رواية عشك الشاهيين الفصل الرابع والعشرون بقلم مجهول
شاهين
اليوم السابع من فاتحة ام غرام. جنت نازل من الدوام. وعلي كلي اطلع بوجهك لبيت مرت صگر كلنه هناكه
اهووووو هاي شلون ورطه. ادري احنه نسابتهم لو عمامهم. لخاطر صكر. رحت بوجهي جنت بزي العسكري. شفت احمد اخوههن سلمت علي. جنت واكف اني وياه بالحديقه. بليل بعد ماراحو الناس. شفت وحده طلعت تريد تصعد بالسياره جان. احمد يصيح
احمد
غرام ...... غرام.
غرام
نعم
احمد
مو احجي وياج
غرام
موعد طيارتي بعد ساعه
احمد
ولج شنو انتي من بشر. خلص. صفرتي انتضري عل اقل للأربعين.
غرام
ليش مو هاي امك انته ومرام بس واني. البنت الغلط بهاي العائله خلص اريد اخلصكم من هاي الغلطه
جنت اسمعهم واني مستغرب معقوله. هاي نفسه البنيه الي جنت بيوم مجنون بيه لا مستحيل هاي تشبه بس شكل.
ذيج جانت كتلت حنان ومشاعر وترافهه.
واكف واباوع شلون. هاي إنسان. بايع كلشي الي صدمني من دخل شخص جانت امنيتي كل حياتي التقي بيه وأخذ حيفي منه اول مدخل كال
جهاد
كافي. احمد لهنا وكافي. هاي اختك مو عدوتك
احمد
جهاد الي تكول هذا الكلام لو اله
الضاهر هذا الجهاد اله كلمه مسموعه اني جنت بالحديقه. بزاويه ضلمايه محد يشوفني بس أشوفهم وأسمعهم. هذا نفسه الي خانتني وياه
جهاد
احمد حاول تكون متفهم غرام خسرت هواي وكلنه نعرف شكد امه جانت تهمه لذالك خليه تسافر. واني اصلا موجود هناكه لتخاف
احمد
اخاف على منو غرام هههههههه هاي وحده ثانيه مو اختي الي كلنه جنه نعرفه هاي لازم اخاف على أهل المكان الي رايحتله هاي تحول كل يقترب منه رماد
احمد كال هذا الكلام وعافهم ودخل جان جهاد يكول
جهاد
غرام الماضي خلص وراح وعتبري صفحه ونشكت من كتاب حياتج وكملي حياتج
غرام
لا اني الماضي ماينتهي بحياتي يبقه حاضر مستمر
قبل ميكول جهاد شي كالت مرام
مرام
انته ويأمن تحاول جهاد. هههههههه الماضي عد غرام على كولته حاضر مستمر واني انطيك دليل
غرام خلتني ازوج اخو شاهين بس حتى ترجع لحياته حتى لو هامش هههه هوس الشاهين اله يخلصنه واحد وره الثاني يله يخلص
جهاد
شلون يعني. مرام شتقصدين
مرام
بكل بساطه الشاهين اخو زوجي الجبير
غرام
خلصتوا. اتهاماتكم. وتهديدكم وكل الكلام الي بداخلكم لو اكو بعد
مرام
ليش شراح يغير
غرام
انتي ليش متفهمين هل شي ولج اني لوصح سويت هل شي ليش راح اعوف العراق بكبره. مرام خليه بالج شاهين الي عايش وياج مو نفسه الي اني حبيته
هذا واحد كل همه اهله واخوانه لذالك مستحيل. ياذيج مو لسواد عيونج لا بس لخاطر صگر.
وهسه. تمنلولي روحه ماله رجعه
كالت هذا الكلام وركبت سيارته وطلعت وخلت راسي داخل دوامه زين اذا هو يعرف اني وغرام علا علاقه شلون يقبل يبقه وياها.
غرام
كل الأيام. السود الي يسولفون عنه اني مرت عليه وشفته خسرت اهلي واحد واحد
وآخر شي هسه اختي واخويه معاديني. وحقهم مو قليل الي عاشو بسببي
سافرت واني تاركه كل شي ورايه وماريد شي من الكل
فهد
مريم صح كدام عيني بس احس مالي سلطه مالي اي حق بيه على أتفه شي وكالت وانته باي حق تحاسبني
جنت اني وصگر كاعدين. بالحديقه اجه عباس اخذ كرسي قديم. عدنه مابي رجلين. كتله شسوي بي كال اريد اسوي مرجوحه لمريم وكمل طريقه
صارت الساعه ٣:٣٠ صبح واني مانايم اخر شي رحت لبيت عمي. دخلت من جهت البستان ودخلت من الباب الخلفي....قصص وروايات عراقية كرار صلاح
دخلت بيت عمي مثل الحرامي وصلت لغرفته فتحته هيه كمزت.
بس شنو هاي شكله دموع وشعر منكوش عيونه مورمه من البجي. من شافتني كالت
مريم
ليش سويت كل هذا بيه ليش
فهد
شكو شبيج شسويت ليش هيج وضعج
مريم
فهد كل عقلهم اكدر أتقبل. غيرك بحياتي.
(جنت تحجي مثل التايه ومايعرف شيسوي )
فهد كل عقلهم انو بهل طريقه صير حياتي احسن. بس ماكدر والله ماكدر. تعرف شنو انته هوس حياتي فهد. قابله انته بجه واني بجه بس مو اصير لغيرك لا فهد. انييي .......
فهد
شنو تصيرين لغيري مريم شتحجين
مريم
امي وأبوي. قابلين بعباس. واليوم ابوي يكلي غصبا ماعليج
فهد
ههههه وكل هل بجي والدموع علمود هل شي
مريم
حقك تضحك فهد. لان انته بعمرك ماحبيت احد مثل ما اني حبيتك بعمرك مجان اكو احد. بحياتك اذا شفته مجرد ضايج انته من يمك تختنك
ادري. بعمرك ماحبيتني ولا ردتني واني ماريد اي مقابل الحبي الك بس اريد الكل يعوفني بحالي اني عاجبني وضعي
عندي حل واحد لكل هذا
فهد
شنو
مريم
الشاهين هو الوحيد الي اكدر .....
فهد
ليش الشاهين ليش مو اني. شنو مو بعينج
مريم
هاااا
فهد
حتى النفس. حتى النفس وحق الي خلق هل كون حتى النفس وأنتي بعيده عني يخنكني
مريم
هااا
فهد
( حضن وجهه بدينه وباس كصته وكال بكل ثقه)
ابوج وعمج وجدج وكل عشيرتج اريد اشوف. واحد بيهم يوكف بوجه الشيخ فهد وياخذ مريم منه.
مريم
يعني. انته ....
فهد
احارب كونه بأسره. لأجل. عيونج
من كال هيج كمزت بحضنه مجلبه بركبته كل قوته. وتشهك وكالت
مريم
ليش عفتني فهد ليش بسهوله عفتني
فهد
انتي الي كلتيلي مستحيل أسامحك بيوم
جانت تبوس كل جزء بوجه وكان امه وحضنت طفله بعد غيبه طويله. همس باذنه
فهد
كافي يروح الفهد ماريد. اتهور هسه واخذج.
مريم
هااا
فهد
ناوي اسويلج عرس تحلم بيه بنات سلاطين. يعني خليني لازم روحي عنج ليله الزفه
من كالله هيج ابتعدت وخدوده صارو مثل الطماطه
هو سحبه اله والتهم شفتيفهه بعد ماحس بيه تحتاج نفس ابتعد وكال
فهد
مريومه اني راح اروح ماكدر ابقه اكثر ماظمن شراح اسوي بس الصبح اريدج انتي تكعديني
مريم
هااا
فهد
شبيج بس سوين هاااا الصبح كعديني
مريم
ماعرف شنو الصار وياي مثل كل مره فهد من يحس اني راح اروح من ايده. يتحول لوحش ويصير يريد يشن حرب بس من يحصل عليه. يصير الموضوع عادي عده
بس احس هل مره صاير جريء اكثر.
مانكر فرحتي بي متنوصف بس خايفه للصبح واني مانايمه ماعرف شسوي وشقرر
بس اني كل الي اعرفه. غير فهد ماريد
ثاني يوم الصبح رحت لبيت جدي وجنت تاركه كلشي وره ضهري قصه الحب الي ماعشته ويه فهد غصب عنه وعن الكل راح اعيشه مستحيل اخلي غيره يدخل حياتي. ومستحيل اسمح لأحد يدخل بحياته.. قصص وروايات عراقية كرار صلاح
دخلت لبيت جدي. جان الكل كاعد اله ثنين. الي همه الفهد ومنقذتي حبيبه كلبي ( غرام ). بت اختي. زهراء
سلمت على الكل. وكتلهم
مريم
لعد غرام وين شنو بعده نايمه
علي
اي تدرين بيه هاي تنبل مال نوم.
مريم
يله لعد. رايحه اجيبه
زهراء
عوفيه رحمه لمحمد. هسه تخبصنه وعندي كوم شغل
شاهين
روحي بويه جيبه هيه وعمه فهد كليلي شاهين يريدك
اي اي شاهين انته خو مايطير طير بسماك خرب شرفك صعدت للطابق الثاني
رحت جبت غرام جنه تفاحه مال اكل وعض ورحت لفهد. فتحت قصص وروايات عراقية كرار صلاح الباب لكيت فهد بعده نايم
لا وشلون نومه نايم على بطنه. كعدت غرام على ضهره وكامت تهلس بشعره وتضحك ومكيفه تحط اصابعه باذانه كعد مزعوج هو وكفشته. وملابس بس برموده اوووف ربي شكله تحفه صفن بيه وكال.
فهد
اني ردتج بس انتي. هاي البلوه شسوي وياج
مريم
الشاهين كلي جيبلي غرام وعمه تنبل النوم
فهد
زين ماكلتي لشيخ. شاهين. عم غرام اذا اصعدله بعد مانزل
مريم
لا ماكدرت اكله هيج تعرف هذا الشاهين يعني متفوته فايته وهو اصلا كاعد بصف شيخ مظفر فمو من مصلحتي احجي هيج
فهد
خوش لعد مادام كلهم ملتمين خلي انزل اكلهم هاي الي اسمه مريم بعد ماترجع لبيته
بعد عناء طويل نزلت مريم هيه وفهد وشايله بيده غرام الصغيرة. شاهين كاللهم اني شبعت اخذ غرام وكعد عله صفحه. جانت مرام عيونه منه وليش
هيج مهتم بهل طفله
كمل الريوك وكلمن كام لشغله طلعو. مرام وصگر للمستشفى بس الأجواء. بينهم مو مثل قبل جانت واكفه. عل ميز ترتب بشكله. اجه صگر. وكف وراها. وهو صافن عليه. اندارت عليه وكالت
مرام
شبيك هيج صافن
صگر
مستعد أبيع. عمري كله لخاطر. ترجع ضحكت عيونج القديمه
مرام
شكد. تحبني صگر
صگر
هه مرام وصل بينه الحد. تساليني عن حبي الج. يله حبي. اني انتضرج بالسياره
طلع صگر من غرفته وهو وضع مو تمام. شافه شاهين ضل صافن. عليه وعرف شنو سبب هل. خلاف البين الاثنين
مرام من عرفت. شاهين اخو. صگر. تحولت لشخص ثاني. وشاهين حاير. ليش هيج تحولت. رغم هيه تدري. اخته ماتستحق ذره حب. وبعينه شاف. مرام واكفه ويه غرام وجهاد.
مرت الأيام. شاهين كل عاده. من يلتحق شهر يله يرجع اذا مو اكثر. شاهين شاف ان هو من يبتعد. عن البيت. وضع صگر ومرام يتحسن. ومجرد مايرجع للبيت يشوف تازم الوضع. لذالك. صار يبتعد كلش عن نضر مرام.
من عرف مرام حامل حيل فرح.بس ماكدر يرجع للبيت. ويبارك لآخوه. ويهني كال خلي يفرح ماري أعكر. عليه.
أما فهد ومريم. الي. صارت تصرفاتهم لا تطاق بالنسبه للكل. يصرفون وكانو همه مزوجين. يبتلي على روحه الي يحاجي مريم بحرف. لان راح. يضطر. يواجه غضب الفهد.
جان الكل كاعد. اكيد ماعدى الشاهين. امه حيل مقهوره عليه وجده حيل مشتاقله ومرام صارت تحس انو الشاهين مايجي للبيت وهيه السبب. لان هو يحاجي الكل. ويتصل بالكل وأي شي يحتاج شي يركض الشاهين. حتى يحله
ما عدى هيه. جانت كاعده بصف عمته ام صكر. جان عمته تكول
ام علي
اوووف يا شيخ مظفر هم يجي يوم وأشوف بيه الشاهين مرتاح
شيخ مظفر
اااخ يل شاهين. خابرته البارحه. كتله باجر اذا ماترجع للبيت. لاشوفني وجهك وهو كل عاده الف حجه خلقلي وكان ماكو. ضباط غيره. بالمعسكر
جان الكل كاعد ويسولف. ودخل ( الشيخ حسين ) ابو مريم وزهراء بعد ماسلم على ابوه. ولد اخوه. (علي وصگر ). كال
شيخ حسين
شيخ شني السالفه هذا الفهد ماله رداد ترى اني عمه مو صاحبه
شيخ مظفر
هدي هدي بويه شبي الفهد ماتطلع منه العيبه
شيخ حسين
شني قصدك شيخ اني. الجذب والمني العيبه
شيخ مظفر
حشاك بويه بس غير افهم شكو
شيخ حسين
بويه ترى مريم بنتي انه. أضربه ارزله عسما احركه شله دخل هو. باي حق يجي يهددني
شيخ مظفر
آنه ابوك يحسن هددك شني.
جان الكل مصدوم. شلون يهدد عمه. مرام همست بإذن. صگر
مرام
حبيبي. هاي كلكم. اذا حبيتو تسون الأكو والماكو
صگر
ههه غير ردت اموت من وراج
مرام
اسمله حياتي. شهل حجي هسه اني وياك. وابنه إنشاء الله. مابقاله شي شهر ويشرف.
صگر
سبوعين حبيبي مو شهر. اني حاسب احسن منج
مرام
خرب. ولك. يله هسه كافي خلي نفهم عمو حسين شبي شمسوي فهد
همه. جانو بهل سوالف والوضع المشحون ودخل الشاهين بزي العسكري. الي خله الكل يسكت و وياه. فهد مخلي ايده عله ركبه فهد وكال
الشاهين
السلام عليكم
الكل
وعليكم السلام هله شيخ ... الحمد لله عل سلامه
شاهين
الله يسلمكم
شاهين راح باس راس امه وأيده. وهيه حضنته ونزلت دموعه. مسح دموعه وباس عيونه. وهدااهاا وراها هم سلم عله جده وباقي اخوته وكال. المرام برسميه إنشاء الله تكومين بالسلامه. وراها سحب فهد من راسه وكال
شاهين
اعتذر من عمك وطلب رضاه مو ولد الشيخ حسن الي يقللون احترام اكبارهم
اعتذر الفهد. وباس راس عمه كال الشاهين
شاهين
وهسه خلي افهم عله شنو هل هوسه
شيخ حسين
والله يا شيخ شاهين اني ومريم. صارت بينه مشكله. ومديت ايدي عليه. بنتي. بكيفي اضربه أكسره. وهل خبل اجاني هاد.
فهد
والله عمي شتريد تسوي سوي اني كتلك كبل وارجع اكول كدام الكل. الي يلمس شعره من مريم احرك العشيره كله وعلي مو بس واحد وثنين
شيخ حسين
هاااا بويه. شوف. تكول الفهد ماتطلع منه العيبه.
شيخ مضفر
مريم وين
شيخ حسين
حبسته بغرفته هاي طايحت حظ اكثر منه
شيخ مظفر
جيبولي مريم
وره فتره اجتي مريم وعيونه مورمه من البجي. فهد صافن بيه وخايف عليه كال الشيخ مظفر
شيخ مضفر
مريوم. مدلله جدهه.
مريم
ها جدي
شيخ مظفر
ابوج. يشكي منج انتي وفهد يكول مصختوهه
مريم
اي هو اصلا يخاف منك جان من زمان ذبحني عله كولته وشمرني للجلاب البريه
شاهين
هههههههههههههههه لألا عمي مو هيج هاي الغاليه
شيخ حسين
لا بلاه طايح حضه وقليله تربيه احنه من شوكت عدنه بنات توكف بوجه اهله وتكول هذا يصير وهذا مايصير بس غير انته وأبوي الله يسامحكم طلعتو عينه
شيخ مظفر
فهميني جدي شبيج شعدج ويه ابوج
مريم
يريد يزوجني غصب
شيخ مظفر
شني شني غصب شني يزوجج. واني ماعندي علم. شني يحسين كبرت وتكبرت على ابوك.
شيخ حسين
لا بويه شهل حجي أشون ماخذ رأيك انته الخير والبركة. اني جنت اسولف وياها بالسالفه وهيه طلعتني من طوري
مريم
يريد يجبرني اكول اي من يسألني. شيخ مظفر عن موافقتي.
شاهين
محد يجبرج على شي انتي الي تردينه نجبرهه يجيج زحف
شيخ حسين
شهل حجي شيخ شاهين ترى هاي بت شيوخ. شلون هيج تعلمه
فهد
بت الشيوخ هاي لغيري. ماتصير. لو تنكلب سماها. عله أرضه.
شيخ مظفر
اشششش كافي. لهنا وكافي انتو الثنين شليتو حالي. مايصفالكم جو لو شلون.
مريم
جدي اني اريده. ولغيره ماصير. مره. لو تذبحوني
من كالت هيج ابوهه ضربه راشدي وكعت بالكاع. نهض الكل وفهد صارن عيونه براسه الشيخ مظفر كال
شيخ مظفر
الاسبوع الجاي خطبت ذوله الاثنين وغير هل كلام ماعندي. ومريم تضل بهل لبيت منا ليوم عرسه
والي تريد تجبرهه عليه روح دورله عروس انته
طلع الشيخ حسين وهو يثور غضب لا يگدر يكول لا لابوه ولا يكدر يحاسب مريم
أما مريم وفهد راحو باسو أيد جدهم وأم علي.
طبعا صگر استغل الموقف وكام يهللهل ويصنف عله فهد
الشاهين عاف الكل وطلع. وره يومين. رجع التحق كالهم اني ارجع بيوم الخطبه لان اجيت علمود جدي
