رواية الشيخ جلال الفصل الثاني والعشرون 22 بقلم مرج البحر

                                

ساره: خلصت العطله وراح یبلش الدوام طبعا ایام العطله مرت تعیسه لا طلعه ولا طبه علي خلصتهه بالبیت من الله لا یطیج ولا یوفقج یا غفیران رجلي الحمد الله الحروق بسیطه وتحستن الفضل یعود الجلال جان کل یوم جیي یطما علي الصبح ومن یجي من الدیوان باللیل یمر علي قبل لا یروح للبیت یشوفني ویضمد رجلي بس شنو انه اموت من الخجل من ینحني عله رجلي حته یضمدهه اهو

                                

ساره : جلال ترکهه هسه تجي ماما تضمدهه 

                                

جلال : ولیش ماما احسن مني 

                                

ساره : جان یحجي ویفتح الفاف لا بس مایصیر رفع راسه وباوعلي رافع حاجبه 

                                

جلال : ما اکو شي اسمه ما یصیر بینه خلي هاذ الشي ابالج وبعدین تردین اضیع علي هاذ المشهد 

                                

ساره : جان یحجي وعیونه علة رجلي جنت لابسه برموده مد ایده علیهم وصرخت لا رادین عااااا اجتي ماما ترکض وراهه هدی اباوعله دخن من العصبیه 

                                

ودیان :خیر یمه شبیج متاذیه 

                                

ساره : بخجل لا ما کو شي بس شویه الجوي اذاني 

                                

جلال : خلص تضمید خزرهه احم یالله خاله انه استاذن ودیري بالج علیهه 

                                

ودیان :الله ویاك یمه بعیوني

                                

ساره :حسیته ضاج وهوا اصلن مو عاجبه الوضع یکلي ما انام افکر بیج شلعتي کلبي من اجیتي هنا ما اعرف لیش محسسني انو احنه متزوجین وانه تارکته😁 

اتذکرت هاذ الموقف وانه واکفه عل مرایه البس عباتي ارید اروح للجامعه بعد مخلصت العطله رجلي تحسنت الحمدالله والله لو مخلیه اثل اله احرک غفران بکبرهه واله انتقم منهه بسیطه نزلت تریکت ورحت للجامه شفت صدیقاتي مشتاقتلهم هواي ودخلنه محاضرات رجعت للبیت هلکانه ذبیت کتبي وتوجهت البیت جدو الان ارید اول واحد یعرف بخبر نجاحي ودرجاتي اغلبهه متیاز بفضله هوا جلال دخلت الحمد الله بیبي ماهي سلمت عله خاله مها وکالتي انو جلال فوک بغرفته ترکتهه وصعدت فرحانه ارید ابشرا لکیت الباب مفتوح اجیت افوت وجان یدك الفون ماله رد عل متصیل ویارت ما رد 

                                

...........

                                

مروا : بعد اخر موقف ویه صالح رجع اسلوبه ویاي مثل اول زواجنه کله یصیح و یعصب عله اتفه الاسباب بس رغم هاذه کله وانه هاي الفترا ما اعرف شصایر بیه رغم قساوته وعصبیته

                                

ویاي ومعاملته بس صایرا ارتاح من اشوفه بالبیت واقلق علیه اذا تاخر ومن تجي فاطمه اشعل بنار هوا هم مایقصر هاي العصبیه کلهه تروح ویفک حلکه ویاهه سوالف وضحک ابدي اخنک هوا ویاهه والغریب وصل بیه الحال حته ابجي من القهر لا صارت ازودهه وتسمعني حجي ومحد یرد علیهه.

                                            

             

سما : جانت ایام العطله عادیه الحد ما یوم اتصلت بیبي وعزمتنه انه نروح انه وفهد جدو یرید یشوفنه انه نخطف لوني ما ارید اشوفه بس ما اکدر ارفض جهزت نفسي لبست فستان مرتب شیفون کلوش وشال ویاا انه جسمي ناعم عیوني شهل مو بس اعیوني حته شعري یمیل للشکار وحلکي زغیر وبشرتي حنطیه بیضه یعني ما یحتاج اخلي مکیاج واصلن محد یقبل اخلي بس احله شي بیه هوا غمازاتي الهیه نادرن ما تطلع لان انه کلش هاٸه وخجوله قلیله الکلام یعني مو اجتماعیه ابد عکس فهد المهم لبست العبایه ونزلت شافتني مروا ابتسمت واجت یمي 

                                

مروا :یمه فدیت شنو هل جمال الیوم تنخطفین 😉

                                

سما : مرواااا سکتي لا ابطل 

                                

مروا : هههه لاحبیبتي ستمتعي ودعت سما ورجعت باوعت للبیت فرغ وصار ممل ام صالح ومرت عمه راحو واجب وعمه وهو طالعین وطبعا جنان کاعده بغرفتهه مثل الخاتونه بالشت اشتغل بالبیت نضفته ورحت للمطبخ حته اجهز الغده حسیت الباب نفتح درت وجهي صالح دخل من باب المطبخ باوعلي ودخل حته ما سلم تنهدت خلص تعودت عله هاذ الاسلوب اصلن یتصرف ویای ولا کاني موجوده خلص الغذه احس حیلي نهد صعدت ارید اسبح ازیل التعب دخلت للغرفه جان ستوا طالع من الحمام لاف المنشفه عله خضرا وینشف براسه جمدت ابمکاني وتوترت انتبهلي اشرلي بعیونه نتبهت مصدومه اني جنت صافنه عله حرکاته وبعدني واکفه امکاني متت من الفشله سدیت الباب وتقدمت عل کنتور اخذ ملابس اجه وکف یمي یاخذ ملابس بس شنو احس عرکت من التوتر شوي وحجه بطریقته المستفزه 

                                

صالح : وین تراکي الاسود 

                                

مروا : بلکنتور انه مخلیته بیدي 

                                

صالح : بس انه ما جاي الکا تعالي شوفي الي 

                                

مروا : بعد شوي تقربت للخانه مالته ادور عل تراک ومن التوتر احس ما جاي اشوفه اف الحمد الله لکیته سحبته ودرت انطیهه ایا لکیته کدامي مباشرتن ومایفصلنه غیر مسافه بسیطه وصدرا عاري احس النفس مالي عله رفعت راسي اباوعله لان هوا ما شاء الله طویل واکتافه عریضه وعضلات بطنه بارزه بلعت ریکي وکتله بصوت باین علیه التوتر ههاذ تفضل جان جوا الملابس جنت احجي ویاا بس هوا فاصل وصافن بوجهي اجیت افوت خله ادیه وحاصارني عل کنتور صرت اباوعله مرا ومرا عله ایده حسیت کلبي راد یطلع من قوت ضرباته واحس خدودي نار من الخجل دنکت راسي وهوا هم دنک علي ضلیت افرک بیدي ورجلي کوا واکفه علیهم اااااخ صرخت لا ارادین من حسیت اسنونه نبتت بخدي برطمت وضلیت افرک بمکان العضه باوعتله بغیض کاتم بتسامته سحب التراک من ایدي ودنک بلحضه همس 

                                

صالح : هاي شویه من نار البکلبي علیج لاتتقربین مني لا احرکج کتلج بعد ما اتحمل 

                                

مروا : ضلیت مصدومه من کلامه ورمش بعیوني هوا نه شوکت اجیت کدامه والله یالله اخذت اهدوم عل سریع وفتت للحمام طلعت شفته عل سریر یکلب بنقاله رحت عل مرایه نشفت شعري ومشطته باوعت الخدي بلمرایه اثر سنونه ازرك واحد احمر 😢لبست الشال وقبل لا اطلع کتله انه نازله اصبلك غده ویاي بصراحه تمنیته یوافق مامتعوده اکل ابحدي باوعلي 

                                            

                                        

                          

صالح : لا ما اشتهي 

                                

مروا : یاریتني ما سٸلت فشلني بس الصراحه ما اثربیه من الجوع الحاسه بي بعد هاذ التعب صبیتلي غده عله الطاوله بالمطبخ وضبطتهه ادلع نفسي کعدت اکلب بالنقال واکل اول مرا اکل بهاي الحریه بدون تقید من تزوجت لحد الان واو ما اجمل العزوبیه جنت ملکه ماخذه راحتي عل اخر ودخل صالح تخربطت نزلت رجلي وعدلت کعتي مثل الشطورا باوعلي بطرف عینه انه هم غلست شوي ومااحس غیر سحب الکرسي وکعد قریب علیه جان جایب خاشوکه وصار یاکل بصحني ردت اکو لزمني 

                                

صالح : لیش کایمه

                                

مروا: اصبلك غیر 

                                

صالح : لا ما اکو داعي اله اذا ماتردیني اشارکج 

                                

مروا : لا عادي کعدت ناکل انه ویا بنفس الصحن ساد الصمت بقیت کوا ابلع کاعد قریب مني سویت حجتي بالمبایل اکلب بي کسر الصمت من کال 

                                

صالح : منین تعلمتي الطبخ 

                                

مروا : من ماما جانت ساحلتني وراهه کل ماتروح للسوک حته اتعرف عل بهارات 

                                

صالح :بتسم بس واضح انو هاذ الشي ما عاجبج شلون تعلمتي بهاي المهاره 

                                

مروا : عادي 

                                

صالح : مروا انتي لیش متذمرا رغم انو حیاتج هواي بنات تحلم تعیشهه 

                                

مروا : تنهدت وحجیت بحرکت کلب لان اتهمني بالتذمر محد یفهمني کتله ماراح انکر هاذ الشي تعرف لیش لان الناس یهمه الضاهر حته انته تکول متذمرا بس الحقیقه انو هاي الحیا الي اغلب البنات تحلم بیهه انه هم احلم اعیش حیاتهم عل اقل هما مانجبرو عله ترک الدراسه بحجت انو مو ناقصهم شي لیش الدراسه والتعب مانجبر انو ینسجنون بقصر بحجت انو همه امیرت والامیرا مکانهه القصر تحسرت جنت احجي وما اخذه راحتي ونسیت نفسي منو الکدامي وشلون انطلقت بکل راحه بلکلام جان یباوعلي مثل المصدوم وصافن بوجهي وحته اتهرب من الموقف الحطیت نفسي بي بتسمت باحراج وکتله انه راح اکوم اسوي جاي اجیت اکوم بس ایده وقفتني 

                                

صالح : نسیتي شغاله زواجج مني وهاذ اصعب شي جبروج عليه مو 

                                

مروا : بقیت ساکته ما اعرف شکول وما اکدر انکر 

ترک ایدي وکام صعد فوك شویه ونزل مبدل وطلع 

عفیه مروا ماتعرفین تسدین حلکج عفیه اففف اف.

                                

.......

                                

سما 

                                

وصلنه البیت خالو جکد جنت مشتاقتلهم صار هوایه مجایه کعدنه نسولف انه والبنات لان هنه صدیقاتي من الطفوله وخاصه زهراء ورود بعدهه کمنه نجهز الغده بس ضجت لان خاله فاطمه کل شوي هیه وبیبي تحجي عله مروا ویسولي استجواب عنهه بس انه ما انطي بیهه رغم انه احب خاله فاطمه واعرفهه رایده بابا بس ماتمنیت انو یزوجهه لان ماتستاهله ماراح اتسعده وراح تشلع قلبه مثل ماما قبل حسب کلام بیبي ابد ما رتاح اویاهه اف الله یرحمهه هههه جنت داٸما اذا اضوج واکل البیبي اتمنه اشوف ماما واحجي ویاهه تکلي ولا تزعلین هسه اکل لبوج یوصلج البیت جدج وکابلي خالتج فاطمه لحد ما تشبعین لان الخلف مامات ههه جنت اتذکر سوالف وبیبي بس ختفت ابتسامي من سمعت صوته یحجي بالستقبل اضاهر هس توا اجه من الدوام شبیج سما راح یاکلج حته عیب علیج تخافین وانتي بهاذ العمر لا وبت الشیخ صالح اخذت الصینیه وانه اقوي بنفسي 

اول ما طلعت اجتي اعیوني بعیونه جان یحجي ویه امه وبعده بملابسه الصراحه هیبه وشخصته تخوف فتت من یمه جان یحجي سکت وانه من غباٸي ما سلمت حجه بغیض

                                            

                            

                                                    

امیرا : شنو یمه انه غیر مرٸي اشو العالم تفوت ما تسلم 

                                

ام امیرا : شبیک ماتعرف سما شلون خجوله مو قصدهه 

                                

سما : یو یلفشله وکفت ودنکت راسي کتله بصوت ناصي اسفه بس ما نتبهت علیک شلونك امیر 

                                

امیر : ممم مانتبهتي عله کلن الحمد الله انتي شلونج الدراسه شلونهه 

                                

سما : الحمد الله کلت هیج ورجعت ارتب السفرا ویه البنات بس متوترا ماعرف لیش ما اخذ راحتي بوجوده

                                

ام امیر : اصعد یمه غیر ملابسك وانه راح اخلي زهراء تصعدلك الغده 

                                

امیر: لا ما اکو داعي انه راح انزل اتغده اهنا 

                                

سما : اسمع البنات یذمرا انو ماراح یاخذن راحتهن عل غده اظاهر متعودین یاکل ابحده حته اما ستغربت اکید عله حضي راح یتغده ویانه کلهه لتمت عل سفرا مااکو احد غریب حته فهد اخوي موجود کعدت بین البنات نزل اهو کعد کدامي ویه فهد والولد 

فراس : اي سماوي شوکت انشوفج دکتورا 

                                

سما : ردیت مع ابتسامه خجوله نشالله الله کریم 

                                

فراس : ههههه ولج سما انتي علیمن طالع مهذبه وخجوله هیج لان ماعرف لاعدکم ولاعدنه وحده بهاي الصفات ههههه بس اعتقد طفرا وراثیه هههههه

                                

سما :متت خجل وضحکت عله کلامه بس ختفت من سمعت صوته الخشن وهو یکول 

                                

امیر :فراس اترک البنیه براحتهه 

                                

فراس :اهو سیادت الضابط عاد راح تکض حلوکنه خلینه نحجیهه نسمع صوتهه صدک سما مرت ابوج ماعدهه خوات بنات اخو والله انتاجهم منین مضبوط

                                

امیر : بعصبیه فراااااااس 

                                

فراس : اهووو خل نسکت احسن 

                                

سما :کمزت کمزه انه والبنات بس حیل بي جکد مایستحي حقه بابا یعصب منه رفعت راسي وما احس اله رصاصت النضرا اجتني دنکت بلکو کملت اکل وفرس یضحکني کوا بدینه انشیل الماعین وکفت اساعد البنات بالغسل بس ما قبلو کعدنه بالصاله الحمد الله صعد الغرفته خاله صاحتني وطلبت مني اخذله الجاي جمدت ابمکاني البنات جاي یغسلن اماعین وعیب ارفض هزیت راسي واخذت الکلاص من ایده اصعد خطوا واتراجع خطوا وصلت کدام باب الغرفه اخذت نفس عمیق یارب مارید اتوتر کافي فشلات کدامه دکیت الباب مرا بالثالثه کال فوتي شنو توقعته یفتح الباب ویاخذه مني شلون راح افوت بلعت ریکي وفتحت الباب دخلت رجلي وحده تضرب بالثانیه رفعت راسي اباوع ماکو الحد ماشفته نایم عل سریر ومتغطي بالحاف واکفه بنص الغرفه وکتله 

بصوت بلکوا طلع متوتر خاله دزتلك الجاي اشو انه کلت هیج وهو طفر وبعد اللحاف عن راسه وکعد جان شعرا مکوش وعیونه حمر من النعاس ولابس فالینه تعلاکه خجلت دنکت راسي بس الجاي یرجف بیدي 

                                

امیر : ولیش انتي جبتي وين البنات 

                                

سما : بالمطبخ دي نضفون ومشغولات 

                                            

                          

امیر : ممم تقربي جیبي ما بیه حیل اکوم 

                                

سما : باوعتله بصدمه بلعت ریکي وتقدمت مدنکه راسي مدیته لله یاخذه ایدي رجفت رجفه قویه قبل لا اخلي بیده الحمد الله ما وکع علیه بس فشلت 

                                

امیر : شبیج ترا ما اعض 

                                

سما : بتوتر انه نازله محتاج شي 

                                

امیر : لحضه نتضریني اکمل وخذي الکلاص ویاج 

                                

سما : وکفت عله صفحه مثل الطفل المعاقب وهوا یشرب وعیونه علي کصني کص وانه بس افرک بدي

                                

امیر : احم یا صف 

                                

سما : بتوتر رابع علمي انه کلت هیج اشو هاذ شرك 

                                

امیر :شنو یعني عمرج ١٦ بس 

                                

سما : بستغراب اي لیش 

                                

امیر : لا ماکو شي انتي صح ناعمه وتنطین عمر ١٤ سنه بس توقعتج بالعمر اکبر احسج ماجاي تکبرین

                                

سما :احس من الخجل خدودي صارت اطلع شرار ومو صخونه وجسمي رجف وزاد الطین بله من کام وصار یتقرب مني وانه مثل الطفله الخایفه والصراحه انه طفله کدامه طول وعرض رجعت لورا نضربت بالحایط رفعت راسي اباوعله ارید احسسه انو شجاي تسوي اشو هاذ مد ایده عله خدي وصار یتلمس بي انه نفس بعد ما اکدر اخذ شهل جرٸه وکلبي احسه راح یطلع من صدري باوع بعیوني ونحنه شوي وکال

                                

امیر : بصوت خدران دخیل الله جکد ترفه یا طفلتي

                                

سما : جسمي رتعد من کلمته کلش ضجت من تصرفه واذا انطي مجال راح یتماده باوعتله بغضب وضربت ایده بعدتهه عن خدي ونزلت ارکض بس شصار بحالي متت من الخوف وجسمي یرجف ما طولت نص ساعه وکونت عله فهد یرجعنه للبیت رغم اصرار خالو نبقی وهوا یتصل ابابا بس انه اصریت وعندت وخاصه من نزل طلع یمه تخربطت وخزرني من سمع ما اقبل ابقی ومن یومهه العطله کلهه خلصت ما وصلت الخوالي وقررت ولا اوصل بس ما اعرف لیش کل ما اتذکر الموقف الصار کلبي یجع ایدك بقوا الیوم اول یوم اداوم بعد عطلت نصف السنه وکلش متحمسه لان انه اعشق الدراسه وهمي کله بیهه

                                

............

                                

جلال : اي بابا باجر اجي 

                                

ساره : کلمته هاي عل تلفون نقلتني من العالم الوردي العشت بي ویا خلال هاي الفترا العالم الضیاع عالم اسود راح اواجه بي اسٶ کوابیسي اي فکرت انو لیش جلال ما تزوج وکون عاٸله لحد هاذ الوقت کانت اسٶ کوابیسي وهسه صارت حقیقه وهاذ الشي للاسف جان اکبر من قدرت تحملي وخلان انهار باول العاصفه بعد ما سمعت کلماته عل تلفون الجانت مثل الصاقعه عله راسي شهکد شهکت الغرکان والیلتقط اخر انفاسه ورحت بعالم ثاني اهرب من هاذ الکابوس مستحیل اتحمل یارب لاتختبرني بهاذ الشي.

.....

                                

ساره : فتحت اعیوني وماکان غیر اللون الابیض یحیط بیه واتمنه انو یکون الشي السمعته حلم وراح وصحیت منه بس تبدد هاذ الشي وتاکدت انو انه ما جاي احلم من حسیت عله الاصوات یمي وصوت الدکتور هوا یطمن اهلي انو جانت حاله انهیار عصبي وعدت عله خیر لا مستحیل هاذ الشي یعدي عله خیر هوا خلص حطم قلبي واحلامي وروحي اسمع اصوات یمي بس ما اکدر ارد عله احد احس بس بحرارت الدموع النازله عله خدي سمعت صوت اخر شخص ارید اسمع صوته یارت اموت ولا اسمعه بعد 

                                            

                             

جلال : دکتور شوکت نکدر نطلعهه

                                

الدکتور : دکدرون تخرجونهه حالن بس یحتاجلهه راحه حته ما تتنتکس حالتهه وتتفاقم اکثر ویا ریت انو تبتعد عن الشي السببله هاذ الشي لحد متتحسن 

                                

جلال :تنهد نشالله 

                                

ودیان : هوا غیر نفتهم شنو الشي الوصلهه الهاي الحاله اجت من الجامعه طایرا مثل الفراشه من الفرحه راحت تشوفک جلال احجي شبیهه ساره 

                                

جلال :وهو قابض عله ایده بقوا مو قتهه خاله خلینه نطلعهه هسه حته ترتاح 

                                

ساره : ارتاح هه هیهات اشوف الراحه بعد اجت امي ساعدتني وکومتني اجه تقرب مني یرید ایساعدهه تراجعت ودفعته مارید ما اعرف شلون اله عین یتقرب مني ضرب الباب بکل قوا وطلع کدامنه طول الطریق دافنه راسي بحضن ماما ما ارید المحه حته عطرا الجان الجنه بنسبه الي احسه جاي یخنکني 

وصلت البیتنه سندتني ماما وصلتني الغرفتي تصنعت النوم حته ابتعد عن الاسٸله الي انه ما عندي جواب الهه طلعت ماما وسمعت صوت الباب التعلن عن دخوله للغوفه سحبت الغطه عله راسي وتکورت عله نفسي حسیت بقربی مني ولمساته عله شعري جانت بالنسبه الي الحیا بس هیه جزء من الوهم العیشني بي صارت دفعت ایده عن شعري وکتله مثل مادمرت حیاتي وربطتني بیک بحجت دارستي راح اتخلصني من هاذ الارتباط وبل مقابل انه ما ارید ادرس کل الاریده تطلع من حیاتي جنت احجي بعبرا مخنوکه وغصه بکلبي جنت امفکرا انو بهاي السهوله اکدر استعید حیاتي وارجع ساره الجان اکبر همهه هيه ادراسه جنت منتضرا ردت فعله جنت متضرا یصیح ویکسر او انو کلماتي تستفزه بالاخیر لازم یوفق عله طلبي لان مستحیل ارتبط بیه بعد السمعته بس کان رده عکس توقعتي وهاذ هوا جلال هه قصدي الشیخ جلال لانسان البارد یحصل عل یریده هو وبس وهاذ الشي الانعکس برده علي 

                                

جلال : وهو یکوم من السریر وقابض عله ایده حته یسیطر عله اعصابه ورد ابرود عکس العاصفه الابداخله توجه للباب ورد علیهه بکل هدوٸ 

                                

ساره انتي تعبانه هسه رتاحي وراح افهمج بعدین انه سبق وکتلج انو عندي اسرار بحیاتي بس مستحیل راح اخلیهه اتاثر عله علاقتي بیج لذالك هاذ الکلام الکلتي راح اعتبر نفسي ما سمعته مو انه الاتحجج بشي حته احصل عل شي هوا اصلن الي فتهمتي الي 

                                

ساره : اکرهك تسمع اکرهك و مستحیل اصیر الك 

                                

جلال : هه انشوف طلع وضرب الباب بقوا 

                                

ساره : لاتحاولین ساره عترفي انو ماراح اتکدرین الصمود کدام جبروته بس هوا بعده مایعرف انو بعد ما کسر کلبي ماراح ایهمني اي شي او ایاثر بیهه حسیت انو کلبي یوجعني وکانه ینزف وما یکدر یعبر عن الالم غیر بس بالدموع یارب یارب ساعدني یارب

                                

وعله هاذ الحال مرت الایام حبیست غرفتي وسلوتي دمعتي ما اعرف بهاذ الشي اعاقب نفسي لو اعاقبه هه وبشنو اعاقبه وهو من اسبوع ابغداد واکید سعید ویه 😢😢😢😢😢😢😢😢😢😢😢عاٸلته 

                                 

.......

                                

مروا : من یوم الي صار وبعد الحجیته ویه صالح تصرفاته ویاي اتغیرت ١٨٠ درجه ما یصیح علي ولا یتامر او یعصب عله اتفه الاسباب یعني معاملته ویای کلش حلو بس بنفس الوقت احسه یتجنبني اکثر طلباته یطلبه من سما وهاذ الشي ما اعرف لیش ضوجني تعلمت عله الاهتمام بي اکله ملابسه صح جان اذا یرید شي مني یطلبه بطریقه مستفزه بس ما اعرف لیش ماجنت اضوج مثل ما من یجاهلني هسه حته یتجنب نبقی انه ویا بمکان واحد رغم احس نضراته تلاحکني بس ابد ما یتقرب مني حته صرت من الضوجه ما یحجي بالغرفه انه احاول احجي ویاا 

                                

دخلت الغرفه اباوعله نایم نومته المعتاده عله ضهره وخال ایده عله عیونه دخلت اخذت بجامه ودخلت للحمام طلعت فرشت ورحت عل مرایه امشط شعري درت ارید اروح للفراش نصدمت من شفته کاعد یباوعلي نتبهلي وشکله توتر مکال بصغت امر

                                

صالح : احم مروا تعالي نامي عل سریر واذا تردین خلي بیناتنه حاجز مایصیر تبقین تنامین عل ارض 

مروا :فاجٸني طلبه کتله لا اخذ راحتك انه مرتاحه هنا 

                                

صالح : بس انه مامرتاح رجاٸن لاتعاندین 

                                

مروا : ما کدرت ارفض لمیت الفراش ورحت نمت عل جهه الثانیه من السریر بتسم ودار وجهه للجهه انام 

بس والله السریر مریح صار هواي منایمه نومه مریحه بدیت اغفي وحسیت علیه یحجي ویاي 

                                

صالح :مرتاحه

                                

مروا : بنعاس مممم

                                

صالح : هههه نوم العوافي 

                                

مروا : بتسمت وانه نایمه وبعد لیله مریحه فتحت عیوني الصبح بس جان الضوا مال الشباک بعیوني فتحتهم بنزعاج بس فکیتهم عله وسعهم وانه اشوف انو مایفصل بین وجهي واجهه غیر کم سانتیم لا والمصیبه انه زاحفه ومخلیه راسي عله مخدته 

                                

صالح :وهوا مستمتع بهاذ المنضرا الکدامه وشنو اجمل من عیون عسلیه عشق نضراتهه معکوسه بیهه اشعت الشمس وزایدتهه سحر بتسم صباح الخیر 

                                

مروا : بتسمت بتوتر ورفعت راسی بسرعه بعد وما کلت صباح النور ورفعت راسي ااااخ یوجع

باوعت شعري صاير جوا راسه بس هو ا مامنتبه کتله صالح

                                

صالح :مممم

                                

مروا : اشرتله بعیوني عله شعري 

                                

صالح: نتبه علیه وبتسم شکلي راح احب کعدت الصبح شال راسه عن شعرهه وکام دخل للحمام 

                                

مروا: خلیت ایدي عله کلبي لان هاي الفترا صایر یعلک کل ما یسمع کلام الکله الغاز ومو فاهمته بس مادري لیش ادوخ ویسلب عقلي لا لا شبیج مروا ....

                                

....... 

                                

ودیان : لشوکت راح تبقین عله هاذ الحال صار اسبوع کاطعه الاکل والنوم وصوتج ما ینسمع ولاترضین تکولین شبیج وشنو سبب هاي الحاله الي تخلیج ماتنامین اللیل و دموعج اتصب وخطیه جلال کل دقیق یتصل یسٸل علیج وعصب وضل یصیح ویتوعد من کتله عن حالتج وماتقبلین تاکلین غیر افتهم اشصایر بیناتکم حته نکدر انساعدکم 

                                

ساره : هه روحي سٸلي ابن اختج مو بعید جنتو تدرون وبس انه المغفله اهنا لا وخایف علي هه

                                

هدی : ساره شنو هوا الندري بي والله عماد ما ینام الیل بس یفکر بحالتج وعتقد بس یجي جلال راح تصیر مشکله بینهم 

                                

ساره : ما کو داعي احد یشیل همي لان کل واحد بیهم سبب بحالتي هاي وانه الحق علي اجیت کعدت یمکم اکوم اروح الغرفتي احسن

                                

اسماء : والله حالته ما ینسکت عنهه اکید الصایر بینهه وبین جلال جبیر هاي المرا حته علي وعمي لا حضو هاذ الشي ویسٶلوني عنهه لیش حابسه نفسهه

                                

ودیان : ما تصفه غیر لمن یجي جلال والله کریم

                                

..........

                                

سما : اسبوع هادء بلشته بنشاط بالدراسه بعد ما طلعت ناجحه طبعا ودرجاتي ممتازه واکثر ثنین فرحولي بیا ومروا وبابا وعدني بهدیه قریبن بس البارحه عل عشه بابا صدمني من کال وهو یحجي ویه بیبي بس مجرد ذکر اسمه خله کلبي یرجف

                                

صالح : یمه الیوم اجني امیر للشغل بطلب

                                

ام صالح : خیر وشنو هاذ الطلب 

                                

صالح : باوع السما وکانه منتضر یشوف ردت فعلهه اجه یطلب اید سما مني 

                                

سما : جنت مدنکه الهي نفسي بالاکل عن سیرته بس کال هیج وکعت الخاشوکه من ایدي وفتحت عیوني عله وسعهن لا مستحیل لا یاربي شلون بیه جنت اباوع الباب بترجي انو ما یکون وقع قرار موتي 

                                

مروا :کسرت خاطري سما یارب لتنحط بالموقف النحطیت بي 

                                

ام صالح : والله امير ما یرد ورجال ویستاهل کل خیر

                                

صالح : باوع السما المخطوف لونهه وکال ونتي شتکولین بابا

                                

سما: بلعت ریکي وباوعت المروا اشرتلي براسهه احجي وکاني اخذت القوا منه کتله بتوتر بابا انه بعدني زغیرا وانته تعرف حلمي انو اکمل دراستي 

                                

صالح :وانه هاذ الکلته بس هوا کال انو ماعنده مشکله ویه دراستج اکید راح تکملین 

                                

سما: حسیت الدنیه سودت بعیوني سکتت بس الدمع بطرف عیني وجسمي صار یرجف 

                                

صالح : تنهد اهدي بنیتي انه غلطت هاي الغلطه مرا وجاي ادفع الثمن ومستحیل اعیدهه لاتخافین 

                                

مروا : جان یحجي وباوعلي معقوله سبب تصرفاته انو محمل نفسه ذنب زواجي منه بس کلش فرحت من قراره ان ما یجبرهه الله یخلي الهم نشالله 

سما : من الفرحه کمت بست راس بابا وهوا حضني ومسد عله راسي جنت اتذکر ها الاحداث وانه طالعه من المدرسه اتمشه للخط رفعت راسي وجمدت بمکاني لا مستحیل .....

 الفصل الثالث والعشرون من هنا