رواية في ظلام مغتصبي الفصل الثالث والعشرون بقلم توتة
لا تستلم فهناك أيام جميلة تنتظركَ بفارغ الصبر🖤
>>>>>>>>>>>>>>
ازهر/ تره اني احبج واريدج مره وحده انطيني مجال وتقربي مني
فتحت عيوني عل وسعهن من الي اسمعه.
ازهر/ مره وحده جربيني وعد ما تندمين وتجيني بنفسج.
اتقرب عليه يريد يلزم ايدي شردت لغرفتي ركض غفلت الغرفه عليه وكلبي يريد يطلع من مكانه دخلت للحمام كسرت شكو شي بالحمام من الحركه ولخوف
وابجي لوين ابقه هيج اني ما مصدكه اطلع من صدمه اسمر يجيني هذا الثاني هسه ياريت مراهق واكول ما يعرف عمره جايب الاربعين شلووون اله روح يباوع علئ مرت ابن اخوه شلوون ياربي.
فاطمه/ بحر بيج شي.
سمعت صوت وحده من البنات غسلت وجهي وطلعت بس شغسل واني حته وجهي وايدي انجرحت من الكزاز وصارت كلها دم.
فاطمه/ احجي خيه بيج شي ?
_شهكت لا ما بيه شي لحضه ابدل واطلع
فاطمه/ حسبالي
غسلت بس ايدي تجري دم. فتحت باب الحمام طلعت اله
فاطمه/ عزززه العززاني شبيج شنوو هاذه الدم ?
_ولا شي انجرحت شويه
فاطمه/وجهج هم نجرح شبيج ولج صارلج فتره ابد مو طبيعيه شصايرر وياج احجي
اجيت احجي والله وصلت السالفه لطرف لساني بس شحجي هم اتكول بس انتي يتحرش بيج ليش مو احنه صار سنين ويانه
_لا عصبت شويه وكسرت المرايه الي بالحمام ونجرحت
فاطمه/ خل اجيب المواد اعقملج الجرح لايلتهب
راحت شويه واجت عقمت ايدي وحته جرح وجهي خلت اله لزكه ونزلت كله اتفاجئت من وجهي ويسالون
ابو عفوان/شبيج بابا
_ لا تخافون عمي ماكو شي جرح زغير.
حسين/ اخذج للطبيب عمه
ازهر/ اذا تريدين ناخذج للطبيب ولاتبقين بهل حاله مانحب نشوفج هيج
_بلعت ريكي لا شكرا حسوني جرح زغيرون
الجهال/ ماما اوجعج
_لا ماماتي لا حبيبي اتريكتو
وسن/ اي اتعلمت منج ريوكهم وسويت الهم
_ ابتسمت اله فدوه لكلبج ما قصرتي
طيبه/ تعالي وضعج ابد ما عاجبني
_لاتخافين عمري مابيه شي والله
طيبه / ولله مادري شكلج
رجت وياهن سويت لفه اكلته جبن مالح كلبي هبط عل كد الخوفه اشتغلت وياهن خلصنه شغل البيت ما خلني اعجن صعدت غسلت ملابسي وملابس اسمر وجهالي صعدتهن فوك السطح لكيت عبودي يقره فوك صح ثالث ابتدائي بس حيل يتعب نفسه شسوي عبودي
عبد/ اقره حبحب
_ هههه ضرت حبحب
عبد/ والله احبج غير الصدك حبيتج حنونه
_حبيبي انته شتقره
عبد/ عندي متحان رياضيات بالقسمه تقريني
_ تعال جوه اقريك
عبد/ يالله
_تمام عمري بس خليني اشر الملابس.
بعد ما شريت ملابسي نزلت وي عبد وكعدنه بالستقبال الولد كلمن عل شغله الكبار بس الجهال واليوم جمعه البيت هوسه اجو يمي جان وجون وجاد
جون/ اثوون
_اقري بعبود
جاد/ ثير اني اقله وياه
_من تسجلون اقريكم
عبد/زين هاي عمه شلون اطلع النتائج
_ اتسوي قسمه طويله ومن اتخلص اترجع الفارزه بالعدد لفوك
عبد/ لحضه خل احله.
يحل واني يمه اجه كيان راجعتله عربي قراءه املاء وعبد خلص اجاني وباسني دخل اسمر بلحضتها
اسمر/ خير خير عمي عبد
عبد/ خير عمي
اسمر/ شو اتبوس وماخذ راحتك شنو الفلم بابا
الجهال/ بابا
اسمر/ يبعد روحي اي عمي
عبد/ عمتي وقرتني وابوسه عندك مانع شنو #ڪــڔٰا̍ڕ
اسمر/ لا اني ما عندي بس اذا شفتك مره ثانيه اذانك اشلعهن.
عبد/ دنكت عليه بسته من خدوده مره ثانيه بوياااااي مو خدود كيمر
طكيته ضحكه علي وهو خله شرد اسمر لحكه لاول الدرج ورجع.
اسمر/سافل
عبد/ تربيتك عمي
كيان/ هاا شبي
جون/ هههههه باث ماما بابا اقبل
كيان/ هههههه تعالو راح اشتري تمشون وياي
جاد/ ماما لوث ( فلوس)
_روح للميز تلكه بي الف اخذو
اسمر/ خزرته حته ما كلفت نفسه اتكلهم روح لابوك تعالو بابا روح اشترو
جان/ شكلا بابا
اسمر/ روح حبيبي شبيه ايدج
_جرح زغير ماكو شي
اسمر/خلت وكامت وجها هل يومين شاحب اصفر واليوم ايده وجها بي جرح خلت وكامت.
سألني اسمر شبيه ماكدرت احجي لساني انربط عفته وكمت رحت للمطبخ ساعدتهن بالغده
خلصنه غده وتغدينه شلت وياهن المواعين اول واحد كام عفوان كمت وياه اغسل حته لا يصير بيه مثل قبل مشه اليوم عادي العصريات صعدت انزل ملابسي وملابس الجهال واسمر لان ما يصير الغروب تبقه فتحت باب السطح واشوف ازهر واكف فوك يم ملابسي ويشم ملابسي الداخليه شهكت وسديت حلكي راسآ هو دار وجه.
ازهر/ اششش ولا حرف
بحر برعب / وء وخر
ازهر/ اسمعني والله راح اموت عل ما اشم عطرج لو اتقربلج ونام وياج تعاي لحضني
لطمت عل حلكي من كلامه وين وصلت الدنيه ياربي دخيلك.
ازهر/ مره وحده وبعد اسافر وماتشوفين وجهي
جر ايدي وخلااها صدره احس كل جسمي انشل عيوني انترست دموع
ازهر/ شوفي جسمي شلون حار علمودج
بحر بخوف/ راح راح اكول لجدي والله وخرررر عنييي
ازهر/ محد يصدكج ابد ما عندج كل دليل عليه
_ اني ربي دليلي همه يريدون يصدكون كيفهم ما يصدكون اني واسمر بخراب اخلي وامشي والله ابتعد عني لا تلمسني قذر وماتخجل
ازهر/ محد يصدكج والله
اتقرب مني يريد يبوسني ما اكدر ادفعه ضربته بمنطقتنه الحساسه رفسه برجلي وكع بالكاع ونزلت ركض كبل لغرفتي محد بيه اسمر جوه اخذت نفس ودموعي تجري الاموضوع زاد عن حده بحر لازم تحجين الاسمر لازم.
علي/ عمه جوه
_ حجيت بخوف لان فزيت هءء ها كيونه
علي/ بس اريد اخذ قميص من عمي.
مسحت ادموعي وكمت فتحت الباب ابتسم تعال علوش
علي/ شبيج عمه
_لا ما بيه هذا كنتور عمك اخذ
علي/ شكرا هذا اخذت الابيض
_ماشي يروحي
طلع واني نزلت وراه حاجيت عمتي اريد امشي لعمي ادم بلكي عمتي اتساعدني.
ام عفوان/ احجي
ام غالي/ بحلكج حجي
_ هو عمه اريد اتكولين الاسمر اريد امشي لبيت عمي ادم
ام فاضل/ ياا داده جاا انتي كليله ليش جايه عليهن
ام غالي/ انتي كليله
_ عماتي فدوه انتو كلوله
ام عفوان/ هذا وراج يسمعج
اسمر/ شنو شبيجن ?
ام فاضل/ اتريد تمشي لهله تخليه
اسمر/ لعمه معاذ ?
_لا لبيت عمي ادم
اسمر/ شسوين ناس غرب
_ مو غرب اهلي هذول واكثر من اهلي وديني الصبح ورجعني العصر
اسمر/ ماشي.
عفتهم ورحت للغرفه مالتي احس روحي مختنكه دموعي يجرن وحدهن من اتذكر الصارر ليش ياربي ليش هيج يصيرر بيه.
لميت ملابسي كله من اليل وملابس جهالي خليتهم بجنطه
اسمر/ اطولين شنو ?
_ هاا لا بس امر عل عمو معاذ شويه وجدي اشوفهم واروح لبيت عمي ادم. قصص وروايات عراقية
اسمر/ شسوين بيت ادم ?
_ اهلي هم الي ساعدوني
اسمر/ ادري والله بس
_ بس شنوو
اسمر/ اتعودت عليج انتي والجهال
_ ابتسمت اله ما نطول بس اشوفهم ونجي
اسمر/ ماشي لان هل يومين ملتحق اني عندي واجب
_انخبطت معدتي من الخوف ش شكد اطول ?
اسمر/ يجوز 10 ايام اكثر
_ هااا لعد خليني عد عمي لبين ما ترجع فدوه
اسمر/ وضعج بحر ما عاجبني حته لو تواصلنه قليل حجينه قليل بس ما عاجبني مو مثل اول ايام شبيج احجيلي صاير شي وياج
_ هاا لا لا ماكو شي رايحه اشوف الجهال واجي
اسمر/ بحرر
_وكفت من صاح بيه ه هاا كول
اسمر/ شبيج احجي اكو احد ماذيج بالبيت لاتخافين اني موجود اعرف شون اتصرف
_لا لا مو شو الحمد الله اهلك ولا احسن من هيج وياي وي الجهال كلهم يحبونه
اسمر/ جاا شبيج بعد ليش احسج خايفه ومتوتره حيل
_خل اشوف الجهال واجي
فلتت بالكوه رحت لغرفتهم لكيتهم نايمين وكيان وعبودي بدون غطه غطيتهم وطلعت
عون/ شسوين كاعده ما تروحين لزوجج المصون.
_ ههه رحت لجهالي اغطيهم. لكيت كيان وعبودي بدوو غطه هم
عون/ هاا دفوتي خلي بحضنج ونامي خايفه عل جهال انتي
_ ياااا عون خويه
عون/ههههه امشي امشي لا يطكن خدودج اشاقه وياج
شردت اضحك علي فتت للغرفه رفع اسمر حاجب مستغرب م̷ـــِْن وضعي.
اسمر/ هاا شو اضحكين
_ علئ عون يتشاقه وياي
اسمر بعصبيه/ شقاج وي الولد بطلي مفهوم
_الله كريم
فرشت افراشي وتمددت بيه اسمر يحوس رفع راسه وكال.
اسمر/ لوين تبقين تنامين جوه ما سويلج شي اصعدي هنا نامي.
_ ما ادري لمن يفرجه الله وهيج مرتاحه اني
اسمر/ بحر سامحتيني
_منو يكول
اسمر/ اسالج هو لان ما استاهلج هيج تصرفين.
_ ليش.
اسمر/ شفت اهوااي اشخاص بس مثل طيبت كلبج ما شفت طيبه حنونه عل كل بس عليه لا اتذكر اول يوم شفتج بغداد عاندتي اله موطه
_اي صح اتذكر وقته سامر مدري ساهر كال زوجت ميثاق
اسمر/ اي تدرين اني شايفج قبل مرتين
_ وين
اسمر/ مره بالمدرسه طلعتي تضحكين وي صديقاتج بيومها انصدمت بعيونج البنفسجي ضليت طول واجبي مدوهن بيهن
_امممم والثانيه
اسمر/ طالعه من بيت ابوج بس ما جنت اعرف انو انتي بت مناف سامع عنده ابنيه بس ما اتخيلت بهل جمال
_ كله اتكول هيج لان ابوي ما يريدني ابد لا هو ولا امي
اسمر/ كمت وعكست نومتي صار وجهي عل طرف الجربايه يمهه… ليش
_مدري ابوي ما يريدني دوم وايده والراشدي وياي اتخيل عمره كله ما انطاني مصرف لو مال بنيتي شنو محتاجه ابد وامي اتكلي انتي غلطته عمري الي ما انساها
اسمر/ اتفاجئت بكلامه ليش هيج زين احم يعني ملابسج غيرها منين اذا الثنين هيج هاملينج ?
_من عمتي او حاسب ومن عمتي موده دوم تشتريلي وبيوم الي صار هيه ساعدتني.
اسمر/ قصدج يوم الحادث
_اي عمتك شردتني
اسمر/ شلون واهلج.
_ رادو يكتلوني بس حاسب وعمو معاذ ومهند ما مصدكين شردوني بليله ضلمه وشردت لبغداد ولتقيت بعمي ادم لو ما هم جنت ميته هسه الهم فضل عليه كاش جبير.
اسمر/ زين شعجب اتقبلتي الجهال وما نزلتيهم ?
_اصلا جنت ممتقبلتهم اجيت انزلهم بس عمتي خيرتني بين نفسي والجهال جنت كلشي اشوفه ثكيل اشيله قنينه مالت غار دبه مي مرتين شلت جيس التمن بس ما وكعو ابدد لزكو بطني
اسمر/ خرب حرام عليج وانتي مؤمنه ليش تسوين هيج
بحر بدموع/ بس الي شفته مو سهل عليه وكل هل شي صار بسببك انته قصص وروايات عراقية
اسمر/ اسف والله طول هل سنين ما تهنيت بعيشتي ابد من يوم الي اعتديت عليج كل ما اغمض عيوني تجيني لابسه ابيض ومنطيتي ضهرج وشعرج يجنن شطوله وتبجين افز اتكول مسودن يوم واحد مانسايج ولله
_ اني مسامحتك مو لخاطر عيونك لا والله بس خاطر رب العالمين ما يعاقبك بخواتك دوم ادعي من رب العالمين ما يخلي حوبتي بيهن لأن هنه مالهن ذنب والغلط غلطك انته
اسمر/ لا اترجاج شنو اتريدين اسوي بس اخواتي لا كلشي ولاهنه.
_ لا تخاف ما عليهن شي اني اصلا ماحقد عليهم ابددد
اسمر/يالله نامي
طفه الضوه ونام واني هم نمت لان تعبانه كل يوم كل يوم احس بشر يمي من اول يوم اجيت بيه للبيت يبوسني من راسي ويهمس كلام ما ادري شنو واني نايمه غطيت بالنوم بعد.
اسمر/ طفيت الكلوب وغطيته عدل بقيت كاعد يم راسها اااخ مادري شصار بيه احس روحي حيل متعلق بيها احبها اي ولله هواي احبها بس مادري لساني ينربط من تحجي واني اعرف نفسي صدك غلطان بحقها سامحتني بس موو من كل كلبها كلامها يعذبني اكثرر من سكوتها عفتها ورجعت للجربايه ونمت.
………
طيبه/ كعدنه الصبح عل عركه روان ويقين بت عفوان وبت عمران هفففف شبيجن وكرص يكرصجن شكوووو من الصبح
روان/ عمه ماخذه طاكي
طيبه/ يقين
يقين/ عمه والله طاكي اني امي اشترت النه ثنين بس طاكه ماكو
روان/ وين وديتي
طيبه/ روان فوتي دوري طاكج ونجبي
روان/ هففف رايحه عمه
كعدت الصبح صعدت ركض نزلت الهدوم الي بقن البارحه ونزلت ركض #ڪــڔٰا̍ڕ ونزلت بدلت لبست فستان كلش بسيط وشال ونزلت لجهالي اتريكتو
جان/ اي ماما
_ يالله نمشي
جون/ اين
بحر/ لجدو ادم نشوفه
جاد/هييي راح اثوف اثوقي اعب اياه
_هههه يالله
امنه/ عل اقل اتريكي انتي
هزيت راسي شربت بس جاي وطلعنه اخذنه اسمر الهم.
اسمر/ العصر اجيج انتي والجهال ماشي
_خوش من تجي نمر عل عمو معاذ شويه ونروح
اسمر/ من بيت لبيت بحر شسالفه
بحر/ غير اهلي طاشين شسوي
اسمر/ صبرك يا ايوب يالله انزلي
نزلت جهالي ونزلت وسحبت الجنطه دكيت الباب شويه وطلعت عمتي
كفاح/ يهللا من زارنه يابه مو هيج ناسيتنه
_ههه شلونج عماتي عمري شكددد مشتاقتلج طاك كلبي عليج.
كفاح/ يبعد روح عماتج فوتي ضايجه وحدي والله
دخلنه اني وجهالي كبل لفضولي وبنونه راحو يركضون كعدنه اني وعمتي سويه
كفاح/ شلونج اخبارج
_ هففف ما اعرف شكلج بس زوينه
كفاح/ خير من الهففف ماكو زوينه شكوو صاير شي وياج.
_خل انتريك واحجيلج ميته جوع
كفاح/ تعالي مسويه ريوك كيمر وكاهي خلينه نتريك سويه.
_اي والله زعاطيطي تتريكون ماما ?
جان/ ما نشهي ماما
_ خوش
كعدنه وكعدت ركبه ونص عل اكل لمن شبعت ميته جوع
كفاح/ الف عافيه احجي يلا شصـاير وياج
_ميثاق وين عمو وين
كفاح/ عمج بالمطعم وميثاق طلع عنده شغل شويه ويرجع.
_هاا خوش والله يا عمه ما ادري شكلج الموضوع ماينحجي واذا ينسكت عنه يكبر اكثرر وحايره شسوي.
كفاح/ شنو عيالج مو زينين وياج لْـۆ شنو الموضوع احجي
_ لا والله ولا احسن من هيج شقه وضحك بنات ولد وجدي بس اطلبي وامري كلهم يحبوني ولاشخص منهم معادنيي
كفاح/ لعد شبيج شنو الصاير
_اجه عمهم من السفر عمه اوو ..
كفاح/ اوو شنوو احجي لاتخبليني
_يتحرش بيه عمه
كفاح بصدمه/ شنوو شنوو انتي شتكولين شنو يتحرش بيج معقوله.
_ اي والله هذا الي صار اول يوم حسبالي اتوهم جاي اغسل اتسكاين ولزك جسمه عليه لزك.
كفاح/😳😳
_ وبين فتره وفتره يتماده واني ما اعرف شكول خايفه احجي ومحد يصدكني اتخيلي البارحه فوك السطح لكيته يشم بملابسي الداخليه.
كفاح/يااااا عزاااا الله لا يوفقه شكبره هذا وهيج يسوي.
_جايب الاربعين هيج رجال جبير
كفاح/ جاا شماله دنت روحه عل مرت ابن اخو سرطان كووون.
_عمه هاي غير كلامه يكلي انطيني مجال مره وحده لو شوفي جسمي حار عليج
كفاح/ اييععع لعبت روحي شلون متحمله انتي ماتحجين
_اجيتج حته تنصحيني شسوي ولله ميته خوف حته صرت اخاف اتحرك لمكان لوحدي
كفاح/ شحجي خايبه وكفتي عقلي معقول اكو هيج ناس بهل زمن مابقت محرمات ولانسانيه شهل عالم الوصخه.
_والله مدري شسوي هسه
كفاح/ يدري بيج انتي واسمر كلمن فراشه لو لا
_ ما ادري والله بس لا وين يدري واني من الصبح اشيل الفراش واطلع من الغرفه.
كفاح/ مثل هذا كلشي اتوقعي منه يجوز يدري بيج انتي واسمر مو عل صلح لهيج يتقرب منج حسباله تنطينه مجال
_اايععع عمه
كفاح/ شبيج وسم اسمر شلونه وياج زين
_والله زين لا يحرجني ولا يسوي شي وساكت رغم مرات تصرفاتي وياه غلط
كفاح/ شلون يعني
_من يسالني او شي اول فتره اطيزه وامشي
كفاح/ لعد هذا يدري بيكم ماكوو شي بينكم وهل اتمتاده بتصرفاته وياج.
_شسوي عمه شسوي البارحه هددته كتله اكول لجدو يكول محد يصدكج وهيه صدك مراح يصدكوني لآزٍمٍ يكون عندي اثبات قوي.
كفاح/ اتقربي من اسمر مثل اي زوجه بلكي يفل عنج خلي يصير زواجكم طبيعي
_ عمه فدوه غير حل مستحيل اتقبل اسمر ولانزل نفسي اله
كفاح/ محد يصدكج بحر تتورطين وتلوثين سمعتج كدام عيالج واسمر يجوز اتخيلي كلشي يسوي يسحب الجهال منج اتقربي منه لبين ما تلكين طريقه وكليله كلشي من يحبج راح يصدكج ويطلع عمه من البيت والله.
_والله اموت اذا سحب جهالي عمه
كفاح/ حلج الوحيد زوجج اسمر حبيبتي ثقي بكلامي غير اسمر ماعندج حل.
بعدني اريد احجي ما سمعت اله نسحب المسدس وباب الغرفه نطبك حيل هبط دمي ....
