رواية ابي عذابي ومأساتي الفصل التاسع عشر بقلم سمر اسامه
شهد.
دخلت بشهر 6 وحملي كلش ثكيل. كنت دانضف. وعمتي. تصلي. وجابر كاعد ب صاله ويشتغل ع حاسبه
حسيت بوجع بطني مو طبيعي. كعدت ع ارض وبقيت اصرخ وابجي. واصيح. اااااخ بطني. يممه راح امووت
دخل. جابر للمطبخ شافني واكعه ع ارض. واصرخ بوجع. لزمني وشالني ع صدره وهو. يضرب ع خدي ويحجي. شبيج شهد
دخلت ساره وعمتي يركضن. عمتي تخبلت صارت تسال بيه واني ماجاوب بس اصرخ. يممه راح اموووت. بطني. ااااخ.
جابر. صاح ع عمتي. ماما البسي عبايتج. خلي ناخذها للدكتور. نشوفها ليش تتوجع هيج
راحت عمتي بسرعه. وجابر حملني للسياره
لزمته م̷ـــِْن قميصه بقوه. واني اصرخ. جااابر راح اموووت. راح. اموووت.
مسح دموعي. وهمس. لاتخافين. يمكن. وللاده مبكره
بس اهدي شويه. اسحبني نفس.
بقيت اباوع عليه واني ابجي. واريد اسحب نفس. اجتي مثل الطلقه. صرخت. بوجهه ااااااخ يمه راح امووت
مسح وجهه بتوتر وصاح. يممممه وين صرتي. يالله
اجت عمتي تركض. واخذوني للمستشفئ.
كنت طول الطريق ابجي. احس بطني راح تنفجر
شويه. وماحسيت ع شي فقدت.
فتحت عيوني. ب مستشفئ. خليت ايدي ع بطني بعده جبير. يعني. بعدني موالده اي شلون اولد وبعدني ب شهر 6
دخلت عليه عمتي وحجيت الحمدالله ع سلامتج يمه
همست بوجع. شنو صار ليش هل وجع.
كعدت يمي وردت. ماكو شي بس عندج تقلصات. واوجاع. وانطوج. مهدئات وعلاج لآزٍمٍ تستمرين عليه لاحد مادخلين ب اشهر الاخيره
حجيت بوجع يعني. الاطفال مابيهم شي.
هزت راسها بأي.
بقينه شويه وطلعنه م̷ـــِْن المستشفئ. كان جابر واكف قريب م̷ـــِْن السياره. شافني وحجه. عمي. خبلتينه عبالنه تموتين ب طريق
طلعت تقلصات وانتي كالبه الامه
نزلت دموعي. وحجيت شسوي بطني حسيتها راح تنفجر. انت مشايف الوجع الي بيه
ضحك ورد. هيه عايزه احس بوجع بطنج ههههههه
رجعنه للبيت. كنت كلش تعبانه. صعدت للغرفه. ونمت
كعدت العصر. كان الوجع. خاف كنت كلش جوعانه
نزلت لكيت عمي ابو ليث موجود عدنه.
نزلت وسلمت عليه.
اسمعه يكول لعمتي. بعد 4 تيام لعرس بنتي روان.
اجيت اعتذر م̷ـــِْن الي صار. قبل فترا. امسحيها بوجهي
ردت عليه. لا خويه. شسالفه. الي صار هوه غلطه وبنتك هسه راح تزوج والله فرحانتلها كلش
الله يوفقها بحياتها انشالله.
بقيت ب مطبخ. سويت اكل وكعدت اكل. وافكر ب ولاده. عزاا. هاذي التقلصات هيج لولاده شلوون.
يمه. والله خايفه. يمكن ماتحمل واموت.
كملت اكل وطلعت لكيت عمي رايح رحت كعدت ويه عمتي. وصارت تسالني عن صحتي.
نزل جابر م̷ـــِْن غرفته وكان لابس ومتأنق. شافنه وابتسم. اجه قرب منه. وحجه شلونكم. ردينه عليه الحمدالله بخير
كعد مقابيلنه وحجه. ماما. قررت. اتزوج.
اني. مثل الي نضربت راجدي قوي ع وجهي بقيت بس صافنه
................................................................
ايمن.
كنت كاعد ب شغل. وافكر بروان. معقوله صرت احبها
كنت كل ماكعد افكر بشهد. هسه كل عقلي بروان
صرت حته م̷ـــِْن اشوفها. اريد بس ابقه وياها حبيت خبالها. وكلامها ويايه
بس. هيه غبيه ابد متحس بيه ولاتحجي ويايه بلطف
عبالك مو ابن عمها وزوجها لا عدوها.
اتصلت عليها. فتحت خط الوو هلا ايمن.
رديت عليها هلا بيج يروحي شلونج. شخبارج.
ردت والله بعدني. موزينه منك. وزعلانه كلش. م̷ـــِْن الي صار لبارحه.
ابتسمت ورديت. بس ترا. حلوه كانت. اول ليله النه سويه. اووف. لْـۆ تنعاد. بحب
ردت عليه بعصبيه. ايمن. كافي. لا والله بعد حته اتصالاتك مارد عليها
جاوبتها. ليش. روان. ترا داحجي الحقيقه. صح كانت غلطه بس لغلطات لهيج حلوات كلشش
سدت الاتصال.
بقيت اضحك عليها وشلون تكرهني. يجي يوم وتحبني
وهيه الي راح تتقرب مِڼـّي مو اني.
رجعت لشغلي. كملت وطلعت. اتصلت عليها ماردت
بقيت اتصل وصلت 4 اتصالات يلا ردت عليه
وجاوبت الووو نعم شرايد.
حجيت. حضري نفسج. نطلع اني وياج نختارلج غرفه
ونروح نتونس. شويه.
ردت عليه. اوك. منتضرتك
شويه وصلت عليهم. طلعت. للباب كانت الابسه بنطرون. وقميص. ماروني. طالعه تخبل. بقيت بس صافن. عليها
هيه تباوعلي وترفع عيونها بملل ولامعبرتني. الحقيره شكد اكره هاذي نضراتها اتجاهي
اخذتها ورحنه للسوك. دخلنه بمحل اثاث وغرف.
اختارت. غرفه. ع تصميم تركي وحلوه كلش. اختارت وياهم. غنفات. نخليهم ب غرفه.
كانت شويه فرحانه م̷ـــِْن تختار وجها مابيه عبوس
اختارينه. الغرفه. وهويه اشياء. وطلبت منهم يوصلوهم للشقه انطيتهم العنوان
طلعنه. وحجيت. تعالي نروح نتغدئ بمطعم.
باوعت عليه وردت. لا ايمن ماريد اكل ب مطعم. خلينه
نروح ع شط. وناكل هناك ناخذ اكل م̷ـــِْن المطعم
اخذت اكل وطلعنه ع شط. هيه نزلت. وصارت تتمشئ
واني نزلت. الاكل. ورحت. وراها. لزمتها م̷ـــِْن ايدها وسحبتها عليه. وبقيت مركز. بعيونها.
هيه تباوعلي. بخبث همست م̷ـــِْن بين اسنانها. ايمن رجاء. خليك بعيد عني. خليني مرتاحه وياك ولاتخرب الطلعه
ابتعدت عنها وحجيت. يلا ماشي. تعالي ناكل.
اخذتها ورحنه كعدتنه. بقينه ناكل. ونسوالف شويه
حجيت. روان. متحسين شي اتجاهي. يعني ولاشويه
باوعت عليه وهيه تاكل. وردت. ولاشويه. الاسف. ماعرف ليش كلبي ميريدك قصص وروايات عراقية
يعني. انت بصراحه حلو. وهوايه بنات تتمناك بس ماعرف ليش اني. ماتمنيتك. يمكن لان افكر بغيرك
نزلت الاكل م̷ـــِْن ايدي وردت. خوش.
باوعت. عليه وبتسمت شنو زعلت.
مارديت. عليها وعفتها. ورحت اتمشئ وادخن وافكر بكلامها. شلون تحجي هيج. كدامي ومافكرت بيه ولاكالت عيب احجي هيج
بس اني الي ورطت نفسي. اني اعرفها ماتحبني. ليش باقي. وياها. وليش وافقت ع قرار عمي. وراح اتزوجها
بقيت. شويه وهيه اجت يمي وحجت. ضجت م̷ـــِْن كلامي. موو.
باوعت عليها ورديت. اني. احبج. روان. تعرفين شنو احبج. ماتحمل. هاذه كلامج. انتي ويايه وتفكرين بغيري. شويه. فكري بمشاعري
بقت مركزه بعيوني. وحجت يمته حبيتني انت مو كنت تحب شهد.
رديت عليها. ماحبها انتي ليش عقلج هيج يفكر اني لْـۆ احبها مستحيل اتقبلج مرتي. واني مو بنت حته انجبر
بس حسيتج مناسبه الي. بس الاسف طلع العكس.
طلعتي. متستاهليني. عادي. اتزوجج. واحب غيرج انشالله.
باوعت عليه بغضب وحجت. شنووو لاوالله خاف متقبل. شنو تحب. غيري واحنه. مزوجين. والله اكول لبابا. عليك واخلي يطلكني منك
تقربت منها. وسحبتها م̷ـــِْن خصرها. وهمست شنو تغارين. اذا احب غيرج.
رفعت عيونها بملل وردت لا غلطان بس اني ماحب اكون. البديل احب اكون الاولويه.
تقربت منها واخذت بوسه م̷ـــِْن طرف شفتها. وبتعدت وهمست. انتي دائما الاولويه بحياتي.
بقت بس تصفن. وابتعدت عني. مسحت. حلكها بتوتر ورحت. علئ السياره.
بقيت اتمشئ شويه وصاحت عليه يلا اايمن خلينه نروح. تاخرت عندي امتحانات.
رجعنه للبيت وصلتها لبيت اهلها. كانت تريد تنزل لزمت ايدها باوعت عليه بستغراب وحجت هاا رايد شي
هزيت راسي بأي
ردت اي شنو.
ابتسمت وحجيت. بوسيني يلا تنزلين.
رفعت عيونها بملل وحجت ايمن. الله عليك كافي م̷ـــِْن هاذي السوالف انت تعرفني ماحبها ليش تتقصد تضوجني. شبيك
رفعت عيوني بملل ورديت عليها والله مشكلتج ماخليج تنزلين قبل ماتبوسيني. يلا
سحبت نفس وتقربت تريد تبوس خدي لزمتها م̷ـــِْن راسها واخذت بوسه عميقه م̷ـــِْن شفايفها
ماصدك بادلتني بهدوء شويه وحست ع نفسها ابتعدت بسرعه وهيه متوتره. مسحت حلكها وحجت. شبيك ايمن. كنت اريد ابوس خدك
ضحكت. وحجيت. بس هاذي بيها طعم. طيب. وانتي بادلتيني شفتي شكد حلوه م̷ـــِْن تبادليني الشعور.
نزلت. بسرعه بتوتر وماردت ع كلامي. بقيت اضحك عليها. مجنونه هاذي.
رجعت للشقه. ولكيت الغرفه واصله ويركبون بيها بقيت وياهم. صارت غرفتنه كلش حلوه بس غرفتها هيه اني متقبل ابقه وياها
...................................................................
شهد.
بقيت صافنه بكلام جابر معقوله يريد يتزوج واني شراح يكون موقفي. لا ياربي.
طفرت بسرعه وحجيت شنوو تزوج لا متزوج لا
باوع عليه بستغراب ورد وانتي منو طالب رئيج بزواجي.
باوعت ع عمتي وعيوني كلها دموع. اريدها تحجي وياه. تخلي يغير قراره
حجت عمتي. ماما جابر. شنو خطر ع بـٰـالك هسه وتريد تزوج. عندك بنت بحياتك لْـۆ تريد اني اختارلك
رد عليها بأبتسامه. اكيد بالي وحده بعدين اني صرت جبير. اريد وحده تهتم بيه. تحبني احبها. يعني ممعقوله الكل. راح يتزوج واني. باقي
شنو ناقصني. اشو كامل ومكمل.
بلعت ريكها بتوتر وجاوبته زين منو الي بالك حته اشوفها اذا زينه او لا.
رد عليها وحده. صديقه الي م̷ـــِْن زمان بس افاتحها ب موضوع. واخليج تروحين ع اهلها وتخطبيها الي.
نزلت عيوني وصرت ابجي. عفتهم وطلعت للغرفه
كاعده ب غرفه. واسمع. ملاك تبجي تحت. نزلت اشوف شبيها. شفتها. ايدها بيها دم
نزلت بسرعه ولزمتها وحجيت شبيج حبيبتي شنو هاذه الدم. صارت تبجي وتأشر ع سجينه ويمها تفاحه
حضنتها واخذتها كعدتها ع غنفه. وجبت علبه الاسعافات. ضمدت جرحها. وبست ايدها وحجيت هسه شويه ويروح الوجع
دخل. جابر كان برا راحت تركض عليه وهيه تبجي وتراويه الجرح الي بأيدها
باوع عليها بصدمه وشالها وصار يبوس بيها وباوع بيدها باوع عليه وحجه. شبيها. ملااااك شنو هاذي ايدها مجروحه
تقربت عليه وحجيت مابيها شي بس كانت تاكل تفاح ولازمه سجينه وماذيه نفسها
رد عليه بعصبيه شنوووو سجين امها ويننن
رفعت اكتافي بعدهم معرفه. صاح بصوت عالي. سااااره
شويه ونزلت ساره. بسرعه. وردت هااا خويه
كلها انتي بشنو مٍشًغوٍلًهُ بنتج. ماذيه نفسها وانتي ولاعبالج. شهل اهمال لعندج
نزلت عيونها بحزن وحجت.والله كانت يمي نزلت تاكل تفاحه ماعرف. بيها لازمه سجين.
رد عليها بعصبيه. لْـۆ صاير شي بيها شراح يكون موقفج. هااا. انتي. مهمله ومتعرفين تربين بنتج. اذا بقتي ع هل حاله ارجع لبنت الابوها.
ردت عليه بعصبيه وعيونها كلها دموع. مااارجعها والله مانطي بنتي اني امهااا مستحيل انطيها مستحيل
طلعت عمتي ع صياحهم وحجت شبيكم. تصيحون
رد عليها جابر بعصبيه. شوفي بنتج. شلون مهمله وماتهتم. لبتها. مخليه بيدها. سجين وماذيه نفسها
وهسه. تعلي صوتها عليه ولاكانو اخوها كدامها.
ردت عليها ساره ماما. يريد ينطي بنتي. لابوها. والله مانطيها. اموت اذا تبتعد عني. هاذي بنتي. مستحيل اتخلئ عنها.
ردت عليهم عمتي. ملاك متروح الاي مكان. تبقه يمي اني. اهتم بيها. بعدين. انتو ليش مكبرين الموضوع
هاذي حبيبتي ملاك ساكته ومابيها شي. وساره تحب بتها واكيد. مهتمه بيها.
رد عليها جابر بعصبيه هااا يعني هسه اني الغلطان
ردت عليه عمتي لا يمه ماكلك غلطان بس. يعني. ساره دائما تهتم بنتها بس. ليوم غفلت عنها
عافنه وطلع لغرفته بعصبيه وساره بقت تبجي خطيه رحت عليها ولزمتها م̷ـــِْن كتفها وحجيت لاتضوجين ساره. انتي متعرفين جابر. يخاف ع ملاك.
ويحبج انتي. يريد مصلحتكم.
باوعت عليه بحزن وردت. ماعرف ليش هيج يحجي ويايه. تخيلي يريد ينطي بنتي والله اموت ومانطيها
رديت عليها. شنو بكيفه ينطيها عمتي مراح تخلي وهو مينطيها بس يريد يخوفج الاكثر
ردت ماعرف والله بس كلش ضوجني بكلامه هاذه.
سحبت نفس وحجيت. تعرفين. جابر يريد يتزوج.
باوعت عليه بصدمه وردت شنوو شلون ويمته حجه هاذه الكلام ومنو يزوج.
بلعت ريكي بتوتر ورديت. ماعرف والله يكول عندي صديقتي. قديمه راح افتح وياها الموضوع وتالي يخلي. عمتي تخطبها اله
ردت. بأبتسامه لاتخافين. مادام القصه عند امي اطمني امي تعرف شلون تحلها.
باوعت عليها بستغراب وحجيت شنو قصدج ?
ضحكت وردت. لج ماما م̷ـــِْن تروح. راح تكول للبنت. انو جابر متزوج ومرته حامل وهو فاقد الذاكره وتخليها ترفض. عرض. جابر الها
وجابر طبعا. اذا شخص يرفضه راح يكرهه وبعد مايباوع ع وجها ابد
عضيت شفتي بزعل. يعني ماخاف م̷ـــِْن هل موضوع
ردت لاتخافين ولاتتوترين. شغله عند امي تحلها سهله ترا.
بعدين اذا اخوي ناسيج احنه لا. ومنريد. جنه ثانيه انتي كافي.
ابتسمت ورديت فدوه لكلبج. وانتي هم لاتضوجين م̷ـــِْن كلام جابر. ولاتخافين ملاك تبقه عندج.
همست انشالله مثل ماتكولين
رحنه. سوينه. عشئ. كملنه. ونزل جابر يتعشئ ويانه
كان يحجي ع جهاز. هاا حبيبتي. لا ماكدر اطلع هسه انشالله باجر اشوفج وعندي موضوع وياج كلش. ضروري
وراح يعجبج كلشش
بلعت الغصه وسكتت ب كوه لزمت دموعي متنزل.
ساره خلت ايدها ع ايدي وهمست لاتضوجين
هزيت راسي بأي. وسكتت ماحجيت شي وهو باقي مستمر ب الاتصال ويتغزل بنت كدامي قصص وروايات عراقية
حسيت طلع كلبي م̷ـــِْن مكانه وداسه برجليه. شكد صعبه م̷ـــِْن تحب شخص وينساك. ويحب وحده ثانيه ويحجي كدامك وياها.
تمنيت اكدر. احجي وياه واكوله اني مرتك. ماقبل تحجي ويه غيري اني احبك. بس ماكدر كلش صعبه
اخاف احجي شي وتالي اتندم. صرت مثل بالع الموس
لايكدر يبلعه ولايكدر يطلعه.
كمل الاتصال. وبقه يتعشئ
اني. بس صافنه وماكلت شي. خايفه يتزوج. غيري
شراح يصير بيه هو م̷ـــِْن غير شي ناسيني ياربي دخيلك. ساعدني. وصبرني ع هل. قهر الي بكلبي والله تعبت م̷ـــِْن هل. مصايب الي دتوكع ع راسي.
همس. شهدد شبيج صافنه متاكلين
باوعت عليه بقهر وحجيت. ماشتهي. اكلو انتو ب عافيه.
خليتهم ورحت. لغرفتي. اختنكت كلش. كعدت ب غرفه وبقيت ابجي واتحسر ع حضي
ليش حياتي هيج ليش ماكدر اعيش لحضه حلوه بحياتي. خلصتها كله قهر وضيم
ومن دخل ع حياتي جابر كلت واخيرا دخل شخص بحياتي وراح يغيرها. ويكون. سندي ب حياة.
بس مابقالي. صرت وحيده تماما. مابقالي شخص الكل تخلا عني. حته حبيبي جابر تخلئ عني الي كان. يكول ماعوفج. لْـۆ شيصر. اخذته م̷ـــِْن الايام
اندك الباب وانفتح. كان جابر
مسحت دموعي وحجيت تفضل رايد شي.
دخل وحجه اي اريد احجي وياج شويه بموضوع
تقربت منه. وحجيت شنوو الموضوع.
كعد ع سرير وحجه. انتي. ليش مهتمه لوضعي. وليش م̷ـــِْن احجي ويه غيرج تتغير كل ملامح وجهج. احجي م̷ـــِْن الاخير شنو قصتج
لاتبقين تلعبين عليه. اعرف نيتج كلش زين.
بلعت ريكي وحجيت. اي صح كلامك اني اهتم لوضعك كلش. واغار م̷ـــِْن البنات الي تحجي وياهم.
تقرب مِڼـّي. ونزل راسه ويه مستوئ راسي ورد شنو السبب ?
رديت عليه بحزن وكعت دموعي. اني. اني احبك
ضحك ودار وجهه ورجع باوع عليه. ورد. انتي م̷ـــِْن كل عقلج تحجين
لج بابا. انتي. بنت مطلقه وحامل. بتؤم. م̷ـــِْن كل عقلج تريديني احبج. يعني قلت عليه البنات. اخذلي وحده مطلقه.
شراح تكول عني الناس. الضابط جابر. متزوج وحده مطلقه وحامل. هم. وجهالج. مافكرتي بيهم. انتي بعدج. صغيره. لاتحبين ولاتتعلقين. اني مستحيل بيوم افكر بيج
فكري بحياتج. ولاتهتمين لحياتي. اني. ماريدج.
بقيت ابجي. م̷ـــِْن كلامه ويايه. وحجيت. اوك شكرا ع نصيحه تكدر تروح
بقه مركز بعيوني ثواني. وطلع.
كلش نقهرت م̷ـــِْن كلامه ليش ياربي ليش مجاي يتذكرني. شهل اختبارات.
...................................................................
ايمن.
الًيَوُمًِ العرس. مالتي اني وروان. فرحان لان راح اخذها وبنفس الوقت متوتر. وخايف. تبقه ع هاذي حالتها
وهاذي تصرفاتها. ابد مجاي تهتم لوجودي او غيابي.
اجو كل اهلي واقاربي. عليه. اجرت الهم شقه ثانيه
لان ماريد شقتنه تتوصخ م̷ـــِْن الجهال ولناس الجايه
رحت. للحلاق. سويت. شعري. ورتبت شكلي.
كانو كل بيت عمو. واخوالي وعمامي. كلها موجوده
بقينه ورا الغدئ. ورحنه للصالون. ناخذ. روان. للقاعه
ب عاقه سويت عرسنه الغبيه سويت احلا عرس الها بس هيه هاذه كله مو بعينها. وتفكر بجابر. وهو ابد ممهتم لوجودها.
وصلنه للصالون. ودخلت. اطلع روان. شفتها لابسه بدله. بيضه. وكانت طالعه مثل. الاميرات. شكلها البرئي ولحلو. طالعه تخبل
وبدلت العرس. لايكه ع جسمها.
وجسمها طالع. يذوب. بعدت افكاري السخيفه وتقدمت عليها وبست راسها. بمعمق وهمس. اووف تموتين طالعه
باوعت عليه وبتسمت بس ماردت عليه كانت امي وعمتي ولكل يهلهل ويشمر علينه جكليت. تكسر راسي م̷ـــِْن جكليتهم. هههه
خليت الغطئ. ع راس. روان وطلعنه. واصدقائي صارو يركصون ب شارع ويهوسون. همه ولد عمي.
اخذتها بسارتي. وخليتها ب صدر يمي. وسقت. وطلعت اغنيه. راح اسجل روحي بأسمك.
لزمت ايدها وبستها وحجيت. شبيج روان ليش ساكته
سحبت ايدها بعصبيه وحجت. ايمن مثل ماتفقنه. لاتكلب عليه هسه.
سحبت نفس بقهر وحجيت. يعني. ماراح تتنازلين.
شالت الغطئ م̷ـــِْن وجهئ وباوعت عليه وحجت. مثل ماتفقنه واني مراح اغير شي م̷ـــِْن قراري.
باوعت عليها بقهر وحجيت لهل درجه ماعندج احساس. ليش هل كد مغروره بنفسج. وشايفه نفسج عليه
رفعت عيونها بملل وردت والله انت تعرفني م̷ـــِْن زمان شنو الي تغير هسه هاذي اني وهاذه طبعي.
وراح تتقبلني. ب تدريج. لان م̷ـــِْن الًيَوُمًِ صرت مرتك
ابتسمت وحجيت. واخيرا اعترفتي. بنفسج انو صرتي. مرتي وملكي.
باوعت عليه بغضب وحجت. ايمن اني مو ملكك سمعت انت وعدتني. ماتتقرب مِڼـّي وتخليني براحتي
رديت عليها هسه اني شكلت. ليش عقلج منحرف تفكرين بس بهيج سوالف. لْـۆ اليله مرايحه م̷ـــِْن بالج.
وقمزت الها
سحبت نفس. وردت استغفرالله ياربي. شهل ورطه لوكعت. نفسي بيها شلون اتحملك ماعرف والله
وصلنه للقاعه وكان الكل محتفل وفرحان بس الخانم روان كالبه وجهئ علينه. اجه جابر هو وعائلته
بس شهد مكانت وياهم. بس هوه واخوه هيثم وامه واخته.
سلمت ع كل الموجودين. ورحت سلمت ع عمي وتشكرت منه. واخذت روان وتجهنئ للشقه ولبقه ضل محتفل ب قاعه.
فتحت الباب وهيه دخلت ب كوه تمشي م̷ـــِْن البدله كلش كبيره. ومن ورا طويله كلش.
دخلت للبيت كان كلش مرتب ولغرفه خليتهم. يرتبوها وخليت شموع ونفاخ وسوالف رومانسيه ولو وراه
روان ماكو لارومنسيه ولابطيخ. شايله خشمها عليه
فتحت الباب وبقه تباوع بأجزاء الغرفه. وتتاملها.
راحت. ع المرايه. وصارت. تنزع ب اكسسوارات وتخرب التسريحه.
تقدمت منها وحجيت اساعدج.
باوعت عليه وردت لا شكرا ماريد مساعده تكدر تطلع اذا سمحت. اريد انزع البدله.
ابتسمت. وتقدمت منها وهمست اذا تحبين انزعج.
سحبت نفس. وردت بغضب ايمن رجاء اطلع برا الغرفه
ولاتخرب. كلشي حجيته اني. كولتك اذا. مانفذت الي حجيته راح. انتحر واخلص م̷ـــِْن هل حياه. فأ خليك بعيد عني رجاء
ابتعدت عنها. وحجيت موصوجج صوجي اني الغبي المهتم لوحده مثلج. بس خلي. يمر كم يوم اله اتزوج عليج. وخلي هل كلام حلقه باذنج
عفتها وطلعت. برا الغرفه ضايج منها. ممعقوله. هاذي
كنت اريد اقضي وياها هاذي اليله. بحب ودلال كنت اريدها تحبني مثل ماحبها اني. قصص وروايات عراقية
بس هسه. خربت كلشي.
نزعت. القميص وبقيت ب تعلاكه. وتمددت ع غنغات
غمضت عيوني بقهر. حسيت باب الغرفه انفتح. وهيه تقربت مني وخلت غطئ عليه. وهمست اسفه.
دارت وجهئ تريد تروح للغرفه سحبتها م̷ـــِْن ايدها وكعت. عليه. بقت بس صافنه بوجهي.
تقربت م̷ـــِْن عنقها وبستها بشغف وحجيت ع شنو اسفه
اذا كنتي. رايدتني ليش تكابرين كدامي. ليش هل غرور كله.
ابتعدت عني وهيه متوتره وحجت منو كال اني رايدتك. بس. عرفت نفسي غلطانه لان كل شخص م̷ـــِْن يتزوج حقه. يفرح واني ماخليتك تفرح بيوم زواجك
لهاذه اجيت غطيتك وعتذرت. وانت ليش مسوي نفسك نايم.
رديت عليها. كنت بس مغمض. منايم وحبيت اشوفج شنو كنتي رايده مِڼـّي. لاكثر. وهسه روحي نامي
باوعت عليه بستغراب وحجت. هاي شنو ايمن يطلب مِڼـّي اروح. ماصدك
ابتسمت وحجيت. انتي متريديني. لذالك اني هم ماريدج. وداكلج روحي للغرفه نامي.
عضت شفتها بزعل وكالت. اوك رايحه بس اريد اكل جوعانه م̷ـــِْن الصبح مماكله شي.
كعدت ع غنفه وحجيت. هذاك المطبخ. روحي واكلي شي. واذا تكدرين. سويلي شي وياج.
راحت. للمطبخ. بقت طكطك ماعرف شتسوي رحت وراها. لكيتها. تسوي. اكل. وتجهز ب صينيه
حضنتها م̷ـــِْن ورا وخليت. حنجي ع رقبتها. وحجيت. طلعتي معدله. عبالي م̷ـــِْن هذولي المايعات الي ميعرفن. يسون شي
ابتعدت عني وحجت اني شاطره بكلشي.
سحبتها م̷ـــِْن خصرها عليه وحجيت. بس ويايه كسوله
باوعت عليه بطرف عين وهزت ايدها معاجبها كلامي
بقت. تجهز ب اكل. كملت وكعدنه تعشينه سويه
راحت. غسلت الصحون واني بقيت متمدد ع الغنفه
اجت وبيدها. عصير. انطتني وكعدت مقابيلي.
كملت. وراحت. للغرفه. واني. هم غطيت نفسي ونمت
كعدت الصبح. متكسر م̷ـــِْن الغنفه الله لاينطيج. ياروان هاذي تاليتي انام ع غنفه شكد حقيره والله لْـۆ ممنطيها كلمه جان. خليتها تنام مكاني
رحت. فتحت الغرفه اريد اسبح وابدل ملابسي ب كنتور وياها. هيه كانت. هسه طالعه م̷ـــِْن الحمام.
وبس لافه المنشفه ع جسمها. وشعرها كله مي وتشسور بيه. اول مادخلت هيه. فزت وخلت اديها ع جسمها بخجل.
باوعت عليها. باعجاب وهمست صباحو يحلو. شهل اغرائات م̷ـــِْن الصبح.
بلعت ريكها بتوتر وردت. مو اغرائات انت اقتحمت غرفتي. عيب عليك لازم ادك ع باب قبل لاتدخل.
تقربت منها وسحبتها م̷ـــِْن خصرها. وبست كتفها العاري وهمست. اذا ناسيه. هاذي هم غرفتي وريد اسبح وابدل ممعقوله ابقه هيج.
بعدين. لبارحه ماوجعج كلبج خليتيني نايم ع غنفه والله ليوم كل جسمي متكسر.
كانت. تتلاوه بين اديه تريد تفلت نفسها عني.
ابتسمت وحجيت استقري لاتوكع المنشفه. خليج مؤدبه
باوعت عليه. ولزمتني م̷ـــِْن قميصي وحجت. انت ليش مجاي تفهم. ماحب تقرب مِڼـّي. حس ع نفسك وكافي م̷ـــِْن هل تصرفات.
رجاء. لاتصرف هيج ويايه. خليني مرتاحه وياك ولاطلع زواجنه م̷ـــِْن عيني.
بعدت عنها. ومسحت وجهي بتوتر وحجيت. ليش كل ماكول. لازم اكون زين وياها. تخربين. عقلي بيدج ليش تريديني ٳكرهج.
باوعت عليه وحجت. عادي اكرهني. ميهمني هل شي
ع اقل نكون نفس الشعور. نتفق ع شي واحد
باوعت عليها. بحقد.
عفتها ورحت اخذت ملابس. ودخلت للحمام اسبح
....................................................................
شهد.
ماعرف ليش اعترفتله بمشاعري. ليش حجيت هل شي. طلعت نفسي كدامه. صغيره ومالي قيمه.
بس ماكدرت. اضم مشاعري اكثر اني احبه كلش شسوي. اذا تزوج والله اتخبل وهو. مجاي يحس بيه
فوك هاذه. فشلني وحجه كلام جارح ولاهتم لمشاعري
كعدت الصبح. نزلت. صبحت عليهم كان جابر يتريك
باوع عليه واني نزلت عيوني ماريد اباوع عليه وقررت م̷ـــِْن الًيَوُمًِ ابتعد عنه وماهتم اله ابد
ع شنو شايف نفسه عليه
كعدت اتريك وياهم. كنت بنهايت شهر 6 يعني تقريبا بعد 5 ايام ادخل بشهر 7. بطني كبارنه كلش
صايره تكول طوبه كدامي. تمشي ههههه
بقينه نتريك. وحجه جابر. يمه. ليوم اخذج لبيت البُـنًتٍ الي. حجيتلج. عنها.
بلعت الكمه ب كوه. وبقيت منزله راسي واكل.
ردت عليه عمتي اي ماما خوش. يمته تحب نروح عليهم. كولي واني جاهزه.#ڪــڔٰا̍ڕ
رد عليها انشالله. العصر م̷ـــِْن ارجع م̷ـــِْن شغلي اخذج عليهم واخطبيها الي.
اخذت الصحون ودخلت ب مطبخ. وكلبي بيه نار شاعله
متقصد يحجي هل شي كدامي يريدني. انقهر
لهل درجه مابقه عنده. احساس.
دخل جابر للمطبخ وشافني. واكفه ع سنك وضايجه
تقرب وهمس. شو صافنه شكو.
فزيت بسرعه وباوعت عليه وحجيت موشغلك.
عفته وطلعت. لغرفتي. كلش ضايجه منه ماريد احجي وياه بعد
بقيت اقرا بكتاب عن الحوامل ونصايح وهل امور
بقيت شويه ونزلت. ملكيت شخص ب بيت الكل ماعرف وين. طالع.
اندك الباب رحت فتحته كان جابر. بملابس الشرطه
دخل. وكعد ع غنفه وصاح. شهد تعالي سويلي جاي.
تقربت عليه وحجيت. عندك رجلين كوم وسوي لنفسك
عدل الكعده مالته ورد. هاا هيج صارت. جاي ماتسويلي
رفعت عيوني بملل ومارديت عليه.
وكف وتقرب مِڼـّي وهمس. طلعتي تهتمين بيه ع مصالحج.
رديت عليه. اي ع مصالحي. وكنت عبالي تستاهل هل اهتمام بس الاسف طلعت متستاهل.
فتح عيونه بغضب. وتقرب مِڼـّي ولزم حلكي ورد بغضب. لج. احترمي نفسج واحجي عدل. لا والله اطلعج م̷ـــِْن البيت سحل
بقيت مركزه بعيونه ثواني وعيوني نترست دموع
حجيت بصعبوبه. لاطمن اني اصلا مراح ابقه وياك. بهاذه البيت.
عندي اهم شي كرامتي. ماسمحلك تهيني. دفعته ورحت. لغرفتي. ابجي. طلعت. جنطه وخليت كل ملابسي ب جنطه.
انفتح الباب وكان جابر حجه وين رايحه بهل وقت
مارديت عليه وبقيت ارتب بغراضي ب جنطه
خله ايده ع شعره وحجه. الصبر ياربي. داحجي وياج. شهدد. وين رايحه. انتي حامل. ميصير طلعين
باوعت عليه وعيوني كلها دموع. مالك علاقه بيه. بكيفي اطلع ولاتسوي نفسك مهتم لوضعي تمام
تقرب مِڼـّي ولزم وجهي بثنين اديه وهمس ليش دسوين هيج بنفسج. والله. ماكدر اكسر خاطرج. كل ماحاول. اتجاهلج.
عقلي وكلبي يسحبني عليج ويكولولي لاتبجيها.
ركزت بعيونه وحجيت. اني احبك جابر. والله احبك ليش مجاي تتفهم وضعي.
مسح وجهه بتوتر ورد. بس ياشهد اني وياج منرهم لبعض. انتي مطلقه. وحامل. يعني ممعقوله اسجل اطفالج. باسمي واني مو ابوهم
مسحت دموعي وحجيت منو كال مو ابوهم.
فتح عيونه بصدمه ورد شنو قصدج.
سكتت مارديت عليه. لزمني م̷ـــِْن اكتافي بقوه وزمجر. شهددد احجي شنو قصدج.
بلعت ريكي بتوتر وحجيت ءان انت
سمعت عمتي. تناديلي. تحت. حجيت. ءامك تناديلي. لآزٍمٍ اروح. سحبني م̷ـــِْن ايدي عليه وبقه مركز ب عيونه.
همس احجي شنو قصدج م̷ـــِْن هاذه الكلام منو ابو اطفالج. احجيييي.
غمضت عيوني. ورديت انته ابوهم
فتحت عيونه شفته بس صافن. خله ايده ع جبينه وصار يفرك بتوتر. ويبلع بريكه.
رجع باوع عليه وحجه. شنو اني انتي عبالج تضحكين عليه بكلمتين واصدكج. بس هل مره تجاوزتي كل الحدود. بعد ماتحملج دقيقه هنا.
غمضت عيوني بخيبت امل. باوعت عليه وبتسمت ورديت. عادي. راح اطلع. بس. صدكني انت ابو جهالي
هذولي الي بطني منك. انت ابوهم. وهاا اني مو مطلقه انت زوجي بس نسيتني.
صار صدره يصعد وينزل م̷ـــِْن العصبيه. وعيونه. تجدح ناار. حجه بصوت عالي شلوووون اني. اني ممزوج شلوون. مجاي افهم.
بقه يحجي ويغلط. شويه وكع ع ارض وخله ايده ع راسه. اني. بقيت اصرخ. وابجي ياربي شسويت اني.
لزمته وخليت راسه ع صدري وحجي ويااه جابر حبيبي. جااابر. فتح عيونك اني اسفه. فتح عيونك لاتعووفني.
