رواية جبروت إبن عمي الفصل العشرون بقلم توتة
جلال وگعت كلبي احجي شبيك ولله حته جسمي صار يرجف شبيك صاير شي
اني احبج.
شفتها انصدمت وماعرفت شنوو تحجي بس الابتسامه انرسمت علئ وجهه
خلت اديهه علئ حلگها وعيونها انترست دمووع
ليش تبچين ?
مجاي اصدك واخيرا حجيتها كنت منتضره هل كلمه منك سنين
شكدد نصحوني اعوفك ب رغم سمعت كلام هوايه م̷ـــِْن العالم ومنك انت ب اخص
مع هاذه ڱڵـه. ماتخليت عن حبي الك وبقيت منتضرتك لاحد ماصار هاذه الًيَوُمًِ
انت متعرف شكدد تعنيلي هل كلمه اني م̷ـــِْن صغري احبك جلال
تحبيني ?
امووت عليك ولله. احبك اكثرر م̷ـــِْن نفسي ولله
اني هم احبج.
ياااي مجاي اصدك ولله عادي اگوم احضنك
انجبي لج شنوو احضنك متشوفين وين گاعدين
ههههه اوك مراح اسوي شي خلينه نطلع لغير مكان احس نفسي مقيده هنا
تعالي
اخذتها وطلعنه صعدت ب صدر يمي طول الطريق لازمه ايدي وهيه تسولف وتضحك ممصدكه
اني حجيت هل كلمه وبعدني ممتاكد م̷ـــِْن مشاعري بس اكيد مراح الگه احسن منها
صح هيه دلوعه ومايعه لاخر درجه بس تحبني هوايه ولكل يعرفها مهووسه بيه
نزلنه اني وياها ب منتزهات ولحدائق العامه
لزمت ايدها وبقينه نتمشئ
جلال
هاا.
ممكن اسألك سؤال بس حباب ماريد تضوج مِڼـّي وجاوبني عليه بصراحه.
اكيد راح تنبني علاقتنه علئ الصراحه ومن ليوم ماريدج تضمين اي شي عني واني مراح اضم عليج
تمام.
ايي اسالي شنوو
انت صدوك تحبني لْـۆ تريد تنسه حبك الآۆلْ بلتقرب مِڼـّي.
حلوو سؤالج
اسمعي دنوو اني ماجذب عليج واكلج نسيت حبي الاول لا بس اريد اعيش حياتي مثل ماهيه عاشت حياتها طبيعي
واني شفت انتي انسب شخص يكون بحياتي بنت خالتي وتحبيني م̷ـــِْن زمان واني هم ارتاحلج
اريد م̷ـــِْن عندج تنسيني عذابي تخليني احبج اكثرر ماريد شي يضوجني منج والي اكوله الج تنفذي قصص وروايات عراقية
لزمت ايدي بقوه وركزت بعيوني وگالت
صدكني راح انسيك كل عذابك راح اخليك تعيش ويايه احلا ايام بحياتك
راح اكون الك حبيبه وصديقه وزوجه.
ع طاري الزوجه تريدين نزوج لْـۆ نبقه حالين حبيبين
حضنت ايدي وخلت راسها علئ كتفي وگالت
اني حالين ادرس خليني اخلص بس هل سنه ونتزوج شنوو رئيك
اممم. لا نخطب ومن تخلصين دراسه نتزوج شرئيج
رفعت راسها وضحكت
اوك مثل ماتحب نخطب حته اكدر اطلع بكيفي وياك يمته راح نخطب
ﺂصبري بابا مو هسه نخطب نبقه شهر شهرين واحجي ويه اهلج.
لان اخوي هسه تزوج. خلي تمر فترا علئ زوجه
براحتك حبيبي
دنوو
يروح دنوو
ماريدج طلعين هل شكل مره ثانيه لبسج ابد معاجبني
ليش شبيه ?
شنوو شبيه لابسه بنطرون ضيگ عليج كلش وقميص نص ردن طالعه زنودج كلهن
حبيبي ولله جوو حار قابل شلبس ناني متعوده هيج
ممنوع تلبسين هيج. سمعتييي
اوك وعد راح اغير م̷ـــِْن لبسي واشتري ملابس كلهم ردان وماطلع اذا ماخذ رئيك بلبسي راضي
ايي هيج احسن. وشعرج لاتخربي كل شويه كصه
هاي شنوو جلال حته شعري تريد تتحكم بيه
سحبتها م̷ـــِْن خصرها عليه وهمست راح تصيرين الي اتحكم بكل جزء يخصج
نزلت عيونها بخجل وگالت اممم. جلال احنه بمكان عام ليشوفنه شخص
عادي راح تصيرين مرتي
بس لسه مصرت مرتك لآزٍمٍ نخلي حدود بيناتنه مو صح.
باوعتلها بطرف عين.
لج انتي صدوك وحده ف... منوو قبل كم يوم ذايب بوستي وممصدكه
هههههه تصدك هذاك الًيَوُمًِ ميروح م̷ـــِْن بالي كانت بوسه غير شكل وعبالك احنه فلم رومانسي
شنوو رئيج نجربها مَـرّھٌ ثانيه
ابتعدت عني وهيه تضحك وگالت نووو ماخليك تبوسني لاحد مانخطب
تعالي لج صرتي تدلعين عليه
تحجي ويايه وتمشي ليورا لاحد مارتدمت بولد لزمها م̷ـــِْن خصرها حته ماتوگع
اني احس نااار وشبت بگلبي رحت بسرعه سحبتها م̷ـــِْن ايده
ايدك اكسرها اذا مديتها عليها مَـرّھٌ ثانيه
ع كيفك لاتجي تبين رجوله كدامها ترا هيه ارتدمت بيه مو اني ولزمتها حته ماتوگع بعدين اني متزوج ماباوع علئ غير مرتي
ااخذت دنوو ورحنه للسياره واني ضايج كلش
جلال حبيبي
اششش ولاكلمه خليني اوصلج للبيت وارجع لشغلي
جلال لاتضوج مِڼـّي فدوه ولله مانتبهت عليه كنت داحجي وياك وماعرف شلون ارتدمت بيه
انتي شفتي شلون لزمج انيي كم مره نبهتج تلبسين شي زين
شبيك جلال لاتعيط عليه ولله ابجي
اوووف ياربي.
اباوع عليها دارت وجهه ع مرايه وصارت تبچي هل بنيه تتحسس م̷ـــِْن كلشي لان مدلليها لاخر درجه
لاتبچين دنوو.
مو داحجي وياج باوعيلي لاديرين وجهج عني
باوعت عليه وهيه تبچي
مسحت دموعها بأيدي وبست ايدها كافي لاتبچين فدوه يروح لدموعج بس اني ماعرف شيصير بيه م̷ـــِْن اشوف شخص يمد ايده عليج
عادي حقك تضوج بس لاتعيط علي ولله اخاف اني وماكدر اسيطر ع دموعي
مراح اعيط عليج مره ثانيه يلا اضحكي
ابتسمت بسرعه تتقشمر شكدد خبله.
اخذتها ورحنه نتفتل ب موولات اشتريتلها دبدوب بكدها وهيه. قزمه هههه.
دخلت للعطورات وهيه مدري وين راحت اني م̷ـــِْن نوع كلش اعشق العطور الهادئه
داختار ب عطر شويه واجت يمي شايله بأيدها علبه يمكن هديه الي
حبيبي اختاري عطر الج
اريد ع ذوقك.
اشتريتلها مثلي
شرئيج بهاذه كلش عجبني. خليت منه علئ ايدها شمته وهزت راسها بمعنئ ايي
اخذتهم وطلعنه.
شنوو هاذي العلبه الي بأيدج
اووف نسيت انطيها الك افتحها راح تعجبك متأكده
فتحتها كانت ساعه وبداخلها اسمي
ههه لج هاي شلون اسمي موجود بيها
ايي حبي هاذي مخصوصه الك
شكرا حلوه
انت الحلوو
اخذتها ونزلنه للكافتريا اكلنه وكملنه وصاار اليل وهيه ويايه ماحسينه ع وقت ابد
عزاا جلال شوف ساعه شكدد تاخرت كلش. هسه شگول لاهلي
عادي اني اكولهم كنتي عدنه ب بيت
لا جلال اكيد مراح يصدكون بيه اصلا اني م̷ـــِْن اريد اروح عليكم اگول لماما
گومي خليني اوصلج للبيت ونلگه حل
اخذتها وصلتها لبيت اهلها كانت امها گاعده ب حديقه
جلال جلال ماما كاعده ب حديقه اكيد محضرتلي رزاله
امشي انزل وياج
شتسوي نازل ?
امشي ومعليج
نزلنه ثنينه اني وياها هيه كلش متوتره م̷ـــِْن امها لان طلعت وياي م̷ـــِْن صبح لاحد المغرب
رحنه عليها
سلام عليكم
عليكم سلام هلا يمه
شلونها خالتي الصاكه.
اباوع عليها خزرت دنوو بنضره خلتها نزلت راسها وخافت كلش
الحمدلله خاله شعجب جايب دنوو وين لگيتها تروح وتنسه نفسها ويه صديقاتها كم مَـرّھٌ نبهتها ماتتاخر بس ماتسمع مِڼـّي
خاله عندي موضوع وياج
اكيد يمه احجيي
اني احب بنتج دنوو ...
.......................................................
ورود.
بوقتها كنت دابچي ب حديقه حسيت شخص ورايه درت وجهي كان جلال
گعد يمي وصرنه نحجي سويه حجيتله انو حبيبته ممهتمه لحبهم
خطيه ليش باقي معذب نفسه عليها وهيه متزوجه وفرحانه ماعرف اذا تصرفي صح او غلط
بس اني اريدله الخيرر اريده يفكرر بنفسه هو الوحيد م̷ـــِْن عائلتهم حباب كلش وماحس عنده غرور
كل عائلتهم مغرورين وشايفين نفسهم لاخر درجه
عافني وراح بعد ماسمع كلامي اني بقيت گاعده ب حديقه مخنوكه وضايجه
ماعرف اذا كلام ثائر صح او غلط يعني اخويه هيج معقوله ولله مجاي اكدر اصدك
دخلت للبيت كانت ام ثائر لابسه ومتأنقه طلعت مدري وين هل عائله ماتعرف تكعد ب بيت كل شويه واحد طالع اشو اني كاعده ب بيت تكول حارس
رحت علئ المطبخ لگيت كرستينا تاكل شافتني ونزلت الاكل م̷ـــِْن ايدها
اكلي ليش وگفتي
تفضلي مدام محتاجه شي اسويلج عصير كهوه شي
لا حبيبتي ماريد شي اكلي انتي اجيت حته اكعد يمج نحجي شويه ضايجه
تفضلي.
انتي صارلج شكدد تشتغلين هنا ?
اني صارلي سنه تقريبا اشتغل هنا كانت امي قبلي تشتغل عدهم علئ ايام ابوهم الله يرحمه
هاا يعني امج قبلج كانت تشتغل هنا
ايي.
زين انتي طول هل سنه متروحين الاهلج ماتشتاقيلهم
مدام اني ماعندي اهل عندي اخوو واحد متزوج ومرته متتحاجه واني احب هل عائله طول هل سنه همه يتعاملون ويايه بلطف
يعني مرتاحه وانتي تشتغلين
ايي شغل مو عيب واني ماحب امد ايدي الشخص اشتغل واخذ فلوسي بحلال
لله يحفضج وينور طريقج
فدوه لكلبج ربي يخليج الاهلج
م̷ـــِْن گالت اهلج سحبت نفس بقهرر واحس نفسي اختنكت
شويه ودخل ثائر للمطبخ شافني كاعده واسولف ويه الخادمه
ورود تعالي شوي
عفتها وطلعت شفته صعد گدامي للغرفه صعدت وراه
فتحت الباب كان وكف ع شباك ويدخن
نعم شرايد
دار وجهه عليه تقدم نحوي وگال
ليوم رحت قدمت اوراقج مالت الكليه باجر انشالله داومين تروحين ويه مروه وديانا لصبح
اوك شكرا.
تعالي يمي شويه
شرايد
هاذي طريقه تحجين بيها ويايه م̷ـــِْن اگلج تعاي تجين بدون كلمه
تقدم نحوي وسحبني م̷ـــِْن خصري عليه غرس اصابعه بخصري بقوه وركز بعيوني.
ااااخ ثائر دتوجعني. فدووه كافي
اتعلمي م̷ـــِْن اگلج تعالي تجين بسررعه
كافي ثائر فدوه ولله داتوجع ولله اجيك اجيك يمته متصيحلي بس عوفني
خفف م̷ـــِْن قبضت ايده ونزل راسه علئ رگبتي وصار يبوس بيها وهو منتهي.
غمضت عيوني واني ابچي ماعرف شلون اتحمل تصرفاته ويايه
شالني بين اديه ونزلني علئ السرير وصار ينزل بملابسي م̷ـــِْن جهت الصدر وهو يبوس بيه
خليت ايدي علئ صدره اريده يبعد عني ماتحمل قربه مِڼـّي.
ثائر عوفني كافي.
اششش ولاكلمه مرتي وحلالي
استسلمت اله اصلا ماعندي طاقه تصده ولاكدر اسمع كلمه جارحه منه هو يتصرف ويايه كانو فريسته
تقرب مِڼـّي بهدوئ عكس يوم العرس خلص وابتعد عني. سحبني علئ حضنه وباس راسي
ليش متحبين قربي منج
خليت ايدي علئ صدره العاري وگلت
ممعتبرني مرتك. يوم واحد ماحسيت نفسي مرتك واهمك. انت بس تشتهيني بس متحبني قصص وروايات عراقية
دفعني عن حضنه ورفع اديه فوك راسي وصار قريب مِڼـّي كلش. همس قريب م̷ـــِْن اذني
انتي مجاي تخليني احبج كل ماحاول اتقرب منج تتهربين وتخليني افقد اعصابي مجاي تتنازلين ابد
اوك هسه تكدر تعوفني اروح اسبح
ابتسم وباس شفتي بادلته بهدوء هاذي كانت اول مره م̷ـــِْن تزوجنه لاحد هاذي الحضه ممتفاعله وياه بشي
هو ماصدك بادلته صار يبوس بيه لاحد مابتعد بأرادته
شفتي شكدد حلوه م̷ـــِْن تبادليني نفس الشعور
عفته وسحبت روب عليه لبست ورحت دخلت للحمام اسبح
شغلت الدوش وماعرف ليش كلبي صار يدك بسرررعه وكانو هاذي اول مره احس بشي غريب اتجاهه
ليش حسيته هادئ ويايه ويريد يتفهمني بس هو لْـۆ يحبني مجان حجالي ليوم عن اخويه وصدمني وخلاني ابچي وماهتم
لا ورود هل انسان حاقد عليج لْـۆ شيصير ميحبج هل شي مجرد شهوه م̷ـــِْن يشتهيج يجي عليج
وبوقت الجد يعوفج منهاره وتبچين مايكلف نفسه ويسكتج.
سبحت وطلعت وهو كذالك دخل يسبح بقيت اشسور بشعري هو شويه وطلع
شعجب اهلج ليوم ماجوو
باجر يجون
باجر عندج دوام ب جامعه شلون راح تشوفيهم لْـۆ تروحين لجامعتج
ماعرف يمكن همه يجون العصر اذا بقو للعصر اروح للجامعه واذا اجو الصبح ماداوم باجر.
براحتج
اني باجر اسافر الاربيل عندي شغل اطلع ورا الغده
مصارلك فترا م̷ـــِْن رجعت م̷ـــِْن تركيا
شسوي شغل كله ع راسي جلال ديشتغل شغله الخاص بيه واني باقي كل هاذه عليه
لآزٍمٍ اتفق وياهم ماطول ابقه يومين وارجع
تمام توصل ب سلامه
الله يسلمج
رحت تمددت علئ السرير هو بقه يشسور بشعره اتصل جهازه اخذه وطلع برا ميحجي اي شي كدامي ليوم مدري شعجب حجالي عن شغله شويه
غمضت عيوني واني تعبانه ولقهر حته غيرني
عشتُ مستعجلًا، كما لو أن الحياة فاتتني قبل أن أولد، وبمجرّد أن تمهّلت، مضى العُمر وتركني، طفلاً لم يعرف
أنه كبُر، وأن الوقت قد حان ليواجه العالم بمُفرده؛ كما كتب محمود عفيفي مطر :"حين قال أبي إنني كبرت
ولم يعد يليق بي أن احتمي بأمي، أصابني هلع، وغلقت أمامي سبُل الهرب 🤍
شويه وحسيت ادين تسلسلت علئ خصري فزيت مرعوبه باوعت شفته ثائر حاضني
شبيج خايفه
كنت هسه داغفئ وفزيت
تعالي سحبني م̷ـــِْن ايدي ورجعني لحضنه خليت راسي علئ صدره واني اسمع نبضات كلبه
ليش م̷ـيبقه هيج لطيف ويايه ليش مرات يتقصد يغثني ويحجي كلام يضوجني
نمت واني الافكار راح تخلي عقلي يوگف تفكيري بأخوي شلون باعني وتخلئ ع اخته علئ مود الفلوس
وتفكيري بحبي وعذابي وبأمي الي ضمت الموضوع عني.
گعدت صبح واني بحضن ثائر لزمته م̷ـــِْن قميصه وعبالك طفله ومتعلقه بأبوها
كنت اريد ابتعد عنه بس هو حاضني بقوه وهو ماشالله عضلاته هل كدهم وجسمه ضخم
ثائر. عوفني اريد انزل
فتح عيونه بنعاس وهمس
شكدد ساعه.
ب 8
طفر بسرعه وفتح عيونه شاف ساعه ب 8 راح يركض علئ الكنتور طلع ملابس ودخل للحمام اني بقيت بس مصدومه
عزاا هاذه صدوك مو صاحي گمت وترتبت السرير واتصلت بأمي.
الوو
صباح الخيرر
هلا يمه صباح النور
شلونكم
بخير انتي شلونج زوجج شلونه
الحمدلله
اكولج ماما
كولي
ليوم تجون علينه لا حجيتي ويه عامر
يمه يمكن نبقه للعصر لان اخووج راح ويه عمج سعد بشغل مـۛـۛﺂﺂدري شنوو
اوك ماما اني ليوم راح اداوم ب جامعه
صدوك يعني خلاج ثائر داومين
اييي
ولله طلع خوش ولد لله يحفضه انشالله يلا يمه روحي حضري ريوك لرجلج ولاتهملينه
انشالله.
سديت الاتصال منها شويه وطلع ثائر
ويه منوو دتحجين م̷ـــِْن صبح
هاذي ماما تگول مراح نجيكم صبح نجي العصر او بليل عامر عنده شغل
اممم ايي خوش يُشَتغلً اخوج
بلعت الغصه وعرفته شيقصد اخذت ملابس ودخلت للحمام بدلت وطلعت حضرت نفسي داروح للجامعه
لبست بنطرون وستره بيضه وتحت قميص اسود وعليه كتابات ب لغه الانگلش
طلعت كلش حلوه رتبت نفسي ع اخرر حبايه مثلهم يعني خليت مكياج خفيف
هو يدگم بزرار قميصه يباوع عليه شون اخلي ميكآب
خليت حمره وشفاف اجه اخذ م̷ـــِْن يمي ساعته وهو يبتسم
ليش تضحك مهرج كدامك
سحبني م̷ـــِْن خصري وباسني م̷ـــِْن شفتي وعضها وخربت الحمرره كلها وتخربطت
ابتعد عني ومسح حلكه بكللنس م̷ـــِْن الحمره مالتي
هاي ليشش خربت كل مكياجي اني اعرفك اذا ماتغثني كل يوم مترتاح ولله
ايي وداعت عيونج مارتاح اذا ماغثج
مسحت حلكي ورجعت خليت حمره واني ضايجه منه ميمر يووم اذا مايضوجني
م̷ـــِْن تخلصين حضريلي جنطتي اني نازل گدامج
عافني ونزل
ايي عيني مشاطر بس يتأمر عليه رحت اخذت جنطه وخليتله اغراضه عطوراته اهم شي اذا هو يمشي وعطره كدامه يمشي
خليت عطوراته وملابسه وفرج شعره وحته شسوار ومعجون الاسنان وكلشي. ترتبتهم وخليت جنطه علئ الغنفه
لبست شالي واخذت جنطتي وجهازي ونزلت
كان الكل گاعد يتريك م̷ـــِْن شافوني مبدله ومتأنقه انصدمو.
صباح الخير.
الكل. صباح النور
حجت ام ثائر.
خيرر وين طالعه م̷ـــِْن الصبح
للجامعه.
انتي مخلصه اعداديه ?
ايي مخلصه.
حجه ثائر. مروه تاخذي وياج ورود للجامعه مالتها اني عندي شغل ضروري ولازم اطلع بسرعه
تدلل خيوو
خلصنه ريوك وطلعت ويه البنات ب سياره گعدت اني ب صدر وديانا وره ومروه تسوق
وصلتني للكليه مالتي وراحت هيه واختها للجامعه مالتهم.
دخلت واني خايفه ومتوتره شعور لايوصف تشوف ناس جديده عليك ومن غير مناطق
كلهم لبسهم حلوو وانيق اني طالعه هم كلشش انيقه وحلووه.
رحت للمدير قدمت اوراقي ودلني علئ القاعه الي اكعد بيها رحت للقاعه واشوف...............
