رواية سداد وبنت الفصل السادس عشر 16 بقلم الزهيريه

سأستقبل 

الظلم من اي شخص 

لكن عندما يأتي دوري 

لن ارحم احد 

ألق/   ما اعرف مرات الوم نفسي على غبائي ومرات الوم الظروف إلي عشتها  مرات العن القدر الي خلاني بدون اب وام طبيعيين وعشت عمري لا عندي احد يوجهني ويعلمني العيب او الحرام او هذا صح  من الغلط يعني حتى اذا أريد إستخدم عقلي هم ما اجيب حيل ومكرهم وبعدين القوه مالتهم اكيد تغلبني شلون يا ربي وأول مره بحياتي ادعي رب العالمين وبيني وبين نفسي 

يا رب أسألك بعظمتك وقوتك اذا همه اقوياء أنت أقوى منهم بعزتك وجلالك خلصني منهم على أهون سبب اني ما أريد أسلك هذا الطريق أريد اعيش حياتي حالي حال اي بنيه بيت وزوج واطفال وابويه وأخويه يمي يا رب اجمعني بيهم وأنت تعلم بحالهم يا علام الغيوب تحفظهم 

واخذت الطريق كله ادعي رب الكون واكو يمي بنات يسولفن ولا عبالك انه راح يكونن بلا اخلاق  واني من غبائي ما چنت اعرف شنو إستقبل الزبائن بصراحة اني يم عمي نزار حمدلله ما أعرف شنو مطعم الله يرحم هو احنه چانت الله يذكرها بالخير كونه چانت أجدي النه من الناس اكل وجيب نأكل هو اني شايفه مطاعم 

لهذا من گالولي مطعم گلت ويه نفسي هذا اخف من شغلهم ما چنت اعرف انه شغلهم كله وسخ لهذا  من وصلنه واني حمدلله ما اعرف اقره انجليزي  لان الاسم مال المكان انجليزي وكردي مكتوب بي عنوان المكان وهو اني عربي بالگوه افتهم أنوب إنجليزي وكردي ودخلونه وأشوف هواي شباب گاعدين ويدخنون واكو بنات منظرهم غريب وتصرفاتهم أغرب بعد وخفت كلش واجى غزوان وهو يباوع علينه  وحچى ويه وحده اول ما شافتنه دخلنه اجتي علينه 

غزوان/ ميسون اليوم أريد تبيضين وجه ترى اليوم الزبون توصيات كلها عليه وعدنه صفقات ويا  بالمليارات تگدرين تگولين الموازنه مال العراق بيده لهذا اريد وين الحلوات والباكرات توديهن على الجناح الخاص 

ألق/ عيني اني مالي شغل بشغلكم انت گلتي على استقبال الزبائن 

وغزوان دفعني قوي على هاي الچان يحچي وياها وگاللها/ ميسون جهزيها وجهزي وين بنات باكرات والحلوات بعد ما أحتاج اوصي والتعبچ إبرة مخدر وخليها تروح بغير عالم وربچ حتى ما أبيعها گصابه لا اذبها الى وين ماكو واحد بي إيدز واخليها تنعدي منه  وبعد ما أكرر كلامي 

ألق/ وعافنه وراح غزوان واخذتنه ميسون على غرفة بيها بنات وحچت وياهن كردي وعافتنه وطلعت وهن حافظات شغلهن وجابن ملابس الي تلبسهن شبه عاريه وطلبن من عدنه نلبسهن واني حالي حال إي وحده موجوده ويايه لبسنه اباوع على نفسي يعني إذا يگولون النه ابقن بلا ملابس أفضل يعني شنو هاي الملابس الي الصدر طالع والظهر والساقين كلها طالعه وبدت رحلة المكياج والشعر ويعطرون بينه واجتي ميسون بعد ما خلصنه واخذتنه على مكان شلون أوصف الفخامه البي قليله اول مره أشوف هيچ مكان يخبل وبارد بي بروده مو طبيعيه بحيث گمت ارجف من البرد على خوف من مجهول  شعور متلخبط اجتاحني 

وظلينه الى ما دخلوا جماعة مسلحه ويحاوطون واحد لابس قاط يطلع عمره بالخمسينات ويا غزوان يرحب بي ويأدي فروض الطاعه والوفاء ويمدح بالمكان وانه كل شي معد لضيافته وراحته 

واني ما اعرف غزوان ويا من يحچي لان هذا ألي لابس قاط يحچي بالموبايل ومطنش غزوان ولأ كأنه غزوان دى يغرد ويا   وبعدها هم اجوي جماعة ثانية مسلحه بس هاي المره لابسين زي عسكري مرقط وبيريه حمره على روسهم بس واحد وهمه يحرسوا لابس سروال وعلى راسه شماغ ابيض وبي خطوط حمر وگعدوا ويه ذاك ابو القاط واحنه بس واگفات لآن اكو بعد اسطول كامل مال بنات بخدمتهم وعلى رأسهن غزوان الچان الراعي الرسمي لهاي الگعده كلها وطبعًا كلامهم كله بالكردي كل شي ما نفهم وصدگ الي گال أطرش بالزفه 

بحيث ملينه واحنه واگفات على شنو ما نفهم وذني الي اجني ويايه هم واگفات يمي وسالت وحده منهن بعد ما عرفت اسمها أريج گتلها / هسه احنه شنو الفايده من عدنه واگفات مثل الغربان 

أريج/ حبيبتي احنه هنا مو للخدمه احنه هنا مجهزينه الى ليله حمراء 

ألق/ المن حبيبتي وشنو ليله حمراء 

اريج / المن لهذا ابو القاط جاي من بغداد لازم يوجبوه أما الليله الحمراء يعني ينام ويه وحده من عدنه هو يختارها 

ألق/ صدگ هنا رجلي صارت وحده تضرب بالثانيه من الخوف  على برد وصرت ادعي ويه نفسي 

أريج/ شبيچ شو تحچين ويه نفسچ 

ألق/ لا ادعي من الله يخلصني منهم 

أريج/ تحچين صدگ تخبلتي اكو وحده تدعي الله وهي تقريبًا شبه ما لابسه ملابس وطاولة الشرب بعد منها بمسافه والشياطين قريبين منها 

ألق/ الله موجود بكل مكان اما الوضع الي اني بي مجبوره عليه وأدعي الله يخلصني لان بعد ما عندي آمل بس برب العالمين ولو الملائكه ما جازف وتدخل لهيچ  وكر شياطين 

وما اعرف هذا الوقت كله شگد مر على وجودنه بس واحنه واگفات حتى نخاف نگعد لإن تعبنه من الوگفه وهنا الغلط يكلفك أحتمال حياتك واني أتعجب على غزوان اگول شنو ما يتعب عبالك رجل آلي وفجأة صارت هوسه بره على أصوات تكسر على عياط على أصوات طلق على حچي ما مفهوم واحنه المكان المتواجدين بي صارت الضجه مو طبيعيه وهوسه وناس تنضرب بناس من الخبصه وغزوان ركض على باب چان مقابيل الباب الي دخلنه منه فتحه بمفتاح چان ويا وطلع ابو القاط وحمايته وهذا الي لابس سروال وحمايته وهو وبعدها قفل الباب وكلها اختفت بقينه احنه والبنات الچانوا يخدمن وبيها صار الرمي على المكان إلي احنه بي وبذيچ اللحظة ما تنسمع بس صوت العياط مالتنه وصوت الطلق مالتهم حالة رعب ما تنوصف والله نثبرنه ثبيره والله عمه نضال شگد اكرهه ما اتمنالها الموقف الي صار ويايه اني گبل ختلت جوه كرسي چان من ناحية الحايط واكو بنات تصوبن واكو گدرن يبتعدن عن مرمى الطلق وما قاوم الباب هوايه نهار گدام نيران اطلاق النار مالتهم وحتى نفتح باب ودخلوا جماعة هواي لا تعد ولا تحصى وكلهم لابسين مرقط ولابسين بيريات حمر على رووسهم والاسلحه متوجهة علينه ورجع واحد منهم راح يركض على الباب الي طلع منه غزوان والشخصيات الي چانوا ويا  وهمه بين ما دى يكسرون الباب اجوي جماعة نقلوا البنات إلي صوبوا والباقيات يطلعون بينه ويخلون كلابچات بيدهن واني من خوفي ورعبي من الموقف أكو أثنين دى يتحاچون بينهم رحت ركضت على واحد منهم  وجريت أيده وبستها وگتله/ الله عليك لا تاخذوني والله ما سويت شي 

فاجئني من سحب ايده والله ضربني راشدي صدگ والله طرش أذني حتى اذني فجرت دم ودفعني قوي ووگعت على الگاع سمعت 

صوت گال بالكردي / خه ريكى چيت سداد 

عرفت فيما بعد انه لا تفعل سداد 

سداد/ يوم بعد يوم وموقف بعد موقف اكتشف انه اني شگد چنت غافل عن اقرب الناس الي ما أعرف اني غلطت باختياري بشريكة حياتي او هذا قدري واني بمفهومي عن الحب إنه الشخص سواء ذكر أو انثى انه من يحب  ما يملي نظره غير بس حبيبه اما اذا بس يغيب احد الأطراف صير خيانه من الطرف الاخر هذا ما يسمى حب وبنظري الخيانه ما إلها مبرر لطرفين اني ما أقصد بس النساء قصدي الرجال والنساء سواء  لهذا من عقيد فرقد واجه آريا وشگد حاول وياها حتى بس يعرف هاي العلوية وين أبد ما نطقت ولا قبلت تنطي حرف عن العلوية الى ما 

عقيد فرقد/ شوفي آي علوية ماكو وآني متأكد من كلامي آما العلويه مالتچ رجال وهاي البصمات الموجودة بالبيت هي العلويه نفسها بس بقت آريا مصره على الإنكار 

فرقد/ شوفي مال عبالچ القضيه نسدت أبد انسي الا اوگع على العله ولازم أعرف بذاك اليوم شنو صار واني وراچ وگولي گال فرقد  هي مسألة وقت لا أكثر وهسه تگدورن تتفضلون واخ سداد اي شي يستجد بالقضية أبلغك 

سداد/ طلعنه من يم العقيد فرقد واني أحس راسي راح ينفجر معقوله هاي آريا إلي حبيتها لو أحتمال اني أكون ظالمها والمشكله اي دليل ضدها ماكو رجعت للبيت ونسدت القضيه على آنه روجيدا قتلت أيليا وشنو الصار بذيچ الليلة المشؤومه بس الله يعرف 

وأني خلاص بعد الأيام الإجازة خلصت ولازم بعد أرجع لدوامي ومديري بلغني أنه احنه أحتمال بعد فتره راح نرجع لأربيل يعني أخلي في بالي راح أرجع أستقر في أربيل  وآني طبعًا اي شي صار ويايه ما حچي لآي احد لا اهلي ولا  اصدقائي  لإن أحسها عيبه بحقي 

فرقد/ طبعًا اي حالي حال إي ضابط الشغل ما يخلص أكثر قضية شغلتني چانت هي قضية سداد أكو حلقة مفقوده وبيه طبع موتي وسمي اذا استلم قضية ويبقى شي بيها ما معروف عندي احس شي ناقصني واني عن طريق التحقيق ولا عن طريق الكاميرات وصلت الشي بقت منو بس روجيدا بنت سداد گدامي وعامة آي طفل ما يعرف يكذب ودائمًا الطفل يردد بس شي إلي يشوفه گدامه يعني شگد تحاول تلقنه وتگله گول هيچ ما يعرف بس الشافه بعينه يگوله لهذا صرت يوميه او بين يوم ويوم أروح على روجيدا وآخذ الها حلويات واحچي وياها  وأخذها ويايه اكو  ألعاب مال اطفال في حديقة قريبه على المستشفى إلي بيها روجيدا بس دائمًا  أكون حذر وياها ما أذكر إي شي عن الحادثه حتى تطمئن إلي يله بعدين أسحب منها الكلام هذا في قضية سداد اما 

ألق هاي البنيه شنو مصيرها ما معلوم وبعد ليله كامله لنزار اعترف انه قتل ألق وشمر جثتها بالنهر هذا  الكلام الي اعترف بي گدام نقيب مهند وباصم عليه بالعشره هذا نزار أما زوجته نضال استدعيتها لتحقيق وبعد ما جابتها الشرطية وهي وجهه ما أدري اصفر على ازرگ على أسود خصم الحچي وجهه ينطي ألوان واشرتلها براسي بمعنى اگعدي 

فرقد/ شوفي نضال اي انكار بعد ما يفيدچ  زوجچ نزار اعترف إنه إنتي ويا قتلتوا ألق أريد أفهم ليش شنو الدافع لقتلها 

نضال/ والله سيدي احنه ما قتلناها البنيه انهزمت من البيت بعد ما باگت فلوس عمها ومهرها 

 فرقد/ شلون نهزمت وهي كل كاميرا مراقبه خلال 3 أيام ماكو ما مسجلتها داخله للبيت او طالعه 

نضال/ والله سيدي ليش نقتلها وهي حتى ورثها موجود بالقاصرين  من تبلغ تگدر تاخذه وحتى ورث أبوها واخوها لكونهم معاقين القاصرين حجزت ورثهم لان هي سليمه ومعافاة من تكبر هي راح تستلم كل الورث وصير وصيه على ابوها وأخوها وفلوسهم يعني ليش نقتلها اي دافع ماكو ما عدنه أصلًا الفلوس الباگتهن وشردت بيهن ورث عمها 

فرقد/ أحتمال لكون ما تريد تزوج  ابو إسكندر وتريد واحد ثاني 

نضال/ لا سيدي چان جيرانه المقابيلنه يريدها ورفضه عمها وخلاص وما عدها آي اعتراض على ابو اسكندر  

فرقد/ اذا سلمنه كلامچ صحيح شلون وما عدها اي علاقة انهزمت ويه منو 

نضال/ سيدي إذا انهزمت ماكو غير هيثم راحت ويا لان هي ما تطلع أبد  

فرقد/ راح أتأكد من صحة كلامچ أولها أتأكد من القاصرين وبعدها من هيثم نفسه 

وبعد ما رجعوا نضال للحجز استدعيت مهند 

فرقد/ شوف مهند تروح آول شي تجيبلي هيثم المقابيل اهل هاي البنيه المخطوفه ما أدري مقتوله والعلم عند الله وهذا ظهرلنه متهم جديد 

مهند / سيدي اجيبه شنو إلقاء قبض 

فرقد/ لا ضبط وإحضار 

فرقد/ وما مر ساعتين حتى جابولي هيثم وشكله حمدلله مال واحد مشبوه وعنده سوابق 

هيثم/ سيدي اني ما مسوي شي ليش جبتوني هنا 

فرقد/ انت متهم انك قتلت  ألق رياض بعد ما غررت بيها ونهبتها من بيت أهلها 

هيثم/ سيدي آني خطبتها من عمها ورفض وتركتها بعد ليش اقتلها بعد وهمه شنو سبب تهموني هاي التهمه 

فرقد/ انت يوم اربعاء وخميس وجمعه وذكرت التواريخ الايام وين چنت 

هيثم/ سيدي بالبيت وين أروح شو اني لا شغل ولا عمل 

فرقد/ عجيبه ما عندك شغل وعمل وتريد تزوج شلون ما ادري هسه تگدر تروح 

وبعد ما طلع أفتر راسي شنو وين راحت رجعت استدعيت نضال وبعد مشاده كلاميه وتهديدي إلها بالإعدام 

نضال/ سيدي والله ما قتلناها البنيه نهزمت ما عرفنه إنه انهزمت غير ثاني يوم الصبح من ردت أخذها ويايه حتى نأجر بدلة عرس 

فرقد/ أنتي شنو تضحكين عليه شنو تأجرين بدله قبل ساعتين من العرس شو من تريد تعرس البنيه قبل العرس بأسبوع تأجر البدله 

نضال/ سيدي شنو نأجر البدله قبل ساعتين هذا الحچي قبل يومين من العرس 

فرقد/ ليش هي مو اختفت يوم الخميس يعني بيوم العرس  يوم إلي بلغتوا 

نضال / لا سيدي هي ما انهزمت يوم العرس هي أختفت قبل العرس بيومين 

فرقد/ إذا أختفت قبل يومين من العرس ليش للخميس يله بلغتوا ليش ما بلغتوا بيوم الي اختفت بي 

نضال/ والله سيدي ما أعرف هذا السؤال أسال نزار عليه اني ما أعرف 

فرقد/ وصحت على الشرطيه تاخذ نضال ويصيحولي مهند ومن اجاني 

مهند / هاااا سيدي أعترفت على قتل البنيه 

فرقد/ لا عيني احنه غلطانين عمها الغبي غلط وغلطنه  ويا عمها غبي وما معقوله يكون غبي يا عمها متقصد يخفي يوم ألي اختفت بي البنيه  وعنده اسبابه اكيد 

مهند/ ليش سيدي وشنو أستجد بالقضية 

فرقد/ تدري مهند ليش ما شفنه البنيه بالكاميرات خلال هاي الايام الثلاثة من سحبنه تسجيل الكاميرات لآن البنيه ما اختفت بذني الأيام البنيه اختفت يوم الثلاثاء بالليل وآني متاكد راح نشوف البنيه بتسجيل الكاميرات 

الفصل السابع عشر من هنا