رواية الطالبه والضابط الفصل الثاني والعشرون بقلم توتة
"هناك عطور تكون رائحتها، ذكريات."
♡.♡.♡.♡.♡.♡.♡.♡.♡.♡.♡.♡
نارين.
بقيت گاعده بغرفتي واني ضايجه. شويه واتصلت علي صديقتي منارس.
الوو هاا منارس
منارس / شلونج حبيبتي شلون صرتي
_شويه احسن بسس لسه راسي يوجعني ليوم داومتي انتي شنوو اخذنه
منارس / لا ولله اني هم ماداومت اليووم تدرين ليوم العرس مال ساره وخطيه اجتني م̷ـــِْن الصبح اخذتني وياها للمول اشترينه اغراض الها.
_هاا وهسه رجعتو بعدكم
منارس / ايي رجعنه م̷ـــِْن زمان وهسه هيه بلصالون اني بسس ارتب اضافيري اجي عليج ونروح سويه
_ماضن اگدر اجي بابا ليووم يسافر لاربيل مراح يقبل اجي.
منارس / يااا نارين شبييج ترا القاعه قريبه علئ بيتكم خلي عموو صلاح يجيبج ويرجعج
_مادري ولله اني هم تعبانه وراسي مضمد شلوون
منارس / ترا جرح بسيط عادي افحلي الضماد واني هسه شويه واجيج للبيت اقنع عموو يخليج تجين وياي. تمام
_اوك منتضرتج لعد
سديت منهاا ورحت نزلت احچي ويه بابا قبل لاتجي منارس ويبهذلني كدامها
نزلت للصاله مكان موجود رحت علئ غرفه دكيت الباب ودخلت
كان واكف ويخلي ملابسه بلجنطه ماله السفر.
رحت يمه واني متردده اكوله
ابو نارين / هاا بابا محتاجه شي ??
_ امممم. بابا ليوم عرس صديقتي ساره هاي الي تعرفهه انته وهيه عازمتني وكل صديقاتي راح يروحون عادي اروح ويه منارس للقاعه.
ابو نارين/ وين صايره القاعه
_مادري ولله بسس تگول منارس قريبه علينه موو كلش بعيده
ابو نارين / شكدد تضلن بلقاعه وترجعن
_لاحد ماتخلص الحفله غيرر.
ابو نارين / روحي باباتي وغيري جوو بسس لاطولين بالرجعه وخلي صلاح يوصلج انتي وصديقتج
_صدووك يعني اروح
هز راسه بأيي
حضنت عليه واني فرحانه.
باس راسي بقوه وهمست
ابو نارين / موو طولين وتنسين نفسج اني هسه لآزٍمٍ اسافر. راح اوصي صلاح ياخذج ويرجعج واول ماترجعين تتصلين علي ماشي
هزيت راسي باييي.
_انطيني ارتبلك جنطه مالتك
ابو نارين / لا بويه خلصتها روحي رتبي نفسج وروحي لعرس صديقتج
_لا حبيبي خليني ارتبها الك بعدد وكت منروح هسه
اخذت ملابس م̷ـــِْن ايده ورتبتهم بلجنطه وهو دخل للحمام يسبح كملت وطلعت م̷ـــِْن الغرفه ورحت علئ غرفتي
فتحت كنتوري وطلعت فستان لونه احمرر يصير م̷ـــِْن الخصرر كلش ضيگ وبارز خصري ومن تحت منفوش مثل البدله يصير حد الركبه
كنت مشتريته جديد ولامره مجربته وشايفته لبسته ولبست كعب عالي بلون الفستان وسويت شعري م̷ـــِْن تحت برم
داخلي مكياج اندك باب غرفتي
تفضل
منارس / هلاووو يحلوو شهل نزاكه شهل جمااال سم لله عليج م̷ـــِْن الحسد
_احم احم علئ كيفج موو لهل درجه تجامليني
منارس / يااابه وحق لله غيررر تموتين تجننين فديتج ولله انووب لابسه احمرر الحقيرره غيرر تكوليلي راح تلبسين هيج نوع جان لبست مثلج
_عادي بيتكم قريب روحي وبدلي
منارس / لا بعد وين اگدر الحك رتبت شعري ومكياجي يخرب كلشي بعدين شنوو هسه اني موحلوه طالعه احجي صراحه عليج لله
_لا گلبي طالعه تخبلين ولله حته احلا مِڼـّي
منارس / بلكي لله وليوم التقي بشخص واحبه ويحبني ويتقدملي بيوم زواج صديقتي وينطيني الحلقه كدام الكل اوووف
_احلامج ورديه
منارس / ولله انتي حابتلج واحد يموووت صااك بس المشكله متزوج
نزلت عيوني بقهرر م̷ـــِْن ذكرت ضرغام
منارس / اهووو نارين لاتگلبينها دراميات شبييج هسه اول ماذكرت اسمه انكلب وچهج
_خلينه نروح تأخرنه
منارس / اكلج هوه شنوو اسمه ?
_ضرغام.
منارس / ولله. حته اسمه شخصيه مثله انووب ضابط واله عضلات وشوارب وعيونه ملونات
_اشوفج زحفتي عليه
منارس / ههههه ولله لْـۆ مامتزوج م̷ـــِْن زمان زحفت عليه
_انجبي يلااا خلينه نررووح.
منارس / اووي عيني تغااار عليه
_مناااارس تسكتين لوو ابطل ماروح ولله
منارس / يلا سكتنه سكتنه خلينه نروح تاخرنه راح ياخذونها م̷ـــِْن صالون واحنه بعدنه هنااا.
_شنوو نروحلها للصالون ??
منارس / ايي حبي نروح للصالون ومناك نطلع وياهم للقاعه.
_شكوو رايحين للصالون. نروح للقاعه موو افضل
منارس / لا حبي هيه تريدد تتباهه بصديقاتها كدام الكل وحلفتني اجيها لهناك
_يلا اوك
خليت عطرر واخذت جهازي خليته بلجنطه وطلعنه سويه اني ومنارس لكينه بابا واكف بلباب سلمت عليه ودعته وراح.
واحنه هم صعدنه ويه عموو صلاح اخذنه للصالون الي بيه صديقتي ساره هيه هم تزوجت عن حب
حبها وهيه بصف 4 اعدادي وهو بلجامعه.
رحنه علئ الصالون اني ومنارس كان اكوو هوايه ناس متجمعه صايره هوسه قسم يرمي وقسم يهلهل ويشمر جوكليت
دخلنه للصالون وتباركنه الها واخذنه صور وياها احنه وكل صديقاتها. اخذنه لقطات كلش جميلات.
شويه ودخل العريس صاحت امه بصوت عالي
الف صلاه وسلام عليك يااحبيب الله محمد كلللللللللوووووش.
صارت تشمر جوكليت وتهلهل وتسمي عليهم
تقرب م̷ـــِْن عروسته وشال الغطئ عن وجهه وهو يضحك وهيه تبادله الضحكه ولبسمه
باسها براسها وحضنها علئ صدره صارت نسوانهم تضحك وتگوله هاا هاا بعد وكت انطو مجال شوويه
بقيت واكفه واضحك عليهم شكدد حلوين ولايگين لبعض شيصير لوو اني اخذ الشخص الي احبه واكون عروسه لضرغام
اتخيل نفسي بهل لحضه وضرغام بسس الي كان اسعد يوم بحياتي.
اخذها وطلعو م̷ـــِْن الصالون واحنه كذالك هم طلعنه ورجعنه لسيارتنه وتوجهنه للقاعه.
وصلنه لقاعه تصير مناطق زيونه
كلش حلووه وجبيره.
دخلنه اني ومنارس بعدنه مقدمه الباب شفت ضرغام واكف وياه زلم هوايه ويدخن
احس گلبي وكف انصدمت م̷ـــِْن وجوده بلقاعه شجابه معقوله لاحگني لا لا شنوو يلحكني.
بقه مركز بعيوني احسسه اكلني اكل بعيونه اشو هاذه فجأه خزرني بغضب وعبالك مسويه شي جريمه
نزلت راسي بخوف ماعرف شجاني اول مرره اخاف منه واتوتر.
منارس / ولججج نارين هاذه موو نفسه حبيبج
_اششش انجبي شنوو حبيبج
منارس / دشوفي هذاك واكف ويه زوج ساره
_ايي يمكن يعرفه شعليه اني
منارس / خيولي لاتباوعين عليه وتفضحين نفسج هوه صدك حلوو بسس موو معناتها نباوع عليه
_استغفرلله مناااارس شبييج انتي كاافي اسكتي فدوووه
منارس / اووي ربي شوفي هذاك الواكف وياه عليج لله شوفي شنوو م̷ـــِْن شخصيه شنوو م̷ـــِْن طوول
_وخرري عني
عفتها ورحت علئ،صفحه هااي مخبله علئ الشباب الحلوين ايي واحد تشوفه يعجبها.
بقيت اگلب بجهازي شويه واجه اخو منارس احمد.
احمد / سلام عليكم
_وعليكم سلام اهلا.
احمد/ طالعه كلش حلووه ماشالله
_شكراا م̷ـــِْن ذوقك.
احمد / اشوفج واكفه لوحدج شنوو وين راحت منارس عنج.
_ههه راحت تشرب شي هسه شويه وتجي
احمد / هااا. خوش ابوج ماجاي شنوو ماشفته
_بابا ليووم سافر الاربيل
احمد / خيرر انشالله صايرر شي
_لا عنده شغل يخلصه ويرجع
احمد / ايي شي تحتاجينه اني موجود لاتترددين تعاي وكوليلي واذا تخجلين كولي لمنارس
ضرغام / مايحتاج حبيبي اني موجود
درت وجهي كان ضرغام وكف ورانه مباشره وبيده جكارته وعيونه مركزه علينه
بلعت ريكي بخوف.
_ءا امم. ضرغام
احمد / منوو حضرتك
ضرغام /ابن عمها
احمد / اهلا وسهلا تشرفت معرفتك
سلم علئ ضرغام وراح بقه ضرغام واكف ويباوعلي بنضرات مستفزه
درت وجهي اريد اروح لزم ايدي بقوه وسحبني عليه
_عووفني ضرررغام شدسوووي ناااس تباوع علينه.
ضرغام / تعااي براا نحچي
_ماطلع ولاريد احچي وياك عووفني بحااالي فدووه
ضرغام / نااارين قسم بذات لله راح اطلع واذا مالحكتيني اسحكك علئ راسج هنااا.
_انته شلوون تجرء تحچي وياي بهل طرريقه منووو مفكرر نفسك
ضرغام / اني طالع تعاي وراي
_ماجي وشترريد اسوي ماتخوفني.
سحبني م̷ـــِْن ايدي ومشه كدام الكل
_ضرغام عووف ايدي شبييك نااس تباوع علينه عيب هل تصررفات كاافي وخرر
اجه احمد لزم ايد ضرغام وكال
احمد / خيررر خويه شبيك تجرجر بيها
ضرغام / ماكوو شي حبيبي عندي موضوع وياها ونريد نحچي.
احمد / بس هيه جايه للحفله موو حلوه طلعها هل شكل.
ضرغام / لادخل احسن.
احمد / عفواا.
_اني رايحه ويه ضرغام اذا سألت منارس عني كولها راحت ماشي
احمد / تمام براحتج ديري بالج علئ نفسج.
سحبني ضرغام م̷ـــِْن ايدي وطلعنه م̷ـــِْن القاعه كلها.
دفتعه بقووه واني ضايجه
_انته شبيييييك شلووون تسووي هيج كددام الكل خليتنه صرنه مضحكه
ضرغام / منووو هاذه النذذذل وشعنده يحوووس عليج.
_مالك دخل بحياااتي
ضرغام / الي دخل. اذا نااسيه احنه نقرب بعض مراح اخليج تتصرفين بكيفج وماردج
_عندي أب هوه المسؤل عني هووه الي يحاسبني ويعلمني موووو انته
ضرغام / اررريد اعررف انتي شبييج ليشش هيج متخبله هاااذه كله لان عررفتي بيه تقربت منجججج.
_ههه هاي حچيتها بلسانك تقربت مِڼـّي. عباالك انيي وحده رخيصه وسويت هييج موو طلعتني كددام اخوك كلشي ماسوه وتالي جايني تكولي احبج عبالك غبيه واصدك بيككك
ضرغام / يعني شنوو ممصدكه انيي احبج ?
_اييي طبعااا ماصدك شبسرررعه حبيتني ماصدكت حرف منكك واصلا اني ماثق بيك وعمرري مافكرت بيييك.
ضرغام / شنوو الي يخليج تصدكين اني احبج واريدج.
بقيت حايره شنوو اگول بلكوه مجمعه هل قووه كدامه واحچي ماريدد ابين نفسي ضعيفه كدامه حته مايستغلني.
_مارريد شي منكك ولاريد اثبات
ضرغام / اذا هييج لاتكولين شي انتي مووو كده
_انته تحبني موو.
ضرغام / عندج شكك.
_اوك اذا تحبني انته. م̷ـــِْن صدك وتريدني بحياتك طلگ مرتك واخذني.
فتح عيونه بصدمه وبقه مركز بوجهي
ضرغام / م̷ـــِْن كل عقلچ تحجين اطلك مررتي الي صاارلها 5 سنين وياي تحملتني بكل حلاتي بضعفي وحزني وفرحي تريدين بين ليله ويوم اطلكها بدون سبب.
_اذا هل كدد تحب مرتك وتهتم بيهاا شكووو جااي عليه ليشش تلعب مشاعري وگلبي حرررام عليكك اني بشنووو اذيتك
ضرغام / احترگ بنااار اذا بيووم فكرت أذيج بشي.
_خليك بعيد عن حياتي احسلك ودير بالك تسوي هيج مرره ثانيه. راح احب رجال يكون كدد كلامه م̷ـــِْن يحبني ياخذني كددام الكل ومايخاف م̷ـــِْن احد
ضرغام / حته ادفنج إنتـي ويااه.
تقدمت نحوه وصرت وجهه بوجهه وياه همست بهدوئ.
_خلي غيرتك واهتمامك لوحده غيرري انيي وياك عمررنه مراح نرهم سوويه بعدين اني احب واحد ومقررين نتزوج
حچيت هيج لزمني م̷ـــِْن شعري بقووه وسحبني علئ صفحه دفعني ؏ الحايط
_ااااخ شعرري عووفني
ضرغام / منووو هاذه الي تحبينه احجييي.
_عووف شعرري ااااااي.
وخر ايده عن شعري ولزم اكتافي بقووه وهزني.
ضرغام /نااارين احچي لاتخبليني منووو هاذه الي تحبينه وينن تعرفينه اصلا شصااار بينكم
_مالك دخل بحياتي احب ارتبط هل شي ميخصك.
ضرغام / ليششش تشلعين گلبي
احس مرد گلبي بهل كلمه لحجاها حچاها بحزن وقهررر مبين علئ كل ملامح وجهه.
_انته الي جاي تعذب نفسك بأيدك گتلك ابتعد عنييي عووفني بحالي
ضرغام / خررب حضي الكوا.. نعله علئ شرفج اگلها احبج تكلي هيييج ولججج انييي لووو بيدي م̷ـــِْن زماااان بعدت نفسي عنجججج بسسس ماگدرت ماگدرت افتهمي.
صرت ارجف. بدون ماحس بچيت.
لزم وجهي بثنين اديه وهو يتنفس بغضب
ضرغام / لاتبچين نااارين
م̷ـــِْن گال لاتبچين زاد العذاب خلاني انفعلت اكثرر صرت اشهك وبلگوه اجرر نفس.
ضرغام / اششش كاافي لاتبچين هاهيه ماتريديني موو ابتعد عنج ولله ماسويلج شي بعدد وداعت عيوونج ماسوي شي بعدد بسس كاافي اسكتي لاتبچين دمووعج دمررني طيح حضي.
رفعت عيوني عليه واني ابچي اشووف شكدد يحبني وخايف عليه واني رافضه خوفا م̷ـــِْن بابا ومرته گلبي يريده بسس عقلي يرفض.
مسح دموعي بأديه وهمس
ضرغام / اشش كافي لاتبچين يلا خليني ارجعج لبيتج واني اروح
_اني اسفه
ضرغام / ليش تعتذرين ??
_لأن ء ا. كسرت اني.
ضرغام / اهدي اسحبي نفسس كاافي اختنكتي
ابتعدت عنه ومسحت دموعي واني اجرر نفسس بصعوبه.
درت وجهي عليه كان واكف مكانه ومركز بيه بقيت مركزه بعيونه واني ابچي احسس نفسي ضعيفه گدامه كلش اريدده يعررف شكدد احبه بسس خايفه اسوي هب شي واغلط وادمر حياتي
تقدم نحوي ولزم ايدي واخذني لسيارته.
صعدت بلصدر وهو صعد وساق. طلع اغنيه م̷ـــِْن غبت عني الهم كتلني وينك تعال.
ومن غبت عني "
الهم كتلني. "
وينك تعاال "
تعذب الفرگه "
ومشتاگ للملگه ولبعد طال.
حرگ گلبي بلغنيه اكثرر يسووق ويدخن وعيونه مركزه بلشارع.
وصلني للبيت ودار وجهه عليه
ضرغام / انزلي
_ءا. مراح تنزل وياي ?
هز راسه بلااا.
_دير بالك علئ نفسك
ضرغام / انزلي نارين تأخرت اريدد ارجع.
بقيت مركزه بعيونه ثواني. واني بگلبي نااار شابه.هوه هم بادلني النضرات احس نضراته بيهم ألم وحزن وعتب.
_تصبح علئ خيرر.
هز راسه بأيي.
عفته ونزلت م̷ـــِْن السياره اول مانزلت ساق بسررعه وعافني حسيت بلضعف وانكسرر گلبي
نزلت دموعي مثل الشلالات علئ خدودي
بقيت واكفه مكاني واني ابچي واشهك گعدت علئ حافه الدرج مالت الباب واني ابچي
اااخ ياااربي ليشش حبيته ليشش تعلقت بيه مَآعِرَفتّ احببب واحد ثااني.
ليش حياتي هييج ايي شي اريده واتمناه مايصير الي وصعب احصل عليه.
بقيت منزله راسي وابچي شويه وحسيت سياره وكفت شلت راسي كانت سياره ضرغام.
ستغربت هاذه ليش رجع
گمت م̷ـــِْن مكاني ومسحت دموعي نزل م̷ـــِْن سيارته وبيده الجنطه مالتي.
ضرغام / هاي جنطه مالتج ضلت بلسياره
_شكرا.
اخذتها م̷ـــِْن ايده بقه يباوعلي بستغراب
ضرغام / ليشش گاعده بالباب مادخلتي للبيت
_هسه كنت اريدد ادخل وتذكرت جنطتي ماكوو وبقيت ادور عليها
ضرغام / دورين عليها باب بيتكم ??
_ايي وين يعني.
ضرغام / تمام هاي لگيتيها اخذيها ودخلي
هزيت راسي بأييي.
انطاني الجنطه وراح صعد بسيارته بقيت واكفه مكاني واني اباوعله ماريده يروح شسوي شلوون اطلب منه يبقه.
خطرت علئ بالي فكرره انوو امثل اني متخربطه هوه اكيدد راح يخاف عليه ومايعوفني لوحدي.
شغل سيارته اني اول ماشغل. لزمت راسي وكعت علئ الارض. وغمضت عيوني ماكوو دقايق حسيت نفسي صرت بين احضانه.
ضرغام / ناااارين بوووويه شنوو صااار.
_ااااخ راسي دايخه
شالني بين اديه ودخلني للبيت فتحت الباب الخدامه اخذني خلاني علئ الغنفات الي بالصاله.
ضرغام / جيبيلها ماي.
_حاضرر
راحت الخدامه تجيب ميي فتحت عيوني بهدوئ اشوفه گاعد مقابيلي علئ الغنفه وعيونه مركزه عليه غمضت بسرعه
ضرغام / نارين.
_امممممم.
ضرغام / تجذبين عليه يوووووولي
احس دم جمد بجسمي عززززا بعينججج نااارين كشفج ماااتعرفين تجذبيين ولاتمثلين.
كام م̷ـــِْن مكانه واجه گعد يمي علئ الغنفه وسحبني علئ حضنه كنت متمدده اني.
_وخررر شدسووووي.
ضرغام / غيرر مريضه واريدد اهتم بيچ
_هسسه تجي الخدامه وتشووفنه وتگول لبابا كلشي ولله بوقتها راح توكع مشكله جبيره ومالها حل
ضرغام / عادي لعيونج ادخل حرب.
_استقرر عموو الشايب
اجت الخادمه شايله صينيه بيها عصير وماي ابتعد ضرغام عني بسرعه وكعد علئ الغنفه المقابيلي
خلتهم علئ الطاوله وراحت
اخذت المي وشربت منه شويه واني ميته م̷ـــِْن الخجل ومن تصرفي الغبي
ضرغام / شلون صرتي هسه بعدج دايخه
حچه هيج وقمزلي
بلعت المي وغصيت. انشحطت صرت اكح وهو ضحك عليه گام واجه كعد يمي.
ضرغام / علئ كيفج اشربي شبيج
_اااحم. شرگت.
ضرغام / صحه.
_تكدر تروح هسه شكررا علئ المساعده
ضرغام / يعني طردين خطارج
_لا ماطرد خطاري بسس البيت فارغ وبابا مموجود ماكدر اخليك تبات هناا شراح تكول نااس علينه
ضرغام / ماتگول شي عمها وضايفها شكوو بيها.
_عمي ??
ابتسم وهز راسه باييي.
كلش عاجبني اخلي يبات عندي بسس خايفه بابا يعرف وميقبل بلموضوع اباوع علئ ساعه ب 11 بليل
ضرغام / يلا اني رايح.
_امممم. تگدر تبقه بغرفه الضيوف بسس ليله
ضرغام / وابوچ شلوون اذا عرف بيج مدخلتني بيتج ومخليتني ابات عدكم وهوه ماموجود
_عادي اكوله ضفتني بليل وماكدرت اطردك.
ضرغام / اااا اخ وتلومني بحبها.
_يلا اني رايحه اطلب م̷ـــِْن الخادمه تحضرلك غرفتك.
گمت م̷ـــِْن مكاني ورحت علئ،الخدامه كتلها تحضرله غرفه الضيوف ينام بيها.
رحت علئ غرفتي بسررعه بدلت لبست تراك ابيض هوه قصير فوك م̷ـــِْن الافخاذ وقميصه كله ازرار.
ربطت شعري وخليت عطرر ونزلت لگيته بعده كاعد مكانه ويكلب بجاهزه اول مانزلت عيونه ركزت بشكلي.
ابتسمت مجامله اله ورحت عليه
تفضل غرفتك علئ السيار.
گام م̷ـــِْن مكانه واجه وراي طلعت كدامه للغرفه فتحتله الباب.
_هاذي الغرفه رتاح بيها وبااجر روح
سحبني م̷ـــِْن ايدي عليه وقفل الباب.....
