رواية لأني عاقر الفصل الواحد والعشرون بقلم مريم خفاجة
...
دنگت راسي
وسكتت رجع همس:-ملاك وينج؟
تحمحمت وكلت:-وياك
كمال:-ادري راح نتأخر بس شسوي
ملاك:-يلا ان شاءلله ترجعون بسلامة
تصبح على خير نعسانة
كمال:-صايرة تنامين من وكت؟
ملاك:-اگابل منو واضل كاعدة؟
سكت ونوب رجع گال:-الله كريم الله وياج حبيبي نامي لتتعبين روحج
يا سهولة كلامك
طبكت الخط واكلت وتمددت ؏ جرباية
وضليت اتگلب انام من وكت كال؟
والله يالله
واني بس عيون مغمضة
فتحت عيوني باوعت الساعة ب3 شوكت
تنامين يصخام
اذن الأذان صليت ورجعت نمت
مرن يومين وبدة شوگي يطفح
يا حسـافه الشـوگ ذلة
حسافة ؏ الزمن الخلاني اشتاق لانسان
بالة مو وياي حبني
سنة؟ سنتين؟ تلاثة؟ وبعدين؟ راح
صرت ابجي بقوة ولوعاتي ماهادن
وجروح گلبي موتني مو بيدي اني والله مو بيدي
كلشي يصير بية اني مو ذنبي
من اشتاقلة هذا گلبي
من ابجي هاي عيوني
من افكر بي هذا عقلي
وضيفتي شنو؟
مادري
وسواس براسي ضل يفتر
شيطاني اقوة مني وما نعلة الشيطان بذاك الوكت
كمت افتر بالغرفة حايرة شسوي؟
شنو اليبرد كلبي ويحرك گلبة؟
شنو
تلمست شعري يحبك هواي
صارله هواي ما مشطلي شعري
صار هواي ما بايسة ولا متلمسة
عشرة ايام قليلة عندك
دهور عندي
كعدت ؏ الطبلة كبال المرايا
واخذت المگص حطيتة ؏ شعري وتراجعت
لا لا يحبة هو يحبة هواي
واني ماتحمل اشوفة مقهور
ولج كااااافي كاااااافي تفكررررين بييي كااافي يالله
صبرني
باوعت للمگص ونزلت دموعي
ليش فكرت بيك انتَ حلي؟
حطيت ؏ ايدي وبقيت اتلمس بي
واتحسس حدتة
انجرح اصبعي بس ما حسيت؟
خليت المگص ؏ وريدي الأيسر
صفنت بي مكان گلبي خلي اجرحة
بلكي يوكف عن نبضات حُبة إلي
مشيت ؏ كيف وبدة الدم ينزل بغزارة
وگع المكص من ايدي
ورجفت شفايفي اني شسويت صرت
ادور مثل المخبلة بالغرفة
ادور ؏ كلينس
وصدك لو كالوا الروح عزيزة
بجيت بقوة واني اباوع للأيدي ينزل الدم
منها بشكل قوي ماتتوقعوا
يمكن ايدي گامت تبجي مثل عيوني؟
بس تبجي دم مو دمع...
وردة:-يمة عليج النبي عينج علي لاتخلي
يطلع بالشارع لو يضل يفتر شيطان ادري بي
اذا طلعت برة اكص رجليك
علاوي:-لا لا ما اتلع
وردة:-اي يلا ضل كاعد يم بيبي
يمة ملاك نايمة لو كاعدة
بيداء:-هو اني اشوفها ملاك حتى اكل ماتاكل وياي يكول بيها جرب
واني اصعد الدرج واحجي ويا امي:-بلكي
كاعدة اريدها تحف وجهي من عرس
كمال لسة احس وجهي بي مزرعة صار
سمعت صوت ضحكتها صعدت واني ابتسم
دكيت الباب ما اجاني صوتها صحت:-ملاك
ماكو
فتحت الباب ؏ كيفي عگدت حاجبي
ماكو احد بالغرفة؟
درت وجهي لحمام ولاء ماكو احد
دخلت واني اهمس:-ملاك؟ وينها هاي
درت من الجهه الثانية ورموش عيني
وكفت
وشفافي رجفن واني اهمس بصوت ناصي
خايف:-ملاااااك
باوعت للدم منين يجري
وهي واكعة بالگاع صرت اصرخ بصوت
عالي واني احاول اكعد بيها:-يمممممممةةةةةة ملااااااك وووووووللللج يمممممة اكعددددي ملااااك ماتتت يمة ماتتتت ملاااااااك
واني اهز بيها وابجي واصرخ
واخلي عبايتي ؏ ايدها
صعدت امي تركض و وجهه انخطف
وعلاوي وراها راساً وكع بالگاع وگام يصرخ بصوت
عالي
يا حلات روحي
واركض لبيت عمتي تيهت وكمت ماشوف
بعيني ورجلية ماعرف شطب بيهن
اركض مثل المخبلة لبيت عمتي
وعبايتي وراي
بيتها بعيد يعني نكدر نمشي مشي ونكدر سيارة
ومن سرعتي ماعرف شلون وصلت
دگيت الباب واني اصرخ:-عممممة افتتتتتحوووووا البببباااااااب عممممة افتحي افتحححي
طلعوا الجيران يباوعون لحالي ومستغربين
انفتح الباب وطلع جاسر وجهه انخطف
واني ميتة بجي اريد احاول اسكت
اريد اكدر احاجي واكلة وهو يهز بييية:-وووووووللللج شكككككككووووو احححححججججحي
وردة:-ملاك ملاك ماتت جاسر كلها دم كلها
فتح عيونة وركض بالفالينة
حافي هم عمتي شفتها وكعت بالگاع بسرعة
طلعت اركض ورا
شلون وصلنة اني وجاسر بنفس الوقت
ماندري دخل بسرعة للبيت وركض
لفوك واني اركض وراه
دخل وهو دموعة تجري
شالها واني اخذت السويج مال سيارة كمال
ورحت ورا امشي بسرعة كل ساعة اتعثر
واكوم شفت امي شايلة
علاوي ويبجون ثنينهم
وهي تكول:-شنو هالمصصصيييبة ياررربي
وردة:-يمممة لاتخللللي يطلللع
كام يصرخ ويبجي
واني عفتة وطلعت وجاسر يصيح
ودموعة تجري فتحت باب السيارة وهو شمرها
بالكشن الورا وركض
فتح الباب الجبيرة وطلع السيارة
ومشة سريع لدرجة
كل ساعة تريد توكع واني الزمها
الطريق احسة صار اطول من حياتي
كمت احس احنة نمشي ساعات ولا يكول دقايق
مرت:-وللللككككك جااااسسسسسرررر امشششيييي بسرررعة راح تموووت راحححح تموووت
واني اسمعها تشوخر
وگلبي ماحس كلشي ماجاي احس
ضاغطة ؏ ايدها بكل قوتي وملابسي وعبايتي
والسيارة كلها تدمرت
هيج يا ملاك تسوين بروحج؟
لليستاهل؟ والله ما يستاهلج
ربع من حبج اله مايستاهلة
وصلنة وهو شايلها ويصيح
اجو دكاترة ودكتورات ذبها عليهم بسرعة
وصاح:-اخخخخخختتتتتيييي رااااح تمووووت سووو سسسوووو ايييي شيييييي
ركضوا بيها بالسدية
واني وياه وراهم نركض
دخلوها لصالة العمليات كعدت بالگاع الطم
وابجي وجاسر يفتر
ولازم شعرة حيل وعيونة تجري
ويصيح ويسب بكمال وبينة ويگول:-انتوووووا دمررررتووووها انعلللل ابوووو ككككمممممال لابوووو اليوديهاااا اله بعد ابن الكللللب
گعد وهو لازم راسة وكام يركع
براسة بالحايط يكوم ويكعد لو يدعي لو يغلط
لحد ما أجو الممرضين عاطوا بي
وماسكت ضل يصرخ عليهم وتعاركوا
واجوا اصدقائة اخذو الممرضين وهمة
يهدون بجاسر شوية وشفنة عمتي وعمامي وجدي
وكلها وراها حتى خواتها
وهي تركض اول وحدة عبايتها طايرة
وحافية بدون شي وشعرها نصة طالع
وصلت يمنة ومن شافتني كاعدة بالكاع وجاسر
ركضلها صاحت:-ولكككككممممم ماتتتتتت موووو ماتتتتت يمممممة بتتتتتتتي
وكعت بيد جاسر تلطم
واني ابجي بحرگة
وعمامي يستفسرون يردون يعرفون
واني ماحجي شي
طلعن ممرضات گالن:-دددددمممم نززززفت هووواي نريد دددم بأسررع وقت
عرفنة فصيلة دمها ولو بيدي
دمي ادورة بجسمها بس مو نفس الفصيلة
بس امها وخواتها وجاسر وهمه
طلبوا اكثر من بطل لان جسمها مابي
محد قبل عمتي تتبرع بس هي كامت
تصيح وخبصت الدنيا خبص
واخذوا منها ومن جاسر
وهي طاحت وضلت نايمة بالغرفة
ومرت ساعات طويلة رجلية تعبن وصارن خيوط
ودموعي وكفت بعد ماتجري عدى
لساني اليلهج بالدعاء
كل ساعة اباوع للدرب هسه يجي
كمال يركض
بس وينة؟ ماهوَ يمكن هسه متونس ومرتاح
ياررررررب انصف حالهم انصفة
انفتح الباب وطلعت الدكتورة ركضنالها
وكلنة صرنة داير ما دايرها
الدكتورة:-حالتها اخطر من الخطرة نازفة هواي
ومطولة ساعات بحيث جسمها بي قطرات دم
الحمدلله كدرنة نسيطر ؏ وضع والسبب منكم ماجبتوها بوقت سريع
وردة:-زين هسه هي زينة؟؟
الدكتورة:-فاقدة وراح تضل اكثر من ساعة هي فاقدة
بس تصحى ندخلها للردهه وتكدرون تشوفوها
عصام:-نكدر نحولها اهلي مو؟
الدكتورة:-اي عادي براحتكم بس بعد ما تصحى
الكُل رحع لمكانة يدعي لا خلينة دعاء
ولا صلاة ولا اي شي ماسويناه
جدو وجهه اصفر وشفايفة بيض
اخذة عمي عثمان ورادوا ياخذوني ماقبلت
وعمتي اجت من بعيد ركضتلها وسندتها
إيمان:-گ.. گع... گع.. دت لو... لو لا!
مسحت دموعي واني اشهك:-لا بعدها فاقدة
من تكعد نشوفها
وضلينة ننتضر لا ساعة ولا ساعتين
ومر يوم كامل وهي ماصاحية
ومن صحت صار الهلاهل تتراگع بس مانعرف
حالها شنو؟
وكذلك ماگدرنة نشوفها حولوها بالأسعاف
لمستشفى أهلي
جاسر حاجز ومكمل دخلوها للغرفة
وآثار البنج بعدها بيها
الموجودين بس اني وجاسر وعمتي
وعمتي لمياء وعمي عصام وزوج عمتي ايمان
دخلت وبيدي بطالة المي واسمعها
تحجي وهي ما واعية ؏ روحها والكل
يبجي ؏ حجيها ولوعتها
وهي تمد الكلمة مــد
ملاك:-جيبولي ابنيييييي
لزمت ايدها وبجيت اكثر:-ملاك اكعدي
اشرلي جاسر:-اششش خليها تحجي
ملاك:-دللول يالولد يابني دللول
عدوك عليل وساكن الچول
دللول الولد يابني دللول
عدوك عليل وساكن الچول
ينار گلبيييي نااار طرفاااه
نوبة تشتعل نوبة تطفاااااااه
تغني الاغنية وكلوبنة تتكطع
ساعة تعلي صوتها وساعة تنصي
وبهيج شعلن النار اكثر بكلوبنة وشهكاتها
ويا كل حرف
واحنة نشهك وياها عمتي كام تدك ؏ رجليها
وعمي طلع ومرت عمي شابگة عمتي وتصيح:-ااااخ
يلووووعتتتتج ييييممممة
جاسر يبجي ويمسح ؏ راسها:-گومي يبعد
اخوج گومي انعل ابو الطفل لابو اليسوي بيج هيج
گامت تهذي بأسم كمال
وتبجي اكثر واني افرك بصدرها لان تختنك
همست:-احب كمال
وردة:-ملاكي حبيبي صيري زينة ويجيج كمال والله
ملاك:-هو يحبني ما يحب ولاء
وردة:-اي والله يحبج
ملاك:-ليش يكلولي عاقر؟
اني ابني جبتة حتى يلعب ويا علاوي
هزيت راسي ودموعي تتسارع واشهك
واحط ايدي ؏ حلگي
رجعت غنت بصوتها المقهور:-
وصدري من العبرة تسير
الله الكتـــب والعبد عَيّر
دللول دللول يالولد يابني دللول
يمة انا ربيتهم لمن اجة الخير
وفروا من ايدي فرة الطير
وزرعي زرعي الزرعتة صار للغييييرر
وانا راضية شما صار ويصير
بعيدين
بعيدين يا يمة وسعيدين
احنة يا ملاك صدورنة قبطت وصرنة
ننوح من الألم شحالج انتي؟
حجتها وصارت تتقيأ بسرعة
جاسر حط السطلة يم حلگها واحنة كيفنة
لان اذا تتقيأ شوية يخف اثر البنج
باوعت للتلفون بيدي وكمال مفتوح الخط
والسبيكر واسمع صوت انفاسة العالية
ماتستاهل
وطبگتة
ورجعت لعمتي شلناها
وحطيناها ؏ قنفة وضلينة نحاول نصيحها
وعيني عليها بعدها تغني بصوت
عالي والكلمة تجرها جر كوة
بحيث بالمقطع الي غنتة طولت ساعة ونص
هي ؏ كلمات تجر بيهه وتمد الكلمة
وصوتها ينوح
دخلت ممرضة بيدها المغذي
كمت وياها اساعدها
وملاك بعدها تحجي:-اني مو عاقر
باوعتلي الممرضة وعكدت حاجبها
وحجت بصوت ناصي:-مايصير عدها اطفال؟
هزيت راسي بـ اي وهي باوعتلها بقهر
ورجعت ملاك تكول:-وصدرررريييي من العبرة تسييييرررر
نزلت عيونها الممرضة وطلعت
ضليت امسد ؏ راسها وابجي لحد ما نامت
وكلنة هدأنة حتى ماتفز بعد وتضل
تقهر بروحها
دك علية كمال طلعت
لبرة وشلتة وهو عاط بية لان طبگتة
صحت بي بصوت ناصي:-ماتستتتتااههههل ولللك
ررربع هذا شاااايفة الررربع لا والله مو ربع ذررة من حبها ماتستاهل ولك صوتها كلة قهر ولك تصيح اني مو عاقر تعيروني ليشش كمااال هاي مجازاتها ولك لو غيرك جا عبدها تدري؟
كمال:-وليييييشششش اااااااني مرررررتاااااح
عباااالج ولج ليلة ليييييلة تمممممر واني اختننننك
وماكدر اناااام اذا ماسمع صووووتها
واشوف صوررررتها
19
وردة:-وشنووو الجاااابررررك تكددددر تكووول لاااا
تكدددددر تدااافففع بس والله ماشفت مثلك هيج
بشر مايحس لا والله
كمال:-وردة اني روحي طافرة
وماخليت بشر ماتعاركت ويا وما طفت نار كلبي
ولج نار شاااابة بضلووووعي انتي والله مترهية
وتحجين بكيفج
وردة:-روح كمال روح والله ماكو غيرك المترهي
ورجعت طبكت الخط بوجهه
ورجعت لملاك اباوعلها عيونها بلون ماي
البحر والله وماجذبت لو بالغت ، جمالها
شعرها الي بسواد الليل ، طولة الي نازل من الجرباية
للگاع ، طولها هيه وجسمها ، ضحكتها
و وفائها وحبها ، النقاء البعيونها ، كلبها الصافي
ومتمركز بي كمال وبس
كل هذا ما كفاك؟
وگفت ؏ طفل؟...
للييييل كلش وكعدت وجنت خايفة
لا ترجع تغني لو تحجي شي يقهرنة بالزايد
بس فتحت عيونها مستغربة
همست:-اني وين؟
جنت بس اني يمها وجاسر وعمتي
ومرت عمي راحوا للمغاسل
وردة:-ها حبيبي اني يمج انتي بالمستشفى
ملاك:-شصار؟
وردة:-ما صار شي حبيبتي ارتاحي انتي
ملاك:-امي وين؟
وردة:-راحوا يغسللولها
ملاك:-وكمال؟
حرت شگللها همست:-هسه يجي بالطريق
هزت راسها ورجعت غمضت
ونوب كالت:-جوعانة يصير آكل؟
ضحكت وكلت:-اي يصير هسه يجي
جاسر يجيب أكل تدللي شمشتهية گوولي
ملاك:-ما ادري
وردة:-هسه هسه حبيبتي بس يجون
اجة جاسر گايد عمتي
ومرت عمي من الجهه الثانية يمشون
بيها
حجيت بحماس:-گعدددت گعدددت ملاك جووعانة تكول تريد تاكل
انرسمت البسمة ؏ وجوههم
وركضت امها عليها
رحت لجاسر:-رروح جيبلها اكل جيب معلاك
خلي يزود الدم بجسمها
جاسر:-اي اي رايح
اخذ غراضة وركض
ابتسمت بفرح واني اباوعلها تحجي ويا امها
وعمتي تحاول تلزم دموعها وما تبجي كبالها
گعدت من الجهه الثانية
وكلت:-صرتي زينة؟ خو ما تحسين بألم؟
ملاك:-ايدي ماگدر احركها
باوعتلها وعيوني بيها قهر:-ليش هيج سويتي؟
ملاك:-ما أدري عبالي ما اتعور
حاولت الطف الجو كتلها واني اضحك:-اي عبالج
يگرگر بيج المگص ادبسز
ابتسمت واني كل ثانية اخذ
ايدها وابوسها واشمها حيييل
جابلها جاسر الاكل وكعدت عمتي توكلها
من خلصت غسلتلها حلگها
ورتبت شعرها
ملاك:-اني هم حجيت شي بالبنج؟
وردة:-غنيتي
عگدت حاجبها:-شغنيت؟
ونوب ضحكت:-غنيت حبيب امك مو؟
هزيت راسي بـ لا
ورجعت تباوعلي بأستغراب:-جا شنو
وردة:-غنيتي دللول
ابتسمت:-هالفترة جنت اسمعها وانام عليها
وردة:-موتينه تدرين؟
ملاك:-عبالي اموت وارتاح اني هم
دنگت وردة
واني منتضرتة مو گالت بالطريق؟
دگ تلفونها فزت وگامت
باوعت لخالتي لمياء:-خالة كمال اجة؟
وهي تسبح همست:-لا
ملاك:-لعد مو گالت وردة جاي بالطريق؟
ضلن وحدة تباوع لوجهه الثانية
وعرفتة جذب
غمضت عيوني ودرت وجهي لغير جهه
يعوف الونسة ويجي لملاك؟
رجعت ورد بيدها الموبايل وتحمحمت
ملاك:-ادري بي ما جاي
دمعت عيونها وهمست:-يريد يحاجيج
مديت ايدي:-انطينياه
اخذتة بأيدي اليمنى وجسمي
يرجف:-الو
اجتني لهفتة الكرهتها:-ملاااك ابوية انتي
زينة؟ مابيج شي سولفي ليش هيج سويتي
ملاك مو تدرين بية اموت بدونج
ملاك:-وين متت؟ اني المتت وانتَ تتونس
كمال:-لج أ**** بالونسسسسة يااااا ونسسسسة
لخااااااططططرررر اللله وللللج هوووووى اللله
كللللة ماداخل لرييييتي شتحجين انتتتتي
اخذ التلفون جاسر من ايدي التلفون
وضلوا يتصايحون بيناتهم
معقولة اني ببالك؟
جا أذا ببالك ماتجينة؟
ومرت كم يوم ارتاحيت بهاي المستشفى
كل ما يردون يطلعوني ماقبل
واكللهم مرتاحة هنا
لحد ما حجة جاسر بالشقى:-شو هاي
كيفت يابة خلصت فلوسنة
انقهرت عليهم وكتلهم رجعوني
حرمصولي ابقة علمود ارتاح اكثر كتلهم لا
امي كوة كلمتها تطلع
مادري اني شحاجية بالبنج حتى هيج متأذية
هواية
طلعوني ورجعوني لبيت أهلي
حطوني بغرفة أمي
خالتي ما اجت غير مرتين فقط
وابوية من تجي يكابلها ويكعد
وهو حتى ماكالي الحمدلله ؏ سلامة
خوالي يرحون ويردون علينة
وهو مابين
شكد دك ورادني احاجي بس امي
ماترضى واسمع تصيح وتكلة لو تموت
ماترجعلك ملاك
واني اصبر بكلبي واكول مارجعلة
وادري بي جذب
وبيوم طلعوني برة بالحديقة
شوية اتنفس وخواتي كاعدات بالكاع
جاسر ؏ كرسي هو وأمي كبالي
يسولفون واني ابتسم بتعب
اندك الباب گام جاسر يفتحة كلت اكيد
واحد من خوالي لو جدي
وفعلاً طبوا جدي و ورا خوالي
وانصدم بشوفتة وراهم وگع الگلاص من ايدي
انخبص گلبي بعقلي والافكار
ساعة يگولن لاترجعين! وساعة يگولن رجعي!
عيونة بعيوني وسواد وجهه
طاغي وهو لاوي شفتة بأسف
امي سلمت عليهم بس هو دارت وجها عنها
دخلوا للاستقبال واني ؏ كعدتي
اجتني امي تركض:-ماترجعين فههههمممتي لوو لاااا
يطلگج وغصباً ما عليه
سكتت ودنكت راسي
ومشيت ؏ كيفي وجاسر محاوطني
دخلني للاستقبال وگعدت ؏ التخم
صاير بالأخير
واني نار بگلبي تحرگني وتلسع ضلوعي
مدنكة راسي طبت امي بيدها الجاي
انطتهم وكعدت بصفي
وجدي گال:-تعرفين عليمن جايين مو بابا؟
أيمان:-اي يابة بس اعذرني ملاك ماتجي ويا كمال وماتوصل وخلي يجفي الشر ويجيب ورقة طلاگها ويفك كلشي
كلبي صار ينبض بقوة
ضليت افرك بادية ومنزلة راسي
واسمع يگول:-ما اطلگهاااا واااااااللله وشتردددون
سووون سووو واليوم ما اطططلع اذا مو ملاك وييياي
جاسر:-وشنووو هييي بكييييففففك
كمال:-مرررررتي واااااني حرررر عمممة بروح
أمج لاتسوين هيج وتحرگين كلبي
أيمان:-وااااني ما مستعدة يومية اشوف حركة گلب بنتي والله لخاطرك يطبك طوب شتريد تسوي سوي بنتي ماترجعلك
كمال:-عمة لاتكطعين گلبي
ملاك احجي ليش ساكتة جدي ماگدر بدونها والله
جدي:-بابا إيمان مايصير هيج رجال يريد مرتة
أيمان:-عندة مرة وخلي يروح الها
كمال:-استغفر الله ياللله
غمضت عيوني واني حايرة
مابين امي ومابين كمال
امي مبينة قافلة؟ شيقنعها
جدي:-ملوكة بنيتي احجي معليج لاتخافين
بأي قرار تاخذي لاتخافين لا من امج ولا من كمال
ترجعين؟
سكتت ورجعت دنگت
وامي همست:-احححجي كولي
باوعت لعيونها خايفة
وعضيت شفايفي
حست بية اني تعرفني همست
بقهر:-عادي گولي اذا تردين ترجعين قابل امنعج؟
عادي لاتخافين يمة
هزيت راسي بـ لا وكلت:-مارجع
باوعت امي مبتسمة وهو خازرني
كمال:-وااااالله من البيت ماطلع ووووااااالللله لج
انتتتتتي تخبلللللتي
ايمان:-انتتتت عفتهههها ورحتتت تزوووجت كافي
عااااد عوفها
تقدم وامي خلتني وراها:-عمة جيبيها لاتحركين كلبي
لااااااااااا تحرررررگييييين گلببببي
امششششي يلااااااا
ايمان:-والله ماتروح
غمض عيونة ولزم راسة
ورجع لورا لزمة خالي وهو داخ
وبسرعة كعد ؏ التخم صار يغمض ويفتح بعيونه
واباوع لايدة ترجف
ضليت بس اباوع من بعيد واطكطك بأصابعي
نص ساعة يلا صحة بعدما
رفعوا رجلة
حجة بخفوت:-عمة خلي تمشي وياية والله مامشي
اذا مو هي وياي
ايمان:-كافي روح لمرتك وامك منتضراتك
كمال:-ماطلع والله
ضل كاعد بمكانة ولازم راسة
وهمه يكلولة باجر نرجع وامي تكلهم بعد
مايطب لبيتي ل 12 بليل
وهو ضال وخوالي وياه
لحد ماعافوا وطلعوا هم
وامي صعدتني فوك وقفلت الباب علية
وضل كمال يومية رايح راد
علينة وامي ماتقبل اخر شي اجت سالتني
اذا اروح لو لا!
ملاك:-يمة دتشوفي شلون مستقتل علية
يعني شسوي اني
ايمان:-نرفع دعوة بالمحكمة وتطلگون
دنكت راسي وهي لزمتني وهمست:-يعني
صدك تحجين انتي لو تشاقين؟
ملاك:-يمة لو اموت مايطلگني اني ادري بي
انفتح باب المطبخ وهو طب
وكعد بعتبة الباب:-وهي كاعد هنا اني
لو مو قانون لو يجون يشيلوني برافعة هم ماكوم
وطلاك ماطلك وشتردين تحجين عمة احجي
واكدر اني الاشتكي عليكم واكللهم
ماخذين مرتي بالغصب مني ونشوف القانون
ويامن يوكف
امي ملت ونترت:-يوووو شعلية بيكم يطبك
مرض انت وياها
عافتني واني باوعتلة
كمال:-ملاك امشي
ملاك:-ماكدر اكسر كلمة امي
كمال:-اني اقنعها والله بس طاوعيني
ملاك:-وانت ليش ما طاوعتني؟
شوفي ايدي؟ وبسبب منو؟
استغفر وضل يباوعلي وهو ؏ كعدتة
ومرت ايام وماتغير الحال
لحد ما اجو خوالي وجدي
وضل جدي يحجي ؏ امي وهي كالتلة:-خلي
تروح
كمت حضرت غراضي وكلبي مقبوض
باوعت لامي تباوعلي بأسى همست:-ماردتج
تصيرين مثلي وتضيعين الفرص روحي الله يوفقج
بوست اديها واني ابجي
وهي عافتني وطبت
وطلعنة اني
وكمال
نمشي وراهم وهو يهمسلي
وياخذ ايدي ويبوس بيها ويبتسم
وصلنة للبيت
دخلنة للبيت واحس اختنكت
لزم ايدي ويبتسملي وشبگني
بأيدة الثانية ودخلنة للصالة جانن كاعدات ثنينهن
و ولاء تضحك تضحححك بعلو صوتها
غمضت عيوني ودخلت لجوة
وهمست:-سلام عليكم
باوعتلي ورفعت حاجبها:-هلا والله وعليكم السلام
الحمدلله ؏ سلامة
بللت شفتي وكلت:-الله يسلمج
كرزت الحب وذبتة من حلگها
ولاء:-هاي هيج تحبين كمال وانتحرتي علمودة
والله عمي هنيالك
باوعتلها بتك عين ودرت وجهي
للمطبخ جان يشرب ماي دخل وسلم
ونوب گال:-لاتگعدونة ؏ عشة امشي
صعدنة لفوك وهو حاضني
دخلت نزعت عبايتي وشالي وباوعت لأرجاء
الغرفة اني شلون تجرأت وانتحرت؟
رحت لميز المرايا وفتحت المجر مالگيت المگص
كمال:-شتدورين؟
باوعتلة مبتسم غمزلي ورجع كرر الجملة
همست: -ردت اشوف المگص بعدة
كمال:-شكو مگص بالبيت ذبيتة
ضحكت اكثر:-والله؟
تقدم وهو يحضني من خصري
وشالني وخلاني ؏ ميز وايدة محاوطاتني
كمال:-وداعة ضحكتج الردتلي روحي
ذبيت نفس اكثر وكلت:-متأخر هواي
وخر الگذلة من وجهي وخلاها وراه اذني
واني مخلية ادية ؏ متونة وهو بين
رجلية وايدة تتجول ؏ خصري
كمال:-؏ ما لغيت الحجز تأخر هواي
والطيارة انتضرنة يومين يلا
اعرف متأخر والندم ماكل راسي أكل من نعلة الله
؏ ذيج السفرة الگشرة
حط كصتة ؏ كصتي وغمضنة
ثنينه جان هو يبادر
واني ساكتة همست:-تدري ردت أكص شعري؟
حجة بنفس الهمس:-والله؟
ملاك:-ردت اگصة ونوب تذكرتك
كمال:-اگص راسج والله غير لو مسويتها الله ميخلصج من ايدي
ملاك:-شعري لو شعرك؟
كمال:-كلشي بيج يخصني كلشي الج
هو مالتي وبس واني اتحكم بي
شايفة ذني اضافيرج
وهو يتلمس اصابعي وبعدها وجوهنه متقاربة
وگصتي ؏ گصتة
ملاك:-اممم
كمال:-حتى من تگرضيهن كون تگليلي
ضحكت وهمست:-هيج يعني؟
كمال:-واكثر بعد
ملاك:-بس مو مثل حبي الك؟
هز راسة اكثر من مرة:-اعرف اعرف تموتين علية
وقبل ايام سويتيها
ضربتة وضحكت:-لاتضل تعيرني بيها كل ساعة
كمال:-تستاهلين حتى ماتعيديها
لزمتة من متونة ورجعتة لمكانة
وحاوطت رگبتة بثنين ادية واتلمس شواربة
باس اصابيعي وهمس:-من جنتي بالبنج غنيتي اغنية وخليتي گلبي يتگطع
صوتج جان مقهور كلش ولا يگول بالبنج
ملاك:-شلون سمعتها؟ مصورتني الكلبة مو
كمال:-لا جنت فاتح خط
ملاك:-هممم عبالي
سمعتها قبل لا انجرح بساعة وهيجت جروحي
كمال:-يعني ست بلقيس خلتج تنتحرين؟
ضحكت:-شنو رجعت سمعتها بصوتها؟
هز راسة بـ اي
ملاك:-صوتها يقهرني اكثر جنت كل ما تروح انت
لولاء اشغلها واسمعها
باسني بشفتي عطشان الها
بحيث طعم الدم صار بحلگي
كمال:-اني احبج ملاك ماتتصورين حُبي الج
ملاك:-ماجاي اصدك احسك بديت تبتعد عني
هز راسة وهو يكول:-تؤ تؤ اني مابتعدت انتي
بعقلي وبگلبي ولا يوم انساج لا هسة
ولا بعدين اعشگج هوواي
حاوط رگبتي وشالني
كمال:-تگدرين؟ ايدج تأذيج لو لا
همست:-كمل معليك
ومن يومها صار ينام يمي
لحد ما التحق
ومن نزل كذلك اجة يمي و ولاء مطنگرة
ونوب صار يوم يمي ويوم يمها
جان خايف علية
هواي كل ساعة واجاني وميرضى
ابقة وحدي كاعدة مخليني يمة اربعة وعشرين ساعة
ومن يلتحق يضل يتصل علية كل ساعة
حرفياً كل ساعة
واحنة گاعدين ؏ غدة گال:-ترحون باجر لبغداد؟ نزور؟
طفرت ولاء:-اي عفية كمال صار هواي مرايحة لأهلي
صار شهرين مشتاقتلهم
كيفت كلت همزين اخلص منها
كلت:-اي اني هم اريد ازور
كمال:-واريد اخذج لدكتور طاهر صديقي علمود
ايدج لان ماجاي تحركيها كلش
هزيت راسي
ورجعنة ناكل وثاني يوم تحضرنة
سويتلهم ريوك وغسلت الاماعين ؏ كيفي
فعلاً ماگدر احرك ايدي هواية والشغل كلة فوك راسي
ولاء بعدها ماخذه دور العروس
اني اسبوع وكمت اطبخ وانضف واشتغل
طلعنة للسيارة فتحلي كمال
باب الصدر
وهمس:-ادخلي
ملاك:-لا خالتي هنا تكعد غير؟
سمعت صوتها ودرت وجهي عليها وهي
تخزرني:-لا راح اكعد ورا
كلت بعد احسن كعدت بالكدام
وطلعت ولاء وبيدها نضاراتها وهي مخبوصة بيهن
شافتني وعگدت حواجبها
ورفعت عيونها لفوك
ومن دخلت للسيارة طبگت الباب حيل
دار وجهه عليها كمال وعاط بيها:-كسسسر بأيدددج
جايبها بفلوس الخلفوج اني
ولاء:-هاي شبيك ترا هوى عالي
سكت عنها ومشة بالسيارة
وهو يسولف واني ارد علي وايدة
بحضني لازمتها بكل قوتي
وهنه وراي يتأفأفن الله شكد احب اغثهن واقهرهن
شعور حلو
وصلنة للأمام الكاظم ؏
انفتح بي جرح جرح واني لازمة الشباك بكل
قوتي وابجي واني ادعي واشهك
گمت وادور ؏ خالتي و ولاء ماكو
فريت الصحن فر وهنه ماكو
خفت شلون اطلع
وماكو بيدي موبايل
مشيت ورا النسوان وطلعنة من غير باب
واشوفهم واكفين گبالي
دموعي صارت تلالي حتى ماصليت
ولا قريت دُعاء
رحت اركض لكمال
ملاك:-ليييش عفتني وحدي
ولاء:-ترة صحنالج اكثر من مرة وسحبتج وانتي مجلبة بالشباك
ملاك:-ليش تجذبين؟
ولاء:-والله
ملاك:-گبالج الامام وتجذبين شگد قذرة لعد انتي
صاحت بصوت عالي بس محد منتبهه:-اكلي تبننن
لججح شو هااااي تغلط عمممة
كمال:-وقزرقط نصن اصواتجن لا أرگع راس براس
شنو هالهيلگة هاي
امشي انتي گبالي يلا
اشر لولاء مشت وهي دموعها تنزل
واني لزمت ايدة وابتسمت اكثر
دخلنة مطعم
كعدت لجوة آخر كرسي لا احب
اكعد بالوسط ولا بالنص
والقهرني ولاء بصفي وكمال بصفها
كل ضني راح يگعد گبالي
شفتة لزم ايدها وباسها احترگت روحي حرك
بالزايد
سمعتة همس:-زعلتي؟
وهي دايرة وجهه عنه:-ولائي
غمضت عيوني وخالتي تبتسملهم ونضراتها
كلها حب ولا يوم شفت هيج نضرة
الية
كمال:-باوعلي يحلو هاي صدك زعلت؟
ولاء:-ليش تصيح علية
كمال:-غير كمتي تصيحين
سكتت وهي مبرطمة كرص خدها
ضحكت:-ها فكينة؟
ولاء:-احبك شسوي
كمال:-اي مو اگول اني الحلوين مايزعلون علية
تَسوي الـ مَا احبهن
واضحك وما اگول
تغاَزل غيري يمَي وآنا مِتحمَل
باوعلي وابتسم درت وجهي
جابو الأكل
اكلت قليل باوعتلي ولاء
ولاء:-ماتاكلين؟
ملاك:-ماشتهي
بيداء:-عوفيها تتبطر
ملاك:-هو شنو الأتبطر واحد ما مشتهي ياكل گوة
كمال:-عوفنها اني شلون بيجن وحدة تاكل الثانية
ملاك:-محد گالك تزوج
ضحك بصوت عالي و ولاء گالت:-ويضل عليج يمة؟
بيداء:-حتى كلشي ماكو لا بزر ولا خلفة
سكتت وعيوني غوشت ودگيت ؏
ميز وگمت:-مو ذنبي اذا الله كاتب هذا الي
عفتهم وگمت واني دموعي تجري
دخلت للحمامات هواي بنات والمساحة زغيرة
يتمكيجن؟ واني شكد جانت لهفتي للمكياج
وحبي الة گمت اكرهه
ضليت ابجي بقوة وانتبهن علية كلهن
نوب من شفتهن مهتمات بية بالزايد كمت ابجي اكثر
وحدة تنطيني ماي و وحدة تنطيني كلينس
غسلت وجهي وحدة بيهن كالت:-شبيج متضايقة من شي
ردت اشكي لغريب ماريد قريب
ويعيرني
ملاك:-برأيجن حرگة العاگر شلون تنطفي؟
سكتن كلهن وضلن يباوعن مقهورات
_الله يساعد گلبج يمة هو احنة الصاحين
ويومية يردون طفل شحالج انتي
ملاك:-تعبانة اني تعبانة كلش
ضلن يهدن بية ويصبرن:-ادعي هواي يابعد روحي الله يبرد گلبج
شدعي؟ هو ضل دعاء ما دعيتة؟
رجعت اغسل اكثر واكثر لحد ما تنگعت
طبت وحدة كالت:-منية ملاك؟
باوعتلها:-اني
_زوجج يريدج
باوعت لروحي بالمرايا واصبر بنفسي
شكرتهن وطلعت باوعلي وهز راسة:-خبالج لو تبطلي
اني بخير اله تخلين واحد يحجي عليج
ملاك:-تقصد يعيرني؟
كمال:-هي هاي امي وطلابتها شسويلها اضربها
سكتت ومشينة اني وياه وهنه مستمرات ياكلن
ويضحكن وباوعلي وگلبت وجهه ذيج
الحية
گعدنة بالميز الوراهن وهو يشرب جاي
ويدخن
واني گالبة گصتي
كمال:-مو كافي؟ اطلعجن تتعاركن لو تتونسن
ملاك:-اني اطلع بعد وياهن امداني
كمال:-استغفرالله يالله شون بالخبالات
ملاك:-طلگني؟
خزرني ورفع حاجبة:-گولي هالكلمة بعد وشوفي
وين ارگع راسج بيا حايط
سكتت ودرت وجهي وهنه خلصن
وساعة يغسلن مليت وروحي طگت
اجن يتمشن ؏ كيفهن عود يردن يغثني لو شنو
بضبط؟
كمت واني امشي سريع صعدت
بالصدر
وايدي بدت تصل علية ضليت لازمتها طول الطريق
انتبهلي وكال:- شبيج؟
نزلن دموعي:-ايدي موتتني تأذيني
بيداء:-اممم طلعت حجتها بأيدها
كمال:-كااااااافففففييييي يمممممة كاااااففففي
شبيج شو باوعيلي بابا تتأذين هواية؟
هزيت راسي بـ اي واني اناشغ
كمال:-اوكفيلي خلي اوصل ولاء بس ربع ساعة
انخبص وضل يمشي سريع
وصلها نزلت خالتي و ولاء وياها
صاح:-يممة كليلهم ملاك متخربطة وراح ياخذها للدكتور
هزت راسها ودگوا الباب
وايدي احسها تريد تنگطم من جتفي
ضل يمرغها واني ابجي بصوت عالي
وصلنة ونزلني حاجز جان من قبل
گعدنة ننتضر نص ساعة ودخلونة
كام الدكتور لكمال وصاح:-يا هلا بالشرطي
كمال:-هلا بيك مشتاقين
تسالموا ثنينهم
ودار وجهه علية وسلم
طاهر:-گالوا اخذت ثنين؟ هههههههه
كمال:-هاي بعد
طاهر:-هو انت من زغرك ماتكتفي بشي واحد اله تجرب الثاني
دنگت راسي
وكمال ضربة بوكسي ببطنة مبين ميانة زايدة
وياه
بدة يفحص بأيدي وگال:-شلون تعورتي؟
باوعت لكمال ينقذني من الجذبة
تحمحم وگال:- ماتدري جانت تگص شعرها وتأذت بالمگص
طاهر:- يا عَيني الجرح مو مال ماتدري احجي يابة احجي شمسوية
ضحك كمال واني دنگت
راسي مستحة منة گال:-منتحرة؟
رفعت راسي وهزيت بـ لا
ومدري شلون طلعت من كلمة:-جنت اجرب
ضحكوا بصوت عالي
وگال:-يعني هم مثل رجلج المصون تحبين تجربين
زين زين
ضحكت حيل
وضل هو يفحص بيدي ويسويلي اشعة
گال:-مابيها شي مجرد الجرح ملتهب تنضفين انتي مو؟
گلت:-اكيد
طاهر:-لعد واصللها ماي وزاهي وهاي السوالف
جا يحضي المن متزوج بس لذيج السالفة مو هاي خطية
هذا شبي؟ تنرفزت
دمغة كمال وهو ذب القلم وصاح:-عمممممي
صررررت دكتوووور دكتووووور انعل هسه اسبك عبالك ذاك طاهر التدگ بي لا حبيبي هسه انطي علاج لمرتك يختلف واخليها تموت بمكانها بس المرة مكرودة
كمال:-نعال مو دكتور
ضلوا يتصايحون واني ماكدر احجي
كمت اروح وارد بالعيادة
انتبهولي وهو كتبلي علاج
وضمدلي ايدي وكال ممنوع ماي او اي شي
يوصللها
اخذنة العلاج باوعت صار المغرب
ملاك:-خلي نروح للسوك
كمال:-يلا
اخذني ورحنة لسوك ضليت افتر
وشغلات حلوة اخذت وخليناهن بالجنطة
واحنه نضحك ونسولف
رحنة لمطعم بس الحمدلله بس احنة
وضحكتة واصلة لآخر طاولة
ويتغزل بية
شحلاتنة؟
بس مشكلتة هو يجبر ويكسر
يجبرني ويكسر بولاء
يكسرني ويجبر بولاء
وهيج احنه ماشين
كمال:-وهسة شنو وين نروح؟
ملاك:-ما بات ببيت اهل ولاء لو اموت
كمال:-اقرب حل
ملاك:-فندق اكيد
ضحك وفر السيارة ورحنة لفندق
وحجزنة غرفة
والنومة تصير حلوة بالفندق بيها لذة تختلف مدري
ليش
سمعنة رنة تلفون ابتعد عني بهدوء
واخذ تلفونة مديت راسي هاي ولاء
كمال:-ها
ولاء:-وين انتوا صار شكد ننتضركم؟
كمال:-بالفندق احنة مانرجع ماگدرت ارجع
حجت بكسرة:-لييش مو صار ساعة انتضرك
وحضرت الغرفة
ضغطت ؏ اسناني بقوة يارربي صبرني
كمال:-لا حبيبي ما أجي نامي باجر الصبح امر عليكم ونرجع واعتذريلي من اهلج
طبگتة بوجهه
عگدت حاجبي:-حبيببييي؟؟؟؟ والله خووش وجمالة
گبااااالي
صار فوگاي وهو يهمس:-حبيبي انت يا حلو العيون
ملاك:-لاتكولي حبيبي كرهتتتهاااا
كمال:-هههه اويلي يابة اموت اني بيج
حجاها ورفعني ورجع يتقربلي
لليل كلش فتحت عيوني صوته يگح
عگدت حاجبي وگمت
وهو يفرك بصدرة ويدك علي ويگح
ملاك:-كمممال شبيك حبيبي؟؟
كمال:-اختنگت
ردت انطي ماي ماراد
عافني وگام جريت ملابسي وگمت
وراه واگف وفاتح الشباك ومستمر يگح
ضل هيج لحد ما استقر
وضل يتنفس سريع
اخذت وجهه بين ادية:-صرت زين؟
حجة وما يباوع لعيوني:-مادري اختنگت جيبيلي ماي
ركضت جبت ماي
وشربتة بيدي ولزمتة ومشينة دفع ايدي
وراح تغطى ونام شبي هذا؟
عفتة براحتة ودرت وجهي هم ونمت
وهاي اول مرة تصير ...
گعدني الصبح سبحت وطلعنة
رحنة لبيت اهل ولاء
استقبلونة وتحمدولي بالسلامة
ورجعنة لبيتنة
والضهر نزلت اسوي غدة
صافنة وضل يصيح نزلت ولاء
وعاط بيها وخلاها تساعدني واني ذبيت
الشغل كلة عليها
وهو كال:-ممنوع ملاك تشتغل بعد
ومرت الأيام والشغل تقاسم واكيد
مو برضاتهن
اما يومي ويومها
كم مرة كمال صار يجي بـ 11 بـ12
ويطلع حجتة باصدقائة
يضل بالكوفي ويجيني متأخر
واني اضل اصيح وتعارك وياه ويجي
تالي الليل يراضيني
ويحرمصلي
مرة من المرات
ماجانوا موجودين خابرت كمال
كال ببيت جدي ادزلج واحد؟
ضحكت وطبگتة بوجهه
اخذت ملابس ودخلت سبحت
بمراية الحمام قطرات الماي متجمعة عليها
مسحتها بأيدي
وباوعت لعيوني
لونهن الأزرك صاير يخوف
والبياض مختفي وحل محلة الحمار
تلمست رگبتي عضامي طالعة
من الضعف
واني اطبك غدة وعشة وريوك سوة بلگمة وحدة
تراجعت لورا واني اشوف معالم جسمي الانوثية
تخزي طبعا يميل ألها
تلمست شعري يوكع نصة بأيدي
شنو الجاي تسوي بروحج يا ملاك؟
اخذت نفس ونشفت شعري وجسمي
ولبست روب وطلعت
لبست دشداشة قصيرة
وشلت شعري
فتحت علبة المكياج صارلي شكد
مامخلية مكياج ومالامس بشرتي؟
اخذت حمرة وحاولت اضبطها بس بسبب رجفة ايدي
ماگدرت
مسحتها
اخذت الكحلة وحطيتها بعيني
وعيوني صارت تجري تاذيت مسحتها
اخذت المسكارا وحالها حال خواتها وماكدرت اضبط
شي من الي اريدة
طولوا هواي يلا سمعت اصواتهم
مانزلت فتح الباب كمال واني درت وجهي وكالبة
كصتي
اجاني سريع وهو شايل وجهي بثنين
ايدة:-شبيج؟؟
هزيت راسي بـ مابية
كمال:-تؤ صدك بلا خوفتيني عبالي شو شبيج
دنگت العب باضافيري
گعدت بصفي واخذ راسي بحضنة
رفعت راسي علي وكلت:-ترضاها احجي وياغيرك؟
دفعني عنة وهو عاگد حاجبة:-شهالاكلان
تبن هذا شبيج؟؟؟؟
ملاك:-بحجاية انگلب وجهك شلون واني اشوف
بعيني؟
كمال:-حجيج الفارغ بطلي ملاك
لاتضلين تمسلتين اذا رجعت سمعت هاي الحجاية
اخلصج ؏ ايدي
ملاك:-خلصت اني شضال بية
بس العظام
ضحك وجرني الة راد
يكعدني بحضنة ابتعدت وهو كال:-شبيج؟ مو كافي بجي؟ خلص نص عمرج يابة
ملاك:-وانت راح تخلص النص الثاني
كمال:-يبو ؏ راسك يكمال
دكومي سويلنة عشة من اديناتج العظام
هزيت راسي وهو باوعلي
واستغرب:-تنزلين بهاي الدشداشة؟
هزيت راسي:-بيها شي؟
كمال:-اول مرة تسويها
ملاك:-كلشي اختلف
عفته ونزلت اسوي العشة
وببالي ميت حسبة وحسبة
تعشوا وصعدوا
باوعت للساعة بـ8
واني اجاني بـ 11؟
وتكررت هالحالة مرة ومرتين و3 واربعة
صار يجيني ب12 لو ب1
واني مالي خلكة حتى اعوفة وانام
وهو
ينزل من الصبح لجوة
وهي بيومها يصعدون ب8 وينزل ويا الغدة
عبالي اله قدرة يتحملني للأبد؟
ملاك اليتحمل مرة ومرتين وخمسة وعشرة
بس مو للأبد؟ عبالج كلها مثلج؟
وبيوم
گعدت روحي طاگة من الدنيا كلها
نزلت والگة الصواني مكومة ؏ الكاونتر والسنكي
ضليت اصيح طلعت خالتي
بيداء:-ووووجعععع شبيييج صيييييححححين
ملاك:-والله وجع للمايستحون تررررة مو خددددامة
اني عنننند الخلفووووكم ولا جايبينييي فلبينية هنا
شنو هالصوووواني هاااي اليعلف يغسل مواعينة
ورا
نزلت ذيج بملابس النوم:-شكو شكو
ملاك:-اماعينج انتي تغسليهن ووووووواااااالله مااااغسل ماعووون
بيداء:-ولا هاي تغسل يلا لا شغلة ولا عملة صارلها يومين وجاية تتعزز وتريد نخدمها احنة
ملاك:-خلي نشوف منو يغسلهن
شلتهن وكمت اشمر بالصواني والاماعين
واطلع حرگتي بيهن واني اصرخ عليهن
ونتعارك
انفتح باب المطبخ كمال بملابس الدوام
ظل صافن واني شايلة الماعون
ذبيتة ؏ سنك وتخصرت
كمال:-هاي شكوووو؟؟؟؟؟
ملاك:-والله گوووول لحضرررت جنننااااب امك
ومرررررتك شكووو
باوع للغراض وهمس بين اسنانة:-لمي غراضج
وخلي اخذج لبيت اهلج بسرعة
ملاك:-ماروح
دك ؏ ميز وصاح:-كلللللللتتتتتتتتت بسسسسسسسسسسررررررررررععععععة
بيداء:-اني ماشايفة هيج صلافة لا والله
تستمر القصة أدناه
عبرتها واني اخزر بيها
لميت الغراض واني روحي تطلع
واحط الملابس بقوتي
نزلت وهنه
كاعدات بالصالة يباوعن بشماتة
دخلت للمطبخ شفتة كاعد
ويهز برجلة شافني
وسحب السويج وطلع
طلعت وراه فتح باب السيارة ودخل
واني صعدت ورا وطبگت الباب حيل
ضل طول الطريق يدخن
لحد ما وصلنة لأهلي واني روحي طلعت
عفتة ونزلت فتحت باب بيت اهلي ودخلت
ذبيت غراضي وكعدت بالتراب
فحطت من البجي
رفعت عيوني امي واكفة بالباب تباوعلي
و؏ وجهه علامات الأسف
عافتني ودخلت
حتى انتي يا أمي؟
هو اني صوجي لو صوجكم؟
عفت كلشي ودخلت لجوة
فتحت الباب سمعت صوت طبگة باب غرفتها
ركضت للباب
ضليت افتح بي مقفول:-يمممممة افتتتتحي الباب والله رااااااح اموووووت كافي رحمووووني ابوس ايدددج يووووم افتتتتحي
ادك بي وهي جوة نزلت للگاع
واني اشهك:-كافي والله حرام عليكم والله
والله
لا ساعة ولا ساعتين اني ؏ نفس الكعدة
دموعي مايخلصن ولا يهودن
صارن يحرگني
دخل جاسر وبيدة غراضي ذبهن
واجة يركض شالني بين ايدة وهو يهزني:-ملااااك شبييييج
ملاك:-تعبت تعبت ماجاي اتحححححممممل مااااااتتتتتتحححححممممل حييييااااااتي جحيييم وووووالله جحيم محددد يحسسس بيةةة محدددد
گومني وگعدني ؏ تخم وهمس:-صدك بلا جذب
شمسوية بروحج مو كلنالج لاترجعيلة واطلگي منة
ملاك:-يضل بس ألها
ماريدة ألها اريدة إلي جاسسسسر اني أحبة ماگدر بدونة ماگدرر
جاسر:-استغفرالله يالله شون طلابة هاي امي شبيها
ملاك:-هي والدنيا علية
حتى رب العالمين يكرههني محد يريد ياخذني يمة
كمت اهذي وحدي وماعرف شحجي
جاسر:-اششش اسكتي لاتضلين تحجين هيج
انفتح باب غرفتها ضميت راسي
بصدر جاسر:-يمة صدك تحجين هيج تسوين وياها
أيمان:-ليش ماجبت ملك وياك؟
تجاهلت سؤالة عني؟
جاسر:-عندها محاضرة
عافتنة وراحت واني اشاهك
اخذني وصعدني فوك وهو يكلي:-شصار شكو؟
هزيت راسي وعفتة وطبيت للغرفة
ونمت ؏ جربايتي وضليت اشهك
لحد ما نمت
ومرت يومين اني ببيت اهلي
وامي دايرة وجهها عني ماتحاجيني شنو السبب
ماعرف
يومين واجة كمال
أيمان:-لمي غراضج زوجج بالباب
وعافتني وراحت
لميت غراضي مكسورة محطمة مهدومة
صرت بدون كرامة
واتصرف بغباء
نزلت جان كاعد بالاستقبال
شافني وگام اخذ غراضي من ايدي ولزمني
ومشينة درت وجهي امي واكفة
عفناها وطلعنة صعدت بالسيارة واني
ابجي بسكتة وصلنة نزل واني امشي بخطوات
بطيئة
دخلت كلها نايمة و لا وحدة كاعدة
همزين
صعدت لغرفتي نزعت العباية والشال
وهو دخل باوعتلة ودرت وجهي عنة
حسيت بأيدة حاوطت خصري
شهگت:-كافي ملاك كافي تبجين وتنوحين تعبتي روحج وتعبتيني
ملاك:-ماتحمل والله ماجاي اگدر اتحمل الجاي يصير
انتوا رحموني والله تعبانة اني والله
واني اشهك وافرك بعيوني
دارني اله وحضني حيل وهو يهمس:-اششش
بس بس ارحمي انتي بحالج اول
ملاك:-ماجاي تفتهم حُبي إلك ماتفتهم
كلها تگلي عوفي مايستاهل حبج مايحبج مثل
ما انتي تحبي بس اني اني اشوفك تختلف انت ليش
ماتشوف حبك بعيوني ليييش
ضربتة يصدرة
وهو ضمني أله حييل وهو يبوس
براسي:-اني احبج والله احبج بس انتي الماتشوفين
حبج عبالج اكرهج واحب ولاء
هي مرتي صح بس اني روحي بيج باعيلي
ملاك شو رفعي راسي
رفعت راسي والغواش مغطي عيوني
واني ابجي مثل الطفل
مسح دموعي وباسني براسي
كمال:-اذا شفتج تبجين بعد والله يا ملاك
صدك اسوي شي مايعجبج بابا عيونج تعبن تعبن
ملاك:-ماجاي اكدر اشوف
كمال:-استغفر الله ياللهي وتالي وياج
اليوم اخذج للدكتور بس كافي
مسحت عيوني ودنيتة ونمت
لووووين يلا فزيت ؏ صوت الباب ينفتح
فتحت عيوني واشوف ولاء فوك روسنة
ولاء:-كمال يلا اكعد
ملاك:-شتردين؟
ولاء:-وانتي شعليج
كمال:-شكو
درت وجهي واني ذب نفسي
ولاء:-كوم تغدة يلا
كمال:-روحي جاي
راحت وهو گام گمت وياه نزلنة سوة
باوعتلي خالتي وگلبت وجهه
كعدنة واني كعدت بصفة ناكل بهدوء
للعصر واخذني لدكتور العيون
سوالي فحوصات وكال بيها جفاف انطاني قطرات
ورجعنة تلگتنة خالتي
بيداء:-ادرررري يوممممية مفتررر بيها بالدكاااااترررة
سكت كمال
وهمس:-ادخلي
باوعتلة منتضرته يحجي
ماحجة دخلت لجوة وهي تصيح بقت
وهو صوتة ماطلع
وبمرور الأيام
لا عبالكم تعودت
لا!
ازدادت حرگتي اريد اكتلها اريد اطلع
نار گلبي بيها بس ماگدر
وستورياتها يومية ناشرة شي
وعن الحب وتسويلة تاكات بس هو مايحولها يمة
واني متحملة ومحترگة
صار مايوصلي هواي ولايتقربلي
بأيام قليلة
تستمر القصة أدناه
واني اشوفها كل خمس دقايق تسبح
وهو كذلك
زين ليش؟
اشوفهم سوة يتسبسون ويضحكون
وحتى انزل غفلة اطب الكاهم متحاضنين
ادور وجهي واطلع عنهم
وماگدر اضل اباوعلهم
بيوم نزلت بليل عطشانة ترست دولكة
گزاز جبيرة حتى يضل يمي ومانزل
كل ساعة
صعدت واني فاتحة تك عين
نعسانة اسمع اصواتهم فوك كل ضني بغرفتهم!
صوت بوساتهم المُقرفة
وصلت لآخر باية بالدرج واتصنم بمكاني
جانوا ستوهم طالعين من الحمام
هو لاف منشفة ؏ خصرة
وهي لابسة روب ابيض ومحاوطة
رگبتة وهو لازم خصرها ويبوسها بعمق
واني منتبهتلهم
نزلن دموعي وما فززني غير وگعة الدولكة
من ايدي
وهم ابتعدوا يباوعولي مصدومين
رجفت ايدي ورجعت لورا ردت اوكع من الدرج
جلبت بالمحجر وهمه صافنين
شهگت
ومشيت سريع ودمي اختلط ويا
الماي
دخلت للغرفة وسديت الباب ضليت اتنفس
سريع واني لازمة رگبتي
واحاول اشم الهوى يارررررررررب
احاول اطلع صوتهم وشكلهم من بالي
اول مرة اشوفهم هيج بهالقرب هو زوجهاااا بس
ليش ماجاي اتقبل
كمت واني امسح دمعة ينزلن عشرة
جبت لفاف وفوك الدم والكزاز لفيت رجلية
وهاي للمرة الثانية تتكرر
صعدت ؏ جرباية جريت بطانيتي
غمضت اريد انام ونفسي سريع لحد مانمت
ودمي خلص ؏ ما اعتقد
فزيت ؏ شي بارد برجلية
فتحت عيوني واني اشوفة يدهن رجلية
رجعت غمضت
وصوت انفاسي عالية
وهو يهمس:-اني وتالي ويا هالخبال هذا
شلت رجلية بسرعة ودخلتها بالبطانية
رجع لزمهن بقوة وحطهن ؏ افخاذة و يدهن
رجلية وعاط بية:-اني اعلمج اني انطييييتج مجاااال زاااايد
ملاك:-عووووفني وخررررر يلاااا
ضرب رجلي بقوتة عطت
وهو لفها شلون ماجان وشمرها وطلع وطبك الباب
قوي
رجعت ابجي واصرخ
لحد مانمت ودموعي تنزل مو كافي
كسرتوا خاطري هواي؟
صوت وردة وهي تگول:-وانت عايفها هيج ماخذتها للمستشفى
كمال:-اني اااااضل يوووومية مفترررر بيهاااا ماتنلصم وتكععععد مو ملييييت منهههههااا اطب واطلع تبجي وتشكي امك هيج ومرتك هيج اي دكافي ما ملت
وردة:-استغفر الله يالله
شلون بلوة هاي ملاك شو گومي
ملاك:-خلي يطلع هذا برة
اجة يريد يتهجم يضربني؟
كمال:-ولجججج بتتتتت الكللللب منوووو هذاااا ولج ماتتتتحتتتتتررررمييين رووووحج
وردة:-كاااافي اطلع برة عوفني اني احجي وياها
كمال:-ابتلي بيها ومحمد عبالها اسكتلها
وردة:-اطلع اطلع رووح
طلعتة برة شلت البطانية وصوت
بُكائي صار عالي:-مححححدددد يفتتتتههههههمممم
مححد
وردة:-طبج مرض تبجين ؏ مايسوة لو منج ميت
نعال اركعة واهتم بروحي وطز بالباقي شوفي
شكلج
وشوفي حالج حال مررررة هذااا؟؟
كلة علمود الحب؟
انعل ابو الحب اليدمرني كافي تعبتي روحج وهو مل مل منج شتردين بعد؟
واني مدنكة ابجي وهي بقت
تفتر وتدردم:-ولج ايدة وزنودة ورگبتة
وضهرة وحلگة كلها آثار لاستحت ولا
خجلت الله اعلم شتسويلة بالغرفة المكروه
والما مكروه ومخليتة هيج يتسودن والله يالله
عبالج يضل يباوع لعيونج ويكلها الله والله ملوكة حلوات عيونج
رجعت سكتت ونوب
گالت:-عبالج الزلم ماتحب هاي الشغلة؟
دينها وربها هاي السالفة اهم شي
عندهم الفراش وتأنقي ولبسي وتماوعي
وانطي اليريدة وفوگاه يضل يفتر وراج
مثل الجلب بس احنة؟ ضالين ننوح ونبجي
وامداج وامداي وامدة الحظ الخلانة مثل المطاية نصير
ملاك:-لج ماكدر....
وردة:-هوووو شنووووو الماااااااتگدددددرررين شنووو
سكتت وامسح عيوني وامردهن حيل
وبعدة الغواش محتل عيوني
وردة:-ضلي ضلي ابجي امداج
عافتني ورگعت الباب وراها
صوتي منبوح كمت لحمامي فتحت بوري
الماي ودخلت اني وملابسي ابجي وجسمي يهتز
لحد ماتعبت گمت
اول ماطلعت هو فتح الباب
باوعلي بنضرات عتاب ودار وجهه عني
واني الماي يخر من ملابسي
راح للجرباية غطى حتى راسة
طلعت ملابسي وبدلت باوعت للساعة
بـ10 شبسرعة؟
رجلية كوة امشي عليهن ومن سبحت
الألم كام يصل
لمن دهنتهن يلا
نزلت اكلت شوية وصعدت وهو نايم
صوت انفاسة عالية
باوعت ضهرة كلة آثار
تلمستهن هاي مو آثاري هاي آثارها هية
ضليت اتلمسهن واحسهن يأذن ادية
ابتعدت ودرت وجهي عنة ونمت...
ونرجع ونگول مرت الأيام واحنة
خلص عمرنة
وخلص كلشي
وبس دموعنة الماخلصت
صوت هلاهل فززني
دك كلبي وكأنما علم هاي فرحتي لازم؟
نزلت ؏ كيفي واني اشوفهم يتحاضنون
وصوت الهلاهل يرگع
رج البيت رج
وگفت بنهاية الدرج وگلبي يدك يدك
ضلوعي تكسرت
واني ابلع بريگي واباوعلهم مستغربة
دارت وجهه خالتي علية وبوجهه علامات الفخر
والشماتة
رفعت حاجبها وضحكة مسمومة نرسمت
؏ شفتها وصاحت:-تعاي تعاي باركي لكمال
ملاك:-؏ شنو؟
تغشمين روحج ياملاك؟
بيداء:-ولاء حامل...
الفصل الثاني والعشرون من هنا
