رواية عشك الشاهيين الفصل الواحد والعشرون بقلم مجهول
🌿**وألـعالي مو بالـطول بالـصبر يـنلاح**🌿
فهد
من بلش صكر بالخطوبه وليوم عرسه اني شغلتي الوحيدة ويه مريم معارك صايره شخص ثاني يوم توكف بوجهي وتكلي انته الي ويوم تستغني عني شتريد ماعرف واصلا اني ماعرف شريد
بس الي مجنني ومخبلني عباس ابن عمي هذا كل عقله حاط عينه عليه والله ادفنه ومايرفلي جفن
وخو هيه بيوم الحنه رادت تجلطني. بس مريم عده حركات تخليني. امشي وأصيح. بكل ثقه مريم مالتي
يعني ابسط مثال مريم تستر روحه من الكل اله اني من جنه ازغار لهذا اليوم مادري تحسسني دائما بشغله انو اني ملكك انت وبس
بس شاهين مانوي. يخلي هل عرس يمر عله خير كل ماشافنه وكال راح ازوج مريم ولكيتله عريس ومدري شنو وهو يدري بيه اتخبل من هل سالفه اليوم مريم قفلت اله تنزل تاخذ صور ويه صكر ومرام... قصص وروايات عراقية كرار صلاح
شاهين كال سالو غرام الصراحه احس اكو شي بين هل ثنين ومادري ليش عندي احساس قوي أخت مرام نفسه الي جان شاهين يحبه بس احساس مجرد احساس
نزلنه اني ومريم وغرام. شاهين من شافنه نزلنه اجه ويانه اخذنه كم صوره ورجعنه زفه شكبره شكد لان حضرت الشيخ طلع مخلصه وعود لست مرام كل شويه وكال انطيته وعد.
فهد
احله شي يطلع. صگر منطي وعد لمرام ايسمي ابنه شاهين
شاهين
ههههه لا تتوقع منطيه ومخلص مره سمعتهم يحجون هههه يكله ام الشاهين
فهد
خرب. هل ولد مخلص حياته ويه مرام كله وعود
مريم
اي عل اقل. رجال ويعرف نفسه يوفي بوعد لو انطاع
فهد
انداريت عليه وكتله
ليش شنو قصدج ست مريم
مريم
انته شكو شبيك دامدح ابن عمي.
غرام
شبيك فهد شهل عصبيه. ترى ماكلت شي غلط. هيه الزلم معروفه من كلمه.
فهد
لا دكتوره. هاي مقاصده تمدح. صگر باله شي ثاني
غرام
بربك شنو الي باله مثلا شيخ شاهين الي بس حجي وماعده فعل.
مريم
جنه بزفت صگر وفهد طلعه من عيني ميسولي شي اله يشلع كلبي. جنه نسولف بس احس حجي غرام بيه الغاز. وشاهين كاعد على أعصابه. وحيل متنرفز. اني جنت اقصف بفهد عود هيه اجتي تكحله عمته. خطيه جديده متعرف شاهين حتى الشقه عنده بي خطوط حمر وجفصتله جفصه. راد شاهين يكلب السياره بينه. بس ما كال شي. بس فهد كله
فهد
شيخ ترى ماقصده شي الدكتوره وكالته حتى. تهدي الوضع بيته اني ومريم
شاهين
سد الموضوع فهد
غرام
ماعرف ليش هيج شاهين مسوي رعب بالكل اكبار وزغار. صح اني اعرف عصبيته مفرطه.. قصص وروايات عراقية كرار صلاح
بس مو هيج ماعرف ليش هو شي غريب يعني تقريبا اكو اختلاف بين شاهين الي اعرفه وشاهين الشيخ الي بيت اهله خلصت الزفه ورجعنه لبيت خالتي وبناته رجعو من وكت وره الغده بس اني جنت مضطره ابقه وياها وارجع ثاني يوم زفيناهم اني مريم كالت اني وانتي انام بغرفه. فهد وهو ينام بالاستقبال.
جانت مريم تحجيلي على الاجواء بيت الشيخ جانت تمدح بمره عمه. وتقدسه رغم. هيه فهد مطلكين. بس هيه تموت على مره عمه
بس اني. هاي المره سبب بتعاستي لذالك ماكدر احبهم. بس المهم همه يحبون اختي ومحترميه. بليل عطشت ونزلت اشرب مي. سمعت سوالف شفت الشيخ. مظفر وهاي ثالث مره التقي بيه مره بالمستشفى. والصبح من سلم عليه وهسه شاهين يشبه هواي من حيث الشكل والطبع. الي سمعته خلاني انصعق من كال
الشيخ مظفر
ضل بعد هم واحد على كلبي يم علي
ام علي
الله يبعد عنك الهموم شيخ خير شني همك
شيخ مظفر
الشاهين الشاهين ماعدي غيره هم
ام علي
والله يا شيخ. تدري مرات من حركت كلبي وقهره عليه وكت الصلاه. ادعي ربي يرجع هل بت الحياه. مو صعبه على الله الي معجزاته تارسه الأرض
الشيخ مظفر
ونعم بالله ام علي بس هذا قدر الله والموت حق وشني الخلقه ماخلق غيره
ام علي
والله شيخ. ليومك هذا. ماكدر انسه شكله من كال ماتت مرت تسع سنين. واني ماتفركني هل سالفه. شلون جان فرحان وطاير من الفرح وهو يكول. عكب باجر نروح نخطب.
شيخ مظفر
شلون انسه وهو يكلي جدي وعدته بمشيه تكون مثل رتل الجيش. جدي اريد المشيه تترس. بغداد. شلون انسه واني ماضل شيخ ماخابرته وكتله اريدك وياي رايح اخطب للشاهين
وتاليه ارجع اعتذر واكول الله اخذ امانه
ام علي
تدري يوم احسه. شلع كلبي من مكانه
شيخ مظفر
ليش شبي
ام علي
الصراحه شيخ اني حيل عاجبتني اخت مرام. وكلت بلكت وحده بهل جمال. والحسن. تلفت انتباهه خاصه شفته اكثر من مره صافن بيه.
فكتله يمه عاحبتني هل بت قبل ماكمل كلامي كال سدي الموضوع وانسي بيوم من الايام شاهين يزوج
شيخ مظفر
ههه هو بكيفه. كلتيلي صفن بخت مرام
ام علي
ياااا شيخ اني وين احجي وانته شتحجي
شيخ مظفر
مالج غرض خليه وراي
همه بقوا يخربطون كل عقلهم اني ازوج شاهين. بس الي خبلني ليش كالهم ماتت معقوله جان عده علاقه بوحده غيري
بس هاي سالفه المشيه هو الي كاله
ولو شنو يعني اكيد كاله لغيري.
احس نار شتعلت بكل ذره بيه واني اتخيل كل الي عشته وياه. جان نفسه ينعاد ويه غيري لا وبنفس الوقت.
رجعت لغرفتي واني احس روحي مخنوكه نفس شعور الي حسيته يوم الي عافني نفس الخنكه نفس الشعور بس الفرق اليوم اني قويه. واكدر اسيطر على روحي. مو مثل قبل وانهار
اني مامتعوده انام بملابس ثكيله. فطلعت دشداشه قصيره وخفيفة ربع أردان. لبسته ونمت. حسيت الصبح عله واحد يهز بيه ويكول
شاهين
ضخمان. فهد اكعد موجاي احجي وياك شنو ميت
سمعت صوته اي هو هذا بس اني اكيد احلم شجابه لهنا بقيت بفراشي ماحس غير الغطه انشال عني فتحت عيوني شفته هو كلبي وضيمه وعذابه لابس كلابيه مال بيت نص ردان وعضلاته مأسويت اي رد فعل. مره كتله ( شاهين تردي يوم الي افتح عيوني الصبح ولكيتك كدامي راح أكون اسعد إنسانه ) هو بوكته كلي اي بس السعادة اله ثمن. وهل ثمن بوسه
ماعرف ليش حسيت هو تذكر نفس الشغله جان صافن على كل جزء بيه. مركز عيونه على ركبتي عندي شامه. مره كلي تدرين احد اهم الأسباب الي جنت اريدج تتحجبين بيه هيه هاي الشامه الي اريده بس الي ماريد غيري يشوفه
اقترب اكثر مني انفاسه تحرك وجهي وركبتي واني داخل صراع بين عقلي وكلبي. هو مانتظر اي رد اليه دفعني كل قوته عل سرير وصار فوكايه هجم عله شفتي. بكل ماملك من قوه ردت ادفعه بس احس ادفع بحايط والنفس ظاك بيه اريد هوى أتنفس ماكو
اني زين اعرف بوسه شاهين هاي الجنونيه تاليه مو خوش تالي ولو مهما جان مسوي الي راح جسمي يخضع اله. نزل على ركبتي احسه جاي يأكل. بيه همست باذنه دون مانتبه على روحي ولا حتى ليش سالته هل سوال رغم الجواب مجان راح يغير شي
غرام
ارحمني وكلي انتي الي كلت الأهلي عنه ماتت ومجان اكو احد غيري بحياتك
ماعرف ليش هيج تحول لوحش من سمع كلامي ذاك الي جان ذايب وخدران. مثل طفل رجع لامه بعد سنوات تحول بلحضه لوحش يدمر كلشي ممكن توكع عينه عليه احسه جان يسوي كلشي ويحطم كلشي بس حتى مياذيني. ايده انملت دم من كد ما كسر امرايات كمت اريد افهم شبيه باوع عليه وأحس عيونه مليانه حقد وكره وكال
شاهين
اني مو انتي. وهمزين ذكرتيني بانو انتي ميته
