رواية الملازم والعنوديه الصغيرة الفصل الواحد والعشرون بقلم مجهول
ﺳﻤﺮ، ،ﻓﺘﺤﺖ ﺍﻟﺒﺎﺏ ﻭﺟﺎﻥ ﺍﺷﻮﻑ ﻫﺸﺎﻡ ﺑﺎﻟﺒﺎﺏ ﻭﺍﻟﻌﻴﻮﻥ ﺗﺠﺪﺡ ﺷﺮﺍﺭ ﺩﻓﻊ ﺍﻟﺒﺎﺏ ﻭﺩﺧﻞ
ﺿﻠﻴﺖ ﻣﺘﺼﻨﻤﻪ ﺑﻤﻜﺎﻧﻲ
ﺣﺠﻴﺖ ﻭﺍﻧﻲ ﺍﻟﺴﺎﻧﻲ ﺍﺣﺴﻪ ﺛﮕﻞ ﻣﻬﻤﺎ ﺍﻛﻮﻥ ﻗﻮﻳﻪ ﮔﺪﺍﻣﻪ ﺍﺿﻴﻊ ﺍﻻﻭﻝ ﻭﺍﻟﺘﺎﻟﻲ
ﺣﺠﻴﺖ ﺑﺼﻮﺕ ﻣﺘﻘﻄﻊ ﻫﺶ ﻫﺸﺎﻡ
ﻫﺸﺎﻡ،،ﺍﻱ ﻫﺸﺎﻡ ﻟﻴﺶ ﻣﺼﺪﻣﻪ ﺍﻟﻬﺪﺭﺟﻪ ﺷﻨﻮ ﻣﺎﻣﺘﻮﻗﻌﻪ ﺍﺭﺟﻊ ??
ﺳﻤﺮ،،ﻭﻟﻴﺶ ﺣﺘﺊ ﺗﺮﺟﻊ ??
ﻫﺸﺎﻡ،،ﻫﻮ ﺷﻨﻮﻭ ﺍﻟﻠﻴﺶ ﺳﻤﺮ ﻣﻮﻭﻭ ﺗﻌﺒﺘﻴﻨﻲ ﻭﻣﻮﺗﻴﻨﻲ ﻣﺎﺍﺍﻛﺎﻓﻴﺞ ﻋﻨﺎﺩ ﻣﻮ ﺷﻌﻠﺘﻲ ﺭﻭﻭﻭﺣﻲ ﺷﻌﻞ
ﺳﻤﺮ،،ﻋﻠﺊ ﺻﻮﺕ ﺻﻴﺎﺣﻪ ﻃﻠﻌﺖ ﻣﺮﺕ ﺧﺎﻟﻲ ﻭﻫﻮ ﺣﺠﻪ ﻭﻳﺎﻫﺎ
ﻫﺸﺎﻡ،،ﺍﻡ ﻣﺼﻄﻔﺊ ﺧﻮﻳﻪ ﺟﻴﺒﻲ ﻋﺒﺎﻳﻪ ﺍﻟﺴﻤﺮ
ﺍﻡ ﻣﺼﻄﻔﺊ،، ﻟﻴﺶ ﺧﻴﻲ ﻭﻳﻦ ﺗﺮﻳﺪ ﺑﻴﻬﺎ ﻉ ﺍﻻﻗﻞ ﺧﻞ ﻳﺠﻲ ﺧﺎﻟﻬﺎ
ﻫﺸﺎﻡ،،ﻫﻲ ﺣﺮﻣﺘﻲ ﺍﻡ ﻣﺼﻄﻔﺊ ﻟﺘﺨﺎﻓﻴﻦ ﺳﺎﻋﻪ ﻭﺍﺭﺟﻌﻬﺎ ﺑﺲ ﺍﺣﺠﻲ ﻭﻳﺎﻫﺎ
ﺳﻤﺮ، ،ﺩﺧﻠﺖ ﻣﺮﺕ ﺧﺎﻟﻲ ﺗﺠﻴﺐ ﺍﻟﻌﺒﺎﻳﻪ ﻭﺍﻧﻲ ﺩﺭﺕ ﻭﺟﻬﻲ ﺍﺭﻳﺪ ﺍﺩﺧﻞ ﻟﻠﺒﻴﺖ ﻛﺘﻠﻪ ﻣﺎﺍﺭﻭﺡ ﻭﻣﺎﻋﻨﺪﻱ ﺣﺠﻲ ﻭﻳﺎﻙ ﻏﻴﺮ ﺑﺎﻟﻤﺤﻜﻤﻪ ﻣﺎﺭﻳﺪﻙ ﻳﺎﺍﺧﻲ ﻫﻲ ﻛﻮﺓ
ﺷﻮ ﺑﺴﺮﻋﻪ ﺟﺮﻧﻲ ﻣﻦ ﻣﺘﻨﻲ ﻭﻛﻔﻨﻲ ﻛﺪﺍﻣﻪ ﺍﺧﺬ ﺍﻟﻌﺒﺎﻳﻪ ﻭﻟﺒﺴﻨﻴﺎﻫﺎ ﺍﺷﻠﻮﻥ ﻣﺎﻛﺎﻥ ﺳﺤﺒﻨﻲ ﻣﻦ ﺍﻳﺪﻱ ﺑﻘﻮﺓ ﺻﺮﺕ ﺍﺟﺮ ﺑﻴﻬﺎ ﻭﻫﻮ بعدة متمسك بجيت وكتله عوفني مااروح وياااك عوفني
عوفني مرت خالي واكفه مابيدها شي بس اتكله علئ كيفك وياها مو هيج التفاهم
وهو ولاجن يسمعها ابد فتح باب السيارة ودفعني بيها وسد الباب
افتر للجهه مالته صعد وسد الباب وقفل بابي من يمه
خاف انزل اول ماصعد شخط السيارة بكل سرعته لزمت كلبي اخاف من يمشي سريع كتله نزلني كافي ماتعبت مامليت مااااريدك
هشام،،بسسس انيي اريدج فهمتيييي
سمر،،كافي هشام الله يخليك كافي
كان يسوق سريع ولاعبالك يسمعني اباوع ع الطريق صار يمشي بينه بطريق شبه فارغ وضلمه
فجاه وكف السياره وخلاها تشتغل نزل واجه من جهتي فتح الباب وسحبني وكفنه اثنينه كبال ضوة السيارة
كتله وين جايبني رجعني للبيت صرت ابجي بصوت عالي تقرب مني راد يحضني صرت اضرب بثنين اديه علئ صدرة احس نفسي اريد اضربه اكثر اريد النار التسعر بداخلي تهدئ تمنيته يحس شويه بالمي وبناري
بلحضه وحدة لمني الحضنه وصار يبجي وياي حسيت بي مو نفسه هشام هذا شخص ثاني انسان مكسور وتعبان
ﻫﺸﺎﻡ،،ﺍﻭﻭﻭﻑ ﻳﺒﺖ ﮔﻠﺒﻲ ﺗﻌﺒﺎﻥ ﺑﺪﻭﻧﺞ ﺣﻴﻞ ﺍﻟﻴﻮﻡ ﻋﻠﻴﻪ ﻳﻤﺮ ﺑﺴﻨﻪ ﻭﺍﻧﺘﻲ ﻣﻮﺑﺤﻀﻨﻲ ﻭﻟﺞ ﺗﺪﺭﻳﻦ ﺣﺎﺿﻦ ﺛﻮﺑﺞ . ﻭﻧﺎﻳﻢ ﻣﺜﻞ ﺍﻟﻄﻔﻞ ﺍﻟﻤﺎﻳﻨﺎﻡ ﺍﻟﻪ ﻋﻠﺊ ﺭﻳﺤﺔ ﺍﻣﻪ
ﺍﺭﺟﻌﻲ ﻭﺭﻳﺤﻲ ﮔﻠﺒﻲ ﺳﻤﺮ ﻭﻋﺪ ﺭﺟﺎﻝ ﻣﺎﺍﺫﻳﺞ ﺍﺑﺪ ﻭﺍﺫﺍ ﺑﺪﺭ ﻣﻨﻲ ﻏﻠﻂ ﺍﻟﺞ ﺣﻖ ﺍﺩﻭﺭﻳﻦ ﻭﺟﻬﺞ ﻭﺗﺮﺣﻴﻦ ﻭﺫﻳﺞ ﺍﻟﺴﺎﻋﻪ ﻣﺎﻟﻮﻣﺞ ﻭﺍﻧﻄﻴﺞ ﻛﻞ ﺍﻟﺤﻖ ﻻﻥ ﺍﻧﻲ ﺍﻧﺴﺎﻥ ﻣﻴﻨﻌﺎﺵ ﻭﻳﺎﻩ ﺑﺲ ﺍﻧﻄﻴﻨﻲ ﻓﺮﺻﻪ ﻭﺣﺪﺓ ﺍﻛﻔﺮ ﻋﻦ ﺫﻧﺒﻲ ﻭﻟﺞ ﺍﻧﻲ ﻣﻮ ﻧﺒﻲ ﻭﻻﻣﻌﺼﻮﻡ ﻋﻦ ﺍﻟﻐﻠﻂ ﻭﺟﻞ ﻣﻦ ﻻ ﻳﺨﻄﺊ ﻭﺍﻧﻲ ﻏﻠﻄﺖ ﻭﺍﻋﺘﺮﻑ ﺑﻐﻠﻄﻲ ﺍﻟﺴﻮﻳﺘﻪ ﻣﻴﻨﻐﻔﺮﻟﻪ ﺑﺲ ﻛﻨﺖ ﺑﺪﻭﻥ ﻭﻋﻲ
ﺳﻤﺮ،،ﺣﺎﺿﻨﻲ ﺑﻜﻞ ﻗﻮﺗﻪ ﻳﺒﺠﻲ ﻭﻳﺤﺠﻲ ﺑﺤﺮﻛﻪ ﺍﻋﺼﺎﺏ ﻭﺑﺼﻮﺕ ﻋﺎﻟﻲ ﺍﺣﺲ ﺩﺍﺧﻠﻲ ﻛﻠﻪ ﻳﺮﺗﻌﺪ ﺭﺟﻠﻴﻪ ﻣﺎﻋﺎﺩﺕ ﺗﺤﻤﻠﻨﻲ ﻛﻌﺪﺕ ﺑﺎﻟﻜﺎﻉ ﻭﻫﻮ ﻛﻌﺪ ﻭﻳﺎﻱ ﻋﻠﺊ ﺭﻛﺒﻪ ﺣﻀﻦ ﻭﺟﻬﻲ ﺑﺜﻨﻴﻦ ﺍﺩﻱ ﻭﺻﺎﺭ ﻳﺒﺎﻭﻉ ﺑﻌﻴﻮﻧﻲ
ﺍﺷﻮﻑ ﺩﻣﻮﻋﻪ ﺍﺷﻠﻮﻥ ﺗﻨﺰﻝ ﻭﺑﻜﻠﺒﻲ ﺍﻛﻮﻝ ﻣﻌﻘﻮﻟﻪ ﻫﺬﺍ ﻫﺸﺎﻡ ﺍﻟﻜﺪﺍﻣﻲ ﻳﺒﺠﻲ
ﻫﺸﺎﻡ،،ﺳﻤﺮ ﺍﺭﺣﻤﻲ ﺣﺎﻟﻲ ﻭﺍﺭﺟﻌﻲ ﺍﻧﻄﻴﺘﺞ ﻭﻋﺪ ﺍﺗﻐﻴﺮ ﻫﺸﺎﻡ ﺍﻟﻘﺪﻳﻢ ﺍﻧﺴﻲ ﺍﻧﻲ ﺍﻟﻴﻮﻡ ﺷﺨﺺ ﺟﺪﻳﺪ ﻛﺪﺍﻣﺞ ﻏﻴﺎﺑﺞ ﺧﻠﻖ ﻣﻨﻲ ﺍﻧﺴﺎﻥ ﺛﺎﻧﻲ ﺿﻌﻴﻒ ﺑﺪﻭﻧﺞ
ﺳﻤﺮ،،ﺩﻧﮕﺖ ﻭﺟﻬﻲ ﻭﻛﺘﻠﻪ ﺍﻋﺘﺬﺭ ﻣﺎﺍﻛﺪﺭ ﻻﻥ ﺍﻟﺴﻮﻳﺘﻪ ﺑﻴﻪ ﻣﻮ ﻗﻠﻴﻞ ﺣﺘﺊ ﺍﻛﺪﺭ ﺍﺳﺎﻣﺤﻚ ﻋﻠﻲ ﺍﻧﺘﻪ ﻃﻌﻨﺘﻨﻲ ﺑﺸﺮﻓﻲ ﻫﺸﺎﻡ
ﻫﺸﺎﻡ،،ﺍﺩﺭﻱ ﻭﻧﺪﻣﺎﻥ ﻻﻥ ﺷﻜﻴﺖ ﺑﻴﺞ ﻭﺍﻧﺘﻲ ﺑﻨﺖ ﺭﻭﺣﻲ ﻭﺗﺮﺑﻴﺖ ﺍﺩﻱ ﺑﺲ ﺍﻧﺘﻲ ﻫﻢ ﺍﻋﺬﺭﻳﻨﻲ ﺍﻟﻀﺮﻭﻑ ﻛﻠﻬﺎ ﺗﻌﺎﻭﻧﺖ ﻭﻫﻴﺎﺗﻠﻲ ﺍﻟﺸﻔﺘﻪ ﺑﺴﺎﻋﺘﻬﺎ ﻭﻫﺴﻪ ﺟﻴﺘﺞ ﻧﺪﻣﺎﻥ ﺍﺗﻤﻨﺊ ﺗﺴﺎﻣﺤﻴﻨﻲ ﻟﺪﻣﺮﻳﻦ ﺯﻭﺍﺟﻨﻪ ﺍﻧﻄﻴﻨﻪ ﻓﺮﺻﻪ ﻧﺼﻠﺢ ﻛﻠﺸﻲ
ﺳﻤﺮ، ،ﻧﻬﻀﺖ ﻋﻠﺊ ﺣﻴﻠﻲ ﺩﺭﺕ ﻭﺟﻬﻲ ﻋﻨﻪ ﻭﻛﺘﻠﻪ ﻣﺴﺘﺤﻴﻞ ﺍﻻﻧﻜﺴﺮ ﻳﺘﺼﻠﺢ ﻭﺍﻧﺘﻪ ﻛﺴﺮﺗﻨﻲ ﻭﺍﻧﻄﻴﺖ ﺑﻴﻪ ﻛﺪﺍﻡ ﺍﻟﻜﻞ ﻭﺍﻧﻲ ﺍﺷﻮﻑ ﻣﻦ ﺍﻻﻓﻀﻞ ﻛﻞ ﻭﺍﺣﺪ ﻳﺮﻭﺡ ﺑﺤﺎﻝ ﺳﺒﻴﻠﻪ
ﺷﻔﺘﻪ ﻧﻬﺾ ﺑﺘﺜﺎﻗﻞ ﻭﺟﻬﺎ ﻋﺮﮔﺎﻥ ﻭﻋﻠﻲ ﻧﻔﺲ ﻋﻼﻣﺎﺕ ﺍﻟﺘﻌﺐ ﺍﻟﺸﻔﺘﻬﻦ ﺑﻴﻮﻡ ﺗﺮﻛﺖ ﺍﻟﺒﻴﺖ ﻭﺑﻠﺤﻀﻪ ﺭﺟﻊ ﮔﻌﺪ ﺑﺎﻟﻜﺎﻉ ﻭﺻﺎﺭ ﻳﻔﺮﻙ ﺑﻜﺼﺘﻪ ﺧﻔﺖ ﻣﻦ ﺷﻔﺘﻪ ﻭﺷﻔﺖ ﺣﺎﻟﺘﻪ ﻭﺍﺿﺎﻓﺘﺎ ﻟﻠﻤﻜﺎﻥ ﺍﻻﺣﻨﻪ ﺑﻲ ﻓﺎﺭﻍ ﻣﺎﻛﻮ ﺍﺣﺪ ﺑﻲ ﻳﻌﻨﻲ ﺍﺫﺍ ﺻﺎﺭ ﺷﻲ ﻋﻠﻲ ﺍﻧﻲ ﺷﺴﻮﻱ ﺣﺘﺊ ﻣﺎﺍﻋﺮﻑ ﺍﺳﻮﻕ ﺭﻛﻀﺖ ﻟﻠﺴﻴﺎﺭﺓ ﻟﻜﻴﺖ ﺑﻄﻞ ﺑﻲ ﻣﻲ ﺟﺒﺘﻪ ﻭﺍﺟﻴﺖ ﻓﺘﺤﺘﻪ ﻭﺻﺮﺕ ﺍﻏﺴﻞ ﻭﺟﻬﺎ ﻭﺍﺩﻱ ﺑﺎﻭﻋﻠﻲ ﺑﺘﻌﺐ ﻭﺣﺠﻪ
ﻫﺸﺎﻡ،،ﺑﻌﺪﺝ ﺗﺨﺎﻓﻴﻦ ﻋﻠﻴﻪ ??
ﺳﻤﺮ،،ﺳﻜﺘﺖ ﻣﺎﺣﺠﻴﺖ ﻭﺣﺘﺊ ﻣﺎﺧﻠﻴﺖ ﻋﻴﻮﻧﻲ ﺑﻌﻴﻮﻧﻪ ﺧﺎﻳﻔﻪ ﺍﺿﻌﻒ ﻭﺍﺳﺎﻣﺤﻪ
ﺣﺴﻴﺘﻪ ﻣﺪ ﺍﻳﺪﺓ ﻭﺩﺍﺭ ﻭﺟﻬﻲ ﻋﻠﻲ
ﻫﺸﺎﻡ،،ﻟﻴﺶ ﺣﺘﺊ ﻧﻀﺮﺍﺗﺞ ﺗﺘﻬﺮﺏ ﻣﻨﻲ ﺍﻧﻲ ﻣﺘﺎﻛﺪ ﺗﺤﺒﻴﻨﻲ ﻣﺜﻞ ﻣﺎﺍﺣﺒﺞ ﺑﺲ ﺑﻌﺪ ﺍﻟﺴﻮﻳﺘﻪ ﺑﻴﺞ ﺗﺨﺎﻓﻴﻦ ﺗﺮﺟﻌﻴﻦ ﺭﺍﺡ ﺍﺗﺮﻛﺞ ﺑﺮﺍﺣﺘﺞ ﻭﺭﺍﺡ ﺍﻛﻮﻥ ﻣﻨﺘﻀﺮﺝ ﺷﻮﻛﺖ ﻣﻴﺤﻦ ﻛﻠﺒﺞ ﻋﻠﻴﻪ ﻭﻏﻴﺎﺑﺞ ﺭﺍﺡ ﺍﻋﺘﺒﺮﺓ ﻋﻘﻮﺑﻪ ﺍﻟﻲ ﻭﻫﺴﻪ ﻛﻮﻣﻲ ﺍﺭﺟﻌﺞ ﻟﻠﺒﻴﺖ ﻭﺭﺍﺝ ﺳﻔﺮ ﺍﻟﺼﺒﺢ
ﺳﻤﺮ،،ﻓﺘﺤﺖ ﻋﻴﻮﻧﻲ ﻣﺘﻔﺎﺟﺌﻪ ﻛﺘﻠﻪ ﺷﻤﺪﺭﻳﻚ
ﻫﺸﺎﻡ،،ﺣﺘﺊ ﺍﻟﻬﻮﺉ ﺍﻟﺘﺸﺘﻤﻲ ﺍﻟﻲ ﻋﻠﻢ ﺑﻲ ﻣﻦ ﻛﺘﻠﺞ ﺭﻭﺣﻲ ﻳﻤﺞ ﻣﺎﺻﺪﻛﺘﻲ ﺍﻧﻲ ﺑﺪﻭﻧﺞ ﺟﺴﺪ ﻓﻘﻂ ﻻ ﺍﻛﺜﺮ ﻭﻻ ﺍﻗﻞ
ﺍﻃﻠﺐ ﻣﻨﺞ ﻃﻠﺐ ﺳﻤﺮ
ﺳﻤﺮ،،ﻫﻤﺴﺖ ﺷﻨﻮ ﻫﻮ ?
ﻫﺸﺎﻡ، ،ﺿﻤﻴﻨﻲ ﺍﻟﺼﺪﺭﺝ ﺍﺧﺮ ﻣﺮﺓ ﺑﺲ ﺧﻞ ﺍﺭﺗﺎﺡ ﺷﻮﻳﻪ ﺧﻠﻴﻨﻲ ﺍﺷﻢ ﻣﻨﺞ ﻋﻄﺮ ﺗﺮﺱ ﺭﻳﺘﻲ
ﺳﻤﺮ، ،ﻗﺒﻞ ﻣﺎﺍﺣﺠﻲ ﺷﻲ ﻟﻮ ﺍﻣﻨﻌﻪ ﺩﻓﻦ ﻭﺟﻬﺎ ﺑﺮﻛﺒﺘﻲ ﻭﺻﺎﺭ ﻳﺴﺤﺐ ﻧﻔﺲ ﻃﻮﻳﻞ ﻣﺜﻞ ﺍﻟﻤﻴﺖ ﻭﺭﺩﺗﻠﻪ ﺍﻟﺮﻭﺡ ﻭﺻﺎﺭ ﻳﻬﻤﺲ ﺑﻜﻠﻤﻪ ﻟﺘﻌﻮﻓﻴﻨﻲ ﺍﺣﺒﺞ ﻭﺍﻟﻠﻪ
ﺩﻗﺎﻳﻖ ﻭﺍﺣﻨﻪ ﻋﻠﺊ ﻫﺬﺍ ﺍﻟﻮﺿﻊ ﺑﻌﺪﺕ ﻋﻨﻪ ﻣﻦ ﺣﺴﻴﺘﻪ ﺑﺪﺓ ﻳﻬﺪﺉ ﻛﺘﻠﻪ ﻫﺸﺎﻡ ﺭﺟﻌﻨﻲ ﺍﻛﻴﺪ ﺑﻴﺖ ﺧﺎﻟﻲ ﺑﺎﻟﻬﻢ ﻳﻤﻲ
ﻫﺸﺎﻡ،،ﻟﺘﺨﺎﻓﻴﻦ ﺍﻧﺘﻲ ﻭﻳﺎﻱ ﻭﻫﻤﻪ ﻳﺪﺭﻭﻥ ﻋﻠﻴﺶ ﺧﺎﻳﻔﻪ ﺑﻨﻴﺘﻲ
ﺳﻤﺮ،،ﺻﻌﺪﻧﻪ ﺑﺎﻟﺴﻴﺎﺭﺓ ﻭﺭﺟﻌﻨﻪ ﻟﻠﺒﻴﺖ ﻭﻃﻮﻝ ﺍﻟﻄﺮﻳﻖ ﺍﺣﻨﻪ ﺳﺎﻛﺘﻴﻦ ﻣﺎﺣﺠﻴﻨﻪ ﻭﻻ ﺣﺮﻑ ﻭﻫﺸﺎﻡ ﻳﺠﺮ ﺣﺴﺮﺍﺕ ﺍﺣﺴﻬﺎ ﺗﻄﻠﻊ ﻣﻦ ﻛﻠﺒﻪ
ﻭﺻﻠﻨﻪ ﻟﻠﺒﻴﺖ ﻧﺰﻟﺖ ﻣﻦ ﺍﻟﺴﻴﺎﺭﺓ ﻓﺘﺤﺖ ﺍﻟﺒﺎﺏ ﻭﺩﺭﺕ ﻭﺟﻬﻲ ﻋﻠﻲ ﺑﺎﻭﻋﻠﻲ ﺑﻨﻀﺮﺓ ﻣﻠﻴﺎﻧﻪ ﺗﻌﺐ ﻭﻗﻬﺮ ﻏﻤﺾ ﻋﻴﻮﻧﻪ ﻭﻓﺘﺤﻬﻢ ﺩﺍﺭ ﻭﺟﻬﺎ ﻭﺭﺍﺡ
ﺩﺧﻠﺖ ﻟﻠﺒﻴﺖ ﻭﺟﺎﻥ ﺧﺎﻟﺘﻲ ﻭﺯﻭﺟﺘﻪ ﻳﻨﺘﻀﺮﻭﻧﻲ
ﺧﺎﻟﻲ ﺻﺎﺣﻠﻲ ﻭﻛﺎﻝ ﺗﻌﺎﻟﻲ ﺍﻛﻌﺪﻱ ﻳﻤﻲ ﻋﻨﺪﻱ ﺣﺠﻲ ﻭﻳﺎﺝ
ﻣﺤﻤﺪ،،ﺷﻮﻓﻲ ﺧﺎﻟﻲ ﻣﻦ ﺍﺟﻴﺘﻲ ﻟﺤﺪ ﺍﻻﻥ ﻣﺎﺳﺎﻟﺘﺞ ﻋﻦ ﺣﻴﺎﺗﺞ ﺍﻧﺘﻲ ﻭﻫﺸﺎﻡ ﻭﻻ ﺍﺩﺧﻠﺖ ﺑﻴﻨﻜﻢ ﻻﻥ ﺷﻔﺖ ﻧﻔﺴﻲ ﻣﻴﺼﻴﺮ ﺍﺩﺧﻞ ﺑﻴﻦ ﺭﺟﺎﻝ ﻭﻣﺮﺗﻪ ﺧﻠﻴﺘﺞ ﻋﻠﺊ ﺭﺍﺣﺘﺞ ﺑﺲ ﻳﺸﻬﺪ ﺍﻟﻠﻪ ﺍﻧﺘﻲ ﻣﻮ ﺑﺲ ﺑﻨﺖ ﺍﺧﺘﻲ ﺍﻧﺘﻲ ﺑﻨﻴﺘﻲ ﻫﻢ ﻭﺍﺭﻳﺪ ﻣﺼﻠﺤﺘﺞ ﺭﺟﻠﺞ ﻳﺤﺒﺞ ﻭﻫﻮ ﺣﺠﺎﻟﻲ ﻋﻦ ﻛﻠﺸﻲ ﻟﺬﺍﻟﻚ ﻣﺎﺳﺎﻟﺘﺞ ﺻﺢ ﺍﻟﺴﻮﺍﻩ ﻣﻮ ﻗﻠﻴﻞ ﺑﺲ ﻫﻮ ﺍﺟﺎﺝ ﻧﺎﺩﻡ ﻋﻠﺊ ﻓﻌﻠﺘﻪ ﻭﺍﻋﺘﺮﻑ ﺑﻐﻠﻄﻪ ﻭﻣﻨﻮ ﺑﻴﻨﻪ ﻣﺎﻋﻨﺪﺓ ﺍﻏﻼﻁ ﺍﻟﺒﺸﺮ ﻣﺎﻣﻌﺼﻮﻡ ﺑﻨﻴﺘﻲ ﺍﻧﺘﻲ ﻭﺯﻭﺟﺞ ﻋﺮﻑ ﻏﻠﻄﻪ ﻭﺣﺎﻭﻝ ﻭﻳﺎﺝ ﺑﻜﻞ ﺍﻟﻄﺮﻕ ﺣﺘﺊ ﻳﺮﺟﻌﺞ ﻣﺎ ﺍﻥ ﺍﻻﻭﺍﻥ ﺗﺴﺎﻣﺤﻲ ﻭﺗﻨﻄﻴﻦ ﺣﺒﻜﻢ ﻭﺯﻭﺍﺟﻜﻢ ﻓﺮﺻﻪ ﺛﺎﻧﻴﻪ ??
ﺳﻤﺮ،،ﻧﺰﻟﺖ ﺩﻣﻌﻪ ﻣﻨﻲ ﻭﻛﺘﻠﻪ ﺧﺎﻟﻮ ﺷﻮﻛﺖ ﻣﺎﺍﺷﻮﻑ ﻧﻔﺴﻲ ﻣﺴﺘﻌﺪﺓ ﻭﻧﺎﺳﻴﻪ ﺍﻟﺼﺎﺭ ﺳﺎﻋﺘﻬﺎ ﻳﻤﻜﻦ ﺍﻓﻜﺮ ﺍﺭﺟﻌﻠﻪ ﺑﺲ ﺣﺎﻟﻴﺎ ﻣﺴﺘﺤﻴﻞ ﻛﻞ ﺷﻮﻓﻪ ﻣﻨﻪ ﺗﺬﻛﺮﻧﻲ ﺑﺎﻟﺴﻮﺍﻩ ﺑﻴﻪ ﻭﻛﺮﻫﻲ ﺍﻟﻪ ﻳﺰﻳﺪ ﻣﺎﻳﻨﻘﺺ
ﻣﺤﻤﺪ،،ﻫﺬﺍ ﻫﻮ ﺧﺎﻟﻲ ﺑﺮﺍﺣﺘﺞ ﻣﺎﺍﺿﻐﻂ ﻋﻠﻴﺞ ﻭﺍﻟﻘﺮﺍﺭ ﺭﺍﺟﻊ ﺍﻟﺞ ﻭﺣﺪﺝ ﻭﻫﺬﺍ ﺑﻴﺘﺞ ﻭﺍﺣﻨﻪ ﺧﻄﺎﺭ ﻳﻤﺞ ﻟﺘﺸﻴﻠﻴﻦ ﻫﻢ ﺷﻲ ﻭﻫﺴﻪ ﻛﻮﻣﻲ ﺗﻌﺸﻲ ﻭﺣﻀﺮﻱ ﻧﻔﺴﺞ ﻭﺭﺍﻧﻪ ﻃﺮﻳﻖ
ﺳﻤﺮ،،ﻛﻤﺖ ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﺍﺣﺲ ﻧﻔﺴﻲ ﺑﺪﻭﻥ ﺭﻭﺡ ﺗﺎﻳﻬﺎ ﻣﺎﺍﻋﺮﻑ ﺷﺮﻳﺪ ﻛﻤﻠﺖ ﻭﻃﻠﻌﺖ ﺣﺘﺊ ﻣﺎﻟﻲ ﻧﻔﺲ ﺍﻛﻞ ﺷﻲ ﺿﻠﻴﺖ ﺍﺗﮕﻠﺐ ﺑﻔﺮﺍﺷﻲ ﻣﺎﺣﺴﻴﺖ ﺷﻮﻛﺖ ﻧﻤﺖ ﻭﻛﻌﺪﺕ ﻋﻠﺊ ﺻﻮﺕ ﻣﺮﺕ ﺧﺎﻟﻲ ﺗﻜﻌﺪﻧﻲ ﺍﻟﻔﺠﺮ ﺍﺣﻀﺮ ﻧﻔﺴﻲ ﻛﻌﺪﺕ ﺑﺴﺮﻋﻪ ﻭﻫﻢ ﺩﺧﻠﺖ ﻟﻠﺤﻤﺎﻡ ﺍﺧﺬﺕ ﺩﻭﺵ ﻉ ﺍﻟﺴﺮﻳﻊ ﻃﻠﻌﺖ ﺑﺪﻟﺖ ﻭﺟﻬﺰﺕ ﻧﻔﺴﻲ ﻭﻧﺰﻟﺖ ﻳﻤﻬﻢ ﻟﻜﻴﺘﻬﻢ ﻛﻠﻬﻢ ﻣﺘﺤﻀﺮﻳﻦ ﻭﻣﻨﺘﻀﺮﻳﻨﻲ ﺧﺎﻟﻲ ﻛﺎﻝ ﺍﻛﻠﻲ ﺷﻲ ﻗﺒﻞ ﻣﻨﺮﻭﺡ ﻛﺘﻠﻪ ﻣﺎﺭﻳﺪ ﻣﺎﻟﻲ ﻧﻔﺲ
ﺍﻡ ﻣﺼﻄﻔﺊ، ،ﺍﻧﺘﻲ ﻣﺎﺗﻌﺸﻴﺘﻲ ﻳﺎﺍﻣﻲ ﺍﻛﻠﻲ ﻟﻔﻪ ﻟﺘﺘﺨﺮﺑﻄﻴﻦ ﺑﺎﻟﻄﺮﻳﻖ
ﺳﻤﺮ، ،ﺳﻮﺗﻠﻲ ﻟﻔﻪ ﺑﺴﺮﻋﻪ ﻭﺻﺒﺘﻠﻲ ﺟﺎﻱ ﻛﺎﻟﺖ ﻛﻠﻬﺎ ﺍﺭﻳﺪ ﺗﺎﻛﻠﻴﻬﺎ ﺗﺮﺓ ﺍﺯﻋﻞ ﻋﻠﻴﺞ
ﻛﻠﺘﻬﺎ ﻭﺷﺮﺑﺖ ﺟﺎﻳﻲ ﻛﻤﻠﻨﻪ ﻭﻃﻠﻌﻨﻪ ﻭﺻﻠﻨﻪ ﻟﻠﻤﻄﺎﺭ ﻻﻥ ﺧﺎﻟﻲ ﺣﺠﺰ ﻃﻴﺮﺍﻥ ﻻﺭﺑﻴﻞ
ﻭﺻﻠﻨﻪ ﻭﻛﺎﻥ ﺧﺎﻟﻲ ﻋﻨﺪﺓ ﺑﻴﺖ ﺻﺪﻳﻘﻪ ﻣﺤﻠﻔﻪ ﺍﺫﺍ ﺍﺟﻪ ﻻﺭﺑﻴﻞ ﻧﻀﻞ ﻳﻤﻪ ﺑﺲ ﻫﻮ ﻭﺯﻭﺟﺘﻪ
ﺍﺗﻠﻜﻮﻧﻪ ﺑﺮﺣﺎﺑﻪ ﺻﺪﺭ ﻭﺻﺪﻳﻖ ﺧﺎﻟﻲ ﻣﺎﻣﺼﺪﻙ ﺧﺎﻟﻲ ﻗﺒﻞ ﺩﻋﻮﺗﻪ ﻭﻣﺎﺍﺟﺮ ﻓﻨﺪﻕ ﺑﻬﺬﺍ ﺍﻟﻴﻮﻡ ﻣﺎﻛﺪﺭﻧﻪ ﻧﻄﻠﻊ ﻻﻥ ﺗﻌﺒﺎﻧﻴﻦ ﺍﻟﻨﺎﺱ ﺍﺣﺘﺎﺭﻭ ﺷﻴﺴﻮﻭﻥ ﻭﺷﻴﺤﻄﻮﻥ ﻉ ﺍﻻﻛﻞ ﻭﺧﺎﻟﻲ ﺧﺠﻼﻥ ﻣﻦ ﺻﺪﻳﻘﻪ ﺍﻳﻜﻠﻪ ﻛﻠﻔﺖ ﻧﻔﺴﻚ ﻟﻮ ﺍﺩﺭﻱ ﻫﻴﺞ ﺍﺧﺴﺮﻙ ﻭﺍﺗﻌﺒﻜﻢ ﺟﺎﻥ ﻣﺎﺍﺟﻴﺖ
ﻭﺻﺪﻳﻘﻪ ﻳﻜﻠﻪ ﻫﻮ ﺍﻧﻲ ﻟﺴﻪ ﻣﺎﻣﺼﺪﻙ ﺍﻧﺘﻪ ﻳﻤﻲ ﻭﺍﻟﻠﻪ ﻓﺮﺣﺎﻥ ﺑﻴﻚ ﻭﺿﻠﻮ ﻳﺤﺠﻮﻥ ﺑﺎﻳﺎﻡ ﺍﻟﻜﻠﻴﻪ ﺍﻟﻀﺎﻫﺮ ﻋﻼﻗﺘﻬﻢ ﻗﺪﻳﻤﻪ ﻛﻠﺶ
ﺛﺎﻧﻲ ﻳﻮﻡ ﺧﺎﻟﻲ ﻃﻠﻌﻨﻪ ﺑﺲ ﺍﻧﻲ ﺑﺪﻭﻥ ﺭﻭﺡ ﺍﻣﺸﻲ ﻋﻘﻠﻲ ﺭﺍﺡ ﻳﻨﻔﺠﺮ ﻣﻦ ﺍﻟﺘﻔﻜﻴﺮ ﺿﻠﻴﻨﻪ ﻋﺸﺮ ﺍﻳﺎﻡ ﻳﻮﻣﻴﻪ ﺻﺪﻳﻖ ﺧﺎﻟﻲ ﻳﺎﺧﺬﻧﻪ ﻣﻜﺎﻥ ﺷﻜﻞ ﻭﺯﻭﺟﺘﻪ ﻭﻳﺎﻧﻪ ﻛﻠﻨﻪ ﻧﺮﻭﺡ ﺳﻮﻩ ﺧﺎﻟﻲ ﺣﺲ ﻋﻠﻴﻪ ﻣﺎﻟﻲ ﺧﻠﮓ ﻭﺣﺘﺊ ﻣﺒﻴﻦ ﻋﻠﺊ ﻭﺟﻬﻲ ﻣﻮ ﻭﻳﺎﻫﻢ ﻣﺠﺮﺩ ﺟﺴﺪ ﺍﻣﺸﻲ ﺍﺣﺲ ﺍﻟﺘﻔﻜﻴﺮ ﻧﺨﺮ ﺭﺍﺳﻲ ﻧﺨﺮ
ﺟﻨﺖ ﺍﺣﺴﺐ ﺷﻮﻛﺖ ﻧﺮﺟﻊ ﺍﻟﺒﻐﺪﺍﺩ ﻭﺷﻮﻛﺖ ﺗﺨﻠﺺ ﻫﺎﻱ ﺍﻻﺟﺎﺯﺓ ﻣﺎﺻﺪﻛﺖ ﺧﺎﻟﻲ ﻛﺎﻝ ﺑﺎﺟﺮ ﻧﺮﺟﻊ ﺟﺮﻳﺖ ﻧﻔﺲ ﺑﺮﺍﺣﻪ ﻣﺎﺻﺪﻛﺖ ﺷﻴﺠﻴﺐ ﺍﻟﺼﺒﺢ ﻭﺍﺭﺟﻊ
ﺛﺎﻧﻲ ﻳﻮﻡ ﺍﺗﺤﻀﺮﻧﻪ ﻟﻠﺮﺟﻌﻪ ﻭﺧﺎﻟﻲ ﺍﺗﺸﻜﺮ ﻣﻦ ﺻﺎﺣﺒﻪ ﻭﻛﻠﻪ ﺍﻧﻲ ﻭﻓﻴﺖ ﺑﻮﻋﺪﻱ ﻭﺍﺟﻴﺖ ﺿﻠﻴﺖ ﺍﻧﺘﻪ ﻻﺯﻡ ﺗﻮﻓﻲ ﺑﻮﻋﺪﻙ ﻭﺗﺸﺮﻓﻨﻲ ﺍﺑﻴﺘﻲ ﺍﻧﺘﻪ ﻭﺯﻭﺟﺘﻚ ﻭﺗﻌﺒﻨﺎﻙ ﻭﻳﺎﻧﻪ
ﻛﻤﻞ ﺧﺎﻟﻮ ﻣﺤﻤﺪ ﻛﻼﻡ ﻫﻮ ﻭﺻﺎﺣﺒﻪ ﻭﺗﻮﺟﻬﻨﻪ ﻟﻠﻤﻄﺎﺭ ﻭﺭﺟﻌﻨﻪ ﺍﻟﺒﻴﺘﻨﻪ ﺍﻭﻭﻭﻭﻑ ﻣﺎﺻﺪﻛﺖ ﺷﻤﺮﺕ ﺭﻭﺣﻲ ﻋﻠﺊ ﻓﺮﺍﺷﻲ ﺑﻤﻼﺑﺴﻲ ﺗﻮﻧﻲ ﺍﺗﻨﻔﺴﺖ ﺍﺣﺲ ﻧﻔﺴﻲ ﻛﻨﺖ ﻣﺨﺘﻨﻜﻪ ﻋﺸﺮ ﺍﻳﺎﻡ ﻣﺎﺣﺴﻴﺖ ﺑﻴﻬﻦ ﺷﻮﻛﺖ ﺧﻠﺼﻦ ﻭﻻ ﺍﺫﻛﺮ ﺷﻲ ﻣﻨﻬﻦ ﺗﻔﻜﻴﺮﻱ ﻣﻮ ﻳﻤﻲ
ﻏﻤﻀﺖ ﻋﻴﻮﻧﻲ ﻣﻦ ﺍﻟﺘﻌﺐ ﻣﺎﺣﺴﻴﺖ ﻋﻠﺊ ﻧﻔﺴﻲ ﺷﻔﺖ ﻫﺸﺎﻡ ﻣﺮ ﻣﺜﻞ ﺍﻟﺤﻠﻢ ﻭﺟﻬﺎ ﻣﺘﻐﻴﺮ ﻭﺗﻌﺒﺎﻥ ﻟﺰﻡ ﺍﻳﺪﻱ ﺑﻜﻞ ﻗﻮﺗﻪ ﻓﺰﻳﺖ ﻣﻦ ﻣﻜﺎﻧﻲ ﻣﻔﺰﻭﻋﻪ ﺍﺗﻠﻔﺖ ﻣﻨﺎ ﻭﻣﻨﺎ ﻭﺍﺑﺎﻭﻉ ﻟﻴﺪﻱ ﺍﺣﺴﻬﺎ ﺑﻌﺪﻫﺎ ﺣﺎﺭﺓ ﻣﻦ ﺩﻓﻮ ﺍﻳﺪﺓ ﻭﻻﻋﺒﺎﻟﻚ ﺣﻠﻢ
ﻣﺮﺕ ﺍﻻﻳﺎﻡ ﻭﺍﻻﺷﻬﺮ ﻭﺍﻧﻲ ﺫﺑﻴﺖ ﺣﻴﻠﻲ ﻛﻠﻪ ﻉ ﺍﻟﺪﺭﺍﺳﻪ
ﺻﺮﺕ ﺣﺘﺊ ﻗﻠﻴﻞ ﺍﻃﻠﻊ ﻳﻢ ﺑﻴﺖ ﺧﺎﻟﻮ ﻣﺤﻤﺪ ﻭﻣﺮﺗﻪ ﻣﺎﻗﺼﺮﺕ ﺣﺘﺊ ﺍﻻﻛﻞ ﺗﺠﻴﺒﻪ ﺍﻟﻐﺮﻓﺘﻲ ﻻﺯﻣﻪ ﻛﺘﺎﺑﻲ ﻭﺍﻗﺮﺓ ﺍﻧﺘﺒﻬﺖ ﻋﻠﺊ ﻣﻮﺑﺎﻳﻠﻲ ﺑﻲ ﺿﻮﺓ ﺍﻧﻲ ﻣﺨﻠﻴﺘﻪ ﺻﺎﻣﺖ ﺭﻓﻌﺘﻪ ﺷﻔﺖ ﺭﻗﻢ ﻏﺮﻳﺐ ﺍﻧﻲ ﺑﺎﻟﻌﺎﺩﺓ ﻣﺎﺍﺟﺎﻭﺏ ﺍﻱ ﺭﻗﻢ ﻣﺎﺍﻋﺮﻓﻪ ﺷﻮﻳﻪ ﻭﺍﺟﺖ ﺭﺳﺎﻟﻪ
( ﺑﻨﺖ ﻋﻤﻲ ﺍﻧﻲ ﻣﺮﺍﻡ ﻟﻮ ﺍﻧﻲ ﺍﻟﺜﺎﻧﻴﻪ ﻫﻢ ﻧﺴﻴﺘﻴﻨﻲ )
ﻛﻤﺰ ﻛﻠﺒﻲ ﻣﻦ ﺍﻟﻔﺮﺡ ﻣﺸﺘﺎﻗﺘﻠﻬﺎ ﺑﻜﺪ ﺭﺣﻤﺖ ﺍﻟﻠﻪ ﻭﺍﻭﻝ ﻣﺎﺭﺟﻌﺖ ﺍﺗﺼﻠﺖ ﻓﺘﺤﺖ ﺧﻂ ﻭﺍﻟﻌﺒﺮﺓ ﺧﺎﻧﻜﺘﻨﻲ
ﻛﺘﻠﻬﺎ ﺑﺬﺍﺗﻪ ﺗﻮﺝ ﺫﻛﺮﺗﻴﻨﻲ
ﻭﻫﻲ ﻫﻢ ﺑﺠﺖ ﻭﻛﺎﻟﺖ ﺟﻨﺖ ﻣﻠﺘﻬﻴﻪ ﺑﺤﻤﻠﻲ ﻭﺗﻨﺴﺎﺗﻲ ﺻﻌﺒﻪ ﻉ ﺍﻟﻤﻐﺬﻱ ﺣﺴﻴﺘﻬﺎ ﺍﻧﺘﺒﻬﺖ ﻋﻠﺊ ﻧﻔﺴﻬﺎ ﺳﻜﺘﺖ ﻭﺭﺟﻌﺖ ﻛﻤﻠﺖ ﻏﻴﺮﺕ ﺍﻟﻤﻮﺿﻮﻉ ﻭﻫﻲ ﺗﺴﺎﻟﻨﻲ ﻋﻦ ﺻﺤﺘﻲ ﻭﺍﺣﻮﺍﻟﻲ
ﻭﺍﻧﻲ ﺍﺟﺎﻭﺑﻬﺎ ﺑﺨﻴﺮ ﻭﻫﻢ ﻣﻠﺘﻬﻴﻪ ﺑﺪﺭﺍﺳﺘﻲ ﺷﺠﻌﺘﻨﻲ ﻟﻠﻔﻜﺮﺓ ﻭﻛﺎﻟﺖ ﺯﻳﻦ ﻣﺎﺳﻮﻳﺘﻲ
ﻭﺭﺓ ﺷﻮﻳﻪ ﻓﺘﺤﺖ ﻣﻮﺿﻮﻉ ﻫﺸﺎﻡ ﻭﺻﺎﺭﺕ ﺗﺤﺠﻴﻠﻲ ﻋﻦ ﺣﺎﻟﺘﻪ ﻭﺗﻌﺒﻪ ﺑﻐﻴﺎﺑﻲ ﻭﻃﻠﺒﺖ ﻣﻨﻲ ﺍﺭﺟﻊ ﺍﻟﺨﺎﻃﺮ ﻋﻤﺘﻲ ﻭﻛﺎﻟﺖ ﻣﺘﺪﺭﻳﻦ ﻫﺸﺎﻡ ﺷﻨﻮ ﺳﻮﺓ ﺑﺸﻬﺪ ﻣﻦ ﺷﺎﻓﻬﺎ ﺍﺑﻴﺘﻨﻪ ﺟﺎﻳﻪ ﻭﻳﻪ ﺍﻣﻬﺎ ﺑﻜﻞ ﻋﻴﻦ ﺻﻠﻔﻪ ﺣﺘﺊ ﻣﺎﺍﺳﺘﺤﺊ ﻣﻦ ﻣﺮﺕ ﺧﺎﻟﻲ ﻣﻦ ﻃﺮﺩ ﺷﻬﺪ ﻣﻦ ﺍﻟﺒﻴﺖ ﻭﻛﺎﻟﻬﺎ
ﻫﺸﺎﻡ،،ﺍﺍﺍﻧﻨﺘﻲ ﺑﻴﺎﻋﻴﻦ ﺟﺎﻳﻪ ﻭﺩﺍﺧﻠﻪ ﺑﻴﺘﻲ ﺑﻌﺪ ﻣﺎﺩﻣﺮﺗﻲ ﺯﻭﺍﺟﻲ ﻭﺯﺭﻋﺘﻲ ﺍﻟﺸﻚ ﺑﺪﺍﺧﻠﻲ ﺑﺴﺒﺐ ﺣﻘﺎﺭﺗﺞ ﻭﺧﺒﺎﺛﺘﺞ ﺧﻠﻴﺘﻴﻨﻲ ﺍﺧﺴﺮ ﺍﺑﻨﻲ ﻭﻣﺮﺗﻲ ﻻﻥ ﺟﻨﺖ ﺍﻋﻤﺊ ﻭﺻﺪﻛﺖ ﺑﻮﺣﺪﺓ ﺣﻴﻪ ﻣﺴﻤﻮﻣﻪ ﻣﺜﻠﺞ ﺍﺫﺍ ﻋﻨﺪﺝ ﺫﺭﺓ ﻛﺮﺍﻣﻪ ﻟﺘﺠﻴﻦ ﻟﻬﻨﺎ ﻭﺩﺧﻠﻴﻦ ﺑﻴﺘﻲ ﻭﻫﺎﻱ ﻛﺪﺍﻡ ﺍﻣﺞ ﻣﺮﺓ ﺍﻟﺜﺎﻧﻴﻪ ﺍﺫﺍ ﺷﻔﺘﺞ ﻫﻨﺎ ﺍﺷﻤﺮﺝ ﺑﺎﻟﺸﺎﺭﻉ ﻭﻛﻮﻟﻲ ﻛﺎﻟﻬﺎ ﻫﺸﺎﻡ
ﻣﺮﺍﻡ،،ﻣﺮﺕ ﺧﺎﻟﻲ ﺯﻋﻠﺖ ﻭﺍﺧﺬﺕ ﺑﺘﻬﺎ ﻭﺭﺍﺣﺖ ﻭﻫﺸﺎﻡ ﺑﻜﻞ ﺻﻮﺗﻪ ﻳﺼﻴﺢ ﺩﺭﺏ ﺍﻟﺼﺪ ﻻﺭﺩ ﻓﻮﻙ ﺷﻴﻨﻪ ﻛﻮﺍﺕ ﻋﻴﻨﻪ ﺟﺎﻳﻪ ﺑﻜﻞ ﻋﻴﻦ ﺻﻠﻔﻪ ﺩﺍﻳﺴﻪ ﺑﺴﺎﻃﻲ ﻭﻫﻲ ﺍﻟﺴﺒﺐ ﺑﻜﻠﺸﻲ ﻭﺍﻧﻲ ﺍﻟﻐﺒﻲ ﺻﺪﻛﺘﻬﺎ
ﺳﻤﺮ،،ﻛﻼﻣﻬﺎ ﻣﺎﻏﻴﺮ ﺍﻱ ﺷﻲ ﺑﺪﺍﺧﻠﻲ ﻻﻥ ﺍﻟﺼﺎﺭ ﺻﺎﺭ ﺑﻌﺪ ﻭﻣﺴﺘﺤﻴﻞ ﻳﺮﺟﻊ ﺷﻲ ﻧﻔﺲ ﻣﺎﻛﺎﻥ
ﺷﻜﺪ ﺣﺎﻭﻟﺖ ﺗﻘﻨﻌﻨﻲ ﺑﺲ ﻛﻨﺖ ﺍﺭﻓﺾ ﻭﻣﺼﺮﺓ ﻋﻠﺊ ﻓﻜﺮﺕ ﺍﻻﻧﻔﺼﺎﻝ
ﻧﻬﻴﻨﻪ ﺍﻻﺗﺼﺎﻝ ﻋﻔﺖ ﻛﺘﺎﺑﻲ ﻭﺻﺮﺕ ﺍﺫﻛﺮ ﺍﻳﺎﻣﻨﻪ ﺳﻮﺓ ﻣﻦ ﻛﻨﺖ ﺍﺗﻤﺮﺽ ﻣﻴﻨﺎﻡ ﻟﻠﺼﺒﺢ ﻳﻀﻞ ﻳﻢ ﺭﺍﺳﻲ ﺭﻏﻢ ﻋﻨﺪﺓ ﺩﻭﺍﻡ ﻭﻃﺮﻳﻖ ﻃﻮﻳﻞ ﺑﺲ ﻣﻴﻌﻮﻓﻨﻲ ﺍﺑﺪ ﻭﻳﻀﻞ ﻛﻞ ﺷﻮﻳﻪ ﻳﺘﺼﻞ ﻳﻄﻤﻦ ﺍﺫﻛﺮ ﺿﺤﻜﻪ ﻭﺳﻮﺍﻟﻔﻪ ﻭﺣﻨﻴﺘﻪ ﻭﺍﻣﺎﻧﻪ ﺿﻠﻴﺖ ﺻﺎﻓﻨﻪ ﻋﻠﺊ ﻧﻔﺴﻲ ﻟﻴﺶ ﺻﺮﺕ ﺍﺫﻛﺮ ﺍﻻﺷﻴﺎﺀ ﺍﻟﺤﻠﻮﺓ ﺍﻟﺼﺎﺭﺕ ﺑﻴﻨﻪ ﻣﻌﻘﻮﻟﻪ ﻛﻠﺒﻲ ﺣﻦ ﺍﻟﻪ ﺑﻌﺪ ﺍﻟﺴﻮﺍﻩ ﺑﺬﻳﺞ ﺍﻟﻔﺘﺮﺓ ﺟﻨﺖ ﺍﺫﻛﺮ ﺑﺲ ﺍﻟﻀﺮﺏ ﻭﺍﻻﻫﺎﻧﻪ ﻻﻥ ﻏﻀﺒﻲ ﻭﻛﺮﻫﻲ ﺍﻟﻪ ﺟﺎﻥ ﻃﺎﻏﻲ ﻋﻠﺊ ﻛﻠﺸﻲ ﺧﻼﻧﻲ ﻋﻤﻴﻪ ﻋﻦ ﻛﻠﺸﻲ ﺣﻠﻮ ﺻﺎﺭ ﻳﺒﻴﻨﻪ ﻧﻔﻀﺖ ﺭﺍﺳﻲ ﻣﻦ ﺍﻻﻓﻜﺎﺭ ﺍﻟﻬﺠﻤﺖ ﻋﻠﻴﻪ ﻣﺮﺓ ﻭﺣﺪﺓ ﺑﺎﻭﻋﺖ ﻋﻠﺊ ﻛﺘﺒﻲ ﺷﻠﺘﻪ ﻭﺭﺟﻌﺘﻪ ﺑﻤﻜﺎﻧﻪ ﺍﺣﺲ ﻋﻘﻠﻲ ﻣﺎﻋﺎﺩ ﻳﺴﺘﻮﻋﺐ ﺷﻲ ﺑﻌﺪ
ﺻﺎﺭ ﻓﺘﺮﺕ ﺍﻻﻣﺘﺤﺎﻧﺎﺕ ﻭﺻﺮﺕ ﻻﺯﻣﻪ ﻛﻠﺒﻲ ﺑﺜﻨﻴﻦ ﺍﺩﻳﻪ ﺍﺧﺎﻑ ﺍﺭﺳﺐ ﻭﻳﺮﻭﺡ ﻛﻞ ﺗﻌﺒﻲ ﺳﺎﺭﺓ ﻭﺧﺎﻟﻲ ﻭﺯﻭﺟﺘﻪ ﻳﺸﺠﻌﻮﻧﻲ ﻭﻣﺎﺗﺮﻛﻮﻧﻲ ﺍﺑﺪ ﻣﺎﺻﺪﻛﺖ ﺷﻮﻛﺖ ﺗﺨﻠﺺ ﺍﻻﻣﺘﺤﺎﻧﺎﺕ ﻭﺑﻌﺪ ﻓﺘﺮﺓ ﺍﺳﺘﻠﻤﺖ ﺍﻟﻨﺘﻴﺠﻪ ﻭﺍﻧﺼﺪﻣﺖ ﻣﻦ ﺷﻔﺖ ﻣﻌﺪﻟﻲ 71 ﻣﺎﺻﺪﻛﺖ ﺍﺟﻴﺐ ﻫﻴﺞ ﻣﻌﺪﻝ ﺭﻏﻢ ﺿﺮﻭﻓﻲ ﺑﻬﺎﻱ ﺍﻟﻔﺘﺮﺓ ﺍﺣﺲ ﻧﻔﺴﻲ ﻣﻦ ﺍﻟﻔﺮﺣﻪ ﺍﻟﺪﻧﻴﻪ ﻣﺎﺳﺎﻳﻌﺘﻨﻲ
ﺧﺎﻟﻲ ﻗﺪﻣﻠﻲ ﻋﻠﺊ ﻛﻠﻴﻪ ﺍﺩﺍﺭﺓ ﻭﺍﻗﺘﺼﺎﺩ ﻭﻗﺒﻞ ﺍﻟﺪﻭﺍﻡ ﺑﻜﻢ ﻳﻮﻡ ﺍﺧﺬﻧﻲ ﻟﻠﺴﻮﻙ ﺍﻧﻲ ﻭﺯﻭﺟﺘﻪ ﺍﻧﻲ ﻣﺠﻤﻌﻪ ﺍﻓﻠﻮﺳﻲ ﻳﻤﻪ ﻛﻞ ﺷﻬﺮ ﺑﺸﻬﺮﺓ ﻣﺎﺍﺻﺮﻑ ﺷﻲ ﻻﻥ ﻫﻤﻪ ﻣﺎﻣﻘﺼﺮﻳﻦ ﺑﺲ ﺭﻏﻢ ﻫﺬﺍ ﺍﻟﺸﻲ ﻣﺎﺣﺒﻴﺖ ﺍﺑﺬﺭ ﻭﺍﺻﺮﻑ ﺍﻟﻤﺒﻠﻎ ﺻﺮﺕ ﺍﺷﺘﺮﻱ ﻣﻼﺑﺲ ﺑﺴﻴﻄﻪ ﺭﻏﻢ ﺑﺴﺎﻃﺘﻬﺎ ﺑﺲ ﺣﻠﻮﺓ ﻭﻣﺮﺗﺒﻪ ﺻﺢ ﻣﻮ ﻏﺎﻟﻴﻪ ﺑﺲ ﻋﺠﺒﺘﻨﻲ ﻭﻟﻔﺘﺖ ﻧﻀﺮﻱ ﺯﻱ ﺍﻟﻜﻠﻴﻪ ﺍﻟﺮﺳﻤﻲ ﺟﻬﺰﺕ ﻧﻔﺴﻲ ﻣﻦ ﻛﻠﺸﻲ ﺍﻭﺍﺧﻴﺮﺍ ﺣﻘﻘﺖ ﺷﻲ ﺑﺴﻴﻂ ﻣﻦ ﺍﺣﻼﻣﻲ ﺍﻟﺤﻠﻤﺘﻬﻦ ﻭﻣﺎﺗﺤﻘﻘﻦ
ﺑﻌﺪ ﻛﻢ ﻳﻮﻡ ﺑﺪﺓ ﺍﻟﺪﻭﺍﻡ ﻭﺳﺎﺭﺓ ﺳﺠﻠﺘﻨﻲ ﺑﺨﻄﻬﺎ ﻟﺒﺴﺖ ﺍﻟﺰﻱ ﻭﺣﻀﺮﺕ ﺟﻨﻄﺘﻲ ﺍﺑﺎﻭﻉ ﻋﻠﺊ ﻧﻔﺴﻲ ﺑﺎﻟﻤﺮﺍﻳﻪ ﻭﻋﻠﺊ ﻟﻔﺖ ﺣﺠﺎﺑﻲ ﺧﺎﻑ ﺍﻛﻮ ﺷﻲ ﻏﻠﻂ ﺣﺴﻴﺖ ﺑﺎﻟﺮﺿﻪ ﺳﻤﻌﺖ ﺻﻮﺕ ﻫﻮﺭﻥ ﺳﻴﺎﺭﺓ ﺍﻟﺨﻂ ﺳﻤﻌﺖ ﻣﻮﺑﺎﻳﻠﻲ ﻳﺘﺼﻞ ﺷﻔﺖ ﺍﻟﺮﻗﻢ ﻭﻛﺎﻧﺖ ﺳﺎﺭﺓ ﺗﻌﻠﻦ ﻋﻦ ﻭﺻﻮﻟﻬﺎ ﻧﺰﻟﺖ ﺑﺴﺮﻋﻪ ﻣﺎﺗﺮﻳﻜﺖ ﻻﻥ ﻣﺎﻟﺤﻜﺖ
ﺳﺎﺭﺓ،،ﺍﻟﻠﻬﻢ ﺻﻞ ﻋﻠﺊ ﻣﺤﻤﺪ ﻟﺞ ﻫﺎﻱ ﺷﻄﺎﻟﻌﻪ ﻏﻴﺮ ﺗﺨﺒﻠﻴﻦ ﺷﻜﻠﺞ ﻋﻤﻴﺪﺓ ﻛﻠﻴﻪ ﻣﻮ ﻃﺎﻟﺒﻪ ﻣﺮﺣﻠﻪ ﺍﻭﻟﺊ ﻫﻬﻬﻬﻪ
ﺳﻤﺮ،،ﻋﺰﺍﺍﺍ ﺑﻄﻨﻲ ﻣﻐﺼﺘﻨﻲ ﻣﻦ ﻫﺴﻪ ﺧﺎﻳﻔﻪ
ﺳﺎﺭﺓ، ،ﻋﻠﺊ ﺷﻨﻮ ﺍﻟﺨﻮﻑ ﻳﻤﻌﻮﺩﺓ ﺻﺢ ﺑﺎﻟﺒﺪﺍﻳﻪ ﺗﺴﺘﻐﺮﺑﻴﻦ ﻻﻥ ﺭﺍﺡ ﺗﺸﻮﻓﻴﻦ ﺍﻟﻜﻠﻴﻪ ﻭﻋﺎﻟﻤﻬﺎ ﻭﺍﺟﻮﺍﺋﻬﺎ ﺑﺲ ﺑﻌﺪﻳﻦ ﺭﺍﺡ ﺗﺘﻌﻮﺩﻳﻦ ﺷﻮﻳﻪ ﺷﻮﻳﻪ ﻭﺗﻜﻮﻧﻴﻦ ﺻﺪﺍﻗﺎﺕ ﻭﺍﻧﻲ ﻫﻢ ﻳﻤﺞ ﻣﺎﺍﺗﺮﻛﺞ ﺍﺑﺪ
ﺻﺪﻙ ﻭﺻﻠﻨﻪ ﻭﻧﺰﻟﻨﻪ ﺩﺧﻠﻨﻪ ﻭﺍﺣﺲ ﺍﻻﻧﻀﺎﺭ ﻣﺘﻮﺟﻬﺎ ﻋﻠﻴﻪ ﻣﺪﺭﻱ ﻣﻦ ﺧﻮﻓﻲ ﻭﺍﺭﺗﺒﺎﻛﻲ ﺍﺣﺲ ﺍﻟﻄﻼﺏ ﺗﺒﺎﻭﻋﻠﻲ ﺍﺧﺬﺗﻨﻲ ﺳﺎﺭﺓ ﻭﺻﺮﺕ ﺍﺗﻌﺮﻑ ﻋﻠﺊ ﺑﻨﺎﺕ ﻗﺴﻤﻲ ﺳﺎﺭﺓ ﻣﺮﺣﻠﻪ ﺛﺎﻟﺜﻪ ﻫﻢ ﺍﺩﺍﺭﺓ ﻭﺍﻗﺘﺼﺎﺩ ﻣﺎﺗﺮﻛﺘﻨﻲ ﺍﺑﺪ ﻋﺮﻓﺘﻨﻲ ﻋﻠﺊ ﺻﺪﻳﻘﺘﻬﺎ ﺭﻳﻢ ﻭﻛﺎﻧﺖ ﺑﻨﺖ ﻛﻠﺶ ﺧﻠﻮﻗﻪ ﻭﺣﺒﺎﺑﻪ ﺻﺮﻧﻪ ﺍﺣﻨﻪ ﺍﻟﺜﻼﺛﻪ ﻧﻤﺸﻲ ﺳﻮﺓ ﻭﻧﻜﻌﺪ ﺳﻮﺓ ﺣﺘﺊ ﻣﻦ ﻧﺮﻭﺡ ﻟﻠﻜﺎﻓﺘﺮﻳﻪ ﻧﺘﻐﺪﺓ ﺳﻮﺓ ﺳﺎﺭﺓ ﻭﺭﻳﻢ ﻳﺤﺸﺸﻦ ﻭﺍﻧﻲ ﺍﺿﺤﻚ ﻋﻠﻴﻬﻦ ﻭﻫﻨﻪ ﻣﺴﻤﻴﺎﺕ ﻣﺠﻤﻮﻋﺘﻨﻪ ﺍﻟﺜﻼﺙ ﺍﻟﻤﺮﺡ ﻭﺳﺎﺭﺓ ﺗﮕﻞ ﺍﻟﺮﻳﻢ ﻭﻟﺞ ﻭﻳﻦ ﺍﻟﻤﺮﺡ ﻳﻢ ﺳﻤﺮ ﺷﻮ ﺑﺲ ﺫﺍﺑﺘﻬﺎ ﻉ ﺍﻟﺼﺎﻣﺖ ﻭﺗﻮﺯﻉ ﺍﺑﺘﺴﺎﻣﺎﺕ ﻭﻳﻦ ﺳﻤﺮ ﺍﻟﻘﺪﻳﻤﻪ ﺍﻟﻲ ﻛﺎﻧﺖ ﺑﺲ ﺗﻀﺤﻚ ﻭﺗﺤﺸﺶ
ﺻﺪﻙ ﺍﻧﻲ ﻣﻦ ﺗﺰﻭﺟﺖ ﻫﺸﺎﻡ ﺣﺴﻴﺖ ﻧﻔﺴﻲ ﻛﺒﺮﺕ ﺍﻛﺒﺮ ﻣﻦ ﻋﻤﺮﻱ ﻭﺧﺎﺻﺘﺎ ﺑﻌﺪ ﺍﻟﺼﺎﺭ ﺩﻣﺮ ﻧﻔﺴﻴﺘﻲ ﺩﻣﺎﺭ ﺷﺎﻣﻞ
ﻣﺮﺕ ﺍﻻﻳﺎﻡ ﻭﺻﺮﺕ ﺍﻫﺘﻢ ﺑﻠﺒﺴﻲ ﻭﺍﺳﺘﺎﻳﻠﻲ ﺍﻛﺜﺮ ﻭﺍﻛﺜﺮ ﻭﺻﺮﺕ ﺣﺪﻳﺚ ﺑﻨﺎﺕ ﺍﻟﻜﻠﻴﻪ ﻛﻠﻬﻦ ﻳﻜﻮﻟﻦ ﺍﻛﺜﺮ ﻃﺎﻟﺒﻪ ﺍﻧﻴﻘﻪ ﻫﻲ ﺳﻤﺮ ﻛﻨﺖ ﻣﺎﺍﺣﺠﻲ ﻭﻳﻪ ﺍﻱ ﺷﺎﺏ ﺣﺘﺊ ﻃﻼﺏ ﻗﺴﻤﻲ ﺍﺗﺠﻨﺒﻬﻢ ﻭﻣﺮﺍﺕ ﺍﺫﺍ ﻳﺴﺎﻟﻮﻧﻲ ﻋﻦ ﻣﺤﺎﺿﺮﺓ ﺍﺟﺎﻭﺏ ﻋﻠﺊ ﻛﺪ ﺍﻟﺴﺆﺍﻝ ﻓﻘﻂ
ﻛﺎﻥ ﺍﻛﻮ ﻃﺎﻟﺐ ﻭﻳﺎﻧﻪ ﺍﺳﻤﻪ ﻟﻴﺚ ﻣﺤﺒﻮﺏ ﺍﻟﺪﺭﺟﻪ ﻛﻞ ﺍﻟﻄﻼﺏ ﺗﺤﺐ ﺧﻔﺖ ﺩﻣﻪ ﻭﺍﺳﻠﻮﺑﻪ ﺷﻜﻠﻪ ﺣﻴﻞ ﻣﺮﺗﺐ ﺍﻧﻴﻖ ﺍﻻﺑﻌﺪ ﺍﻟﺤﺪﻭﺩ ﻛﺎﻥ ﺷﻜﻠﻪ ﺍﺳﻤﺮ ﻃﻮﻳﻞ ﻣﻼﻣﺤﻪ ﺣﺎﺩﺓ ﺍﻟﻴﺸﻮﻓﻪ ﻣﻦ ﺑﻌﻴﺪ ﻳﻜﻮﻝ ﺩﻣﻪ ﺛﻜﻴﻞ ﺑﺲ ﻣﻦ ﺍﺷﻮﻓﻪ ﻳﺤﺠﻲ ﻭﻣﻨﻄﻠﻖ ﻭﻳﺎﻧﻪ ﺗﺸﻮﻓﻪ ﺷﺨﺺ ﺛﺎﻧﻲ ﻳﻌﺠﺒﻚ ﺑﺲ ﺗﺤﺠﻲ ﻭﻳﺎﻩ
ﺑﺲ ﺍﻧﻲ ﻣﺎﻛﻨﺖ ﺍﺧﺘﻠﻂ ﺑﻲ ﻭﻻ ﺍﻟﻲ ﺷﻐﻞ ﺏ ﺍﺣﺪ ﺍﺻﻼ ﻣﺮﺍﺕ ﺍﻧﺘﺒﻪ ﻟﻴﺶ ﻳﺴﺘﺮﻕ ﻧﻀﺮﺍﺕ ﻣﻨﻲ ﻭﻣﻦ ﺍﻧﺘﺒﻪ ﻋﻠﻲ ﻳﺴﻮﻱ ﻧﻔﺴﻪ ﻳﺤﺠﻲ ﻭﻳﻪ ﺍﺣﺪ ﻣﻦ ﺍﻟﻄﻼﺏ ﻭﺍﻧﻮ ﻣﺎﻣﻨﺘﺒﻪ ﻋﻠﻴﻪ
ﺻﺎﺭﺕ ﺍﻻﻳﺎﻡ ﺗﻤﺸﻲ ﻭﺻﺮﺕ ﺍﺣﺐ ﺍﺟﻮﺍﺀ ﺍﻟﻜﻠﻴﻪ ﻭﺗﻌﻮﺩﺕ ﻋﻠﻴﻬﺎ ﻭﻋﻠﺊ ﻟﻤﻪ ﺍﻟﺒﻨﺎﺕ ﺑﺲ ﺍﻧﻲ ﻛﻨﺖ ﻣﺘﺤﻔﻀﻪ ﺟﺪﺍ ﻣﺎﺣﺠﻴﺖ ﺍﻱ ﺷﻲ ﺑﺨﺼﻮﺹ ﺣﻴﺎﺗﻲ ﺍﻟﺸﺨﺼﻴﻪ ﻭﻣﺤﺪ ﻣﻦ ﺻﺪﻳﻘﺎﺗﻲ ﺍﻃﺮﻗﺖ ﺍﻟﻬﺬﺍ ﺍﻟﻤﻮﺿﻮﻉ ﻭﻛﻨﺖ ﻣﺮﺗﺎﺣﻪ ﺑﻬﺬﺍ ﺍﻟﺸﻲ ﻣﺎﺍﻋﺮﻑ ﻟﻴﺶ
ﺻﺮﺕ ﻳﻮﻣﻴﻪ ﺍﺷﻮﻑ ﻟﻴﺚ ﻭﺍﻧﺘﺒﻬﻠﻪ ﻳﺒﺎﻭﻋﻠﻲ ﻭﺑﺪﺓ ﻳﻮﺟﻬﻠﻲ ﺍﻟﻜﻼﻡ ﻭﺍﻧﻮ ﻟﻴﺶ ﻣﺎﺍﺷﺎﺭﻛﻢ ﺍﻟﺤﺪﻳﺚ ﻭﺍﻧﻲ ﺍﻛﺘﻔﻲ ﺑﺎﻟﺨﺠﻞ ﻭﺍﻻﺑﺘﺴﺎﻣﻪ ﻭﺍﻛﻠﻬﻢ ﻣﺎﻋﻨﺪﻱ ﺷﻲ ﺍﺣﺠﻲ ﺍﻧﺘﺒﻬﺖ ﻟﻴﺚ ﺻﺎﺭ ﻳﺘﻘﺮﺑﻠﻲ ﺍﻛﺜﺮ ﻳﺮﻳﺪ ﺑﺲ ﻳﻔﺘﺢ ﻣﻮﺿﻮﻉ ﻭﻳﺎﻱ ﺻﺮﺕ ﺍﺗﺠﻨﺒﻪ ﻻﻥ ﻣﻬﻤﺎ ﻳﻜﻮﻥ ﺍﻧﻲ ﺑﻌﺪﻧﻲ ﻋﻠﺊ ﺫﻣﻪ ﺭﺟﺎﻝ ﻭﺣﺮﺍﻡ ﺍﺑﺎﻭﻉ ﺍﻟﻐﻴﺮﺓ ﺣﺘﺊ ﻟﻮ ﻣﺠﺮﺩ ﻧﻀﺮﺓ
ﻣﺮﺍﺕ ﻣﻦ ﺍﻃﻠﻊ ﻣﻦ ﺍﻟﻜﻠﻴﻪ ﺍﺣﺲ ﻧﻔﺴﻲ ﻣﺮﺍﻗﺒﻪ ﻭﻣﻦ ﺍﺣﺠﻲ ﻫﻠﺸﻲ ﺍﻟﺴﺎﺭﺓ ﺍﺗﻜﻠﻲ ﻣﻌﻘﻮﻟﻪ ﻫﺸﺎﻡ ﻳﻌﻮﻑ ﺩﻭﺍﻣﻪ ﻭﻳﻜﻌﺪ ﻳﺮﺍﻗﺒﺞ ﻣﺎﻛﻮ ﻫﻴﺞ ﺷﻲ ﻭﺍﻧﺘﻲ ﻣﺎﻣﺴﻮﻳﻪ ﺷﻲ ﻏﻠﻂ ﺷﻮ ﺍﻟﻄﻼﺏ ﻛﻠﻬﺎ ﺗﺤﻤﺪ ﺏ ﺍﺧﻼﻗﺞ
ﻳﻮﻡ ﺑﻌﺪ ﻳﻮﻡ ﺍﺩﺍﻭﻡ ﻭﻫﺸﺎﻡ ﻣﺎﺷﻔﺘﻪ ﺍﺑﺪ ﻭﻻ ﺣﺘﺊ ﺍﺗﺼﻞ ﻣﺮﺍﺕ ﺍﻛﻮﻝ ﺟﺰﻉ ﻻﻥ ﻫﻮﺍﻱ ﺭﻓﻀﺖ ﺍﺭﺟﻌﻠﻪ ﻭﻣﺮﺍﺕ ﺍﻛﻮﻝ ﺧﺎﻑ ﻫﺬﺍ ﺍﻟﻬﺪﻭﺀ ﻣﺎﻗﺒﻞ ﺍﻟﻌﺎﺻﻔﻪ ﻭﺍﺭﺟﻊ ﻭﺍﻛﻮﻝ ﺷﻴﺮﻳﺪ ﻳﺴﻮﻱ ﺍﻛﺜﺮ ﻣﻦ ﺍﻟﺼﺎﺭ
ﺑﺪﺕ ﺍﻳﺎﻣﻲ ﻭﺍﻻﺷﻬﺮ ﺗﻤﺸﻲ ﻭﺍﻟﺘﻬﻴﺖ ﺑﺪﻭﺍﻣﻲ ﻭﺣﻴﺎﺗﻲ ﺍﻟﺠﺪﻳﺪﺓ ﻣﺎﺣﺴﻴﺖ ﺷﻮﻛﺖ ﺭﺍﺡ ﺗﻨﺘﻬﻲ ﺍﻟﺴﻨﻪ ﺍﻻﻭﻟﺊ
ﺣﺴﻴﺘﻬﺎ ﻃﺒﺖ ﻣﻨﺎ ﻃﻠﻌﺖ ﻣﻨﺎ ﻋﻠﺊ ﮔﻮﻟﻪ ﺍﻫﻠﻨﻪ
ﻭﺑﻴﻮﻡ ﻣﻦ ﺍﻻﻳﺎﻡ ﻗﺒﻞ ﺍﻻﻣﺘﺤﺎﻧﺎﺕ ﺗﻔﺎﺟﺌﺖ ﺑﻜﻼﻡ ﻟﻴﺚ
ﻛﻨﺖ ﻣﻨﺘﻀﺮﺓ ﺍﻟﺨﻂ ﻳﺠﻲ ﺑﻨﻬﺎﻳﺔ ﺍﻟﺪﻭﺍﻡ
ﻟﻴﺚ،، ﺗﺴﻤﺤﻴﻠﻲ ﺍﺧﺬ ﻣﻦ ﻭﻗﺘﺞ ﺩﻗﺎﺋﻖ ??
ﺳﻤﺮ،،ﺗﻔﺎﺟﺌﺖ ﺑﻄﻠﺒﻪ ﺑﺲ ﻛﻨﺖ ﺧﺎﻳﻔﻪ ﺍﺫﺍ ﻛﻌﺪ ﻳﻤﻲ ﻭﺣﺠﻪ ﻭﻳﺎﻱ ﺧﺎﻑ ﺍﺣﺪ ﻳﺸﻮﻓﻨﻪ ﺍﺑﺪﺍﺧﻠﻲ ﻛﻠﺖ ﻫﻮ ﺯﻣﻴﻠﻲ ﻟﻴﺶ ﻣﻜﺒﺮﺓ ﺍﻟﻤﻮﺿﻮﻉ
ﻛﺘﻠﻪ ﻧﻌﻢ ﺗﻔﻀﻞ
ﻟﻴﺚ،،ﻳﻌﻨﻲ ﻣﻌﻘﻮﻟﻪ ﻃﻠﺒﻲ ﺑﺎﻟﻜﻼﻡ ﻭﻳﺎﺝ ﺍﺧﺬ ﻣﻨﺞ ﻭﻗﺖ ﺗﻔﻜﺮﻳﻦ ﻫﻠﻜﺪ ﻳﻤﻌﻮﺩﺓ ﻛﺘﻠﺘﻨﻲ ﺍﻟﺸﻤﺲ ﻭﺍﻧﻲ ﻣﻨﺘﻀﺮ ﻣﻮﺍﻓﻘﺘﺞ
ﺳﻤﺮ،،ﺍﺑﺘﺴﻤﺖ ﻋﻠﺊ ﻛﻼﻣﻪ ﻭﺩﻧﻜﺖ ﻛﺘﻠﻪ ﺍﺗﻔﻀﻞ ﺍﻧﻲ ﺍﺳﻤﻊ ﺣﻀﺮﺗﻚ
عله ﺻﻮﺗﻪ ﻭﻛﺎﻝ
ﻟﻴﺚ ،،ﺑﺪﻭﻥ ﻣﻘﺪﻣﺎﺕ ﻭﻻﻥ ﻣﺎﺍﺣﺐ ﺍﻟﻠﻒ ﻭﺍﻟﺪﻭﺭﺍﻥ ﺭﺍﺡ ﺍﺩﺧﻞ ﺑﺎﻟﻤﻮﺿﻮﻉ ﮔﺒﻞ
ﺍﻧﻲ ﺍﺣﺒﺞ ﺳﻤﺮ ﻭﻳﻤﻜﻦ ﺣﺒﻴﺘﺞ ﻣﻦ ﺍﻭﻝ ﻳﻮﻡ ﺷﻔﺘﺞ ﺑﻲ ﻭﻳﻮﻣﻴﻪ ﺍﺗﺤﺎﺭﺏ ﻭﻳﻪ ﻛﻠﺒﻲ ﻭﻋﻘﻠﻲ ﺧﺎﻳﻒ ﺍﺻﺎﺭﺣﺞ ﻭﺍﺧﺴﺮﺝ ﺑﺲ ﻣﺎﻋﻨﺪﻱ ﺣﻞ ﻣﻦ ﺍﺷﻮﻑ ﻛﻞ ﺍﻟﺒﻜﻠﻴﻪ ﻳﺘﻤﻨﻮﻥ ﺍﻧﻮ ﺗﺼﻴﺮﻳﻦ ﻗﺴﻤﻪ ﺍﻟﻮﺍﺣﺪ ﺑﻴﻬﻢ ﻭﺍﺗﺸﺠﻌﺖ ﺣﺘﺊ ﺍﻓﺘﺢ ﻭﻳﺎﺝ ﻫﻴﺞ ﻣﻮﺿﻮﻉ
ﺳﻤﺮ ،،ﻫﻮ ﻳﺤﺠﻲ ﻭﺍﻧﻲ ﻓﺎﺗﺤﻪ ﺣﻠﮕﻲ ﻣﺎﺍﻋﺮﻑ ﺷﻜﻠﻪ ﺍﺫﺍ ﻋﺮﻑ ﺍﻧﻲ ﻣﺘﺰﻭﺟﻪ
ﺟﺎﻭﺑﺘﻪ ﻗﺒﻞ ﻣﻴﻜﻤﻞ ﻛﻼﻣﻪ ﻛﺘﻠﻪ ﺑﺲ ﺍﻧﻲ ﻣﺰﻭﺟﻪ
ﻟﻴﺚ، ،ﺍﻋﺮﻑ ﻭﺻﺎﺭ ﺍﻛﺜﺮ ﻣﻦ ﺳﻨﺘﻴﻦ ﻣﻨﻔﺼﻠﻪ ﻋﻦ ﺯﻭﺟﺞ ﺑﺲ ﻟﺤﺪ ﺍﻻﻥ ﻣﺎﻛﻮ ﻃﻼﮒ ﻭﺍﻧﺘﻲ ﻣﺼﺮﺓ ﺗﻄﻠﻘﻴﻦ ﻣﻨﻪ ﻭﺍﻋﺮﻑ ﺍﻟﺼﺎﺭ ﺑﻴﻨﻜﻢ ﻣﻌﻠﻮﻣﺎﺗﺞ ﻛﻠﻬﺎ ﻳﻤﻲ ﺻﺪﻛﻴﻨﻲ ﺍﺫﺍ ﺻﺎﺭ ﻭﺍﻃﻠﻜﺘﻨﻲ ﺭﺍﺡ ﺍﺗﻘﺪﻣﻠﺞ ﻭﺳﺎﻋﺘﻬﺎ ﺍﻋﻮﺿﺞ ﻋﻦ ﻛﻞ ﺍﻟﺘﻌﺐ ﺍﻟﻤﺮﻳﺘﻲ ﺑﻲ
ﺳﻤﺮ،،ﺭﺩﺕ ﺍﻛﻤﻞ ﻛﻼﻣﻲ ﻭﺍﻧﻬﻲ ﺑﺎﻟﺮﻓﺾ ﺑﺲ ﻓﺠﺎﻩ ﻣﺎﺣﺴﻴﺖ ﻏﻴﺮ ﻭﺍﺣﺪ ﺯﻧﮓ ﻟﻴﺚ ﻣﻦ ﻗﻤﻴﺼﻪ ﻭﺿﺮﺑﻪ ﻛﻠﻪ ﺑﺮﺍﺳﻪ ﺍﻧﺼﺪﻣﺖ ﻣﻦ ﺷﻔﺘﻪ ﻫﺸﺎﻡ ﻧﺎﻳﻢ ﻓﻮﮒ ﺍﻟﻮﻟﺪ ﻭﻳﻀﺮﺏ ﺑﻲ ﺍﺣﺲ ﺍﻟﺴﺎﻧﻲ ﺧﺪﺭ ﻭﺭﺟﻠﻴﻪ ﺗﺸﻨﺠﺖ ﻭﺍﻧﻲ ﺍﺷﻮﻑ ﻃﻼﺏ ﺍﻟﻜﻠﻴﻪ ﺍﺟﻮ ﻳﺮﻛﻀﻮﻥ ﺣﺘﺊ ﻳﺨﻠﺼﻮﻥ ﺻﺎﺣﺒﻬﻢ ﻣﻦ ﺑﻴﻦ ﺍﺩﻳﻦ ﻫﺸﺎﻡ
#يتتتتتتتتبع..
#قصصmyhopes
#الملازم_والعنوديه_الصغيره
#حقيقيه 💔
#البارت22_والأخيرررر
ﺳﻤﺮ،،ﺍﺑﺎﻭﻉ ﻋﻠﺊ ﻫﺸﺎﻡ ﻭﺍﻧﻲ جامده ﺑﻤﻜﺎﻧﻲ ﺟﺎﻥ ﻳﻀﺮﺏ ﺏ ﻟﻴﺚ ﺍﻟﻲ ﻭﮔﻊ ﻫﺸﺎﻡ ﺿﺮﺑﻪ ﻋﻠﺊ ﻏﻔﻠﻪ ﺭﺟﻊ ﻟﻴﺚ ﻧﻬﺾ ﻭﻫﻮ ﻳﻤﺴﺢ ﺧﺸﻤﻪ ﻣﻦ ﺍﻟﺪﻡ ﻭﺿﺮﺏ ﻫﺸﺎﻡ ﻭﺻﺎﺭﻭ ﻣﺜﻞ ﺍﻟﺪﻳﻮﭼﻪ ﻭﺍﺣﺪ ﻳﻀﺮﺏ ﺍﻟﺜﺎﻧﻲ ﺍﺟﻮ ﺍﻟﻄﻼﺏ ﻳﺮﻛﻀﻮﻥ ﺳﺤﺒﻮ ﻟﻴث ﻣﻦ ﻫﺸﺎﻡ ﻭﻛﻢ ﻭﻟﺪ ﻟﺰﻣﻮ ﻫﺸﺎﻡ ﻭﺛﺒﺘﻮ ﺣﺘﺊ ﻣﻴﻬﺠﻢ ﻋﻠﺊ ﻟﻴﺚ ﻭﻳﺮﺟﻊ ﻳﻀﺮﺑﻪ ﺍﺳﻤﻌﻪ ﻳﺴﺐ ﻭﻳﻐﻠﻂ
ﻫﺸﺎﻡ،،ﻭﻟﻠﻠﻚ ﻋﺎﺍﺍﺍﺭ ﺍﺩﻓﻨﻚ ﻫﻨﺎ ﺑﺎﻟﻘﺮﺍﺍﺍﻥ ﻋﺒﺎﻟﻚ ﻣﺎﻋﻨﺪﻱ ﻋﻠﻢ ﺑﺴﻮﺍﻟﻔﻚ ﺗﺤﻮﻡ ﺩﺍﻳﺮ ﻣﺪﺍﻳﺮ ﻣﺮﺗﻲ
ﻟﻴﺚ،،ﻗﺼﺪﻙ ﻛﺎﻧﺖ ﻣﺮﺗﻚ ﻭﺣﺎﻟﻴﺎ ﻣﻘﺮﺭﻳﻦ ﺗﻨﻔﺼﻠﻮﻥ ﻭﺍﺫﺍ ﻋﻨﺪﻙ ﻛﺮﺍﻣﻪ ﻃﻠﻜﻬﺎ ﻭﺧﻠﻴﻬﺎ ﺗﺮﻭﺡ ﺑﺤﺎﻝ ﺳﺒﻴﻠﻬﺎ
ﺳﻤﺮ،،ﻛﺎﻥ ﻟﻴﺚ ﻳﺤﺠﻲ ﻭﺍﺻﺪﻗﺎﺋﻪ ﺻﺎﻳﺮﻳﻦ ﻛﺪﺍﻣﻪ ﺧﺎﻑ ﻫﺸﺎﻡ ﻭﻳﻀﺮﺑﻪ
ﺑﺲ ﻣﻦ ﺳﻤﻌﻪ ﻫﻴﺞ ﻳﺤﺠﻲ ﺗﺨﺒﻞ ﺑﺎﻟﺰﺍﻳﺪ ﺑﻌﺪ ﺍﻟﺸﺒﺎﺏ ﻋﻨﻪ ﻭﻫﺠﻢ ﻋﻠﺊ ﻟﻴﺚ ﻣﺜﻞ ﺍﻻﺳﺪ ﻛﻮﺓ ﺧﻠﺼﻮ ﻣﻦ ﺍﻳﺪﺓ ﻭﺍﻋﺼﺎﺑﻪ ﺻﺎﻳﺮﺓ ﻧﺎﺭ ﺍﻧﻲ ﺑﺲ ﺍﺭﺟﻒ ﺑﻤﻜﺎﻧﻲ ﻭﺍﺑﺎﻭﻉ ﺑﻌﻴﻮﻥ ﺍﻟﻄﻼﺏ ﺍﻟﻜﺎﻧﻮ ﻳﻨﻀﺮﻭﻟﻲ ﻧﻀﺮﺓ ﺍﺗﻬﺎﻡ ﺑﻌﺪ ﻣﺎﻛﻨﺖ ﺍﻟﻜﻞ ﻳﺘﻤﻨﺊ ﻳﺴﻤﻊ ﺻﻮﺗﻲ ﻻﻥ ﻣﺎﻟﻲ ﺷﻐﻞ ﺑﺎﺣﺪ
ﺍﺟﻮ ﻋﻤﺎﺩﺓ ﺍﻟﻜﻠﻴﻪ ﻭﻓﻀﻮ ﺍﻟﺴﺎﻟﻔﻪ ﻻﻥ ﻫﺸﺎﻡ ﻃﻠﻊ ﺑﺎﺟﻪ ﻣﻦ ﺟﻴﺒﻪ ﻭﺻﺎﺭ ﻫﺪﺩ ﻛﺪﺍﻡ ﻋﻤﺎﺩﺓ ﺍﻟﻜﻠﻴﻪ ﻭﺍﺣﺪ ﻳﻬﺪ ﻉ ﺍﻟﺜﺎﻧﻲ ﺍﺧﺮ ﺷﻲ ﻟﻴﺚ ﺍﺧﺬﻭ ﺍﺻﺪﻗﺎﺋﻪ ﻭﻃﻠﻌﻮ
ﻭﻫﺸﺎﻡ ﻭﺭﺍﻩ ﻳﺼﻴﺢ ﻻﻋﺒﺎﻟﻚ ﺍﻟﺴﺎﻟﻔﻪ ﺍﻧﺘﻬﺖ ﺍﺫﺍ ﻣﺎﺍﻧﺪﻣﻚ ﻣﺎﻳﻜﻮﻥ ﺍﺳﻤﻲ ﻫﺸﺎﻡ
ﺍﻧﺪﺍﺭ ﻋﻠﻴﻪ ﻭﺍﻧﻲ ﺍﺣﺲ ﻛﻞ ﻋﻀﺎﻣﻲ ﺗﺮﻋﺪ ﻣﻦ ﺍﻟﺨﻮﻑ ﺍﺭﺗﺪﻳﺖ ﻟﻠﺨﻠﻒ ﻭﻫﻮ ﺍﺟﻪ ﺏ ﺍﺗﺠﺎﻫﻲ ﺳﺤﺒﻨﻲ ﻣﻦ ﺍﻳﺪﻱ ﻭﻛﻮﻣﻨﻲ ﺻﺎﺭ ﻳﻤﺸﻲ ﻭﺍﻧﻲ ﺍﻣﺸﻲ ﻭﺭﺍﻩ ﻣﺴﺘﺴﻠﻤﻪ ﻭﺍﻟﺪﻣﻮﻉ ﺗﺠﺮﻱ ﺧﺠﻼﻧﻪ ﻣﻦ ﺍﻟﻤﻮﻗﻒ ﺍﻟﺼﺎﺭ ﺍﺷﻠﻮﻥ ﺍﺣﻂ ﻋﻴﻨﻲ ﺑﻌﻴﻮﻥ ﺯﻣﻼﺋﻲ ﻣﻦ ﺍﺭﺟﻊ ﺍﺩﺍﻭﻡ
ﻭﺻﻠﻨﻪ ﺍﻟﺴﻴﺎﺭﺗﻪ ﻓﺘﺢ ﺍﻟﺒﺎﺏ ﻭﺯﻣﺦ ﺑﻴﻪ ﺍﺻﻌﺪﺩﺩﻱ
ﺻﻌﺪﺕ ﺑدﻭﻥ ﻛﻼﻡ ﺍﺭﻳﺪ ﺑﺲ ﺍﻭﺻﻞ ﺑﻴﺖ ﺧﺎﻟﻲ ﻭﺍﻧﻔﺠﺮ ﺑﻮﺟﻬﺎ ﺟﺎﻥ ﻳﺴﻮﻕ ﺳﺮﻳﻊ ﺧﻔﺖ ﺍﺫﺍ ﻧﺘﻌﺎﺭﻙ ﻳﻔﻘﺪ ﺍﻟﺴﻴﻄﺮﺓ ﻭﻳﺴﻮﻱ ﺑﻴﻨﻪ ﺣﺎﺩﺙ
ﻫﺸﺎﻡ،،ﺍﻳﻲ ﺳﺖ ﺳﻤﺮ ﻟﻴﺶ ﺳﺎﻛﺘﻪ ??
ﺳﻤﺮ،،ﺩﺭﺕ ﻭﺟﻬﻲ ﻟﻠﺠﺎﻣﻪ ﻣﺎﺣﺠﻴﺖ ﺷﻲ ﺑﺲ ﺍﻋﺼﺎﺑﻲ ﻛﻮﺓ ﻻﺯﻣﺘﻬﺎ ﺍﺿﺎفة ﺍﻧﻲ ﺍﺧﺎﻑ ﻣﻦ ﺍﻟﺴﺮﻋﻪ
ﺭﺟﻊ ﺣﺠﻪ
ﻫﺸﺎﻡ،،ﺍﻱ ﻳﺎﺣﺮﻣﻲ ﺍﻟﻤﺼﻮﻥ ﺗﺮﺩﻳﻦ ﺍﺑﺎﺭﻛﻠﺞ ﻉ ﺍﻟﺨﻄﺒﻪ
ﺳﻤﺮ،،ﺩﺭﺕ ﻭﺟﻬﻲ ﻋﻠيه ﻭﺑﺎﻭﻋﺘﻠﻪ ﺻﻔﺢ😒 ﻛﻠﺒﺖ ﻋﻴﻮﻧﻲ ﻭﺭﺟﻌﺖ ﺍﺑﺎﻭﻉ ﻣﻦ ﺍﻟﺠﺎﻣﻪ
ﻫﺸﺎﻡ،،ﺑﺲ ﻫﺬﺍ ﻣﺎﻋﻨﺪﺓ ﺫﻭﻕ ﻭﻻ ﻳﻌﺮﻑ ﺏ ﺍﻻﺻﻮﻝ ﻏﻴﺮ ﻳﺠﻲ ﻳﻄﻠﺐ ﺍﻳﺪﺝ ﻣﻨﻲ
ﺳﻤﺮ،،رجعت ﺣﺠﻴﺖ ﻭﺍﻧﻲ ﺍﺑﺎﻭﻉ ﻟﻠﻄﺮﻳﻖ ﻛﺘﻠﻪ ﻫﻮ ﻳﺪﺭﻱ ﺍﺣﻨﻪ ﺷﺒﻪ ﻣﻨﻔﺼﻠﻴﻦ ﻭﻟﻮ ﻇﺮﻏﺎﻡ ﻭﻣﺮﺿﻚ ﺟﺎﻥ ﻣﻦ ﺯﻣﺎﻥ ﺭﻓﻌﺖ ﺩﻋﻮﺓ ﻃﻼﻙ ﻭﺍﻃﻠﮕﻨﻪ
ﺍﻧﺘﺒﻬﺖ ﻋﻠﺊ ﺍﺩيه ﻻﺯﻡ ﺍﻟﺴﺘﻴﺮﻥ ﺑﻜﻞ ﻗﻮﺗﻪ ﻋﺒﺎﻟﻚ ﻳﺘﻌﺎﺭﻙ ﻭﻳﺎﻩ ﻟﻮ ﻫﻮ ﻻﺯﻡ ﺍﻋﺼﺎﺑﻪ ﺣﺘﺊ ﻣﻴﺘﻬﻮﺭ ﻭﻳﻀﺮﺑﻨﻲ
ﻫﺸﺎﻡ،،ﻭﻟﻠﻠﻠﺞ ﻏﻈﺐ ﺍﺍﺍﻧﺘﻲ ﺷﻨﻮ ﺳﺎﻟﻔﺘﺞ ??
ﻳﻌﻨﻲ ﺍﺫﺍ ﺻﺎﺭ ﺳﻨﺘﻴﻦ ﺗﺎﺭﻛﺞ ﺑﺮﺍﺣﺘﺞ ﻣﻌﻨﺎﻫﺎ ﻣﻮﺍﻓﻖ ﻋﻠﺊ ﻓﻜﺮﺓ ﺍﻟﻄﻼﻙ
ﻭﻟﺞ ﺑﺎﺑﺎ ﺍﺻﺤﻲ ﻃﻼﺍﺍﺍﮒ ﻣﺎﻛﻮﻭ ﺑﺲ ﺍﻟﻤﻮﺕ ﻳﻄﻠﮕﻨﻪ ﻓﻬﻤﺘﻲ ﻫﻠﺸﻲ ﺧﻠﻲ ﺗﺮﭼﻴﻪ ﺑﺬﻧﺞ ﺍﺫﺍ ﻋﻔﺘﺞ ﻛﻞ ﻫﺎﻱ ﺍﻟﻔﺘﺮﺓ ﻓﻜﻨﺖ ﺍﺣﺎﻭﻝ ﺍﺧﻠﻴﺞ ﺗﻨﺴﻴﻦ ﺍﻟﺼﺎﺭ ﻭﺗﺴﺎﻣﺤﻴﻨﻲ ﺑﺪﻭﻥ ﻣﺎﺍﺿﻐط ﻋﻠﻴﺞ
ﺳﻤﺮ،،ﺟﻠﻴﺖ ﺻﻮﺗﻲ ﺍﻟﻲ ﺍﺣﺴﻪ ﻣﺨﻨﻮﮒ ﻛﺘﻠﻪ ﻣﺎﺍﺳﺎﻣﺤﻚ ﻭﻣﺎﺍﺭﻳﺪﻙ
ﺭﺩﺕ ﺍﻛﻤﻞ ﻛﻼﻣﻲ ﺍﻧﺘﺒﻬﺖ ﻉ ﺍﻟﻄﺮﻳﻖ ﻭﻋﻠﺊ ﺑﻮﺍﺑﻪ ﺑﻐﺪﺍﺩ ﺗﻮﺩﻋﻜﻢ ﺷﻬﮕﺖ ﻭﺩﺭﺕ ﻭﺟﻬﻲ ﻋﻠيه ﺑﺴﺮﻋﻪ ﮔﺘﻠﻪ ﻭﻳﻦ ﻣﺎﺧﺬﻧﻲ ﻭﻟﻴﺶ ﻃﻠﻌﻨﻪ ﻣﻦ ﺑﻐﺪﺍﺩ ??
ﻫﺸﺎﻡ،،ﻣﺎﺧﺬﺝ ﺍﻟﺒﻴﺘﺞ ﻛﺎﻓﻲ ﻋﺎﺩ ﻫﺬﺍ ﺣﺪﻱ ﻣﺎﻋﺪﺕ ﺍﺗﺤﻤﻞ ﻟﺤﻈﻪ ﺑﺪﻭﻧﺞ
ﺳﻤﺮ،،ﺍﺗﺨﺒﻠﺖ ﻣﻦ ﺳﻤﻌﺖ ﻛﻼﻣﻪ ﺻﺮﺕ ﺍﻋﻴﻂ ﺑﻬﺴﺘﻴﺮﻳﻪ ﮔﺘﻠﻪ ﻧﺰﺯﺯﻟﻨﻲ ﻭﺍﻟﻠﻠﻪ ﺍﺷﻤﺮ ﻧﻔﺴﻲ ﻧﺰﻟﻠﻨﻲ ﻳﺎﺍﺍﺧﻲ ﻣﺎﺍﺭﻳﺪﻙ ﻣﺎﺍﺍﺣﺒﻚ ﻃﻠﮕﻨﻴﻴﻲ ﻟﻮ ﺗﺮﻳﺪ ﺗﺮﺟﻌﻨﻲ ﻟﻠﺬﻝ ﻭﺍﻟﻤﻬﺎﻧﻪ ﻭﺍﻟﻀﺮﺑﺐ ﺍﻛﻴﺪ ﺍﺷﺘﺎﻗﻴﺖ ﺗﻤﺪ ﺍﻳﺪﻙ ﻋﻠﻴﻪ ﻣﺜﻞ ﻗﺒﻞ ﻻﻥ ﻣﺎﻟﮕﻴﺖ ﺍﻟﺘﻜﻔﺦ ﺑﻲ ﻭﺭﺍﻱ
ﺟﻨﺖ ﺍﺣﺠﻲ ﻭﺍﺑﺠﻲ ﻭﻫﻮ ﻣﻠﺘﻬﻲ ﻳﺴﻮﻕ ﺑﻜﻞ ﺳﺮﻋﻪ ﻭﻻﺟﺖ ﺍﺣﺠﻲ ﻭﻳﺎﻩ
ﻫﻮﺍﻱ ﺿﻠﻴﺖ ﺍﺩﺭﺩﻡ ﺍﺭﻳﺪﺓ ﻳﺘﺮﺍﺟﻊ ﻭﻳﺮﺟﻌﻨﻲ ﺍﻟﺒﻴﺘﻲ ﺑﺲ ﻻﺣﻴﺎﻩ ﻟﻤﻦ ﺗﻨﺎﺩﻱ
ﺷﻔﺘﻪ ﺳﺤﺐ ﻣﻮﺑﺎﻳﻠﻪ ﻭﺍﺗﺼﻞ
ﻫﺸﺎﻡ،،ﺍﻟﺴﻼﻡ ﻋﻠﻴﻜﻢ ﺍﺑﻮ ﻣﺼﻄﻔﺊ ﻟﻴﻈﻞ ﺑﺎﻟﻜﻢ ﺳﻤﺮ ﻭﻳﺎﻱ ﻭﺍﺣﻨﻪ ﺑﻄﺮﻳﻘﻨﻪ ﻟﻠﻨﺠﻒ
ﻫﺎﺍ ﺍﻱ ﻫﻮ ﻣﻦ ﺯﻣﺎﻥ ﻻﺯﻡ ﻧﺤﻂ ﺣﺪ ﻟﻠﻤﻮﺿﻮﻉ
ﺳﻤﺮ،،ﺳﻤﻌﺘﻪ ﻳﺤﺠﻲ ﻧﻄﻴﺖ ﻭﺻﺮﺧﺖ ﺧﺎﻟﻮﻭ ﺗﻌﺎﺍﺍﻝ ﺍﺧﺬﻧﻲ ﺟﺒﺮﺭﻧﻲ ﺍﺟﻲ ﻭﻳﺎﺍﺍﻩ
ﺑﺎﻭﻋﻠﻲ ﺻﻔﺢ 😒ﻭﺭﺟﻊ ﻛﻤﻞ ﻛﻼﻣﻪ
ﻫﺸﺎﻡ،،ﻟﺘﺨﺎﻑ ﺍﺑﻮ ﻣﺼﻄﻔﺊ ﺑﺲ ﺍﺭﻳﺪ ﻧﺘﻔﺎﻫﻢ ﺍﻧﻲ ﻭﻋﻨﻮﺩﻳﺘﻲ ﺍﻟﺼﻐﻴﺮﺓ ﺍﻟﻀﺎﻫﺮ ﺑﻨﺖ ﺍﺧﺘﻚ ﻓﺮﺣﺎﻧﻪ ﺑﻮﺿﻌﻬﺎ ﻭﻣﺮﺗﺎﺣﻪ ﻭﺍﻧﻲ ﻣﺤﺮﻭﮒ ﮔﻠﺒﻲ
ﺳﻤﺮ،،ﺍﺳﻤﻌﻪ ﻳﺤﺠﻲ ﻭﻳﻪ ﺧﺎﻟﻲ ﻭﺍﻧﻲ ﻧﺎﺭ ﺍﺣﺴﻬﺎ ﺷﺎﺑﻪ ﺑﻴﻦ ﺿﻠﻮﻋﻲ ﻣﺎﺍﺭﻳﺪ ﺍﺭﺟﻊ ﻭﻳﺎﻩ ﺍﺣﺲ ﻧﻔﺴﻲ ﺑﻌﺪﻧﻲ ﻣﺎﺷﺒﻌﺖ ﻣﻦ ﺍﻧﺘﻘﺎﻣﻲ
ﻣﺮ ﺍﻟﻮﻗﺖ ﻭﺻﻠﻨﻪ ﺍﻟﺒﻴﺖ ﻋﻤﻲ ﺍﺑﻮ ﻫﺸﺎﻡ ﺍﻟﻌﺼﺮ
ﻟﻔﺖ ﺍﻧﺘﺒﺎﻫﻲ ﺑﻴﺖ ﺟﺪﻳﺪ ﻣﺒﻨﻲ ﺑﺼﻒ ﺑﻴﺖ ﻋﻤﻲ ﻋﺮﻓﺖ ﻫﺬﺍ ﺍﻟﻤﺸﺘﻤﻞ ﺍﻟﻜﺎﻥ ﻳﻘﺼﺪﺓ ﻫﺸﺎﻡ
ﺷﻔﺘﻪ ﻧﺰﻝ ﻭﺍﻧﻲ ﺑﻌﺪﻧﻲ ﻋﻠﺊ ﻛﻌﺪﺗﻲ ﺑﺎﻟﺴﻴﺎﺭﺓ ﺍﺟﻪ ﻣﻦ ﺟﻬﺘﻲ ﻓﺘﺢ ﺍﻟﺒﺎﺏ ﻭﻛﺎﻝ ﺑﺤﺪﻩ
ﻫﺸﺎﻡ،،ﻳﻠﻪ ﺍﻧﺰﻟﻲ
ﺳﻤﺮ،،ﻋﺎﻧﺪﺕ ﻭﻫﺰﻳﺖ ﺍﻛﺘﺎﻓﻲ ﺑﻠﺮﻓﺾ ﻭﺩﺭﺕ ﻭﺟﻬﻲ
ﺑﺲ ﻫﻮ ﻣﺎﺍﻧﺘﻀﺮ ﻭﺑﺴﺮﻋﻪ ﺳﺤﺐ ﺍﻳﺪﻱ ﻧﺰﻟﻨﻲ ﻭﺳﺪ ﺍﻟﺒﺎﺏ ﺑﻘﻮﺓ
ﺻﺮﺕ ﺍﺿﺮﺏ ﺑﻴﺪﺓ ﺍﻻﺯﻡ ﺑﻴﻬﺎ ﺍﻳﺪﻱ ﺑﺲ ﻫﻮ ﻭﻻ ﻳﻤﻪ ﻋﻠﺊ ﺻﻮﺗﻨﻪ ﻃﻠﻌﺖ ﻋﻤﺘﻲ ﻭﺑﻌﺪﻫﺎ ﻃﻠﻌﻦ ﻋﺒﻴﺮ ﻭﻣﻴﺲ ﻣﻦ ﺷﺎﻓﻨﻲ ﻓﺮﺣﻦ ﻭﻋﻤﺘﻲ ﻭﻋﻤﺘﻲ ﺗﻘﺪﻣﺘﻠﻲ ﻭﻫﻲ ﺗﻠﻒ ﺑﺎﻟﺸﻴﻠﻪ ﻋﻠﺊ ﺭﺍﺳﻬﺎ
ﺍﻡ ﻫﺸﺎﻡ،،ﻳﻤﻤﻪ ﻳﺎﻫﻼ ﺑﺎﻟﺠﺎﻧﻪ ﻭﻟﺞ ﺳﻤﻴﺮﺭﺓ ﺻﺪﻙ ﺟﺬﺏ ﺗﻮﺝ ﺫﻛﺮﺗﻴﻨﻪ
ﺳﻤﺮ،،ﺷﻤﺮﺕ ﺭﻭﺣﻲ ﺑﺤﻀﻨﻬﺎ ﻭﻫﺸﺎﻡ ﺑﻌﺪﺓ ﻻﺯﻡ ﺍﻳﺪﻱ ﻋﺒﺎﻟﻪ ﺍﻧﻬﺰﻡ
ﻫﺸﺎﻡ،،ﺑﻌﺪﻳﻦ ﻛﻤﻠﻦ ﺳﻼﻣﺠﻦ ﻳﻤﻪ ﺑﺲ ﺍﺣﺠﻲ ﻭﻳﺎﻫﺎ ﻻﻥ ﻓﺘﺖ ﭼﺒﺪﻱ ﻓﺖ ﺑﺖ ﺣﻤﺎﺝ
ﺳﻤﺮ،،ﺟﺮﻧﻲ ﻭﻣﺸﻪ ﻣﺘﻮﺟﻪ ﻟﻠﺒﻴﺖ ﺍﻟﺠﺪﻳﺪ ﻓﺘﺢ ﺍﻟﺒﺎﺏ ﻭﺩﺧﻞ ﻭﻗﻔﻠﻪ ﻭﺭﺍﻧﻪ
ﺑﺲ ﺍﻧﻲ ﺑﻌﺪﻧﻲ ﻋﻠﺊ ﻭﺿﻌﻲ ﻣﻌﺎﻧﺪﺓ ﻭﮔﺎﻟﺒﻪ ﺍﻟﺨﻠﻘﻪ ﺍﺭﻳﺪ ﺑﺲ ﻳﺘﺮﻛﻨﻲ ﺣﺘﺊ ﺍﺭﺟﻊ ﺍﺣﺲ ﻧﻔﺴﻲ ﻣﻦ ﺑﻌﻴﺪ ﻋﻨﻲ ﺍﺷﺘﺎﻗﻠﻪ ﻭﺍﻧﻄﻲ ﺍﻟﻒ ﻋﺬﺭ ﻟﻠﺼﺎﺭ ﺑﺲ ﻣﻦ ﻳﻜﻮﻥ ﻗﺮﻳﺐ ﺍﻛﺮﻫﺎ ﻭﺍﺣﻴﺮ ﺍﺷﻠﻮﻥ ﺍﻋﺬﺑﻪ ﺑﺼﺪﻱ ﻭﺭﻓﻀﻲ ﺍﻟﻪ
ﻣﺎﺍﻧﺘﺒﻬﺖ ﺍﻟﺪﻭﺍﺧﻞ ﺍﻟﺒﻴﺖ ﻭﺍﻟﻴﺤﻴﻂ ﺑﻴﻪ ﻣﻦ ﺍﺛﺎﺙ ﻭﺗﻔﺎﺻﻴﻞ ﺍﻟﺒﻨﺎﺀ ﺑﻜﺪ ﻣﺎﺍﻫﺘﻤﻴﺖ ﺍﻟﻜﺘﻠﻪ ﺍﻟﻨﺎﺭ ﺍﻟﻤﺸﺘﻌﻠﻪ ﺍﻟﺘﻔﺘﺮ ﻛﺪﺍﻣﻲ ﻛﺎﻥ ﻫﺸﺎﻡ ﻋﺒﺎﺭﺓ ﻋﻦ ﻛﺘﻠﻪ ﻣﻦ ﺍﻟﻐﻀﺐ
ﻓﺰﻋﻨﻲ ﺻﻮﺗﻪ ﻭﻫﻮ ﻳﺰﻣﺦ ﺑﻴﻪ
ﻫﺸﺎﻡ،،ﺍﺍﺍﻱ ﺳﺖ ﺳﻤﺮ ﺍﺣﺠﻲ ﻫﻠﺼﺮﻧﻪ ﻭﺣﺪﻧﻪ ﺷﻨﻮ ﺗﺮﺩﻳﻦ ﻭﺗﺴﺎﻣﺤﻴﻨﻲ
ﺳﻤﺮ،،ﻭﻛﻔﺖ ﻋﻠﺊ ﺣﻴﻠﻲ ﻭﺍﻧﻲ ﺍﺣﻂ ﻋﻴﻮﻧﻲ ﺑﻌﻴﻮﻧﻪ ﻛﺎﻧﻪ ﺍﺭﻳﺪ ﺍﻛﻠﻪ ﺗﺮﺓ ﺍﻧﻲ ﻗﻮﻳﻪ ﻣﺎﻋﺪﺕ ﺳﻤﺮ ﺍﻟﺠﺒﺎﻧﻪ
ﻛﺘﻠﻪ ﺍﺭﻳﺪﻙ ﺑﺲ ﺗﻌﺘﻘﻨﻲ ﻭﺍﻃﻠﮕﻨﻲ
ﻛﺎﻧﺖ ﺍﻛﻮ ﻣﺰﻫﺮﻳﻪ ﻉ ﺍﻟﻤﻴﺰ ﺷﺎﻟﻬﺎ ﻭﺿﺮﺑﻬﺎ ﺑﺎﻟﺤﺎﻳﻂ ﺻﺎﺭﺕ ﻃﺸﺎﺭ ﺭﺟﻌﺖ ﻟﻮﺭﺓ ﺧﻔﺖ ﻳﺎﺍﺫﻳﻨﻲ ﻛﻤﻞ ﻛﻼﻣﻪ ﻭﻛﺎﻝ
ﻫﺸﺎﻡ،،ﺍﻧﺘﺘﻲ ﺷﻨﻮﻭ ﻣﺒﺮﻣﺠﻴﻨﺞ ﻋﻠﺊ ﻫﺎﻱ ﺍﻟﺤﺠﺎﻳﻪ ﺑﻴﻦ ﻛﻞ ﻛﻠﻤﺘﻴﻦ ﻭﮔﻠﺘﻲ ﻃﻠﻜﻨﻲ
ﻋﻤﻲ ﺧﻠﻲ ﺍﻧﻄﻴﻬﺎ ﺍﻟﺞ ﻣﻦ ﺍﻻﺧﻴﺮ ﻃﻼﺍﺍﺍﺍﮒ ﮔﻄﻨﻪ ﻭﻃﻠﻌﻴﻬﺎ ﻣﻦ ﺍﺫﻧﺞ ﻣﺎﺍﻃﻠﮓ ﻟﻮ ﺗﻨﻜﻠﺐ ﺍﻟﺪﻧﻴﻪ
ﺍﺍﺍﺍﺍﺍﻟﻒ ﻣﺮﺓ ﺍﻋﺘﺬﺭﺕ ﻭﻃﻠﺐ ﺍﻟﺴﻤﺎﺡ ﻭﺍﻧﺘﻲ ﻋﻠﺊ ﻋﻨﺎﺩﺝ ﺑﺎﻗﻴﻪ
ﺷﻨﻮﻭﻭ ﻫﻠﮕﻠﺐ ﺍﻟﻌﻨﺪﺝ ﺣﺠﺮ ﺧﻮ ﻣﺎﺣﺠﺮ ﺣﺘﺊ ﻭﺻﻠﺖ ﺍﻟﻤﻮﺕ ﻭﻣﺎﺳﺎﻣﺤﺘﻴﻨﻲ ﻭﻻ ﺣﻦ ﮔﻠﺒﺞ ﻋﻠﻴﻪ
ﺳﻤﺮ،،ﻛﻨﺖ ﺳﺎﻛﺘﻪ ﻭﺑﺲ ﺍﻟﺪﻣﻮﻉ ﺗﺠﺮﻱ ﺍﻋﺼﺎﺑﻲ ﻛﻠﻬﺎ ﺗﺮﺟﻒ ﻣﺪﻧﻜﻪ ﺑﺎﻟﻜﺎﻉ ﺍﺟﻪ ﺻﺎﺭ ﻛﺪﺍﻣﻲ ﻭﻛﺎﻧﻪ ﻛﺘﻠﻪ ﺍﻟﻨﺎﺭ ﺍﻧﻄﻔﺖ ﻭﺣﻞ ﻣﺤﻠﻬﺎ ﺟﻠﻴﺪ ﺍﺑﺎﻭﻉ ﺑﻌﻴﻮﻧﻪ ﺍﻟﻤﻌﻠﻜﻪ ﺍﻟﺪﻣﻌﻪ ﺑﻴﻬﻢ ﻭﺟﻬﺎ ﺍﻟﺘﻌﺒﺎﻥ ﻭﻧﻀﺮﺕ ﺍﻟﺤﺰﻥ ﺍﻟﻤﺨﻴﻤﻪ ﻋﻠﺊ ﻣﻼﻣﺤﻪ ﺣﺠﻪ
ﻫﺸﺎﻡ،،ﺳﺎﻣﺤﻴﻨﻲ ﺳﻤﺮ ﺧﻠﻴﻨﻲ ﺍﻋﻴﺶ ﻛﻢ ﻳﻮﻡ ﻭﻳﺎﺝ ﻗﺒﻞ ﻣﺎﺍﻟﻠﻪ ﻳﺎﺧﺬ ﺍﻣﺎﻧﺘﻪ ﺧﻠﻴﻨﻲ ﺍﺷﺒﻊ ﻣﻦ ﺣﻨﻴﺘﺞ ﻭﺭﻳﺤﺘﺞ ﻟﺘﺤﺮﻣﻴﻨﻲ ﻣﻨﻬﻦ
ﺳﻤﺮ،،ﻣﺎﺍﻋﺮﻑ ﻋﻠﺊ ﺷﻨﻮ ﻳﺤﺠﻲ ﻭﺷﻨﻮ ﻳﻘﺼﺪ ﺭﻓﻌﺖ ﺭﺍﺳﻲ ﻭﺑﻌﻴﻮﻧﻲ ﻋﻼﻣﻪ ﺍﺳﺘﻔﻬﺎﻡ ﻋﻠﺊ ﻛﻼﻣﻪ
ﺷﻔﺘﻪ ﻛﻌﺪ ﺑﺎﻟﮕﺎﻉ ﻭﺳﺤﺐ ﺑﺎﻛﻴﺖ ﺍﻟﺠﻜﺎﻳﺮ ﻃﻠﻊ ﺟﻜارﺓ ﻭﺧﻼﻫﺎ ﺑﺤﻠﻜﻪ ﺷﻌﻠﻬﺎ ﺳﺤﺐ ﻧﻔﺲ ﻭﺯﻓﺮﺓ ﻭﺭﺟﻊ ﺩﻧﻚ ﻭﻫﻮ ﻣﺨﻠﻲ ﺍﻳﺪﺓ ﻋﻠﺊ ﺭﺍﺳﻪ ﻭﺍﻻﻳﺪ ﺍﻟﺜﺎﻧﻴﻪ ﻻﺯﻡ ﺍﻟﺠﻜﺎﺭﺓ
ﻫﺸﺎﻡ،،ﻣﺎﺭﺩﺕ ﺍﮔﻠﺞ ﻻﻥ ﻣﺎﺍﺭﺩﻳﺞ ﺗﻨﻘﻬﺮﻳﻦ ﻋﻠﺊ ﻭﻇﻌﻲ ﺑﺲ ﺍﻟﻀﺎﻫﺮ ﻣﺎﻋﻨﺪﻱ ﻏﻴﺮ ﺣﻞ ﺍﻧﻲ ﻣﺮﻳﺾ ﺳﻤﺮ ﻗﺒﻞ ﻓﺘﺮﺓ ﺍﻧﺘﻜﺴﺖ ﺣﺎﻟﺘﻲ ﻛﻨﺖ ﺍﺿﻦ ﻫﻠﺸﻲ ﺑﺴﺒﺐ ﺍﻟﺘﻌﺐ ﻭﺍﻟﻘﻠﻖ ﺑﺲ ﺑﻌﺪ ﺍﻟﺘﺤﺎﻟﻴﻞ ﺍﻛﺘﺸﻔﺖ ﻋﻨﺪﻱ ﺳﺮﻃﺎﻥ ﺍﻟﺪﻡ
ﻭﻣﻨﺘﺸﺮ ﺑﻜﻞ ﺟﺴﻤﻲ ﻭﺍﺍﻳﺎﻣﻲ ﻣﻌﺪﻭﺩﺓ 😔
