رواية الملازم والعنوديه الصغيرة الفصل الثامن عشر بقلم مجهول
ﻫﺸﺎﻡ،، ﺣﺎﻣﻞ ﻣﻨﻴﻦ ﻭﻣﻦ ﻣﻨﻮﻭ ??
ﺳﻤﺮ، ،ﻫﻲ ﻛﻠﻤﺎﺕ ﻃﻠﻌﺖ ﻣﻨﻪ ﺑﺲ ﺣﺴﻴﺘﻬﺎ ﺳﭽﻴﻨﻪ ﺣﺎﺭﺓ ﻏﺮﺯﻫﺎ ﺑﻨﺺ ﺻﺪﺭﻱ ﻛﻠﺸﻲ ﺍﺗﺤﻤﻠﺖ ﻣﻨﻪ ﺑﺲ ﺗﻮﺻﻞ ﻭﻳﺎﻩ ﻳﺘﻬﻤﻨﻲ ﺑﺸﺮﻓﻲ ﻣﺴﺘﺤﻴﻞ ﺍﺗﺤﻤﻞ
ﻣﺎﺍﺣﺲ ﻏﻴﺮ ﺟﺮﻧﻲ ﻣﻦ ﺷﻌﺮﻱ ﻭﮔﺎﻝ
ﻫﺸﺎﻡ،،ﺷﻮﻓﻲ ﻭﻟﺞ ﻟﺘﺨﺘﺒﺮﻳﻦ ﺻﺒﺮﻱ ﺍﺫﺍ ﻫﺬﺍ ﺷﻘﻪ ﻣﺎﺍﻧﺼﺤﺞ ﺗﺸﺎﻗﻴﻦ ﺑﻬﻴﺞ ﻣﻮﺿﻮﻉ
ﺳﻤﺮ، ،ﻭﺍﻟﻠﻪ ﻣﻮﺷﻘﻪ ﺍﺳﺄﻝ ﻋﺒﻴﺮ ﺍﻧﻲ ﺣﻠﻠﺖ ﻭﻃﻠﻌﺖ ﺣﺎﻣﻞ ﺷﻮ ﻣﻦ ﺳﻤﻊ ﻛﻼﻣﻲ ﺗﺨﺒﻞ ﺻﺎﺭ ﻳﻀﺮﺏ ﻋﺎﻣﻲ ﺷﺎﻣﻲ ﻭﺍﻧﻲ ﺍﺻﺮﺥ ﺧﻔﺖ ﻳﻀﺮﺑﻨﻲ ﺍﺑﻄﻨﻲ ﻣﺎﺻﺪﻛﺖ ﺭﺑﻲ ﻳﻠﺘﻔﺘﻠﻲ ﻭﻳﺮﺣﻢ ﺑﺤﺎﻟﻲ ﺻﺮﺕ ﺍﺻﺮﺥ ﺑﻌﻠﻮ ﺻﻮﺗﻲ ﻭﻋﻠﺊ ﺻﻮﺕ ﺻﺮﻳﺨﻲ ﺍﺟﺖ ﻋﻤﺘﻲ ﻭﺿﺮﻏﺎﻡ ﻭﺍﻟﺒﻨﺎﺕ ﻳﺮﻛﻀﻦ ﺍﻟﺒﺎﺏ ﻣﻘﻔﻮﻝ ﻭﻫﺸﺎﻡ ﺻﺎﺭ ﻳﺠﺮﻧﻲ ﻣﻦ ﺷﻌﺮﻱ ﻭﻳﺮﺟﻊ ﻳﻀﺮﺑﻨﻲ ﺍﻭﻛﻊ ﺑﺎﻟﻜﺎﻉ ﺳﻤﻌﺖ ﻣﻨﻪ ﺍﻧﻮﺍﻉ ﺍﻟﻐﻠﻂ ﻭﺍﻟﻔﺸﺎﻳﺮ ﻭﻋﻤﺘﻲ ﻭﺿﺮﻏﺎﻡ ﻳﺪﻛﻮﻥ ﺑﺎﻟﺒﺎﺏ ﻭﻫﻮ ﻣﺴﺘﻤﺮ ﻳﻀﺮﺏ ﺍﺧﺮ ﺷﻲ ﺩﻓﺮﺓ ﺍﺟﺖ ﺍﺑﻄﻨﻲ ﻟﻮ ﺗﺨﺒﻠﺖ ﺻﺮﺕ ﺍﺣﺎﻭﻝ ﺍﺣﻤﻲ ﺑﻄﻨﻲ ﻟﻴﻤﻮﺕ ﻃﻔﻠﻲ ﺿﺮﻏﺎﻡ ﻛﺴﺮ ﺍﻟﺒﺎﺏ ﻭﻋﻤﺘﻲ ﺷﻤﺮﺕ ﺭﻭﺣﻬﺎ ﻓﻮﮔﻲ ﻭﻫﻮ ﻣﺴﺘﻤﺮ ﻳﺮﻳﺪ ﻳﻀﺮﺏ ﺍﺟﻪ ﺳﻼﻡ ﻳﺮﻛﺾ ﻟﺰﻣﻪ ﻫﻮ ﻭﺿﺮﻏﺎﻡ ﻭﺍﻧﻲ ﻣﻠﺰﻣﻪ ﺑﺜﻮﺏ ﻋﻤﺘﻲ ﺧﻔﺖ ﻳﺮﺟﻊ ﻳﻜﻤﻞ ﺿﺮﺏ
ﻫﺸﺎﻡ،،ﻋﻮﻭﻭﻓﻮﻧﻨﻲ ﻭﺍﻟﻠﻪ ﺍﻣﻮﺗﻬﺎ ﺍﺫﺍﺍﺍ ﻣﺎﺣﭽﺖ ﻣﻨﻴﻦ ﺣﺎﺍﺍﻣﻞ ﻭﻟﻠﻚ ﺟﺎﻳﺒﺘﻠﻴﻴﻲ ﻧﻐﻠﻠﻞ ﺗﺮﻳﺪ ﺗﻠﺰﻛﻜﻪ ﺑﻴﻪ
ﺳﻼﻡ،،ﺷﻨﻮﻭ ﻧﻐﻞ ﻫﺸﺎﻡ ﺍﻫﺪﺉ ﺧﻞ ﻧﻔﻬﻢ
ﻫﺸﺎﻡ،،ﻭﻟﻜﻤﻢ ﺷﻬﺪﺉ ﺍﻟﺨﺎﻃﺮﺭ ﻧﺒﻴﻜﻤﻤﻢ ﺷﻬﺪﺩﺉ ﺍﻧﻴﻴﻴﻲ ﻋﻘﻴﻴﻴﻴﻴﻢ ﻳﻌﻨﻲ ﻣﺎﺍﺍﺍﺧﻠﻒ ﻳﻌﻨﻴﻴﻲ ﺑﺢ ﻣﻴﺼﻴﺮ ﻋﻨﺪﻱ ﺑﺰﺭ
ﺳﻤﺮ،،ﺍﺑﺎﻭﻉ ﻛﻠﻬﻢ ﻣﺼﺪﻭﻣﻴﻦ ﻣﻦ ﻛﻼﻡ ﻫﺸﺎﻡ ﺍﻟﻀﺎﻫﺮ ﻣﺤﺪ ﻳﻌﺮﻑ ﺑﺎﻟﻤﻮﺿﻮﻉ
ﺍﻧﻲ ﺍﺷﻬﮓ ﻭﻻﺯﻣﻪ ﺑﻄﻨﻲ ﻣﻮﺗﺘﻨﻲ ﻣﻦ ﺍﻻﻟﻢ ﻭﻫﺸﺎﻡ ﮔﻮﺓ . ﻻﺯﻣﻲ ﺍﺧﻮﺗﻪ ﻭﻫﻮ ﻣﺎﺧﻠﺊ ﺷﻲ ﻣﺎﻛﺴﺮﺓ ﺑﺎﻟﻐﺮﻓﻪ ﻳﺮﻳﺪ ﻳﻮﺻﻠﻨﻲ ﺑﺲ ﻣﻴﻜﺪﺭ ﺍﻧﻲ ﺧﺎﺗﻠﻪ ﻭﺭﺓ ﻋﻤﺘﻲ ﻭﺍﻟﺒﻨﺎﺕ ﻭﻫﻮ ﺍﺧﻮﺗﻪ ﻣﻦ ﻳﺸﻮﻓﻮ ﻳﺮﻳﺪ ﻳﺠﻲ ﻳﻤﻲ ﻳﭽﺘﻔﻮ
ﻫﺸﺎﻡ،،ﺍﺗﺮﻛﻨﻲ ﺳﻼﻡ ﺍﺗﺮﻛﻨﻲ ﻣﺎﺍﺳﻮﻱ ﺷﻲ ﺑﺲ ﺧﻞ ﺗﻌﺘﺮﻑ ﻣﻨﻴﻦ ﺍﻟﻄﻔﻞ
ﺍﻡ ﻫﺸﺎﻡ،،ﻭﺍﻟﻠﻪ ﻣﻊ ﺍﻻﺳﻒ ﻋﻠﻴﻚ ﻭﭼﻤﺎﻟﻪ ﺗﺼﻠﻲ ﻭﺗﺼﻮﻡ ﻃﻠﻌﺖ ﻣﺘﻌﺮﻑ ﺍﻟﻠﻪ ﺑﺲ ﺏ ﺍﻻﺳﻢ ﻭﻣﺘﻌﺮﻑ ﻣﻌﺠﺰﺍﺗﻪ ﻗﺎﺩﺭ ﻋﻠﺊ ﻛﻞ ﺷﻲ ﻣﻴﮕﺪﺭ ﻳﺸﻔﻴﻚ ﻣﻦ ﻣﺮﺿﻚ ﻭﻳﺮﺯﻗﻚ ﺑﻄﻔﻞ ﺑﺲ ﺍﻟﻀﺎﻫﺮ ﺍﻧﺘﻪ ﻣﺘﺴﺘﺎﻫﻞ ﻫﺎﻱ ﺍﻟﻨﻌﻤﻪ
ﮔﻮﻣﻲ ﻳﻤﻪ ﮔﻮﻣﻲ ﺍﻟﻀﺎﻫﺮ ﺑﺴﺒﺐ ﺍﺑﻨﻲ ﺭﺍﺡ ﺍﻃﻮﻝ ﺑﻮﮔﻔﺘﻲ ﺑﻴﻦ ﺍﺩﻳﻦ ﺭﺏ ﺍﻟﻌﺎﻟﻤﻴﻦ ﻭﻫﻮ ﻳﺤﺎﺳﺒﻨﻲ ﻋﻠﺊ ﻗﻬﺮﺝ ﻭﺍﻧﺘﻲ ﻳﺘﻴﻤﻪ
ﺳﻤﺮ،،ﺑﭽﻴﺖ ﻭﺑﻄﻨﻲ ﺗﮕﻄﻌﺖ ﮔﺘﻠﻬﺎ ﻋﻤﻪ ﮔﻮﻣﻴﻨﻲ ﻣﺎﺍﮔﺪﺭ ﺍﮔﻮﻡ ﺍﺟﺖ ﻋﻤﺘﻲ ﻣﻦ ﺟﻬﺎ ﻭﻋﺒﻴﺮ ﻣﻦ ﺟﻬﺎ ﻟﺰﻣﻨﻲ ﻭﻣﻴﺲ ﻻﺯﻣﻪ ﺍﺑﻨﻬﺎ ﻭﺗﺒﭽﻲ ﻋﻠﺊ ﺣﺎﻟﻲ
ﺍﻧﻲ ﻛﻤﺖ ﻟﻮ ﺍﺣﺲ ﺣﺮﺍﺭﺓ ﺻﺎﺭﺕ ﺑﻴﻦ ﺭﺟﻠﻴﻪ ﺍﺑﺎﻭﻉ ﺍﺩﻧﻴﺖ ﻟﻮﺭﺓ ﻭﺟﺎﻥ ﺍﺷﻮﻑ ﻗﻄﺮﺍﺕ ﺩﻡ ﺑﻤﻜﺎﻧﻲ ﺭﺟﻌﺖ ﮔﻌﺪﺕ ﺑﺎﻟﻜﺎﻉ ﻭﺍﻧﻲ ﺍﺑﭽﻲ ﺑﺤﺮﮔﺖ ﮔﻠﺐ ﻭﺍﺻﻴﺢ ﺍﻟﻠﻪ ﻻﻳﻮﻓﻘﻚ ﻛﺘﻠﺖ ﺍﺑﻨﻚ ﺍﻟﻠﻪ ﻻ ﻳﻨﻄﻴﻚ ﺍﻧﺘﻪ ﻭﺍﺍﺍﺣﺪ ﻣﺮﺭﺭﻳﺾ ﻧﻔﺴﻴﻲ ﺻﺮﺕ ﻣﺜﻞ ﺍﻟﻤﺠﻨﻮﻧﻪ ﻻﺯﻣﻪ ﺑﻄﻨﻲ ﻭﺍﺻﺮﺥ ﺍﻟﻮﻟﺪ ﺍﺭﺗﺒﻜﻮ ﻭﻋﻤﺘﻲ ﺗﺼﻴﺢ ﺍﻟﺤﮕﻮ ﺍﻟﺒﺖ ﺭﺍﺡ ﺗﺴﻘﻂ ﺭﺟﻌﺖ ﺑﺎﻭﻋﺖ ﺍﻟﻬﺸﺎﻡ ﻭﻫﻲ ﺗﺤﭽﻲ
ﺍﻡ ﻫﺸﺎﻡ،،ﻭﻟﻚ ﻟﻴﻴﺶ ﻫﻴﺞ ﻳﻤﻤﻤﻤﻪ ﻟﻴﻴﺶ ﺍﻛﻮﻭ ﻭﺍﺣﺪ ﻳﻜﺘﻠﻞ ﺍﺑﻨﻪ ﺑﺪﻭﻭﻭﻥ ﻣﺎﻳﻔﻬﻢ ﺍﺳﺘﻌﺠﺎﻟﻚ ﺭﺍﺡ ﻳﺨﺴﺮﻙ ﻫﻮﻭﻭﺍﻱ
ﺳﻤﺮ،،ﺍﻟﺒﻨﺎﺕ ﻟﺒﺴﻨﻲ ﺣﺠﺎﺑﻲ ﻭﻋﺒﺎﺗﻲ ﻋﺪﻝ ﻭﻋﻤﺘﻲ ﺗﻠﺒﺲ ﺑﺠﻮﺍﺭﻳﺒﻬﺎ ﻭﻫﻲ ﻣﺨﺒﻮﺻﻪ ﻭﻫﺸﺎﻡ ﻛﺎﻋﺪ ﺑﺎﻟﮕﺎﻉ ﻋﻠﺊ ﺻﻔﺤﻪ ﺭﺟﻞ ﻣﺎﺩﻫﺎ ﻭﺭﺟﻞ ﻻﻣﻬﺎ ﻭﺍﻳﺪﺓ ﻋﻠﺊ ﺭﺍﺳﻪ ﻭﺍﻟﻮﺟﻪ ﻣﻄﻌﻮﻥ ﺍﺣﻤﺮ ﺷﮕﺪ ﻛﺮﻫﺘﻪ ﻭﻛﻞ ﺣﺒﻲ ﺍﻟﻪ ﺍﻧﺘﻬﺎ ﺑﻠﺤﻀﻪ ﻭﺣﺪﺓ
ﺍﺟﻪ ﺿﺮﻏﺎﻡ ﺭﺍﺩ ﻳﺸﻴﻠﻨﻲ ﮔﺘﻠﻪ ﺍﻧﻲ ﺍﻛﻮﻡ ﺍﻣﺸﻲ ﺑﺲ ﺳﺎﻋﺪﻭﻧﻲ ﺧﻄﻴﻪ ﻫﻮ ﮔﺎﻝ
ﺿﺮﻏﺎﻡ،،ﻭﻟﺞ ﺧﻮﻳﻪ ﺍﻧﺘﻲ ﺑﻴﺎﻭﺿﻊ ﺣﺘﺊ ﺗﻤﺸﻴﻦ ﺍﻧﻲ ﺍﺷﻴﻠﺞ ﺗﺮﺓ ﺍﻧﻲ ﻫﻢ ﺍﺧﻮﺝ
ﺳﻤﺮ،،ﺷﺎﻟﻨﻲ ﻭﻧﺰﻟﻨﻲ ﻟﻠﺴﻴﺎﺭﺓ ﻋﻤﺘﻲ ﺭﺍﺣﺖ ﻭﻳﺎﻱ ﻭﺿﺮﻏﺎﻡ ﻳﺴﻮﻕ ﻭﺳﻼﻡ ﻭﻳﺎﻩ ﺑﺎﻟﺼﺪﺭ ﮔﺎﻋﺪ ﺑﺲ ﺍﻟﻄﺮﻳﻖ ﺍﺫﺍ ﻧﺺ ﺳﺎﻋﻪ ﻫﻮ ﺳﻮﺍ ﺩﻗﺎﻳﻖ ﻟﻠﻤﺴﺘﺸﻔﺊ
ﻧﺰﻟﻨﻪ ﺑﻤﺴﺘﺸﻔﺊ ﺍﻟﺰﻫﺮﺍﺀ ﺑﺎﻟﻨﺠﻒ ﺍﻻﺷﺮﻑ
ﻣﻦ ﺷﺎﻓﻮ ﺣﺎﻟﺘﻲ ﺑﺎﻟﺴﻴﺎﺭﺓ ﺍﻣﺪﺩﺓ ﺟﺎﺑﻮ ﻋﺮﺑﺎﻧﻪ ﺩﻓﻊ ﻣﺨﺼﺼﻪ ﺍﻟﻬﻴﺞ ﺣﺎﻻﺕ ﺍﺟﻪ ﺳﻼﻡ ﻣﻦ ﺟﻬﺘﻲ ﻧﺰﻟﻨﻲ ﻭﺿﺮﻏﺎﻡ
راح يصف السيارة دخلوني الصاله الولادة. وهاي اول مرة ادخلها خفت من المكان صرت ارجف وعيوني بس يجرن دموع جنت متخيله من يجي يومي واني اطلگ راح ادخل الهذا المكان فرحانه يمكن من فرحتي انسه الخوف والرهبه بس دئما يصير عكس الشي الاخطط اله عبالك ممنوعه عليه افرح مثل باقي البنات
دخلنه واجت الدكتورة فحصتني گالت ماما لازم سونر حتئ اتاكد من وضعج اذا ميت الطفل اسويلج كورتاج
اخذتني عمتي واني كوة امشي اخذت سوتلي سونر
الدكتورة كالت عندج فطر بالجارة والطفل نبضه حييل ضعيف حاليا بي نبض ارتاحي عشر ايام وارجعيلي انطتني علاج يوقف النزف ومثبتات
عبالك رجعتلي الروح رفعت راسي للسما بس ماحچيت بس ابچي واضحك وگان دموعي تناجي رب العباد وتشكرة علئ كرمه الي
رجعنه للبيت بس ماردت ارجع واشوفه حيل كارهته عمتي دخلتني الغرفتها نيمتني ع السرير وعبير جابتلي ملابس غيرتلي ملابسي وخطيه فرحانات الفرحي لان الطفل بي روح
وقررت بس يمرن كم يوم واتكد طفلي مابي شي اعوفه واروح وطفلي الي وبس لان هو تخلئ عنه
هشام،،طول عمري واني احب سمر حب فاق المعقول والحدود احبها واخاف عليها وحريص الدرجه كلش جبيرة اغار عليها من عيون الكل الصغير قبل الچبير اغار عليها من تخلي اطفال سلام بحضنها عمري ماشكيت بيها لان هي تربات ايدي اواثق منها
دوم امنعها تلبس لبس عاري حفاضا عليها حتئ محد يشوفها لو يصير تصوير وهي بي احنه نجف وهواي عوائل ادمرت بسبب نشر بناتهم ب الاعراس والمناسبات بعض العوائل متتفهم انو بنتهم مضلومه هواي شباب اعرفهم من يشوف زوجته مصوريها بعرس بدون متدري حتئ لو ماالها ذنب يطلگها حتئ الو عندة اطفال منها بسبب عقليته فكنت اتجنب هاي المشاكل حفاضا عليها
بس بعرس بنت عمي ابو مهند لحت عليه هواي ماردت اكسر بخاطرها وقبلت تلبس اليعجبها وكتلها اني اطلع من الدوام واجيكم
طلعت العصر حتئ مامريت ابيت اهلي رحت بوجهي البيت عمي دخلت للبيت بيتهم مقسوم نصين نص مكان الضيوف والاستقبال والمضيف
والقسم الثاني معزول بي الغرف واكثر خرايط البناء بالريف من هلنوع
اتلگتني.شهد گالت اشوفك ادور بعيونك عليمن
ابتسمت گتلها بس صيحيلي سمر
گالت سمر بغرفت مهند ترتب مكياجها
صح ضجت ماريدها تدخل غرفته بس گلت عادي البيت مابي زلم وهمه مو هنا اكيد البنات ياخذن راحتهن اكثر صعدت سويت الدرج شبختين مشتاقلها اريد احصل حتئ لو بوسه منها تصبيرة لليل
وصلت للغرفه وتفاجئت هي ومهند بنفس الغرفه وهي لبسها كله علئ بعضه شبر ونص سيقانها وصدرها وزنودها كلها طالعه اني شفتها لو تسودنت ضربت مهند وهو يكول مالها ذنب لتضلمها بس انييي وييين صرت من العصبيه مااشوف اخذتها سحل للبيت وبالحزام كتلتها اي رجال بمجتمع شرقي وخاصتا احنه العراقين من يشوف مرته بهيج وضع غيرته وعصبيته هي التتحكم بي ينسه كلشي
حتئ لو كان يحب زوجته اذا دخل الشك بين اثنين متزوجين خلص يدمر كلشي
وهنا انزرع الشك بداخلي عقلي يحجي شكل وگلبي يگلي تربيتك متخونك الئ ان امي حجتلي ووشرحتلي خباثة شهد شبه اقتنعت بس الشك خلص دخل بداخلي وانتهئ الموضوع بس تركتها للايام تصلح الانكسر بينه
بعد كم يوم تعبت لان هي متنام بحضني احس حضني بارد بدونها حتئ فراشها بارد اتمنيت احضنها حضنه عشر زلم ميبعدوني عنها من شوقي ولهفتي الها حتئ الغرفه متدخلها من اني موجود
بيوم رجعت من وقت وتفاجئت بيها بالغرفه طلعت من الحمام لافه بس المنشفه علئ جسمها شكلها حيل مغري حتئ سهلت عليه التعب وهي بس بالمنشفه هجمت عليها بكل قوتي واني اطبع ختم ملكيتي علئ كل جسمها عنادها ورفضها الي خلاني ازيد وااذيها اكثر واكثر من ابتعدت عنها ضجت من اسلوبها البارد وياي حبيت احرجها كتلها اطلعي وسدي الباب وراج ادري بيها my hopes حست بالاهانه بس مااعرف اشلون اعاقبها كل مرة من اتقربلها احسها وياي بكل حواسها بس هسه عبارة عن جماد مابادلتني شي ابد
تركتها علئ راحتها لحد متنسئ الموضوع وصار شهر تقريبا قررت ارجع اراضيها لان غلطت بحقها لكيتها محضرة الغرفه ومحضرة نفسها بداخلي فرحان وعطشان عليها بس سويت نفسي مامهتم
بس هنا جانت الصدمه من گالت اني حامل
هنا الشك كله گعد وتربع براسي اني عقيم وميصير عندي اطفال والدكتور كال ماكو اي امل تالي تجي مرتي تگلي اني حامل اي شخص بمكاني ويمكن قبل ميفهم الموضوع يتصرف نفس تصرفي واكثر
هنا الامور ارتبطت عندي صرت احلل بيني وبين نفسي بين الموقف هي ومهند وحملها
ردت انجلط ضربتها بكل قوتي حتئ دفرتها ابطنها بدون وعي كل الاذكرة بساعتها حسيت نفسي مطعون بخنجر بضهري ومن اعز الناس ومااعرف شسوي من قوة الطعنه صرت اتصرف مثل المجنون
سمر،،مرن يومين واني الدمعه مافاركتني ابد مستحيل اضل يمه هاني وهان كرامتي هذا حدة عباله ماعندي ام واب وعائله يهيني شوكت ميريد بس اني عندي عمام وخوال مامكطوعه من شجرة اكدر اروح يمهم
مرت ست ايام واني اخذ العلاج بس اكلي حيل قليل مالي نفس ومن اكل لگمه تنترس دموع حتئ من اشرب استكان الجاي دموعي توگع بالاستكان مهضومه الدرجه بس الله يعلم بيها
اجت عمتي گالت
ام هشام،،يمه حضري نفسج العصر نرجع للدكتورة
سمر،،بس ماصار عشر ايام
ام هشام،،يمه والله گلبي يلوب هسه اليوم لو بعد اربع ايام شنو الفرق
سمر،،خطيه هي هم خايفه اكثر من خوفي صار العصر واخذنه سلام اول شي دخلت للسونر كلت اكمل واخذة للدكتورة كاعدة منتضرة دوري بس لازمه بيج قصص my hopes گلبي بيدي مو عبالك سونر لا عبالك منتضرة حكمي لو شهادتي گاعدة علئ نار شويه وصاحو اسمي دخلت وطلبت مني الدكتورة انام ع السديه 8
صعدت واني دكات گلبي سريعه وخايفه خلت صمغ علئ بطني وبدت تاخذ سونر وقبل متحچي كتلها ها دكتورة بشري
الدكتورة، ،ماكو
سمر، ،شنو ماكو
الدكتورة، ،ماكو نبض
سمر،،عيوني غرغرن بالدموع صرت كلي ارجف رجعت كتلها الله يخليج تاكدي
الدكتورة، ،الله يعوضج ماما الطفل ميت
