رواية عشك الشاهيين الفصل التاسع عشر بقلم مجهول
🌿**لك ما تشاء
ولي أنت فـ أنت
كل ما اشاء **🌿
مريم
اليوم حنه صگر جدي بكبره طلب من فهد يحضر العرس واعتقد خلص الخلاف الي بينهم انحل وفهد رجع. للبيت
واكيد اني خارج إطار حياته. جنت راجعه من الجامعه ابوي. جابني خابره جدي كاله تعال
اظطريت اروح البيت جدي من دخلت هو ماكو اكيد ملتهي بهاي الهوسه خاصه بيت جدي صاير. متعرف شي من شي. سلمت عل كل.
وأحس الكل مستغرب وجودي ولا عبالك هو اصلا بيت جدي شنو يعني واذا طلكنه زهراء كلتلي معليج لتهتمين بس ماكدر. شلون ماهتم اني فوك كل هذا ميته تعب. عفت الكل وطلعت. كلت اروح لبيتنه مشي اشو هو بيتنه بصف بيت جدي جنت اتمشه بالبستان وصلت طبيت للبيت مانتبهت منو موجود يمنه شمرت كتنبي وشالي ومددت عله تخم الصاله. مغمضه عيوني واني اذكر نضرات الكل اليه ماحسيت غير على صوت واحد يكول
فهد
اكعدي عدل البيت مو فارغ
هذا صوته اي هذا فهدً. فزيت واني صافنه عليه جان يكول
فهد
البسي شالج. لو تصعدين فوك. عباس هنانه
مريم
اي
مجان عندي حتى قوه حتى اسولف. صعدت لغرفتي. واني اجر جر بروحي جان يكول
فهد
مريم شبيج
مريم
حيل تعبانه فهد.
فهد
لعد ليش اجيتي هنانه مانمتي بيتنه ليش طلعتي بهل ضهريه
مريم
لان الكل يباوع عليه باستغراب. الكل يتهامس كل واحد يحجي شكل وكان الي طلكت منه غريب وميصير اطب بيت هو من اهله. اضاهر الكل نسه اني وانته ولد عم وبيتك بيت جدي
كلت هيج وعفته وصعدت ضليت نايمه بس امي جبرتني اروح لبيت جدي كعدت. ضليت صافنه عله روحي بالمرايه. بعدين كلت لنفسي عادي شنو يعني واذا مطلقه شنو اني اول وحده اخر وحده مانجح زواجه ونفصلت. اشو اني وفهد حتى زواج مثل البشر مجان بينه
رحت طلعت فستان جوزي. مثل البدله بس قصير جوه الركبه وبرمنته شعري. جان الفستان من فوك مابي حمالات. ولونه عكس على عيوني خليت مكياج خفيف. وطوخت الحمره.. قصص وروايات عراقية كرار صلاح
ولبست عبايه فوك ملابس ورحت طبعًا امي ماقبلت على شكلي تحسسني لان طلكت لازم ادفن روحي بالحياة طبعًا احنه مارحنه لحنه البنيه لان بعيده. بس الكل يحجي بفرحت صگر الي مامنطيه لاحد
جنت احس بخنكه واني اسمع شلون يتغزل بفهد وكدامي عينك عينك ولا كأني موجوده وراها ردت اطلع من الصاله صعدت فوك نسيت اني وفهد خلص انتهينه وماعندي. غرفه بهذا البيت
جنت واكفه صافنه بالصاله مال الطابق الثاني. شفت عباس. طلع من غرفه صگر عزه وين اروح بهذا شكلي ماعرف من شفت فهد كأني شفت منقذي. ختلت وراه هو بس سمعته كال
فهد
بعد جان صلختي
فتح باب غرفته الي هيه جانت غرفتي دخل وسد الباب واندار عليه. وهو صافن عليه عيونه تتجول بكل شبر بيه وكال
فهد
مو كانو مبالغه هواي. شهل لبس والكشخه ليكون دورين على عريس
مريم
ليش انته هم دور عله عروس
فهد
هاااا
مريم
مشوف روحك شلون طالع
مادري شلون حجيت هيج شهل غباء يربي اشو هذا صار يقترب مني واني. ارجع ليوره لحد ما طخيت بالحايط اشو هذا لطش بيه وسحب خصله من شعري وشمه وكال
فهد
شكو بيه. بعدني بعز شبابي ليش مادور عروس
مريم
فهد وخر
فهد
ليش مو انتي الي ختلتي وراي مثل الفاره. ترى اني وعباس ثنينه ولد عمج
مريم
اوكً لعد وخر خلي اطلع
فهد
مريومتي. وحق الحق اذا شافج احد بهل شكل اهدر دمج
مريم
انته معليك بيه باي حق تحاسبني
فهد
مادري بس. سمعت وحده مره كالتلي. ( شيخ فهد ترجيه وخليه باذنك اني بت عم الشاهين والشاهين علمني درس مهم وكال الي تردينه اخذيه بالطيب واله بالغصب اخذي. وهاااا اذكر يومه كلتيلي لا عبالك طلكت منكً خلص. حطه بالك انته ملكي واني ملككً شيخ فهد )
من كال هيجً فهد احس روحي صخنت أوف منك الساني. ياربي اني شلون كتله هيج. بس والله هو بوكته حيل استفزني من كال لزهراء اكلج ماشفتي كرايب خطيبه صگر مابيهن وحده حلوه. اشو غرت من صگر وهم اريد ازوج
عاد اني بوكته هجمت عليه. هجمه مرتده وهددت وحرت شسوي بيه وهو بس يوزع ابتسامات
اليوم رجع ذكرني بنفس الموقف من كال هيجً
رفع راسي وكال
فهد
مريم انتي ملكي ومن حقي كلشي اسوي
مريم
خلص فهد خليني اروح
فهد
شبيج اليوم وينه مريم الي طب بعيني وتكلي انته الي
مريم
خلصت طاقتي وبعد ماريد شي
من كتله هيج ماعرف شبي صار مثل الثور الهايج بس ينافخ. راح فتحت الباب وباوع خاف اكو احد ورجع دار راسه عليه وكال يله ولي اني اصلا الي ماريدج مو انتي
من كال هيجً. اني طلعت. بسرعه رحت ضليت كاعده وحدي العب بجهال زهراء هو مبدل ونازل هم كاشخ اقوى من الي قبله. طبعًا. فرح. بت عمتي من شافته هلهلت اني ظليت ساكته.
وراها رحت لغرفه زهراء غيرت ملابسي لان ونزلت اساعد زهراء بالعشه لان مبين الافنديات جايات أميرات جنت جاي اشتغل ويه زهراء ودخل شاهين للمطبخ بس شاهين مدري شبيه هل فترة يعارك ذبان خشمه هو من الأصل يخوف انوب مدري شنو مضوجه
كال
شاهين
صگر وين
زهراء
ليش مو موجود يمكم
شاهين
لا تخبلوني شنو يمكم ياهو الي اسأله يكلي يمكم وين يعني يمكم من ١٠ الصبح الهسه اختفه فص ملح وذاب
من كال هيجً شاهين دخل فهد وهو يضحك وكال.
فهد
شيخ شاهين. هدي خويه هديه هذا وينه صگرنه شماطار. يرد لجتفك تاليه
صكر جان يوزع ابتسامات كاله. شاهين وهو يفور
شاهين
انته وين جنت
صگر
هدي شيخ حنيت مريتي واجيت.
من كال هيجً كلنه فكينه حلوكنه. شنو حناها. من البصره البغداد يحني. شاهين ضل فاكً حلكه. صكر كاله بكل ثقه
صگر
وعدته بيوم من الايام لوً الله رزقه الي وجنت واثق. راح صير الي كتله ماموت كبل ما حنيج واخذج بثوبج الأبيض. عروس لبيت الشيخ مظفر...قصص وروايات عراقية كرار صلاح
من كال صگر. هيج شاهين طلع واني احس دموعي دمعه واني اذكر. عرسي. بعدين كلت ماضي وراح خلي افرح الصكر. ضلينه تضحك وياه. وهو شوفنه الصور أوف ربي شنو هاي طالعه تموت. طبعًا فهد هم طلع بقينه بس اني وياه. وزهراء
شاهين جان واكف وحده. صافن واحت باله شبح. ذكرى. كاعد عل شط دجله هو وغرام. وكالله
شاهين
غرامي
غرام
عيونه
شاهين
شنو امنيتج
غرام
ماعندي امنيات
شاهين
شنو القضيه اكو احد ماعنده امنيات
غرام
انته كلشي الي بهاي الحياة وهياتك بصفي شسوي بالأمنيات شلي بيه
شاهين
يعني شنو حياتج تبدي وتنتهي بيه
غرام
اي. الدنيه المابيه ابو المهيب ماريده ولا اريد أعيشه
شاهين
وأحق. الي رفع سماها بلا عمد انتي راح تكونين ام المهيب وشيخه النسوان لو جان عمري يوم واحد اجه باله صورته وهي بالمستشفى شلون صاير. شكله كتلت جمال وفخامة. وغرور. وتكبر شكله لبسه أسلوبه كله متغير. وكان هيه وحده غير الي جان يعرفه ماعده عيونه بعده نفسه
كال بنفسه ( لا هواي حياتج تبدي وتنتهي بيه ).
عاف كلشي وصعد لغرفته. وره ساعه نزل مبدل وكاشخ بزيه العربي الي يصيح ويصدح هذا شيخ الهيبه هذا الجبروت والغرور كله هذا الي محد يكدر يكله لا
