رواية ابي عذابي ومأساتي الفصل السابع عشر بقلم سمر اسامه
تقربت اشوفها. روان. مخليه اديها ع عنق جابر. وتحجي وياه بذوبان.
وهو يتبسم بس ميحجي شي.
تقربت منه وباسته بشفته. اني تخبلت. وحسيت. كلبي صار ناار. دخلت. عليهم وسحبتها م̷ـــِْن ايدها وضربتها راجدي قوي ع وجهه
جابر بقه بـس صافن.
لزمت خدها روان وباوعت عليه بغضب وحجت لج شون تضربيني حقيره.
تقربت منـِْهـا ولزمتها م̷ـــِْن طرف فستانها م̷ـــِْن جهه الصدر وحجيت. شوفي روان لاتلعبين بذيلج. قسما بالله. اكسر سنونج اذا قربتي م̷ـــِْن جابر.
دفعتني وراحت ع جابر وحجت. جابر شبيك ساكت متحجي. متشوفها شلون تهين بنت عمك.
عافنه وطلع بدون ميحجي شي.
اني رجعت لزمتها م̷ـــِْن ايدها بقوه وحجيت بغضب
ليش روان ليششش دسوين هيج انتي تعرفين. جابر متزوج. ليش جاي. دخلين نفسج بينه.
دفعتني بقوه وحجت جاابر. مالتي اني احبه م̷ـــِْن زمان. بس انتي اجيتي بكل عين وقحه واخذتي مني.
كنت منتضره هل لحضه ع نار. الحضه الي ينساج بيها جابر وبعد ميهتم لوجودج او غيابج.
تعرفين اني فرحانه بفقدان. ذاكرت. جابر لان بهاذي الحادثه. رجع جابر القديم الي. كان ميهتم لولا بنت.
اني. كنت طول الفترا الي انتي وياه بيها. كارهتج.
ضربتها راجدي بقوه وحجيت بصوت عااالي. انتي شنو متستحين
شلوون الج عين وتحجين هيج كدامي ماعندج اخلاق ولاتربيه.
تقربت مِڼـّي. وكانت ناويه تضربني لزمت ايدها بقوه ولويتها وحجيت والله اكسرها وخليها بركبتج اذا حاولتي تضربيني.
انتي بنت ماعندج اخلاق ولاتربيه. تتقربن. م̷ـــِْن زوجي وهو متزوج وقريبا راح يصير اب
بيج خير روحي تزوجي لاتجين تلعبين. ويايه ترا طلعين خسرانه. لان جابر الي مايصير لغيري. سمعتي
دفعتها ع سرير وطلعت بس شنو افورررر م̷ـــِْن العصبيه
احس راسي راح ينفجر. م̷ـــِْن الي شفته.
رحت. نزلت. وكان عيون جابر تجدح ناار عليه ضجت منه وبلحضه كرهت وجودي بحياته. كرهت انو اني مرته. معقوله تطلع منه شلون قبل. تبوسه.
رحت للمطبخ وعيوني كلها دموعي كعدت ع ارض وخليت ولميت رجليه ع صدري وبقيت ابجي بقهر
دخلت عليه عمتي وشافتني ابجي وحالتي كلش تعبانه
اجتي بسرعه. وشالت راسي وهيه تباوعلي
حجت بخوف. شهد. شبيج منو وياج ليش هل دموع.
حضنتها واني ابجي وانشغ.
شالت راسي عن حضنها ومسحت دموعي وحجت. شبيج يمه لاتخوفيني. كولي منو وياج ليش هل دموع
بلعت ريكي. وحجيت. شفت شفت جابر. يتباوس هوه وروان ب غرفه.
خليت اديه ع وجهي وبقيت ابجي واهز براسي ماصدك ليش دسوي هيج ويايه روان هيه تعرفني احب جابر
عمتي بقت. بس صافنه م̷ـــِْن كلامي الي حجيته.
لزمتني م̷ـــِْن اكتافي وحجت انتي متاكده م̷ـــِْن الي دتحجينه.
هزيت راسي بأي. اي عمه اني شفتهم بعيني. وحته ضربتها راجدي كدام. جابر.
عافتني وطلعت. ضايجه.
بقيت شويه. لوحدي. مره ابجي ومره احجي ويه روحي. غسلت وجهي وطلعت. برا.
شفت عمتي واكفه ويه عمي وتحجي بعصبيه وعمي. تغيرت ملامح وجهه م̷ـــِْن شافني بهل حاله.
نزلت عيوني. وصعدت لغرفتي. ضايجه والي صار ميروح. م̷ـــِْن بالي. ليش صار هيج. كنت فرحانه بعيد ميلاد. جابر
كعدت ع سرير. ونزعت شالي. رحت. للكنتور اطلع ملابس. انفتح الباب. وكان جابر.
ماباوعت عليه. سحبت شالي م̷ـــِْن علئ السرير. وماحجيت. شي. بقيت. ادور ب كنتور ع ملابس ماريد احجي وياه.
حجه. تعالي هناا.
درت وجهي عليه وعيوني حمر م̷ـــِْن البجي حجيت شرايد وشعندك داخل لغرفتي. مو متحب ادخل عليك اني هم ماحبك تدخل عليه
بعدين شون تدخل بدون مدك الباب.
تقرب مِڼـّي ولزمني م̷ـــِْن حلكي وهمس م̷ـــِْن بين اسنانه. انتي. شنو رايده. لـٰٕـيش كل الوقت مراقبتني.
وشلون تجرأين تضربين بنت عمي كدامي اني لْـۆ ماحترم كلمت امي. جان. طلعتج م̷ـــِْن زمان منا. وماخليتج هنا
تقربت منه ولزمته م̷ـــِْن قميصه ودموعي تنزل. اطردني. عادي اطردني. اصلا. اني كل يوم انهان هنا بسببك.
انت ناسي منو اني. ناسيني جااابر ناسيني.
بقه مركز بعيوني. دقايق. وحجه. منو انتي شنو ناسيج
غمضت عيوني بخيبت امل. وحجيت. هيج ماكو شي
انسه. الموضوع واني اسفه. لان ضربت بنت عمك.
بقه بس مركز بوجهي. وماحجه. شي. خله ايده ع راسه بوجع. ديحاول يتذكر شي بس عقله مجاي يساعده
لزمته م̷ـــِْن ايده بخوف وحجيت. ارتاح. لاتفكر بشي. فدوه انسه. الموضوع اني غبيه شلون احجي هيج. جابر. شديوجعج.
كعدته ع سرير. خله. اديه ع راسه بوجع وحجه. جيبيلي. العلاج بسرعه راسي راح ينفجر. اااخ.
رحت اركض ع. غرفه. جبت العلاج. ورجعت لغرفتي. لكيته. نايم. تقربت منه خفت يكون. مغمي عليه.
خليت ايدي ع خده. ودموعي تنزل. سوده عليه يروحي. شلون صايره حالتك. اني شلون احجي هيج
كله بسببي. هل وجع الي براسك اني اسفه بس شسوي بكلبي. ماكدر اشوف وحده غيري وياك احبك والله.
تقربت وبست خده. هو بسرعه فز اني بتعدت بسرعه
باوع عليه بستغراب وحجه اني وين وانتي شدسوين يمي.
حجيت انت اجيت لغرفتي. وكان راسك يوجعك جبتلك علاجك ولكيتك نايم.
اخذ م̷ـــِْن ايدي العلاج وعافني وطلع. برا الغرفه.
................................................................
ايمن.
كان عيد ميلاد جابر. عزمو الكل. للحفله واني هم رحت بس ماطولت كان عندي شغل.
وصرت ماباوع ع شهد. بحب. ماريد ناس تفهمتي غلط
بليل كنت داشتغل ع حاسبه ومركز بيها
اندك الباب مالت الغرفه مالتي. رحت فتحته كان عمي
ستغربت م̷ـــِْن وجوده. كتله تفضل عمو
دخل للغرفه. وجهه متغير ماعرف شبيه.
كعد وهو قابض ع سبحته بتوتر. حجه. عمي ايمن. عندي موضوع وياك
رديت. تفضل عمي.
مسح وجهه بتوتر وحجه. عمي اريدك تزوج روان. بنتي
انصدمت م̷ـــِْن كلام عمي. معقوله جاي يطلب مِڼـّي اتزوج بنته بس ليش شنو صار.قصص وروايات عراقية
رديت عليه بتوتر. عمي. انت صدوك تحجي. يعني انت تعرف روان. زين هيه ممفكره بيه واكيد مراح توافق
باوع عليه ورد. موبكيفها. هاي روان صايره تلعب بكيفها. ليوم مسويه تصرف بيت اخوي. مو اخلاقنه
اجت ام جابر. حجتلي تمنيت الكاع تنشك وتبلعني. ولاسامع هل كلام عن بنتي. اني بطبعي ماضرب ولاصرخ بوجه روان
بس عندي احسن تصرف اخليها تزوج. وارتاح م̷ـــِْن هل مشاكل. وانسب شخص. هو انته.
انت ابن اخوي. الصغير وشاب محامي. وعاقل. وفاهم
مراح تلكه احسن منك تكون زوجها.
نزلت عيوني. بلعت ريكي وحجيت. انشالله خير. انت احجي ويه روان واذا وافقت اني ماعندي. مشكله. روان. خوش بنيه وبنتك مالكه احسن منكم اناسبكم
ابتسم وخله ايده ع كتفي ورد. كفوو منك عرفتك. شهم وماترد عمك. الله يحفضك
انشالله بس احجي وياها. ومن توافق. تحجي ويه اهلك وتطلب منهم يجون ونسوي خطبتكم.
ابتسمت. بحزن وحجيت انشالله.
عافني وطلع. بقيت. افكر ب كلام الي حجاه عمي
شسوت روان. ويه جابر وشلون اخذها وهيه تفكر بغيري. واني عقلي وتفكيري كله مو يمها هيه صح حلوه.
بس ولايوم باوعتلها بعجاب. كنت معتبرها مثل اختي
شهل ورطه الي اجتني. شلون راح اتصرف هسه
بس يمكن بمرور الوقت اتعود عليها ماريد اغلط مثل غلطت. روان. ماريد شخص. ياخذ عني نضره موزينه
واني الكل. يحبني ويحجي بأخلاقي وتربيتي.
بعد مرور. فترا. م̷ـــِْن الزمن
روان. وافقت. بطلب م̷ـــِْن ابوها. لان ماكان كدامها. خيار ثاني. كانت. مجبوره.
اني هم حجيت ويه اهلي وكلتلهم. ﺂنـي احب روان وطلبتها م̷ـــِْن عمي وانطانياها. لآزٍمٍ تجون نسوي خطبه
وتصير خطيبتي رسمي. وهمه وافقو. وكالو فترا ونجي.
كنت كاعد ب حديقه. واكلب ب جهاز مالتي.
اجت روان يمي. وهيه تبجي. ودموعها ع خدها
باوعت عليها بستغراب كمت ولزمتها م̷ـــِْن اكتافها وحجيت شبيج روان
ليش تبجين منو وياج.
دفعتني وهيه تبجي. ليش سويت هيج ايمن انت تعرفني ماحبك ليش خطبتني م̷ـــِْن بابا ليشششش
مااريد اتزوج. فدوه ارفض هل خطوبه كول لبابا متريدني. فدوه. لاتسوي هيج والله مراح تكون مرتاح ويايه
اني عقلي وكلبي مو يمك ليش مجاي تفهم عليه.
لزمتهم م̷ـــِْن ايدها وكعدتها ع كرسي وحجت. شوفي روان. اعرفج متحبيني. بس هل شي لمصلحتج
انتي جاي تغلطين. لج جابر متزوج ليش مجاي تفهمين
بعدين. بمرور الوقت راح تحبيني م̷ـــِْن نزوج
اني صح ماحب اخذج وانتي مجبوره بس ترا عمي هوه الي طلب مِڼـّي اخذج. هو الي قدمج الي. مو اني خطبتج
فتحت عيونها بصدمه وردت يعني شنو بابا هو الي كلك. اخذ بنتي. ?
هزيت راسي بأي. اي ابوج هو الي كلي اريدك تاخذ بنتي. روان. زوجه الك.
واني مكدرت ارفض كلامه. لان مهما يصير تبقين بنت عمي. واهلي. يحبوج. وانشالله اني ماقصر وياج.
خلت اديها ع وجها. وصارت تبجي وتنشغ.
ضجت م̷ـــِْن حالتها. لهل درجه تكرهني. ومتحبني. هاذه كله. لان تريد تزوج.
شبيه اني اشو حلو وشخصيه. حته جسمي مثل جابر شنو الي يخليهم يحبون جابر ومايحبوني
لزمت ايدها وحجيت كافي تبجين. لموضوع ميستاهل كل هل دموع.
بعدت ايدها عني بعصبيه وحجت. شنو ميستاهل. هاذه زواج تعرف شنو زواج. يعني راح اعيش باقي حياتي وياك. راح اكون مرتك
اني. باحلامي مفكرت تكون زوجي.
ضجت م̷ـــِْن كلامها وحجيت بعصبيه واني شبيه.
ابزز. لْـۆ شنو. هم رجال. لْـۆ مو بعينك.
ترا. تحملت. كلامج. هوايه واكول خطيه. متريد تزوج
بس ضاهر انتي متفهمين اله ب اهانه ولكلام القاسي
بقت مركزه بوجهي وحجت بعصبيه اكررررهك.
عافتني وراحت. تركض للبيت تبجي.
خليت اديه ع جبيني. بتوتر. ياربي شلون راح اتحملها هاذي.
ماعرف شلون راح تكون حياتي وياها. هيه بعدها ممخطوبه وهيج متخبله م̷ـــِْن نزوج شلون.
.................................................................
شهد.
بعد مرور شهر. كامل.
دخلت بشهر 5. صارت بطني كلش ثكيله وحركتي بطئه
كلتلي عمتي ليوم اخذج نروح نشوف جنس الطفل.
رحنه اني وعمتي. طعلو. 2 ولد
فرحت. انو بيه تؤم ولد. بس فرحتي مكامله لان جابر مموجود ويايه. ومساندني.
صار تقريبا شهر وهو. ع حالته ولاتذكر شي ويوم بعد يوم. يكرهني ماعرف ليش دائما متحارب ويايه
كد مجان يحبني. كرهني م̷ـــِْن فقد ذاكرته.
رجعنه للبيت عمتي كانت طايره م̷ـــِْن الفرحه.
استقبلتنه. ساره. وسالتنه. شنو كالت الدكتوره. ردت عليها عمتي كالت بيها تؤم ولد.
حضنتني وهيه فرحانه وتكول واخيرا راح يصير اسد ونمر.
كان جابر كاعد ب صاله. نادله شكو شبيكم.
دخلت. وسلمت عليه هو رد السلام. كتله. الدكتوره كلتلي بيج. تؤم ولد.
بقه صافن. دقايق وضحك. ورد. والله. زوجج يريد ينتقم منج. مخليج حامل بتؤم. حته يعذبج بعيشتهم
ساره بقت تكح. وتضحك.
عضيت شفتي. بزعل وحجيت اي وحد بلا احساس.
باوعلي بطرف عين. وقمزلي. اي واضح م̷ـــِْن عيونج كان بلا احساس.
استغربت م̷ـــِْن كلامه ويايه. ابتسمت ومارديت عليه
حجه ويه امه. ماما باجر. خطبت ايمن. وروان.
عمتي ابتسمت وباوعت عليه وردت ع جابر اي يمه اعرف ب عافيه عليهم. يلوكون لبعض. نروح باجر عليهم موو
رد عليها اكيد. نروح. ثنينهم ولد عمي. ولازم نحضر الخطوبه. بس. هاذي تروح ويانه وباوعلي بطرف عين
رفعت عيوني بملل وحجيت ويه نفسي ع اساس اني ميته ع خطوبت روان.
جاوبته عمتي ماعرف انت شتكول ناخذها ويانه
باوع عليه ورد. لا متروح. بس احنه نروح. هيه وين رايحه. متعرف شخص
رديت عليه بسرعه. بعد احسن اصلا اني تعبانه وماريد اروح. روحو انتو.
رد عليه وانتي منو طالب رئيج. اصلا.
مارديت عليه وصعدت لغرفتي ارتاح شويه احس بطني صاير. طابوكه. وثكيل كلش. هاي بعدني ب 5 وهيج.
م̷ـــِْن اصير ب اشهر الاخيره. احتمال ماتحرك.
رحت سبحت وبدلت. وبقيت اشسور بشعري. ماحب شعري يبقه. بيه مي ولجو بارد. #ڪــڔٰا̍ڕ
كملت. كانت الساعه ب 12 بليل. جعت. كلت خلي انزل اكل شي. م̷ـــِْن رجعت متعشيت. صعدت ارتاح
نزلت. كانت الاضويه مشتغله وجابر كاعد ب صاله ع غنفه. ومتمدد ومخلي حاسبه ع بطنه ويطكطك بيها
اول مانزلت هو. شال نضره عليه بدون ميشيل راسه
نزلت ب كوه امشي. لابسه فستان. قصير. بس عريض
يعني. ممبين. بطني منه.
كنت امشي ولازمه بطني بيدي. عبالك يريد يوكع كدامي.
دخلت. للمطبخ. لكيت. همبركر. كليت وحده وعدنه صمون. سويتلي. لفه. وعصير ب ثلاجه. اخذت واحد
خليتهم بصينيه. ورحت كعدت. ع طاوله. واكل. وجابر. يُشَتغلً باوع عليه وحجه شتاكلين ?
رديت عليه. همبركر. ليش. جوعان.
رد عليه اي جوعان كومي سويلي شي اكله.
باوعت عليه ورجعت اكل. ورديت والله. مابيه اكوم
روح. انت. سوي لنفسك ماطلبت مِڼـّي اول ماسويت
كعد وسد الحاسبه وباوعلي. بغضب. يعني شنو متكومين. هسه.
رفعت اكتافي. بعدم معرفه.
رديت اذا. تحب انطيك مِڼـّي. عادي مجوعانه كلش
ضحك ورد لاوالله. مجدي عندج اني. روح للمطعم اكل احسلي
ابتسمت ورديت وين اكو مطعم مفتح ب 12
ابتسم ورد منو كلج. مطعم. هيج يمكن يكون بيت معجبه او. شخص
بلعت الكمه بصعوبه وحجيت. هاا يعني تطلع بهل لوقت عمود تاكل.
هز راسه بأي.
رديت عليه اوك اني هسه اسويلك ليش تطلع بهل ليل
بس تعال ساعدني. ماسوي لوحدي.
ضحك بصوت عالي. ورد. والله. ضحكتيني شتريدين اسوي مثلا. اكلي الهمبركر. سويلي لفه وكافي تدلعين
خليت لفتي ورحت. سويتله لفه واني افكر بكلامه معقوله عنده وحده. يروحلها وياكل عدها.
خليت الهمبركر. وطفر الزيت ع ايدي. صرخت بوجع
هو بسرعه. اجاني. لزم ايدي وهو يباوعلي. كلي شبيج
نزلت دموعي. واني احجي. ايدي حتركت. توجعني كلش.
سحب نفس واخذني كعدني ع كرسي. وخله عصاره جروح. وراح طلع الهمبركر م̷ـــِْن الزيت لان. جهزت
صار خطيه هو يخلي زلاطه وطلع عصير. ورتب لنفسه لفه. باوعت عليه وبتسمت.
رفع حاجب وحجه. شنو الي يضحك مدام شهد. قبل شويه تبجين مثل الطفله هسه تتمضحكين
اشك بيج انتي مخبله او اكو شي بعقلج موطبعيه.
رديت عليه اي. مخبله. واضحك عليك. خليتك تسوي لنفسك لفه. طلعت معدل. عليك. معتمد
تقرب مِڼـّي. وخله اديه. ع كرسي وراسه مستوئ راسي
همس شعبالج لعد. كلشي اعرف. جربي وشوفي
بلعت ريكي وحجيت امم تكدر تبتعد شويه
بقه مركز بعيوني. وهمس ليش. شنو الي مضايقج.
ميعرف قربه مِڼـّي يخليني ارجف. ويبين ع وجهي احبه
رديت عليه. ممضايقه بس. ماحب. قربك مِڼـّي.
ابتسم وبتعد. اخذ الفه وطلع. للصاله اني هم طلعت وراه
كعدنه ع طاوله وصرنه ناكل.
باوع عليه وحجه. اهلج بأي دوله عايشين شنو شغلهم
توترت م̷ـــِْن سؤاله.
جاوبت هاا عايشين ب سوريا. وبابا يُشَتغلً ويه صديقه بشركه.
صار ياكل ويسال بيه احس اسالته مو راحه ماعرف شنو يدور باله.
صارت تقريبا ب 1 بليل. بقيت كاعده يمه وهو يسال واني مستمره ب جذب احجي كلام م̷ـــِْن عقلي
نعست كلش صرت افتح بعيوني بصعوبه. كان يحجي واني ارد عليه ايي ايي
بعدها. نمت وماحسيت. ع شي.
شويه ونضربت ع خدي. كمزت. بخوف وكلبي احس طار م̷ـــِْن الخوفه.
شفت جابر. يمي. باوعت عليه بستغراب. كلي كومي نامي بغرفتج. تاخر الوقت بعدين شون احجي وياج وتنامين وين. الاصول.
سحبته م̷ـــِْن ايده وحضنته. وهمست بنعاس. كنت ممركزه ع تصرفاتي ومثل الغافيه ماعرف شحجي
حضنته وحجيت. انت اخذني لغرفتي ماريد اروح لوحدي. خليك يمي لاتعوفني.
حسيت بين. حملني بين اديه وصعد بيه. خلاني ع سرير. بقه مركز بعيوني واني ذايبه بيه. ابتسمت وحجيت
مشتاقتلك كوومه.
باوعلي بستغراب وحجه انتي شبيج تخبلتي ترا اني جابر. مو زوجج اصحي ع نفسج.
لزمت ايده وخليتها تحت. راسي ونمت.
كعدت الصبح. لكيت نفسي ب غرفه تذكرت الي صار ويايه. بقيت بس صافنه. وشعري منكوش.
باوعت ع نفسي. نايمه ب سرير ومغطايه. معقوله حجيت كلام سخيف كدام جابر لا ياربي. بس لاجفصت ب حجي.
رحت بسرعه سبحت وبدلت ونزلت. كان الكل. كاعد بس جابر لسه منازل. سحبت نفس ورتاحيت
صبحت عليهم. ورحت كعدت اتريك وياهم شويه ونزل جابر. بقيت ب كوه اكل الكمه. ياربي بس كون ممجفصه ب كلام.
كعدت ياكل. واني منزله عيوني ماريد اباوع عليه
عمتي. كالت. ماما جابر خلي شهد تجي ويانه للخطبه
يعني خطيه. نخليها وحدها ب بيت وهيه حامل.
رد عليها والله يمه اني.ماعرف. اهلها شلون مخليها لوحدها. عدنه واحنه ناس غرب
ولبنت حامل. غير لازم يهتمون لوضعها. هسه نكول اهلها ب خارج. زوجها الافندي وينه غير يسال عنها
حته لْـۆ تطلقو. بس. حامل بولده ممعقوله هل ناس.
ردت عليه ماما شهد مو غريبه. شهد تكون بنت ابن عمي. قاسم. تذكره الي عايش ب خارج
هاذي بنته. اجتنه. وتريد تدرس.
نزل الكمه م̷ـــِْن ايده وباوعلها وينها م̷ـــِْن شفتها لليوم ماشفت كتاب بيدها ولاشفتها راحت لمكان.
بلعت ريكي وجاوبت اني جاي ادرس خارجي ع جهاز
كمل اكله ومارد علينه.
كملو والكل راح يحضر نفسه يروحون لبيت عمهم للخطبه.
اني. اخذت الصحون غسلتهم. وكنت دارتب هو دخل يشرب مي. باوعلي وضحك.
باوعت عليه بستغراب وحجيت ترا عيب كل ماشوفني تضحك شنو كدامك مهرج اني.
تقرب مِڼـّي وهمس. ترا لبارحه فضحتي نفسج كدامي. مخليتي شي بكلبج محجيتي.
فتحت عيوني بصدمه وتقربت منه وحجيت هاا شنو حجيت. اني. لاتاخذ. كلامي بجديه كنت نعسانه ومو بوعيي واكيد ماقصدي انته
ابتسم وبقه مركز بعيوني. ورد. هم جنج بزونه وهم تجذبين. انتي كنتي. دايخه. بيه.
رفعت عيوني بملل. ورديت. لا هوايه ثاق بنفسك انته
ارتكئ ع كاونتر. وبقه. ياكل عنب.
درت وجهي عليه وحجيت. اروح وياكم. لْـۆ ابقه.
شال عيونه عليه وهز راسه بنفي.
عفته وطلعت لغرفتي. اريد اروح. مو حبن ب خطبه لا اخاف بنت تتحرش بجابر.
اندك باب. الغرفه فتحته كانت ساره لابسه ومتأنقه لاخر حبايه كلش حلوه طالعه.
باوعتلي م̷ـــِْن فوك لتحت وحجت ليش مابدلتي. هاا
رديت عليها جابر مايقبل اروح وياكم.
ابتسمت وردت هو كلي. خلي تحضر نفسها وتروح ويانه.
عقدت حواجبي مستغربه وحجيت هسه كنت تحت اني وياه وسالته كلي لاتروحين.
اخذتني. وراحت ع كنتور. وهيه تحجي هو بكيفه ميقبل. ماما كلتله ماخليها لوحدها اخاف عليها.
طلعت فستان. حلو بس ضيك. ماقبلت البسه م̷ـــِْن غير شي. بطني هل كدها اطلع طوبه واني موطويله كلش
لبست فستان. م̷ـــِْن الصدر. شويه ضيك ومن تحت. عريض. وردانه. طوال وحلو مثل. حريم السلطان.
رتبت. شالي وخليت مكياج خفيف. ونزلنه اني وساره وملوكه كانت تلعب ب صاله.
شفت. جابر كان لابس. قميص اسود هو لونه المفضل الاسود. وياه. بنطرون ابيض. ورافع شعره. طالع يخبل
باوعلي جابر م̷ـــِْن فوك ليتحت. وهمس. طالعه عبالك طوبه. هههه.
ضربته عمتي ع كتفه وحجت. جاابر. شهل كلام.
ملاك بقت تضحك وتصيح. دوبه دوبه حاله شهد دوبه
صعدنه ب سياره كالو راح يسوون الخطبه ب قاعه
اتجهنئ للقاعه. نحضر الخطبه.
.......................................................
ايمن.
وصلو اهلي لبغداد. ورحت. جبتهم اني. واجينه ع بيت عمو.
دخلو وسلمو ع بيت عمو. همه بيت عمي مو هوايه. بس عمي وليث و روان وامهم. عائلتهم. صغيره.
سوو عشئ. تعشينه وكملنه وصارو يحجون ب خطوبه قررنه لخطوبه. باجر. وحته ماخذو رئي روان.
كنت اريدها تنطي رئيها. مهمئ يكون البُـنًتٍ لآزٍمٍ تاخذ قرار زواجها. بس عمي كان ضايج منها. ويريدها بس تزوج.
بقينه هوايه كاعدين ونسوالف شويه ودخلت روان. كانت لابسه. فستان. مخصر وبارز جسمها كلش حلو عليها.
سلمت ع امي واخواتي. وابويه.
اعرفكم علئ عائلتي.
امي وابويه. اخوات 3. فاطمه وريم وسعاد ولد 2 اني واخويه صغير. عمره 10 سنوات اسمه. فاروق.
كعدت مقابيلي. ابد ماشالت نضرها. ولانطقت كلمه كانت كلش حزينه ولقهر مبين ع ملامح وجهئ.#ڪــڔٰا̍ڕ
طلعت. لغرفتي. اجمع ملابسي وغراضي واخذ اهلي ونروح لشقه. مايصير ابقه عدهم واني راح اخذ بتهم
اندك الباب. ونفتح شفتها روان.
دخلت. وهيه تباوعلي بقهر. حجت ايمن بعد وكت. غير رئيك فدوه. وكعت دموعها.
تقربت منها. ولزمت وجهه بثنين اديه وحجيت شبيج روان. ليش هيج كارهتني والـله راح اخليج تعيشين احسن عيشه
ابتعدت عني وهيه تبجي. مااريد ماريد ايمن تفهمني ماكدر. اتزوج وكلبي. عاشق غير شخص. حرام الي ديصير بيه.
تقربت منها وحجيت ماكدر اخرب. الخطبه. ماكدر. تفهميني. اعرفج مموافقه بس اني ماكدر اكسر خاطر عمي
واعرف اذا رفضت انتي مراح تستفادين شي.
انتي فكري بعقلج يعني هسه اذا رفضت شنو جابر راح يتزوجج.
ردت عليه اعرف مراح يزوجني بس شسوي بكلبي صارلي. فترا كلش طويله احبه بس هو ماحس بيه وراح اخذ هذيج الساحره. شهد
كل هاذه عذابي بسببها مراح اسامحها طول حياتي.
رديت عليها. شهد شعليها. كل هاذه من تصرفاتج. انتي متعرفين تصرفين
واذا شخص ميحبج انتي شكو لازكه بيه. الي مايريدني ماريده. شبيج متخبله ع جابر. شنو لمميز بيه
اشو هوه حته مغرور بنفسه وممقلد لولابنت وانتو كاتلين نفسكم عليه ليش تحبون الي ميحبكم ولايهتم لوجودكم
كعدت ع سرير وحجت. شقررتو. يمته راح تصير الخطوبه.
رديت عليها باجر انشالله. راح نسويها ب عاقه
طفرت م̷ـــِْن مكانها وردت بعصبيه شنووو باجر. انت صدوووك تحجي.
رديت عليها اي والله. قررنه باجر حضري نفسج يامرتي
تقربت مِڼـّي ورفعت اصبع تهديد وكالت اني مو مرتك سمعت.
سحبتها م̷ـــِْن خصرها عليه. وتقربت م̷ـــِْن عنقها وهمست. قريبا راح تكونين ملكي. ومرتي ب حلال.
دفعتني بقوه وحجت اكررهك ماحبك. لاتقرب منييي
عافتني وطلعت. تركض وهيه تبجي.
اخذت اغراضي وطلعت. اخذت اهلي وأجرت شقه. كان الكل فرحان. عدايه كنت. ضايج. م̷ـــِْن جهه روان ومن جهه ثانيه حياتنه شلون راح تكون
هيه ابد ممتقبله الموضوع. ولاتحبني شلون راح نكون زوجين. ماعرف.
صار الصبح والكل. محضر نفسه للخطوبه.
اني كعدت رحت. للحلاق ورتبت شعري وشكلي.
بعدها. توجهت لصالون. روان. حته اخذها للقاعه
اتصلت عليها و مجاوبتني. اتصلت ع عمتي وهيه امها
سالتها علئ العنوان ودلتني. اجت ويايه اصدقائي وجابر. هم. اجه. والكل.
دخلت بس اني للصالون.
كانت لابسه بدله ذهبيه كلششش حلوه عليها طالعه
اول مره اباوعلها بعجاب. طالعه مثل الاميرات. هيه وجهه مدور عبالك تفاحه
وبيضه. وعيونها عسليات. جسمها. كلش حلو ومخصر
تقربت منها. وبست راسها. وهمست طالعه حلوه.
هيه ماردت عليه.
بعدين ام الصالون كالت تعالو بهاذي الغرفه اخذو صور
دخلنه واخذنه صور هوايه بس هيه كانت بكل صوره حزينه وجهها مابيه. ولافرحه.
خليت الغطئ ع وجهئ وطلعت بيها برا. وصعدتها ب سياره توجهنئ للقاعه.
وصلنه للقاعه. وتمت الخطوبه. صارت روان خطيبتي
بقينه محتفلين. واني وياها واكفين سويه ونسلم ع معازيم
اجه جابر. وتباركلنه. باوعت ع روان تغيرت كل ملامح وجهه ولدمعه وصلت لطرف عينها.
كانت. حته شهد موجوده. بس ماحسيت شي اتجاهئ يمكن كلبي. ديحن ع روان لان راح تصير مرتي.
تباركولنه. وراحو. يسلمون ع بقيه.
لزمت ايد روان وقربت ع اذنها وحجيت. دموعج راح تنزل. لهل درجه. عاشقه الافندي. ترا صرتي مرتي
نضراتج م̷ـــِْن الًيَوُمًِ بس الي. سمعتي
باوعت عليه وبتسمت وردت والله بكيفي اباوع تريد تقبل تريد لا. مجابرتج تزوجني ونبهتك. م̷ـــِْن الآۆلْ
ابتسمت وحجيت. لا جبروني بيج.
بعدت ايدها عني. ومسحت. دمعتها الي نزلت م̷ـــِْن كلامي.
تقربت شهد وحجت الف مبروك تتهنو انشالله.
باوعت عليها روان وحجت. فرحانه موو فرحانه لان راح اتزوج.
ردت عليها شهد كولش فرحانه. متتصورين. فرحتي بهاذه الًيَوُمًِ كلش فرحتلكم.
باوعت عليه وحجت. مبروك ايمن تستاهل كل خير والله. روان خوش بنيه. لايكين لبعض
عافتنه وراحت وروان. بقت تفور م̷ـــِْن كلامها احس دخان طلع م̷ـــِْن راسها.
شغلنه غنيه. ضمني. وبقينه نركص. عليها. اني وروان
وقليل م̷ـــِْن الموجودين شاركونه الركصه
خلصت الحفله والكل رجع لبيته. واني اهلي هم اخذو سياره وراحو للشقه. طلعت. روان. للغرفه ب صاله مالت القاعه
رحت. عليها. دخلت. وسحبتها م̷ـــِْن خصرها عليه وهمست. اني رايح للشقه م̷ـــِْن اتصل عليج او ادز رساله تردين سمعتي
كانت تريد تبتعد عني بس مخليتها.
ضاجت وحجت اي خوش ارد عليك بس عووفني كافي م̷ـــِْن هل تصرفات. ايمن عووفني
تقربت منها وبست خدها وحجيت. كافي مزعطه صرتي مرتي شنو عوفني اذا ماتقرب منج من منو اتقرب.
مسحت خدها ورفعت اصبع تهديد. دير بالك تتقرب مني مره ثانيه وتبوسني تشوف غير تصرف مِڼـّي
لزمت اصبعها. ولزمت اديها. تقربت منها واخذت بوسه م̷ـــِْن شفايفها. بعمق. كانت. تريد بس ابتعد مخليتها وكنت مسيطر عليها
لاحد مابتعدت. بأراتي.
بقت تبجي وتمسح بحلكها بعصبيه وهيه تضرب ع صدري وتحجي. لاتبوسني. ماااريدك اكررهك.
عافتني وطلعت. تبجي. حسيت نفسي غلطت وياها
بس هيه مرتي اريدها تحس بحب اتجاهي
