رواية في ظلام مغتصبي الفصل الرابع والعشرون بقلم توتة
مشاعرنـا #وَطـن واثنينـا بغربـۿ !
>>>>>>>>>>
بعدني اريد احجي وسمعت سحبت المسدس اريد اعين رجليه واكوم ماكو ماتن رجليه كل ضني جهالي كمنه اني وعمتي سوه من الغرفه ركض واشوف ميثاق طلع وطبك باب الشارع وراه حيل
_عززه العززاني عمه
كفاح/ هذا ميثاق
ركضت وراه حته بدون عبايه بس شال توه يريد يحرك سيارته وكفت كدامه حركه عل جه اليسره وصرت نزلني بس النار تطافر من عيونه
ميثاق بعصبيه/ فوتي للبيت وطلعه منه بعددد ماكو فهمتي اكسررر رجليج اذا تتحركين
_ابوس ايدك امشي وياي تعال ادخل خل افهمك ونحجي لا تتورطت وتورطني وحته دليل ما عدنه ميثاق لخاطري عليك الله تعال
ميثاق بعصبيه/ ادخليييييي جووووه كتلج لاتخليني اتخبل عليج ادخلي
الجيران كله طلعت عل صوته صيح ونار تطلع من عيونه
_ ادخل كدامي ميثاق لا تخليني اخسرك فدوه اروحلك امشي لاتورط نفسك وياهم
ميثاق/ ابد ابد مو سهل الي سمعته وهيه بدون عبايه ترجف وتبجي
رفس السياره مرتين ودك عليه بيده اتخسفت السياره وبيده مسدسه واني خايفه كلبي وكف والنبي واكفه بطريقه خايفه صدك يمشي جرني من ايدي بس صدك اتوجعت اول مره اشوف ميثاق هيج معصب دخلني للبيت ودخل وياي.
كفاح بصباح/ اتريد تتورط وتورط البت وياك شبييييك مسودن انته عبالك شغله تنحل بهل طريقه
ميثاق بصياح/ اييييي اييييي مسودن مسووودن افهمي واحد يتحرش بنتج واحد يتحرش بتج شنوووووو شنووو موقفج يمااااا فهموووونييييي شلوووون ساكتيييين انتووو شلوووون.
كفاح/ اهدي ابني اهدي حبيبي فوت جوه الجيران كله سمعت صياحك عيب ناس شتگول علينه
كوه دخلناه والجهال كله مصكوره صكر الله
_ياخذ عمرج بحر الله ياخذ عمرج كلشي يصيرر بسببي
ميثاق/ لا ددددعيييين لا اكوووم والله
_سكتت بس لا تصيح مو سويت صكر بالجهال
كفاح/ هاك اشرب ماي اهدئ كافي
شرب مي واهو نار نار خايفه حته احاجي اباوع علي وابلع بريكي
ميثاق/ ليش ما كلتي لزوجج ليش ضامه الموضوع انتي شمنتضره فهميني تريدنه لاحد مايوصخج بسالفه وطلعج غلطانه كدام الكل.
_محد يصدكني ميثاق ما صار عدهم 6 اشهر واني اجي هم يكولون هاي البنات كله صار سنين بس انتي تحرش بيج
ميثاق/ يجود يصدكج اسمر متاكد منه
_واني اضل عل اليجوز واذا ما صدكني هيج مشاكل وطلايب وحته عشاير اتصير واني الخسرانه ياخذون جهالي مِڼـّي
ميثاق/ والحل شنوووو تبقين هيج وياه
_ ما ادري احاول اسجل علي صوت من يتحرش بيه او شي ثاني المهم الزم عليه اثبات حته اكدر احجي
ميثاق/ وتبقين عايشه برعب وياه هاي الناس الساق****
_بس لو طلع اسمر هو يتماده اذا موجود ابد ما يحاجيني واسمر باجر رايح واجب ومادري شسوي خايفه كلش
كفاح/ ابقي هنا لاتروحين
_ ما يقبل اسمر عمه احاول ادبر نفسي شسوي
ميثاق/ اني احاجي اسمر واكله خليه يمنه اكعدي وسكتي منا لاحد مايرجع اسمر
_لا حجيت وياه
بعدني ممكلمه كلامي ودخلن نسوان ابنيه وياها مره ورجال جبير
ميثاق بصدمه/ بويه يماا
حياه / ميثاق ماما
ما عرفتهم اهل ميثاق بس ابد ما سوه اي ردت فعل سلم عليهم مثل اي ناس غرب
_ اني راح اجيب مي
كفاح/ اتفضلو عيوني.
جان/ ماما فاح منو ذول
ميثاق/ تعال بابا
ساره/ شنو ابنك هاذه
حياة/ متزوج ميثاق وامك ما تدري بيك
بحر ببتسامه/ لا خاله هذول جهالي
حياة بحقد/ وانتي منو عيني ??
كفاح/ بنت اخوي وبنتي حياة
الضاهر الامور حاده محد راضيه بالثانيه تباوعلي بحقد ومعاجبها الوضع قصص وروايات عراقية
ساره/ هذا الج
بحر/ اي ابني تعال جان عن عمو خلي براحته
ميثاق/ روحيتي بقي وين اخوانك حبيبي
جان/ اعبون وي فضذولي
_ نطيني اياه ميثاق اني اخذه
قصير/ بابا ميثاق
ميثاق/ هسه صرت ابنك يابه هسه تذكرتو عدكم ولدد ولله خوش
ادم/ سلام عليكم
سمعت صوته لو رويحيتي ردت شكدد مشتاقتله ردينه السلام
ادم/ ياهلاا بالبحر اليوم منورتنه هلا بويه
_ عمو ادم شلونك حبيبي مشتاقتلك
ادم/ يبعد روحي اني هم مشتاقلج انتي وزعاطيطج ههه.
باسني من راسي وسلم عليهم كانو ضايج منهم
_اني اروح للغرفه اخليكم براحتكم
ساره/ مواضيع مالت عائله عيني احسن شي اتسوينه
ميثاق/ بحر اكعدي العائله الي تحجين عنه ست ساره هيه بحر لا فوكه ولا جواها كامت اكوم كعدت اكعد
_ميثاق عادي ابقه بالغرفه
ميثاق/ اكعدي كتلج
هزيت راسي بأي ورحت كعدت يم عمو ادم وبقيت ساكته هاي الي اسمها ساره عوجت حلكها مراضيه.
قصير/ اني ما سامع عندج بنت اخو كفاح
كفاح/ لا عندي صارت اخر شي ليش انتو تعرفون صار سنين ب ايطاليا.
ميثاق/ اي شعجب ذكرتونه ورجعتو وشلون عرفتو مكانه.
ساره/ انته دوم بقلب ميثاق بس تعرف انته خليتنه واجيت وي عمك مابقيت ويانه.
ميثاق/ السوال لاأمي وابوي مو الج فتهمتي
لزمت ايد ميثاق حته لو حاقد عليهم ما يصير يحاجيهم هيج
حياة/ ماما ميثاق حبيبي تعرف شغولنه هناك وحياتنه وبعدين ساره بنت خالتك ميصير تحاجيه بهل طريقه وحاضن الغريبه الك
ميثاق/ بحر مو غريبه اعز من روحي عل اقل ما عافتني وصانت الخبز والملح وبقت وياي ماعافتني باصعب ايامي موو مثلكم انتوو نسيتوني ونسيتو اني من دمكم ولحمكم.
ادم/ ميثاق عمي هدي
ميثاق/ اي يابه انته ابوي واهلي اني ما عندي اهل اسمهم حياة وقصير ابوي ادم وامي كفاح مفهوم خلي هل شي بالهم
كال هيج وخله وطلع بقيت متصنمه مكاني وهم واحد يصد واحد يرد الضاهر عمو قصير ماله كلمه بيد مرته اجيت اكوم اسوي غده وما قبلت عمتي
كفاح/ بطه لتسوين ميثاق كال اني اجيب من بره
_ تمام خلي اسوي بس زلايط
جون/ مامي عشطان
_كول عطشان
جون/ ماما مي
_هاك
ادم/ بحر شصاير شنو هذا الي سمعته
بلعت ريكي يمته لحكت اتكله عمتي اووف ياربي هسه شكول رحت وكفت كباله مَآعِرَفتّ شحجي.
ادم/ لا تتباوعين بكفاح احجي الي سمعته صح
_عمو شسوي
ادم/ يعني صدك
_ اي والله محتاره شسوي
ادم/ استغفر الله منين انجيبه من ميثاق الي خله وطلع لو من هذا الكو*** قصص وروايات عراقية
_يااا عموو لا تسب كدام الجهال
ميثاق/ فتت للبيت عل كعدتهم ولا تحركو الي مسميهم اهلي وينهم جهالي وينهم فروخي عل كولت اهل العماره
_ هههه اتعيب علينه
الجهال/ عمو اثوقي
ميثاق/ يبعد روح اثوقي جبت الكم ككو. مصاص وجلي ونساتل شنوو المقابل هاا
الجهال/ بوثه
اجه فضولي وبنونه يكومون يوكعون شالهم ميثاق يضحك ونطاهم هم وكعد يلعب وي الكل نقلنه الاكل وضيفانهم وهنه كل شويه وحده خازرتني جهالي ثنين يمي واحد بيد ميثاق يوكل ويلعب وياهم
ادم/ شعجب اجيتو ومنو دلاكم علينه خويه
قصير/ والله لكيت موقعك مفتوح لهيج اترقبته واجينه عليك
ساره/ عمو غير جنتو بغداد ليش اجيتو لهنا ايييععع بغداد احله بهوااااي هنا كوله ريف ومناطق شعبيه
ادم/ اجينه هنا اهلنه وبحوره قريبه علينه مانكدر نعوفها لوحدها
قصير/ عمو انتي متزوجه
_ اي عمو
ساره/ لعد شو ما بيدج خاتم
_حلقتي ضيكه ونزعته لهيج
ميثاق/ فاتحين تحقيق اكلي بحرتي اتغدي حبيبتي معليج بيهم.
ضحكت علي يحاول يغثه بكل الطرق اتغدينه وخلصنه هنه بس كامن غسلن ورجعن غسلت المواعين اني وعمتي ونضفت المطبخ.
خلص لنهار ركض ركض لبست جهالي ولبست اني شويه وسمعنه هورن اسمر خبصنه خبص هاي ركضت ركض الي اسمه ساره ولابسه برموده وكيمونه نص ردن طلعت لبست شالي وعبايتي لكيته بالباب تتغامز وتتلامز هزيت ايدي ومشيت
اسمر/ باباتي حبيبي
جون/ اخذنه اشلي
اسمر/ شنو اشتريلكم
جاد/ اي شي موته
اسمر/ موطه الجو بارد امكم ما تقبل انبات بالشارع اليله انزلو عن حضني يالله خل احرك السياره
_ مساء الخير
اسمر/ مساء الورد يابه شلونج
_ زينه وانته
اسمر/ زين منو هاي البت ليش هزيتي ايدج من شفتيها
_ لا هيج
اسمر ببتسامه/ أحمم. غرتي
_هههه من شنوو اغار
اسمر/ يجوز غير زوجج ليش متغارين اكيد تحركت مشاعرج
_ لا عيني من ناحيتي اغسل ايدك الك مطلق الحريه شتريد اتسوي سوي مالي علاقه بيك.
اسمر/ يعني عادي اتزوج غيرج لان صار 6 اشهر كدامي مره وكلشي ماكو مخليته يابسه مجبور اخذ حته اعوض الايام الراحت.
_ وعد مني اني اخطبلك منو تريد هاي الي طلعت قبل شويه لو تريد رجاء لو منو اي وحده بالك بس أشر بصبعك
اسمر/ انتي الله ناسيج بدون احساس يمكن ولامشاعر
بحر بضحكه/ احسن.
اسمر/ لا حول الله اصبر الهي الصبر
حرك السياره وساق مرنه عل بيت عمو معاذ سلمت عل جدو وعل اعمامي والبنات وعمتي موده اتريد تجي ويانه بس ما قبل عمو معاذ
_خليها عمو
معاذ/ والله ما اكدر باباتي يومين واجيبه عندي شغل هناا
موده/ يومين واجي وراج
_ ماشي
ابو جواد/ ابقي هنا جدو
_الجهال ما جايبه الهم ملابس ونعسو تعبو حيل ماكدر ابقه
جواد/ تعالي علينه يوم نكضي هنا
مرام/ المن عيني
اسمر/ يالله بابا يالله بحر نمشي
_ يالله ماماتي
سلمت عل بنات ومشينه ركبنه بالسياره حسيت نفسي راجعه للجحيم كضيت يوم بدون تحرشات شكد راحه احسد البنات الي ما يتعرضن للتحرش مرات والله حلوه عيشه هادئا نضيفه وصلنه نزلت واسمر نزل الجهال والجنطه تلكاني بالباب بعدنه ماكلنه بسم الله رجعت خطوات ليورا.
ازهر/ نورتو عمو اتشاقينالكم.
اسمر/ هو يوم واحد عمي شسالفه
ازهر/ الحلوين نشتاق الهم.
عفتهم ودخلت جوه سلمت عل بنات وصعدت فوك خليت الملابس ونزلت اساعدهن بالشغل
اسمر/ بحر لو خلصتي جهزي جنطتي ماشي
حسيت مغصتني معدتي كوه بلعت ريكي ورديت عليه
_ حاضر
اسمر/ شبيج كتلج جنطتي ما كتلج ابسطج وجهج صاار اصفر شجاج
_ لا اخلص واحضرها
وسن/ هههه شبيج عيني مايطول عليج
_ لا هيج
فاطمه/ يمكن اتحبي.
بعدني ما مكمله كلمتي وطكه عل باب صارت التفتنه كلنه ازهز واكف وغابض ايده وخازرني…
_ اي طبعا احبه غير زوجي وابو جهالي
طيبه/ يعني نسيتي الي صار وياج
_ربج من عالي سماه غفور رحيم احنه البشر شنو حته ما نغفر.
ضي/ امممم فديت الفاهمه لله يصلح كلشي بينكم.
باوعت بي بتحدي ابتسم ابتسامه كلبي رجف من عده والله خله وطلع وهو عيونه حمر خلصنه وتعشينه كملت وصليت وجهزت جنطت اسمر.
اسمر/ الجو بارد حبيبتي خليلي بلوزات
ادرت وجهي عليه بتعجب من كال حبيبتي اول مره يكوله الي صدمني صراحه
اسمر/ خليت وطلعت مدري شلون كلته بس والله احبه كلشي ما رايد منه بس اريده بحضني واشم عطرها هذا الي اريده منهاا مادري شوكت يحن كلبها وتنسه الي صاار.
عافني وطلع من الغرفه بقيت صافنه كلمت الجنطه رحت وغسلت الملابس الباقيه بقيت لوين كاعده افكر بكلام عمتي اجه هو نزع ملابسه بقه بس بالشور والكيمونه وتمدد بالجربايه طفه الضوه كمت مرتين من فراشي ورجعت خايفه ومتردده حسيته نام كمت صعدت عل كيف وتمدد عل جربايه.
اسمر/ حن كلبج عليه شنوو
_طفرت وشهكت كاءء كاعد
اسمر/ اي احجيلي شبيج بويه
_خايفه
اسمر/ منين اني ما مااذيج بشي
_ ما اعرف بس خليني هنا عل جربايه لبين اكلك بيه الموضوع
اسمر/ يا موضوع اتريدين شي.
_ لا بس بس هيج بعدين.
اسمر/ اتريدين تنفصلين عني احجي لاتبقين كاتمه بداخلج اتفهمج
_شهكت يااا شهل تفكير
اسمر/ احجي احجي بحر مو فجرتي روحي شبيج اريدد افهم
بحر بدموع/ لا تضغط عليه اترجاك اذا متضايق من نومتي هنا انزل انام جوه.
اسمر/ اششش تعاي تجين بحضني تنامين
استحيت ما جاوبت ابد خليت وجهي بالجها مالته وغفيت احسه يتلمس خدودي غفيت لحد الصبح
اسمر/ صباح الخير
_ صباح الورد راح تمشي
اسمر/ اي جماعتي جوه رعد وساهر منتضريني راح اطلع
_ اسويلك اكل
اسمر/ لا متعود امشي هيج بعدين ساعه 3 هسه حته صلاة الصبح بعدها ارجعي نامي انتي ودير بالج علئ الجهال.
_توصل بالسلامه
اسمر/ اتجرئت وبسته من راسه انتبهي عل نفسج وعل جهال تره روحي بيكم والله #ڪــڔٰا̍ڕ
_ نزلت راسه خجلانه انشالله بس طمني عليك
اسمر/انشالله يلا مع سلامه
عافني وطلع اجيت اطلع وياه بس ما قبل بقيت واكفه مكاني
اسمر/ جماعتي بالحديقه ارجعي
_ تمام
راح سديت الباب وراه ورجعت نمت للصبح اله كعدت
جون/ هييي ماما ايمه هنا.
جان/ اي بابا امث كال الوح
_ بلشتو
جاد/ ماما ذول جان جون دعدوج
_شكوو
جاد/ حليبه حليبه
_ ههههه يالله امشوو
كمت م̷ـــِْن مكاني و نزلت وصبحت عل كل
_صباح الورد
الكل/ صباح النور
ابو عفوان/ تعالي حبيبه اتريكي
_الف عافيه عمي خل اسوي للجهال حليب موتوني
امنه/ اني مسويه تعالي اخذيلهم.
_تمام
رحت للمطبخ خليت الهم بكلاصاات كعدت ونطيتهم ريوك وتريكنه سويه
عفوان/ اي شي تريدنه للجهال كولي اسمر راح للدوام
_ ما تقصر خويه
عمران/ احنه اخوانج لا تستحين منه ماشي
_ لا انتو اهلي والله
ملك / يالله اتريكي
بقينه نتريك خلصت وروتين يومي نضفت البيت وي البنات بيت كلش جبير ينراد اله حيل بس احنه اهوااي نضفنه الحديقه وخلصنه
مر يوم ويومين وخمسه واني كل ما اشوف ازهر اشرد منه باليل غرفتي اغفلها غفلين عليهه يله اكدر انام جنت نايمه وندك الباب ساعه ب2 بليل منو
ازهر/ اني بحر افتحي اريد احجي وياج
خليت ايدي عل كلبي من الخوف احس رجليه صارت خيوط من الخوف والرعب بالكوه طلع صوتي
_ شرايد عمو
ازهر/بس احجي وياج شويه افتحي الباب
حسن/ عمي ازهر خير بيك شي
ازهر/ هاا حسن عمي شبيك
حسن/ اني لو انته خير رايد شي من بحر بهيج وكت
ازهر/ هو شسمه ردت شاحن شاحن مالت ايفون ماعندي وجهازي خلصان شحن
حسن/ شاحنه عمي أسمر مو ايفون ولا بحر عدها
ازهر/ ها جاا اروح اني
حسن/ تمام
وكعت بالكاع من راح بقيت بالكوه اجر نفس صبح الصبح واني ما نايمه كمت سويت ريوك وتريكت وكلهم تريكو نص النهار وملك كالت
ملك/بحره فدوه انتي خفيفه نضفي غرفه عمي ازهر واني اكمل باقي الشغل
_بلعت ريكي غير بيها هوه شلون انضفها
ام غالي/لايماه طلع مساع
_ها اي صار
صعدت وبلشت انضيف درت وجهي وجان اشوف شي صدمني وكعت عل كرسي من الصدمه ....
