رواية ذيب الشامخ الفصل الرابع والعشرون بقلم توتة
تفارگنة وحالنه موذاك الحال
الله كريم انكول ماندري العشك كتال 🥺💔"
>>>>>>>>>>>>>>>>>>
ساره : ذيب يعرف بيج احترگتي واجهه للمستشفئ
_شنووو منوو گله وشلوون عرف فهميني
ساره : اول شي اوعديني اذا حچيت الج مراح تزعلين مِڼـّي او تضوجين لأن ولله بوكتها جنت خايفه كلش وماعرف شلوون اتصرف
_انتي حچيتيله ??
ساره : اي خابرته من تليفونج لأن ماعرف رقمه وگتله عليج وسمعت من امي جاي للمستشفئ ومتعارك ويه ابوي ومخلي المسدس براسه
فتحت عيوني بصدمه جبيره
_شنوو
اباوع ؏ عمتي خزرت ساره لأن حچتلي كلشي باوعت عليها وگلت الهاا ..
_عمه خليها تحچي صدك هل حچي ذيب جاي للمستشفه ومسوي هيج ويه ابوي ?
سهام : حبيبتي موو وكته هل حچي ارتاحي هسه وانه احچيلج كلشي من تصيرين زينه ماشي ..
_لا هسه احچولي لاتخافون عليه مابيه شي وحالتي زينه يلا احچولي شصاار اكيد هسه ابوي متحلف بيه وراح يأذي ساااره شلووون تغلطين هيج غلط لج مافكرتي شراح يصيرر
سهام : لاتخافين مراح يسوي شي ملتهي بيج وحته نسه سالفه ذيب وهوه بس هدد مامسوي شي لأن جان خايف عليج وانتي بهل حاله..
ساره : رباب حبابه لاتزعلين مِڼـّي ولله مجان بالي شي من خابرته بس خفت عليج وگلت لآزٍمٍ يكون عنده علم لأن انتي سويتي كل هاذه ؏ موده
_خلص اني قررت قرار
ساره + سهام : شنو ?
_راح اعوف ذيب وبعد مادخل بحياته ابدد شفتو نهايت حبي شصارت تأذيت وصلت المووت ماريد يصير بيه مثلي ولاگدر اشوف ابوي يأذي بسببي وابقه
ساكته بس اطلع من المستشفئ راح احچي وياه واگوله يعوفني بحالي ويشوف حياته ويتزوج ويستقر لأن اني وياه مالنه قسمه سويه وماكوو أمل ننجمع ماريده يتأمل شي مراح يصير ابدد ..
سهام : ولله مادري شگول بس الي تشوفينه صح سوي لأن هاذه الحب دمر حياتج وراح تخسرين الكل من وراه ابوج هسه لأن مريضه نسه كلشي وصاار حنين عليج وخايف أما م̷ـــِْن صارت سالفه ذيب شفت بعيني
شلوون حاقد ويرعد رعد بالحچي ويهدد وحلف دين قسم گال مانطيها اله وهوه هم حقه ابوج يعني ذيب مايگدر يلزم اعصابه يهدد بنص بيته ويعلي صوته لا والنوب
اجه كملها ؏ ابوج واجاهم للمستشفئ ومخلي المسدس براسه ويهدد بيه يگله اخذها وماتصير لغيري يعني ولله ماعرف شگول انه ماعندي شي وياه ولله دائما ادعي تصيرون لبعض بس بعد هاي تصرفاته تغيرت نضرتي واشوف الحگ ويه ابوج موو وياه ..
رباب: ......
سحبت راسي ؏ صدرها وباستني وهمست بصوت ناصي
سهام : حاسه بيج وبلي جاي تعيشينه بس هاي قسمتج من الحياه ولازم تتقبلين وضعج وتكفين طريقج اعرف صعب عليج تعوفينه وتنسين حبج وتضحيتج وهوه هواي عارك عليج وحاول بس كلشي قسمه ونصيب وانتي موو م̷ـــِْن نصيبه
احسن شي تشوفون حياتكم لأن صدكيني شما سويتي بروحج وأذيتيها مراح تستفادين شي ولاراح يتغير شي ابوج قافل وحالف ماينطيج اله
_عمه عوفوني لوحدي ممكن
سهام : بسـ ...
_اذا ممكن تعبانه اريد انام
هزت راسها وطلعت هيه وساره اني شفتهن طلعن وتگول محضره دموعي نزلن وحده ورا الثانيه بقيت ابچي بحرگت گلب احس گلبي المحترك موو جسمي
نااااااار بداخلي ماترضه تنطفي العبره خانكتني خنك احس كل هل هوئ الحولي ممكفيني اتمنئ امووت واخلص من هل حياه الصعبه ..
الحياة اختبرتني بأعز اشخاص ؏ گلبي م̷ـــِْن جهه ذيب ومن جهه ثانيه ابوي ماگدر اسوي شي واصلا مابيدي شي اسوي ماعرف شلوون اتصرف اذا افضل ذيب ؏ اهلي واعوف الكل وانهزم وياه راح ينفضحون اهلي كدام اعمامي
واذا رفضت ذيب وكملت حياتي بدونه راح اكون شبهه الميته ومراح ارتاح يوم واحد بحياتي ولاهوه راح يرتاح وراح ابين اني رخصت حبنه وماضحيت ؏موده
شسوي ياربي دخيلك ساعدني انت اعلم بحالي ماعندي شخص اشكيله غيرك ساعدني الهي ودلني ؏ الطريق الصح تعبت ولله مابقه عندي طاقه اتحمل اكثرر ...
بقيت ساعه كامله ابچي واشهك حسيت. روحي شويه رتاحيت من فرغت كلشي بداخلي
مسحت دموعي وسحبت نفس بقويه اندك باب الغرفه ودخلت عمتي گالت راح نطلعج هزيت راسي
شويه ودخل ابوي وعمي للغرفه گالو تگدرين طلعين ليوم سجلنه خروجج
اجت عمتي رتبت اغراضي وادويتي وطلعنه من المستشفئ.
صعدت ويه عمي ماريد اگعد ويه ابوي كارهه الكل وحته ابوي كارهته ومطايقه اشوف شخص منهم ..
هيثم : شلون حاسه بويه
_زينه
سهام : لا رباب ذيبه شوف كم يوم وترجع اقوئ من گبل واحسن
هيثم : واحنه شنريد غير صحتها
_عمو لاتاخذني لبيت أبوي اخذني لبيت جدي اريد ابقه هناك مارجع للبيت
هيثم : ليش بويه هاذه بيت ابوج وغرفتج وراحتج هناك شلون راح ترتاحين بيت جدج بعدين انتي ماشفتي ابوج شلون جان خايف عليج وطول هل فترا
گاعد وياج بالمستشفئ ..
_الله يخليك عمو ماريد ارجع وصلني لبيت جدي اني اصلا حچيت وياهم وبيبي گلتلي تبقين يمي وراح اكون مرتاحه هناك
هيثم : هاهيه براحتج
وصلني لبيت جدي ونزل هوه وعمتي وياي ابوي اشوفه راح ؏ بيتنه هوه مو بعيد قريب ؏ بيت جدي بينه مسافه شويه ..
دكينه الباب فتحته عمتي حرير سلمنه ودخلنه فرشولي فراش بالصاله تمددت عليه اجت يمي جدتي
الحجيه : هاا حبوبه شلون صرتي ?
_زينه
الحجيه : جوعانه اخليهم يسوولج شي تاكلينه تشربين
هزيت راسي بالا اصلا لعبانه نفسي ومخنوووووكه كلش بس واحد يگلي بز انفجر بالبچي بقيت مدنكه راسي يحجون وياي واني مو وياهم بالي مٍشًغوٍلً بذيب
وشلون راح انهي هل علاقه وياه شلون اخلي يعوفني ومايدخل بحياتي بعد الي صار لاحد اليوم كلش كافي عليه ماگدر اتحمل صدمه ثانيه وتكون بأعز انسان ؏ گلبي
ولله اموت وراه اذا صارله شي اني اعرف ابوي زين هسه سكت بس باله شي ومراح يسكتله اكيد راسم شي باله ..
ام رباب : رباب حبيبتي شلون صرتي
شلت راسي شفتها گاعده وياهم وتسالني شلوني بلعت ريكي واني احاول ماتنزل دموعي اريد اكون قويه كدامهم وماضعف ابد
_زينه
ام رباب : ليش ماتجين للبيت هناك بغرفتج احسن
الحجيه : لا يمه رباب من اليوم بنيتي وتضل يمي طول ماأني عايشه ولعنده اعتراض هذاك الباب
ام رباب : هاا ..هنا الحجي يعني انتي مأيدتها ؏ هاذه التصرف
ابو رباب : خليها براحتها وين ماتريد تضل خليها هاذه هم بيتها
الحجيه : اي انه مأيدتها عدج اعتراض ؏ كلامي ?
ام رباب : لا هاهيه خليها براحتها بس اني ؏ مودها عود ترتاح بغرفتها واني يمهاا اداريها
الحجيه : اني بعدني بحيلي اخليها بنص عيني وهاي مروه وحرير يمي اذا احتاج شي مايقصرن
اباوع ؏ مروه عوجت حلگها وعمتي حرير گالت
حرير : طبعا شعندي غيرها هاي بنت الغالي خليها يمنه خويه خليها ترتاح شويه
ابو رباب : هاهيه براحتها خليها هناا بليل اخلي ساره تجيبلج ملابسج واغراضج الي تحتاجينها ماشي
هزيت راسي بأي وسكتت بقو گاعدين ويسولفون هوايه كلام بس تغير اسلوب ابوي وياي من يوم الي احترگت بيه أما امي بعدها ؏ حالتها كارهتني ماعرف ؏ شنوو.
شويه وراحو للبيت ساره گالت اجيب ملابسج وابات يمج الًيَوُمًِ
راحو اجت يمي بيبي مسحت ؏ راسي بلطف وگالت ..
الحجيه : ماريدج تضوجين مِڼـّي لأن ماحچيت الأبوج بس ولله ياحبوبه لمصلحتكم ماريد يخرب بيت ابني والي صار صار بساعه عصبيه وانه اخذت عهد ؏ نفشي ماخلي شخص يمسج بحجايه راح تضلين يمي معززه مكرمه
هزيت راسي وسكتت اعرف بيبي تحبني وماتريد عائلتنه تخرب بس اني شنوو ذنبي ويصير كل هاذه بيه ليش يعذبوني بأيدهم ومايحسون بوجعي
خصوصا امي ماعرف شبيها وليش هيج كارهتيني صرت اكرها وماحب حته اشوف وجهه عمرري كله ماتخيلت اوصل وياها لهل درجه #ڪــڔٰا̍ڕ..
مر اشهر واني عايشه عند بيت جدي ابوي كل مايرجع من الدوام يمر علينه هوه من زمان هيج يجي يمر علئ بيت جدي بعدين يروح لبيتنه.
اختي ساره كل يوم م̷ـــِْن ترجع م̷ـــِْن المدرسه تجي يمي شويه وتروح
تعودت ؏ گعده عدهم رغم كلام عمتي ومروه الي دائما يسممني بيه
بس صرت بااارده وماحب احچي ويه شخص اغلب وقتي نايمه او اباوع ؏ تلفزيون
ذيب شهر كامل ماعرف أي شي عنه ولاسامعه اخباره وهوه هم بعد ماتواصل وياي ابدد ولاسأل عني ماعرف شصاير وياه.
امي حاولت ترجعني للبيت بس ماقبلت ارجع وابوي طلب منهاا ماتلح عليه تغير اسلوب ابوي وياي من يوم الحادثه امأ امي بعدها علئ تصرفاتها بس تريد تبري ذمتها لأن سوت هيج بيه صارت تدفع فلوس بس حته ترجع شكلي مثل ماكان
اني احس كارهه حته روحي من الادويه والعلاجات الي جاي اخذها
ماعرف شنوو ضاملي الزمن اكثرر من هل وجع وياترئ راح ارتاح بحياتي او اخلصها كله تعب وقهر
_____________________
ذيب.
بعد الي صار ويه رباب حسيت نفسي اني المسؤل عن كلشي صار وياها تعبت حته نفسيتي
طلعت م̷ـــِْن المستشفئ واني راسي احسه راح ينفجر من التفكير افكرر بكلام الدكتوره واموت كل دقيقه من اتذكر
البنيه الي حبيتها ام خدود الحلووه نايمه بالمستشفئ وجمسها محترك.
نزلت ؏ جسر وبقيت اتمشه وادخن اجه وراي رياض يركض لزمني م̷ـــِْن جتفي
رياض : يمعود وكف گلبي صارلي ساعه اركض وراك هم گول هاذه ال** يحجي وياي خليني اشوفه شيريد
_رياض رحمه لربك عوفني لوحدي مالي خلك احچي اي شي اذا عندك شغل روح خلصه اني شويه والحكك للشقه
رياض : اي ولله عندي شغل بس اجيت حته انطيك شغله ومتاكد راح تريحك
_شنو ??
رياض : من طلعت اخذت رقم الدكتوره المشرفه ؏ حالة حبيبتك وتكدر هسه تسألها عن وضعها بكيفك
_انطيني الرقم بسرعه
اخذت الرقم منه وسجلته عندي عافني وراح رياض بقيت اتمشه ؏ جسر شويه ورجعت للشقه
دخلت سبحت وبدلت اتصل جهازي جانت امي متاكد حچالها رياض علئ الي صار
ام ذيب : الوو
_هلا يوم شلونج
ام ذيب : زينه انته شلونك رباب شلون صارت
_ولله مادري شكلج حالتها ممستقره رحت للمستشفئ حته اشوفها بس ماخلوني وهاذه ابنج ال** شكوو دازته عليه مربطني مايخليني اتحرك اله وهوه لازك بيه
ام ذيب : يمه ذيب برضاتي عليك ياروحي عوف البنيه مو كافي الي صار بيها هسه جان ماتت
_شلوون تگوليلي عوفها شلون اعوفها وهيه سوت كل هاذه علمودي انتو ليش مجاي تشوفون شلون نحب بعض
ام ذيب : ادري بيك تحبها وهيه هم تحبك بس شلفايده اذا كلها رافضه هل حب واكفين بقسمتكم راح تخسرون حياتكم ومستقبلكم م̷ـــِْن ورا هل حب #ڪــڔٰا̍ڕ
_مايهمني شخص راح ابقه منتضرها بلكي لله ويقتنع ابوها احاول احچي وياه مره ثانيه
ام ذيب : ولله بعد الكلام الي سمعته من ابوك ماتصور ينطيها الك ابدد
_اني اريد اتاكد من شغله وحده وبعدها ارتاح نفسيا هيه صدك مخطوبه او مجرد جذبه احس هل موضوع ياكل بكلبي اكل
ام ذيب : واذا طلعت صدك مخطوبه راح تعوفها
_كافي يمه انتي جايه تكملينها عليه
ام ذيب : لا ولله بس اريد اوعيك حته تعرف الصح من الغلط خايفه عليك
_لاتخافين مراح يصير شي وهسه عندي شغل راح اسد ديري بالج ؏ نفسج
سديت منهاا شمرت الجهاز ؏ جربايه ولفيت راسي ونمت
مر اشهر انتقل شغلي لمحافظه البصره مَآعِرَفتّ شي عن رباب اخابر دكتوره گالت خرجوها من المستشفئ
وحالتها صارت زينه هيه جهازها مغلق وماحصلها ابدد باقي بس أسال عن وضعها عندي اهم شي تكون بخير ومابيها شي
اخابر ؏ صديقتها مريم اسالها عنهاا گالتلي بعد مارجعت لبيت اهلها بقت گاعده عند بيت جدها وضعها زين
يراجعون بيها بدكتور اخصائي لبشرتها وتستعمل علاجات قويه.
شويه ريحتني بكلامها م̷ـــِْن عرفت بيها زينه وراح ترجع طبيعيه.
خلصت واجبي خطر ؏ بالي عمها گلت اخابره واحاول وياه بلكي يقتنع ويرجع يساعدني وارجع احچي ويه ابوها
طلعت رقمه واتصلت عليه
هيثم : الوو
_سلام عليكم
هيثم : وعليكم السلام والرحمه منو ?
_ذيب شنو تاه عليك صوتي
هيثم : شعندك متصل ماكتفيت بالي سويته ؏ شنوو ناوي هل مره
_لا عمي لاناوي ولاشي اتصلت بيك حته اعتذر ؏ تصرف الي بدر مِڼـّي اني اسف واعتذر منك
هيثم : خير شصار بالدنيا وين گلآمَگ. وزماطك هذاك اليوم شتغير هسه
_الزماط مراح يطلع نتيجه واني رجال اريد الامور تمشي بطيب
هيثم : ابني افهم البنيه مو الك حاول تبتعد عنهاا ولله هذاك اليوم وصلت للموت تريدها تموت وترتاح شنو
_اخر مره احجي ويه ابوها اذا رفض بعد اعوفها تشوف حياتها ومادخل ابد
هيثم : بعد مايفيد الحچي بعد اسبوع خطبتها انطاها ابوها
