رواية ذيب الشامخ الفصل الخامس والعشرون البارت 25 وكآن ربك للمنكسرين جابرآ ، ويكفي إننا عند آلله لانهون :::🤎 >>>>>>>>>>>>>>>>> هيثم : بعد مايفيد الحچي بعد اسبوع خطبتها انطاها ابوها _شنووو ? انته شنوو تحچي شنو انطاها من شوكت هل حجي هيثم : وشتريد يعني ناخذ رأيك اول _استغفرلله ياااربي شوف عمي جاي احچي وياك بتفاهم واجيت واعتذرت منك اذا تريد بس تسكتني بهاذه الحچي فأ احب اگلك انه انتضرها سنه وسنتين ولعمر كله ومستعد اسوي اي شي حته تنطونياها هيثم : انته ليش ماتفهم اكلك ابوها انطاها وبعد اسبوع الخطبه وتگدر تسأل عن الموضوع وهسه مع سلامه عندي شغل ومره ثانيه اطلب منك خليك بعيد عن حياتنه مانريد نسوي مشاكل اكثرر ولانريد نخسر بتنه بسببك _بس لحضه فهمني گبل لاتروح يعني كلامك صح ? هيثم : جيبلي القران احلفلك بيه حته تصدك _الهم صبرج يااااروح هيثم : ولله العظيم خطبتها بعد اسبوع ايس ماكوو الك مره يمنه وشوف حياتك وكافي تتأمل شي مراح يصير بعمره _ليش سويتو هيج بس اريد افهم انتو ليش كارهيني هيثم : ولله اني ماعندي شي وياك وجنت اتمنئ يرضه ابوها وينطيها الك بس كلشي قسمه ونصيب ورباب مو قسمتك سديته بوجهه وخليت ايدي ؏ راسي واني دايخ معقوله رباب تزوج شلون تقبل اني سويت كل هاذه علمودها تالي تزوج وماتحارب الأجلي لآزٍمٍ احچي وياها اريد افهم الموضوع منهاا اريد اعرف هيه راضيه لْـۆ جابرينها بهاذه الزواج طلعت رقمها واتصلت عليها اكثرر من مره ماكوو رجعت اتصلت ؏ جهاز امهاا مغلق اتصلت بصديقتها مريم .. مريم : الوو هلا ذيب شلونك _الحمدلله زين انتي شلونج مريم : زينه شبيك صوتك مو طبيعي صاير شي وياك _لا ماكوو شي بس خابرتج حته أسالج عن رباب هم حچيتي وياها هل فترا رحتي عليها شفتيها مريم : لا ولله صارلي فترا مرايحه عليها ولاشايفتها ليش صاير شي وياها _لا بس سمعت تريد تنخطب مريم : تنخطب ?? _اي يابه مريم : مادري ولله هسه سمعت منك _زين تگدرين تروحين عليها وتسألينها اذا ماتصير زحمه مريم : اني هسه عندي دراسه باجر اروح عليها واسألها واردلك خبرر ماشي _هاهيه اشكرج مريم : تدلل. سديت من عدها وصرت اروح وارجع بالشقه واني احس الافكار راح توكف عقلي ماعرف هل كلام صحيح لْـۆ يريدون بس يبعدونها عني وهيه ابدد ماتكلف نفسها وتخابرني او تحچيلي شي _________________ رباب گاعده بالغرفه مال بيبي واگلب بقنوات التلفزيون اجت گعدت يمي مروه مروه : هاا شونج _زينه مروه : عمي هسه خابر ؏ بيبي گال راح يجي علينه ويريد يحچي وياج موضوع باوعت عليها وعدلت گعدتي وسالتها مستغربه. _شنو الموضوع ?? مروه : ولله مادري بس هيج سمعت عنده موضوع وياج وبقه هواي يحچي وياها بس مافتهمت شي منهم. _اي عادي خلي يجي اشوف شنو الموضوع مروه : اي صح بقيت ساكته وافكرر بكلام مروه شريد ابوي مِڼـّي وشنوو الموضوع الي يريد يحچي بيه وياي ولله مابيه حيل اتحمل صدمه ثانيه .. دخلت جدتي للغرفه وگالت الحجيه : رباب كومي حبوبه ابوج بالاستقبال يريد يحچي وياج _هاا اجه ابوي الحجيه : اي موجود ويريد يحچي وياج _شيريد الحجيه : تگومي يايمه وانتي تعرفين شيريد منج كومي خليت الريموت وگمت طلعت وياها دخلت لاستقبال جان ابوي وجدي وعمي هيثم وامي وعمتي حرير كلها گاعده من دخلت صارت العيون كلها عليه بقيت بس صافنه شبيهم هيج يباوعون عليه _سلام عليكم الكل : وعليكم السلام ابو رباب : تعاي بويه تعاي اگعدي يمي خلت ايدها جدتي ؏ متني وهزت راسها معنئ روحي رحت گعدت يمه واني الف فكرره بالي ابو رباب : شوفي بويه انتي بنيتي واني احبج واعزج واريد مصلحتج وعمري كله مافكرت اخرب حياتج او مستقبلج ومهما يصير اني ابوج وادور مصلحتج _اي ابو رباب : واحد من جماعتي حالته كلش زينه وهوه مهندس وشغله زين ولبارحه اجه اتقدملج واني رضيت وانطيتج اله _هااااا ام رباب : اي شتريدن جاا الولد جنه العافيه وحالته كلش زينه وين تلگين احسن منه احسن مما ضاله گاعده هناا عاد تزوجين وتستقرين بحياتج ابو رباب : انتي اسكتي خليها هيه تقرر مهما يصير مراح اجبرج ؏ شي بس اذا رفضتي اعرفج زين انتي ماتفكرين بأبوج ولابكرامته كدام الناس الحجي : بويه ولله راح ترتاحين بحياتج الولد معدل وانه اعرف اهله م̷ـــِْن زمان هيثم : يابه احنه شعلينه بأهله علينه بالولد هيه راح تزوج اهله لْـۆ تزوجه هوه وتكضي حياتها وياه حرير : وين تلگه احسن من هيج مثقف ودارس وشغله كلش زين الحجيه : حبوبه انتي گولي راضيه حته نردلهم جواب احس كلامهم مثل السجن خلوها بنص گلبي شنوو اتزوج غير ذيب شراح يصير بيه شلون اتقبل شخص ثاني غيره بقيت ساكته ودموعي تنزل بصمت مَآعِرَفتّ شجاوب اذا رفضت راح اخسر اهلي لأن اعرف ابوي زين هسه يحچي وياي بهدوئ بس حته اوافق واذا رفضت راح يتحارب وياي ضد ذيب واحتمال يسويله شي ابو رباب : بنت الكلب عليمن تبچين شگلنه هسه احنه لووو تفكرين بهاذاك العاااار هيثم : ؏ كيفك خويه وياها خليها تحچي ابو رباب : صارلي ساعه احچي وياها وافهمها بس هيه مو مال شخص يحچي وياها بتفاهم ماتمشي اله بالعين الحمره _ماريد اتزوج ولاراح اتزوج شخص غيرر ذيب حچيت هل كلمه اجاني راجدي دار وجهي للصفحه الثانيه خليت ايدي ؏ وجهي واني ابچي لزم عمي ابوي حته مايضربني بعد هيثم : صلي ؏ محمد خويه شسالفه خلينه نتفاهم وياها ابو رباب : كح*** عباالج اذا مارضيتي اسكت وانطيج لهذاك الكو** حلم شيلي من بالج لو يضل اخر واحد بالكره الارضيه مانطيج اله وراح ازوجج ان رضيتي او مارضيتي هل شي مايفرق عندي .. _موتوني وخلصو مِڼـّي ليششش تعاقبوني هيج بس اريد افهم انتوو ليش كاريهيني هيج اني موو بتكم ليش تحبون تشوفوني واني اتعذب ام رباب : كل هاذه نسوي لمصلحتج _انتي بألاخص لاتحچين عمرج ماجنتي عادله وياي تفرقين بيني وبين اخواتي كل عذابي ومعاناتي بسببج انتي موو اااامي مووو امييييي اجت ضربتني راجدي سحبتني جدتي خلتني وراها وصاحت عليهم الحجيه : كاافي شنوو يالهو اليجي يضربها ماتحترمون الجبير ام رباب : اله اكص لسانج ؏ هل حچي كح** طالعه عينج وصايره تراددين الاكبر منج ابو رباب : عبالهه من تحچي هيج راح اسكت ؏ موضوع ومازوجها بعد دقيقه ماتگعدين بهاذه البيت والاسبوع الجاي الخطبه مالتج وكلشي خلص وحته الفاتحه قروها عليج هيثم : بس خويه ابو رباب : هيييثم لاتدخل شفت اخر سوايتك شصار بينه وشلون هذاك العار حجه علينه بنص بيتنه وفوك سوايته السوده اجانه للمستشفئ وخله المسددس براسي هيثم : انه ماگلك انطيها اله بس لاتجبرها ؏ شي وتتندم بعدين ابو رباب : مراح اندم ؏ شي اعرفهم زين راح تكون مرتاحه وياهم بقيت اشهك وابچي مادري شسوي بروحي هسه امووت واخلص من هل عذاب والقهر. عفتهم وطلعت م̷ـــِْن الاستقبال واني دموعي تشكي حالي شافتني مروه وهزت ايدها مراضيه عود رحت لغرفه بيبي قفلتها عليه وشبعت بچي لوحدي احس روحي طلعت كد مابچيت شكدد دعيت ربي يموتني واخلص م̷ـــِْن هل عذاب ليش هيج حياتي ليش ماگدر ارتاح يوم واحد بچيت وبچيت لاحد مامليت ونمت گعدت ثاني يوم واني عيوني مورمه من البچي ؏ صوت الباب يندك كمت فتحته جانت بيبي الحجيه : عبالي بيج شي ليش قافله الباب عليج _جنت نايمه الحجيه : تعاي حبوبه اگعدي هنا خليني احچي وياج سحبتني من ايدي وگعدتني يمهاا وگالت. الججيه : ولله ياحبوبه ابوج يحبج ويدرو مصلحتج واني لو ادري بهاذه الزواج موزين ماوكف وياهم الناس كلها تحچي بأخلاق الولد وشغله وعمله وراح تكونين مدللهه انتي مو اول وحده تحب وماتاخذ الي تحبه هاذه حب مراهقه م̷ـــِْن تزوجين راح تتعودين ؏ زوجج وتحبينه اكثرر من هاذه ذيب وحته لو رفضتي هسه وماتزوجتي ابوج مراح ينطيج اله وتالي هم تزوجين غيره ويمكن تطيحين بواحد موزين وتتعذبين اكثرر وياه عاد هسه هاذه زين ونعرفه واذا صار شي او ماگدرتي تتفاهمين وياه تجين يمي واني اطلكج منه وماخلي شخص يمر بطريقج ابدد _كليلهم موافقه رباب الحجيه : عفيه عليج ولله هاذه احسن شي راح تسوينه وراح تتاكدين م̷ـــِْن كلامي بعدين هسه گومي غسلي ورتبي نفسج گال ابوج ليوم يجي الولد هوه واهله يشوفونج _اليوم ?? الحجيه : اي يمه اليوم ماضل وكت الخطبه باخر الاسبوع ومجهزين كلشي هزيت راسي بأي وسكتت احس العبره خانكتني خنك بس خلص قررت اتزوج واخلص م̷ـــِْن عذاب اهلي وعذال ذيب ماريد شخص منهم بعد اتزوج واخلص م̷ـــِْن الكل بس شلون بگلبي الي جاي يحترگ ؏ بطئ مسحت دموعي وگمت غسلت وجهي وطلعت لگيت عمتي مسويه ريوك ساعدتها وگعدت تريكت وياهم مروه كل شويه مسمعتني كلام عن الولد شلون ءِّشًــخصيه وحلوو عود حته ارضه بيه اني وينها وينه افكرر بحالي شلون راح يكون وياه وشيصير اذا ذيب يعرف بيه وافقت لآزٍمٍ احچي وياه وانهي كلشي وياه ماريده يتأمل شي مِڼـّي بعد خلص خلي يشوف حَــي٘آتٰـه الي صار ويانه كلش صعب ماريد اذي اكثرر ولاخلي يتعب سببي. خلصت ريوك ورجعت للغرفه دورت ؏ جهاز احچي بيه ويه ذيب ماكووو مروه عدها جهازها وماگدر اخذه منهاا بقيت افتر بالغرفه واني حايره شلون احچي وياه شويه واجت مروه مروه : يلا يعروسه حضري روحج راح يجي خطيبج يشوفوج _مابيه شي خلي يشوفني هيج #ڪــڔٰا̍ڕ مروه : عييع تريدين تفشلينه شنوو ماعدنه ملابس رجال حلوو ومثقف تريدينه يشوفج هل شكل _اي شبيه مروه : هاج هاذه الفستان گالت بيبي خليها تلبسه وتحضر نفسها ولاتتاخر _ماريده گتلج مابدل وراح اضل هيج خليهم يشوفوني هل شكل الحجيه : شبيجن اصواتجن طالعه مروه : بيبي رباب ماترضه تلبس الفستان تگول خليهم يشوفوني هيج الحجيه : لا حبوبه عيب ناس جايين يشوفونج شنهي تضلين هيج كومي اسبحي ورتبي نفسج _انتوو كلشي عدكم جبرر ماريد اسوي شي كوه يعني بعدها ماحاجيه اندك الباب عضتلي شفتها معنئ روحي مارحت ضليت واكفه اسمع بيبي تسلم ودخلت صديقتي مريم شفتها واحس انفتحت كل جروحي رحت سلمت عليها واخذها وگعدنه بالغرفه مال بيبي مريم : شلون صرتي _الحمدلله زينه انتي شلونج دراستج شلونها مريم : ولله ماشيه صدك راح تزوجين ? _هاا .. شلون عرفتي منوو گالج مريم : خابريني ذيب وسألني عليج وگال صدك هيه تريد تنخطب كتله مادري وكال روحي عليها وشوفي هل كلام صح لو غلط _وذيب منو كله بهل موضوع وصارله شكدد يتواصل وياج ويسألج عني ? مريم : من زمان يسالني عليج واني گتلج _اكلج فدوه اريد من عندج طلب صغير اذا ممكن مريم : اي عمري گولي اذا اكدر اساعدج ماقصر ولله _جايبه جهازج وياج انتي ? مريم : اي ليش _اريده شويه بس احچي ويه ذيب موضوع وارجعه الج مريم : اكيد بس دخلي رمز الشبكه مالتكم واتصلي عليه ؏ نت لان معندي رصيد بجهازي هزيت راسي بأي طلعت جهازها وانطتنياه اخذته ودخلت الرمز اتصلت ؏ ذيب ويه كل رنه احس كلبي راح يوكف من الخووف والتوتر وماعرف شنوو راح احچي وشلون انهي كلشي وياه بعد 3 مرات من الاتصال انفتح الخط واجاني صوته الي يخربط كل مشاعري بقلم توتة

GeGe