رواية عشك الشاهيين الفصل السابع عشر بقلم مجهول
🌿**يَا شـفه بَـعد شـفاگ تـستاهل ألـبوس**🌿
قررت اتحجب دون ما اناقش نفسي اساله اول ماذكر الحجاب كلت اي
من عرفو اهلي. اريد اتحجب حيل فرحوا مجنت متصرره هذا الشي راح يخلي ابويه واخويه هيجً يفرحون ابويه انطاني فلوس كومه وكل لاحمد اخويه اخذه تشتري الي تريده
رحت شتريت ملابس كومه مال محجبات واحمد كال. راح اسويلج اسمج ذهب جنت حيل فرحانه وطايره من الفرح. دزيتله ( هلو ) مارد عليه رغم شافه
صح جان يجاهلني مثل كل مره بس ماعرف هل مره اكو فرحه جبيره بصدري.
اجه يوم الأحد ولبست ثوب طويل مال محجبات أوف وايت. وشال. وردي فاتح. وخليت مكياج كلش خفيف امي اول مشافتني كالت طالعه عروس حيل خجلت. ولبست الكلاده الي سواها الي احمد اخويه.. قصص وروايات عراقية كرار صلاح
جانت اعظم أمنيه عندي بذاك اليوم اشوف رد فعله من راح يشوفني
كلً عاده قرب يخلص الدوام جنت اريد اطلع هو دخل للجامعه فات من بصفي وماشافني واصلا ماتبهلي وراها غاب اكثر من سبوعين. بس اني جنت اروح كل يوم بنفس الهفه.
بيوم جنت لابسه ثوب عدل ٩٠. لون بنفسجي وحذاء فلات اصبع رصاصي وشال رصاصي وكحلت عيوني جنت مايسله من شوفته ولا اكدر اسال عليه جنت اتمشه وحدي بالحديقه. جان اسمع صوته
شاهين
هاي شنو
غرام
شاهين وين جنت مختفي
شاهين
الحكيني
رحت وراه دون جدال جنت مثل الي منومينه مغناطيسيًا شيكلي اسوي
رحنه لمكانه القديم. جان يندار عليه وأحس بيه صاير عصبي رغم ميبين جان يكول
شاهين
هاي من شوكت تحجبتي
غرام
صار سبوعين
شاهين
الف مبروك بس ترى صايره ملفته للنظر بزياده
غرام
هااا يعني شلون
شاهين
يعني منا وهيج الكحله ماله داعي وهم ثوبج طولي
غرام
اوك
شاهين
تمام بس انتي شنو ماتعرفين تعترضين على شي
غرام
هههههه
شاهين
اشو تضحكين
غرام
صح اني هادئه وقليله اختلاط بالشر بس يمكن انته الشخص الوحيد الي اكله اي دون لا
شاهين
شوفي غرام انتي بنيه حلوه ومرتبه لا مو بس حلوه انتي ملكه جمال مثقفه ودكتوره
والصراحه اني ملاحظ نضراتج الي تلاحكني من مكان للثاني و.....
قبل ميكمل كلامه دون شعور دون احساس دون ماحسب اي حساب لكلامي كتله
غرام
شاهين اني احبك
من كتله هيج صفن بيه واحسه يكلي شهل صلافه وهو هم ماقصر كالي
شاهين
الحياءً في الرجال جميل وفي النساء اجمل
من كالي هيج طارت دمعه من عيني بس ماخليته يشوفه لان هو من كال هذا الكلام دارً عليه ضهره
اني سحبت نفسي بكل بساطه جوابه وصلني بحيث من دار ضهر وكال غرام اني. ماگدر يكمل كلامه لان وقته اني بتعدت
صح ابتعدت وبطلت اباوعله مثل طفل مشتاق لامه لان هو طلع مبين عليه منتبه عليه
بس ذيج الايام كرهت الجامعه جنت اخلص اليل بجي ماعرف ليش هيج حبيته
واني الي تركت كلشي بحياتي استغنيت عن هواي أشخاص بحياتي لخاطر هل جامعه ليش هسه صار المهم والأهم الشاهين
بذيج الفتره جان اكو طالب لطيف ويعاملني حلو جنت تقريبا راح انكون اصدقاء حلوين. بس هههههه قبل ماكول يا الله دخل الشاهين مثل كل مره مثل العاصفه بس جرحني بكلامه من كلي
شاهين
شنوً ايستي مني. كلبتي على ياسر
غرام
شلون يعني
شاهين
يعني حسيتي شاهين بعيد المنال كلتي ياسر هم ماقصر خلي ابلش علاقه وياه
غرام
ترى ياسر مجرد صديق
شاهين
ههههه اي هذا الكلامً يفيدج سنتين ماشفتج كعدتي لا ويه ولد ولا بنيه من شوكت صار ياسر صديق
غرام
ترى اذا انته رفضتني مو معناها اني لازم انساك وأحب غيرك لا راح ابقه احبك وخلص ياسر بعد ماحجي وياه
كلت هيج وعفته ورحت جنت ذيج الفتره غرام ثانيه جنت كاعده وحدي بالحديقه. جان يجي وكف فوك راسي وكال
شاهين
غرام
غرام
هااا شاهين
شاهين
شوفي يا بنت الناس ترى لا اني ثوبج ولا انتي ثوبي لذالك شوفي حياتج ولا تجبريني احول لغير جامعه من وره هل سالفه
غرام
اني زاعجتك بشي سامع شي مني
شاهين
لا بس جاي تحسسيني بهذي تصرفاتجً اني غلطان
صفنت بوجه وأحس روحي مفاركتني اووف ربي شهل عذاب اذا مجنت تريد ترزقني إياه ليش خليت حبه بكلبي كتله واني انهض
غرامً
خلص بعد ماراح شوف هل تصرفات
رجعت للبيت واني منهاره لدرجه ماكدرت أسيطر على دموعي اول مشافني ابويه اتخبل الف حجه خلقتله يمكن صرت موالفه بذاك السبوع بس حتى يغيرلي جامعتي
جان مو شي سهل ولا بساطه انتقل من جامعه لثانيه الف واسطه دبرلي بابا يله نقلني
بس اني شنو روحي معلكه بشي اسمه شاهين حاولت اختلط بالطلاب وأكون صداقات
بس جنت كل ماصفن الكاني افكر بيه. وبيوم من الايام. جان اكو ولد ويانه حباب ولطيف عرض عليه الزواج وهل أمور بس اني يازواج يابطيخ
غير شاهين مالك كل ذره بيه لدرجه كلشي سويت حتى أنساه بس الكه روحي احبه اكثر
طلعت من الجامعه جنت اتمشه حتى اصعد تكسي وارجع للبيت جان تطبك بصفي سياره عاليه مضلله خوفني بوقته جان ينزل الجامه شفته شاهين جان يكول بغضب اصعدي.
مثل كل مره ماعرض شي. يكوله صعدت وياه بكل بساطه بس اشو هذا اخذني بتجاه. بيتنه طول الطريق ساكت حرف ماحجه من وصلنه شارعنه صف سيارته وندار عليه بس احس غضب الكون كله بيه جان يكول
شاهين
اسمعي لجً الأحد الي جاي اني أداوم وياج بنفس الجامعه.
من كال هيجً احس فراشات طارت بكلبي وماكدرت اضم فرحتي ظليت مبتسمه مثل الثوله جان يقترب مني وخله ايده وره راسي وسحبني عليه خله كصته على كصتي وكال
شاهين
شفعتلج فرحتج هاي ولمعت عيونج من سمعتي بدوامي وياج واله جنت جاي ونيتي احرك الكون عليج
غرام
ليش
شاهين
العصفوره كالتلي اكو واحد عار حاط عينه على غرام الشيخ شاهين
غرام
اني غرامك
شاهين
اي. صح اسمي شاهين بس عيونج الي مثل عيون الشاهين سبني. شيخ شاهين بكبره ضاع بحرهن
غرام
حلوه هاي غرام الشيخ شاهين
شاهين
زين واني شنو
غرام
انته كلي
شاهين
من هسه اكلج غرام ترى اني ماشبه كل بشر ممكن مر بحياتج غرام اني صعب قاسي شرس مؤذي شيطان بهيئة ملاك
غرام
الي يحب مايقسه ماياذي
شاهين
لا غرام اسوي كلشي من احس احد يخذلني
غرام
شاهين اني بس وياك أستهين بكل شي واطيعك مثل الاعمه لذالك اذا خذلتك شي يوم راح تكون انته السبب لان اني اتبع خطواتك
شاهين
حبيني بشرف غرام صوني اسمي وحافضي على هيبه الشاهين اخليج عگال فوك راسي
وعدني بذاك اليوم وعدته ثنين حبهم صافي وصادق هيج جنت اشوفه خاصه من مره كال تروحين وياي انزور الأمام الكاظم كتله اي
لان جنه نداوم بجامعه النهرين والإمام قريب علينه جنه نتمشه وصرنه كدام الإمام شفنه المناير كال
شاهين
غرامي
غرام
ها حبيبي
شاهين
وحق هل مناير اني اعشكج عشك شيخ لهيبته وسط الديوان خليه بالج ياغرام الي كدامج عايف لحمه ودمه كل بنات ديرته بنات الشيوخ عايف اهله وناسه
شيخ وصدر ديوان بايع كلشي ياغرام ومشتريج
صفنت بعيونه وكتله
غرامً
وحق صاحب هل مكان وقدسيته لوجانت حياة خلق الله كله متوقفه على ان انطي نضره لغيرك مو اصير لغيرك لا نظره صدكني وحق هل منائر أضحي بكلشي وماختار غيرك... قصص وروايات عراقية كرار صلاح
هو طول صفنته بيه وكال
شاهين
مستعده تلبسين عبايه
غرام
تدلل
شاهين
ام مهيب انتي كل حياتي خليه بالج
غرام
منو هاي ام مهيب
شاهين
ثول انتي
غرام
ههههههههه سميته مهيب
شاهين
اكيد هذا ابن الشاهين وأمه غرامي
احلا ماخلق رب الكون جنه احنه الاثنين شاهين وغرامه
جان الشاهين نار وبركان بس من يصفن بعيوني يصير ثلج
ضلينه تلث سنوات سوى صح مرات نزعل ويصير بينه خلاف على بعض الأشياء.
وخاصه مره كال لو ماخاف الله ماخليج تكملين الجامعه بوكته حيل خفت اني جنت مستعده استغني عن كلشي اله الطب
بس وراها سدينه الموضوع
ههههه جنه من نزاعًل عادي اخابره واسأل عليه وإجباري اطماءن عله صحته واشوف شسوى ماسوى الشاهين ماجان مجرد حبيب الي لا جان كل شي بحياتي
جنه منتضرين التخرج يوم يوم حتى يخطبني ونزوج خاصه جان شاهين كلش جريء وميستحي كل ماصحله فرصه تلكاه حاضني حضنه مال انتقام
لو مسوي ركبتي خريطه. هاي اذا ماخله الدم يجري من شفتي
مرات جنت ماقبل بهل اشياء. جان يكولي ههههههه ام مهيب مني تستحين والله لوتدرين شضاملج ليله العرس
جان شاهين اعضم ممثل شفته بحياتي كله بحيث لآخر لحضه ماجنت اتصور ممكن شخص مثل شاهين يكون من ذوله الي نيتهم يقضون وقت ويه البنات او عده اصلا هيج سوالف
جانت الجامعه كله تعرف غرام ملك شاهين
وآخر سنه تقريبا حتى جيرانه كم بيت عرفو لان بناتهم جانو وياي بالجامعه
اكثر من مره ولد الجيران شافوني واني انزل من سيارته. برأس الشارع
جنت ارفض كل شخص يتقدملي
وبيوم الي دخلتني امي تحقيق حجيت لله عن شاهين. تخبلت وحارت شسوي بيه ومن حجيتله كال روحي يمه واتصلي عليه
بوكته حجه ويه امي وكاله بنتج بالطيب بالغصب لغير الشيخ شاهين مصير جان يحجي بثقه وتهديد في حال حاولت امي تبعدني عنه او تقنعني ارتبط بأحد
الصراحه جنت متوقعه راح يقنع ماما يحجي وياها بأسلوب. بس هو كل كلامه جان بتج ملكي الي مره لغيري مصير
وراها وصل خبر لبابا واحمد اخويه قبل ما نتخرج بأسبوع وحارو قصص وروايات عراقية كرار صلاح شيسون بيه وهو كل عقله يريد يهد عله بابا
وآخر شي خابرني كال عكب باجر جهزي نفسج جاي اخطب
وثاني يوم يتصل بيه يكلي ( امي ماقبلت تدرين اني شيخ وابن شيوخ يعنيً مو حي الله وحده صير مرتي )
هذا جان اخر كلام كاله الي وحضرني من كل البرامج وغيري كلشي
بعدً ماخلانيً علج بحلك الكل
واليوم بعد مرور تسع سنوات جاي. يطعن بشرفي وشرف اختي. ومن عرف اختي واخوه متعلقين بعضهم بطريقه صعب يفرقهم ويحتاج وقت رجع راح يمثله شي دور ثاني بس الله يستر شنو هل دور
