رواية ليتك قدري الأول الفصل السابع عشر بقلم رفل الكناني
بنجوني ورحت بغير عالم ما كعدت ال عل الألم العمليه وسحبت السديه وبعدها انحضنت من يم صدري ونشلت من عطره عرفته سلام شالني هوه وحذام من يم رجليه حولوني بمكان ثاني واسمع صوتهم فقط ماشوف حذام يكله
لك اختي مسنفره بغير عالم
اي خطيه الله يعينها
سلام حضر نفسك هسه حتكعد تقسم عليك
لاعلى بختك راح اضل يم راسهه حتى اصم حلكهه اخاف دكوم تقسم عليه بالذات
هاااا خالي لازم تدري بنفسك موراحهه ههههه
لك اسكت والله دتسمع يمكن هسه حتى اذا موبالهه راح تذكره
اسمعهم واحس جسمي ميت وبارد ثلج وحلكي يابس وطعم البنج خانكني وصوت الأطفال امي جابتهم اريد افتح ماكدر صحت : يممممه
الزمي هديل كعدت هباوي
هااا بنيتي الحمدالله عل سلامه
يمممه جبت
اي يمه الحمدالله وذولي جهالج بصفج واحد بيد ابوه واحد بيد عمته
بديت افتح بس غواش اشوف سلام اجه يم راسي
هاااا ام يوسف الحمدالله عل سلامه
الله يسلمك وينهم
هذا يوسف بيدي شوفي
ماكدر بس غواش داشوف
اي هسه ان شالله شويه وتصحين
سمعت صوت بارق
هااا سلام اني رايح انطيني ابوس هذا الحلوة
روح حبيبي الله وياك مقصرت
ادلل يله فيملاء
الله وياك
تلمست شعري طالع عزززه يعني ماكو شي عل راسي من دخل بارق
سسلام
هاا عيني
ليش اني مفرعه يمممه وين شالي
هذا يمه والله نسينتا من الخبصه
تخله شي عل راسي متأكده الشال بس شذكله مدري اني هيج احس ..احس نفسي صخره شكبرهه بديت أتلمس بطني فارغه وبس البلاستر دالزمه شويه شويه ال ان بديت اصحى فدنوب صحت كعدوني سندوني سلام وحذام كعدوني وامي خلت مخاد ورايه حذام باس راسي
الحمد الله عل سلامه يالغالية
الله يسلمك عيني
فدوه لعينج لج هذولي شنو الجايبتهم غير ينكرطون
وينهم اريد اشوفهم هديل سحبت الحاضنه بصفي بوستني وتحمدتلي بسلامه اباوع ياربي معقوله اني جبتهم يممه يخبلون جنهم ملاكه ونايمين
سلام شوف شلون حلوين
كال حذام
احم احم يشبهوني والله غير اني خالهم
اي حبيبتي يخبلون
يمه نطيني اشيلهم
انطتني واحد ماعرف ولد لو بنيه ثنينهم نفس الشكل ماكو اي اختلاف كتلهم شلون راح أعرفهم كلهم ضحكو كالت امي
يمه اني كمطتهم الكماط الأبيض هذا ولد والوردي بنيه
يعني بيدي الولد
كال سلام : اي بيدج يوسف
سميته يوسف
اي حلو
اي حبيبي حلو والبنوته
هاي انتي سميهه
شميت يوسف حيل وبسته همست بذنه ان شالله دخولك الحياتي خير عليه بعدين اخذت البنوته غمضت عيني حيل وشميته وقررت اسميهه نوره بلكت تنور حياتي
سلام سميتها نور
براحتج حبيبتي هم حلو
أخذهم واحد وره الاخ عل صفحه اذن بذنهم ورجعهم للحاضنه عيوني تدور بينهم وبلغرفه امي دطلعلي ملابس وهديل هيه وحذام واحد عينه عل ثاني شويه وترخص حذام وراح وامي كالت يمه بدلي باوعت اكو حمام مبين داخل الغرفه أعتقد مخليني بجناح الخاص
يمه اني ابدل بس كوموني
وين ترحين
للحمامات اغسل
تكدرين
اي ان شالله
ياله يالله تعاي هديل ساعدينه
كوموني واني قويت نفسي وعنتهه وصلوني للحمام امي كالت الهديل ابقي يم الأطفال واني افوت وياه دخلت غسلت وبدلت ورجعت كعدت امي تصلي عل نبي متعجبه عليه دكولي يمه لاصحتي ولاطلعلج صوت الحمدالله ادري بيج متوجعه بس بنيتي قويه ومتحمله الألم والله سباعيه وفعلا اني جنت اضغط عل نفسي ومتماسكتهه سلام يطب ويطلع وكل شويه يوكف يم الحاضنه يباوع عل اطفال من البدايه نطيتهم مميات لان اكيد ماكدر ارضعهم صدري وهم خطيه انطي واحد واعوف واحد خليتهم عل حليب احسن امي سوت الممات وهيه ترضع واحد وهديل دترضع واحد وجان ديخلون مهند و إيناس سلمو عليه وباركولي وشالو الأطفال وبوسوهم وكعدوو تقريبا ساعه بعدين مهند شال كلمن ورقه وخله بكماطهم سلام ماقبل واني ماقبلت بس هوه كال اني عمهم وهاي هديه معليكم انتو وراه سلمو وطلعو
هنا اني بعد ماكدرت عيوني كامن يوجعني من النعاس وعفت كولشي ونمت وين ال كعدت سلام ممدد عل قنفه ونايم وهديل لازمه الحاضنه وصافنه
امي خطيه نايمه عل قنفه الثانيه
هااا هديل حلوين
يخبلون ماشالله
حبيتيهم
صدك تحجين غير متت عليهم انوب حجايته دك براسي
منو ولج
حذام من كال يشبهوني هذوله راح اكابلهم
هديل يعني متجوزين انتي
ابد والله حذام هوه وروحي
عزه بعينكم واني اشوفكم خانسين عبالي تركتو بعض
للموت وعيونج بس متنانين الظروف تتحسن
الله كريم
شحاجيهه اذا اخويه هم مجلب بيهه اووووف عبالي فضت من ذاك اليوم بس طلعوو جنهم متفقين لهناك واجتي ام رقيه هيه وخلدون وهذا بحث آخر خلدون ميسكت بس مكشر ويحشش
لالا ابد ماصدك يعني عود صدك جبتي ثنين يمعوده هلكدوتج طلعتي داهيه
هههه خلدون اسكت مابيه أضحك عمليتي
عمي واني شكايل هاي النسوان الزينه الجيب بجمله
جاوبته ام رقيه : ولك صلي عل نبي
عليه الصلاء والسلام بس والله هبه تفتهمين كسر بجمع ثنين وابوج الله يرحمه ههههههه
كعد سلام : لك خلدون سطرتي صوتك يلعلع.
إي عمي شعليك نايم نايم حقك يابه بعد متتحاجه صرت ابووووو يوسف وابوووو نور مره وحده
هههه
كام عليه بوسه وباركله هم كعدوو شويه وام رقيه نطتهم واجب كل واحد خمسين وطلعت سلام لليل راح للبيت بقت بس امي وهديل واني انام واكعد من التعب آخر شي عفتهم يبدلون للأطفال ونمت ما كعدت ال الغرفه ظلمه بس ضوه خفيف من بردت الشباك وصوت همس درت راسي وغمضت حيل وفتحت لان من الظلمه واني نعسانه كوه داشوف شفت هديل وحذام حاصرها عل قنفه ويبوس بيه ثواني ركزت هاي حلم لو اني كاعده وهيه دفع بيه وهوه لاطش عليه كحيت بتعمد وهيه تباوعلي ركضت عل الضوه شغلته خزرت حذام رجع خزرني اباوع امي بسابع نومه
هاي شجابك
ضحك
حذام تره عيب ولدتسوي غلط عيني سلام مامن اخته بايته يمي وبلمستشفى يعني ليش مصمم تهجم بيتي اجه عل غفله وشاف مثل ماني شفت شيكون موقفي
إي والله هبه احجي وياه
انتي سكتي حسابج بعدين انتي لو صدك جان من اول
مااجه كعدتيني
دنكت
كام كعد يم راسي حذام
صوتج لتكعد امي شبيج مشتاقلها وماعندي فرصه بعد اشوفه غير هاي واجيت
ميصير حذام عيب يااخي خاف الله هاي بنيه يعني لو غارك الشيطان والغرفه شوف شلون جانت ظلمه جان مسويت مصيبه
وداعتج ماسوي بس هاي هيج والله من كد ممشتاقلهه
حذاب والله انت موشفتها اليوم بعد عل شنو اجيت كوم روح يله ليجي أحد وتصير سالفه بهليل
صار بس اعصابج رايح والله بس احجي وياهه شويه
حذااام كتلك روح تره حيل مصختهه
هذا الحجي كله وهيه مدنكه كام ديطلع وصل بالباب باوع عليهه ركضت عليه بكل عين وحكه مدري شكللها باسه من راسه وطلع
كاعده واحس دمي يغلي هذا يسموو استغلال هيه استغلت نومتنه وهوه استغل وجودنه واجه خزرتهه تقربت يمي
هبه بس خل افهمج
شتفهميني لخاطر الله اني لو ادري هيج والله العظيم ماخليج تبقين يعني هذا الصار صحيح بنظرج
والله العظيم غلط بغلط
لعد لمن تدرين شلون قبلتي
والله ماقبلت بس وين اكدرله وماكدر ازعله
هوه مواخويه بس طبه مرض وإذا زعل انتي بنيه وكل تصرف محسوب عليج شلون تنطي مجال يعني داتعجب عليكم انتو مو جهال هوه اكبر مني واني هيج احجي عليه من وراه سوالفه وانتي موصغيره كلشي تعرفين يعني متدرين هذا الشي ميصير وين احترامكم النه موهاي امي نايمه مو اخوتج نايمين ومامنين انتي يمي
والله اني معليه هوه اجه
اي كعديني ميخالف اكعدو احجو موهيج تتمادون عيب هديل اثكلي حلاث لبنيه بثكلها عبالج هسه هوه حبج من نطيتي مجال لا والله لو معارضته ومعاركته جان حبج اكثر هديل كافي عاد تره مالي حيل مشكله جديده الله يخليج
عيونها دمعت وركضت للحمام صحيح قسيت عليه بالكلام بس احسن حتى تعرف السوته غلط جان كدامهه كومه طرق دكعدنه بيه ابسط شي تشغل الضوه مو مستمتعله وتدفع بيه وهوه لازكلهه
الأطفال بجو وامي كعدت واني كلبت وجهي على هديل
باوعت الساعه 1ونص شلون اجه بهل وكت والله النسوان يوكعن اكبر واحد للصبح مانمت بعد طار النوم من عيني وهيه نامت وامي هم نامت بس كل ميكعدون الأطفال اكعدهه عاد ثاني يوم اجه سلام الصبح وطلعني لبيت اهلي وصلوني وتلاكتني اساور هاااا وشلونج ومدري شنو بس شايله بكلبي عليها لا جتي لا سلت لاكالت حماتي ولاحتى عصام عفتهه ومددت كلي سلام راح اروح اوصل هديل وعود امرلج العصر لان أريد اذبح جريان دم ليوسف ونور كتله براحتك من ديطلعون هديل بوستني واعتذر ووعدتني متناعد وراحت بيومها خلصته بس نايمه وعفت حتى الجهال عل امي
لليل ال اجه سلام كعد يمي والجهال هوسه اصلن جهال عصام تخبلو عل التوم مكابليهم خليت يوسف بحضنه ونوره بحضني احسه صدك فرحان بيهم
لج هبه ذوله شلون شوفي يبجون سوه ويسكتون سوه
اي فدوه
يبوس بيهم واخذلهم صور بفونه
المن راح تشوفهم
دنك وكال : الامي
صحيح هيه تصرفاته موزينه وياي وضايجه منه وكارهته بس تبقى امه مكدرت خاطره جاوبته
عادي حبيبي هسه نرجع للبيت واخليهم بحضنها بلكت الله يهديه عل عينهم
جر حسره بتعب وكال ان شالله عاد وراهه راح اساور من ثاني يوم راحت لاهلهه وعصام كل عاده ماشوفه قليل حذام كعدنه مره ثانيه وحجينه كلي اني جبرتهه واني رايدهه بالحلال وماعوفه لو تصير دمايه بس وعدني ميعيد السواه
امي خطيه ظهرهه نكسر وياي رغم اني قويت نفسي كمت اغسل ملابسهم ومماتهم بس هيه اكثر تركض عل بيت وعليه وعليهم إم رقيه تخابرني يوميه وايناس هم خطيه سلام يجي كم ساعه ويروح بقيت 10ايام يم اهلي لحد مفتحت الخياط ولميت غراضي ورجعت ويه سلام جنت حايره شلون اشيلهم سوه وهوه يسوق وامي بعد طردت عمتي الها مستحيل
اطب بيت عيالي عاد نزل سلام بالطريق اشترالهم كرسي حمال صدق خوش اختراع هذا وخليتهم بحضني وهمه بي لحد موصلنا للبيت وقبل مننزل لزم ايدي كلي سلمي على
امي وخلي الجهال بحضنهه
كتله اكيد
نزلت وهوه نزل الغراض تلكتني هديل اخذتهم وركضت لغرفت عمتي هيه كاعده عل سريرها خلتهم بصفها واني توجهت عليه سلمت وكل عاده من وره خشمهه بس
الأطفال لا عمده بقيت واكفه داشوفهه شتسوي شالت نور باستهه وبعدين يوسف هم وهمه بحضنه تباوع عليه وتنصي كلت خلي اخليهم يمهه تأخذ راحته دخلت الغرفتي يبوووو مكلوبه عبالك صارلهه شهر ممنظفه موعشره ايام ملابس سلام مطشره والنفاضات مليانه جكاير والميز مطشره الغراض العطور والمشوطه دخل سلام كتله
هاي شنو الغرفه
حبيبي غير انتي ماكو
خوما هيج شلون دتنام بيهه
شسوي لعد يله البركه بيج
اباوع يربي عود هاي صدوك يعني هديل مكدرت تنضفههه خره بحضي انوب تريد تصير جنتنه نيالي والله نيالي اول شي لزمت كل الملابس وكبل بلحمام حتى فرشت الجربايه بعدين فتحت الشباك ورتبت الميز لميت الجكاير والهوسه جبت المعطر ومسحتهه وشغلت القرآن ال الغرفه تنفست ظهري نكسم انوب رجعت رتبت الجنط وغراضنه وسرير الجهال جنت مشتريتها قبل مااجيب بس فرشته عاد اجه سلام شايلهم محللين نطانياهم بدلتلهم ونيمتهم وهوه ممد عل جربايه وكل شويه يكول عمي شمسويه بلغرفه هسه الواحد يشتهي ينام بيها
اجيت اشويه يمه جنت صدك مشتاقتله وهوه هم بس بعدني نفسه خلصها بس حضن وبوس لحد ماكعدو
اكولج اني شفتهمت وين لحكو ينامون
اي همه ذوله هيج نومتهم
دكومي عليهم
كمت سويتلهم ممات ورضعتهم هوه طلع شويه واجه كال جيبويهم خل يشوفوهم عمامهم طلعنا اني وياه كلمن شال واحد لكيناهم كلهم كاعدين سلمت وانطيت نور جانت بيدي لخلدون وهوه يصيح يخاف يشيلها بقيت لازمتها بس ذاك العكره بارق لا عادي خله يوسف بحضنه ويلعب بخشمه
وهوه ينوص عمتي تباوعلي صفح عفتهه ماهتميت لحد منعسو شلتهم للغرفه نيمتهم وهم شويه وكعدوا ومن ليلتهه بدت المعاناه اثاري جانت امي وياي وماحس عليهم اليل كوله يبجون وسلام يخلي المخده عل راسه
يمعوده عندي دوام سكتيهم
سلام شكدر اسوي اصم حلكهم
وتالي
نام يعيني شتريد منهم
وهذا الصوت لخاطر الله
اي قابل وين اوديهم
للفجر اسكت واحد يبجي الثاني تعبو ال نامو حطيت راسي دانام كعد سلام يحوص ويحضن عرفته شتريد فهمته بان ميصير ماقتع ضاج وطلع انوب اجه كومي مشيني للدوم كمت طلعت ملابسه وداسوي ريوك اجه خلدون كعد كال
اي والله وعاشت ايدج من رحتي لهلج متريكنه احنه منتريك اذا انتي مموجوده
دكعد لعد تريك
رحمه الله والديج
والديك
رتبت الميز واجه سلام هم وبارق هم حتى هديل كعدت بس سلام مبوز كلت اشتغلت رحمه الله من اليوم كملو وطلعو والجهال كعدو وعمتي تصيح الجايفه عايفه الريوك وطابه بغرفته ووووووضلت تخرط واني مدري اسكتهم مدري ارضعهم مدري ابدللهم راسي صار طبل والليل منايمته ال شويه ابجي مدري شلون سيطرت عليهم ورجعت نومتهم بالف يالله وركضت عل بيت وعل هدوم البارحه غسلتهن اركض جني مخبله ولاعبالك مسويه عمليه وهيه تنغز بيه واني اكابر للغده بعد كل حيل مضل بيه وغصبن ماعليه
لازم اسوي وال شيخلصني من عمتي عل هذا الركض هيج خلصت الايام والله العضيم الفون ماكد الزمه واخابر اهلي اصلن طافي ومادري بي وين امي تخابر عل سلام احجي
وياها دقايق من بجي الجهال وسلام جنه جاهل يزعل عل شغلته وتوصل بي الدرجه كام يعاركني ويعوف الغرفه ويطلع ينام بلهول كسرت النفاس والحرام ورضيته ال شويه فك وهم مراضي يكولي الجهال ميخلوني اخذ راحتي ادري يعني شنو بيدي اذبهم مثلن عمتي مالها شغله بيهم لو ينطون وهديل تتحجج بلدراسه ام رقيه جتي كم مره شافت هيج حالي كالت عمي الله يعينج اني كبار وساطريني طلعت الأربعين ونشنشو صار يخبلون بس بعدهم خبالات خصوصا بليل
سلام كام ينام بلهول يوميه ويجي قبل الدوام عل حاجته هذا اكثر موضوع جنه نتعارك عليه جنت انجن من عمتي تضرب بيه بسامير
خطيه سلام حاله حال بارق وخلدون ولاعبالك متزوج اكو متزوج ينام بلهول سوده عليه وليدي
جنت اشتعل وانطفي ومحد يدري بيه ومن يجي اعاركه ميهتم يكولي اني عندي دوام وانتي وجهالج اليل كوله
عندج سهره
لعد ليش تجيني تركض عل حاجتك
غصبن ماعليج ليش تخليني اسوي شي ميعجبج
كلامه خوفني خصوصا هل فتره صاير هوه وعمتي مره
تكب للستار ومره دهن ودبس اكثر من شهرين على هل حال فحاولت شكد ماكدر اسايره وارضي بس كله راح هباء منثورا بذيح المغربيه الكشره من حكمتني اغسل المدات يمعوده عمه خليهن لباجر الصبح لا ال هسه همزين الجهال نايمين جانن 4مدات عل طول الكراج من طبكتهن صار عبالك زوليه شغلت المي وبديت اغسل اغسل اجه بارق راد يدخل السياره اشرتله عل مدات عافهه بره وفات من ورايه دخل جوه وطلع كال
يابه تره جهالج ديبجون
حجاهه وطلع مدري شي يدعفس بسيارته داكوم اروح عليهم وكفت فوك راسي
كملي
عمه جهالي يبجون
ماعليهم شي ميموتون من البجي يامه بجو جهالنه قبل مماتوت تراهم صار و زلم
عمه عفيه والله بس اسكتهم
عوفيهم كملي اني رايحه الهم
كلت يالله بيبيتهم عادي هسه تسكتهم بس ماكو اسمع صراخهم حتى ايدي متاخذ شغل والله بجيت مثل الجاهله وكلت اعوف كلشي واروح الهم وشيصير خل يصير غسلت ايدي من التايت والزاهي واني افور من القهر والله جاب
سلام سمع صوتهم
هاي ليش هيج يصرخون وانتي شدسوين
قنبله ونفجرت هم بجي وهم صياح
من وووووووووه اااااااامك غير حاكمتني ااااال تغسليهن وووووهسه جهالي ماتووووو فررررفحو الله لايوفقهه الامك
بسرعه جيت عليه دفعني وكعت بنص المي لزمني من فكي عصره حيل
صووووتج كلبه بنت اااااالكلب عليمن تصيحين وتدعين عل امي
دفعته : اي اي ادعي الله لو يأخذها لو يأخذني اااااااني تعبت تعبت ششششلون ارضيهه
بارق اجه لزمه من ايده وهوه مزبر يريد يجيت عليه جان يجيني صوتهه من كالت
والله انعل امه وابوه ليلومك ويكلك ليش متزوج عليها
كلبي خفك ولساني ثكل رجليه واني وممدده بنص المي نملن واذاني صفرت وهوه وجههه بهت وعيونه فتحتهن عل وسعهن مثل النصدم بارق هده ودنك وهديل شايله الجهال وتبجي
س س سلام عمتي شددكول
كعد كدامي على مي دك عل راسه
ليش حجيتي يمممممممه ليش انتي ششششوعتيني
ختولي هاي شنو وتخاف عليهه شوفهه شلون وكحه وعرمه وصوته عالي لاودعي عليه
من ورااااااج غير انتي دايسه بطنهه يمممممه
دموعي عشره عشره وجسمي عبالك نشل
سسسلام جاوبني حجيهه صحيح انت متزززززوج
وووووعيونج بس بالاسم وعيونج مواصلها
يعني متزززززززززوج
حجيته ولطمت عل وجهي راد يلزمني صحت
لاتووووووصل يمي لا توصل
هبه بس اااااافهمج
تهسترت نسيت نفسي ونسيت باب الشارع مفتوح ونسيت وجود بارق عقل مضل براسي كمت اكوم واوكع واحجي
ليشش سلام ليش تتزوج عليه هاي تاليتها حامله ضيم امك ومتحمله السهر والتعب ومداريتك ومداريه جهالك وظهري مكسور تالي تطلع متزوج عليه
هبه والله مجبور والله غصبن عليه حرت شلون اخلي امي تفك ياخه مني حرت والله
مجبوووووور شنو هااااا انت مره حتى تنجبر انت جاهل حتى تنجبر ليش هيج كسسسسرت كلبي ليش بشششنو اذيتك اني
يريد بس يلزمني ما خليته يمكن حتى خرمشته وهوه عيونه دم بعد شويه ويبجي لتفتت عل بارق وعل هديل صحت
انتوووو تدرررون موووو تدرون بس اني الوحيده الغبيه اني الوحيده الي المي يمشي من جواههه بارق طلع بره وهديل تبجي مشيت بكل مابيه من حيل اخذت جهالي منه وباوعت بوجهه عمتي مالكيت اي كلمه تعبر عن النار البداخلي غير
(حسبي الله ونعم الوكيل عليج ياظالمه )
ركضت الغرفتي وقفلتهه عليه شمرت الجهال عل جربايه وسلام يدك بلباب
هبه بس افتحي هبه والله لنعالج متجي والله مواصلها اخذتهه اسكت امي وهيه لبنيه هم متريدني بس لان يتيمة ساكته هبه امي هيه قشمرتهه وشدت وياي ال تاخذ بنت خالتك والله مواصلها والله هبه فتحي الباب
ماسمعتلا ابجي وجهالي يبجون وهدمي كله مي لزمت الثوب ذبيته افتح بلكنتور مينفتح اثاري اني داقفل بي طلعت دشداشه لبستها وخابرت حذام مكدرت احجي غير تعال أخذني بسرعه لميت ملابسي وملابس جهالي وحيلي كله يرجف وسلام مابطل حجي ولاعاف الباب آخر شي كال
ليشش دزيتي عل حذام عبالج اخليج تروحين حذااااام ارجع منين ماجيت
عرفت حذام اجه خليت الجهال بكرسيهم ولبست جبتي وشلت الجنطه وطلعت اول مافتحت الباب وكف خله ايده
مطلعين والله
وخرررر مني
مممممممممطلعين كتلج اموت اذا طلعتي والله
ووووموتتهم لو ميت صدك ولامسوي هيج
عل صوتنا دخل حذام
هاي شكو هبه شبيج
ذبيت الجهال والجنطه وكعدت بلكاع
حذاااام اااااخذني متزوج عليه وويريدني ابقى
ليش هيج سلام والله وسفه عليك
يمعووووودين محد يفتهمني رحموني عاد والله من غصبن عليه
سلام انت ارحمني وخليني اطلع الله عليك
حجيته بكل قهر
لو تموتين والله حتى الجهال ميطلعون اذا طلعتي
حذام جيت عليه من كال هيج وتلازمو اجه بارق ونزل مهند يركض عل الصايح توجيت عل كاع وكمت توجهت عل مهند جلبت بدشداشته من يم ايده
ابو قتيبه فدوه كوله يخليني اطلع اذا بقيت امووووت والله اموت
التفتت لبارق
بارق عفيه كوله يعوفني
همه متلازمين هوه وحذام وعمتي خانسه تتفرج من بعيد ومهند ماسئل عل شنو العركه تاكدت هوه هم يعرف صاح صوت بسلام
سسسسسلام عوفه تروح
مهند
كتلك عافهه هسه هيه معصبه بعدين نتفاهم
بارق سحبه صار المحجر وره انلطخ بي واني سحبني حذام وطلعنا احسن روحي طلعت من جسمي اتجفص بلمي ودموعي يجرن مثل ميجري هسه هنا جنت مثل الخدامه كاعده واكرب وكايله ميخالف بس يتزوج عليه هاي الي متوقعته حذام جاي يمكن وياه صديقه لان من صعدنه كاله اطلع ابو علي يعني يعرفه الطريق كله ماسكتت واباوع عل جهالي يفرون براسهم ميدرون بدنيه شكوو حتى السائق يمن متعجب لان هيج ابجي كل شويه يباوع بلمرايه
وصلنا البيتنه اول مادخلت كعدت بلمطبخ ولهنا وخلص حيلي امي خطيه ركضت عليه يمه شبيج وشبيج واني داكه ايدي بلكاع واشهك صوت حذام من ورايه بذني من كلها رجلها
العار متزوج عليها عل كلمته هاجت كل جروحي لزمت نفسي ملختهه دك ولطم حتى جبتي شكيتهه اساور تسوي ياء خطيه وامي تصيح الله عل ظالم الج الله يمه الج الله بنيتي كركدت بشيلتهه
يمه بس كليلي ليش تزوج ليش اني بشنو مقصره يمه حرررررك كلبي يمممممه يمه راااح اموت والله
امي تهدي بيه وتريد بس دكومني وحذام يسب بسلام وجان يدخل عصام يباوع عليه واساور تكوله شوف خطيه رجلههه تزوج عليهه عبالي راح يأخذني لحضنه ويطبطب عليه بس صدمني من كال
شكو بيهه اقابل اول واحد آخر واحد بعدين عليمين يطلع مو أخو الجبير متزوج كومي كومي ناصبتهه مناحه
يابه من كال هيج تمنيت اختفي من كدامه تمنيت اكوم احرك روحي وأخلص بس تضاهرت بالقوه عرفت اني بعد مالي احد مالي سند مالي واحد يأخذ حقي مسحت دموعي وسندت نفسي وكمت مكسوره لغرفة امي كعدت وخليت راسي بين رجليه وصوت جهالي يبجون بذاني من ساعتهه قررت اعيش اللهم خلص سلام انتهى سلام مات بنضري من هذا اليوم سلام ورقه وطويتهه من حياتي
