رواية لأني عاقر الفصل الثاني والعشرون بقلم مريم خفاجة
...
والمفروض ملاك حامل؟
ليش احلامنة دائماً نشوفها گبالنة؟
واحنة ما محققيها
نضل نتحسر عليها ليش؟
ليش نشوف الياخذون حلمنة واحنة
نباوع مانحرك ساكن لا احنة المحققيها
ولا هي الأجتنة؟
جانت لحظات موتي
اباوع للدقايق واكول يمكن هسه اشهك اخر شهگة
واموت
بس ما متت؟
غريب؟ ليش احس روحي بوسط تابوت
بس اني ما ميتة؟
الدنيا بكبرها
صارت اشبهه بتابوت
خطواتي تقدمت لجحيمي
وهو داير وجهه عني وحاضنها شافتني ابتعدت
عنه وهي لازمة ايدة
مديت ايدي ؏ ضهرة دار وجهه الي
وعيونة فرحانة؟ ابتسامتة ماخذة وجهه كلة
وگلبة الجان يدك الي بفرح
دك لفرحتها
تقدمت اكثر
وهمست بأذنة:-الف مبروك ويارب تتهنون بي
ابتعدت وهو يباوعلي بحزن مُصطنع
ميلت راسي وابتسمتلها:-الف مبروك يارب تگومين بالسلامة وتقر عينج بي
حجت بدون مشاعر:-شُكراً الله يبارك بيج
يوم النفرح بيج ويعوضج الله
ملاك:-ما اعتقد
درت وجهي لخالتي التباوعلي
ورافعة حاجبها تنفست نفس عميق
وهي تباوعلي:-مبروك خالة فرحتي؟
بيداء:-اكيد جا ابن الغالي هذا؟
اذكرها لو هي تذكر عدل؟
لو تريد تقهرني وتحرك كلبي مثل ما حرگوا
گلبها؟
بس اني اختلف؟
لو هي تختلف؟
ملاك:-الله يهنيهم
رجعت عيوني الحَزينة عليّ
وهو حاضنها من خصرها وكصتة
؏ كصتها ويهمس بصوت ناصي حيل وهي تضحك
بخجل
وامها ورندة مبتسمات ويصلن ؏ محمد
وطبعاً يقهرني لا اكثر؟
سكتت وسكتت وسكتت والعبرة تخنك
عفتهم وصعدت
دخلت وصرت ورا الباب غمضتهن حييل المأذياتني
وتلمست بطني وعصرتها عود يجي يوم وتكبر؟
غمضت واني اتحسس شعورها
هسة طفل ببطني واني انتضرة يكبر
حتى اعرف جنسة اذا ولد لو بنية؟
تستمر القصة أدناه
وخالتي فرحانتلي وكمال بس الي
واني فرحانة هم يمكن اطير؟ زين شنو شعور
الفرح الي هي حاستة هسه
اتمنى اعرفة
ليش جاي اتحسر؟
عود هم الي عين واسأل روحي بـ ليش؟
اني فاقدة هذا الشعور
يا ناس شعوري واني ماراح اصير ام
للأبد يأذي والله يأذي
احسد الأم واحسد الأب واحسد الطفل
اني جاي اكرهه الدنيا
اكرهه روحي لان نخلقت
الله شضاملي بعد
عود هذا كلة واكو شي مضموم؟
اكو قدر مدفونلي؟
اكو؟
ندك الباب
كمت وأني اخذ نفس فتحتة جانت وردة
ابتسمت:-هلا وريدة
دخلت وحضنتني حييل وهي تسد الباب
برجلها:-تمنيتها الج والله متمنيتها الج
جا ياربي....
قاطعتها واني اخلي ايدي ؏ حلكها:-اششش
لاتگولين هيج اششش
باوعتلي عيونها مدمعة
درت وجهي لعلاوي وشلتة وهو باسني
بركبتي ضليت ابوس خدودة
وابتسملة
كعدت ؏ جرباية و وخرت كذلتة
عن عيونة:-راح يجي طفل زغيروني تدري؟
حط ايدة ؏ بطني غمضت عيوني
وفتحتهن بسرعة:-هنا نونو يعني
هزيت راسي ودموعي تسارعت:-لا لا مو اني
علاوي:-منو؟
مسحت خشمي وهمست:-خالة ولاء
علاوي:-اايع اني ماحبها
ولا اني ياعلاوي شتكول علية؟
واني اشوفها ماخذة الاريدة؟
ملاك:-علوش
علاوي:-ها
ملاك:-ترضى واحد غريب ياخذ العابك؟
فتح عيونة ؏ وسعها وهز راسة لا باكثر من مرة
وگال:-أكتلة برشاشتي
ملاك:-علاوي تدري اني خذوا العابي
وردة:-كافي والله راح اموت
ملاك:-علاوي تدري من خذوا العابي شصار بية؟
بلع ريگة وهو يباوعلي ويرمش
ملاك:-ولحد الان مستمرين ياخذون العابي واحلامي
علاوي:-أكتليهم اني عندي رشاشة
ملاك:-اذا كتلتهم اني اموت وراهم هم
علاوي:-منو اخذ العابج اني اكتلة عندي رشاشة
ضحكت:-اكتلني الية عادي؟
علاوي:-لا اني احبج اكتل خالة ولاء
حضنتة اكثر واني اشهك:-اني ردت مثلك هم
ردت لعبة والعب بيها ردتها بس الية بدون محد
ياخذها مني بدون مايحرگون گلبي بيها
علاوي انتَ همك اللعبة
اني همي واحد مثلك شلون اجيبة؟
شهگات وردة صارت اعلى مني
وهي تلطم ؏ وجهها وتشهك
حاضني علاوي بكل قوتة ويبجي
وخر مني ومسح دموعي وكال:-اني احبج اني اكتلهم كلهم لاتبجين خالة كولي لماما لاتبجي اني اكتلهم
تستمر القصة أدناه
ملاك:-علاوي جرح گلبي مايفوخ بكتلتهم
علاوي:-ليش حتى ناخذ العابج ونلعب اني وياج
هزيت راسي بـ لا اكثر من مرة:-العابي
گطعوها وگطعوا كلبي وياهن
اخذتة وردة مني وهي تكلة:-روح ماما روح يم ابوك
ملاك:-جيبي هو يفتهمني
وردة:-روووووووح
عافنة وطلع وهو يمسح دموعة
جرتني وحضنتني حييل واني وياها نتشاهك
شهگات الموت
وردة:-ياللللله اخذ عمررررها خلصصصصها من ضيمهاااا ياررربي
ابتسمت واني اهز راسي
ودموعي تنزل:-اي هذا الدعاء اليبرد گلبي والله
مارتاح بحياتي كلها مارتاح والله
بوستني ومسحت دموعي:-كافي
ابوس ايدج
اخذت ايدي تريد تبوسها بعدتها:-كافي
ولج والله جاي امووووت جاي اختنك وروحي تطلع
ملاك:-جا شتكولين علية؟
وردة:-ولج شنو شگول بأكلي بشربي بكعدتي
بنومتي من اقرا من اشتغل من اصفن انتي انتي انتي
بكلشي افكر بيج اسوي شغلة وكلبي
يلچمني عليج
ولج اضحك واصفن واگول اضحك اني
وملاك هسه تبجي؟ يضل گلبي ينغزني
والله ماشلت هم واحد كد ماشلت همج
ملاك:-ضلي وياي انتي لاتتغيرين علية هم
وردة:-والله ماعوفج اني اعزج اكثر من امي
وترديني اعوفج؟
ملاك:-امي عافتني وردة لاترد ؏ رسايلي ولاترد ؏ اتصالاتي ولاتحجي وياي اسأل خواتي عنها يتهربن مني ومايردن ؏ سؤال
وردة:-اني اروح احاجيها لاتقلقين اصلاً
هي قبل يومين اجتنة
اخذت نفس
وهي رجعت تمسح بوجهي وهمست:-كومي نغسل؟
هزيت راسي
وكمنة سوة غسلت وهي هم نشفت وجهي
ولزمت ايدي:-خلي ننزل
ملاك:-لا! خليني هنا ماريد انزل
سكتت وضلت يمي
ضلينة نسولف لحد ما اذن المغرب صلينة
ونزلنة سوة
وام ولاء بعدها ورندة هم وخالتي
وهي بصف خالتي ويضحكن
رندة:-عمي هسة اني اختج ملاك اختج
اني البعيدة لو هيّ عفتيني وشردتي
وردة:-هي هم ما شايفتها من زمان
ولاء:-اول امس انتي عدنة
وردة:-بيت أمي وبكيفي
ولاء:-جا اني شگلت
وردة:-لو تحجين شي بي حظ لو تسكتين
بيداء:-ورررردة اكص لسانج والله
لزمتني من ايدي وهي تمشي
وتحجي وياها:-عليمن تكصين لساني يمة
شحجينة
رندة:-هسة ادري مجلبة بملاك شعندج
بيداء:-هيّ حتى من تجي رأساً تركضلها لا تكول امي ولاتكعد تحجي وياي يتخنسن هي وياها
وردة:-اذا يكلولي هسه ملاك انطيها الهوى التشمي
انطيهياه تصدكن لو لا؟
ضحكت وجريت راسها وبستها
بخدها:-يابعد روحي
رندة:-عليمن يمة منطيتج راتب واحنة ماندري
وردة:-مرت اخووووي العزيز شلون ماتردني احبها؟
منبع اسراري هاي
بيداء:-اي مو طمطمت طمطمت لحد مافضحتينة وشهرتينة
وردة:-مُراهقة مو عمري ستين؟
ورفعت حواجبها لأمها
وخالتي خزرتها خزرة وضلت تبلعم
وام ولاء تباوع مصدومة
وحدة ترفع والثانية تكبس
واني اضحك بسكتة
لحد ما جاب كمال العشة
فرحان وهو جايب كباب واشكال والوان
كعدنة سفرة وحدة ابو ولاء واخوها هم جايين
اني كاعدة بصف علاوي واوكلة
وهمة بعيدين عني بس اكدر اشوفهم
وهو يدنيلها الأكل يمها
ويحطلها شتريد
شلنة الأماعين وغسلنالهن
ويوم يمر وأيام تمر
والدلال صار اكثر
والحُب ازداد
عبالكم ألي؟
ههه لا أكيد
صارت ام الجهال بحيث يكوم وهو يلزمها
ويمشيها يگعد يكعدها ؏ كيفة
هو وياها بكلشي وملاك؟
بعرض الحايط ملاك
ونسكت والروح صبرت هواي وتصبر ونشوف
لوين توصل المواصيل؟
وصارت ليلاتها اكثر بحجة "تتخربط"
ومرت ايام هوووواية
وجنس الطفل جان ولد
ويا فرحة خالتي وكمال الگاع ماساعيتهم
وبوكتها خالتي خلتني اطبخ
حلاوة و وزعتها للجوارين كلها
اطبخ حلاوة الفرح
بس مو فرحتي
وبيوم ولادتها...
صراخها ملة الكون رج البيت رج
خفت عليها هواية
وبيومها خالتي ماموجودة رحنة اني وكمال
وياها وهو خايف يرجف
وحتى دموعة تجمعت بعيونة
واحنة كاعدين بالورا ولازمة ايدي بكل قوتها
احس ايدي تكسرت بيدها
واني اقرالها ادعية
ودموعي تجري وياها
اخ يگلبي الما يكدر يكرهه بشر
حتى عدوج يا ملاك؟ تبجين علي؟
مافكرت اي شي بوقتها
بس ردتها تصير زينة ويطلع الولد بخير وسلامة
ركض بيها بالمستشفى وهمه خذوها
منه واحنة وراهم ودخلوها للغرفة وهي تصرخ
كمال:-يالله يالله
ضل يفتر يروح ويرجع
وهو لازم فروة شعرة
واني ادعي دقايق وصار صوت الطفل
مالي المكان
ابتسمت واني اشوف كمال نزلت دموعة
ومسحهن بسرعة طلعن الممرضات
يركضن وبيدهن الولد
وهو ركض وراهن وضليت اني انتضر
ولاء وهنه ينضفن بيها ومطنگرات كلهن مايتحاجن
من خلصنها كدرت ادخل وهي تتآوه من الألم
ملاك:-حمدالله على سلامتج
حجت بصوت متقطع:-لاتاخذين ابني
ميلت شفتي بأسف ونعزلت عنها
وهمه نقلوها للردهه شوية واجة كمال شايل
الطفل وعيونة مدمعة
وهي فزت تباوعلة وتبتسم وترجع
تباوعلي وتدور وجهه
كمال:-باباتي حبيبي
احس من حجة هالكلمة جسمي كزبر
رفعة وأذن بأذنة
ونوب باوعلها وأبتسم:-شنسمي؟
ولاء:-بكيفك
كمال:-نسمي احمد ؏ اسم ابوية؟
هزت راسها بـ اي
وهو همس بأذنة:-سميتك أحمد
وباس راسة ونزلت دمعتة
وگال:-يا عوضي انتَ
عوضك يا كمال؟
درت وجهي وطلعت واني
نار جهنم بگلبي:-ياربي لاتخلي حسرتي ؏
طفل تأذي خليهم يتهنون ياللهي خليني
اتأذى
وطلعت ورحت للحمامات واذب الماي
؏ وجهي واتنفس سريع
غمضت واخذت نفس اكثر وهديت روحي
وطلعت واني انكث بعباتي وشفت كمال من بعيد
يدور علية
شافني واجة لاتجاهي:-وين رحتي
ملاك:-للحمام
كمال:-تعالي نرجع للبيت نجيب غراض كلشي
ما اندل اني
ملاك:-تمام ومنو يضل يمها
كمال:-امي ورندة جايات بالطريق
يلا استعجلي
مشة واني امشي وراه
وهو يمشي سريع واني احاول الحگة
وصلني للبيت وهو نزل وياي وماحجة ولا حرف
صعدت لغرفتها فتحت الكنتور
وتمنيت مافاتحتة الملابس كلهن تكومن بالگاع
واشكال والوان كلها خبط
عكمشت وجهي بقرف
وكلت:-هسه اكو واحد هيج كنتورة شنو هالوصخ هذا
كمال:-ماتكدر جانت توكف وتسفط اني سويتهن هيج
؏ شنو يدافعلها واني اعرف ساسها شنو؟
سكتت
وحضرتلة ملابس
وهو اخذهن وراح واني ضليت رتبت البيت
جانت الساعة بـ3 الفجر شوية ويأذن
صعدت لگيت وردة تتصل شلتة
وهي كالت:-ها ملاك جابت هاي ال****
ضحكت بقوة وكلت:-شبيج ولج متحلفة
وردة:-اكرهها المهم جابت شنو شصار وماروح اني
للمستشفى لو كمال يطلعله گرون هسه
ملاك:-عادي همة باجر الصبح يجيبوها
تعاي فدوة خطار وعزيمة جبيرة حيسوي كمال واني
ماكدرلها وحدي
وردة:-هو انتي ترديني للكراب
ملاك:-اكلي تبن لج جا منو يساعدني
وردة:-امنياتنا جانت تختلف عن هذا الواقع
ملاك:-ومو كل امنية تتحقق
وردة:-بس كلشي بي صالح
ملاك:-اكيد
وردة:-يلا اروح اكمل نومتي ديري بالج ؏ روحج
والبيبان سديهن
ملاك:-اي هو راح اسدهن وانام تصبحين ؏ خير
طبگتة
واني نزلت سديتهن صدك وصعدت
لكيتها راجعة داگة ضحكت
واتصلت كتلها:-ها ولج شكو
وردة:-اوكفيلي بدلت راح اجيج
ملاك:-ياااا ولج شتسوين ضلي الساعة ب3
وردة:-لا يمة اخاف عليج طكت الكهرباء لو شو
شصار بيج
ضحكت وكتلها:-يلا تعاي منتضرتج رمشيلي اذا وصلتي
وردة:-ماشي
ابتسمت لحُبها ألي
وضليت منتضرتها لحد ما اجت
وهي جايبة وياها اندومي وكرزات وعلوش نايم
اخذته وصعدتة فوك نيمتة وبستة بخدة
واني نزلت يمها ناكل ونضحك
بعدها صفنت بعيونها وهمست:-وردة
وردة:-عطرها
غميتها واني اضحك:-شكد سخيفة اريد اسألج سؤال
وردة:-اممم
ملاك:-ليش تحبيني هالگد شنو سر حُبج ألي؟
صفنت وهي تبتسم
ونوب ضحكت حيل وكالت:-تدرين
قبل قبل لا كمال يزوجج قبل لايصير كلشي
اول ما اجينة لهنا وشفت لطافتج وحبج مادري اني
لا ارادي احس بهذا البشر ارتاحلة واحبة
وانتي هم حبيتج بسرعة وهواي مواقف خلتني احبج
من شلنة وساعدتينة من اطلع ابجي من الامتحان
انتي تهديني واهم شي بيوم سويت ذيج السالفة
وماشفت غيرج انتي الساعدتيني و وگفتي وياية
وبولادة علاوي واشوف دموعج وخوفج علية
كل هذا يا ملاك وتگولين ليش تحبيني
اني اختي ما اعزها بگدج والله ومو بس اختي
صدگي ماشفت حنان وحب غيرج انتي وأمير
حنانج يختلف حتى عن حنان الأم وأمير كذلك
ماشفت رجال حبني بگدة
ابتسمت واني دموعي تلمع بعيوني
ملاك:-احس الكلمات ضاعت شسولف
ضحكت حيل وهي هم ضحكت
مسحت عيوني واحاول اسيطر ؏ ابتسامتي وضلينة
نسولف
لحد ما اذن كمنة صلينة وهي مستمرة تسولف
وتغلط على ولاء وكمال
نمت وفزيت بالسبعة
؏ صوت الباب تفلش تفليش
كمت بسرعة وجهازي يدك اباوعلة كمال
شلت الخط وكلت:-الو
كمال:-افتتتتتتححححيييي الباااااب
طبكتة ونزلت فتحت الباب ألة
وكال:-ادررري شنو ميتتتتة
ملاك:-ايييي نايمة شمدريني اني شلون اسمع
عافني وطب واني اشوف طلي وراه
دخلت امشي ؏ كيفي وهو باوعلي وضحك
وذب الحبل مال طلي وركض وراي
واني اصرخ واركض وهذا يركض
دخلت لغرفة خالتي وقفلت الباب واني اتنفس
بسرعة:-كممممممااااال اننننني اعلمممممك
واسمع صوت ضحكاتة العالية
اختفى ورجع يدك بالباب:-رووووح اني اعلمممك اوگفففلي وكعتت كلبي
كمال:-ههههههههههه ولج افتحي ماهوَ راح
ملاك:-كمال والنبي اموتك اذا شفتة موجود
كمال:-ماكو والنبي محمد عمي وداعت ابني يلا
فتحتة وكلبي يرجف وهو يضحك
ضربتة حيل بصدرة ودرت وجهي عنة
سحبني من ايدي وضرب صدري بصدرة:-خفتي
ملوكة؟
ملاك:-وخرررر موتتني باوع جسمي يرجف
كمال:-شدعوة ست عيني
ضربتة وكتلة:-شلون صارت ولاء
كمال:-زينة هسه راح اجيبها
هزيت راسي كرص خدي وهمس:-خو ما ضايجة
ملاك:-لا شنو السالفه
كمال:-هو هم اعتبري ابنج
هزيت راسي بـ لا وهمست:-عمري وحياتي كلها ماراح اعتبر ابن احد ابني
كمال:-الله كريم يلا اروح تحتاجون شي
ملاك:-اي جيبلي تمن
كمال:-خوش اجيبلها دجاج لو سمج؟
ملاك:-لا شنو سمج دجاج هو زين الها
كمال:-ماشي
عافني وراح واني كعدت وردة
طبت سبحت وفتحت باب كنتوري:-اهوووو
وردة بروح ابوج لاتخربين الملابس ؏ كيفج
وردة:-اوكفيلي خلي اشوف شختار
ضحكت واني اباوعلها
كل ساعة طلعتلها شغلة لبستها وتكول لا هاي
احلى وتنزع وتلبس لحد ما خربت الملابس
كتلتها وكتلها عزليهن
عزلتهن
ولبست دشداشة لونها بنفسجي وبيها
خطوط بيض
واني لبست مثلها بس صفرة
وتمكيجنة وعدلنة واحنة نضحك ميتين
سمعنة الباب تندك
ركضت فتحتها طب كمال
وهي وراه شايلة ابنها و وجهها اصفرر
رفعت راسها شافتني وحضنت
ابنها حتى راسة دخلتة بالعباية
دخلت لجوة ونزلت وردة وهي تطك بعلچها
وصوت نعالها عالي
وتمشي مثل وحدة مايعة:-هااا ولاء الف مبروك
ولاء:-الله يبارك بيج
وردة:-شو انطينياه اشوفة
ولاء:-لا عوفي انتي مخلية عطر
وردة:-دجيبي مخلية عطر جا شخلي
وسحبت الطفل منها واني اضحك بسكتة
وكمال يخزر بيها
وردة:-يمة حبيبي الحلو بلكي عيونة زرك مثل عيون ملاك
انتفضت ولاء وهي گالبة
گصتها واخذتة منها بقوة:-ليييش يمممة يشبهه ملاك
عافتنة وراحت
غمتها وكمال دمغها:-احترمي
وردة:-وشسويت
هز راسة واني ضحكت وطلع هو
وردة:-مبين ابنها خبيث عليها
ملاك:-تؤ تؤ عوفي الطفل
غمتني وراحت شربت ماي
شوية ودخلت خالتي ورندة يهلهلن بصوت عالي
سلمن وعافنة وراحن
وشوي شوي بدو اهل ولاء يجون
وذبحوا الطلي وطبخناه اني و وردة
كلشي سويناه
واني اسرح لمكان بعيد
وارجع اطبخ
وانفر براسي
صبينة الغدة واجة كمال يشيل الاكل
باوعلي وعكد حاجبة بتلاعب:-هاي شنو واكع عليج التشريب
شمرت الخاشوكة علي ضحك
هو بصوت عالي واني اشوف فرحتة طاغية ؏ وجهه
كمال:-وردة خاف رشيتي بهارات عليها وماتدرين
عبالج كدر التشريب
وردة:-دشيل الأكل راح يبرد
كمال:-ملاك لاتگعدين يم النسوان
ملاك:-ليش يمة؟
كمال:-خاف يغمسن بيج عبالهن الطاسة
شمرت شكو شي گبالي علي وهو شرد
ملاك:-شوووفي كتلج يضل يضحك علية
ضلت تضحك وردة هم
وهو كل ما يجي ذبلة حجاية واحنة
نصيح عليّ
صبينة للنسوان الي هنه من بغداد
اقارب ام ولاء
والاماعين صارت شگد
ضلينة نتعاون اني و وردة لحد ما خلصناهن
هلكانين
مشيت واني انشف بأيدي
عبرت من غرفة وردة القديمة
ونوب رجعت خطواتي اباوعلهم من الفتحة
مال باب الزغيرة
وهو شايل ابنة ويفتر بي ويبتسم
وهي تباوعلة وتبتسم هم
ندستني وردة بضهرة:-خلي نطب
ملاك:-لا امشي
جرتني ودخلتني للغرفة
خنزرت بوجهي ولاء ودارت وجهه عني واستغفرت
ضحكلي كمال وگال:-تعاي تشيلي؟
عگدت حاجبها ولاء وصاحت:-لااا متعرررف جيييبة
كمال:-انلصمي انتي ، تعاي ملاك
تقدمت وكلبي تدك بي طبول
همست بصوت ناصي:-يوكع مني
كمال:-مايوگع تعالي
مشيت واني الزم بأطراف دشداشتي حيل
بلعت ريگي وباوعتلة غمض عيونة ورجع
فتحهن وابتسملي همست:-اخاف
كمال:-اني اساعدج شيلي يلا
ملاك:-أكعد يلا اشيلة
كمال:-يلا
گعدت ؏ كرسي وهو حطة بأيدي
نزلن دموعي بسرعة وهو مسحهن:-حلو
محد رد علية رفعت راسي لوردة
دموعها نازلات ؏ خدودها
وكمال يباوعلي بقهر
و ولاء تنافخ من العصبية
شلتة ؏ كيفي وضميتة لصدري
وهمست بگلبي:-انتَ ابن كمال بس مو ابني
انتَ جاي منه بس مو مني
بستة بخدة حيل وحطيت خشمي برگبتة
وريحتة مثل المَسك
واني منزلة راسي عبي واباوعله ماشبعت منة ابد
صوت ولاء وهي كالت:-جيييبة اريد ارررضعة
اخذة من كمال
ضليت اباوع ورا وهي جرتة حيل
وطلعت صدرها ورضعته عفناها وطلعنة
واني عيوني مدمعات
جسمي يرجف
صعدت بسرعة نمت من التعب واني حاضنة
علاوي وشعرة ؏ وجهي
للعصر وكعدتني وردة كالت امج هنا
واني من زمان مارايحتلها ولا شايفتها
نزلت وهي كاعدة ؏ تخم ومدنگة راسها مثل
المنبوذة
خالتي تحجي ويا النسوان وعايفتها
وتالي وياج يمة؟
ركضت حضنتها وهي باوعتلي ببرود
حجيت بلهفة:-شلونج يمة
هزت راسها وهي تباوع لعيوني
مقهورة والزعل مبين بملامحها
گعدت اسولف وياها عسى ولعل تفك شوية
وتحاجيني
بس سؤال ترد علي وسؤال تعوفة وتجاهلني
تعبت منها ضليت بس گاعدة
ولازمة ايدها وبس اباوعلها
دارت وجهه خالتي ؏ امي وگالت:-اي ايمان شلونج
ايمان:-؏ الله
بيداء:-شو ما سمعنة صوتج
ايمان:-مريضة
بيداء:-تعاي شوفي الطفل لو ماتكدرين؟
همست امي بصوتها الناصي:-لا شفتة ولاينعدي مني خطية
هزت راسها ودارت وجهه عنها
وهي تفر بحلگها
سكتنة اني وامي وبعدها امي كامت
وحطت فلوس بگماطة وطلعت
واني امشي وراها واحجي وياها
قبل لاتطلع لزمت ايدها ونزلن دموعي:-يمة احجي وياي والله راح اموت
ايمان:-شتردين؟
ملاك:-كلشي اريد يمة اني كلشي والله تعب لاتصيرين فوكاي انتي
ايمان:-من بدايتها كتلج شيلي ايدج وهاي انتي صرتي مثلي طبق الأصل فـ لاتجين وتكليلي يمة اطلكي لان انتي مصيرج اسوء وشوفي جارة لروحج اول
ملاك:-يمة اني احبة
ايمان:-ضلي ؏ حبة واكلج نصيحة
تردين تاخذها اخذيها واذا تردين اضربيني بعرض
الحايط اضربيني
بس الحب مايوكل خبر ولاينطي عمر زايد
وانتي راح تضلين طول عمرج تعانين وگولي امي ماگالت
عافتني وطلعت
واني ضليت اتنفس سريع يارب ارحمني
رجعت دخلت بس عقلي شارد
وكمال كل دقيقة يجي يشوف ابنة ويبوسه
ويبوسها ويطلع
ومايعبرني
شوية واجت ملك
ملك:-ها سلااام
ملاك:-هلا حبيبي تعاي دخلي
دخلت سلمت ؏ وردة وطبت
بس سلمت من بعيد ورجعتلي:-ما بوستيهن ولج فشلة
ملك:-ايع وهذا مكياج صارلي ساعة احط بي
يخرب لشكولاتهن
ضحكت وكعدنة تلاثتنة بالمطبخ
سوت وردة كيك وحلويات
دخل كمال مستعجل وملك گبت لان ماسلم
عليها
راد يطلع وبيدة ابنة
صاحت:-شلونك عيني كمال هاي هيج صرنة مانشوف
باوعلهم وهو فاتح عيونة:-هلا ملوكة
عذريني مستعجل شلونج ان شاءلله بخير
ملك:-الحمدلله الف مبروك يتربى بعزك ودلالك ان شاءلله
كمال:-مشكورة من رخصتج
عافنة وطلع
وهو ماباوعلي ولا گال
شلونها ملاكي؟
صرت افتقدها
ضليت يمهن وهنه يضحكن ويعلن اصواتهن
ومن نجيب طاري كمال يحجن بصوت عالي يسمعن
خالتي و ولاء ويغثن بيهن
ملك:-اعذريني وردة بس اني اكرهه اخوج حتى قبل لايتزوج ملاك
ضحكَت وردة
واني همست:-ملك انجبي شهالحجي
ملك:-خليولي ماتشوفي شلون بعد مايشوف دربة
سكتت واني استغفر لشوية وراحت
و وردة هم راحت وبقت ام ولاء ورندة عدنة
باليل تقريباً ساعة 9 طلعت برة علمود
اشوف اكو شي يحتاجلة تنضيف
وانصدم بشوفة ابوية وخالتي بصفة
وهو يضحك وهي تبتسم وتهمس
ملاك:-ها يابة محتاج شي؟
باوعلي ورفع حاجبة
وباوع لخالتي وضحكوا علية
جانت ضحكاتهم ضحكة شماتة مبينة
هز ايدة وهو يحجي ويا خالتي
وضلوا مستمرين يسولفون
لحد ما كاللها:-يلا في امان الله ديري بالج ؏ نفسج
شهالصلافة هاي؟
عافها وطلع اجت تتمشى وهي تضحك
مرت من يمي وهمست بأذني:-ضوكي لوعة گلوبنة
رادت تعبر لزمت عكسها
وهي نترت ايدي:-ادبسز صلفة
ملاك:-تدرين الفرق بيني وبينج شنو؟
ضلت ساكتة وعيونها التطلع منها نار
تراقب عيوني:-الفرق انو اني مادعيت ؏ طفل حتى يتأذى
الفرق اني ما خليت لعنتي ؏ طفل
خزرتني وعيونها حسيتهن راح يطلعن من مكانهن
عافتني وطبت وهي تمشي سريع
انتضرت كمال
لحد ما اجة فتح باب المطبخ واني كمت وبلعت ريكي
وهو بيدة حفاضات وحليب
كمال:-هاي ليش لسة كاعدة؟
ملاك:-ردت اگلك شغلة
عگد حواجبة:-شنو؟
ابتسمت بگلبي والله مانام اليوم اذا ماضوگج
المُر الي كل لية اتسممة
ملاك:-ابوية اجة لهنا وخالتي شفتها برة يمة
فتح عيونة ؏ وسعها
وذب الي بأيدة وگال:-هاي شوكت؟؟
ملاك:-هسة قبل شوية طلع
عافني وراح واني ابتسم وراه
دفر باب أمة وهي رأساً فزت من نومها
بيداء:-شكوووو
كمال:-شعنننندددددج وااااااكففففة يمممم هذاااا الگ....
اااااااني مو گاااايل مايووووصل للبيييييت
بيداء:-كالتلك هاي الحية مو ولج انتي شنو من سم شنو من بلاء الله ذابج علييييينننننهههه
ملاك:-اني شعلية هو شافة طالع من البيت
ولاء:-ليش تجذبين غير سمعتج هسه تكليلة يمة مو بشر
ملاك:-انتي معليج
كمال:-شوووووفي ييييمممممة وحق هوووو علي ياعلاء اذا شفتتتتتته بالشارع اكتلة ودمممة برگبتج
اذا شفتة بعد طاااب لبيتتتتتي ااااااااني ببببببييييييتتتتتي فااااااتحة لللللعرررربدددددة
سكتت وهي تخوزر بية
وخاف هي جانت عايزة شوية
زودتها
وصار الضغط مال خالتي علية بكل
الجهات صارت تكرهني كره بس الله يعلم بي
وصارت ماتخليني اوصل للطفل
لو اشيلة حتى من اباوعلة تجي تصير حاجز
بيني وبينها حتى ماشوفة
وبيوم جان يبجي وهي تسبح
و ولاء تسويلة ممة
صحت:-ولاء احمد يبجي
ولاء:-دگدگيلة خلي يسكت شبيج
ضليت ادك ؏ كيفي ماسكت
كلت خلي اشيلة ؏ ما تجي
شلتة وضليت افتر بي وهي اجت تخض بالممة
ولاء:-اييي شبيييك تنعى ؏ امك
اجت وخلت الممة حييل بحلگة
واشوف الولد صار وجهه ازرررك واختنك حتى
مايتنفس
رأساً عاطت:-يمممممة ابنننننننني
بلعت ريگي بخوف وهي ذبت الممة
واخذتة مني وضلت تصرخ وهو ماكو صوت
مادري الغلط منها لو مني؟
بس اني جنت شايلتة عدل تعثرت بالممة
وصلخت رجلي جانت حارة حيل
شلون يشربها وهي هيج حرارتها؟
صرت ارجف ودموعي تنزل وهي
تصيح:-ولككككككمممم كتتتتتلللللتتتت ابننننننيييي
ركضت بي للشارع وطلعت خالتي من
الحمام تلطم واني من الخرعة
صرت ماعرف شسوي ضليت ادور حول نفسي
والخوف اكلني اكل
ماعرف خذوها الجيران
مدري هي راحت
ضليت افتر وادعي وابجي
واندب بروحي لان حسيت الذنب ياكلني اكل
ساعة ومات؟
كمال يموت والله وخالتي و ولاء يكتلني
ياللهي
ضليت ادعي لحد ما نفذ صبري
وركضت للتلفون اتصلت بكمال طولت الدگة
هواي وهذا الزود الخوف بكلبي
ومن شالة وسمعت صوتة الخافت احس
روحي طلعت
ملاك:-كممممال ما مااات كووولي ما مااااات
كمال:-لا مابي شي بس مختنك خلوله جهاز تنفس
ملاك:-والله معلية والله
كمال:-اريد اروح اجيب علاج
سكتت وطبكتة وحمدت رب العالمين
واباوع لجسمي يرجف انكث بشكل هستيري
اجتني وردة وبقت يمي تصبر بية
لثاني يوم يلا اجو فتحتلهم الباب
وماشوف غير خالتي دفعتني لورا وخرمشت وجهي
وشعري كلة صار بيدها من كد ما ملختة
واني اصرخ وكمال يحاول يوخرها
عني و ولاء تصيح:-حييييل بييييهههها الجلللبة
لحد ما وخرها كمال عني نفسي انگطع
وضليت احاول اشم الهوى:-تخبللللللتتتتتتن
تردددن اكتللللججججن هسسسسسة ومحمممممد دكااااافي رووووحي طااااالعة وانتي اخذذذي ابنج وطبي يلااااااا
عاط بيها وهي طبت وهي تتحسب وتدعي
علية
و والله اني ماسويتلة شي
باوعلي وهمس:-ملاك بعد احمد لاتشيلي ولا توصليلة
بيداء:-تغاااار مييييتتتتته من الغيرررررة ولج شنو هالحقققد طففففل طفل وتكتلينة تردين
واني ابجي وامسح دموعي عطت:-واااااني
شعليييية هيييي خلت الممة بحلگة وهي حارررة
كمال:-اششش كااافي يلا اصعدددي فوك نفسس اذا سمعت احرك البيت فوك روسجن يلا
صعدت واني العبرة تحرك گلبي حرگ
اصعب شي من يتهمونك وتصير
اصابع الأشارة كُلها موجهه الك وهو ضلم؟
وماتگدر تحجي
وضل كمال يمها ويم الطفل واني بعد
ماوصلتلة ولا حتى اباوعله
وبيوم خلصت شغل المطبخ
ورجلية صايرات خيوط جنت ميتة تعب
عبرت من يم غرفة وردة القديمة
وغمضت عيوني ورجعت مسافة زغيرة لفتحة
الباب
جانوا همه كاعدين بيها لان ولاء ماتكدر
تصعد
احمد يرضع بصدرها
وكمال بصفها يتلمس رگبتها ويسولفون
لحد ما خلصت رضاعة وخرت ابنها
سمعته همسلها:-هسة دوري
دارت وجهه علي وتضحك وهي تحاوط رگبتة
وايدة تتلمس صدرها
وشفايفهم متلاصقة
غمضت ودرت عيني عنهم
وردت اصعد خالتي واكفة تباوعلي بالباب
بيداء:-لوعة الغيرة تكتل مو؟
انخفض نفسي عفتها وصعدت
واني الهث
دخلت للغرفة ومسحت وجهي
واني افتر بالغرفة وگلبي احترك حرك
ليش دتسوي بية هيج؟
هو اني الفرقتهم؟
لحد مانمت ودمعتي ناشفة ؏ خدي
وراها بفترة قصيرة لحد ماصارت زينة
ولاء
دخل كمال للغرفة كل ضني يتقربلي؟
راح بوجهه للجرباية
حتى ما باوعلي ضليت ساكتة اباوعلة
وهو وقت موبايلة وسحب الغطا
وغطا حتى راسة
همست:-كمال
رجع حجة بنفس نبرتي:-ها
ملاك:-باوعلي
كمال:-شتردين
غمضت وكلت:-هيج ماريد شي
وهو ما حرك ساكن ضل نايم
استمريت ادهن اطراف ادية ورجلية
خلصت وطفيت الضوة
ونمت بالطرف الثاني مال جرباية
وهاي مو اول مرة صارت قبلها وقبلها
وحاولت اتماشى ويا الوضع
ومرور الأيام ببطئ يذبح
ومَرت سنة أُخرىٰ بعذاب
وبيوم احد ايام هاي السنة
طلعت من غرفتي اشوف ولاء تمشي
؏ كيفها
عگدت حاجبي وگلت:-شبيج ولاء؟
ارتبكت وهي تباوعلي
وبلعت ريگها:-لا مابية شي تعبانة بس
ملاك:-انتي حامل؟
تضاهرت بتصنع الكذبة وگالت:-لا لا شنو حامل
حمودي بعدة زغير
سكتت واني اباوع لبطنها
معقولة سمنانة؟ لو هذا حمل
الضهر اجة كمال وبيدة الغراض
ركضت هي بيدها كلاص الماي
باوعت وراها جان هذا دوري؟
رجعت درت وجهي واني اكلب بالتمن
واسمعة يهمسلها:-انتي زينة؟ خو ما تحسين بالم؟
ضحكت بأرتباك:-لا حبيبي عليمن اتألم
غير هي شهرية عادي متعودين عليها احنة النسوان
باوعتلة عاكد حاجبة يباوعلها
وهي جرتة وراحوا صعدوا لفوك بدون مايسلم
عليّ اصلاً
رجعت ذاكرتي قبل
الديسوي وياها جان الي فقط؟
جنت انب الاستقبلة وبيدي كلاص المي
ابتسامتي وحبي ألة
نبضات گلبي بأسمة ومازالت
جنت كلشي ألي ياكمال بكلشي...
و؏ غدة كاعدين ناكل
كمال بصفي وهنه گبالنة
وحمودي بيد خالتي
مدنگة آكل وماشفت غير
ولاء ايدها ؏ حلگها وركضت للحمام
استغربت؟ هاي شبيها اصلا من الصبح مو طبيعية
واني اول مرة اشوفها هيج
كمال:-استغفر الله ياربي يمة ماكو علاج الها؟
ملاك:-جا هي شبيها؟
باوعلي مستغرب ورجع باوع
لأمة:-شنو ما كايلاتلها؟
ضلت خالتي تبلعم وتباوعلة
ذب الخاشوگة من ايدة واستغفر وعصر راسة
ملاك:-اكو شي
نترت خالتي:-حامل حامل
باوعتلها بقهر وابتسمت:-وليش ماگايلتلي عبالج احسدها؟
بيداء:-كلشي اتوقع منج
عاط:-يممممة
سكتت وهي تخنزر بية وهو كام ورا
ولاء وخالتي كامت وراهم وصفيت وحدي
كاعدة ؏ ميز شلت الاماعين
وغسلته
طلعت من المطبخ
وهمه محاوطيها خالتي وكمال
رفعت نضرها علية
واني اباوعلها بيأس همست:-الف مبروك ولو متأخرة
دارت وجهه عني وماردت
وهمه دخلوها لغرفة خالتي
صعدت وسديت بابي
غرفتي هي الوحيدة الصارت صديقتي
صرت احجي للحيطان
اصفن بالمرايا واحجي ويا روحي
ماكو شي بهالبيت ينسيني
همي
اتصلت ؏ وردة سلمت عليها
وكتلها:-انتي تدرين بولاء حامل؟
شهكت:-عليج العباس؟
سكتت معناها ماتدري
وردة:-جذذذذااالبة صدددك حاااامل لو جذب؟
ملاك:-اي والله حامل اليوم يلا دريت
وردة:-عزززززة امي ما گالتلي
بيا شهر
ملاك:-مادري بس بطنها جبيرة
وردة:-وكمال ابد ما جاب طاري الج؟
ملاك:-لا بس يهتم بيها وينام يمها
اصلا صارلة اسبوع هو يمها بس مرة وحدة اجة
يمي
وردة:-ياررررربي الحرگة
ملاك:-واني يومية اشوفة طاب غرفتها
شتگولين علية؟
شتگولين واني اشوفهم ثنينهم سوة يطلعون من الحمام؟
سكتت
وذبت حسرة:-الله ماينساج صدگي
ملاك:-املي بربي وبس
وردة:-الله كريم حبيبي
صدددك ملاك خلي اجيب علاوي يمج بالأمتحانات
ملاك:-اي عادي جيبي راح ينطوج عرصة من
كد ما امتحنتي سادس
وردة:-وعلي لعبت روحي صار خمس سنين
هسه غير انجح
ملاك:-هسه انتي بهاي السنوات مالگفتي معلومة معلومتين
وردة:-ولج والله اكتب وامتحن
شسوي الوزارة جلاب متعادين وياي
ملاك:-؏ اساس انتي فد شي مهم ويتعادون وياج ادبسز انتي ماتقرين وامير خلي يعوفج فترة ؏ ما تخلصين امتحانات
وردة:-بس خلصيني من علاوي والباقي سهل
ضحكت وكتلها:-اي جيبيلياه باليل خلي يضل يمي
وفعلاً باليل جابة أمير
وضل يمي تقريب 15 يوم ؏ ما خلصت وردة
امتحانات
وكلها تدعيلها وخايفين عليها
لان بس هالسنة وامير كايللها بس ترسبين
بعد ماتداومين سادس
وطلعت النتائج
ونجحت وريدة ومعدلها 69.8
كيفت رغم قليل بس هي اصلا بس تريد تطلع
بوقتها سوو عزيمة شكبرها صدك
ضحكت عليها
سوولها بيت جدي عزيمة
وغدة لا صار ولا دار
واني اضحك عليها وهي تكلي لاتگطعين واهسي
ومرت الأيام
وصار ؏ زواجي وعذابي 6 سنين
وجابت ولاء "مُصطفى " ولد ثاني انضاف
لعائلتة وحُبة الهم مايتوصف
يطلعهم ويشتريلهم صارو روحة من الدنيا
واني من اشوفة يضحك وياهم
كلبي يضل يدك طبول
نزلت باليل كالعادة
كلهم كاعدين ؏ تلفيزون ؏ مسلسل ارطغرل
ويكرزون حب
كعدت گبالهم
وكمال متمدد وحمودي ؏ صدرة نايم
ويكرزلة حب ويخلي بحلك ابنة
و ولاء كاعدة فوك راسة تلعب بشعرة
وترضع بمُصطفى
واني كاعدة وحدي بقنفة منفردة
عين عليهم وعين ؏ تلفيزون
واللي جنت اتخيلة صار کبالي ونفس
الموقف سبحان الله
ضليت اباوع
وساكتة لحد ما خلص المسلسل
كامت ولاء وهي تحجي خجلانة:-عمة فدوة
خلي صوفي وحمودي يمج
رفع راسة كمال عليها
وضحك وغمزلها:-ليش تردين تتغزلين بأبن الوادم؟
اكرهه من يحجي وياها اكرررهه
بيداء:-ههههه روحوا يمة براحتكم خليهم يمي
شالتهم وهمه نايمين لغرفة خالتي
وهو گال:-تصبحون ؏ خير
بيداء:-تصبح ؏ خير حبيبي نوم العوافي
كمال:-يانوم هذا راح تسهرنة ست ولاء
ضحكت بصوت عالي وجرتة من ايدة
وصعدوا واني عيوني بالتلفيزون اخاف احركها
وتفضحني دموعي
گامت خالتي وهي تكلي:-ما ناوية تنامين؟
ملاك:-هسه راح اصعد
عافتني وطبت
استغفرت وكمت لميت الغراض
وصعدت فوك سديت باب غرفتي
وطفيت الأضوية
ودخلت بفراشي افكر وافكر
شنو فرقي عن أمي هسه؟
ضلت كلماتها ترن بأذني "راح تتندمين طول عمرج
وكولي امي ما گالت"
قبل قبل بالبارتات الأولى
اذا تذكرون
جنت اگول لأمي ليش ضالة ويا ابوية
اذا تكرهي ومتحبي؟
شگالت؟
"تكبرين وتشوفين؟"
كبرت وشفت يمة المصايب
امي كلامها يتحقق ويا كلشي تگولة صحيح؟
وجاي يتحقق گبالي
خايفة اضل بمستقبلي المجهول...
وأيام وأيام وأيام تمر
والمُر يمُر وياها
واني احاول اجرعة
واليوم رحت لأهلي بعد غياب طووووووويل
رحتلهم بروحي الحزنانة كالعادة
دخلت وجاسر اتلگاني حضني
حيل وضم راسي بصدرة وهو يهمسلي:-شلونج
يبعد الروح؟
ملاك:-زينة حبيبي انتَ شلونك مشتاقلك؟
وهو حاضني و واكفين بنص
الصبة:-احنة هم مشتاقيلج ليش ماتجين؟
ملاك:-ماعندي وقت فراغ ومالي خلك لكلشي
جاسر:-بعدها كرامتج مسحولة بالگاع؟
مو كافي ماتعبتي؟
ملاك:-يكولون بالحب ماكو كرامة
بعدني عنة وهو يباوع بعيوني
وعاكد حاجبة:-هذا يا مطي گلج؟
ماكو كرامة اذا جان الحب متبادل
اذا جان يبادلج بنفس شعورج وميخلي دمعتج
تنزل؟
نزعني عبايتي واني مدنگة:-اذا هذا حالج
وتكولين حب؟ يا حب هذا ياروح اخيج؟
اشوف اليحب من كد ما يرتاح ويا اليحبة مو هذا
حالة ملاك؟ مفتهمة الحب خطأ
الحب اذا ضل وياج رغم عيوبج وامراضج
لو جان بيج اسوء مرض
هم ميعوفج؟
كمال اول ما رخة الحبل عافج؟
وين الحب بالموضوع فهميني؟ المَنطق الي
براسج شيلي
جان يحجي بهدوء يحسسني بالذنب
صرت ابلع بريگي من الحركة
جاسر:-حالج صار اسوء من أمي
نگول أمي احنة موجودين وندافعلها
انتي منو يدافعلج؟
وانتي بين وحوش ملاك كافي فكري عاد تعبتينة
مو بس انتي تعبانة روحي شوفي امج
وشوفي حالها وهي متأذية عليج
وبعدين اعرفي الحب وين
عافني وطلع وعيوني صارت تحركني
دخلت بخطوات متثاقلة
امي واكفة بالباب عيونها مدمعة
ذبيت روحي بحضنها واني اشهك بصوت عالي
ملاك:-اسفة يمة والله اسفة
ايمان:-اششش كافي يمة كافي دخلي حبيبتي
دخلت وهي لازمتني من ايدي
سلمت ؏ اخواتي وصعدني فوك يردن يعرفن
اخر الاخبار واني اسولفلهن كل موقف
يصير وياية
وملك تشيل روحها وتركعها بالكاع وتصيح
علية وحتى ضرب ضربتني
واني ساكتة
ملك:-للللللللج اااااححححجي هههههاااااي شبيهاااا لييييش ساكتتتتة بوجهيييي ماتحجين
ملاك:-شحجي؟
ملك:-يااااااللله يااااالله ولج ملاك كافي كافي
بطلي ثول بطلي غباء لج ركعي ميت نعال
لج اطلگي وتعاي يمنة وعيشي احسن عيشة
ضحكت بصوت عالي
ومن كد ضحكتي صرت اشهك واغص وريم
تدكدك ؏ ضهري:-احسن عيشة؟؟؟
هو بيوم الاجيت بي من الدكتورة لج حجاياتة
ترن بأذني من كال تعاي كخطار لا اكثر
نوب اجي اطلك لا وفوگاها عاگر؟
راح يراويني الويل ملك؟
كلكم دوامات وامي واني اسوء ثنين؟
نكدرلة؟
لج لحد هالحضة نضرات الشماتة بعيون ابوية
ولج ابووووية دتفهمممين الداگولة؟
عاد اشوف اليتشمت بية من الغريب ولا ابوية
الي اني من دمة ولحمة كافي تلوموني مو بيدي والله
ملك:-نكدرلة ملاك والله عاد ابوية متعودين علي
بس مو غريب شووووفي حااااالج ملاك لخاطر
سماواتج لخاطر الرسل والانبياء دتشوفين
عضامج شلون طالعة؟
ملاك:-شنو البيدي؟
ملك:-اكو هواي حلول بس انتي غبية
وعوبة وماتفتهمين بأختبار واحد
تفهمين معدنة شنو بس امداج وامدة عقلج
وماضن اكو براسج عقل
لان الي بلا كرامة هذا ماعندة نص عقل مع احتراماتي طبعاً
عافتني ونزلت
وامي گبالي صافنة
ليش صرت مثل حالج؟
بدايتنة جانت غلط ومستحيل راح نعيش
فديوم بشكل صحيح
ورا الغدة وملك كعدت تكلي
وتنصحني شنو اسوي اختبارات وسوالف
واني صافنة اباوعلها واهز براسي
وضليت يم اهلي اسبوع لا اجة ولا مر
بس يراسلني ويتصل يسأل عن احوالي ويروح
لحد ما رجعت وحدي
وبديت اصدك الاختبارات تطلع معدن الشخص
وجان هذا اول اختبار
وتبعة اختبارات أُخرى واحد تلو الآخر
وجان يفشل بيهن للاسف
جابتلي ملك ثياب نوم كومة
وكامت تخليني افتحلها كامرة واتمكيج واعدل
وكمال ويا اي موجة تهب
يهب وياها
شافني اعدل وارتب صار يبات
يمي
معقولة؟
وبيوم وهو اليوم النهائي
الصدك حسيتة من اقوى الاختبارات
ملك جانت وياي بكل خطوة
ماجنت اريد اهدم كلشي بنيتة
بس هو الهدمة واني التعبت بالبُنيان وصرت
كل ما احط طابوكة يدفرها
نزلت واني لابسة ثوب نوم ازرك مفتوح
الضهر وقصير
وهمه گاعدين بالصالة كلهم
شعري مفتوح ؏ طولة و ولاء تخزر بية
وخالتي كذلك
اجيت كعدت بصفة وميلت شعري
؏ كتفة ابتسملي
ضل يباوع للمسلسل لحد ما خلص
لزمني من ايدي وصعدنة لفوك
واحنة ؏ درج درت وجهي عليهن وضحكت
وهنه غمني
صعدنة فتح باب الغرفة
واني لزمت ايدة وهمست:-بس اغير
ملابسي
لزمني من خصري ورفعني لفوك:-لا مابيهن
شي عوفي
ملاك:-لاااا كمال خلي اغير بسرعة والله
ذبني وكال بدون نفس:-يلا
رحت للكنتور طلعت
ملابس صفنت بيهن يا ترى كمال
ينجح بهالاختبار؟
اتمناك يا كمال تنجح وماتفشلني كبال روحي
اخذت ملابس نوم وجواهن دشداشة طويلة
ودخلت للحمام لبست
ومسحت مكياجي ورجعت لوجهي الحقيقي
خلي نشوفك؟
كلبي يدك حيل
طلعت من الحمام وهو رفع عيونة من التلفون
وعكد حاجبة
خفت من شكلة بس ماهتميت
كد اهتمامي بنجاحة؟
كمال:-شجاي سوين؟
ملاك:-اجتني الد***
رفع حاجبة بغضب وذب التلفون
بعيد وگام:-شنو اني عندج مضحك بت الكللللللب
ملاك:-مضحك شنو دا اكولك مجازة
كمال:-مجازة مو؟
دفعني بالكاع فتحت عيوني
بصدمة وعطت:-شددددددتسسسسسوووووي
رفع الدشداشة ودفرني حيل بضهري
وجرني من متوني:-عود شنو تردين تذليني بيج؟؟
وعبالج كاتل روحي واتقربلج؟
دفعتة عني وتفلت علي:-يانذلل ياعااااار الززززززلم
لككككك مووووو صووووجك صوووووجي
اني الگ**** المتحمللللتتتتتتك ومتتتتتحمممملة اهاناتككككك ياجلللللب
صفكني راشدي
نرگعت بالحايط وخنگني حيل
وهو سافطني ورافعني لفوك:-منووووو الععععععععااااار عبااااالج كلهههههها مثل ابووووووج يااااا گ****
شافني اختنگت حيييل ذبني واني اتنفس
سريع گمت وكلت واني اشهك:-والله
والله ثانية ماضل يممممك لككككك انننننني ملاااااك
انننننني ولكككك حبييييييتتتتتتتك وانطييييتك
روووووحي ليش يانذذذذل لييييييش
ضحك بصوت عالي
وروحي احتركت من ضحكاتة
جرني من ايدي حيييل دفعته
عني واني دموعي تجري
واصيح بعلو صوتي:-مسسستتتتتتحييييل
انسسسسى الليلة الي نمتهاااا واني ايددددي ؏ گلببي
بسسسسببب نغززززااات حببببك يانذذذذل
رجع ضربني وهو يصيح
احسة نگلب وحش
مو كمال الي ولا يوم مد ايدة علية؟
وهسة يضربني يكول يضرب مو بشر؟
وتفشلت كبال كلبي وانخذلت
صحت بصوت ناصي متقطع:-طلگني كمال
كمال:-لو تمووووتين طلاك ماطلك لو تموتين
لو شتردين تسوين تنتحرين شو وين تولين
طلاك م.. ا.. أ.. ط.. ل.. ك
جان يحجيها متقطع
ضحك بصوت عالي
كمال:-وبعدين اذا تطلگتي وين ترحين؟
واني امسح بدموعي وعيوني
يرجفن:-عندي اهل واروحلهم لا عبالك مگطمة
كمال:-ههههههههههه ليش منو ابوج ضال بالبيت
يحضن بيج ويستقبج بالاحضان
همس بأذني:-هو لو ما اني شلتج من الزبالة الجنتي
عايشة بيها اكو واحد ينفگج؟
ضربتة راشدي بكل قوتي
وهمست بحدة:-اشوف الرجال الحوك الياخذني
ومايعرني ياعار الزلم لا والله وعيب تنعد ؏ زلم
شمرني ؏ الجرباية
وصار فوگاي غمضت عيوني
وهنه يجرن دموعي ماتوقفن ثانية
رجع همس بأذني بجملة
هزت كياني هز
كمال:-ليش وهو منو ياخذ عاقر؟...
