رواية الإرهابي وذات النقاب الفصل العشرون بقلم ام غايب
لتحجون قصير مكدرت اكمله كلت احسن من الماكو 😪
..............
خالد-لا
خضر-اول مشروع انت
خالد -اني... حلوووووو -حلوووو
واذا اكلك أأيس مني
خضر-اخذ ثاري منك اعتبرك انت كتال اهلي
خالد-هههههه .....يوم بعد يوم اكتشفك حيوان اكثر من القبله ....ثار منوووووو ...اي ثار تاخذه
جدي زرع بعقلك تخلفه .....جدك شمدري امجد هو الي كاتل ابووووك ....لان سافرررر ....اذا ابني انكتل هسه
اتهمك ااااانت بس لان حاولت تخطفه قبل
ابووووك جان ضابط وموووو بس ضابط يستغل بالاستخبارررررات والي كتله مو اله علمووود الفلوس احتمال كتال اهلك من الاستخبارات نفسههه
خلصووو شغل ويا ونفووووو هو وعائلته
من كل عقلك تريد تكتل واحدددد لان سافررررر
يجوووز من شاف صددديق عمررره انكتل هاف على نفسه شغل عقلك خضررررر لتحرك الاخضر واليابس
لتخليني انجبررررررر ادخلك قضية ارهاب حتى تبقى بالسجن ....مو عندك مره اطلع دور عليهه وعيش وياهه
وسوي اطفال احيي اسماء اهلك باطفالك
خضر-انطيني عنوووانه اتأكد شكالولك عليه سفااااااح اكتل بدون مااتأكد
خالد-مكاعد اشوف بيك ذرة عقل ....يعني ينخاف منك مااكدر اوثق بيك .....شفايتلي اشوفك عاقل ومتزن وتخليني اني وياك ناخذ الثار سوه بس بعد منتأكد
خضر-من سنين واكلك خل نتعاون
خالد-شلون اتعاون وياك وامجد خارج العراق
خضر-رجع صارله اشهر وانت ولا يمك
خالد-وانت منووو كلك اني ساكت اني كاعد اشتغل من سنين عن الكتال الحقيقي
خضر-سنين والحد الان معرفت منو وامجد بريء لو لا
خالد انت مرتاح اهلك داير مدايررك راسك بارد من تخلي عل مخده.....لذلك تحجي برهاوه .....اذا اني كتلت ابنك تعوفني اشم الهوا
خالد-اااني مااعرف بيا طريقه احجي وياك تبقى ارعن لو شيصير وعقلك محجر والله
ميمونه-جنت كاعده اباوع على التلفزيون يم حبوبه ومنجيه على البوفيه وثاني رجلي الصدري ومغطيه رجلي بدشداشتي وراسي على ركبي بس بالي مو يم التلفزيون تذكرت خضر وكلامه الي كله جذب بجذب دمعت عيني بالي مو يمهم فاصله ....مااحس اله سلمان ....
سلمان-ام لونين متسمعين
ميمونه-كبل شلت راسي باوعت علي
سلمان-هاج
ميمونه-انطاني نستله جايب علاكه مال حلويات باوعت باوعت حبوبه نايمه بدون فراش مثل الي ضربهه بيدي هاج هاج اخذي
لزمتهه وباوعت علي كعد بالجهه الثانيه وتجه ظهره عل حايط
سلمان-وين بيتكم
ميمونه-ب............
سلمان-من يا عشيره
ميمونه-جاوبته باستغراب من اسئلته بس مدليته بيتنا الجديد دليته القديم لان تذكرت خالد من كال سألت عليكم هناك مدحو ابوج وبالمنطقه الثانيه سمعتكم زفت بس هذا سلمان غاثني خالد لان يعرفني وسائل عني ابررله بس هذا ميعرف شي نظراته تغثني حيل رجع اخذ معلومات ادق على بيتنا اخر شي كتله انت ليش تدقق ورايه
سلمان-اني صريح جداً ومااحب اجامل اتخبل من المجاملات واقرا العيون اشوف بعيونج خوف
ومو من احد خوفج من خضر وانت مفروض زوجته
ملاحظ بس واحد يكول راح يطلع خضر وجهج الوان يصير
ميمونه-لان اخاف علي يطلع لان زوجي ماريده يكتل وياخذ اعدام وكمت رلهه ماكو
وعلي اكثر الوقت طالع
بعد ماطلعت ام خالد نزلت فراش حبوبه وفراشي من البوفيه وكعدتهه
حبوبهأساً ماادري شلون جاوبته هيج
كبل رحت للحمام بقيت شويه وطلعت لكيته طالع من الغرفه وام خالد فاتحه البوفيه مدري شتطلع ورسل فوك صعدت جهالهه يقين ومحمد لان رج ....حبوبه كومي حبيبتي خل افرش فراشج
كبل فزت رفعت راسهه
حبوبه-ياهووو
ميمونه-اني ميمونه حبوبه
كامت للحمام فرشتلهه اني وفرشت فراشي غطيتهه ورحت للحمام فرجت اسناني وغسلت وجهي
ورديت الباب شويه لان مبرده مودت تصير الغرفه بوخه اذا اطبكه نزعت حجابي وأذاني شعري راخي الكتر وخرته كاعد اشده حبوبه كالتلي
حبوبه-يمه ميمونه هذا ال أغطه مادري شبي تولاني جسمي تكرص
ميمونه-ليش حبوبه ماادري والله هو فراشج مثل يوميه نزلته من البوفيه شديت شعري ورحت شلت الغطه انكت بي مااحس اله انفتح الباب
ارتبكت بالبدايه لان ملابسه حجاب بس من عيني صارت بعينه انصدمت
خضررررر
...........
خضر."-بعد ما حجينه اني وخالد اتفقنه يساعدني يعرف منو الكاتل اهلي واتفق وياي يطلعني وبالفعل رأساً طلعني حتى ملحكت اودع المجرمين واطمنهم اني راح ارجع عن قريب بينكم واكلهم حبيتكم حسيتنا عائله كامله تشاركنا الحر وكلشي لعبان نفس من وصخ وقذاره
طلعت صعدت بالسياره جريت باكيته وكعدت ادخن جنت متوتر حتى جكاير ذلوني بيهه ذل واعرف هاي خالد موصيهم
خالد-حبوبه موتتني بيك
خضر-ابتسمت ... واني مشتاقلهه هواي ساعات اخس نفسي محتاج حضنهه حيل
خالد-حبوبه متعلقه بيك حيل كبرت وانت تنام بحضنهه
ليش متفكر بيهه مثل ماهيه تفكر بيك
خضر-شعندي غيرهه ....ودرت وجهي على الشارع اباوع بالدروب وين الكاج يا ميمونه هسه معقوله رجعتي البيتكم ....عيونج متروح من بالي ادور بيهه برائتج ...ياريتج متسرعتي ورحتي ....جان اخذتج للدكتور كلبي يكول انت مظلومه وعقلي يكول انت شيطانه ولازم اثبت منو بيهم صح درت على خالد
خضر-خالد نزلني هنا
خالد-وين
خضر-عندي شغله
خالد-بس لا تريد تدور على مرتك هسه
خضر-اي ادور عليهه
خالد-من كل عقلك تلكاهه هسه
خضر-ماعولت اطلع
خالد-شكد جذاب لعد انت شلون تكول اول مااطلع انت
اعرفك بس بوخه ....بس مكتلي الحد الان السبب الحقيقي الخلاك تطردهه
خضر-انت شنو كل شويه تريدني اكلك اني ساقط واستغليتهه ترتاح يعني
خالد-اي ينزززل مي بارد على كلبي
خضر-دومف السياره ولزمت الستيرن
خالد-اكووول ساير تتجاوز الحدود هواي بميت نعال اركعك والله
خضر-والله بسرعه ارجع بس اريد اروح الشغله
خالد-حبوبه تنتظرك بالبيت هيه وام تك وتك
مو هيج تسميهه
خضر-شنووو قصدك تندل مكان ميمووونه
خالد-موجوده ببيتنا من زمان
خضر-لا برررربك تتشاقه وياي لو شنو خالد
خالد-شبيك بابا شنو اتشاقه وياك انت منو حتى اتشاقه وياك
خضر-مااعرف بذيج اللحظه اوصف احساسي احس حمل ثكيل جان خانكني انزاح
شوكت لكيتهه
خالد-صار هواي
خضر-ليش تنكر لعد
خالد-محترك كلبي منك ماريدك ترتاح
خضر-صدك تحجي خالد والله نوم مانامه
خالد-ليش يابه ....هاااا كتلي ضميرك انبك
شوف خضر احنه سولفنه هواي بس مسولفنه بميمونه مجنت اتعمق بيهه علمود متحس هيه بأمان لذلك لازم نكعد نحجي بيهه
اخذت نفس يارب الحمدلله ممصدك والله
بس مو رتاحيت رجعت الهمي هيه مو بنيه اني متأكد
بس عندي امل واحد بعد يارب كون غشاءهه بي اشكال
دخلت للبيت جان سنطه الولد ماكو وخالد اجا اتصال من عقيد بالسياره خلص نص الطريق يحجي ويا ونزلت اني وهو مساد الخط.
دخلت للبيت من باب المطبخ حان مردود بس كبل رحت الغرفة حبوبه مجنت اعرف ميمونه تنام يمهه مكال خالد اول مفتحت الباب صارت بوجهي
ميمونه-بقه واكف يباوع عليه اني ارتبكت حيل وخفت ....ممسويه جريمه بس هو نذل شمرني بالشارع معناهه راح يشمرني هسه هم
بقيت اباوع علي عيوني تعاتبه عل سوا بيه .....دخل للغرفه
خضر-لبسي حجابج راح يدخل خالد هسه
ودنك على حبوبته واني مثل الجماد واكفه احس الدنيا كامت تفر بيه .....جنت خايفه من طلعته وطلع بدون مقدمات بهاللحظه دخل خالد رحت ركض الشالي لبسته اباوع على خضر مدنك على حبوبه ويبوس بيهه
حبوبه-خضيرره يمه خضيره صدك لو احلم
خضر-لزمت ايدهه وكمت ابوس بيهه
شتكولين انتِ اني خضر لو لا
حبوبه-يمه لعد بيتي يمه عوينتي وعافيتي وبعد چبدي انت شو ميل خل اكومن اشوفك واكحل عيوني بيك
كعدهه على كيف شبكته وكامت تبجي
خالد-شلون بيج احنه نحبسه تبجين نطلعه من السجن هم تبجين
كام من حبوبه واني واكفه على صفحه انتظر مصيري المجهول راح يفضحني ويطردني كدامهم اني متأكده
خالد-سلمت على مرتك لا
خضر-لا والله بعدني التهيت بحبوبه
حبوبه-وينهه هاي ام عيون لونين توهه جانت هنا
ميمونه-باوعت علي ....تقرب يمي وراد يبوسني مد ايده انطيته ايدي وباسني بخدي .....وعصر ايدي شويه ماادري ليش واني كل هذا احس نفسي كوه واكفه
عاف ايدي وحبوبه كالت روحي جيبيله ميه اكيد عطشان .....ماعولت اطلع من الغرفه.... اريد هوا احسه انكطع رحت للكاونتر طلعت دولكه وطلعت ثلج نزلت دموعي ....شلون بيج ميمونه شلون
شطلعك خضر ...شطلعه ياربي ...مو دعيت الهاي الدرجه تكرهني ياربي ...ليش طلع سمعت صوت رسل تسلم علي شويه و دخلت للمطبخ وام خالد كاعده بس مطلعت ابد
دخلت رسل للمطبخ مبتسمه
رسل-مبررروك ولج
ميمونه-تصنعت الابتسامه بس هم مبين عليه كتلهه الله يبارك بيج
رسل-ولج شبيج شو موطبيعيه
ميمونه-لا كلش طبيعيه داريد اودي المي
اخذت الدولكه والكلاص وطلعت متوتره حيل كوه اتنفس دخلت للغرفه مباوعت علي ولا على اي احد ركزت بالدولكه انطيت ال خالد اول شي انطيته الكلاص مفروض يلزمه بس ملزمه بحيث من عفته كبل وكع الكلاص بالكاع وتطشر المي والكزاز
ارتبكت ذبيت الدوله بالكاع
خالد-مصار شي ....مصار شي غير تنتبهين
ميمونه-ماادري
حبوبه-انكسر الشر يمه
ميمونه-بقوا هذا الي يكول انكسر الشر وهذا اليكول عدت وووو وخضر محجه ابد طلعت بسرعه من الغرفه ....رحت للمنور اجيب مكناسه متحملت بجيت كمت امسح بدموعي وينزلن بغزاره ....واني مااريد احد يحس ...متأكده خالد متقصدوهو اني بالفعل راح اكشف نفسي اخخخخ بقيت مجلبه بالمنور امسح بدموعي حيبينن توني طلعت من الباب جان يصير بوجهي خضر شهكت ....دخلني للمنور وسد الباب والمنور كصيف واني اخاف من الحشرات
خضر-ميمووووونه منو يدري بالسالفه خوما كلتي الاحد
ميمونه-باوعت علي ....جان ضوه المطبخ قليل نبين منه كتله محد يدري ...بصوت مبين علي الخوف والارتباك همس
خضر-تصرررررفي طبيعي هسه بعدين نحجي ......بس كاعد يبين انت خايفه مني وخالد يدري اني طردتج ...وكاعد يدقق اذا احد دره بهاي السالفه اموووتج خلاص .....تصرررفي طبيعي مثل مااني تصررفت طبيعي واني مطايق اشوف خلقتج ولو ادري بيج هنا ولا اجي الهذا البيت
ميمونه-باوعت علي بحزن .....مصدكتني خضر
دمرتني صدكتك وذليتني هواي
خضر-انووووب تحجين انتِ ....اششش تعالي طلعي ماريد احد يحس على شي كتلج
ميمونه-حبيتك هواي وعفت اهلي علمودك
مااحس اله رسل فتحت الباب انصدمت من شافتنا
رسل-يااااااا انتووو هنا شتسووون ولا ادري المكتاسه جيت اخذهه
خضر-شسوووي البيت مقبط ردت اشوف مريتي
ابتسمت رسل وسحبت المكناسه من ايدي ..... طلعت مااعرف وين اكعد بقيت بالمطبخ رسل راحت شالت الكزاز
اخر شي كفو كلهم سمعت خالد صعد وهو يصعد سأل على سلمان وعلي كالتله رسل بعدهم صعد وهو يتصل عليهم
هدء الجو طلعت من المطبخ جان يصادفني خضر ينزل من الدرج بيده خاولي وملابس
خضر-فرشيلنه بالاستقبال
ميمونه-باوعت علي وسكتت هو هم راح للحمام اخذت فراشي وفراش ثاني وخليتهن بالاستقبال بدون ماافرش
طول بالحمام واني كاعده مااعرف خوف على خنكه من شوفته على كلشي ابد ماانسه من شمرني بالشارع بنص الليل
جنت كاعده عل قنفه دخل هو
جان مخلي الخاولي على ركبته ولابس برموده وفانيلا
كعد عل قنفه وطلع جكاير ودخن وحده ويباوع عليه واني كل شويه اوخر عيني منه وارجع اباوع الكا يباوع ويجر نفس بالجكاره
....
