رواية في ظلام مغتصبي الفصل السابع عشر بقلم توتة
كبرنه وگام يكبر كل جرح بينه وخضر شيبنه وخربت معانينه ..🖤
>>>>>>>>>>>>>
موده / رجعت بحر
زينب / صددددك ولله ويينها
موده / بالديوانيه هسه هيه
…
_جدو اني اجيت علمود الخطوبه وبس تخلص ارجع لبيتي.
حاتم/ ليش بويه
_ما اكدر اني شغلي هناك شقتي جهالي وربو اهناك ماگدر اعيش هنا بعد
معاذ/ لا ماكو هذا بيتج وجهالج ولدنه احنه نربيهم معليج بكلشي
_بس عمي
معاذ/ بحر
ادم/ بابا اسمعي كلام عمج وانتي لوين اضلين هيج بعد روحي متشرده وجهالج لان تبقين يم اعمامج افضلج
بحر بدموع/ هاا بابا ادم هاا مليت مني بهل سرعه اني وجهالي ليش شنو مسويتلك ثكلنه عليكم
ادم/ لا يا ثوله عل هل تفكير ميثاق الزم فضل.
ميثاق/ انطيني
ادم/ تعالي ولج شهل كلام هذا
_ما كلت شي غلط عمو انتو اتريدين اتخلوني وتمشون واني اتباهه بيكم
كفاح/ والحل
ميثاق/يمي
ميثاق يدك صدره دوم ويكول يمي بصوت حلو يضحك
ادم/ اتحفنه غرد ياميثاق
ميثاق/ نفتح فرع هنا مالت مطعم وانته تشتغل هنا وتخلي شريك الك بمطعم الي بغداد وهنا تشتري بيت وتبيع شقتك وهيج انته قريب عل اهلك وقريب عل بحر هاا شتكول
كفاح/ كلام ميثاق حلو شتكول ?
ادم/ والله الحجي عدكم سهل بس ترا شغل موو لعب ويرادله وكت طويل
معاذ/ الشراكه اني عندي صديق بغداد يدور عل شريك واذا تريدد احجيلك وياه.
ادم/ بس مو كل شريك شريك ابو بحر لآزٍمٍ يكون شخص ثقه
معاذ/ ثقه والله اني اكفله الك واذا ضاع حقك عل كولت ميثاق يمي هههه
ميثاق/ هههههه هاا هاا معاذو اتقلدني.
معاذ/ هاز كاروكك حته معاذو ولك مرتي ما كالت معاذو ولادلعتني هيج
ميثاق/ اني ادلعك عمي شتريد بعد
كمت وحضنت عمو ادم حيل كل هذا علمودي يسوي عمري كله مانسه فضلهم عليه ومستحيل شخص يحبني بكدهم.
الجهال/ هااا ماما هااا شو حذنين جدو ادم احنه لا خبيثه.
_والله اكوم وتعرفوني لو كمت شسوي بيكم.
جان/ شو دومي شو دومي اثوين اثوين اثوقي احمينه (كومي شسوين )
ميثاق/ ما دخلني بيكم ما احمي احد اني شدخلني يابه. انوب تكتلني وياكم
_هاا. شوفو ميثاق اتخله عنكم
الجهال/ ماما اثوقي دول عليج انتي شبل نث (اثوقي يكول عليج انتي ام شبر ونص)
_ عزززه صدك ميثاق
ميثاق/ لا يا خونه اني اعلمكم يمته كلت هيج جذابين يردون يخربونه.
جان/ الله الله هو كال هذاك يوم اني ثمعته
جون / اي اي بث انته خونه
ميثاق/ عيدي تربيتهم هذول جهالج مسربتين
جاد/ ماما ملبيتنه عدل مو مثلك خاين خون جان جون
ميثاق/ هذا منو حجه الخانس
حاسب/ هاي دوم هيج انتو مكضينها عرك
عباس/ بس كليلي شلون اتفرقين بينهم كلش يتشابهون سبحان الخالق
_متعوده عليهم عادي عندي اعرفهم واحد واحد.
جان/ ما اسمحلك احنه بعدنه ما نعلفك ماما ما احجي ذلمه غليب.
يزن/ احمسه والله بوري عباس ههههههه
_ لسانك جان
الجد/ يالله بويه اخذي عمتج وفوتي جوه النسوان هسه كاعدات عل نار تلكيهن يردن بس يشوفنج
_يالله تعالو يالله عمه تعالي ندخل للبيت
كفاح/ ميثاق انطيني فضل اسويله اكل
ميثاق/ روح بعد روحي.
اخذتهم ورحنه بس فتنه كلبناها مناحه كله تبجي وتنوح عليه
ام حاسب/ ليش هيج ليش ولج يماا ليش هيج اختفيتي ولج ماخلينه مكان مادورنه بيه عليج
بحر بدموع/ عمه شسوي شبيدي واني الي اتبهذلت ومحد صدكني وفوك كلشي صاار بيه جانو يريدون يكتلوني شتريدين مِڼـّي اسوي.
غرام/ اي خلونه مجال وياكم شنوو هم نريدد نشوفها.
منئ/ خلصتوها انطوني مجال
_ ههههه تعالن بعد عمري
غرام بدموع/ ما اريد ابجي بس مو بيدي والله اشتاقيتلج هووواي
_واني والله كلبي طاك عليجن
موده/ اتفضلي عيني ما نعرفج وضليتي واكفه نتعذر ارتاحي
كفاح/ لا عادي ولا يهمج
غرام/ هذول المن 3. جهال
الجهال/ احنه ذلم ماما بحل
غرام/ دخت اجيت اوكف حسبالي دخت شنو هاي ولج.
ام حاسب/ اكلجن اني دايخه لْـۆ همه 3 صدك
_عل كولتهم زلمي وشيوخ كلبي
منى بصياح/ هاااااااا شنوووو جهااااالج ???
_وسم وسم انطرشت. اي جهالي
الجهال/ ثبيه هاي ثبيه هاي.
جون/ جان دول ولاها ( دور وراها)
_جهالي يدورون وره منى شبيييكم
الجهال/ مو هاي ماما ثاحت حسبالنه كلثها شي ( مو صاحت حسبالنه كرصها شي)
منئ/ يمااا داده ناصبين عليه شنوو هذول شبيهم
_ فوتو يالله لا اكسركم تعالي عمه
ام حاسب/ فوتي خيه
محاسن/ وكعنه من البجي لان متندمين لو ما مطلعينج بذيج اليله ما صار الي صار. بيج
_صار الي صار مكتوب عليه ان طلعت او ما طلعت ربج كاتبه والحمدلله علئ كل حال.
زينب/ وعلي متندمه بكد شعر راسي
كفاح/ الي صار صار يوم والندم ما يفيد بحر صح الي صار وياها مو سهل بس ربج شوفي بشنو عوضها ب 3 زلم يخبلون ويدافعون عنهاا.
محاسن/ ربي يحفضهم الج ويخليهم سند الج
ولدي واحد بحضن منى واحد بحضن غرام واحد بحضن سرى فرحانات بيهم هوواي.
سرئ / عليج النبي الي بحضني منو شسمه
بحر/ جاد الهادئ المؤمن هاذه كل وقته ساكت مايحب الكلام الزايد
كفاح/ هههههههه خرب بيومج.
منئ / وانته جان موو
جون/ لااااااا ليش اثين(تنسين) اني جون
منى/ اعصابك اعصابك حفضتك اسمك جون الحلوو.
غرام/ وانته جان موو.
محاسن / جا هذول الحلوين الساكتين شسمهم.
كفاح/ وهذا فضل وهاي بنونه
محاسن/ فدوه لهل وجه المدبدب ربي يحفضك من عالي سماه
ام محاسن/ يماا الكعده ما تفيد بناتي كومن سون اكل
زينب/ الولد يطبخون بره.
_ اباوع بعمتي فهمت الموضوع
كفاح/ماكو داعي اتكلفون نفسكم هيج احنه اهل
ام محاسن/ لا خيه شنو القصه الي سويتي مو سهل بهل بحره.
_فدوه اروحلج عمه
مرام/ سلام عليكم عيني.
خرط كلبي هسه اتسمعني كلمه لو اتسمع المره وياي دائما تسممني بكلامها
_ وعليكم السلام
كفاح ببتسامه/ وعليكم السلام. اهلآ
غرام/ يمااا تعالي شوفي هذول العسل وفنج تعرفينهم
مرام بحقد/ ومنو هاذه. الي شايلته ??
غرام/ هذول 3 جهال بحر يماا
مرام/ جهال بحر منين جابتهم شو ما شفت زوجه لو ولد حرام هه
الغصه وكفت بلعومي جهالي كلمو من حضن البنات لحضني ستغربو م̷ـــِْن الكلام
الجهال/ ماما
_هاا يروحي
الجهال: شنو الد حلام (شنو ولد حرام)
من سمعت كلامهم ادموعي وحده سرت هذول شكول الهم هسه.
كفاح/ ما عليك ماما هاي لكلمه مو حلوه الله يعاقبك عليهه لاتحجيها بعد
جون/ لا اذا كلمه مو حلوه ما كوله بس ليش هاي مله كوله لماما.
_لا ما عليهه حبيبي
غرام/ يماا ادموعي وحدهن نزلن اتباوعت بامي كلبها ولا تحرك شكدد كسرت خاطري بحر حاضنه جهال وتبجي.
ام محاسن/ اطلعو العبو وي الجهال حبيبي.
_ لا عمه ما يعرفون وما طالعين قبل ابد خاف يوصخون نفسهم
محاسن/ جاا غاد شلون
_ بالشقه اربع وعشرين ساعه العب وياهم واذا اني بالشغل بالروضه
زينب/ الله يساعدج.
مخليتهم كلهم بحضني بحيث مرات تتكسر رجليه بقينه كاعدين وحجيت الهم عل كلشي وحجن الي وعرفنه وحته عل جهال بس شحفض الله يحفضهم اهوااي.#ڪــڔٰا̍ڕ
ام حاسب/ يالله تعالو للغده.
كمنه. سويه وعمتي كفاح مستحيه جهاله نامو خطيه خلتهم بغرفه البنات كعدنه وجهالي اول شي اغديهم ومثل ما ذكرت قبل لازم كلهن سوه ماكو واحد وره الثاني
غرام/ عاد خل اساعدج واوكل واحد منهم.
_لا والله ما يقبلون ابدد اله اني
منئ / بس هيج ما يصير عل ما يكملون انته وين حته الاكل بارد
_ متعوده عادي اهم شي همه ياكلون
جون/ اني شبعت ماما اكلي
_متاكد
جون/ اي
_ ماشي بقيت اوكل الباقين واكل وعمتي ما تاكل عمه اكلي
كفاح/ جاي اكل حبيبتي
خلصو كلهم اكلت اشويه وكمت غسلت الهم جابو جاي وشربنه
كفاح/ شنوو اليوم نبات اهنا الضاهر.
ام محاسن/ ياا افاا عليج خيه هيه باجر الخطوبه ابقو هناا وحضروها ومحضركم خير ومحبه.
موده/ اي والله وي بحر بعد شرايده
كفاح/ مو بيدي والله بيد الزلم اشوف رجال اذا يقبل
……
ميثاق/ تغدينه والنعم منهم والد بسرعه اخذت عليهم سبورتين اني من نوع ماحب رسميات ابدد
ادم/ يالله بويه واحد منكم لولد ينادي ام فضل خل نمشي تأخرنه
الجد/ وين وين عمي ماكو روحه تبقون اهنا وباجر تمشون ويانه للمشيه وتحضرون ويانه الافراح هسه وين حته فنادق ابعيده علينه
ادم/ عمي زحمه هسه نلگه فندق ونبات بيه وصبح نرجع عليكم
حاتم/ رحمه عمي رحمه اتفضلو والبيت جبير واذا ما شالكم البيت اتشيلكم اعيونه
ادم ميثاق/ سالمات عيونك
ميثاق/ اتراجعنه وفعلا فنادق ابعيده والصراحه اني حبيت الكعده وياهم شبابهم كلش مؤدبين.
………
مشه اليوم عادي وبليل نمنه اني وجهالي بغرفه وعمتي وجهاله بغرفه وادم وميثاق بالديوان كالو الهم جوه ما قبلو يستحون صبح الصبح
غرام/ جيت بحر فرحه فرحه لا توصف ثاني يوم صبحنه بالسوك نشتري اغراض ناقصتنه.
من الصبح للسوك طلعنه اني والبنات وزعاطيطي كلهم نزلنه كله تباوع بجهالي الله يستر صدك خفت عليهم لبستهم شورت كابوي وقميص ابيض وفوكاه يلك كابوي وهمه وجهه واحد ونفس طول ونفس البس
منى/ عززه العزاج جهالج راح ينحسدون والله
عباس/ وياي جيبهم.
يزن/ احنه نشتري الهم روحي انتي براحتج اشتري الي يعجبج
مدري شلون انطيتهم وطاوعني كلبي دخلنه من محل لمحل لمجمعات ما عجبني شي شويه دخلنه مجمع كلش حلوو وبيه ملابس حلوه
عمران/ تفضلو بويه.
………
اسمر/ اني بالمجمع وي عمران ومازن ابن عمي هو واخوي شراكه بالمجمع ودخلن بنات وياهن ابنيه المح شكله عدل ماكو غاطه بعبايته غط
_ بقيت اكلب بالفساتين كله حلوه احتار شاخذ من فستان اخذ شي اخذت فستان ذهبي ملمع بفضي مكشوف الصدر الردان مالنه عباره عن شي شفاف كلش واخذت مكياج وشال شويه وصاحو باسمي اتكول براتب الارامل
عباس/ عمه محاسن وين بحر
محاسن/ اشرت عليه ذيج واكفه هناك
عباس/ واحد ثنين ثلاثه اتوقع الاعدد كامل خويه ما بيهم نقص فكيني كلشي ما اعرف
_باوعت علي وبرطمت لا عليك النبي
عباس/ ولج اكله انته منو الفرخ ما يحجي
_ هههههه يضحكون عليك شبيك
عباس/ بعدين شنو أأبث
_بذمتك ما عرفتها #ڪــڔٰا̍ڕ
عباس / لا والكاضم ما عرفته
_امشو امشو انتو شنو مسوين
جهال/ كشي ما ثوين كلنه اله أأبث
عباس/ اسمع خويه اسمع ترجملي
عمران/ حته اني ما فهمت المعنه شنوو.
اسمر/ ملابس موو ??
بحر/ اتباوعت بالولد مدري وين شايفته ابتسمت وجاوبت اي.
اسمر/ كلبي طلع من مكانه من شفته هيه نفسه ام عيون بنفسجي شجابها للعماره ربي راح اتخبل اني معقوله اكوو نسختين منهاا بغداد والعماره
_ امشو اني اشتريلكم
عمران/ خويه هذا محل ملابس رجاليه بي اطفال من هذا الباب احسن من الشارع
اشرت العباس طلعنه وياهم وي الولد هذا ابو المحل
اسمر/ طلعت وياهم احس كل مواجعي مالت اليل هاجت عليه هسه.
_سلام عليكم
مازن ونصار/ وعليكم خيتي.
عباس/ انطونه قياسات عل كد هذول 3
مازن/ اللهم صلي عل محمد شكد عمرهم.
_ 3 سنوات خويه
مازن/ زين شنو انطيج موجود قوط وموجود دشاديش واكو بعد اهواي نوعيات اذا تحبون اني انسق الهم
_ لا اريد قوط اول شي نفس الشي نفس الحجم ونفس الون
مازن/ حاضر شوفي هذا يناسبه
_ جان عباره قميص ابيض وستره وبنطرون نيلي تمام تعال جاد خليني اجربهم عليك ماما
جون/ اييي ماما ليش جاد كدلي عليه اني.
_ وره اخوك اسكت
نصار/ ههههه خيتي هذا كرسي صعدي ابنج علي وقيسي ملابسه
شلت جاد صعدته وجون زعل طلع عل كده اجيت انزعه الشورت
جاد/ماما اثحي لا نذعيني
_خليني اقيسهم عليك شبيك ماما
جاد/ لا اثحي كدلي من فوك
اسمر/ تستحي عمو
جاد/ اي اثحي عيب مانذع
مازن/ عادي قيسي علي من فوك وهاهيه
_هو هيج خويه
قست علي عل كدهم اخذت كلهم اخذت دشاديش هم لون لون نيلي مخطوط بخيط ماروني كلش حلوه تعال جون
جون/ ما ما ذعلت مالبث
_منو ابني وشيخي.
جون/ لبثيني يالله
_ههه ياله تعال
لبسته وطلعت عل كدهم طلعو يجننون بيهم
_شكرا خويه اريد كل واحد وحده نفس هل قياس
عباس/ اشوف اسمر مندمج وي جان شايله ويدورون بالسبح والمحابس ويشتري.
جان/ ماما
_ هاا عمري
جان/اشلي ثبحه محبث منهم
_ اشتري بس الك ولخوانك
اسمر/ يالله عمو اختار منوو الي اتريده
جان/ هدا هدا
اسمر/ بسته وشميته حسيته متعلك وي روحي ليش حيل عاجبني احجي وياهم ويه امهم احس افكاري غلط وحرام بس روحي حيل متعلقه بيهم.
جان/ شكلا عمو.
_ يالله ماما
جون/ انتي اشلين ماما لو ما ذل عدج فلوث.
_ لا هسه اشتري بس بعد ماكو ربع لمن اشتغل
جاد/ عدنه مثاث وثيلاك.
_ عدكم عدكم خل ادور شغل وتدللون
اسمر/ اسمعها احس كلبي انمرد عليه تشتغل وتهم بيهم.
طلعنه اختاريت الفستان الي ردته سعره كلش غالي وما اكدر اخذه وجهالي يضلون بلايه مصرف واني عمري ما اتعودت امد ايدي لشخص اخذت غير فستان هذا خويه
عمران/ ادللي.
راح شويه خلهم بعلاليك
عمران / اتفضلي اخيتي
_ تسلم رجعلي الباقي وطلعنه من المحل مالتهم
الجهال/ ماما هثه اشليتي أ أبث الج.
_اي ابقو يم عباس واني رايحه اشتري ملابس الي.
الجهال/ ما نبقه يم عبث ما نليده محلوو
_ لا حول الله امشوو يلا
رجعت مااخذت الفستان نفسه لان غالي وجهالي يبقون بدون مصرف ما قبلت عمتي ام حاسب بس دفعت اتعودت اعتمد عل نفسي.
محاسن/ ليش ما اشتريتي هذاك الفستان كلش حلوو ومرتب.
_لا هيج عجبني هذا وراح اخذه
محاسن/ نزلت دمعتي مسحته بسرعه عرفته ما عده بس ما تكدر تكول
غرام/ رجعنه للبيت بس شنوو ميتين تعب
صعدت رأسآ سبحت وعمتي سبحت وراي سبحت بنونه وفضل واني جهالي
كفاح/ بطه
_ هاا عمه
كفاح/ تعالي اخذلج خيط يطلع وجهج احلا
_عززه لا عمه ما اريد خليني هيج احسن
كفاح/ دتعااي ونجبي اني اريد ارتبه الج.
جرتني كوه واخذتلي خيط متت متت خصوص الشوارب يبووو خلنه سكته عدلت حواجبي طلعن يجنن لان ضخان يماا وجهي اشتعل نار لأن ممتعوده احف وجهي.
كفاح/ فدوه الله طلع وجهج يجنن يالله جهزي جهالج
زينب/ بحر تعالو اتغدو.
كفاح/ نزلنه عيني
مستحيه شلون انزل هيج كوه نزلت وهنه اتعجبن من شافني
ام حاسب/ اي هيج كشفي وجهج باقي مغيم
_ ياااا عمه وعلي مستحيه كلش #ڪــڔٰا̍ڕ
جون/الله ماما ثلتي حلوه هسه.
جان/ اي الله ماما خبلين
_اروح فدوه لكم
كفاح/ اكلي حته تجهزين جهالج لان بس حهالج بقو كلها صارت جاهزه.
_تمام
وكلت جهالي اول شي لحد ما طك كرشهم اخذهم وصعدت ابدل ملابسهم واجهز نفسي.
محاسن/ اكلي يمعوده ما تلحكين
كفاح/ لا شبعت والله امشي
صعدنه فوك سبحت جهالي وخلصت لبستهم قوط ومشطت شعرهم طويل شعرهم وميثاق حلقهم نص حلاقه بس من وره وشعرهم ناعم بي خيط بني
كفاح/ دخيلك يربي ما ينصابون بالعين ولج خايفه عليهم والله
_لا اسم الله انشالله مايصير الهم شي.
سبحت اني وخلصت طلعت بالمنشفه كدام عمتي اول مره اسويه بس اريد انشف حته البس
كفاح/ هاج هذا الفستان البسي
بحر/ فستانيش عمه غير اشتريت.
كفاح/ اتضمين عليه ادري بيج ما عندج وعجبج الفستان بس جبتلج غيره حسيت هذاك قياسه مو ضابط وما كدرت تاخذينه اشتريت هاذه احلا يطلع عليج.
نزلت راسي بفشله ونزلن ادموعي شعوري ماينوصف بهل لحضه
كفاح/ اني وياج واحد جيب واحد اخذي مني اذا ما اتريدين من اهلج ليش ماتحجين
_ ما اريد اخذ من احد واصير ثقل
كفاح/ انجبي ولبسي يلا
اخذته من ايدها دخلت للحمام لبسته صدك طلع يجنن اسود
_ياااا عززه العززاج بحر.
كفاح/ شكوو ولج شصاار
_يااا عمه شوف هذا بي فتحه لحد الزرور تخزينه يالعباس.
شكل فستان بحر والجهال ..
كفاح/ شو طلعي خل اشوفج
_عمه استحي والله شوو هاذه بيه فتحه
كفاح/ اطلعي تره ادخلج للحمام
طلعت واني الملم بروحي صدك حلو حلو بشكل بس والفتحه شلون
كفاح/ فتحت حلكي عليه ولج تمشين هيج.
_شلون اخيطه
كفاح/ ثول ثول قصدي ولج طالعه تموتين ولله اخاف عليج تنحسدين.
_عمه
كفاح/ يالله يالله عيني دللي روحج شويه من شفتج وانتي ما يوم شفت لابسه شي بي خير لو شي حلو ولا معدله روحج غير تجننين ولج
تحجي وتفتح بشعري سوه اليه برم وخلتلي مكياج اخر شي جابت كعب اسود وي الفستان
_ عمه ليش كل هذا
كفاح/عدلي نفسج انتي زغيرونه مو جبيره اني عمري 34 سنه ما اسوي مثلج ثوله خلي روحج مرتبه.
صدك خليت عطر ولفيت شالي هيج كلاوات عليه خليت عبايتي ونزلت بالكعب بس عل يا ساعه انجبح عل وجهي واروح اتكسر.
محاسن/نزلت بحر يماا ضلينه صدك صدك طالعه اتموت كسرت علينه كلنه سوه عود احنه كاشخين ومخلين مكياج الاخر درجه.
غرام/ لااااا اي ده ده ضلم ضلم يا عالم ليش هيج ليش
_وسم شبيج
غرام/ تره مطلعتنه كسر وتكولين ليش
كفاح/ شرايجن بيه موو تخبل
محاسن وزينب/ بسم الله والحسين نخاف عليج من العين. تجننين
نزلت راسي بخجل كملت واجو جهالي هم نيلي واني اسود يبووو اليوم شيصير بينه.
ميثاق/ انتي منو
كفاح/ امشي بت عمتي هاي اجت ويانه
ميثاق/ جاا بحيرانه وين ?
كفاح/ كتلته موت
ميثاق/ الى رحمه الله
ادم/طالعه اتموتين العريس اليوم يملج عليج مو عل مرته ههههه
_ يااا عمو لا تخجلني
كفاح/ لا تخجلونه امشو يالله.
ميثاق/ هههه فديت الحلوه بس ليوم طالعه عروس انشالله نلكالج عريس ونرتاح منج.
_ما اريد اهم شي نلكالك عروس انته خما تضل هيج
ميثاق/ حكيت راسي بحراج مَآعِرَفتّ شجاوبها
_ ياا عزززه هاا هاا ميثاق شكوو عود خجلت شنوو.
ميثاق/ هو شفت وحده امس بليل وعجبتني مدري ياهي.
_شنو موصفاته اني هسه احجيلك وياها
مثياق/شويه بطولج بس اسمن منج وجها حلو مدور عيونه عسلي مو طوخ كلش لا بيهن لون لابسه كلبيه رصاصي
_يااا غريمه هاي غرام ههههههه
ادم/ خير خير يعني عجبتك نخطبها
ميثاق/ والله شفته بالصدفه عمي بس حلوه
ادم/ جاا شكلت اني هسه ابن السافل
ميثاق/ مو حسيتك غرت مني اتريد اتعرس.
كفاح/ بشهكه دهر دهرك شنوو يعرس
ميثاق/ ههههههه وصلنه انزلو.
_ احتاريت شلون انزل ميثاق نزل زعاطيطي
ميثاق/ بالخدمه.
اسمر/ منتضرهم عل جمر اريدهم بس يوصلون اريد اسال عمتي عليهم اليوم لازم اعرف كل السالفه اريد اشوفها اشوف هذول الي وياها نزلو وياريته ما نزلت عل هل وجه والعيون خاطته بكحل فوك ما هنه شاكات وجها النوب بالكحل احله.
عفت كل الناس الموجوده ورحت عليهم ....
يا قرة العين ان العين تهواك 🥺❤️..
