رواية الطالبه والضابط الفصل التاسع عشر بقلم توتة
"أن يلين قلب أحدهم لك، يترك خلافاتكم جانبًا،
يبحث عن كل طريقة مازالت توصلهُ إليك.. أن ترى
أنك لا تهون وأن فراقك ليس بهين هو شعور دافيء ويجعلك تطمئن دون أن تبذل ذرة مجهود واحدة."
«اتمنئ لكم مشاهده ممتعه ❤️»
*****************************
اخذت عمامي ورحنه علئ بيت ابو نارين طول طريق نتناقش بلموضوع وشنوو راح نحچي وياه وشلوون نقنعه حيدر موو بوعيه سووه هيج
يحچون وياي واني عقلي ابدد مويمهم اتذكرر كلامها شلوون حچتها بقهرر وحزن وگالت ليش تقربت مِڼـّي
حسيت علئ نفسي شلوون مأذيها وكاسر گبلها.
وصلنه لبيتهم استقبلنه ابوها ودخلنه للديوان مالته.
ابو ضرغام / سلام عليكم
ابو نارين / وعليكم سلام ورحمه لله وبركاتو تفضلو تفلضو.
گعدنه كلنه سويه.
ابو جابر / ابو نارين احنه مقصرين وياك وتصرف ابنه ابدد مامقبول ونعترف غلط جاينك ليووم حته نعتذر عن التصرف الي بدر م̷ـــِْن عنده كلشي تريده احنه حاضرين.
ابو نارين / كلامك علئ راسي حجي بسس تصرف حيدر لوو شيصير ماسكت عنه ولازم يتعاقب عليه اذا انتو ترضونها تصير بناتكم وتسكتون علئ الموضوع هنااا اني ماحجي شي وبنتي هم بتكم ومنكم وبيكم.
ابو جابر / لا ولله مانرضاها وبنتك هيه بتنه بسس لولد موو واعي علئ تصرفه ولأنسان يغلط مامعصوم.
ابو نارين / هاذه موو حچي شنوو يغلط ماكوو شخص يرده.
ابو ضرغام / ابو نارين ادري بحيدر غلط وتصرفه مامقبول. ولله راح نحاسبه علئ هل تصرف بسس شغله صارت بدون وعي واحنه جاينك ليوم م̷ـــِْن الانبار. حته نكسر الشر ونتفاهم بهدوئ
ابو نارين / اني خليت بنتي عندك ضرغام طلبت منك تهتم بيها بسس اسبوع واحد امنتها يمكم لأن تعررف بيه شكدد اثق بيك وبعائلتك.
_ايي ولله واحنه ماقصرنه وياها بشي وتكدر تسألها بسس الي صاارر غلط م̷ـــِْن اخوي واني اعتذر نيابتا. عنه.
ابو جابر / لبنيه مابيها شي هسه موو.
ابو نارين / مخلي بيهاا خوفه حته اكل ماتاكل وبسس تبچي انيي ماعندي غيرها حچي ولله لعظيم اذا صاار عليها شي احرگ حيدر وهوه عايش وهااي احچيها كدامكم.
بقينه نتناقش ابو نارين ضايج ومارضه يطلع حيدر م̷ـــِْن السجن اله يوقع ورقت تعهد بعدد مايمر بطريق بنته
گنالنه نفصلك بسس مارضه كال احنه اهل ومابينه فصول وعشاير وشغله صارت وانتهت وانشالله بعد ماتنعاد.
اتشكرنه م̷ـــِْن عنده وطلعنه رجعنه لأنبار.
__________________________
نارين.
بقيت گاعده بصاله اقره. بسس عقلي ابدد مويم الدرس بالي مشوش وماعرف شلوون افكرر وشلوون اتصرف
احچي لبابا عن ضرغام اخاف تكبر القصه وتصير مشاكل ابقه ساكته احس نفسي اختنكت
گمت م̷ـــِْن مكاني اخذت كاتي وصعدت لغرفتي بقيت متمدده علئ السرير واني اتذكر كلشي صاار ويايه.
اووف ياربي ليشش سووه هيج حيدر شسويتله انيي.
اتصل جهازي كانت صديقتي منارس.
الوو.
منارس / هاا حوب وينج
_بلبيت ماتجين اشوفج ولله تعبانه
منارس / ايي شويه واجي عليج عندي موضوع ومتاكده راح يفرحج.
_شنوو الموضوع اگدر اعرفه هسه
منارس / لا ماينحچي علئ الجهاز م̷ـــِْن اجي عليج اكلج بيه متاكده راح يفرحج كلش.
_تمام لعد راح انتضرج مووطولين صاار عندي فضول اعررف شنوو الموضوع.
منارس / هسه راح احچي ويه اخوي واخلي يجيبني عليچ
_اوك.
سديت منهاا. رحت للكنتور اخذت ملابس ودخلت للحمام بدلت وطلعت لبست تراك بيت قصير نص ردان وبرموده.
بقيت امشط بشعري واني صافنه بالمرايه تذكرت ضرغام شلوون كنت ارتب بنفسي وصاار قريب مِڼـّي.
اووف يااربي ليشش افكرر بيه ليشش عقلي مجاي ينساه.
سمعت صوت سيارات برا البيت
فتحت البلكونه مالتي وبقيت اباوع شفت ضرغام وابو وناس هوايه نزلو م̷ـــِْن سيارات شي 5 سيارات
نزل هوه م̷ـــِْن سيارته كان لابس قميص اسود وبنطرون اسود. طالع يخبل
بقيت صافنه وباوع عليه م̷ـــِْن فوگ دخلو جوه وهو مانتبه عليه ولاشافني
سديت الشباك ورجعت گعدت علئ السرير مالتي.
شراح يصير هسه شلوون راح يتصرف بابا معقوله يطردهم لا لا بابا ميطرد خطاره بسس هوه كان ضايج منهم ومعصب اكيدد راح يحچي علئ.
ضرغام لأن ماهتم بيه.
بقيت اروح وارجع بلغرفه واني احچي ويه نفسي اندك باب غرفتي
تفضل.
منارس / هلاووو.
_هلا حبي.
اجت سلمت عليه وگعدت يمي علئ السرير
منارس / اكلج شنوو هاي العالم الجايه عليكم ??
_هاا هذولي اصدقاء بابا بل عمل اجوو علينه
منارس / هاا اوك.
_ايي ماگلتيلي شنوو الموضوع الي حجيتيلي عنه
منارس / ولجج م̷ـــِْن اختفيتي هذاك اليووم اجه استاذ عصام للمدرسه وسأل عنج
_شنووو. !!!
منارس / ولله شبييج مستغربه
_شلوون مجاي افهم شنوو سأل عني ومنوو سال وشگال فهميني.
منارس / شوفي انتي موو اختفيتي هوه اتصل علي گال اكدر اشوفج كتله اي استاذ عادي فـ. اجاني للمدرسه م̷ـــِْن خلص الدوام
گال اتصل علئ نارين ماكوو واتصل علئ ابوها مايرد بيها شي.
_ايي وانتي شنوو گلتيله
منارس / گتله مريضه وابوها طلب الها اجازه اسبوع.
كال. م̷ـــِْن ترجع داوم كوليلي اريدد احچي وياها
_شرايد مِڼـّي. ??
منارس / ثوول واضحه مثل عين الشمس يريد يعترفلج مشااعره
_انجبي ياامشاعر هاذي اصلا هوه مايحبني منين اجته المشاعر هسسسه
منارس / ليشش عيني شبييج حته مايحبج ويين يلگه وحده حلووه ومثقفه مثلج
_ولله ماعرف يمكن يريد يسألني علئ دراستي
منارس / لا حبي اني متأكده يريد يحچي وياج عن مشاعره هسه بااچر اني راح اگله رجعت نارين داوم واحچو سويه وشوفي شنوو يريد منچ
_الله كريم. نسيت اسألج شنوو تشربين
منارس / ايي شي.
_بسس اكول للخادمه ورجعلج.
عفتها وطلعت م̷ـــِْن الغرفه واني دايخه شيريد مِڼـّي استاذ عصام معقوله يطلع كلام منارس صح ويريد يحچيلي عن مشاعره لا اكيد موهيج هوه ميحبني ولامره مباوع بوجهي
نزلت گلت للخدامه تسويلنه عصير ومعجنات وتجيبهم للغرفه
اسمع اصواتهم يحچون بلديوان. صوت بابا عالي يرفض يطلع حيدر م̷ـــِْن السجن
اخذت صينيه م̷ـــِْن الخادمه وصعدت لغرفتي.
خليت الاكل كدام منارس وكعدت واني افكرر تحچي وياي وتضحك واني بالي ابدد مويمها.
منارس / شبييج نارين وين صافنه
_هاا شنوو گلتي
منارس / ولله انتي موطبيعيه صااير شي وياچ احچيلي.
_لا حبي مصاير شي بسس گتلج هل فترا مريضه وتعبانه وصايره مالي خلك كلشي
منارس / شنوو رأيج نطلع باجرر للمول نغير جوو
_مادري اشووف اذا اگدر اطلع
منارس / انتي شبيج صايره متحبين طلعين وحابسه نفسج بلبيت تگول يريدون يخطفوها
بلعت ريكي بخوف واني احچي بكلبي ايي ولله يريدون يخطفوني.
منارس / باجر اخذج ونروح للمول اريدد اشتري ملابس لعرس بنت خالي.
_اوك اكول عموو صلاح ياخذنه ويرجعنه
منارس / تمام لعد يلا اني لآزٍمٍ اروح بااجر اشوفج بلمدرسه.
سلمت عليها ونزلت وياها راحت لبيتهم رجعت للصاله وطلعت الزلم م̷ـــِْن الديوان
رحت دخلت بسرعه صرت ورا الدنگه. حته ميشوفوني. كنت لابسه برموده
طلع الكل واجه بابا للصاله رحت عليه واني بالي اسأله شنوو قرر بموضوع حيدر.
ابو نارين / هاا حبيبتي منوو چان يمج
_هاذي منارس اجت عليه ندرس سويه
ابو نارين / ليووم امتحنتي لا.
_ايي امتحنت وانسه سعاد گالت راح ارجع امتحنج بلدور الثاني لأن ماكدرت اداوم
ابو نارين / خيرر انشالله
_اممم. بابا شنوو صاار بينك وبين اهل ضرغام
ابو نارين / اعتذرو عن تصرف ابنهم وگالو هوه مكان واعي علئ الي سوواه وراح يعاقبونه وراح يوقع اوراق تعهد انوو مايمر بطريقج مَـرّھٌ ثانيه #ڪــڔٰا̍ڕ
_يعني راح يطلع م̷ـــِْن السجن ??
ابو نارين / موو گبل ماشوفه واعاقبه بيدي.
_ خيولي بابا اهله همه يتصرفون وياه
ابو نارين / لا ولله موو بهل بساطه اسكت علئ،الموضوع. ماحچيت شي لأن همه بيتي ولاه انيي مقرر مصيره.
_لخاطري لاتسوي شي الي صاار صاار ونتهئ،ليشش تخرب علاقتك وياهم وانته تحبهم وتحترمهم
ابو نارين / لاتدخلين بهيج سوالف يلا لغرفتج
بقيت صافنه بوجهه ثواني عفته وصعدت لغرفتي واني ضايجه كلش
كلها تعيط عليه ولاشخص يحبني
دخلت للغرفه شمرت نفسي علئ السرير واني مخنوووكه وطالعه روحي
بدون ماحس بچيت احس بنقص اريدد امي اريدها تهتم بيه تمسح دمووعي
شويه وحسيت بابا دخل للغرفه اجت كعد يمي ومسح علئ راسي
ابو نارين / ليش تبچين باباتي
_مااريد احچي وياك يلااا روح
ابو نارين / ارفعي راسج خليني اشوف عيونج الحلوات.
_ مااااا.
شالني م̷ـــِْن اكتافي ودار وجهي عليه وهو يبتسم.
مسح دموعي باديه وهمس
ابو نارين / اااخ بويه لوو تدرين معزتج شكبرهاا عندي چان مازعلتي مِڼـّي بيووم ولله
_انته صااير مثل عائله ضرغام تعيط عليه ومتهتم بيه. ترا اني هم انسانه وعندي مشاعر.
ابو نارين / ليش منوو چان يعيط عليج ?
_كلهم اصواتهم عاليه عليه ولاشخص يحترم الثانيه.
ابو نارين / خيولون يروحون فدووه لعيونج بعدد ماتشوفون واحد منهم. ليووم اتصلت بخالتج وگالت خليها تجي يمي تكضي العطله كلها هنااك تراويج كل مناطق تركيا.
_ماريدد اسافرر. فدووه
ابو نارين / ليششش تشلعين گلبي ياابووويه انتي تدرين بيه خاايف عليج لايصيرلج شي وبهاذك الوقت منوو راح يتحمل المسؤليه
_بسس فهمني منوو يريد يخطفني وليشش شسويت اني. ?
ابو نارين / بابا اني شغلي ڱڵـه. بلدوله وبأستخبارت ولمعلومات السريه اكوو بعض المجرميه اعرفت هواي معلومات عنهم وبحركه مِڼـّي اخفيهم م̷ـــِْن الوجود همه عرفو اني عرفت كلشي عنهم وماخذين حذر اذا اكشف ايي معلومه عنهم راح يخطفونج
_شلوون عرفو اني بنتك
ابو نارين / مووصعبه عليهم يابويه شغله سهله هااي يعرفون كلشي عن حياتنه.
_وشلوون اني ابقه بعيده عنك ??
ابو نارين / لا حبيبتي هسه راح اسفرج لخالتج وراح اخلص الشغل اني واشوف الوضع اذا صاار أمان ارجعج.
_واذا الوضع ماستقرر شلوون ابقه بتركيا ??
ابو نارين / اني احل الموضوع لاتخافين مراح اخليج هنااك اني منوو يضل وياي
نزلت عيوني بقهرر ولله ماريدد اسافر شكدد خايفه اسافر وبعدد ماگدر ارجع
ابو نارين / يلا بويه نامي اني هم رايح ارتاح تعبان كلش.
هزيت راسي بأي.
تقرب باس راسي وعافني وطلع م̷ـــِْن الغرفه خليت راسي علئ المخده واني مقهوره.
صباح ثاني يوم "
كعدت صبح. واني عيوني توجعني تگول بيهم رمل گمت م̷ـــِْن مكاني اخذت ملابس مدرسه سبحت وبدلت ونزلت
لگيت ريوك جاهز.
صباح الخيرر.
_هلا حبيبتي صباح النور الأكل جاهز تريكي
گعدت علئ الطاوله اكلت. لگمتين وطلعت لگيت عمو صلاح منتضرني بلسياره صعدت وياه
عموو مرني علئ استاذ عصام
_ماشي بنيتي.
اريدد اشوف شنوو كان رايد مِڼـّي وهم عندي امتحان اريده يدرسني عليه
وصلنه لبيت الاستاذ عصام نزلت م̷ـــِْن السياره ودگيت الباب.
فتح الباب وسلم عليه
_صباح الخيرر
عصام / هلا ولله صباح النور شنوو وين هل غيبه
_شنوو ابقه واكفه بلباب
عصام / لا عيني تفضلي لبيت بيتج
ابتسمت بلطف ودخلت للبيت هوه مثل المكتب يدرس بيه.
عصام / تشربين شي
_لا شكراا عندي امتحان واجيت افتهم م̷ـــِْن عندك كم موضوع بخصوص الامتحان وسمعت بيك سأل عني.
عصام / ايي ولله نارين عندي موضوع وياج وحاير منين ابدي بيه
_كول استاذ اذا اكدر اساعدك بشي ماقصر.
عصام / اكوو واحد م̷ـــِْن جماعتي شايفج يمي وهوه خووش رجال ومحامي وگال اذا تكدر تحچيلي وياها حته يتقدملج
بقيت مصدومه م̷ـــِْن كلام استاذ عصام كان كل ضني هوه راح يحچيلي عن مشاعره بسس اني غبيه ادري بيه مايحبني وباقيه احلم
عصام / هاا نارين شنوو گلتي
_اني ممفكره اتزوج هسه بعدني صغيره اريدد اكمل دراستي اعتذرلي م̷ـــِْن صديقك وگوله يشوفله وحده غيري.
گمت م̷ـــِْن مكاني ودرت وجهي لزم ايدي الاستاذ وگال.
عصام / اوكفي نارين شبيج ضجتي مِڼـّي.
سحبت ايدي عنه ورديت علي
مضجت عندي امتحان تأخرت لآزٍمٍ اروح يمكن العصر امرر عليك وافهم الدرس
عصام / ماريدج تضوجين الموضوع عادي الولد بسس طلب مِڼـّي اشوف ردج.
_واني گتلك مضايجه ولموضوع عادي
عصام / اذا هيج شبيج رايحه هسه وصلتي خليني افهمج الدرس وروحي امتحني.
_لا تأخرت م̷ـــِْن غيرر شي صارلي اسبوع غايبه اخاف انفصل بسبب تأخيري علئ الدروس.
عصام / تمام عيناي براحتج
_يلا مع سلامه
عفته وطلعت طلع وياي للباب رحت دخلت للسياره واني ضااايجه ومقهوره هيه هاذي حياتي ايي شي اريده واحلم يصير الي. يصيرلي العكس.
وصلني السايق للمدرسه وراح دخلت للمدرسه تلاگت وياي منارس.
منارس / صباح الخيرر يحلوو.
_صباح النور.
منارس / شبيج وجهج مگلوب م̷ـــِْن الصبح صااير شي وياچ
_حچيت ويه استاذ عصام
منارس / صدككك شنوو حچيتو شگالج اعترف بحبه الجج موو موو.
_خرب حضي
منارس / يااا شبيج احچي شنوو صاار ماعترف الج شنووو.
_تخيلي يگلي واحد م̷ـــِْن جماعتي معجب بيج ويريد يتقدملج شنوو رأيج
منارس / عليج لله
_هوه هاذه حضي شسوي
منارس / ايي چان تعرفتي علئ صديقه يمكن يطلع خووش رجال وتحبي
_انجبي احسلج شنوو اتعرف عليه هيه عايزه اسوي علاقه ويه رجال ماعرفه
منارس / هسسه شبيهاا اذا تعرفتي عليه.
_شنوو رأيج انتي تتعرفين عليه وتكفيني شرج
منارس / ولله ياريت هيج واحد حلوو اسمراني شخصيه يجيني ويگولي تعالي نتعرف ولله اروحله ركض.
_زاحفه موو بيدج
منارس / ولجج جفاف جفاف خررب ماكوو حب
_دوليييي.
عفتها ورحت دخلت للصف. شويه ودخلت الطالبات وبدينه بالمتحان.
___________________________
ضرغام.
رجعنه لأنبار واني بنفسي اريد اشورف نارين بسس ماگدرت اشوفها ولالمحتها بمكان
طول الطريق اسوق وبالي يمهااا احس عقلي وتفكيري ڱڵـه. صاار يمهاا.
شلوون گدرت اتقرب منهاا خليتها تكرهني وتشوفني واحد استغلالي.
وصلنه للبيت وعمامي راحو علئ بيوتهم.
صعدت لغرفتي حته ارتاح شويه.
تمددت علئ السرير شويه ودخل سهئ للغرفه.
سهئ / هاا رجعتو.
اممممم.
سهئ / ايي شگال ابو نارين
ماگال شي. باجرر يطلع حيدر ويوقع اوراق تعهد بعدد مايمر بطريق بنته
سهئ / هيه بنته هم تحوس ماتكعد راحه تستاهل الي صاار وياها.
سسسسهئ اخررر مرره اسمحلج تحچين علئ نااارين
سهئ / لا ولله ليشش عيني لهل درجه هامتك حضرت جنابها.
استغفررررلله يااااررربي صبرر الهي صبرر.
سهئ / اكص ايدي اذا ماطلعت هل بنيه لاعبه بعقلك.
اطلعي برااااااا ماريد اسمع صووووتج.
عافتني وطلعت م̷ـــِْن الغرفه وهيه تغلط علئ نارين احسسس راسي راح ينفجر.
خليت راسي علئ المخده ونمت.
بعد مرور اسبوع "
مرر اسبوع علئ كلشي صاار ماعرف ايي خبرر عن نارين وشلوون وضعها بالي اروح لبغداد وأطمان عليها بسس اخاف اروح والكاها مسافره واتحطم اكثرر.
طلع حيدر م̷ـــِْن السجن ورجع علئ طبيعته ولاكانو مسوي شي اختي سحرر انخطبت لأبن عمي سيف وصارت الخطبه رسميه.
گاعد بلمكتب واشتغل اندك الباب
تفضل.
كرار / اكوو انفجار صااير بغداد لآزٍمٍ نتحرك
_شنووو. شلوون وين
كرار / مادري صااير بمول ***** بغداد.
كمت م̷ـــِْن المكتب وطلعت بسررعه ويه كرار واخذنه دوريه كامله وطلعنه للمكان الي صاار بيه الانفجار.
اسوق وخطرت علئ بالي نارين معقوله تكون بلانفجار لا ياربي دخيلك كلشي ولاهل بنيه احسس روحي معلگه بيها.
وصلنه للمكان الي صاار بيه الانفجار.
مصابين هووايه وجرحئ وموته وصاايره هووسه ناس تصرخ وناس تبچي
عيوني تراقب المكان اخاف اشووفها.
رحنه نحقق بلمكان ويه الناس الموجوده بمكان الحادث.
كرار / سيدي ضابط هشام موجود يريدك
خلي شباب تشيل المصابين اتصلو بألسعاف وانقلو الجرحه بسررعه
كرار / حاضر.
عفته ورحت للضابط هشام بقيت استفسر منه علئ الانفجار وشلوون صاار وشنو. سببه
كانت سياره مفخخه قريبه م̷ـــِْن المول. وفجوره باب المول.
دخلنه اني ولضابط هشام داخل المول واحنه نتناقش بلموضوع انصدمت م̷ـــِْن شفت نارين متمدده علئ الارض ويمها بنيه تضرب علئ خدها.
تخبلت ماضل عقل براسي مستحيل موو هيه لااا موهيه. يالله
عفت ضابط ورحت اركض عليها ...
