رواية ذيب الشامخ الفصل العشرون بقلم توتة
"لقد زرعوا فينا خذلاناً، نخشى بعده كل يد تمتد إلينا وإن كانت صادقة."
>>>>>>>>>>>>>>>>>
رباب
بقينه واكفين اني وساره اني احس كل اطرافي اتجمدت لأن هوه منبهني ماطلع الباب
نزل من سيارته وهوه ضايج وعيونه تطلع منهم نار لزمت ايد ساره بقوه
ابو رباب : وين طااالعات ??
ساره : بابا جنه بيت عمي هيثم ومن طلعنه گلنه الامي ولله
_اي ولله
ابو رباب : ادخلن جووه طايحت الحض
دخلنه للبيت واحنه وحده تجر بالثانيه فتحت الباب امي شافت ابوي توترت لان هوه مايقبل • نط̷ّـــۧلع وهيه خلتنه
ابو رباب : انه شكلتتت موو گتلج رباب ماتطلع الباب
ام رباب : شسوي اذا أخوك خابر عليهن وكال خليهم يجون علينه يساعدون سهام استحي اكله مايجن عليكم هسه يگول تعذر ماتريد بناتها يشتغلن
ابو رباب : اريدد اشووفج بعد طالعه الباب وحق الخلقج اكسر رجلينج واخليهن گلاده برگبتج
يوجهه الحچي بس عليه ستهضمت كلش نزلت دموعي بصمت مارديت بحرف عفتهم وصعدت لغرفتي ابچي ..
نزعت الجبه والشال وكعدت ابچي بقيت هوايه كاعده لوحدي واندب حضي ليش هيج أهلي يكرهوني البنات عدها امهات صديقات الهم موو بس امهات اني امي كارهتني وعمري ماحسيت بحنانها دائما تهتم بأخواتي واني لا ماعرف شنوو الي غيرها عليه وخلاها تكرهني لهل درجه ?
مسحت دموعي وگمت اخذت ملابس ودخلت سبحت وطلعت امشط بشعري ؏ مرايه ودايخه بكلام عمي ليش اخذ رقم ذيب مِڼـّي
شراح يسوي معقوله متفق ويه أبوي ويريدون يلزمونه اني شلوون انطي
بس لا لوو صدك يريد يسويله شي جان عمتي سهام عرفت وگالتلي زين شراح يسوي ياربي ولله راح اتخبل ماضل عقل براسي احس كل افكاري مخربطه وماعرف شلون اتصرف.
صار اليل نزلت جوه سويت عشه ورجعت توضيت وكعدت اصلي
خلصت صلاه رحت صبيت الاكل گعد الكل يتعشه بعدنه هسه نريد ناكل اندك الباب
ام رباب : ياستار منو جاينه بهيج وكت ?
ابو رباب : ساعه بـ 7 شنهي ماصايره يمكن ابوي وهوه گال رايدك بشغل خليني اكوم افتح
ام رباب : هاا خوش
گام ابوي راح فتح الباب احنه بقينه كاعدين شويه ودخل هوه وعمي هيثم وعمتي سهام گمنه رحنه سلمنه عليهم ..
ام رباب : تفضلو هسه صبينه العشه
سهام : الف عافيه ولله متعشين هسه تعشينه واجينه عليكم
ام رباب : كل الهلا بيكم
هيثم : كمل عشاك خويه شنهي احنه غرب راح اضل منتضرك بالاستقبال
ابو رباب : لا ولله ماشتهي ..ابويه سوو جاي وجيبو النه.
راح عمي هوه وابوي الاستقبال اني اكلت لكمتين وكمت احس بطني لوتني والخوف سيطر عليه معقوله الي بالي يصير
واجه عمي ينطي الابويه معلومات عن ذيب ياربي دخيلك كلشي ولايصير شي لذيب ولله اموت
رحت للمطبخ اسوي جاي واني حسبه تجيبني وحسبه تاخذني اجت يمي عمتي سهام
سهام : شبيج وجهج اصفر صايرر شي ابوج ضاربج شنو
_هاا لا ماكوو شي بس ليش عمي اجه علينه ماتعرفين شيريد م̷ـــِْن ابوي
سهام : كلام راح يفرحج متاكده
_صدوووك شنوو
تدنت يمي وهمست بصوت ناصي حته محد يسمع شي
سهام : ليوم عمج حچه ويه ذيب والي عرفته ذيب گايله لو شيصير رباب الي وراح يجيب شيوخ واعمامه باجر ويجي يخطبخ
كمزت بصووت عالي ..
_عليييييج لله صددددك
سهام : فلك صابج شهرتيني نصي صوتج ولج
_يمه يمه ولله ممصدكه وشتگولين ابوي راح يرضه ينطيني الهم
سهام : ولله بعد هاي مادري بيها ابوج معقد ومافرحج واكلج يقتنع بس خلي عندج امل بلكي يستحي من الشيوخ والناس الكبار وينطيج
_انشالله ياااارب ..عمه ولله ماعرف شلوون اجازيج انتي احن من اهلي عليه احبج ولله
حضنت عليها واني احس رجعتلي الروح بكد ماجنت خايفه فرحتني ورجعلي امل انو اصير لذيب
سهام : يعمري وانه هم احبج ولله وشكدد ادعي تصيرين لذيب ولله حرام نوكف بقسمتكم وانتو تحبون بعض ولولد شاريج ويحبج م̷ـــِْن صدك
_شكدد مشتاقه احچي وياه صارلي فترا كلش طويله محاچيه وياه
سهام : بلكي باجر ابوج يقتنع وترجعين تحچين وياه
_لله يسمع منج #ڪــڔٰا̍ڕ
سهام : يلا ولج احترك الجاي صبي واخذي الهم
هزيت راسي بأي صبيت الجاي راحت عمتي گعدت ويه امي واخواتي اخذت جاي الهم گبل الادخل اسمع ابوي يكول
ابو رباب : شعددددهم جاااين علينه گلهم لايجون ولايتعبون نفسهم مالهم مره يمي شنهي كوه بتي ماريد انطيها الهم
هيثم : ابو محمد صلي علئ محمد انته شتراوالك منهم نطرد خطارنه شنهي خلي يجون وتعرف عليهم واذا ماعجبك الحجي كلهم مالكم قسمه يمي وهاهيه ترا مراح نخسر شي احنه
ابو رباب : اكلك انه ماتحمل اشوف جهرته واخاف يجي وابتلي بيه
هيثم : هاذه مو حچي لولد رايدها بحلال يعني لاحد ماتصير فضيحه يلا ترتاح
ابو رباب : شحدهااا غير اذبحها وحگ الكفل زينب
دخلت واني اديه ترجف والصينه تهتز بيها الاستكان
من دخلت همه سكتو خليت الجاي كدامهم اباوع علئ ابوي يخزر بيه وعبالك مسويه جريمه عفتهم وطلعت واني احس روحي مخنوكه
ماعرف شراح يصير باجر وياترئ ابوي راح يقبل لوو يرفض ولله خايفه يصير شي من جهه ابوي ميتحمل كلمه ومن جهه ثانيه ذيب الي اكثرو من ابوي عصبي ومايتحمل كلام بسرعه ينفجر
الهي انته اعلم بحالي سهل الموضوع ولاتخلي يتعقد اكثرر ولله تعبت
رجعت گعدت ويه عمتي بالصاله بقينه نسولف كلام عادي شويه وطلع عمي وگالها يلا خلينه نروح راحو رحت للمطبخ غسلت الصحون وصعدت علئ غرفتي تمددت علئ جربايه واني خايفه من باجر شراح يصير
افرح ? احزن ? ادمر ?
ماعرف منو م̷ـــِْن هذني راح تكون حالتي باجر دعيت ربي هواي وبچيت لاحد مادخت ونمت ..
گعدت الصبح واني احس راسي راح ينفجر ؏ كد مابچيت لبارحه حته عيوني توجعني
كمت غسلت وجهي ونزلت جوه مالگيت احد گاعد كلها بعدها نايمه فكرت اخذ جهاز واشوف ذيب مراسلني لوو زعلان مِڼـّي
رحت اتمشه علئ كيف فتحت باب الغرفه يمه شفت ابوي موجود رجعت سديتها واني كلبي يدك بسرعه الحمدلله مادخلت جان شافني.
رحت علئ المطبخ سويت ريوك اريد يمرر اليووم بسرعه اباوع للساعه كل دقيقه احس روحي اتوتر كلش واخاف
كملت الريوك گعدو اهلي واحد ورا الثاني كعد الكل يتريك خواتي تريگن وراحن علئ المدرسه واني الخدامه مال البيت بقيت انضف واغسل وارتب احس ضهري انكسر وامي ابدد ماينكسر خاطرها عليه وتساعدني بشي.
گاعده ويه ابوي بالصاله خلصت شغل واجيت اصعد لغرفتي اسمع ابوي يحچي وياها
ابو رباب : ليوم جايين علينه يخطبونها مره ثانيه
ام رباب : هاي الناس ماتستحي شنو موو رفضناهم بعد شكوو بس لاتريد تستقبلهم
ابو رباب : خلي يجون ويصير خيرر
ام رباب : بعد كلشي صار والي سمعناه تريد تستقبلهم ودخلهم لبيتنه
ابو رباب : كله من هيثم هوه البالني بيهم يگول ولله اذا مادخلهم لبيتك بعد ماطب عليكم بعمري
ام رباب : ليش هوه يدري ?
ابو رباب : اي عارف كلشي وحته حاچي ويه ولولد وگايله ليوم يجيب عمامه ويجي علينه
ام رباب : ولله مادري شگول
ابو رباب : الله كريم خلي يجون وانه اعرف شلوون احچي وياهم
خليت ايدي ؏ حلگي واني ابچي عمري ماتخيلت امي توصل وياها لهنا لآزٍمٍ هسه تكون فرحانه الي موو توكف ضدي وتترس راس ابوي عليهم متاكده بعد هاذه الكلام مراح يصير خيرر ابد
صعدت علئ غرفتي واني ابچي احس حته عيوني راحت كد مابچيت ليش اهلي هيج كارهيني ليش مايحبون يشوفوني مرتاحه
مرر اليووم بسرعه صار الظهر وهمه ماكوو انه اباوع علئ الساعه سويت غده تغدينه وكملنه صارت بـ 2 الظهر اجه علينه عمي وجدي
راحو كعدو بالاستقبال اكيد جايين لان اجو عمي وجدي بقيت اكل بروحي اكل اروح وارجع واني اباوع شوكت يجون يالله
صارت بـ 3 الظهر سمعت صوت سيارات صعدت اركض علئ غرفتي فتحت الشباك شويه وبقيت اباوع عزا هاي شكدد ناس جايه
الشارع انسد تقريبا 10 سيارات واكثرر شي ناس لابسه زي عربي عگال ودشداشه بقيت اباوع علئ امل اشوف ذيبي احس روحي مدمره عليه
استقبلهم ابوي وعمي وجدي دخلت الناس شويه وشفت ذيب نزل من سيارته لابس طقم رسمي اسود وبنطرون اسود طالع يجنن بقيت صافنه عليه نزلت دموعي بدون ماحس
سديت الشباك واني كلبي يدك بسرعه خايفه كلش خايفه من هاذه اليوم #ڪــڔٰا̍ڕ
نزلت جوه گالت امي حضري ضيافه بسرعه اجت ساره ساعدتني بقينه نحضر اني اشتغل وبالي كله يمهم ماعرف شراح يصير ..
______________________
فتح الباب ابو رباب استقبلونه بكل احترام دخلنه اني واعمامي وشيوخنه بالاستقبال مالهم
شيخ محمود / لله بالخير
الكل : لله بالخير والرحمه
شيخ محمود : يگول الخير مايطلع خطاره من بيته اله وهوه راضي صح لو غلط
ابو رباب : ؏ راسي اخليكم شيخنه
شيخ محمود : سالم راسك بويه بمأ انو احنه اجينه عليك وجامعين اعمامنه واهلنه اكيد عرفت علئ شنوو جاينك وعندك خبرر
ابو رباب : حجي انته علئ عيني وعلئ راسي بس ولله لبنيه منطيها لناس وماكدر اتفشل وياهم وانته تدري الزلمه ينكض من كلمته
ابو ذيب : شلون يعني لبنيه مخطوبه ?
الحجي : بعدها مامخطوبه رسمي بس ناس خطبوها وانطيناها الهم
شيخ محمود : زين نگدر نعرف الناس منين يمكن نگدر نروح عليهم ونقنعهم.
ابو رباب : الله بالخير عليك شيخ
شيخ محمود : هلا بيك
ابو رباب : باجر انته عدك بنيه ومنطيها لواحد م̷ـــِْن اعمامك واجو غير جماعه خطبوها منك وانته منطي كلمه وقارين عليها الفاتحه تگدر تتراجع وتتفاشل وياهم ?
كمت وانه ارعد وعيوني تطلع منهم نار
_من شووووكت هاذه الحچي شنوو قارين عليها الفاتحه
ابو ذيب ; ذييييب
كام ابو رباب وصرنه وجهه بوجهه وعيونه مركزه بعض
ابو رباب : اول شي احترم البيت الگاعد بيه ونصي صوتك خلي عندك احترام تدري بيه ساكت منك احترامن للشيوخ الگاعده
شيخ محمود : صلو علئ محمد واگعدو خلونه نتفاهم
_عليه افضل السلام
گعدت واني اهدي بنفسي كافي ذيب تحمل لخاطرها اذا تعاند مراح تستفاد شي
ابو ذيب : يابه عذرنه تدري ولد ومايفتهم بهيج امور
هز راسه ابوها وسكت احس ناااار تغلي بداخلي كاعد واهز برجلي علئ الارض
الحجي : ولله النه الشرف ناسبكم بس هاي لبنيه منطينها وكلشي قسمه ونصيب
شيخ محمود : يعني ماكوو مجال
ابو رباب : اي شيخنه ماكوو اي مجال لبنيه بذمت رجال ثاني وقارين عليها الفاتحه وخاصمين المهر بس خطبه بعد مصايره رسميه اعذرونه واتمنه منكم ماتشيلون بگلبكم
شيخ محمود : لا يابه كلشي قسمه ونصيب لله يهنيها انشالله ولحسين يحفضها
_شنوو هاهيه ربااااب الي خطبه ماكوو ادري هاذه الحچي ماله صحه ابدد بس فهمني شي واحد انته ليشش واكف بقسمتنه ليشش ماعديني احد دازك عليييه جاااوب
ابو رباب : احتررررم نفسك لككك
_شرراح تسووي عبالك بهل بساطه اسكت وراح ارضه بكلامكم اجيتك بالعين والاغاتي ومارضيت اتحمل الي راح يصير من اليوووم
ابو ذيب : ذيببببب احترررم الناااس الموجوده
هيثم : اطلع براااا انتــه موو مال احترااام برااا
شيخ محمود : ابني موو هااي الاصول الي تعلمنه عليها اعتذر منه هسه وكدامنه
ابو رباب : اعتذار ماريد خلي يروح لله ومحمد وعلي وسايم لله عليه الي يمر علينه بعد
عفته يحچي وطلعت من البيت واني افورررر من العصبيه لوو بيدي اكله اكل بسنوني ومايبرد گلبي من شوكت هل حچي وشنوو قارين الفاتحه عليها معقوله تصير صدك ويزوجها لغيري ?
انتحر بيه ولله اااااخ رباب شسويتي بيه وليش هيج اهلج رافضين ليش مجاي يشوفون حبي الج
طلعت من الباب درت وجهي جان اشوفها واكفه باب الصاله ودموعها تنزل شلالات علئ خدودها
هزيت راسي الهاا وطلعت ركبتي سيارتي وسقت بسرعه ماريد احچي ويه شخص ادري باعمامي هسه يطلعون يستلموني حجي واني احس روحي صايره بخشمي وماتحمل اي كلمه زايده
رحت علئ الجسر نزلت ادخن واتذكر كلام ابوهاا
منطيها. "
قارين الفاتحه عليها "
كلشي قسمه ونصيب "
خليت ايدي علئ راسي واني احاول اهدي اعصابي الي احسها تلفت صحت بصووت عاالي
رباااااااااااااب اااااخ اذا ماندمكم واحد واحد فلا اطلع ذيييييب .....
____________________________
اتبع البارت
#############
شـــوازانـــه وعـــشـگـنـا الـمــايــصــير الـــنــه !💔
#البارت 21
هـلي حـࢪمـوني مـن حـلمي
هـلي حـࢪمـوني مـن ولـفي
هـلي حـايره بـأمـري
هـلي مـاش رحـم بـيڪم
هـلي شـࢪد احـاچـيڪم ..💔
>>>>>>>>>>>>>>>
صحت. ودخنت هوواي اشرب واشمر جهازي احترگ علئ كد مايتصلون بيه ماجاوبت شخص منهم
اكيد هسه قايمه القيامه عدهم ويريدون بس يفشون خلكهم بيه
صارت ساعه بـ 12 بليل رجعت للشقه مالتي واني احس روحي هلكان وتعبااان كلش احس نفسيتي التعبت موو جسمي
اتصل جهازي شفته رقم امي ماگدر ماجاوب عليها فتحت خط بدون ماحچي
ابو ذيب : هااا هسه رتاحيت م̷ـــِْن ذليتنه كدام الخلك ولككك الئ متئ تضل هيييج راح تجلطني انه ادري بيك تسوي هيج واجي وياك.
_خلصت
ابو ذيب : انعل والديك حيووووان فشلتنه كدام اعمامك والشيخ هاذه اسلوب تحچي بيه رجال مايريد ينطي بنته شنهي گووووه هيه
_اييي گوه ولكم احببببببها اررريدها ماتفهمون شنوو احبها لبنيه داخله بعقلي مستحيل اخلي غيري ياخذها لوو اعرف انكتل واموت ماخلي غيري ياخذها مستحيل
ابو ذيب : ذيب انته شفت بعينك اهلها شلوون ماراضين لله يرضه عليك عوف السالفه خلي لبنيه تاخذ بستر لاتفضحنه اكثرر من هاي الفضيحه
_لاتخاف لوو شيصير ماسوي الي بالك لوو اخذها كدام الكل لوو اموت
ابو ذيب : تموت ؏ مره شبيييييك انته
_احبها
ابو ذيب : ينعل هيج حب راح دمر حياتك بأيدك يابويه فكر بشغلك بعملك وين ذييييب الي مايهتم لاحد
_ترا الموضوع عادي وشغلي بعدني بيه وشغله موو شغله ضعف اوو تنازل لااا شغله صاارت عناد وانه تعرفني زييين احب التحديات
ابو ذيب : لله يهديك
اخذت امي الجهاز اجاني صوتها مخنوك ومبينه تبجي
ام ذيب ; يمه ذيب بداعتي عليك أإأذأإأ الي خاطر يمك لاتسوي شي وتفجع گلبي بيك يمه ناس بتهم ماينطونها شنوو كوه تاخذها خلي لبنيه تشوف حياتها وانته هم شوف حياتك الف من تتمناك
_لله كريم يمه لايضل بالج ولاتخافين عليه مراح يصير شي اطمأني
ام ذيب : شلوون تريدني ارتاح بعد الي سمعته
_گتلج ماكوو شي ولله لاتخافين ياروحي ولاتعبين نفسج اشربي علاجج اهم شي صحتج
ام ذيب : ادري بيك هسه تعبان بس ماتريد تحچيلي وتخوفني عليك تعلمني بيك ولك يمه ولله حته گلبي يوجعني عليك ومامرتاحه
_هههه يابه شسالفه لاتكبرين الموضوع.
ام ذيب : كول وداعتج ماسوي شي
_لاتحلفيني بيج يمه ليش تخلينه نتزاعل انه وياج
ام ذيب : موو ادري بيك راسم شي بالك وماتكعد راحه حبيبي ذيب برضاتي عليك يمه لاتسوي شي خاف علئ البنيه لاتنفضح كدام الكل ترا لبنيه اهم شي عدها سمعتها خلي هل شي بالك.
_من اليوم راح يشوفون ذيب ثاني هاذه وعد مِڼـّي حاولت وياهم بتفاهم مانطوها راح اتصرف وياهم بأسلوبي لأن همه مو مال احترام خصوصا امها وابوها دواهم عندي بسيطه.
ام ذيب : ولك يمه اذا ماتخاف علئ نفسك خاف عليها عبالك العناد يطلع نتيجه
_ادري مراح يسوي شي بس همه ماخلولي خيار ثاني
ام ذيب : اسهدي بالرحمان وانشالله كلشي ينحل بهدوئ وتفاهم ابوك متخبل ليوم من التصرف مالتك هيه هاي سوايه تسويها تحجي هيج كدام اعمامك وشيخ هسه يگولون عليك واحد طايش وبعدك مراهق
_خر*** بيهم خوش همه *** مايهمني احد شيرديون يحچون خلي يحچون
ام ذيب : شنو هل حچي يمه لاتنسه هذول اعمامك ولازم تخلي احترام الهم وانتم گاعدين بيت ناس غرب لازم تكون محترم
_صدكيني محترمهم زياده عن الزوم هاي الشكولات مو مال احترام وتقدير.
ام ذيب : اذا همه مو مال احترام وناس موزينين عوفهم شكو رايح عليهم خليولون يايمه
_مو بحالهم انه والا ميت علئ شخص بيهم بس الي يهمني هيه اريدها وسويت كل هاذه علمودها علمود ماتنجرح حبيت اخطبها مثل كل الناس واخليها تفرح حالها حال البنات بس اهلها شسوو مانطوني أي فرصه ماعرف علئ شنوو معاديني وليش هيج كاريهيني. بس صدكيني من اليوم راح اتصرف وياهم بطريقتي واخليهم يعضون اصابع ندم بسيطه
ام ذيب : يمه هيه غير مخطوبه بعد شتگدر تسوي البنيه مو من نصيبك ليش ماتريد تتقبل الموضوع
_جذب ادري كلامهم ماله صحه يريدون بس يسكتونه ويرفضون هاذه الزواج اني اعرف رباب زين مستحيل تقبل تزوج واحد غيري
ام ذيب : علئ هاذه الكلام اكيد يجبرونها وتطلع صدك مخطوبه اعوف البنيه تشوف حياتها ولاتفضحها كدام الخلك
_اذا عرفت بيوم هيه راضيه ومتزوجه او مخطوبه وعد ماتقرب صوبها ولاراح اسوي شي بس ادري الموضوع جذب بجذب وهيه مامخطوبه ولاقارين عليها الفاتحه وحته اذا بالهم يزوجونها غصب احرك البيت علئ روسهم.
ام ذيب : صخام الصخمني شنهي مجرم
_عليها اصير اكبرر مجرم
ام ذيب : اااخ منك ومن حبك التالي اجاك شورطك وحبيت وين جنت وشصار بحالك هسه
_شبيه مابيه شي ولاتخافين علئ ذيب محد يگدر يوصلي جبناء لله وكيلج اذا همه زلم وسباع خليهم يواجهوني قسم بالله اذا مافرغ المسدس بروسهم ماطلع زلمه وطالع م̷ـــِْن ضهر زلمه بس همه مايسوونها ادري بيهم جبناء
ام ذيب : لاتنسه انته واحدك بغداد لايمك عمام والاهل وهمه عشيره كامله بغداد
_هههه واذا عشيره شنو يعني لازم هسه اخاف منهم ?
ام ذيب : ذيب يمه لاتشلع گلبي برضاتي عليك حبيبي تعال جم يوم هنا خلي يهدئ الوضع ورجع
_يمكن انتي ناسيه منو اني اني ذيييييب يمه تريديني انهزم مثل النسوان ورجع حته يكولون عني جبان وخاف منه وشردد.
ام ذيب : لا يمه موهيج بسـ ..
_كافي يمه كافي راسي يوجعني بعدين احچي وياج.
سديت منهااا واني راسم بالي افكار اله ادمرهم واحد ورا الثاني بسيييطه اني اعلمكم.
________________________
سويت ضيافه طلع عمي اخذها مِڼـّي ودخل عليهم بقيت اروح وارجع واني اطكطك باصابعي والخوف يقرأ الف
مادري شراح يصير يوافق ابوي لو يرفض احس گلبي داخل بسباق اباوع علئ امي تخوزر بيه وابد ماعاجبها الوضع لو بيدها
تدخل عليهم وتطردهم كلهم اني سمعت كلامها ويه ابوي شلون جان وشلون رافضه موضوع زواجي كلش كارهتني ولاتتمنئ تشوفني مرتاحه بحياتي.
اجت يمي ساره لزمتني من كتفي بهدوئ وگالت ..
ساره : يمعوده اكعدي دوختينه تروحين وترجعين خلي عندج ايمان بربج وهوه يحلها
_ساره ولله خايفه خايفه من ابوي وماعرف شراح يكون رده علئ الموضوع يرفض يوافق مادري احس كلبي ممرتاح ويوجعني.
ساره : لاتخافين انشالله يوافق يعني ممعقوله يطلع كل هل شيوخ والناس الكبار ومايوافق.
_هيج رأيج يعني اكو امل
ساره : اي اني مرتاحه اكول يوافق لأن الولد اجه بألاصول وماتعده حدوده وبين للكل شكدد هوه يحبج ويريدج بالحلال.
_لهاذه الشي اني حبيته ادري بيه رجال وكد كلمته
ساره : اي ولله بس الحض ماوكف وياكم. #ڪــڔٰا̍ڕ
بعدنه نحچي نسمع صياح وغلط صار بصوت عالي يمه احس گلبي طلع من مكانه اسمع صوت ذيب يرعد رعد بالحچي وابوي هم يصيح
رجليه مادري شلون واكفه عليهم صارت عندي هبطه متت من خوفي نزلت دموعي بدون سوابق انذار عرفت انو الساالفه ماصارت
وابوي رفض رفض قاطع انو ينطنيي الهم وكفت باب الصاله طلع ذيب وهوه وجهه احمرررر وشراايين مبينه برگبته باوعتلي بنضرات غضب هز راسه وطلع بسرعه من طلع رجعت ليورا لزمت الباب واني اشهك ودموعي تنزل بسرعه علئ خدودي
اجت ساره بسرعه سحبتني وسدت الباب لان الزلم طلعت.
ام ذيب : شرايحلج وتتبچبجين ?? امشششي ولي من وجهي طايحت الحض كله من وراج نزلتي روسنه فضحتينه كدام الخلك ماخليتي النه مكانه ابدد.
ساره : ماما شهل حچي ماتشوفين حالتها
ام ذيب : انتي انجبي محد حاچي وياااج عاجبج تصرف اختج عاجبج وضع ابوج هسه وشلوون هاذه ال** يغلط ويعلي صوته عليه
_كاااافي كااافي كله منج انتي السببب انتي السبب بتدمير حياتي شسووويتلج حته هيييج تكرهيني بسس فهمني شي واحد اني موو بنتج موو بزرج ليش ليشش ماتحبني ليش تحبين تشوفني مجروحه وگلبي مكسور
اجت ضربتني راجدي احس نار صار بيه وكعتني علئ الارض وهجمت عليه تريد تضربني اجت ساره لزمتها كوه عني وتتوسل بيها تعوفني
ساره : لا يمممه فدوه لگلبج عوفيها گلبها محترك فدووه كافي.
ام ذيب : ولج كح*** فوك سوايتج الج عين وتحچين
خليت راسي بين رجليه واني اشهك ودموعي تشكي حاالي حسيت بالذل كرهت حته حياتي تمنيت ماخلوقه دعيت لله يموتني واخلص من هل عذاب
دخل ابوي وعمي وجدي للبيت من شفتهم گمت واني امسح بدموعي بس ماكدر اسيطر علئ شهكات بكائي.
اجه ابوي وكف گبالي نزلت راسي واني ابچي اجه وراه عمي لزمه من كتفه
هيثم : ابو محمد عوفها لبنيه شعليها
ابو رباب : هيثم اخذ ابوي ورجع للبيت
هيثم : ولله ماعوفك واروح واذا تمد ايدك علئ رباب لانه اخوك ولاعرفك ولاتعرفني من الًيَوُمًِ
ابو رباب : يعنييييي عااااجبك التصررررف الصااار اليييوم ولككك يعلي صوته عليه بيتي بنص بيتي يغلط ويهدد وعلئ شنوو غيييير كله من ورا هل ساق*** الكح***
الحجي : خيولي واحد طايش حاط عگلك وياه
ابو رباب : انعل والديه هل كلب ابن الكلب يجي يغلط ويهدد بيتي انه لوو ماحترم الناس الموجوده جان علمته الزلم شتسوي
هيثم : خلص خويه الصار صار وانتهئ وبعد من اليوم مَآتشُوٌفْ وجهه وانه حچيت ويه ابوه واعتذر منه وگال مستحيل اخلي يگرب صوبكم بعد
ابو رباب : رتااااحيتي هسسه رتاحيتي من ذليتي ابوج موو من اليييوم لانه ابوج ولانتي بنتي سمعتي.
شهگت بصوت مسموع ونزلت دموعي بچيت بصوت مسموع احس گلبي انزرف من كلامه كرهت حته نفسي ياريتيني ميته ولاسامعه هل حچي عني وياريت من شخص غريب من ابوي اصلا ماحس عندي اهل اني
حالي حال البنات من كلشي انحرمت من الحب المدرسه الاهل الحياه كلشي دمر بحياتي مابقه شي زين ..
عفتهم ورحت اركض لغرفتي واني دموعي تتطافر گدامي دخلت وقفلت الباب عليه كعدت علئ الارض وخليت راسي علئ الباب
بچيت وبچيت وحسيت بعد ماگدر اتنفس علئ كد شهكاتي.
هيج الحب يدمر الواحد لو بس حبي اني هيج الكل يتعذب من يحب لو بس اني
هلي كل التعب منكم
هلي لو بيه اعاتبكم
هلي لو بيدي مااكبر
هلي خلو الحجي مدثر
هلي كون العمر يرجع
هلي كثرت مواجيعي ولا بيهم بشر يسمع #ڪــڔٰا̍ڕ..💔
تمددت ؏ ارض واني دموعي تنزل بصمت والوجع الي بداخلي ماينوصف والايگدر شخص يحسه غير الي مار بهيج لحضات
من جهه كره اهلي الي ومن جهه ثانيه حبي الي خلص بعد لوو اموت ماصير اله
غمضت عيوني واني اتذكر اول لحضه تعرفت بيها علئ ذيب ياريتني ماشفته ولاعرفته بيوم ياريت مامريت بكل هل شي ولاعذبته هيج وياي دمرت حياتي وحياته اني مو مال شخص يحبني وكل هل شي من ورا اهلي
ماعرف شنوو مسويه بحياتي حته اتجازه هيج
نمت واني احس روحي جاي أموت ؏ بطيء.
گعدت الصبح واني عيوني مورمه " ؏ كد مابچيت لبارحه احس رمل بيهم.
اباوع ؏ نفسي نايمه علئ الارض وجهي شاحب مابي حته دم شفتي بييييضه
اباوع ؏ ساعه بـ 11 الصبح شعجب ليوم راحمين بحالي لوو عبالهم متت وخلصو مِڼـّي
ولاشخص منهم كلف نفسه واجه مسح دموعي خنكتني العبره نزلت دموعي ؏ حالتي وعلئ وضعي.
صعب كلش صعب اهلك مايحنون عليك ولايهتمون لمشاعرك ومعادينك.
صارت ساعه بـ 12 واني بغرفتي مسحت دموعي وكمت توضيت وكعدت اصلي ادعي ودموعي تشكي حالي.
خلصت صلاه ونزلت جان البيت هدوئ وبااارد لان بالشتاء احنه لگيت اخوي الصغير جاي علينه عمره10 سنوات.
محمد : هلو رباب شلونج
_هلا حمودي شلونك حبيبي شعجب جاي علينه
محمد : ﺄييء. ولله ليوم الصبح اجيت ويه ابوي
_هوه أبوي وين ?
محمد : بالدوام
_هاا خوش لبنات بالمدرسه بعدهن لوو رجعن
محمد : لا بعدهم ماجايات.
طلعت امي من غرفتها وهيه گالبه وجهه عليه اجت وكفت يمي وگالت
ام رباب : بـس كون خلصتي العزه مالج كومي سوي الغده يلا
_مووو خدامه عدكم خووش بس بوكت الشغل تذكريني
ام رباب : خايفين عليج ماتشتغلين النه
_بسس فهميني انتي شنوو من أم ماعندج ضميرر ماتحسين بيه حرررام عليييج ليشش هيييج تسوووين بيه ليشش
ام رباب : خلي شي واحد بالج مال تزوجين من هاذه الي أسمه ذيب مستحيل اسمح بهل شي لوو شيصير ماخليج تاخذينه
_ولله امووووت نفسي ورتاح منكم ومن عذاابكم
حچيت هيج راحت امي علئ دبة النفط شالتها وخلتها كدامي وگالت
ام رباب : مووووتي وخلصينه منج.
هزيت راسي بأيي واني گلبي صااير عباره عن بركان عافتني وراحت.
رحت اركض للمطبخ اخذت جداحه شلت النفط وشمرته علئ كل جسمي
جنت لابسه قديفه لان الجو بارد واحنه بالشتاء شغلت الجداحه اكثرر من مرره ماتشتغل شويه وانفجرت وحسيت نااار اكلت كل جسمي ...
