رواية لأني عاقر الفصل السابع عشر بقلم مريم خفاجة
تِبچي
ومحد يوصيك بعيونك
ولا واحد يگلك ليش
وشمبيوگ من لونك
ماكو ابن آدم بلونك
تصفُن مثل مرجوحة
جزاها العيد
تسرح مدري وين بعيّد
حيل بعيّد
وغفلة تفززك دمعة
وتكسر خاطرك دمَعة
هذا أنتَ التطيح ومحد يشيلك
هذا أنتَ العزيز وگاع منديلك
تستهضُم
تلم روحك مثل ورگات محترگه
تضحك للمرايه وتستغرب رسومك
#لأني_عاقر
#البارت_السابع_عشر
صوتوا للبارت+تعليق بين الفقرات+متابعة
لحسابي
ــــــــــــــــــــــــــــــــــــــــــــــــــ
...
بيداء:-شننننوووو يعنننني نضل نننتضر
شكممم سنةةةة يعنننني؟؟؟
نسبتها ثنين ثنين يالأغبر يا حضي الأعوج
ولك گتلك لاتاخذها لاتاخذها گلبي حاس
بس انت عاندت ودگيت رجل هاي
شحصلت؟
سكوت كمال أذاني أكثر من حجايات
خالتي
ليش سكتت؟
دافعلي؟ گول احبها واريدها ومستعد اضل
وياها
يمكن هالكلمات يفوخ گلبي بيها
تحجي خالتي وترزل بي
وهو ساكت لو يستغفر
لو يگلها كافي
بعدها سمعتها گالت:-وين رايح؟
كمال:-اروح اجيب ملاك
بيداء:-عوفها يم امها شكو جايبها
كمال:-يمة اسكتي عني لخاطر الله
ركضت للباب فتحتة ورجعت سديتة بصوت
عالي
وكمال جان ستوة طالع
عگد حواجبة وگال:-ملاك؟ ليش اجيتي وحدج
ملاك:-لا جاسر جابني
فتح الباب وضل يتلفت
گال:-وينة ماهو؟
جريتة من ايدة وهمست
وصوتي مبحوح كوة يطلع:-ذبني بالفرع وراح
ذب نفس وسد الباب
ولزم وجهي وباس راسي
واني دموعي مچلبات برموشي
حط ايدة ورا ضهري
ودخلنة سوة
ولا باوعت ولا رفعت عيني
بشر ميستاهل حتى اباوعلة
صعدت فوك اخذت ملابس
ودخلت للحمام
فتحت الماي
ودخلت جوة ودموعي نزلن:-ليش ياللهي ليش
تعبت وصبرت هواية
لا سنة ولا سنتين اني من عمري يوم متمرمر
گلبي ماشفت الراحة وراح اتلوع بالزايد
ياللهي صبرني بس انطيني الصبر وخليني اتحمل
بقيت هواي لمن حسيت الماي بدة يگطع
سديتة وكمت نشفت جسمي
ولبست دشداشة خفيفة احس روحي مختنگة
دخلت للغرفة كمال متمدد ويخابر
وخرت المنشفة
وصعدت ؏ جرباية مالي خلك حتى امشط
حطيت راسي بحضني وهو ضل يمسد
؏ شعري ويسولف بالتلفون ويا صاحبة
لحد ما غفيت
والصبح فزيت ؏ صوت كمال
ملاك:-ها شكو؟
كمال:-مصخنة يابة اني
مو گايلج لاتسبحين وتنامين ؏ برودة
وتالي وياج
ملاك:-جنت تعبانة
كمال:-گومي اخذي هذا العلاج گومي
گومني وهو يحط الحباية بحلگي
ويشربني ماي واني اباوع لعيونة شكد بيها حنية؟
رجعت تمددت جسمي مكسر
كعد ؏ طرف الجرباية وابتسم
ميلت شفتي للأسفل بعتب:-ليش ضميت علية؟
بلع ريگة وگال:-ماردت اقهرج واني اشوف لهفتج ؏ طفل
ملاك:-يعني لو ما رايحين للدكتورة لوين تضل ضام السالفة؟
كمال:-تضل بگلبي ولا اشوف دموعج
ملاك:-وهاي شفتهن؟ نفس الشي
شون گدرت أصلاً تشوفني اتعذب كل يوم كل دقيقه
وكل ثانية ومنتضرة الطفل وانتَ تباوع
لعيوني وتگلي الله كريم؟ ليش؟
دار وجهه وما حجة مسحت دموعي
وهو حس بية
واخذ راسي لحضنة وبقة يبوس
براسي ويعتذر
كمال:-تنزلين تتريگين؟
ملاك:-تؤ مابية حيل
كمال:-جا راح اجيبلج لهنا لاتنامين شوية افتري
وهسة نطلع بالشمس شوية ترتاحين
هزيت راسي واني ساكتة
باسني ونزل
صعدت رجلية لصدري
وحطيت راسي ؏ ركبي وبقيت افكر
دخت وگمت دخل للحمام استعملتة ورجعت
فتحت الباب مال غرفة گلت انزل
بس سمعت خالتي تهمس:-وشكو مصعدلها الريوك ليفوك عيارة هاي؟
كمال:-يممة كااافي متخربطة وتعبانة كافي
الي بيها واني روحي جاي تطلع من اشوفها
هيج لاتضلين تذبين حجي وتأذيها
بالزايد
بيداء:-اصعد وجفيني شركم هو اني ششفت
منها غير الأذية
غمضت عيوني ودخلت
للغرفة رجعت تمددت دخل كمال وصينية
الريوك بيدة وهو يبتسملي:-اليوم ندللج
نزلت بالگاع واني ساكتة
واشوفة مجهزلي اشكال والوان
كام يسويلي لفات وينطيني
واني اللگمة تضل واكفة بزردومي گوة ابلعها
شلون راح اكمل؟
لنهاية عمري؟
معقولة؟
باوعتلة عيوني مدمعات الما
نشفن ابد:-شكد نسبتي؟
سكت وانطاني اللفة وگال:-اكلي
وخرت ايدة ورجعت كررت السؤال
واني اعرف جوابة بس ردته هو يحجي
غمض عيونة وهمس:-ثنين
ملاك:-امممم
اخذت اللفة من ايدة واكلت واني ساكتة
شنو اليفيد بعد
خلصت وهو شال الصينية ونزل
نزلت وراه
ومشيت بوجهي لبرا لاشفت خالتي ولا سلمت
كعدت ؏ مرجوحة اجة بصفي
واخذ راسي وخلاه بحضنة:-رجعيلي ملاك القديمة
غمضت عيوني ورجعت فتحتهن:-احس روحي دتنمرد
شهكت حيل وضل هو يمسح ؏ راسي
ويهمس:-اشش
ضليت نايمة بحضنة ودموعي تجري
بهدوء لحد ما أذن الضهر
گام وگومني وياه وصعدنة لفوك وخالتي تباوعلنة
صعدت صليت وراه وهو
لابس فالينة وبرمودة:-حبيبي يعني صلاتك هاي نص ردان من جوة مستور ومن فوك مفرع
كمال:-معليج معليج هو رب العالمين ينضر
للقلوب
ملاك:-ديلا ابو القلوب صلي لاتصلي
سريع ؏ كيفك محد يركض وراك
كفخني ابتسمت
وصلينة سوة
ونزلنة تغدينة ورجعت فوك لان مالي خلك
اسمع كلمة تغثني
للعصر فزيت ؏ صوت كمال:-حبيبي گومي
امج وعماتي وعمامي وجدي جوة
گمت متكسرة لبست غير ملابس
وشلت شعري ولبست حجاب
ونزلت ؏ كيفي
واشوف الكُل بالصالة دمعت عيوني وضليت
مدنگة سلمت ؏ جدو بست ايدة
وراسة ورجع هو باس راسي
وحضني وهو يگول:-خو مابيج شي جدي؟
هزيت راسي بـ لا
رحت لخوالي سلمت وخالاتي كذلك
حضنتني وردة حيل وهي تبجي
حتى حيل للبجي بعد
مابية
اخذتني امي من ايدي وگعدت يمها
وخالاتي يسألني شلون صار هيج
ولمنو رحتي
واني اسولفلهن
وعيني بعين خالتي المدنگة راسها و وجهها مگلوب
گلاب لو بيدها حتى اني تطردني من البيت
وجدان:-زين مارحتوا تأكدتوا لأكثر من طبيب
ملاك:-گتلج هو احنة رايحين قبل سنة
لدكتورة وهاي دكتورة وين نروح بعد
انهار:-بيد ربج بعد قابل الدكاترة شيسون
اهم شي ماما صحتج وعافيتج
اهم من كلشي وهاي ام كمال عوفيها شما تحجي
لاتهتمين مادام كمال يمج هذا هو
باوعتلها وعيوني مدمعة:-واذا تزوج؟
انهار:-لا حبيبتي لاتفكرين بهيج شي
كمال يحبج ومستحيل يعوفج
احنة نعرفة جان يومية يجي يقنعني حتى نخطبخ
وتاليها هسه يعوفج واكو زلم هواي انتضرت
قابل شنو ربة وحد هم ينتضر
وجدان:-واذا ربج مارزقكم هاي بعد يعني شتسوون
تبنوا طفل لو هذا الزرع
ملاك:-نسبتي ثنين
انهار:-مشكلة بس ربج بيدة حلها لاتفكرين
يبعد امج
جانن يباوعلي مقهورات وامي حالتها
مو احسن مني
وتتخوزر ويا خالتي
عيني وكعت ؏ ابن وردة اليلعب بالنص
مو جان أبني بگدك وتلعبون سوة؟؟
غمضت عيوني ودنگت رجعت رفعتها وردة تباوعلي
وعيونها بيهن قهر مو طبيعي
وضليت طول الگعدة ساكتة لحد ما ضلوا
شوية وراحوا
وگفت اسوي العشة
حسيت بأيدة التفت ؏ خصري ابتسمت
وغمضت عيوني وجسمي قشعر من شواربة التلامس
جلد رگبتي
درت وجهي علي وحاوطت رگبتة
ابتسملي وباسني حيل بادلتة واصابعي غرستها
بين خصلات شعرة
وخر عني وهو يلتقط انفاسة
حطيت كصتي ؏ گصتة:-كمال
كمال:-عيونة
ملاك:-لاتعوفني
كمال:-النفس انتي لج بابا لحظة بدونج ماكمل
العمر كلة
ملاك:-خايفة
نزلت دموعي مسحهن
كمال:-اتمدد وياج بتابوت ولا اخلي مرة تتمدد
؏ طولي غيرج
شمرت نفسي بحضنة
فرحانة:-احبك والله هووواي اكثر حتى من اهلي
ضحك وباس گصتي وگعد ؏ الطبلة
واني اشتغل بحماس وارتب الأكل صحنة لخالتي
اجت گعدت وهي لاتسولف ولاتحجي
وكمال يشاقة وياها وهي مدنگة
اخر شي رفعت راسها وخزرتة:-گلنة كاااافي لاتلللح بالشقة هي وكتتتههها
كمال:-على كيفج ست بيبو
بيداء:-كافي لاتاكل تبن اگوم احسلي
عافتنة وگامت
ملاك:-ليش هيج جاي تضوج؟
كمال:-معليج لاتهتمين هي يمكن مقهورة من الموضوع
كم يوم وتفك
جان ببالي شي وطلع شي اكبر من الاتوقعة
سكتت ودنكت اكل
لمن خلصنة غسلت الاماعين
وطلعنة اني وكمال نتمشى
للصبح وگعدت ويا كمال للدوام سويتلة ريوك
باس راسي وطلع
رجعت صعدت نمت
لل11 يلا گعدت بسرعة طفرت من فراشي
راح تبدي بمشاكلها وياي من الصبح
اخذت ملابسي ودخلت سبحت
وطلعت مشطت بسرعة ونزلت بعدني
بنص الدرج واسمع صوت رندة:-يعني يضلون هيج؟؟؟
بيداء:-يحبببببههها امددداك وامدة حبك شحصلت منه
رندة:-شكم سنة يضلون سنة سنتين اذا هي نسبتها
ثنين حتى زرع مايصير
بيداء:-اني ادري منين الله ذاب هذا البلاء علية
من يوم ماتزوجها واحنه ما مرتاحين يومية عركة
و ختمناها بهاي
رندة:-قنعي يتزوج لعد
ضل كلبي يدك سريع وانفاسي تتسارع
بيداء:-شوف هاي البطرانة يباوع لحلگها
وتريدة يزوج
رندة:-اي لعد يضل هيج بلا طفل
وعمرة راح يطب ال30
غمضت عيوني وماكدرت اسمع بعد نزلت
وهنه سمعن صوتي سكتن:-صباح الخير
رندة:-صباح النور
اتجهت عليها وسلمت وهي گاعدة حتى ما كامت
ملاك:-شلونج
رندة:-زينة الحمدلله وانتي شخبارج شلونها صحتج
بلعت ريگي وهزيت راسي بـالحمدلله
وباوعت لبتها وبستها وهي ضحكتلي
انقبض گلبي سمعت
صوت خالتي:-ليش متأخرة يعني شوكت نتغدة ب2 لو ب3؟
ملاك:-مادري نمت متأخرة
بيداء:-وشكو متأخرة شعندج قابل طفل وترضعي
وتسهرين وياه؟؟؟
عيوني ضلت تفتر بيها الدموع ورندة
باوعت لأمها ورجعت باوعتلي منتضرة ردة فعلي
ماحجيت رحت للمطبخ
طلعت حرگتي بالتنضيف والطبخ
لحد 12 ونص خلصت كلشي واني منتضرتهن
انفتح الباب ودخل كمال
فزت روحي
وگمت رحتلة حضني وطبك ضهري بالحايط
وباسني وابتعد:-رندة هنا
هز راسة وگال:-ادري
وحط راسة برگبتي وهمس:-اريدج
ملاك:-مو امس جنت يمي شنو كل ساع
كمال:-معلية انطيني حصة الاسد
ضحكت وكتلة:-وخر لايجي احد
وفعلاً سمعنة صوت رندة ورانه
رندة:-عمي ترة احنة الخطار
دار وجهه واني غمضت عيوني شكد عيب اكرهه
هاي الحالة
راحلها وبوسها
وهي تگول:-البوس بس لذولاك العالم عمي
دنكت راسي افرك ايد بأيد
ورحت يم الكدورة صبيتلهم وگعدنة ناكل
بهدوء
خلصنة وشلت الأماعين
اختفة صوتهم وضلت دگات گلبي تزداد كل ثانية
مدري شلون غسلت الاماعين شلون ماجان
وباوعت باب غرفة خالتي مسدود
ياللهي اكيد يقنعن بي
بس اكيد ماراح يوافق اني ادري بكمال
بت رندة صاحتلي:-تعالي خلي نلعب
بلعت ريگي وعيني ؏ باب
ورحت گعدت بصفها وضليت اركبلها المكعبات
واسويلها اشكال واباوع لضحكتها
واتحسر
وبالي مو براسي اصلا
انفتح الباب وطلع كمال و ورا رندة
وخالتي
طلع هو يضحك وهنة ضايجات
كمال:-خالووو
راحتلة تركض شالها
وشمرها بالهوة واني اشوف ضحكتة وياها
وخالتي التنفخ بعصبية وضووجة
شوية وراح كمال والعصر اجت وردة
وضلت كل ما يحجن حجاية
هي تكمز وتدافعلي واني اكيف
سويتلهم جاي وكيك
واني اسولف ويا وردة وهنه وحدهن يبسبسن
ماهتميت و وردة تكلي طنشي
باليل فرشتلهن وصعدنة اني و وردة
فوك طلعت كرزات وحلويات لعلاوي واني وياها نكرز
ونسولف
ملاك:-اخاف تقنعة وهو يحب امج وردة ميرفضلها طلب
وردة:-اي يحب امي بس مو معناها انو
يعوفج ويتزوج مو لهل درجة هو يحبج هواي
معليج بأمي
جانت كلمة "معليج" "لاتهتمين" "هو يحبج"
هنه المُسببات لدماري...
وبدت المشاكل تزود ماتنقص
كل يوم مشكلة جديدة
بين كمال وخالتي
وخالتي احسها كام تكرهني وماتطيقني
ماهتميت الها كد ما مهتمة لكمال
نزلت الصبح طالعة ستوها من المطبخ
هي
خزرتني وصاحت:-اكووو مررررة تنززززل بالعشششرة الصصبح وين صااايرة هاااي
ملاك:-وشعندي كاعدة من الصبح
هو هسه غدة اسوي قابل عشيرة احنة
بيداء:-وقزرقط لاترررااااددددين شووون صلاااافة
ملاك:-خالة شو تغلطين علية انتي ؏ شنو هيج عصبية؟
بيداء:-اني اعلمج هوووو منوووو منطيييج مجااال
غييرررر ذااااك الگ....
خزرتها وردتلي الخزرة وطبت لغرفتها
وصفگت الباب وراها دروحي
مطلعة گلب بصف گلبي
دخلت غسلت اماعين الريوك مالتها ومالت كمال
وسويت الغدة
ل11 ونص طب كمال وبيدة مسواك
اخذت مي بارد واني مبتسمة:-الله يساعدك يروحي
التعب كلة راح من وجهه ابتسم ابتسامة عريضة
واخذ الماي من ايدي شربة كله
كمال:-يمة تعبت
ملاك:-الله يساعدك الدنيا موت حر تعال ادخل
كمال:-انطيني جرعة اول
ابتسمت وبستة بشفتة حتى ما بادلني
ضحكت وخليت گصتي ؏ گصتة:-هاا شون جرعة؟
وهو حاضني من خصري وشايلني
صايرة بمستواه
كمال:-تخبل
خلاني ؏ ميز الطعام
وهو يتلمس فخذي:-اگلج
ملاك:-هممم
كمال:-عود اني ليش احبج هواي؟
ملاك:-جا ما تدري؟
عكد حواجبة وهو ضام ابتسامتة:-شنو؟
ملاك:-مسويتلك سحر
كمال:-وين حاطتة؟ مو عذبني حبج
ملاك:-باوع لعيوني زين وتعرف وين حاطتة
ضحك ورفع نفسة وباس عيوني
اندك الباب حيل مال مطبخ فزينة ثنينه
لكيناها خالتي:-كااافي رومانسيات يكول ما شايفين
الاكل راح يحترك وانتي عزلي المسواك بسسسرعة
هزيت راسي
وكمال استغفر وراح وراها
طفيت الطباخ وعزلت المسواك وصعدت
صليت
ونزلت صبيت واكلنة
باليل گبت عركة وصياح بين خالتي وكمال
مانزلت ضليت فوك اتكرض وخايفة
كمال:-يمممممة كاااااااافففففي كافيييي والننننبي
اذذذذااا عدتي السسسالفة هاااي بعد تشوفين شي ماشايفتة
بيداء:-يا ساقط يا عار الزلم امداك وامدة البطن الشالتك
مو صوجك اني صووووجي
نزلت لان السالفة كبرت
ماشفت غير كمال شال التلفيزون وركعة
بالگاع صار طشار
وهو يصيح ويفشر
دفر التخم حيل انكلب ليورا
بيداء:-وللللللللكككككك ساححححححررررراااااتتتتتك شممممممسووووياتتتتلك گليييي
كمال:-معععععللللليييج لاتتتدخلين بححححيييياتي
ايييدددددي ماتنننننام عليها مرررة غيررر ملااااك
وشتررردين تسوين سوووي مامشششي بككككيييف احددد اني
عافنة وطلع رديت باوعتلها
وكلت:-يعني انتي ماتحبين تشوفين ابنج سعيد؟
شهالحقد؟
بيداء:-وووووولج بتتتت الكلبببب شنو حققققد
ملاك:-بت الكلب؟
سكتت احسها انتبهت لروحها
عفتها ورحت ورا مالگيتة برة معناها طالع
ضليت گاعدة ؏ مرجوحة الليل كلة
لحد ما اجة الساعة ب1
شافني وعگد حاجبة:-ليش كاعدة هنا
ملاك:-منتضرتك
ذب نفس ومشة بثگل وصلت يمة
ولزمت ايدة ومشينة سوة
باوع لغرفة خالتي واستغفر
صعدنة ليفوك اخذ ملابس ودخل للحمام
كلت ارتب روحي عاد بلكي يرتاح من يشوفني
متجهزتلة
رتبت وعدلت ورشيت عطر وعدلت الغرفة
وانتضرتة طلع ينشف بشعرة
وهو ساكت ذب المنشفة ؏ كرسي
وطفة الضوة واجة نام بصفي
وغمض عيونة تلمست وجهه بيدي وادري بس
مانايم اخذت نفس ونمت
وثاني يوم كعدت
نزلت مالگيتها بالمطبخ كلت همزين عاد
اطبخ براحتي
طبخت ونضفت الاستقبال والصالة والمطبخ
وطلعت برة مسحت الصبة وهي ماطلعت ابد
بعد احسن
اجة وقت الاذان صلينة ونزلت صبيت
الغدة
نزل كمال عگد حاجبة:-وين امي
ملاك:-بالغرفة ماطلعت
هز راسة وراح فتح باب الغرفة
صفن ثواني وبعدها دخل لجوة ضليت اباوع
ورا
طلع وهو يصيح يمة
و وجهه مخطوف
كمال:-امي ماهية
گلبي صارت نبضاتة تتسارع:-وين راحت
كمال:-ماشفتيها ابددد؟؟؟
ملاك:-ماشفتها من الصبح
كمال:-يالحسسسسيييين رااااح تتتتخببببلني
ركض لفوك
ونزل لابس ملابسة وبيدة السويج والمحفظة
عاط:-سددددي البااااب ولاتطلعين
هزيت راسي وطلع هو سديت الباب ورا
وضليت ادعي يارب ماصاير بيها شي
صعدت وسمعت تلفوني يدك
شفتها وردة شلتة:-امي ولج ماندري ويين ملاااك
ملاك:-اهدي ؏ كيفج بلكي هسه يلكوها وين رايحة قابل طفل
وردة:-اااااني اعرررف ليييششش هيييج تسسوي
اااعرف ليش ماتحب تشوفنة سعيدين ومرتاحين
ملاك:-شتعرفين وردة؟
سكتت
ملاك:-احجي شكو؟
وردة:-رندة تدك علية روحي خلي اشوفها
طبگت الخط وعقلي ضل يدور شنو الي تعرفة؟
اعرف انو هي تريدة يزوج بس كمال ماقابل
قابل تجبرة؟ اكيد لا!
ضلت الحيرة بگلبي
وكل ساعة ادك ؏ وردة وهي تكول ماندري وين
بعدها
للعصر يلا اتصلت وردة وكالت
لكاها ببيت رندة
ملاك:-شوداها لبغداد؟
وردة:-مادددرري انننني ادري بأمي اوف يا ربي اوف
شوية وطبگتة
ضليت وحدي بالبيت خايفة
لليل يلا انفتح الباب دخل كمال بس خالتي
مو ويا؟
ملاك:-ها يروحي
كمال:-راح اتسودن
ملاك:-جا وين خالتي؟ ليش ما اجت؟
ذب نفس واني اشوف انفاسة
سريعة ويغمض عيونة بتعب
كعد ؏ ميز الطعام
اخذت كلاص ماي شربة كلة وضل يباوعلي
بنضرات ضايعة ومُشردة لزمت وجهه
بكفوف ادية وهمست:-دتتعب وياهم هوواي بس
لاتتصور بيوم اعوفك وحدك
بهذا تعبك اني وياك كمال
غمض عيونة وهمس:-جاي تأذيني وتتعبيني بالزايد
ابتعدت وكلت:-ليش
ابتسم مجاملة حتى ما حسيتها
طالعة من گلبة شالني وگال:-شايلة هذا
الجمال كلة وتكولين ليش؟
اخذني وصعد لفوك نضحك
جانت لمساته متوترة وخايف كل شوية
يبتعد ويصفن بوجهي لو يهمس
بـ ما اعوفج انتي الي وبس
هاي الجملة كررها هواي لحد ماتعب
ونام بصفي
وانفاسة السريعة تلفح رگبتي
نمت خايفة من المستقبل وشنو راح يصير
غير كل هذا؟
معقولة من اكعد تتغير حياتي؟
باجر؟ لو عگبة؟ لو بعد سنة؟
للأبد؟...
وضل كمال يومية رايح جاي
لبغداد وخالتي ماتجي ويا السبب شنو ماعرف
اسبوع ضلت
لحد ما صادف يوم جمعة
الصبح كمال حلف يجيبها حتى لو ماقبلت
وجان عصبي حيل خفت يتعارك وياها كلش
وتصير اشياء ماترضى حتى رب العالمين
وفعلاً الضهر اجو جانت مبتسمة؟
وكمال وجهه مايگصة الطبر
ماسلمت علية عافتني ودخلت لغرفتها
صعدت ورا كمال لگيتة يبدل:-شصار؟
كمال:-ماصار شي راح التحق كم يوم لان اخذت
اجايز هواية ديري بالج على نفسج
باس گصتي وانطاني فلوس
وراح بدون مايباوع لعيوني؟ ليش؟
كلبي نغزني
ضربتة حيل وصحت:-مو وكتتتك مووو وكتتتك
ومرت ايام وكمال ما أجة
ضل تقريب الخمسة ايام
خالتي طول الفترة ماتحجي ولا توصل ولا تسولف
بس اشوف التلفون بيدها وتخابر ماهتميت
مرت اشهر طويلة بحدود الخمسة اشهر
وبيوم
خالتي مستعجلة تركض منا ومنا
ومن سألتها:-خالة شكو؟ اكو واحد راح يجي؟
صفنت بوجهي ثواني وکالت:-لا ماكو شي
اختي واجبة واريد اروحلها
هزيت راسي وسكتت وصعدت فوك
شوية واندك الباب صحت ادخل
دخلت وردة مبتسمة وبيدها علاوي
ملاك:-يمممة حبيبييييي صار هواي ماجاااي ليش
ضحك وضل يكمز شلتة وبستة
بخدة حيل ومديت خدي:-بوسني
باسني صحت:-حيييل حيييل
بوسني هواي وصوت البوسة يضحك
ضليت حاضنتة و وردة تباوعلنة وتضحك:-هاي
شو بسرعة باع أمه
ضحكت وكتلة:-اروح سبع فدوات لوجهك الحلو
ضم راسة برگبتي وشعرة
الأشكر ؏ وجهي وخرتة وباوعت لوردة
متأنقة:-وين ولج؟
وردة:-ويا امي رايحة
ملاك:-ها اي كالت واجبة ، علاوي تخلي يمي مو؟
بلعت ريگها وكالت:-اي خلي اتبهذل ويا
ملاك:-اي خلي خلي اتونس وياه
يمة فديتة الحلو شو باوعلي علوششاااتيي وللكك
يضحك بصوت عالي واني اسويلة تي
هي عافتنه ونزلت ونضراتها؟ ليش هيج تباوعلي؟
نساني علاوي وضليت العب وياه
جايبة هي غراضة والعابة
شوية وفتحتلة التلفيزون وطلعتلة طيور الجنة
ضل مندمج يباوع
دخل كمال وباوع لعلاوي:-يبعد الخوال واني اكول منو منور البيت اليوم
شالة وضل يشمر بي ليفوك
ابتسمت لشكل علاوي يضل يشهك فرحان
كمال:-ولك ماتستحي كاعد يم مرتي؟؟
علاوي:-اعاب (العاب)
نزلة وكال:-يلا العب
توجهلي مبتسم وجر رجلية خلاني اتمدد وصار فوگاي:-وانت يحلو وتالي وياك؟
حاوطت رگبتة وهمست:-وتالي وياك انت شلون بحبك الموتني؟
نضراتة تحتضني
وتطمني دفن راسة برگبتي وضل يبوس بية
واني عيني ؏ علاوي خاف ينتبهه
وخرتة عني وباسني بشفتي بادلتة
وابتعد يلهث بلع ريگة وضحك ولعب بشعرة
كمال:-كومي اكويلي قميصي الأبيض
راح اطب اسبح
هزيت راسي وكتلة:-تمام
راح للحمام واني كعدت اكوي قميصة
واغني
طول هواية بالحمام
حضرتلة ملابسة وساعتة وحتى العطر مالتة
طلع من الحمام لاف المنشفة ؏ خصرة
ملاك:-اني مو كايلتلك من تدخل اخذ ملابسك الداخلية
وياك؟
غمزلي:-ليش شني ما شايفتنه
شايفة وشابعة
ضربته بالدبدوب مال علاوي وضحك
وهو بدل ونشف شعرة ومشطة عدل
واني رشيتلة عطر ترستة ترس
ليش يملاك ليش؟
لو ادري؟ والخافي اعظم...
باسني وهمس:-احبج للموت
لزمت كلادتي "اجنحة الملائكة" وبستها:-واني
هم
ضحك ورجع باسها وطلع نزلت سديت الباب
وراه وصعدت وضلينة نهوس
اني وعلوش
وطلعتلة حلويات و عصاير وضليت العب وياه
لحد ال8 بليل يلا اجو كلهم
ماسألت وين جنتوا اصلا لان ادري
بيهم عد اخت ام كمال هم مالحيت
ولو ادري جان لحيت
والزمن غدار....
ومرن كم يوم بس كم يوم
العصرية متجهزة ومتحضرة كال كمال وهو متوتر
خوالي راح يجون وجدي هم
حضرت العصاير والكيك بصواني
خالتي مبتسمة
اول تالي تفرح بجية خوالي
المهم اجو كلهم حتى خالاتي وبناتهن
وامي وراهن وخواتي ضحكت حيل وبوستهن
وشبگتهن جنت مشتاقتلهم هواية
لان مارايحتلهم من زمان
دخلو للاستقبال واني لابسة كلبية
ماروني وبيها ذهبي
وفالة شعري ومكياجي طوخ
ماكو ولد الحمدلله
تصرفت براحتي
اخذنة الضيافة اني وكمال و وردة هم
وزعتهم ؏ كل وكلهم يباوعولي
گعدت بين امي وخالاتي واحنه نضحك ونشاقة
والضحكة مو دائماً تدوم...
جدي:-ملاك بابا
باوعتلة مبتسمة:-ها جدو
جدي:-تعالي يمي شوية
رحت گعدت بصفة واني ابتسم
حطيت شعري ورا اذني
وباوعتلة:-ها جدو اكو شي؟
كرص خدي وباسة ابتسمت اكثر
وخدودي وردت خجل:-اريد اكلج شغلة
الاستقبال صار هدوء والكل ساكت كمال
گبالي مدنك
گلبي انقبض وماحس بنبضاتة گمت
بلعت ريكي وگوة طلعت كلماتي:-شكو جدو
لزم ادية الترجف وگال:-احنة نعرف كلنة بقضاء الله
وقدرة ونعرف بيدة كلشي وحامدين الله وشاكرينه ؏ كلشي مو صح حبيبتي؟
بلعت ريگي وهمست:-اي والحمدلله
جدي:-الراح اگولة هو شرط من شروط رب العالمين
وگتلج متفهمين كلشي واكو عدل واكو ميزان ؏ اي شي
قاطعة كمال بگومتة وطلع لبرة
استغربت ضليت اباوع ورا ردت اكوم
وجدي لزم ايدي حيل وهمس:-عوفي
دموعي صارت تلالي بعيني:-جدو احجي كمال بي
شي؟ شصاير؟
درت وجهي لامي وخالاتي:-شكو احجو
زاد بُكاء أمي؟
ملاك:-ليش تبجين يمة شكو وردة
دنگت راسها مغمضة
كلمات مثل السم السمتني
مثل النار الحرگتني
مثل السهم الطب بخاصرتي وطلع من الجهه الثانية
جدي:-خطبنة لكمال
باوعتلة دموعي تسارعن بالنزول
وحدة تكول للثانية اني اسرع منج
ضحكت بصوت عالي:-دتشاقة اكيد؟
دنك جدو راسة والكل ساكت
مسحت دموعي وزادت شهگاتي امسح
دمعة ينزلن مية:-جدو احجي شو باوعلي لاتدنك
لاااااا تددددددددددننننننككككك كوووولوووو مايتزززوج شلووووون يتزووووج واني؟؟؟؟؟؟؟؟
حسيت روحي بين ادين امي ، اسمع صوت
وردة ، خالاتي ، خوالي ، جدي
بس اذني صوت صفارة بيها
واذني الثانية كلمة"خطبنالة" شلون يعني؟
دفعت امي وطلعت لبرة باوعت
بالصبة ماكو
ركضت لباب البرة وفتحتة لاهمني شارع
ولا همني رجال يشوفني بدون حجاب
همي هو؟ شلون گدر؟
جان واگف بالباب عيونه دم وبصفة امير
بسرعة دنك وراح لغير جهه
باوعلي ودفعني حيل وطبك الباب
ملاك:-السمعتة مو صح اكيد؟؟ ديشاقون مو كمال
انت تحبني
مساع مو كتلي اموت عليج اي كتلي اني شفت
شفت عيونك تحبني ششششششففففففففتتتتتت
سسسسمممممممعتتتت انتتتت انتتتت گتلي گتللللي احبببببج لييييييششش
ضل يحاول يلزم ادية
يحضني
لو يهديني؟
تهديني؟ اكتلني؟ ولو انت كتلتني وماقصرت
واحس نار يطلع من راسي
گمت اشوف غواش
صورتة هو وعروستة المجهولة بدماغي انطبعت؟
منية؟
وماحسيت بشي بعدها ولا اريد
احس لوني ميتة ولا گاعدة
فتحت عيوني وهمست:-اني جنت بالحلم مو؟
أيمان:-يمة ملاك ولكم سووودةةةة بوووووجههههي
راااااح تموووت بتي يممممة
انهار:-طلعيييها طلعي أيمااان ماتشوفييين حالتها صدكك بلا
وردة:-انطيني عطر
حسيت بأيدها يم خشمي
دفعتها وگمت دخت بسرعة ولزمت الجرباية
ورجعت گعدت
أيمان:-ملاك يمة باوعيلي انتي زينة؟
ملاك:-ايييييي ززززززييييينةةةة بنص الخير اصلا ماجاي تشووفين؟؟
وردة:-كافي ملاك
باوعتلها ونزلن دموعي:-انتي اخر وحدة تحجين
امدة رجلية الصارن خيوط علمووووددج وانييي افترررر واوااااسسسسي بوكت كلها عافتج وبس اني ضليت وياج امدددداااااني يانذلة ماشفت بحقاااارتج وانتي رايحة تخطبين لأخوج ولج مامرت صورتي ببالج؟ تعبي تعبي هذا كلة ماوگف بعينج؟ ماغزر؟
بس هو لو مغزر ويا اخوج يغزر وياج
دفعتهن كلهن وفتحت باب كنتوري
جريت جنطة وضليت احط الملابس بعشوائية
مثل المخبلة
مثل؟
هو اني تخبلت رسمي
انفتح الباب وسمعت صوتة:-ملاك
ملاك:-اطلللللعععععع بررررررررررررةةةةةة بررررة
تقدم رجعت صحت واني رافعة اصبعي كبالة ويرجف:-لاتتووووصصصصل ديررربالك اكتل روححححي والللله
وگف بمكانة محتار لميت ملابسي
مدري شلون جريت عبايتي ودموعي تنزل وامسحهن
لزمت الجنطة وكلها تصيح وراي
ملاك:-يلا يمة امشي
اجت بهمة واخذت الجنطة من ايدي
هو ساكت يباوعلي وما باوعتلة اصلا
نزلت ولكيتها كاعدة وتباوعلي تقدمت
واني شايلة بگلبي نار تلسع احر من الجمر
صحت وصوتي متقطع:-الله لايوفقج ولاينطيج
بجاه كل من عندة جاه بجاه مرضي هذا
الله يحرك گلبج مثل ما حرگتي گلبي ولاتشوفين
يوم خير بحياتج
فتحت عيونها بوسعها وجدي صاح:-لاااا ملاااااك
خزرتهم وعيوني دم وطلعت
وخواتي وامي وجاسر وراي يمشون
وهو هم
مشيت كبالهم سريع وهم يردون يلحگون بية
دكيت باب بيت اهلي قوية
وفتحة اول شمات بحياتي ضحكتلة:-هو
انتَ الخربت حياتي اضحك اضحك براحتك
وهاي ملاك رجعتلك
جرني من عباتي ضحكت:-اكتلني ابوس ايدك
طلع حركتك بيه وخلي ناري تطفة
جاسر وامي بعدو شكد حاولت استفزة حتى
يضربني بس هم وخرو وهو ضل يصيح
جرتني ملك وصعدتني فوك واني مثل الطير
المذبوح يجيبو منا ويردو منا
دخلت للغرفة ودفعتها رادت توكع بس توازنت
وضلت تباوعلي بقهر رگعت الباب حيل وقفلتة
وكعدت ورا:-ليش ليش مو اني حبيتك لا مو معقولة يتزوج؟ يعني يعوفني؟ ههههههه اكيد لا شلون كمال اني احبة هو وهو يحبني يموت علية اكيد اني بحلم جاي احلم شو خلي اكرص روحي هسه اكعد
ضليت مغمضة واكرص بزندي واهمس
يلا ملاك اكعدي اكعدي
فتحت عيوني اني مو بحلم!
ملاك:-ليييييييييييشششششششش يالللللللهييييي ليييييييييييشششششششش محددددد ووووووييييااااااي مووو انت تكوووول انت اقرررب من حبلللل الوووورييييييد ووووووين جاييييي اموووووت ياررررربي موووووتننننني ماجاي تنصصصف حااالي باووووعلي اني هم وحدددة من عبادك جاي اموت ياربي جاي اموت
جا والرسايل والصور والحيل أحبك وينهن
جا والعيون البجتلك ؟
والدرابين الخذت صوتي ومِشتلَك ؟
شنسَة منك ؟
حِدة الصوت وسمارك
والحچايات الحَنينة؟
شنسة؟
گمت واني بداخلي نار القيامة
كسرت كل غراض خواتي كلشي كسرت
صارت ايدي تجري دم
باوعت لروحي بالمرايا
وبيدي العطر:-هههههههه هذا حااالج يا ملاك؟ الشعر مكطع وحلكي يجري دم وكلشي بية يجري
هو هذا حالج؟ هو هذا الكتلتي روحج علي؟
شمرت العطر ؏ المرايا وصار الكزاز بكل
مكان
ضليت اسحك وطبن برجلية
بس ما جاي احس؟ انكسر الباب ودخل جاسر
جرني من زندي وصفگني
راشديات:-وووولللللج انتتتتتي مخخخخخخببببلةةةةة
دفعت وصحت:-وخرررررر انتتتت همممم انتتتت اتفقتتت ويااااهم ولك ماگلللللت اختتتتي شلووون ولكم محد عار وگ.... حننن علية شمسويتلكمممم؟ فهمووووني
دفعته وباوعت لأمي:-ها وانتي ست ايمان
تبجين؟ ليش هو منو الوصلني لهذا الحال غيرررج؟
منوووو الوووووووصصصصللللني لهذذذااا الحااااال
غيرررررج غيرررررج فهميييييننننننني بسببببب غبائج ولا شخصييية ولا كراااامة بسبببببج انتتتتتي تعلققققت بي لاشفتتتت حبي من ابووووية ولا شفت رجال يعتني بية غيررررة وتااااالي هو هم خان هم صار اسوءءء من ابويييية
وكلللله هذذذذا سببببج انتتتتي دمرررتينييييي واخرررهاااا اتفقتي وياااااهممممم علمود دماري؟؟
عادي عندح بتج تتدمر؟ عادي مايهمج
أيمان:-مو هيج يمه والله مو هيج
ملاك:-اطلللللللععععععععييييي بررررررااااااا حتتتتتى حررررامممم اباااااوعللللج اطلللللعييي
جاسر:-ولجججج كاااافي تخبللللللتي
ملاك:-اطلعوا اطلعوا كلكم ماريد اشوف قندرة منكم
اطلعوا يلا بررررا لاتبجيييين كبااااالي وانتيييي السبببب اطلعووووا كلكم يلا
ضل جاسر يسحل بأمي
ويريد بطلعها وهي متقبل دفعتها حيل وگعت لورا!
لوين وصلتي يا ملاك لوين
تدفعين امج؟
جنت مو بوعيي ولا احس بالجاي يصير
اني ليش هيج تصرفت
رجلية خلص دمهن دخلت وصارت براسي
هوسة تراجعت لورا
وگعت ؏ جربايتي
ملجأي ورجعتلج؟ واني هم مكسورة؟
ليش من ارجعلج دوم مكسورة؟ انتي دوم تحتضني
ورحت بغير عالم
عالم جنت محتاجتة فعلاً
لوين يلا فزيت احس بدوخة مو طبيعية براسي
فتحت حلگي احس ماكو نفس
كلبي دگاتة سريعة
گمت وشفت رجلية متلفلفة
ماكو صوت هدوء؟
هذا الهدوء يذبحني اكثر
وباوعت للغرفة
عليمن تدورين ملاك
منو يوكف وياج؟ كلها اتفقت عليج حتى امج
نزلت من الجرباية كوة امشي
والزم بالحايط والدوخة بعدها براسي والغواش
ميروح
نزلت باية باية
محد موجود
فاتت نجلاء من يمي همست:-وينهم؟
وهي تاكل لفة ببرود جاوبتني ياريت
هذا برودج عندي يا نجلاء
نجلاء:-اخذو امج للمستشفى
ملت ؏ حايط وضليت لازمتة
روحي كامت تلعب غمضت عيوني وكلت:-شبيها؟
عضت من اللفة وحجت:-تخربطت هنا واخذوها
وهسه خابرني جاسر
ملاك:-اي؟
نجلاء:-صارت عدها ذبحة....
