رواية في ظلام مغتصبي الفصل العشرون بقلم توتة
رديت م̷ـــِْن الهضم باب اهلي ما اعرفه.💔
>>>>>>>>>>>>>>>>
رحنه للبيت وصلت لكيت البنيه ميته بجي وتشهك وجهه صاير احمررر ركضت عليه حضنته
_ عمت عينك ليشش هيج وياها .
مهند/ اني كتلج وخلص ماتبقه سااااعه يمي ترجع لبيتها.
_لا تخليني احلف لا انته اخوي ولا اعرفك هاذه موو تصرررف مهند هيه شعليهااا.
مهند/ بحررر بعد كل الي سوو بيج هيج دافعين عنهااا.
_شنوو فرقك عنه شنو فرقك عن اسمر الفرق اتزوجته وثاني يوم رجعته شتكول الناس عليه اتكول مسويه مكسوره ما فرقت عنه بشي مثل ما ضلمني انته راح ضلمتها وياك
مهند/ وشلوووون شلووون فهميني نسكت علئ سوايته.
شجون/ اني ما دخلني والله مهند حبيبي اني مامسويه شي ليش تعاقبني شعليه اني
_ والله ما ترجعين اسكتي حبيبتي
بعدني احجي وندك الباب راح عباس فحته وفاتو هم
مهند/ هذول اهلج وصلو
فتحت عيوني مصدومه لا ياربي هاذه مخبل سواها صذك اخذت كلاص ماي شمرت علي
_ اصحه عل نفسك شستوييي.
مهند/ حلفت بعد وماتراجع.
_ ادفع كفاره خويه لا تضلمها حرام الي تسوي والله
جواد/بحر تعالي.
احتاريت شسوي ان قبلت شلون اقبل بشخص دمرني واني عندت من جها مهند وحته حياة عمتي موده معرضه للخطر وحياة جهالي باجر يطالبني بيهم شسوي شلون اتصرف هسه.
معاذ/ شلكتي هسه
موده/ اني اول المعرضين للخطر والله ابلع ريك بخوف بحر اذا رفضت انروح بيه اني وشجون ثنينه نتطلك بقيت اباوع عليها منتضره ردها.
بحر/ انجبرت ادمر حياتي علمود حياتي غير لخاطر جهالي ولخاطر عمتي
_اني موافقه لخاطر شجون وعمتي موده
موده/ وكعت بالكاع نبجي اني وشجون دوم هل بت ضحيه لو مضحيه ولامره فكرت بنفسها.
شجون/ حضنته وابجي والله ما انسالج هل معروف ولله
_ حضنته كافي كافي تعالي يم عمتج.
مرات الدنيه لو رادت تفتر ضدك وتخليك تختار بين نفسك وبين ناس اتحبهم سوو اهوااي علمودك اني اختاريت عمتي والبنيه لان ما اريد البنيه تنضلم مثل ما اني اضلمت والناس ما ترحم ابد وعمتي موده ماكدر اخليها تنفصل عن عمي واني اعتبرها مثل امي ومانسه شكدد ساعدتني.
ام حاسب/ تعالي يماا
_ وين عمه
ام حاسب/ البسيلج شي حبببتي هذا عقد ما يصير لازم عل راسج شي ابيض.
_ ههه ابيض عمه ابيض لا ما اريد شي بالعكس انطوني اسود
زينب/ لا تكولين هيج بحر ربج كاتبلج هيج فدوه
محاسن/ عل كلشي كولي الحمد الله عل كل حال
_ حمدت ربي اهوااي عمري خمس سنواات ما طلبت من رب العالمين غير يحبوني امي وابوي ويحنن كلبهم عليه وما استجاب دعائي
غرام بدموع/ لا هيج حرام والله
_الحرام كلشي صار بيه اني حرام الشي الحلو الي صار وياي بحياتي هو هذول 3 وعمي ادم وميثاق همه اكثرر شي حلو صار بحياتي.
مهند/ الشيخ وصل بحر
_تمام
لفيت شالي عليه شالي ماروني حيل طوخ بده يحجي الشيخ يمكن اول خطوبه بالعراق ابنيه تنخطب بكلبيه بيت وبدون حلقه ولا شي وياها 3 جهال.
اسمر/ كلنه استغربنه من كالو وافقت وبهل سرعه مادري شلون قنعوها اني جان كلشي بالي راح ترفض.
رعد/ شهل سرعه ماتوقعت توافق هيج بكل سهوله.
عمران/ احمدو ربكم ما رفضت وافقت هيج
اسمر/ اي والله الف الحمدالله.
اكرم/ احس اكو انه بالموضوع مامعقوله هيج توافق خايف وراهم سالفه.
اسمر/ حته اني والله.
……
اني متحمله مسوليتهم كامله وما قصرت بشي عليهم احرم نفسي من ابسط الاشياء خاطر البيلهم الي رايدينه
حاسب/ ادري بيج نادره وسبعه والله بس ارتاحي شويه.
_مسحت ادموعي يحلم والله يحلم اصيرله مره ويحلم اكلله شي عل جهاله اخلي تحسر اتحسر
ام حاسب/ وين رايحه هسه
بحر/ ارجع لبيت عمو ادم اجيب غراضي الباقيه
مرام/ مستعجله عيني عياره هاي يحلم والدموع نشوفج بعد جم يوم تجينه حبله
عطاء/ خيه اسكتي بنات هل وكت فوك ما جاي ويريد يصير ابن للنغوله مالته مانه عليه ولله خوش عمي.
اجيت احجي بس شيفيد الحجي ومثل مايگول الجرح الي بغيرك شدخ محد حاس بيه ولاشخص يحس بعذابي اني افضل الموت ولاتزوج منه بس ماكدامي خيار ثاني.
جواد/ خلصص كافي عطاء مرام مالكم حق تحجون هيج عليها
مرام/ اي عيني شكلنه قابل غلطنه هسه احنه لو صارت جلمه الحك تزعل.
موده/ بدل ما تكونين بصفها جايين تحجون عليها خافو ربكم الصار وياها مو شويه.
عطاء/ ما يشرفنه انصير بصف وحده شاكين بيه حته هيه بت حرام
جون بعصبيه/ اتي ليش ما حبين ماما اوحي منا لا بجين ماما
عطاء/ اخر وكت بطول اصبعي يحجي والله يالله
_ يزن اتوصلني
مرام/ ابني ما يشتغل سايق عندج
_ امشو ماما ناخذ تكسي
معاذ/ امشي اني اخذج عمي
يزن/ لاعمي ابقه اني اخذها
مرام/ يززززن
يزن/ يالله بحر يالله عموو تعالو حبايبي.
ضرب امه بطول الحايط ومشه ويانه وصلني للشقه دخلت لكيت عمتي وعمو وميثاق
ادم/ وين جنتي مو موتيني عليج بويه.
بحر/ حبيب كلبي لا تخاف ماكو شي جنت عد بيت جدي.
كفاح/ليش عيونج حمر تعالي شصاير وياج
سحبت نفس بقهر وبقيت ساكته كعدنه سويه.
يزن/ اني اروح
ميثاق/ افاا عليك ليش اكعد اكعد البيت بيتك
يزن/ خاف زحمه
ادم/ اكعد بويه شنو زحمه احنه أهل
_ اني اتزوجت
ادم وميثاق/ شنووو ???
_ هذا الي صار مثل كتلك امس ميثاق بس اني رحت بأرادتي اليوم انجبرت اروح مهند راد يرجع البنيه وهيه عروس لهله
كفاح/ يااا خطيه ليش هيه شدخله بالموضوع كله
_ خبل ياخذ ثار عود وهيج الناس اتخلي الصوج بالبت رجعت لهله ثاني يوم العرس الناس اتكول مسويه مكسوره ورجعها واني ماريدها تنضلم مثلي
ميثاق/ وانتي ضحيتي لخاطرها ومافكرتي بنفسج وبالي صاررر بيج من وراه هل ال****
_ مو بس عليها عل موده وعمتي موده هم معرضه للخطر هيج ماكدر افكرر بنفسي وانسه الناس الي تحبني.
ادم/ خلص باباب قرارج صح وهيج انتي ارتاحي ونامي رغد شويه من المسوليه كافي تشتغلين وتصرفين عليهم وحدج هوه ابوهم وهوه الي يحير بيهم وبتربيتهم.
_لايحلم والله اطخله راس لو متسعده اشغل وهو فوك راسي المهم ما اخذ منه ولا ربع الجهال جهالي وبس مستحيل امد ايدي اله واخذ شي منه.
كفاح/ وكلي الله.
يزن/عل كيفج بعد روحي شوفي شصاير بيج
_ من اجيت لليوم من بغداد كضيته كله دموع بدموع الله كريم
ميثاق/ وهسه شنو راح تروحين عليه.
_اجيت اخذ ملابسي الي هنا وملابس جهالي وهم فلوسي هنا والهويات
ادم/ الجهال باسمي تره.
_اكيد يجي يوم ينقلهم باسمه
ادم/ ينقلهم خلي
كمت من يمهم لميت ملابسي وملابس الجهال هم يلعبون وي فضولي وبنونه بالغرفه الثانيه جمعتهن كلهن بجنطه وللهويات والفلوس حته قليلات.
كفاح/ اساعدج بشي
_خلصت يروحي
كفاح/ ارهمي وياه وتقبلي حياتج هاذه الكاتبه الله الج لآزٍمٍ تكونين قويه وتتحملين كلشي يصيرر وياج.
_ ما اكدر اخاف منه والله خله بيه رعب
كفاح/ اتأقلمي وياه بعد الي صار صار والفاس وكع بالراس وهم جهاله شنو اتسوين تعاركين رب العالمين لو تهدين علي مراح يتغير شي ترا.
_ لا استغفر الله هذا مكتوبلي شسوي
كفاح/ هاج هذني فوك فلوسج ادري بيج راسج يابس ومراح تاخذين شي منه.
_ لا والله ما اخذ ابد خلص ما ايبس راسي
كفاح/ اذا تحبيني صدك ومعتبرتني امج اخذيهن مو للجهال الج انتي ادري بيج تستحين اتكولين علئ شي.
بجيت بحضنه صدك امي صدك امي عمري كله ما حسيت بالحنان بس بحضنه
_ما اكدر عمري كله اوفيلج الي سويتي وياي
كفاح/ ازعل عليج اني امج شنوو هل كلام
_ اني امي والله اتروحلج فدوه سناء
كفاح/ ههه يالله جهزي نفسج حبيبتي اريدج سباعيه ولاتبجين بعد ماحب اشوف عيونج يبجن.
مسحت ادموعي احس عيوني ثكال من البجي وبيهن مثل الرمل كملت كلشي وطلعت اني وعمتي كفاح
_ يزن هاي الجنطه شيله بنونه فضولي تعالو حبايبي.
ادم/ اجوها ركض توهم يوكومون يوكعون اجاها فضل زحف زحف
_ شلته واني اضحك شميته وبسته خاف ما يخليني اجي هنا بعد وبنونه شلته من هسه تره انتي لجان.
جان/ هلاا هلا بعلوثتي.
بالعباس مستهتر بس منو ابوك اكيد تطلع عليه.
جان/ انتي اثهلله.
_شنوو
جان/ هاي الي كتيه هسه ما اعلف افضها.
_ ههههه طاح حضك
ميثاق/ مو تكطعين باخيج ترا تدرين بيه ماكدر بدونج.
_اكطع النفس والماي وما اكطع بيكم والله شعندي غيركم اني انتو اهلي
ادم/ ربي يوفقج بحياتج وترتاحين من هل هموم.
ودعتهم واحد واحد نزلتهم ولبست عبايتي وطلعت ليزن واكف بااسياره
يزن/ اتفضلو شيوخي
_ ههه منين لوين صرنه شيوخك
يزن/ هنااا والكاظم هناا معزتج
يحجي ويدك عل كلبه صعدت لكدام وجهالي لوره ساق السياره
يزن/احم بحر
_ يروحي
يزن/ سالمه اريد اعتذر منج عل تصرفات امي اعذريها هيه دائما هيج.
_ولا يهمك امك تكرهني عل كره امي بس كلبها طيب جاا ما تكره منى وسرى.
يزن/ اعرف والله بس اتاذيج بالكلام واني كلش اضوج من اسمعها تحاجيج هيج.
_ما يهمك اني لو ما اعرف طيبته كلبها جان حجيت خو شفت عطاء خانو شون تحجي.
يزن/ صح يبعد روحي انتي لفاهمه ماكوو منج والله
وصلنه ونزلت شفت سياره سوده طابكه باب بيت جدي عرفته سياره العار وراح يمشي عل لقب العاار ههه
يزن/ هذا العار هنا منتضرج ولله گلبي شيب من جدي اريد اصلخه بكتله بس محد يوكف وياي.
_هههه اي اكيد ياخذني هو مكيف مسيران ما يدري راح ارواي نجوم الظهر بس خلي يصبر عليه.
يزن/ اي شي تحتاجينه كليلي بداعت الخوه ماريدج اله لسانج.
_ انشالله
نزلنه وصدك بالديوان هو وعمي جواد وسعد وابوي الهيبه
_شوف ابوي الهيبه ههه
يزن/ مالت اعفطلج وين الهيبه بالموضوع.
بحر/ نزلت عمتي كضتي
موده/ ابن اخوي ولج
_ لا تخليني اعفطله ابن اخوج ههههه
موده/ هههههه كومي اسبحي يالله
عفتهم دخلت سبحت وخلصت لبست كلبيه عاديه وطلعت لفيت شالي عليه ومشيت
موده/ هيج تمشين ولج رجال عزابي المفروض هسه زفه وعرس
شجون/ من ايده الله يزيده حته لو ابن عمي خيولي هوه الرادها منوو داك علئ ايده يسوي هيج سوايه بيها.
غرام/ اي والله دير بالج اتخلين عطر روحي هيج خايسه خلي مايوصلج
سرا/ لا تخلين مكياج روحي هيج وحته عيونج اجيبلج عدسات عندي سود حته ماينشد عليج
موده/ لطمت عل صدري كلجن يا برابيك طلعتن عود هاي ترفعن معنوياتها ترسن براسها حقد وكراهيه.
_ اي والله تضامنن معي احنه فريق واحد
موده/ لا يا برابيك دصبرلي.
جابت الماسحه وصار طفارنه ماله والي كلها تطفر علئ صفحه
موده/ كلجن ضدي موو اني اعلمجن.
_ عاد انتي بصف ابن اخوج صيري بصفي ليش واكفه وياه
موده/ فوتي البسي فستان لاموتج
_والعباس ما البس فستان ولا اخلي مكياج بس نطوني عطر اريد احرك كلبه اريد عطر يخلي يسوي حادث
شجون/ يمي لا تخافين هسه انطيج عطر يخلي يطفر من السياره هههه
صدك راحت جابت عطر اله بشده يجنن مالت عرايس يوماااا يخبل يخبل
الجهال/ واحنه واحنه ماما حتينه
خلصت العطر عل جهالي وحطيته بصدري يخبل خيه هذا مكانه الصحيح
شجون/ يااا عطري ولج
موده/ اجيبلج عشره غيره بس خلي هاي تتعطر بيه فكينه يمعوده.
ضحكت وهزت راسها بأي شويه وصاحنه عمي معاذ
معاذ/ جاهزه عمي
اخذت نفس قوي اتكول رايحه لحرب توتر وخوف بداخلي ماينوصف
_ اي عمي
معاذ/ يالله اتوكلي بلا مطرود انتي وزعاطيطج ههه
_ هااا هاا هيج عمو
معاذ/ يالله يالله بربوك يالله خل اخذ راحتي وي مرتي.
_ اي روحو سوو بيبي جديد اننن
موده/ دهر دهرج ولج لسانج صايره وكحه
سلمت عل كل طلعت الحمد الله بضحكه بس كلبه بركان جمر طلعنه وهو واكف يم سيارته ولابس النضاره والبدي الاسود نص ردن وكانو جاي لمرته من سنين ما حجيت ابد فتحت باب الوره وصعدت جهالي وصعدت وياهم
اسمر/ تعااي هنا اريد احجي وياج شويه
من صوته كلبي رجف هذا شحال اذا يتقرب مني يمكن يوكف كلبي ما حجيت ابد حطيت جون بحضني ابوس بي من راسه سحب نفس هو صعد ومشه
اسمر/ اريد بس افتح موضوع وياها بس ادري بيه راسه يابس وعمرها ما تتقبلني مادري شحجي شلون اخليها تسامحني.
جون/ يعني هثه انته بابا ?
اسمر ببتسامه/اي اني باباتك.
جاد/ ليش ماما ما حبك
_جاد
جاد/ ماما انه اعلفج
جان/ اي جاد ماما عود عل بابا شويه شويه
_اي شفت اخوك
جون/يعني نامين وي بابا لو ايانه
_لا ليش منو كال اخليكم انتو تنامون بحضني
جاد/ انه احبنج ماما
حبيبي
اخذتهم بحضني وهو يتباوع علينه بالمرايه ساكت بس عيونه بيهن هواي كلام.
اسمر/ ربي مالي غيرك بعد اني غلطت وانته الغفار الرحيم بس لين كلبها عليه البت حلوه حلوه بشكل ومرتي خاف افقد كدامه ورجع اغلط وياها ماريد اجبرها علئ شي ماريد اتصرف وياها بقوه اريدها هيه تتقبلني.
وصلنه للبيت استقبولنه كومه كومه زلم ورجال حجي جبير وياهم
ابو رضوان/ حياج بويه اتفضلي نورتي بيتج
_ نزلت راسي تسلم جدو منور بيك
عمران/ فوتي البيت بيتج بعد صار
_ عامر البيت بصاحبه خويه
فاضل/ يالله تعالو حتا نعرف هذول شلون تعرفيهم
دخلنه جوه مليان نسوان مدري منين طلعت هاي كلها قسم اعرفهم وقسم لا
فاطمه/ تعاي حبيبه اتفضلي ادخلي.
كعدنه وجهالي بحضني مستغربين خطيه مايعرفون شخص منهم.
ام عفوان/ لا تخافين يما ولا تشتغربين صار بيتج وزوجج وعيالج كلنه اهلج.
_ تسلمين خاله
ام غالي/ وهذول الكتاكيت شلون بيهم.
_ حضنتهم عل صدري حيل هذول وياي دوم مايعوفوني ساعه
طيبه/ زين تعالو اني عمه هسه تعالو ابوسكم حبايبي.
عبود ابن عمران/اتلعبون ويانه
جون/وين ?
كيان/هنا بالحديقه تعالو عن ماما
بحر/مو يوكعون حبيبي دير بالك عليهم.
كيان/لا خاله يمي مايوكعون
راحو وتعرفت عل العايله كله الولد والبنات بس ابنيه وامها ابد ابد ما ارتاحيت الهن ابد.
خلود/تعاي ويانه
اشرت براسي راحنه عدهم اهواي جناين خلود وفاطمه وسن وامنه مرت غالي وملك مرت محمود رقيه مرة محمود.
كوه كوه احفض الاسماء ما انساهن هههه الله يستر عليهم كضيت وياهن يوم حلو رغم خوفي ورعبي من اسمر
غالي/ بنات انريد جاي منو النادره الي تسوينه
ملك/ خل نضوك جاي بحوره اليوم
_صار بعيوني
غالي/ لا خويه اكعدي بعدج ما متعودنه علينه
_لا عادي بس عيونكم عل جهال لان يطلعون برا
الجد/ اخذي راحتج اهناا محد يطلع الجهال.
دخلت جوه واسمع ضحك الشباب صار بفلس اسوي جاي ويمي رقيه وامنه طلعت اذب الجاي الي باقي بالقوري ودخلت ابنيه وامها وياها شاب.
امنه/ فوتي بحر
_ منو هذول شو الشباب دخل هيج
ملك/ هذا ابن عمتهم متعود هيج يفوت
بقيت مستغربه شعجب رغم الولد متحفضين واني اكول البنات خانكتات روحهن بالحجاب ثاري هيج همه يدخلون عليهم بصدفه بدون اي استأذان
ملك/ اي حبي وانتي هم ديري بالج لاتنزعين شالج
هزيت راسي سويت جاي للكل وصبيته ودزيته دنكت انطيت اسمر صعد ايده لشالي من يم صدري بدون ما يحجي اي كلمه او ينتبهلي نزل شالي همس
اسمر/صدرج لا تخافين.
رجفن الستاكين الي بيدي نص الجاي صار بالصحون وصلت لهذا الولد محمد اخذ الجاي من ايدي
محمد/ لو هيج النسوان لو ما تنراد عل النراده وبزر وجمال ماشالله
ما حسيت غير اسمر شمر الستكان من ايده لطشه بالحايط .....
