ضل ينافخ ويتأفأف خلصنه كلشي ورجعنه للبيت ودخلنه الاغراض وشمرت روحي على القنفه الموجودة بالصاله
:-تعبتي؟
:-طاح حضي والله
:-يلا عود ترجعها الج بيوم عرسج
:-شحدها ماترجعها الي اطيح حضها والله
:-هههههه يلا يابه اني اروح
:-الله وياك
طلع واني اخذت العلاليك بيدي واصيح عليها
:-نارررةةة ناروووو وينججج
نزلت تركض
:-هاا شكو شصاير
:-تعاي شيلي الاغراض وياي انكسرتت ايدي
:-شنوو هذني؟؟؟
:-تعالي شيليي وياي واني اكلجج
:-نزلتت اخذت العلاليك وصعدناهن فوك
:-هسة غير افتهم هذني شنو
:-شوفي هذا القفطان تلبسيه اول مايجن النسوان وهذا الفستان الثاني تبدلين بيه اني اسويلج الشعر والمكياج وهاا صحيح عندي شيره سوي رجليج وايديج بيه
:-مابيه شعر ترة
:-خوش بعد احسن، ابدل واجيج حته تسولفيلي شنو صار وياكم بالمحكمه اوكي
:-تمام حبيبتي منتظرتج
__________________
نارة:-طلعت رياحين من يمي واخذت الفستان والقفطان علكتهم بالكنتور واخذت المكياج وباقي الاغراض رتبتهم على ميز التواليت العطور ريحتهم كلش حلوة ومو قويات كلش شوي ورجعت رياحين
:-يلا تعاي سولفي
:-اسمعي، من ذبينه رياحين على الكليه ضل فترة واكف كال
:-راح تضلين كاعدة ورة؟
:-ايي
:-ترة مااشتغل سواق عدج تعاي اكعدي يمي بسرعه
فتحت الباب ونزلت وصعدت يمه كدام حرك السياره للمحكمه طول الطريق جان يحجي على التلفون ويه واحد علمود التقديم مالتي قبل لانوصل للمحممه بشويه سد التلفون منه وحجه
:-شغله يومين ان شاءلله واداومين ويه رياحين
:-صدكك
:-اي والله، هسة خلصنه سالفه الكليه واليوم راح نخلص سالفه المحكمه وماراح يضل عدنه شي غير فترة التعارف صح؟
:-صح
:-يلا انزلي
:-نزلنه للمحكمه وبسرعه دخلنا للقاضي مااتأخرنه لان القاضي صاحبهم وخلصها بسرعه
الشيخ مهران:-الف مبروك خويه بالرفاه والبنين حبيبي
اتحاضنو ورد عليه ادم
:-الله يبارك بيك حبيبي يوم الك وافرح بيك
مهيمن:-عن قريب إن شاءلله راح تفرح بيه
ادم:-هاا شيخ چنگ نويتها هاي المرة
مهيمن:-مو بس ناويها وداعتك حته اسم ابنه مختارة
ادم:-اححح ومنو سعيدة الحظ إن شاءلله
مهيمن:-قصدك منو تعيسه الحظ الي راح تتصخم وتاخذ اخوكك
الشيخ مهران:-اااا هيج صرت انه
مهيمن:-خويه انته من زمان هيج بس ماچنت احب احجي اخاف على مشاعرك
ادم:-ههههههههه يايابه يابويه اليوم شاد عداوه وياك عضيدك
الشيخ مهران:-نرجع للبيت واطيح حضه
ادم:-ليش مو هنا
مهيمن:-اكلك انته ليش ما تسكت لو خلصت شغلتك وياي وتريد اتطيحني بيد اخوك
الشيخ مهران:- بالبيت اطيح حضك لان منا الناس عيب منهم زلمه شكدك شكبرك تنكتل ماصايرة على الاقل بيناتنا محد يدري
مهيمن:-يعني هسة انته خايف على كرامتي مو
الشيخ مهران:-اكيد لان كرامتك من كرامتنا
مهيمن:-يعني عادي عندك تضربني بس المهم محد يشوفنه مو؟
الشيخ مهران:-ايي
مهيمن:-ينلام بيك نزار من يكول عليك مايوكف كدامك اخ ولا صاحب
الشيخ مهران:-لاا
ادم:- والله ودي اضل وياكم بس لازم ارجع المرة للبيت لان وراي شغل يلا يابه امشي وانتو كملو معليكم بينه
مهيمن:-امشي لك محد شعلها غيرك حيوان
ادم:-باي باي حبيبي
طلعنه من المحكمه وحاجيته
:-ليش سويت هيج هسة يتعاركون
:-هههه انتي عود صدكك صدكتي هذولي الاثنين يتعاركون
:-لعد؟
:-هه باعي شايفه هذولي الاثنين مثل اللحم والاظفر مستحيل ينفصلون او يتعاركون وهاي عراكتهم تحت مسمى عركه حبايب
:-اهاا فهمت
:-ايي ...........
رياحين:- ترة صدكك ماشايفه اثنين يتعاركون ويرجعون بسرعه يتصالحون بكد مهيمن ومهران
:-فدوةة حيل احب صداقتهم احسهم عبالك اخوان
:-اي صح تدرين مهيمن جان متزوج
:-صدكك
:-اي والله بس هي كلبه خانته
:-لاا عزة بعينها شلون
:- باعي هي بالاول كالتله احبك بس بعدين غيرت كلامها تكول على اساس اهلها غاصبينها عليه وهي تحب واحد من المنطقه ومن اتزوجت مهيمن وطالبها بحقوقه الزوجيه رفضت وكالتله اني احب واحد تخيلي خلاها يمه بس شهرين وعلاقتهم علاقه اخوان يعني حرمها عليه ونوب بعد هاي الشهرين طلگها وبس خلصت العدة راحت تزوجت الولد الي جانت تحبه وصار عدها ولد وسمته على اسم مهيمن لان هو السبب الي خلاها تجتمع ويه حبيبها
:-عزةة هاي شلون كدر يسوي هيج
:-مهيمن شكد مااحجيلج عليه وعلى عقله مستحيل اوفي حقه كلش فقير وحباب بس الي يندكك بيه يطيح حضه وشفتيه شنو سوة بجمال
:-اويي يمه تنذكر وماتنعاد لج غير متت بيومها
:-هههه انتي جبانه بزيادة ترة
:-اكلج تدرين خالتج وبناتها وين
:-لا والله حته استغربت البيت مابيه صوت
:-راحن للصالون
:-تحجين صدكك
:-اي والله
:-لج انتي العروس مارحتي للصالون وهنة المن راحن
:-يابه شعندي رايحه للصالون وعندي احسن ميكب ارتست بالعالم
:-اويي ترة خجلتيني استحي والله
:-هههه يلا امشي خلينه نسوي الغدة
:-اهوو والله تعبانه عبالي من اجي الكه خالتي وبناتها مسويات الغدة لان انتي عروس واني بالدوام بس لا شلون يسون شي نستفاد بيه منهن
:-امشي خلينه نسوي الاكل ابدال هذا الحجي
:-تموتين على الشغل وها صحيح مبروكك على القبولل محاميتنا الحلوةةة
:-ههه الله يبارك بيج حبيبتي، اهخخ هاي شبيج ليش اتكرصين
:-حيوانه انتي نايم مطي براسج شلون تكولين مااريد اداوم هاا
:-افف لج والله اتندمت على هاي الكلمه انتي من جهة وادم من جهة ياكلمه ردي المكانج بس
:-ايي عفيه عليج هيج اريدج ومعليج بخالتي وكلامها ترة هي هيج دائما تحجي حته اني ماخلصت منها عود اني بنت اختها
:-عفيه شنو من نفسيا عدها
:-تعجبج بهاي السوالف
:-هسة عوفي هاي السوالف راح نتاخر
:-يلا امشي
نزلنه وبدينه بالغدة ونسولف ونضحك والجو كلش حلو مااحس اله فاتو علينا خالتي الحيه وبناتها لاعبات بروحن لعب خوب المكياج عبالك عرايس
نور:- هلاوو كايزز
تحجي وتعوج بحلكها
رياحين:-اولا الناس من تدخل تكول السلام عليكم وثانيا اريد اسألج سؤال انتي وهاي اختج
نور:-جواب
رياحين:-اليوم احنه مو مسوين حفله وعازمين اهل المنطقه على العقد مال ادم ونارة شلون تعوفن البيت والتنظيف على نور وانتن ترحن للصالون بالله عليجن منو العروس انتن لو نارة
نور:-لا والله بس لا تردينه ننظف البيت الست نارة هاا
رياحين:-وليش لا بس لابيدج عوق وماتكدرين
ام جمال:-اسم الله على بنيتي إن شاء الله العوق بالي يكرهها شتردين من بنتي وتدعين عليها هيج هاي انتي عود بنت خالتها بعد مااعتب على الغريب شنو مايكول
:-خاله ترة بنتج طلعتها من ماعونها الاحسن تاخذيها وياج من ترجعين لبيتكم
نور:-ماكاعدة بيت رجلج من اكعد بيه عوظ اطرديني اني كاعدة بيت خالتي ومالج حق اطرديني منه مفهومم
عافتنا وطبت جوة ولحكتها امها واختها واني ظليت صافنه وخطيه رياحين تطحن بروحها وكلساع تريد تروح تكتلها واني الازمها خلصنه الغدة واجو الزلم كلهم وبدينه نصب الغدة والي ينقل بيه ادم وفهد ونوب بدينه نصب للنسوان وخطيه عمه كضتها اليوم كله يم نزار بس وكت الغدة اجت يمنا رادت نفرش سفرة وحدة ناكل بيها كلنا بس الشيخ ماقبل مااعرف ليش خلصنه اكل وصبينه جاي واتعاونه اني ورياحين على المواعين وخلصناها وصعدت اسبح ورياحين هم خلصت سبح وطلعت لبست الفستان البيج باوعت على روحي بالمرايا وكلش عجبني شكل الفستان عليه واجت رياحين تسوي بشعري والمكياج وعمه ونور ونرجس وامهن يستقبلن النسوان خلصت شعري ونوب بلشت بالمكياج مالتي ركزت اكثر شي على عيوني رسمتهن بالكحله والأيناينر والحمرة لون احمر مخملي طلع المكياج كلش حلوو
:-شنو رأيج
:-كلش حلو عاشت ايدج حبيبتي
:-وايدج يروحي يلا حياتي هسة اني اترخص اريد اروح البس فستاني واحط الميكاب وهاي السوالف بايي
:-بايي يروحي شكرا الج تعبتج وياي
:-ولو حبيبتي مسويت شي
طلعت رياحين واني ظليت ادور على سوار اطقمه ويه اللبس سمعت صوت الباب ينفتح عبالي رياحين وكلت
:-هاا حبيبتي ريحانه اشو رجعتي
درت وجهي واتبسمرت بمكاني
:-هاي شمسويه بيج رياحين
