رواية جبروت إبن عمي الفصل الثاني والعشرون بقلم توتة
أحاول باستمرار ألا أسيء لأحد ولا أطعن بأحد .. وهو ليس بالأمر السهل فالإنسان بطبعه يعشق القيل والقال
وهذا ما أحاول تجنُّبه فقد ندمت أحيانا كثيرة على كلامي لكني لم أندم يوما على صمتي..
...............
ورود.
راح ثائر الاربيل لان عنده شغل واني گلت هاذي الفرصه المناسبه حته احجي ويه وسام واشرحله كلشي
قررت احجيله كلشي وماضم عنه اگوله تزوجت مجبوره وكله علمود اهلي
صار اليل وگعدنه سويه نتعشئ احس بوحشه علئ ثائر هو صح عصبي ويغثني بس احسه سند الي كدام اهله
ومن نگعد ناكل سويه هو يمي ماحس نفسي غريبه بينهم ليوم م̷ـــِْن راح احس نفسي غريبه
ب رغم صارلي فترا م̷ـــِْن تزوجت بس لسه ممتعوده علئ اخواته لان هنه ملتهيات ب دراسه وقليل اشوفهن ب بيت
كملنه اكل وشلت صحون ويه كرستينا گالت ام ثائر
عوفي م̷ـــِْن ايدج كرستينا هيه تشتغلهم
لا عادي اني اريد اساعدها ماحب ابقه گاعده
براحتج
اخذت صحون ويه كرستينا للمطبخ وصرت اغسل وياها هيه خطيه ماقبلت بس اني اصريت عليها لان ماحب اشوفها تشتغل وماساعدها
اني كنت بيت اهلي كل شغل عليه رغم عندي دراسه بس ماخلي امي تشتغل لوحدها. قصص وروايات عراقية
كملت وصعدت لغرفتي گلت اتصل بثائر وشوفه اذا وصل لْـۆ بعده
اتصلت مره ومرتين وب 3 انفتح الخط واجاني صوت بنت اعتقد السكرتيره مالته
الوو منو
هلا وين ثائر
الاستاذ ثائر عنده شغل حالين منو ﺣضرتج حته بس يخلص اكوله
كوليله مرتك اتصلت عليك
هاا لحضه هسه راح احوله المكالمه
تمام.
شويه واجاني صوته
الووو
الوو ثائر شلونك
هلا ورود تمام انتو شلونكم امي لبنات كلكم بخير
ايي الحمدالله كولنه بخير وصلت بعدك
اي وصلت م̷ـــِْن زمان بس اخلص شغلي ارجع عندي شغل بغداد هم.
اوك تررجـِٰ؏ ب سلامه
ورود
هاا
مشتاقلج
حتاريت شنوو اكوله احس نفسي خجلت وهاي اول مره اخجل منه وكلامه يأثر بيه.
شبيج صفنتي
هيج ماكوو شي. عطلتك عن شغلك كمل كنت بس اريد اطمأن عليك واشوفك اذا وصلت او لا
تمام اني عندي شغل هسه باجر اتصل عليج بالج علئ نفسج وعلئ امي
انشالله
سد الاتصال ماعرف ليش رتاحيت م̷ـــِْن اطمأنت عليه وحجيت وياه ب رغم هوه تصرفه ناشف ويايه ودائما نفسيه
بقيت گاعده ب غرفه واكلب بجهازي شويه واندك الباب.
رحت فتحته كانت الخادمه كرستينا.
انسه اهلج اجو وهمه تحت گلتلي ام ثائر اصعد اناديلج
صدوك اهلي تحت
ايي
نزلت بسرعه وصلت للدرج وتذكرت كلام ثائر عن اخوي عامر وشلوون گال باعج الي مقابل فلوس للاقمار.
احس نفسي ختنكت وحته ماضلي واهس انزل واحجي وياهم
نزلت واني دمعه بطرف عيني تلمع شفتهم گاعدين ب استقبال عامر وامي وخالتي مرت عمي سعد لان هيه ماجت بعرسي
كنت لابسه فستان قصير وردانه نص لونه احمر
سلمت عليهم وگعدت وياهم
شلونج خاله ورود الف مبروك انشالله
الله يبارك بيج ولله كلش فرحت بجيتج علينه
صاحت ام ثائر علئ كرستينا
كرستينا حضري الضيافه
خالتي بقت بس صافنه لان عدهم خادمه ب بيت وتتامر عليها.
بقينه نحجي كلام. عادي شويه واجه جلال گعد ويه اخوي عامر
رحت علئ كرستينا للمطبخ حضر وياها الضيافه
مدام فدوه خليني اني اسوي شغل وحدي
اني اريد اساعدج بعدين لموجودين اهلي لآزٍمٍ اني اضيفهم بيتي
اخذت العصير وقدمت الهم وكرستينا جابت حلويات وفواكه وكذا
اباوع علئ عامر ونار مشتغله بكلبي ماكدر ابقه ساكته اريد اساله اذا صح هل كلام او لا بس شلون ياربي ماكدر احجي كدام الكل
طلع عامر علبه وانطانياها وگال هاذي هديه بسيطه مِڼـّي.
اخذتها م̷ـــِْن عنده بدون مافتحهه
دخلت ديانا وهيه لابسه بنطرون وقميص نص ردن
سلام
الكل وعليكم سلام
اباوع ع جلال خزرها حته تدخل لان اخوي موجود وهيه لبسها غير شكل
راحت صعدت لغرفتها.
حجه عامر.
ثائر وين اشو ماكوو
ثائر مسافر راح الاربيل عنده شغل
هاا الله يرزقه انشالله
تسلم.
حجه جلال وگال.
اكلك عامر انته شنوو تشتغل ?
اشتغل ويه خالي عامل بمحل.
اباوع علئ ام ثائر ماعجبهه الوضع وتغيرت ملامح وجهه. وعبالك لعبانه نفسها منه
اني بلعت الغصه وسكتت ماكدر افتح حلكي بكلمه
بقوو شويه عدنه وراحو. خالتي انطتني فلوس بس ماخذت م̷ـــِْن عدها گلت الها جيتج كافيه ولله
راحو ضجت كلش لان ماحجيت ويه اخوي عامر وماسألته ليش هيج سوه واذا صح يلعب اقمار او لا
صعدت لغرفتي واني تعبانه وتفكير راح يخبلني احس نفسي دايخه وعايشه بغير عالم
((لا بأس أن تلّجأ للنوم عندما تشعُر بأن الحُزن فاق طاقتك 🤍))
نمت واني افكر اذا وسام راح يجي باجر او لا وشراح احجي وياه اذا شفته بعد كل هل فترا وبعد ماتزوجت م̷ـــِْن شخص غيره
گعدت الصبح علئ صوت الباب يندك لبست روب النوم فوگ ملابسي وفتحت الباب كانت ديانا
صباح الخير
صباح النور
يلا بسرعه حضري نفسج دنروح للجامعه مروه منتضرتج تحت
اوك دقايق واكون جاهزه ماطول
عافتني وراحت رحت طلعت ملابس م̷ـــِْن الكنتور وحضرت نفسي لبست بنطرون وقميص ابيض عريض ومن الخصر اكوو حزام
لبست شال وخليت مكياج خفيف فتحت الكنتور وطلعت فلوس م̷ـــِْن الخزنه مالت ثائر خليتهم ب جنطه ونزلت
لگيت لبناات محضرات نفسهن ومنتضرات
يلا يمعوده تاخرنه
يلا هايني اجيت خلونه نروح
متتريكين ?
لا ماريد اكل شي ب كفتريا
طلعنه احنه 3 وصلوني للجامعه وراحو همه اول ماوصلت اتصلت بساره
الوو هاا ساره وينج
اني شويه واوصل للجامعه ليش ?
اوك اني وصلت منتضرتج تجين
سدت الاتصال وبقيت منتضره ساره گاعده ب حديقه الي ب جامعه
شويه واجه ولد شاب گعد يمي وگال
شهل جمال لخاطر ربج
عفوا شهل كلام البايخ رجاء روح منا
هههه بوه انوب كلامها مايع مثلها
لاا انت صدوك ماعندك اخلاق شهل لعبان النفس م̷ـــِْن صبح
عفته ودخلت للقاعه هاذه شبيه ثول ايي ولله عايزه مجانين اني
بقيت كاعده شويه ودخلت ساره
صباح الخير
هلا صباح النور. حجيتي ويه وسام راح يجي
لا ولله مكدرت احجي وياه انشالله ليوم احجي وياه
ياااا ساره صدوك تحجين اني گاعده ع نار وعبالي حجيتي وياه تالي تطلع محاجيه شي قصص وروايات عراقية
شسوي ترا مصارتلي فرصه احجي وياه وبعدين بيتنه بعيد علئ بيتهم وماتواصل وياه ع نت اني
زين انطيج رقمه واتصلي عليه وحجي وياه
ليش متحجين وياه انتي ?
ماگدر احجي وياه ب جهاز اريد اشوفه وجه لوجه عندي كلام وياه ولازم افهمه كلشي
ولله ياورود خايفه م̷ـــِْن هل تصرف وكلبي ناغزني ماعرف ليش
شبيج ساره اذا متريدين تساعديني عادي گولي
اشو نجبي شنوو ماساعدج بس خايفه عليج ولله انتي متزوجه يعني خطوره تحجين ويه وسام م̷ـــِْن ورا رجلج
اخاف شخص يعرف ثائر ويوصله كلام
ساره شبيج لاتخوفيني انشالله مراح يصير شي وهسه هاج هاذه رقم وسام اتصلي بيه واطلبي منه يجي ليوم اشوفه قبل لارجع للبيت..
انطيت الرقم لساره شويه ودخل المدرس وبدت المحاضره.
خلص وطلعنه ثنينه گعدنه ب كفتريا.
يلا ورود اني رايحه اتصل بوسام شويه ورجعلج تمام
هزيت راسي مبعنئ اييي
راحت تخابر وسام اني ماعرف ليش گلبي خايف واديه ترجف خايفه كلش بعد كل هل فترا راح اشوف وسام
شنوو احجيله وشلون امنعه مايتزوج صديقتي ساره لآزٍمٍ احجيله الحقيقه
اكوله اني مجبوره وكلشي صار اني مالي ذنب بيه سويت كل هل شي لخاطر اهلي حته ميصفون ب شارع
بس شلوون اذا سال عامر عن الموضوع وكله عن الدين لشنوو راح ينفضح اخوي كدام العالم ياربي شسوي هسه
شلوون اتصرف ياربي دخيلك دلني علئ الطريق الصح
بقيت گاعده واني اكل بنفسي اكل وحايره شنو احجي وشلون اقنع وسام اني مالي ذنب بلي صار واني احبه مابعت حبنه علئ مود الفلوس
شويه واجت ساره گعدت يمي وگالت
اسمعي اتصلت بيه وگتله ممكن تجي للجامعه ترجعني للبيت. وهو وافق
بس هااا م̷ـــِْن هسه اكولج طلعيني برا الموضوع سوي نفسج ب صدفه شفتي لان اذا عرف بيه متفقه وياج
راح يكرهني وحتمال يوصل كلام الاهلي وانحرم م̷ـــِْن دراستي
شبيج ساره ترا وسام ميفكر هيج بعدين اني اعرف شلون اتصرف لاتخافين م̷ـــِْن شي
ولله اخاف ورود اهلي تعرفيهم حيل ملتزمين واذا سمعو بيه مسويه شي ميرحموني
هسه شكلج راح يجي ?
ايي گال عندي شغل هسه بس ﺂخـلـصََ امر عليج وارجعج ويايه
يعني شكدد يبقه ترا اني ماكدر اتاخر مروه بس تخلص تجي تاخذني م̷ـــِْن الجامعه
ماعرف ولله احتمال يتاخر انتي اتصلي بمروه وگوليلها راح ارجع بتكسي عندي دروس اضافيه او كوليلها گاعده ويه صديقتي
ماعرف اذا راح تخليني او لا لان اخوها موصيها وطالب منها تاخذني وترجعني
شسالفه ترا انتي مو طفله حته تاخذج وترجعج للبيت
اووف ساره انتي بعدج متعرفيهم همه يحبون التسلط خصوصا ثائر يحب يتحكم بيه ويمشيني علئ اوامره.
ولله ماعرف شكلج.
بقينه منتضرين اتصلت بيه مروه طلعت ب حديقه مالت الكليه حته احجي وياها
الووو هاا مروه
خلصتي بعدج
اكولج ليوم داومت صديقتي واريد اكعد وياها شويه وهسه هيه ب محاضره منتضرتها تخلص ونكعد سويه ب كفتيريا
لاتمرين علي اني ارجع بتكسي او م̷ـــِْن اخلص اتصل بيج.
تمام اني هم عندي طلعه ومناك اريد امر ع سوك م̷ـــِْن تخلصين اتصلي علي وامر عليج تمام بس لاطولين لان ثائر ميقبل
اوك.
سديت الاتصال وخليت ايدي ع كلبي واخيرا عرفت شلون اتخلص منها بعد الشي الاصعب وهو وسام شلون راح اتصرف وياه.
طلعت ساره واجت يمي بسرررعه
ورود ورود. وسام اتصل بيه وگال وصلت اطلعي شلون هسه لآزٍمٍ نخلي يدخل للجامعه
انتي ابقي لاطلعين اني راح اطلع عليه
للشارع ?
ايي راح اطلعله للشارع واطلب م̷ـــِْن عنده نحجي شويه علئ صفحه
براحتج. اني راح ابقه هنا انتي روحي
طلعت واني رجلي وحده تردم ب ثانيه وخايفه كلش ماعرف شنو راح احجي وياه وشلون اقنعه
شفته گاعد ب سياره مالته احس كلبي صار يدك سررريع ونباضاته سرعت اديه صارت ترجف
وصلت لسيارته ودكيت الجام مالته نزل الجام وشافني بقه صافن ومصدوم
ءا. ممكن نحجي شويه
شعندج جايه روحي لايشوفج شخص انتي مَـرّھٌ متزوجه هسه عيب هل تصرفات
احس كلامه زلزلني وقهرني اكثررر
وسام عندي موضوع وياك انزل خلينه نحجي شويه واروح
اني ماعندي شي احجي وياج رجاء روحي منا
اذا تحبني انزل لموضوع كلش يهمني
م̷ـــِْن گتله هيج بقه صافن بوجهي شويه ونزل م̷ـــِْن سياره صرنه ع رصيف قريب م̷ـــِْن الاشجار.
نعم شنو لموضوع
لاتزوج ساره.
ههههههه بأيئ حق جايه تطلبين مِڼـّي ماتزوج واصلا منو طالب رئيج بزواجي #ڪــڔٰا̍ڕ
وسام فدوه لاتعذبني اكثر انت مالگيت غير ساره صديقت طفولتي ليش تحب تشوفني مكسوره
تقرب م̷ـــِْن عندي ولزم اكتافي بقووه وركز بعيوني
وانييي مافكرتي بيه م̷ـــِْن كسرتي گلبي م̷ـــِْن فضلتي شخص عليه رفضتيني بيوم خطبتنه لج سنين واحنه سويه مايوم فكرت اخونج او اباوع ع غيرج
حبيتج اكثرر م̷ـــِْن نفسي كنت اشتغل ليل ونهار بس حته احقق حلمج واخذج الييي
انتي شنووو سويتي احجيييي شنو سويتي رحتي اخذتي هذاك العاار لان عنده فلوس بعتي حبي الج بكل سهوله
وهسه جايه بكل عين وقحه تطلبين مِڼـّي ماتزوج
بقيت بس ابچي وماعرف شحجي ب گوه جمعت كلمات وحجيت
اني مجبوره ولله انجبرت اتزوج صدكني اني مالي ذنب بكلشي صار اني احبك وسام بعمري كله مافكرت اخونك او احب غيرك
وهاذه ثائر اخذني گوه اني ماحبه ولابيوم حسيت شي اتجاهه.
صفن وبقه بس فاتح عيونه ويباوع ورايه
اني جمدت وماعرفت شسوي ياربي منو ورايه وليش هيج يباوع وسام
حجه وسام وگال. ثاائر.........
..........................................................
جلال.
گعدت صبح طلعت لدوامي كل عاده مر الًيَوُمًِ طبيعي وماكوو شي جديد
اتصلت بيه دنوو.
الوو صباح الخير
هلا صباح الورد ولعسل
هههه خجلتني بكلامك
فدوه للي تخجل مِڼـّي شونج شخبارج
الحمدالله اكولك جلال ليوم يمكن نجي عليكم اني واخويه مؤمل
ليش شعدكم ?
هاي شنوو جلال تطرد خطارك اكوو واحد يسال خطاره ليش جاي علينه زعلتني ولله
هههه لا ولله مو هيج قصدي بس يعني داسالج اكوو شي لْـۆ هيج جايين
لا هيج اني طلبت م̷ـــِْن مؤمل نجي عليكم اريد اشوفك.
اني حالين ب عياده تعالي العصر اني هم مـشتاقلج واريد اشوفج
اوك حبيبي اخذ راحتك اذا عندك شغل هسه
تمام يروحي بالج ع نفسج
وانت هم
سديت م̷ـــِْن عدها ورجعت اشتغل وكذا خلص الًيَوُمًِ طبيعي رجعت للبيت كانت ساعه تقريبا ب 2 الضهر
دخلت لگيت ثائر راجع
هااا ثائر رجعت شبسرعه
ولله طلعلي شغل مهم بغداد خلصت كلشي لبارحه ولصبح رجعت
خير انشالله.
ايي شلونك انته شلون شغل وياك
ولله شكولك لعبان نفس ودوخه احس راسي راح ينفجر فوگ ضيم ڱڵـه. كعدت الصبح لآزٍمٍ ب 7 اني موجود ب عياده
هو هاذه الشغل اذا ماتتعب ع نفسك مراح تنجح ابد
بعدنه نسوالف دخلت مروه واختي ديانا بس ورود مموجوده وياهم
سلام عليكم
رد عليهم ثائر وعليكم سلام ورود وين ?
حجت اختي مروه
ولله ورود. اتصلت بيها وگالت تريد تشوف صديقتها كلتلي م̷ـــِْن تخلص تتصل بيه او ترجع بتكسي
صديقتها ?
اييي هيه هيج گلتلي
اني رايح اجيبها
وين ثائر خلي لبنيه ويه صديقتها عيب تصرف هيج
رايح اجيب مرتي مو شخص غريب بعدين حته لْـۆ ويه صديقتها شنو مخلص كلامهم ساعه ب 2 ضهر
عافنه وطلع وهو هسه واصل م̷ـــِْن السفره ماعرف شبيه ابد ميسمع الكلام والي براسه يسوي
صعدت لغرفتي حته ارتاح غيرت ملابسي وكعدت اشتغل علئ الحاسبه كملت شغلي ونزلت حته اكل شي جوعان
نزلت لگيت امي كاعده ب استقبال وتباوع ب مجله رحت گعدت يمها.
هااا ماما جلال جوعان اخلي كرستينا تسويلك غده
ايي ولله يمه شلوون عرفتي جوعان
غير اني امك اذا ماحس بيك منوو يحس
بعدنه نسولف نسمع بس صراخ وعياط بصوت عاااالي
طفرنه ثنينه مرعوبين
شنووو هاذه الصراخ يمه
مادري ولله لبنات وين ?
بغرفهن
بعدنه حايرين منين الصوت انفتح الباب
فتحنه عيونه ثنينه بصدمه ............
