رواية ثأر الشيخ مهران الفصل العشرون بقلم حوراء
هليہ التقاليد وعڱلڪم باڱن چم حلم مني 💔.
_____________
نارة:- اليوم خلصتها صفنات كلساع اصفن بكلام سيلين بس اكو خوف مو طبيعي بداخلي عمه اليوم مارجعت للبيت اله ويه اذان المغرب سوينه الاكل اني ورياحين الي كلساع تنضرب بشي لان عمه سحلتها سحل من الفراش حته تساعدني بالاكل من سمعت صوت فهد عبالي ادم اجه وياه وطلعت ركض للباب الاستقبال بس اجتي رياحين وكالت
:-بس فهد اجه ماخذ اذن من الآمر مالتهم حته يودع مهيمن
:-اهاا خوش لعد ليش مااجه ادم وياه علمود يودع مهيمن هم
:-اممم يودع مهيمن لو يشوفج ها ها
:-انجبي رياحين شوف شلون تفكر اني علمود مهيمن خطيه يروح وهو مامودع ادم
:-لاتخافين اتصل عليه قبل شويه وودعه
:-اهاا شوكت اشو ماسمعت
:-شلون تسمعين اذا انتي لازگه بالمطبخ
:-افف وخري مني هسة
:-وخرت يابه
صعدت فوك فتحت التلفون وضليت اباوع لحد 12 دخت ونمت كعدت اريد اتحرك مااكدر درت وجهي شفت ادم حاضني من شفته بوجهي فرحت وحضنته ورجعت نمت مرتاحه
:-ناريي ناريي
:-هممم
:-كومي حبيبي الساعه 12
من سمعت الساعه كمزت
:-تحجي صدكك
:-هههههههه، شبيج كمزتي
باوعت على الساعه شفتها ب 9
:-ادممم ليش تخبثث تدري وكعت كلبي
:-هههههه شبيج ترة البارحه خلصتو امتحانات يعني مامتأخرة على الامتحان حته هيج كمزتي
:-ادري بس اني ورياحين متفقين نكعد من وكت نعزل البيت حته العصر نطلع نشتري ملابس لحنه امير
:-والله عمي خوش تخططين من وراي ست نارة
:-اني ابدد منو يكدر يخطط من وراك سيادة النقيب
حجيتها ببراءة
:- تعرفين شلون تلعبين على عقلي
:-وين نكدرلك سيدي، شوكت رجعت؟؟
:-ب3
:- اهاا بس متاخر اول مرة ترجع بهيج وكت
:-ايي اصلا اني لازم ارجع ويه فهد بس الآمر شد وياي ومايقبل انزل
:-عزة شبيه هذا
:- يكرهني
:-ليش مسويله شي
:-لان القائد مالتنه يحبني وهو شاد وياي اكثر من مرة يوصلني حجي من الضباط الي وياي هو حاجي عليه كدامهم ويكول الضابط ادم كل الترقيات الي اخذهم نصب واحتيال المقدم *** هو يوصي عليه وتطلع الترقيه اله واني اروح اتعارك وياه واتعاقب من وراه
:- لعد انته ليش تصدك كلام باقي الضباط يجوز يردون يخربون بيناتكم؟؟
:- لج يحجي يم جماعتي وحته كدام فهد هيج حاجي
:-عزة بعينه شكد حقود
:-هسة عوفج منه شسويتي بغيابي
:-ماكو شي بس امتحانات
:-اي شلونج بيهن
:-زينه بيهن الحمدلله
:- خوش حجي زين الحنه ببيت العروس وانتي شايفه الطريق شكد طويل
:-اي اعرف وهو عزمنه كلنه والشيخ كال نروح حباب خلينه نروح شوي نغير جو ونطلع من جو الدراسه حباب
:- مااعرف يجوز ماترحين
:-لاااا ادم لا تسوي هيج شبيك
:-الحنه باجر مو
:-ايي
:-نهايه اليوم انطيج قراري
:-واني اضل النهار كله بقلق يجوز ترفض
:-كولي يجوز اقبل
:-لااا بداعتي عندك خليني اروح
:-هاي هية ترحين حلفتيني بأعز شي عندي
خجلت وحجيت بسرعه:- يلا اني راح انزل اسويلك ريوك
:-تمام بس اغسل واجي وراج
:-تمام، نزلت ركض ودخلت للمطبخ شفت رياحين كاعدة بس شافتني خزرتني وكالت
:-صح النوم الخاينه خليتيني اكعد من وكت ولزمتني الوالدة دكك شغل
:-ههههه من شوكت انتي كاعدة؟؟
:-من 8
:-يلا مصارلج هواي كاعدة
:-خلصت نص شغل البيت وسويتلهم ريوك وغسلت المواعين هم لجج هلكت واني بوحدي
:- لج والله ماادري بروحي وعود اني مخليه منبه حته اكعد وياج على الوگت بس مدري شلون ماحسيت بيه من دگ ويلا لعد الباقي عليه روحي انتي ارتاحي
مشت من يمي ووكفت يم باب المطبخ
:-حقج ماتحسين بالمنبه غير نايمه بأحضان سيادة النقيب ادمم
تحجي وتغمز شلت الخاشوكه اليمي وشمرتها عليها بس ماطاحت بيها اسمع بس صوت ضحكها وهي تصعد على الدرج
:-اني الج رياحين الحيوانه
:-صباح الخير زوجه النقيب
:-صباح النور اخو النقيب
:-اكلج زوجه النقيب باجر ترحين للحنه مال امير
:-اي اليوم نروح اني ورياحين نشتري فساتين للحنه
:-زين زوجه النقيب حسب رأيج صديقه بنت عم العروس تجي هم للحنه
:-حسب
:-حسب شنو بلا زحمه عليج محاميتنا
:-باع يجوز صديقه بنت عمها تكرها وشي اكيد ماراح تجي
:-بس مو عيب من صديقتها اذا ماتجي وهمه جوارين بالمنطقه وعشره عمر!!!
:-والله لو مو عشرة عمر وجوارين اذا تكرها مستحيل تجي وبعدين انته ليش تسأل هيج سؤال؟؟
:- هيج اريد احسب عدد المعازيم اريد اعرف شكد راح يخسرون بالحفله
:-وانته شعليك؟؟
:-شلون شعليه شوفي يجوز باجر عكبه اتزوج فلازم اعرف كلشي من الحذاء العروس للقواطي الببسي الي راح تتوزع عليهم
ادم:-انته لو تهتم بدراستك بكد ماتهتم بهاي السوالف جان هسة انته الاول على الدفعه مالتك
:- لك انته شايف الحصار الي مسويه عليه اخوك الشيخ لك باب الشارع ميخليني اوصله انته بس تخيل بهاي الشهرين قريت قرايه لو قاريها بالسادس جان هسة اني دكتور وعلي
:-انجب واسكت لاتذكرني بالسادس جنت انزل من الواجب الزمك دك كتل بس حته تقرة ومن اصعد مهران ليزمك وكل هذا وماطلعت معدل بيه خير
:-ترة اني مهندس!!!
:-اصلا هواي عليك مهندس واصلا انته مهندس حاسبات
:-وشبيه مهندس الحاسبات مو بعينك
:-لا بخشمي تلث سنين وانته تطلع دور ثاني وين اكو واحد يطلع دور ثاني بالكلية هاا
:-كافي بداعه شيبات زليخه مو فضحتني فضيحه كدام مرتك
:-لا عادي ماراح تحكم عليك ان انته انسان فاشل مو نارة
:-هاا ايي طبعاً
:-وشحدها تحكم اصلا اني مهندس وهي محاميه شجابها يمي
:-كومم لك مرتي لو متوفرلها الظروف الي توفرتلك جان هسة هي دكتورة
:-ترة هاي جملتي وين حقوقيي؟؟
:-كومم لك ابو الحقوق
:-اريد اتريك مااكوم
:-يعني تريد تقنعني كاعد من زمان وبعدك لحد هسة مامتريك؟؟
:-لا تريكت بس اختك ماتعرف تسوي البيض مرتك تعرف احسن منها
رياحين:-خوش لعد خلي مرت اخوك هي تسويلك الريوك اني بعد معليه بيك
:-بسم الله الرحمن الرحيم جني انتي منين طلعتي
:-اي جني لاتحجي عليه حته لااطلعلك بالليل واخبلك
:-انتي بس افتحي شعفتج واني اتخبل مايحتاج تصيرين جني
:-وعلي اله اكول لمهران عليك
:-لا لا شبيج اتشاقه وياج صايرة ماتتحملين شقه
:-اي عبالي
حطيت الريوك وندك الباب وادم حاجه نزار يكوم يفتحه
:-اهوو هم نزار بنغلادشي عدكم اني كلساع تكوموني ومنو هذا قليل الذوق جاينه من الصبح
:-يا صبح هذا الساعه بالعشرة الناس بدت تسوي غداها
:-هذوليج الناس عدهم جناين معدله مو مثل مرتك
:-اهوو اليوم انته حاط گورك من گوري شبيك وياي
:-اكرهج بگتي اخونه منه وراد يطردنه من البيت من وراج
:-اي بعد بعد وخليته ياخذ الورث منكم هم
:-شوفف شوفف خويه طلعت مرتك على حقيقتها
:-امشي ولي افتح الباب راح يفلشون الباب من ورة الدگ
:-رايح رايح
شوي ورجع هو وفهد
فهد:-صباح الخير
ادم:-هلا حبيبي صباح النور
نزار:-اي فهد حبيبك وصباح النور واني بالقندرة مو
ادم:-رحم الله امرأ عرف قدره
:-زعلت منك وعلي
كال هيج وسحب الكرسي وكعد
:-انته مو زعلان مني؟؟
:-ايي
:-اذا هيج شعدك كاعد يمي؟؟
:-لاتفرح ترة ماكاعد علمودك كاعد علمود الاكل
:-طاح حضك، شعجب كاعد من وكت كلت هذا للاربعه مايكعد
:-اصلا مانمت
:-ليش
:-البيت يخنك من دون مهيمن احسه يريد ياكلني مامتعود ادخل للبيت ومالكاه منتظرني، حجه هيج وورث الجكارة وعيونه حمر يجاهد ويه دمعته حته لاتوكع
:- اي والله اله وحشه بس تعرف هذا احسن اله هو هناك يرتاح اكثر
:-بس اني لاا مامرتاح ابدد
:-تتعود هسة تريك وادخل للصاله ناملك كم ساعه حته من تكعد نروح نشتري ملابس للحنه مال امير
:-عود صدكك هذا امير راح يتزوج
نزار حب يغير شويه من نفسيه فهد وكال
نزار:-ضليت بس اني وكلها تزوجتت
فهد:-ههههه انته اخر واحد لازم يفكر بالزواج
:-ليش يابه
:-حبيبي وينك وين الزواج وهي اصلا كلما تحجي وياها تركعك بحظر
:-اخخ اسكتت لك شالعه كلبي تخيل دخلتها من 11 رقم وكلهن حظرتهن بنت الحلو
:-ههههه تستاهل اكثر
:- وعلي محد مرتاح بس الشيخ بارد راسه لان تاليتها اله
:-كافي لاتجفص
رياحين:-منو تقصد بكلامك نزاروو
:-محد يقصد مو نزار
:-اي صح وهسة اودعناكم اروح اشتريلي قاطط للحنه واضبط روحي حته خاف تشوفني بنت الحلال مااريد اطلع كدامها مبهذل
ادم:-نزار ارجع اكعد المكانك
:-لاتحجي وياي اني زعلان منك باييي
طلع يركض من المطبخ وادم دار وجهة على فهد
:-اي استاذ فهد كمل انته جفصه نزار
:-اني دايخ وراسي يوجعني اريد انام رياحين يابه بلا زحمه عليج افرشيلي فراش بالصاله اريد ارتاح
رياحين:-تمام
:-يعني ما راح تحجي مو؟؟
:-ماعندي شي احجي
:-خوشش حجي
دفع الكرسي وطلع من المطبخ وصاح عليه
:-نارة تعاليي
رحت وراه
________________
الشيخ مهران:-خابرت مهيمن الساعه ب7
مهيمن:-هاا ولك متحلم بيه ومتصل بهيج وكت
الشيخ مهران:-ليش اني نمت حته اتحلم بيك
مهيمن:-وليش مانمت بعد روحي ميصير ترة تصير جوة عيونك هالات وتطلعلك تجاعيد وانته ماعايز
:-انجب مهيمن شوكت ترجع
:-شبيك مهران اني صارلي شهرين شنو احجي هاي هية بعد ابدد ماارجع لو شنو يصير
:-باجر حنه امير وعزمنه حته عيب عليك الولد صاحب فضل ويانه كلما نريد شي يوكفلنا وانته ماراح تروح لحنته والله عيب
:-خابرته البارحه واعتذرت منه وهم باركتله والولد ماعتب ابدد
:-واني شلون اطب اليوم للديوان وانته ماموجود؟ ليش صرت اناني وماتفكر بينه اني وفهد هاا
:-مهران عبالك عاجبني هذا الحال اني بدوله واخوي وعضيدي بدوله ثانيه هاا بس هذا الي جان لازم يصير
:-انته ارجع واخذ بيت الك ولفهد وتخلص منها
:-شعبالك مافكرت بهاي الفكرة وفاتحت ابوي والبيت اشتريته هم بس ابويي اخخ منه يكلي شيكولون علينه العالم ليش كاعدين هم بيت وابوهم ببيت ثاني لك خبلني
:-شعلينه بالناس خ**** بيهم اهم شي راحتك ارجع واني احجي ويه عمي معليك انته
:-اكعد راحه مهران مالي خلك عرك ومشاكل اجيت اهنا اريح راسي من مشاكله هو ومرته
:-شكد صاير خبيث
سديت الخط بوجهة
من جانو الشباب يحجون ماجانو منتبهين للواكف ورة باب المطبخ وسمع كل كلامهم حته جفصه نزار من طلعت رياحين انسحب للمخزن وانتظر ادم وزوجته يصعدون يلا يطلع دخل للمطبخ وكال
:-صباح الخير فهد
:-صباح النور شيخ
:-وين راح نزار؟؟
:-سمعته؟؟
اومأ اله براسه بأيجاب
:-طلع بحجه يشتري ملابس
:-اعرف سمعته بس مااعتقد اكو محل ملابس مفتح بهيج وكت مو
:-اي صح اكيد راح للمنتزه الي دائما يروحله
:-خوش حجي يرجع واحاسبه
:-وادم
:-شبيه ادم؟؟
:-ليش متريد تكله على الابنيه؟
:-هذا الشي خاص بيه وانته حته تفكير بيها بينك وبين نفسك لاتفكر خوشش
:-تأمر شيخ
رياحين:-اا فهد خلصت الفراش تكوم تنام؟
:-اي اجيت من رخصتك شيخ
مشه شويه وكرص رياحين من خدها وكال
:-مشكور ريحانه تعبتج وياي
:-لا بلعكس ماكو تعب
الشيخ مهران :-رياحين
:-ها بابه
:-تعالي هنا
:-اجيت
:-هاج هاي فلوس اشتري بيها الي تريدي
:-اويي فدوة لكلبك حبيبي
صعدت اركض وفرحانه احب مهران واهتمامه بيه محسسني بنته مو اخته
دكيت الباب على نارة فتح الباب ادم
:-تفضلي حبيبتي
:-يزيد فضلك يروحي بس اريد اخذ زوجه اخوي لمده ساعتين
:-شسوين بيها
:-عيب خويه سوالف نسوان
:-هههه نارة
:-اي اي اجيت
:-محضرة نفسها المدام ماعاجبني تعاونج سوة احس اكو شي وراه
:-غريب امرك حبيبي اكو واحد يضوج اذا يشوف مرته واخته صديقات
:-اي اني لان اعرف من ورة هاي الصداقه راح تخلوني على الحديده
:-هههه اي صح لاتنسى ب4 حضر نفسك تاخذنه للمول نشتري فساتين
:-ايي همزين ذكرتيني باعي نارة وهذا الكلام موجه الج هم رياحين اذا اشتريتن نفس الفستان الي اشتريتيه لنارة بيوم العقد تحلمن حلم تطلعن من البيت مفهوم
رياحين:-لااا ادمم اصلا احنه مقررين اذا لكينه منه نجيب بس الوان تختلف
:-انتن جيبنه حته اسويه وصله وصله وامنعجن من روحه للحنه
:-لا لا يابه اشبيك ابو الغيرة صاير ماتتحمل شقه
:-كلمات نزار لاتبوكيهن
:-ههههه يلا يابه اخرتنه يلا نارو
:-اجيت
دخلنه لغرفه رياحين وبدينه تنظيف بجسمنه اول شي سويت لرياحين ونوب الي
:-اكلج نارو تعرفين تحفين؟؟
:-اي اعرف علمتني مرت ابوي حته احفها
:-خوش لعد انتي تحفيني
:-مو على اساس ترحين للصالون؟
:-لج الوالدة متقبل والتجأت الج لاتخيبين ظني بيج
:-تعالي يمي وماراح تندمين والله
:-اجيت
حفيت وجها بس ماوصلت يم حواجبها بس اخذت شويه من فوك ورتبتهن
:-هاج شوفي وجهج
:-هاي منو هاي اني؟؟
:-هههههه اي انتي
:-لج جنت جني ابو عباس ابو المخضر هسة صرت رياحين فديتني شكد صاكه
:-ههههه
شويه وسمعنه صوت جاي من جوة
:-اكلج شنو هذا الصوت الجوة؟؟
:-ماادري والله بس مو جنه صوت نور
:-لاا شعدها اجتت لج جنت مرتاحه منها
:-تعاي ننزل نشوفها
:-انجبي واكعدي حفي وجهج انتي هم ومن تخلصين روحي اسبحي شعندج نازله يمها على كلامها الحلو لو ملكاها الج هاا
:-اي هم صح، اكلج كومي شوفي ادم نزل لو بعده بالغرفه
:-ههههه تغارين
:-اهوو اريد فد يوم اكلج سوي شي وتسوينه بدون ماتخبثين وياي
:-كايمه كايمه
راحت شويه واجت ومبينه ضايجه
:-شبيج؟؟
:-ادم ماموجود لا بلغرفه ولا جوه يجوز طلع لان حته فهد ماكو
:-وانتي ليش هيج كالبه خلقتج؟؟
:-هاي الخ*** نور تكول لماما شوفي بنتج حافه حواجبها مفلفله تريد تروح للحنه حته يخطبوها
:-خ***بيها هاي شبيها؟
:-حيوانه الله لا يوفقها ان شاء الله
:-عوفج منها وتعالي خلينه نختار من هسة الوان الفساتين حته نختار مكياج مناسب الهن
:-عوفي المكياج عليه اني اريد لون الفستان لون لو وردي لو سمائي
:-اني اريدة احمر او بنفسجي
:-خوش لعد اتفقنا
ظلينه نطلع افكار وحضرنه المكياج الي راح نستعمله رياحين دخلت للحمام تسبح واني هم رحت لغرفتي سبحت ونزلت يم عمه
____________________
ايليا:- اليوم كله خلصناه نفتر بالمحلات بس حته اشتري فستان للحنه واني من نوع صعب اقتنع بالفستان اله افر المحلات كلهن واشوف كل الموديلات ورة ماشتريت الفستان الي جان تصميمه منفوش ورداناته تور والظهر يطلع ويوصل لحد الركبه وانفال اشترت واحد تسعيني مفتوح من الضهر والصدر لونه بني واني لونه اسود ونوب رحنه للصالون تنظيف بشرة على حف على كص اخذت من شعري شوي وانفال تصيح
:-عزة بعينج شلون انطاج كلبج تكصينه
:-هسة الي يسمعج يكول سويته بوي هو اني اخذت منه اصبعين بس
:-حته لو والله من شفتها حطت المقص على شعرج راحت روحي
:-ههه صدكك تحجين؟
:-اي وعلي لج هو شعر غير اعز شي عند الابنيه
:-هم صح، يلا ولج خلينه نمشي شوفي الوالدة شلون تباوع عليه راح تكتلني هنا كدام النسوان والله
:-هههه حيل بيج تستاهلين
طلعنه والطريق كله ماما ترزل بيها وخالتي خطيه ادافعلي بس هي هم ترزلت لان هي اصغر من ماما وعادي تتقبل منها كلشي وصلنه انفال لبيتهم واحنه دخلنه للبيت وبدة الكرب والتنظيف مال كل مناسبه للاذان المغرب يلا خلصنه كلشي حته الكوشه سويناها بالاستقبال وقفلنه الباب
غيداء:-كومي ايلي سوي عشه
ايليا:-ماتكومين انتي؟
:-تردين اتشغليني واني عروسة؟؟
ايليا:-كومي غسق انتي سوي العشه
غسق:-انجبي اني اختج الجبيرة وحامل ومشلوع كلبي ترديني اسويلج عشه
ايليا:-بنو
بنين:-ديري بالج تحجين اصلا طايح حظي من التنظيف اجيت اتونس اني لو اشتغل
ايليا:-شكد حقيرات منو يسوي العشه
عمران:-ميحتاج احد يسوي اليوم عشاكم على حسابي جبت وياي من المطعم
كمت كمزت عليه وحضنته
:-الله يخليك النه يا احلى اب بالعالم
:-ههه مصلحجيه يلا كومي رتبي الاكل بمواعين مو متنه من الجوع
:-تأمر امر حبيبي خمس دقايق ويجهز كلشي
:-حبيبتي
عافنه وطلع وصحت على بنين وهبة
:-يلا خوانم كومن وياي خلينه نرتب الاكل قبل لايسحلونه علمود العشه
بنين وهبه:-اجينه يابه
حضرنه الاكل اني والبنات وغيداء وغسق فرشن السفره وبدن ينگلن بالاكل ولتمينه كلنه على سفرة وحده بس عمو جواد ماجان موجود سألت بنين امها عليه ماقبلت تجاوب وشكل خاله زينب جان مخطوف ولونه اصفر خلصنه الاكل وصبينه الجاي وبدت وحدة وحدة تنسحب واجتمعنا كلنه بالغرفه كالت هبة
:-بنو تدرين بابا وين
:-لا ولج ماادري حته صارلي شكد ادك عليه مايرد عليه
:-راح اكولج شي بس عليج الله لاتكولين لماما اني كلت خوش
:-لا مااحجي بس كولي
:-اريدج تبقين هاديه هي كالتلي مااحجيلج بس مااكدر اشوفج هيج
:-شكوو
:-كاظم
حطت ايدها على كلبها وكالت
:-خطب موو
:-ياريت
:-لعد شبيه
:-سوة حادث
ضربت بنين على وجها وكالت
:-عزة بعيني ان شاء الله لج شلون ووين وهسة هو شلون وضعه
تحجي منفعله وصوتها جان عالي
ايليا:-الله يخليج نصي صوتج لاتسمعنه امج وتلعب بينه لعب حبابه اسكتي وانتي كملي شلون صار وياه الحادث
:-متعارك ويه امه علمود بنين ومن طالع صاير وياه الحادث على الطريق السريع تكول امه جان حيل عصبي من طلع
:-عزة بعينج بنين كم مرة كتله لاتسرع لاتسرع هسة احسن هيج اخخ يمه
تحجي وتخرمش بوجها رحت لزمت اديها واحجي وياها
:-على كيفج ويه روحج ليش تسوين هيج ان شاء الله مابيه شي
:- اي صح ماما تكول طلع من العمليات من الاربعه وهسة وضعه احسن
:-حيوانه من شوكت تدرين وماحجيتي
:-من طلعتي ويه ايليا تشترين فستان
:-وهسة شلون اتوصل ويه منو حته اعرف وضعه
:-اكعدي وسكتي اصلا اخته خابرت تكول من ورة اختج اخوي هيج صار بيه
ايليا:- شبيها هاي بنين شعليها والله حلوة وانتي لاتصيرين مطيه هو طلع وكلشي مابيه بعد على شنو تردين تتواصلين وياهن اكعدي وسكتي
اعرف قسيت وياها بالحجي بس لازم اسوي هيج حته تنتبه على نفسها حته لاتنفضح كدام خاله وتعصب عليها
(تسريع الاحداث)
:-ايلي وينج يمعودة راح تجي غيداء وانتي بعدج تتمكيجين
:-انفال وسم شبيج تصيحين هسة بديت امكيج جنت اسوي بمكياج بنين
:-افف يلا البيت انترس نسوان
:-تدرين غيداء شتكول
:-لا
:-تكول بيت الشيخ صديقه راح يجون ولازم اني استقبلهم
:-ليش انتي؟؟
:-باعي بالعادة اخت العروس وزوجه اخوها هن الي يستقبلن الضيوف وغيداء ماعدها اخت ولازوجه اخ لهذا اني لازم استقبلهن
:-شوكت يجون؟
:-كالت بالاربعه هنة هنا
:-خوش لعد خلصي بساع لان بعد بس نص ساعه وتصير الساعه ب4
:-عزة صدكك
:-اي والله هههههه يلا اروح اني بايي
:-ولي حقيرة، خلصت مكياجي على السريع ورشيت العطر ولبست الحذاء ونزلت ركصت شويه اني وبنين وهبة وانفال واكو بنات جيرانه هم دخلن ويانه ركصن واني اركص صارت عيني على الباب وشفت مرة وياها ثنين بنات استنتجت هن هذني حرم الشيخ رحت باتجاهن وسلمت عليهن
:-اهلا وسهلا شرفتونه بجيتكم
الحجيه ترفه:-هلا بيج يمه اني الحجيه ترفه ام الشيخ وهاي بنتي وجنتي
وهي تحجي اجاني صوت بنيه تحجي بصوت عالي
:-اني نور بنت خالته للشيخ وهاي اختي نرجس امي ماكدرت تجي تعتذر منكم
ايليا:-اهلا وسهلا بيج حبيبتي نورتي لا ابد ماكو داعي تعتذر تفضلو ليش واكفين بالباب يااهلا وسهلا دخلتهن وعرفتهن على ماما وخالتي وكعدن يمهن راحت انفال جابت العصير قدمته الهن
الحجيه ترفه:-اللهم صلِّ على محمد وآل محمد الله يحرسج مم عيون الحساد شنو اسمج خاله
:-انفال
:-عاشت الاسامي يمه انتي متزوجه يمه
رادت تجاوب انفال بكلمتها المعتادة بس دخلت بنين على الخط وكالت
:-لا خاله لامتزوجه ولاحته مخطوبه اصلا محد حاجي بيها
:-الحمدلله اقصدد الله يستر عليج يمه ويرزقج بأبن الحلال
راحت انفال ورحت وراها للمطبخ
:-وينها هاي بت خالتج اله اموتها وعلي اخخ
:-ههههه طفرت يم خاله زينب
:-اني اعلمها
:-كافي لاتضوجين اصلا همه من غير محافظه مااعتقد تخطبج لابنها
:-باعي خلينه نروح نسأل بتها اذا عدها اخوان لو لا
:-اوكفي مو هسة خلي تجي غيداء وبحجه تعالن اركصن ويانه نحجي وياها خوش
:-خوش
رجعنه دخلنه والحجيه ماشالت عيونها من انفال وانفال تباوع عليه وشوي وتبجي اجت غيداء وجانت طالعه ايه من الجمال البدله مالتها لونه احمر غامق والمكياج جان بالالون الغوامق مطلعها فد شي رحت يمها وباركتلها
:-اللهم صلِّ على محمد وآل محمد شطالعه تخبلين جنج كيكه اويلي عليك امير راح ينجلط
:-انجبي ايلي هو البارحه الليل كله يتحلف بيه هيج اسوي بيج وهيج اسلخ واشلع وعلي راح افصخ كلشي من وراكم
:-ههههه انجبي يشاقه وياج
:-اكلج بيت الشيخ اجو
:-اي اجو هذنيج النسوان الكاعدات يم امي وخاله زينب هاي ام الشيخ ويمها بتها ويمها جنتها ويمها بنات اختها
:-شنو هاي الهوسه عقلي ماجاي يستوعب اي شي
:-هههههه قفل من التوتر
:-اي والله
انفال:-يلا روحي صيحيهن خلينا نستجوبهن
ايليا:-تمام حبي
رحت يمهن وكلت
:-تفضلن بنات شاركونه بالركص
رياحين:- نروح يمه؟؟
الحجيه ترفه:-كومي بس انتي ومرت اخوج
نور:-واحنه
:-يرجعن وانتن روحن وراهن خوش
نور:-خوشش
كامت بنتها وزوجه ابنها
ايليا:-عفوا بس متعرفت عليجن
رياحين:-اني رياحين البنيه الوحيدة لبيت الشيخ وهاي نارة زوجه اخوي ادم
ايليا:-فدوة شكد حلو عندج اخ واحد مو؟
رياحين:-لاحبيبتي عندي ثلاثه اخوان واحد منهم متزوج بس
ايليا:-الشيخ؟
نارة:-لا حبيبتي اني اصير زوجه ادم اخوهم الوسطاني الشيخ ممتزوج
ايليا:-بس لا
رياحين:-هههههه لا حبيبتي عرفت بشنو تفكرين امي رادت انفال لنزارو اخوي الازغر من ادم
ايليا:-هههه اعتذر منج بس هي من سألتها امج لحد هسة بايكه هوة
رياحين:-هههههه حقها والله، واكدر اكول ان انتي كومتينا حته تستجوبينه مو علمود الركص
ايليا:-ههههه ذكيه ماشاءالله عليج
رياحين:-لعد شعبالج، احب اكلج اخوي نزار مرتبط ويحب وحدة يعني خليها تطمأن لان ماراح يقبل يتزوج غير الي يحبها
ايليا:-هههههه حبيبي اروح اكللها هذا الحجي قبل لاتموت
رياحين:-اي والله صعد ضغطها من حجي امي وجها لونه اصفر ههههه
ايليا:-هههه يلا حبيبي اترخص منج
انفال:-هاا شكالت صارج شكد تحجين وياها
ايليا:-اخذي نفس لاتخافين الولد مرتبط
انفال:-والله
ايليا:-اي والله
انفال:-الله يبشرج بالخير، موبايلج صارله شكد يدك
ايليا:- صدكك
انفال:-اي والله اني اروح وانتي ردي عليه وتعاي
ايليا:-اوك حبيبتي اخذت الموبايل نفس الرقم الي خابرني منه البارحه وهو بعده بيدي دك جاوبته
:-تعرفتي على الوالدة؟؟
:-منو اجت للحنه؟
:-اي الحجيه ترفه امي
:-شنووو امك؟؟؟
