رواية لأني عاقر الفصل الرابع والعشرون بقلم مريم خفاجة
انتَ لو شِفت السَواد
الجوة عيني مامشّيت
ولو دريت شكالت الوادم علي
من فارگتني جا بجيت
شكد گلتلك
انة لو انتَ اضيع
وچي گتلك هل عفتني
شگد بقيت مجلب بمكفاك
حد ما ضل قميصك بين ادية
وماردتني
انة ذنبي تعودتلك
وانتَ ذنبك تيهتني
#لأني_عاقر
#البارت_الرابع_والعشرون
#مريم_الخفاجي
صوتوا للبارت+تعليق بين الفقرات+متابعة
لحسابي
ــــــــــــــــــــــــــــــــــــــــــــــــــ
...
رجعت بنفس الطريق مهضومة
مكسورة
وروحي اخذها وياه
ضليت اتلمس ايدي الفارغة
ورگبتي الفارغة هم
لحد ما وصلنة نزلت بدون كلام
واعتكفت بغرفتي
وضليت يومين بدون كلام بدون صوت
حتى نقاش ماناقش شكد يكعدون يمي يحاولون
احجي اضل ساكتة
واخذت عدة 3 اشهر
وبهاي الفترة امي كالت ورا العدة
نسافر لأيران
وجاسر بهاي الفترة سوالنة الجوازات
وما جنت اعرف ورا الثلث اشهر ذني شمنتضرني؟
وبيوم اجتني ملك
ملك:-هسسسسهههه شنوووو هااااي عممممي جعتتتت جعتتتت
ملاك:-جا ماترحين تسوين اكل
ملك:-حبيبتي من اني جوعانة مستحيل اكوم واطبخ واسويلي اكل كومي انتي سوي حبابة
ملاك:-دولي لو تموتين
ملك:-امي جا ماگامت سوت
ملاك:-متخربطة بطنها تأذيها
ملك:-جوووووعاااانة ووووالله راح ابجي
ملاك:-خابري جاسر يجيبلنة اكل
ملك:-شيجيب
ملاك:-خلي يجيبلنة سمج شوي شو اشتهيتة
ملك:-الله اني هم باع بطني كام تقرقر
ضحكت وكتلها:-يلا دكي عليّ
ملك:-لو يمووووت مايشيلة والله بطرانة خابري انتي
ملاك:-انطيني رقمة
ردتلي الرقم اتصلنة عليّ
شالة وكال:-الوو؟
ملاك:-ها جاسر
جاسر:-منو؟
ملاك:-اني ملاك شبيك
جاسر:-شنهاي شو صوتج يختلف بالموبايل
جنج طفلة
ضحكت وكلت:-اگلك اريد اطلب منك طلب
جاسر:-عيوني الج
ملاك:-عادي تجيب سمج شوي؟
جاسر:-دللي بس اذا ملك وياج ماجيب
اخذت التلفون مني وعاطت:-ليييييشششش
ياااا جلبببب
اسمع صوتة يضحك اخذت
التلفون وهو گال:-شكم وحدة اجيب؟
ملاك:-عادي جيب وحدة تكفي
امي نايمة متخربطة وريم هم نايمة يمكن
ونجلاء مموجودة ببيت اهلها وابوية مو هنا هم
جاسر:-هذا هو ساعة واجيبها
كتلة اي وطبگتة وهي گالت:-سويلنة تمن احمر
ملاك:-ادري شنو تتنسين حامل شبيج
ملك:-حبابة والله انتي تسوي طيب عندج نفس بالاكل يلا حبيبتي يلا ملوكة
هزيت ايدي ونزلت
وشفت ريم بالمطبخ تقرة:-ها ريمة كاعدة عبالي نايمة
ريم:-نمت ونوب حلمت عندي امتحان
وكعدت وطلع صدك امتحان عندي ومادري بي
ضحكت:-ادرسي ادرسي مايفيدج شي غير دراستج
ريم:-انتي السنة الجاية تقدمين مو؟
ملاك:-ان شاءلله
ريم:-شترحين؟
ملاك:-اقدم حكومي واي شي يطلعلي اروح ماكو
شي ببالي
سكتت ودنكت تقرة وهي لابسة
نضاراتها وشعرها نازل
طبخت التمن وببالي مليون شغلة
واحاول اتخطى وانسى
بس مستحيل تبقة ملاك ماتتمرمر
لازم اكو شي ينغص فرحتها
اندك الباب واني كلت:-ريم كومي فتحي الباب هاي اجة جاسر
ريم:-ياااا والله ولا اكوم جاي ادرس
ملاك:-ولج كومي بس فتحي ورجعي شسالفة
ريم:-جاي ادررسسسس
ملاك:-خرب يومج
نصيت الكدر وطلعت واني البس
برجلي والباب يندك حيل:-اجييييت ولللك على كيفك
فتحت الباب واني وراها ومديت
راسي شوية واشوفة هوَ
شجابك؟
مو نسيتك؟
بس كمال يخرب الماضي بس؟
ماكتفى بهالشي وخربلي حاضري ومستقبلي هم
رجفت شفايفي وهمست:-كمال
ردت اسد الباب حط رجلة
بجيت بقوة اريد اصيح لريم بس مانطاني
مجال
دفع الباب قوي واني صرت ورا
وضهري انطبك ويا الحايط
عطت بصوت عالي وهو طب صار گبالي
وماشوف اله حط السجينة برگبتي:-شدتسسسوي
كممممال
كمال:-حرف واحد اذا سمعت اذبحج والله
جان يحجيها بهمس مُخيف
جرني من ايدي والسجينة قريبة من رگبتي
حركة وحدة مني واصير بأحد مقابر السلام
همست:-كمال ابوس ايدك شدتسوي عووفني
نتر:-اشششش
طلعت ريم شافتني وكامت تصرخ وتطفر
ومن صياحها صرت اشهك وراسي
ينرفع لفوك
وهو يمشيني ؏ كيف ولازم عكسي
طلعت ملك تركض ؏ صراخ ريم:-وللللككككك
كمممممال شجاااااي تسسسسسوي عوووففففف
اختتتتتي عوووووفهااااا
كمال:-صيحن بعد واختجن تنذبح وخري عن الطريق
وخررررري
جانت ريحتة مُقرفة حيل
ماعرفتها شنو
ودموعي تنزل وعيوني ؏ سجينة واهمس:-كمال حباب
دخلنة للبيت وخواتي اختفن
ثواني وطلعت امي وراهن وجهه مخطوف
وصراخهن ملة البيت
كمال:-وووووااالله اذذذذذااااا سمعتتتت صووووت
اذذذبحهههههال ومايرفلللي جفن
ايمان:-كمال يمة والله انطيكياه شبيك
اخذها وروح لاتكتل بتي كبالي عيني ابوس ايدك
وهو يصعدني للدرج ؏ كيف وكل ما وحدة
تتقرب من الدرج يقرب السجينة
واني اعيط بصوت عالي وهنة يبتعدن
وبعدهن يصيحن واني من الخوف
صرت النفس كوة اخذة
وامي تصيح:-ابوووس ايددددك والله ارجعها
اللللك والله
ملاك:-ارجعلك والله ارجعلك كمال لاتكتلني فدووة
اشهك وكلماتي متقطعة
صعدني لفوك وطببني لغرفتنة
دفعني حيل وكعت بالگاع
وهو سد الباب وقفلها
وضل يدور بالغرفة
سحب جرباية ملك وخلاها ؏ باب
وباوعلي وابتسم وهو يروح منا ويجي منا
وعرفتة سكران
ملاك:-ك.. كمممما... لللل انت... انت سكرررران ابوس.. رجلك عووفني... لاتسووووي شي... ابو.. س ايدك
كمال:-مشتاقلج هواية
وعرفت نيتة شنو
وطفرت وصرت اروح منا وارد منا واني
اشوفة ينزع بقميصة ويبتسملي
ملاك:-لااااااااااااااااا حباااااااااب لااااا كمممممال اني
ملاااااك لاتسوووووي بية شيييي كمال اصحى
اصحى لاتسوووويلي شي ارررجع هسة الم
ملابسي وارجع ويااااك لاتسوووويلي شي ابوس ايدك
سحبني من ورا وصرت بصدرة وهو
يهمس بصوتة الخدران:-مشتاقلج
بجيت اكثر:-لا لا حباب والله ماگدر
انتَ لييييييشششش هيييييجججج تسسسسووووي
بييييية لييييش انننني ملاك كمال باوعلي
اصحى ارجع وياك تريد يلا هسة ارجع
انت تحبني لاتوووووصصصللللي اتأذذى
والله حرااااام علييييك ووووااااللله اررررحمممني
كمال:-جنت احبج بس عفتيني
ملاك:-ااااااااننننننتتتت عفتتتتننننني بالاااااول
ولككككك انتتتت مرمرتنيييي لا لا لا
تنزع لاااا كمال
كمال:-انتي لو تحبيني ماعفتيني
ملاك:-انت هم عفتني ابوس ايدك
لاتسويها لاتخرب حبي الك
دفعتة عني وضليت افتر داير ماداير الغرفة
مابيدي اي حل وهو مستمر ينزع ملابسة
بهدوء توجهت للمزهرية اريد
اشمرها عليّ مستعدة اكتلة
لو اكتل روحي ولا اخلي يوصلي
جرني حيل و وگعت المزهرية من ايدي
وصارت ؏ رجلية و
دفعني ؏ جرباية وصار فوگاية
واني اقاوم وادفع بي سحب الحزام
وشد ادية بالجرباية
واسمع صوت صراخ خواتي وامي ماكو
واني صراخي يعادلهن
جردني من ملابسي واني ادفر بي برجلية
كعد عليهن وهو بالشورت فقط
صرت اشوفة شيطان
لا لا الشيطان بريء منة والله
شنو من صنف هوَ
قرف الدنيا صار بوجهه
صرت انسانة وحشية واني اقاومة
في سبيل مايوصلي
بس جان اقوة مني ومثبتني برجلة
وايدي ماكدر احركها لحضات وحسيت
شي اخترق
جسمي صرخت بعلو صوتي:-ااااااااااااااخخخخخخ
وهو مستمر يتقربلي بوحشيتة
جسمي صار جثة هامدة النفس بصعوبة اجرة
بعد الكلام اريد اطلعة من حلگي ماگدر
وصراخهن مستمر
اما اني صرت وراح اضل صامتة للأبد
واتحمل آلامي
فقد هوَ يصيح ويتقربلي ويضرب بية
ويملخ شعري
يشيل راسي من شعري ويركعة
بتاج الجرباية ويصيح:-وللللججججج كررررهههههتتتتج اكرررررررههههههههججججج
كمال اليتعامل وياي برقة
كمال الما يوم خرمشني بالغلط
كمال اليوم مو الي اعرفة
كمال طلع وجهه الحقيقي الجان ضامة
عني
نگلب وحش ولأول مرة احسة بكرهي
اله
يصرخ ويضرب ويأذي
واني بدون صوت مجرد آهات گلبي المضموم
بين ضلوعي
صوت جاسر انضم لصوتهن وهو
يدفر بالباب يحاول يكسرة
كام عني وهمس:-من هاللحظة طلعتي من حياتي
وراح تبقة يا كمال جملتك معلگة بأذني
عافني وهو يلبس واني مغمض عيوني قوي
وگلبي ينزف
ذب علية الغطا وهو يضحك
ويروح منا ويجي منا
ويحجي كلام ممفهوم
صارت دوخة براسي كمت اشوف كلشي غواش
احس الدنيا تفتر بية
صوت صراخ وضرب قوي
ادين تتلمسني
واحس ببشاعة الموقف الي ننسخ ببالي
كلبي دگاتة صارت ضعيفة
فقدت كل حواسي
وجسمي خدران والامي من جهه ثانية
بس صوت الصفارات الي بأذني
والغواش خلني ماتحرك من مكاني
الة بعد خمسة ايام
ماعرف شصار او ما صار كمال مات؟
لو اني المتت؟
حركت ايدي
بخدر ولساني ثگيل اريد احجي
شي اريد اكوللهم شبية منو اني؟
بس ماگدر لحد ما سمعت صوت مبحوح:-ها يمة؟
ملاك:-مممممممم
أيمان:-احجي يمة شبيج سولفي جاسر تعال
ملاك ماما احجي
جان حرف الـ ميم هو الحرف اللي يكدر
لساني ينطقة
جاسر:-ملاك اسمعيني
حركت اصبعي السبابة رفعتة لفوك
اصوات أخرى تدخلت وصرت اسمع هواي
اصوات لحد ما رجعت فقدت
يوم؟ يومين؟ سنة؟
اني وين؟
شلون اني گاعدة؟
ليش ماتذكر شصارلي؟
الأيام المرت شكم يوم؟
احنة بيا شهر؟
كل هاي الاسئلة ببالي
وامي توكل بية
وتسمي بسم الله
ملاك:-يمة
گدرت انطق؟
شلون؟
أيمان:-ها يمة؟
ملاك:-شكم يوم اني هنا؟
ايمان:-11 يوم
ملاك:-احنة بيا شهر؟
غمضت عيونها ونزلن دموعها ومسحتهن
وابتسمتلي:-الخامس حبيبتي اكلي يلا
فتحت حلكي وهي توكلني الشوربة
اجت دكتورة ماعرف ممرضة
ضليت اباوعلها وراسي يريد ينفجر
_هلا بالحلوة
صفنت بيها وسكتت:-اليوم متحسنة؟
احسن من امس؟
ملاك:-ماتذكر امس
_ليش مو گعدتي ومشيتي وحجيتي
عگدت حواجبي وهزيت راسي:-ماتذكر
_عادي هاي تصير هيج حالات
هسة انتي زينة؟
ملاك:-ما ادري
_زين خلصتوا اكل خلي افحصها؟
ايمان:-اي خلصنة بس اغسللها
غسلتلي حلگي أمي
وهي خلتني اتمدد وتتلمس جسمي
وتگول هنا اكو ألم
دارتني ؏ ضهري ونزلت بأيدها
واني صحت:-ااااااخ
_ضلي لاتتحركين
ضلت تضغط ؏ مكان اليأذيني
واني اصيح بكتم
لحد ما دارتني ؏ كيفها وخلتني انام عدل
واني الم ضهري ذبحني
سدت المغذي وشلعت من ايدي
ودموعي تنزل بدون صوت وامي تسمحهن
واني اون من الألم
مرت أيام واني بالمستشفى
وهوَ ماعرف حالة شنو
بس اشوف جاسر يروح ويرجع
واسمع كلامة ويا امي محكمة وماعرف شنو
طلعوني ورا فترة طويلة
نفس المستشفى خنگني خنك
غمضت عيوني من دخلنة لبيتنة لحد
ما شالني جاسر وخلاني ؏ جرباية امي
وهي بصفي وتمسح ؏ راسي
وتبتسم وتهديني
وشلون تهدى اوجاعي؟
صرت احسن من كم يوم الم ضهري
بدة يخف
بس مشيتي بطيئة حيل
ماگدر امشي هواية
لدرجة جابولي عربانة حتى ياخذوني للحمام
ويرجعوني
امي وجاسر وملك يمي
وريم مدنكة تقرة
همست:-شصار بي؟
الكل سكت وباوعلي
وجاسر نتر:-وانتي شعليج شكو تسألين عنة
ملك:-لا خلي تسأل خليها
انسجن حبي وسحبو منة حتى وضيفتة
ابتسمت وهمست:-احسن
الكل صفن علية
وامي كالت:-يعني ارتاحيتي من سوينة هيج؟
ملاك:-ماكو شي يريحني اني أُمي بس خلي
يشوف لوعتي ويتعذب ؏ كل شي سوا بية
والله ميضيع حوبة احد
تقدم جاسر وباس راسي قوي
وهمه فرحانين
رجعت كلت:-كم سنة نسجن؟
جاسر:-السجن المؤقت من خمس سنين
الى 15 سنة ولحد الآن ماعرفنة شكم سنة
الخميس مو ولج الجلسة
ملك:-اي الخميس
ملاك:-خلوني اروح
ايمان:-اي تروحين
جاسر:-اني اخذج بيدي
ملك:-واني البسج واحطلج مكياج واشوفة
شلون انتي ماتحتاجيلة
شعور حلو من عائلتك توكف وياك
سحبت نفس بفخر
ورجعت دنگت
سحبت نفسي عنهم وغطيت راسي
ونمت
واني مبتعدة عن الكُل كلامي قليل
وكعداتي قليلة
لدرجة انام 17ساعة باليوم!
وباقي الساعات اكضيها ساكتة
واجة يوم الخميس وملك تجهزلي
وتحطلي مكياج
وترتبني
جانت بوقتها شتة
لبست كوت احمر طويل ومكياجي
صاروخ
بسبب ملك وامي واكفة فوك راسها
وتكلها طوخي
رغم امي مانعتنه منع تام من المكياج
الطوخ
لزمت جنطتي
وشالني جاسر كعدني ؏ كرسي
المتحرك واخذني للسيارة وكعدني بالصدر
راد يجيب الكرسي همست:-لا لتجيبة خليني امشي
جاسر:-ماتكدرين خاف
ابتسمت:-انتَ موجود
رجع ابتسملي وشال الكرسي وذبة
لغير جهه
وصعدت امي بالورا
ومشة جاسر بالسيارة
روحي مطفية وماحس بشي مشاعري
متجردة من كَلشي
وصلنة للمحكمة
نزلنة وجاسر لازمني
واشوف خوالي كلهم واكفين وجدي هم
بس شكلهم عصبي
شافونة واجو علينة وجدي باس
راسي:-والله خجلانين منج ياجدي
سكتت وخوالي باسوني وتحمدولي بالسلامة
ايمان:-هذا ابن ابنك يابوية الزامطت بي
جدي:-مايصير هيج ايمان واني
زعلان منكم شلون هيج تسوون المفروض نحلها
بيناتنه؟
ملاك:-شلون نحلها جدو؟ نضربة راشدي؟
لو نكلة بعد لا تعيدها؟
سكت وهو يستغفر ويفر بالسبحة
دخلنة لصالة المُحاكمة وهاي اول مرة اشوفها
گعدت بالجهه الي يجي بيها هو
نص ساعة واحنه منتضرين
وطب القاضي
و وراه بدقايق جابو المُتهم
لا درت وجهي ولا باوعتلة بقيت اباوع لگدام
وبدون مشاعر ولا نطقت حرف
خلو ؏ ماعرف شنو اسمها بس
تصير خشبية وهمه يخلون بيها السجين
واكيد تعرفوها وشايفيها
ما باوعت ولا خليت عيني بعينة القذرة
قبل ماعوفك هواي إنتظرتك!
واحنة نسمع قرار القاضي
وماهيّ الا دقايق وصدر الحُكم
والكُل وگف
وتم السجن مؤقت 5 سنوات!
غير انتَ ماتنجرع
غير انتَ چنك سجن
ولابو اليحن للصور
ولعيونَك وللحضن
شحچيلَك على الگلب !
معذور لازم يحن
شو انتَ مثل الوطن
اختارَك بكل وكت
وماليني هَم وحزن
لزمت امي ايدي وابتسمت رفعت راسي
عليّ
وباوعتلة بآخر نضرة
ابتسمتلة وهمه يكلبجون ايدة
دار وجهه علية وباوعلي ورجعلي الأبتسامة
وغمض عيونة وفتحهن
صوتها المُقرف الكلة اذية
ولاء:-ابووووسسسس ايييييددددك سيدددي
والله ماعدنة احدددد والله امة ماتت و وكعت
بالمستشفى واني حامل وبرگبتي
ثنين اطفال هي ذبت التهمة براسة هييي والله
محد يحجي وياها
والقاضي شال غراضة وطلع ويا حمايتة
ضحكت ومشيت وجاسر وامي محاوطيني
وامشي ؏ كيفي
وهي صارت گبالي
وبيدها جهالها شمرتهم
واجت تركض تريد تضربني حط ايدة
جاسر يمنعها واجت رندة سحبتها وهنة يصرخن
عفناهن وطلعنة
وبالباب لگيت وردة
حقدتي علية انتي هم اكيد!
حاضنها امير وهي تشهك وتبجي
حست بوجودنة و وخرت عنه وهي تباوعلي
بعتب همست:-ليش هيج سويتي
ملاك:-عذابي شفتي بعيونج وتكليلي ليش؟
وردة:-ماعبالي انتي واصلة لهاي المرحلة
هزيت راسي وامي خزرتها واخذتني
من ايدي وصعدتني بالسيارة
وجاسر ساق بقوتة وهو يضحك
بصوت عالي ومطلع "اسويها صدك وازعل ولا اجيك"
جاسر:-أيس واكطع الضن وخلي عيوني
يبجن ولجن فرحان فرحان
ضحكت امي واني ساكتة اباوع من الجامة
وصلنة لهاي المرحلة يا كمال انت بطريق واني
بطريق
وصلنة للبيت الهلاهل والجكليت
وبيومها اهلي احتفلوا!
واني مطفية روحي
جابتلي ملك كتب تنمية وماعرف شنو
اعزلهن ؏ صفحة واروح انام
صار واهسي للحياة سالب مية تحت الصفر
ماهتم لأي شي
اهتمامي لنومي فقط وامي تباوعلي بحزن
وبيوم بعد مرور خمسة اشهر من حِزني
خابرتني وردة تبجي وتشهك وطول هالفترة
ماحذفت رقمها:-ابووووس ايدددج ملاك
بداعة معزتي عندج بداعة علاوي انتي انتي مو تحبي
اروحلج فدوة طلعي من السجن امي جاي تموت
ملاك ابنة اليوم ندعم
ومصفى قبل فترة انشمر وراد يموت
ارحمي بحالنة ملاك ابوس ايدج
ملاك:-روحي وردة
وردة:-لاتسسسسوووووووووين هييييج
لللللجججج لاتسسسووووين جاي امووووت والله
امي راح تموووت بالمستشفى ابوس ايدج حبابة
طبكتة بوجهه
وكلبي ينبض ؏ سريع ضليت
اتنفس واحاول استقر
لعد هوَ هم خرب حياتي؟
سولفت لامي وهي كالت:-معليج طبهم مرض
سكتت
ومر كم يوم وجاسر سوالنة الفيزة
ثاني يوم جهزولي همه غراضي
واني ساكتة
اتذكر اول مرة سافرت؟
شكد جنت متحمسة؟
شكد ضحكنة؟
شكو سولفنة وطلعنة وصورنة؟
صوري بعده محتفظ بيهن لو لا؟
الله واعلم...
كاعدين بالمطار وريم
تضحك متونسة هي وامي
وملك لابسة نضاراتها وتطكطك صور وتنشر
بالأنستا ماخلت شي ماصورتة
حتى الزبالة
وتكول زبالتهم والله حلوة
وجاسر يفتر منا ومنا ويسوي
الأجراءات والله احسك انت ابونة؟
اذا تسألون عن ابوي
فـ عزل بمشتمل هو داخل البيت بس وحدهم
وجاسر يمنة ضل ماطلع وياهم
وكلماتة وهو يعيرني بـ المطلگة
لو العاگر
تهز بدني هز
واحاول اتجاهلة بس ماكدر
اصفن واتذكر اليگولة ودموعي تضل تجري
صعدنة بالطيارة
وين ذاك الخوف؟
اني ليش تجردت من المشاعر؟
شكد جنت اخاف من الطيارة؟
وسبحان الله طفل كبالي
يضحك ومتونس ويباوع من الجامة
نفس ذاك الموقف؟
ماكو اي شعور اي خوف ماكو اني وين؟
امي ضلت لازمتني وتسبح خايفة
وريم مغمضة عيونها وتهمس يمممةة
وجاسر وبصفة ملك يضحكون عليهن
واني اباوع من الجامة
لحد ما نزلنة بمطار ايران
المُضيفات؟ الدرجات؟ الناس؟ الاجواء؟
كلها تذكرني بالماضي
واني لابسة جبة وامي لازمة ايدي
وتنزل على كيفها وجاسر
يريد يوكعها وهي تضل تصيح
نترت:-كافي شبيكم زعاطيط
سكتوا
اجرنة سيارة
وصعدنة واخذنة جاسر للفندق
وحجز غرفتين
هو وملك رادو بغرفة واني وريم وامي
بغرفة
نزعت ملابسي ودخلت لجوة
اباوع للسرير نفسة؟
ياااالله طلعة من بالي طلع الماضي من بالي
ماجاي اكدر اتحمل كلشي
همست امي وراية:-راح تضلين تتذكرين
المواقف لحد ماتنسيهن تدريجياً
ملاك:-صار سنة يمة!
أيمان:-سنة سنتين تلاثة تنسيهن بالاخير صدگي
سكتت واخذت فراش
وفرشتة بالگاع ونمت واحلامي متخربطة
كلشي متخربط كلشي مو بمكانة
هوسة هوسة حياتي هوسة
صفنت عمري نهاية العشرين؟
شنو شفت من شبابي؟
شنو شفت من طفولتي؟
مراهقتي؟
انا شفت بس الاحزان
شفت بس الغدر
وضربات الدنيا ؏ راسي
شفت الكرهه ماشفت المحبة
واذا اكو محبة فـ تنتهي بفترة قصيرة؟
شفت الخيانة گبال عيني
شفت لوعاتي واحزاني وتضمهن احزان امي
همومي تكبر ويا عمري
وهاي راح اطب 30 سنة؟
انا ششايفة بعمري؟...
للعصر يلا گعدوني
لبست ملابس ثخينة لان احنة بشمال
ايران
والدنيا تكص كص
لبسنة كلنة ثخين ماعدى ملك الي لاتحتر
ولاتبرد
ومن نسألها تكول:-اني ضد الحرارة والبرد
وذولة يضحكون عليها
واني امشي ساكتة
تعودوا ؏ سكوتي وابتعادي صار محد يحاجيني
لحد ما وصلنة للأمام الرضا ؏
وامي احزانها تبدت بالصحن صارت تشهك
بصوت عالي
ايمان:-ياااا حبيبي يا مولاي تعنيتك وهاي اول مرة
اجيك لاتردلي طلبي اريد بتي منك
رجعلي بتي الأولية تعبتها الدنيا يا مولاي
تعبتها والله بتي مسلمتها بيدك انت ترجعليها
اريدها منك
وهي تشهك واني ساكتة
شالنها ملك وريم واني اديت صلاتي
فقط وكعدت عازلة روحي
وامي عادتها تطول بقراءة الزيارات والصلوات
تصلي للموتى والاحياء كلها نيابة عنهم
عن اخوتها وخواتها وجدي وبيبي الميتة هم
واني منتضرتهن وريم وياها شتسوي امي تسوي
وياها حتى من تبجي امي
ريم تبجي يكول توأم
اما ملك كالعادة صلت وقرت الزيارة
وراحت تفتر تصور
واني عيني تركض ورا الاطفال التركض
بالضريح وابتسملهم
لو اباوع للايرانيات وهنه شايلات اطفالهن
وحدة قريبة مني
بتها زغيرة حيل
خلتها بصفي وهي تصلي بصفها
صرت المس ايدها ونوعمتها
دنكت بستها حيل دموعي ضلن يجرن
واني لازمة ايدها وابوس بيها
وامها تسبح وتباوعلي
ملاك:-شنو اسمها؟
صفنت تباوعلي ماتفتهم كلامي
ولا اني افتهمها
همست بالانكليزي مادري
صح لو لا:-?Her name
ابتسمت وهمست:- Hayat (حياة)
ذبيت نفس عالي وهمست:-الله يحفضها
وهي كالت متقطع:-آمين
بعدها سمعتها تكول بلهجة متكسرة:-انتي زوجة؟
اشرتلها منفصلة
ميلت شفتها بحزن واشرت ؏ بتها مافتهمت
ضليت عاكدة حواجبي وهي اشرت
لبتها واشرت ؏ بطني:-اطفال؟
هزيت راسي ودموعي نزلت:-مايصير
حطت ايدها ؏ حلگها ودموعها تنزل
وتشهك استغربت؟
بعدها كالت وهي تحاول تطلع
الجملة عدل:-my sister مايصير طفل
هزيت راسي واني اباوعلها
بأسف:-ادعيلنة
_آمين يا أمامي الرزا آمين
واني اشوف خشوعهن وديانتهن عضيمة
برودة الصحن
ولزمة ايدي للطفلة
خلتني انعس وغفيت واني كاعدة
لحد ما امي كعدتني
وطلعنة
وهمه يفترون ويتسوكون
وجاسر يحاول يدورلنة ؏ مطعم عراقي
لحد مالگة بعد ماتاكد من اكلهم
لان عندة وهواس بالاكل فضيع
نزلوا اكل
واني خلولي شي قليل يعرفوني ماكل
وهذا القليل زاد منة
همست امي بتعب:-ولج يمة اكلي
ملاك:-ماريد
جاسر:-ملك هسه تستلم الاماعين تصفيهن
ملك:-اكل تبن لك ششايفني ماشايفة قابل
كرصها من جوة الميز وهي عاطت
وامي تلطم ؏ حلكها وتهمس ووتصيح عليهم
واني اباوع بهدوء
خلصوا وگاموا وشلنة غراضنة وطلعنة
مر 7 ايام وتونست وياهم صح
ماحجي ولا اضحك
بس داخلياً ارتاحيت
رجعنة للعراق واحس اختنكت
ليش؟
مو جنت تشبهه حضن امي؟
ليش كمت اختنك منك؟
ومرَت ايااااام هووواي
بحدود الـ 5 اشهر
و وردة بعد ما دكة عليّ ابد
لحد ما بيوم اندك الباب طلعت امي
تفتحة
واني كاعده بالكاع والخاولي بحضني
وامشط شعري
سمعت اصوات زلم؟
منو!
اجت امي كتلها:-منو يمة؟
ايمان:-جدج وخوالج شوكت الله يخلصنة ياربي
كملت تمشيط ورحت سلمت
عليهم واحد واحد واخر شي جانت كاعدة
وردة
عيونها مورمة ومو نفسها وردة الاعرفها؟
لا شكل ولا حتى هيئة
سلمت عليها وهي مدنگة ردت علية
وعلاوي بصفها بستة من خدة
ودرت وجهي عنهم
وكعدت كبال خوالي وعيوني
كل ساعة تروحلها وهي مدنكة تلعب
بعبايتها
جدي:- يابة أيمان بدون صياح بدون عصبية
واستعجال
ايمان:-شكو؟
جدي:-جايين طالبين طلب
ايمان:-اي؟
جدي:-تسحبون قضية كمال نريد نطلعة من السجن
درت وجهي عليّ متفاجأة
وفاتحة عيوني بعد كل السواه بية؟
ملاك:-وليش اسحبها؟
جدي:-ام كمال يابة انجلطت المرة بالمستشفى
لا ايد ولا رجل
ومرتة حامل بالثالث...
قاطعتة:-مو مشكلتي
جدي:-حرام علينة والله الغلط لازم نسامحة
ملاك:-نربي بعدين نسامحة جدو
جدي:-بابا ملاك انتي ما مفتهمة شي
بداخلج حرگة وبس
بس الله مايضيع دمعة مضلوم خليها ورا
الله وطلعي الرجال والله اني التعبت
مو هُمة
ملاك:-اعتذر وخاف تشوفها اهانة الكم
كمال مايطلع من السجن وما اسحب القضية
لحد ما يرتاح كلبي خلي يضوك لوعتي وعذابي
ماحس الة رجلية نلزمت
اباوع وردة كاعدة
بالكاع ولازمة ركبي:-ابووووس رجلج ملاك
بداعتي اني ما أذيتج بداعت حبي الج
بداعت علاوي ملاك والله جاي اموت
امي متأذية هواي ملاك امي راح تموت راح ابقى
وحيدة لا اخو ولا أم ولا ابو
ابوس رجلج ابوس ايدج
سحبي القضية سحبيهااا والله تدمررررت ووووااالله
وهي تشهك وكاعدة يم رجلية
وتدك ؏ افخاذها سكتت واني اباوع لكدام
وهي تبوس بادية
وردة:-ملاك لاتسوين هيج لاتحركين كلبي
بأهلي ابوس ايدج فدوة
كلبي يدك حيل سحبت ايدي
منها وكومتها وعفتهم وطلعت للحمام
اذب الماي ؏ وجهي بسرعة
واني اتنفس ببطئ
نشفت وجهي ودخلت وگفت بالباب
ملاك:-القضية باجر تنسحب
وانتوا دفعوا كفالة حتى يطلع لهذا النذل
وصاخة المجتمع
بس احب اكللكم شي وصلولهيا
كلولة نار كلب ملاك ماتطفة ابد
وكل لحظة وكل ثانية اتحسب علي
وعسى لايشوف الراحة بكد اذيتي التأذيتها
من ورا
وعسى كل دمعة مني تجوي گلبة لحد يوم
الدين
عفتهم وطلعت امشي ودموعي تنزل
بغزارة وامسحها
صعدت للغرفة ردت ادخللها وتراجعت
لورا
ومر الصار كلة كبال عيوني جسمي
كزبر صرت احس نمل يمشي
؏ جسمي
صعدت فوك لغرفة جاسر
طبگتها وكعدت بمكان زغير مابين
الجرباية والكنتور
وضليت اشهك وابجي وحرگة گلبي
ماتنطفي لا والله ماتنطفي
ابجي ؏ حالي اني شمسوية بروحي؟
وين ذبيت نفسي بيا تهلكة؟
معقولة يرجعلي اذا اطلعة من السجن؟
لو يموت
ولو المحة بعد بالشارع
اكتل روحي ولا اضل اتذكر شكلة المُقرف
صار كلبي يدك بسرعه من اتذكر
شكلة
شلون كرهتة؟
والله كفو بگلبي!
بس بعديش؟
بعد المذلة وحرگان الاعصاب؟
بعد ما تدمرت حياتي الأبدية؟
ورا كم يوم سمعت طلع الجلب
بيومها بجيت بجي بس الله اليعلم بي
جان گلبي يأذيني حيل
مو عليّ!
لا لا جنت ابجي ؏ روحي
انفتح تقديم على الجامعات
وجاسر اجة بيدة الفايل:-يمة هسه كملت
جبت تأييد من مدرستها
ايمان:-وراها شراح تسوي
جاسر:-بس نروح نقدم وهذا هو نشوف القبولات شتطلع
هزت راسها امي وباوعتلي فرحانة
وشبكتني
واني ساكته
وطلعت القبولات ونقبلت تخدير مسائي
وبيوم جنت كاعدة ؏ غدة
كال جاسر:-ملوك يوم الاحد دوامكم
وامي كالت:-اي الجمعة اخذها اشتريلها ملابس
ملك:-تكسر الجامعة تكسير هسة تطلع
يمة جيبيلها بناطير مو بس ثياب ترة
بس تشوف الجامعيات تغير رأيها
ايمان:-اكلي تبن انتي هي حلو عليها الفساتين
ملاك:-ماداوم
التفتولي كلهم
جاسر:-شنوة؟؟
ملاك:-ماداوم جامعة
ملك:-دنجبي
ايمان:-ملاك ماما تحجين صدك؟
ملاك:-اي
كمت واني اخذ تلفوني
همست امي:-وين رايحة
ملاك:-انام...
