رواية الشيخ جلال الفصل الخامس والعشرون 25 بقلم مرج البحر

            

ساره : اجتي بیبي حضنتني واخذتني سبحت ولبت بجامه ونیمتني بحضنهه وکعت سولفي وتهدیني جکد دافي حضنهه تمنیت ماما یمي بس اعرف بابا ما یخلیهه تجي نمت بحضن بیبي الصبح حسیت عله حرکه عله وجهي وبشعري فتحت عیوني بتسمت الهه

صباح الخیر 

                                

ملاک : ببتسامه ثباح الخیر مامي شعرج حلو مثل ما کال بابا جلال 

                                

ساره : ممم بس شعرج احله یالله انکوم حته نریکج جاي احجي ویه ملاک ودخله خاله مھا 

                                

مها : صباح الخیر یاحلوات یالله جلال منتضرجن عل رایوك 

                                

ساره : خاله انه ما اشتهي اخذي ملاک ریکیهه 

                                

مها : ساره دخیلج ما عولنه االیوم البیت هدء والله کاعد عله اعصابه کومي حبیبتي ولاتعاندین البارحه جدج رتفع ضغطه وتعارک وي جلال 

                                

ساره : خلص خاله اغیر ملابسي وانزل مالي خلک انه هم تعبت 

                                

مها : اففف الله یهدیکم یالله انه نازله ننتضرج

                                

ساره : غسل وغسلت الملوکه ونزلنه جانو الکل ملتمن عل ریوک وهو بنصهم اول ما شافته کلاك رکضت کعت بحضنه وهو ضل یبوس بیهه ویوکلهه اجذب اذ اکو ما متت من الغیرا کعد یم بیبي شربت جا ما اشتهي اکل شوي واجتي ملاك بیدهه لفه صارت توکلني صارت احسیته یباوعلي عرفته هو الوداهه 

                                

جان یومهه خمیس للعصر الکل التمو وعرفو بسالفه واجه الوجع الاکبر الشماته جنت اشوف الشماته بعیون کل بنات عمي وکانهن تشفن بیه وکل شوي وحده تذبلهه کلمه جنت اکد ابقی بالغرفه بس انه ققرت اواجه واتحمل رغم النار البکلبي لان ما اکدر اسکتهن اذا هو غدرني لیش المومهن بیبي هیه التولت الرد عني خو غفران حطت ملاک عله کلبهه

اول ما دخلت للصاله صارت تذب حجي الملحه

                                

غفرا : یمه شنو هل جماله اکید طالعه عله امهه الله یرحمهه 

                                

ساره : جانت تباوعلي وتحجي بس انه اخر همي اصلن الدنیه طالعه من عیني اباوع الملاک متضایکه بحضنهه بس شافتني اجتي ترکض وحضنتني 

                                

ملاك . .ماما ارید عمیه 

                                

ساره : تعالي حبیبتي ناکل اباوعلهن صوفرا لان تصیحني ماما بهل سرعه 

                                

بیبي : انه متاکده راح تطلع مثل امهه ساره اذا سمعت بعد وحده تجیب هاي السیرا بعد لاتدخل الهاذ البیت 

                                

ساره : کلهن سکتن بس الحیه ضلت تذب بسمهه ماهتمیت الهه اخذت ملاک بعد العشه نیمتهه جکد مشاغبه بلکوا نامت کمت رتبت ملابسي ماما جابتهم لان قررت باجر ارجع اداوم قررت انو مالازم اخسر حلمي عل اقل بعد کال هاذ الصار دخلت سبحت طلعت مشطت شعري ورحت نمت یم ملاک لحد ما غفیت من التعب والتفکیر وطبعا مایخله من الدموع 

 

                                              

                                                    

عدو الیومین عادي خلصتهه بالغرفه حته ما اشوفه وبیبي بدت تجهز للعرس هه قصدي عرس الشیخ  الیوم فتحت عیوني بنعاس تفاجٸت من شفت جلال نایم عل طرف الثاني من السریر وملاک بحضنه بقیت صافنه اباوعلهم بغیرا شلون نایمه بحضنه احس کلبي حترک من اتخیل انو بیوم امهه هیج جانت تنام بحضنه ما جاي اتقبل فکرت انو جلال بیون کان الغیري شعور صعب حته ملاک ماجاي اتقبلهه بقربا ردت اکوم ماکدر انتبهت لازم ایدي هه حته وهو نایم یخاف اشرد فلتته وکمت سبحت وبدلت للجامعه وجهي باهت واصفر خلیت شویت باودر وکحل ومرطب باوعتله بعده نایم جاي الف الشال فتح عیونه ماهتمیتله بعد ملاک من حضنه واجه یمي اف یا کلبي لیش ماتوب وقربا یخربط احوالک وتنبضله

                                

جلال :صباح الخیر 

                                

ساره :......

                                

جلال :تنهد اذا تعبانه بعدج انه اخذلج اجازه  وهمات حته تجھزین نفسج للعرس ما بقی شي 

                                

ساره : ابرود لاشکرا اخر همي عرس مجبورا علیه ارید اهتم بدوامي اهملته هواي الاسباب تافهه 

                                

جلال : کاتم عصبیته وحجه ابرود هه براحتج یا عروسه راح اتصل بحسنین یوصلج لحضه لحضه شنو هاذ 

                                

ساره : جان واکف وراي کتله شکو شبیك 

                                

جلال : ساره خلیني هادٸ وما انفجر مسحي واجهج بسرعه ها من شوکت اتخلین مکیاج للجامعه 

                                

ساره : خفت بس ماردت ابینله کتله ابرود من واکت ما خلیت هاذ حالي ماراح امسحهه وجهي اصفر 

                                

جلال : یعني ما تمسحینه 

                                

ساره : لا 

                                

جلال : اخذ تلفونه وتصل الو حسنین ارجع الشغلاک ساره ما ادامم الیوم ول......قاطعته

                                

ساره : سحبت التلفون من ایده وکتله بعیونه اکرهك الو عمو نتضرني خمس دقایق  ردیت التلفون لیده ورحت للحمام غسلت واجهي طلعت ماموجود هو وملاک لبس الشال ونزلت عل سریع شفته یتریک هو ویاهه باوعتله بغیض  رد علي😉👌 مکروه رحت للجامعه وطبعا نهالت علي الاسٸله لیش ما اداوم ورب ضاره نافعه تحججت بالعرس وتجهیزاته وعزمت البنات بعدهه اخذت محاضرات وجبت الفایتني من البنات ورجعت للبیت اول ماشافتني ملاک جتي ترکض یمه فدیت شنو تغدیتي یا حلوا

                                

ملاک : اي غدیت 

                                

ساره : بالعافیه لله خلي ندخل دخلت شفت الصاله ملیانه غراض  وهاي السوالف مال ا

                                

الجده : تعالي ساره شوفي هاي الغراض جبناهه الج

                                

ساره : بیبي مارید اشوف شي انه تعبانه ارید اصعد انام التریدونه سوو صعد للغرفه غیرت ملابسي وحضنت ملوکتي ونمت حته غده ما اشتهي ....

.......

.....

                                

سما : صار یومین انه ابیت خالو ما بقت ختله ما ختلت بیهه عنه وخاصه بعد ما بلشن خالاتي لتمون وخوالالي علمود العرس الاجواء تجنن جاي نجهز الزهراء وباللیل نلتم کل احنه طبعا بیت خالو هوا نفسه بیت جدوا لذالك المه تصیر کلهه ابیته حجابي ما اذبه ابد وحته ملابسي عریضه مثل ما وصاني بابا الیوم کعدت الصبح حته اروح للمدرسه غیرت ملابسي ولفیت الشال الابیض راح اطلب من خالو یوصلني ترکت البنات نایمات وطلعت سدیت الباب عله کیف ما ارید ازعجهم درت واجهي یمه نزیت جان واکف وراي ویباوع علي بهتمام یوتر

                                            

                                              

                                                    

.....بتوتر  صباح الخیر 

                                

امیر : صباح الفل مثل ورد الفل الکدامي شنو رایحه للمدرسه 

                                

سما : احس راح ابجي من الخجل ندنکت وهزیت راسي 

                                

امیر : نتضریني جوا راح اوصلج 

                                

سما : بعتراض لا ماکو داعي اتعب نفسك راح اطلب من خالو یوصلني اباوعله رفع حاجبه بلعت ریکي 

                                

امیر : خلصتي یالله نزلي تریکي لبین ما اجیب السویج 

                                

سما : نزلت تریکت ویه بیبي شوي ونزل لابس ملابسه مالت الدوام وعطرا سابقه شخصیته هیبه ماقبل یتریك طلع کدامي بوست بیبي وطلعت ورا سیارته حلوا عالیه فتحلي الباب الیمه صعدت بس شنو کلبي تکول بسباق طول الطریق افرک بیدي وانفاسي علت لان احس عیونه علي کسر الصمت 

                                

امیر : سما ماریدج تختلطین وي الولد بلعرس ماشي 

                                

سما : بس بس ماکو احد غیرب 

                                

امیر : ااا وحضرتج ناویه ادکین ویاهم سوالف مو 

                                

سما : ضوجني کتله لا انه اعرف احدودي بس مو معناتهه اعتکف بغرفتي 

                                

امیر : بتسم اسف مو قصدي الفهمتي 

                                

سما : باوعتله بتعجب جاي یعتذر لو متوهمه معقوله

                                

امیر : مو من عاداتي الاعتذار بس انتي جاي تخربین کل عاداتي ادري بیج تعرفین حدودج بس اهم ما یعرفون حدودهم لذالك ماریدج تختلطین بیهم مو تعتکفین غرفتج شنو مارح تکولین شي 

                                

سما : وصلنه 

                                

امیر : مممم معناتهه ما قبلتي عتذاري راح ارجع اخذج بعد الدوام 

                                

سما : براحتك نزلت وانه خاله ایدي عله کلبي مو مصدکه الجاي یصیر ویاي دخلت للمدرسه واخذت ادروس خلص الدوام طلعنه انه وصدیقاتي شفته واکف بالباب شافني وتقدم اباوع البنات اکلنه بعیونهن وخاصه هوا صایر سالفتهن بالمدرسه 

                                

امیر : یالله سما نمشي 

                                

سما : اي یالله 

                                

حوراء : سما لیش تعبتي خالج جان وصلتج بطریقي 

                                

سما : بلعت ریکي اباوعله رفع حاجبه وخزرني 

                                

امیر : لا خالو شکرا الج بس احنه ما عدنه بنات ترجع بحدهه یالله سما تاخرنه 

                                

سما : کتمت ضحکتي وحوراء صوفرت مالکیت غیر امیر تزحفله صعدت ویا افرک بیدي من الفشله 

                                

امیر : اي خالو شلون جان یومج بالمدرسه 

                                

سما : ااانه اسفه بس ماردت البنات یفهموني غلط ویطولون السالفه کتلهم انته خالي 

                                

امیر : وشنو بیهه اذا طولوهه اید راح یعرفون من یجون العرسنه لو ماراح تعزمین صدیقاتج 

                                

سما : دنکت راسي خجلني والله کلامه یوتر واحس کلبي راح یطلع من صدري سکتت وهو هم سکت عني بس یتنهد وشوي شغل اغنیه یاربي یشخلص الطریق

                            

جان یدندن وي الغنیه ویباوعلي احس انفاسي بعد ما تطلع من الخجل بس ما اعرف لیش شي بداخلي فرحان اول ما وصلنه نزلت واجه وراي دخلنه سوا تسلطت الانضار علینه جان البیت مخبوص اجوي خالت زهراء من بعداد بس شنو بقیت فاکه حلکي عله لبسهن شلون ضیك والحجاب شلون ما کان لافاته اعتقد مو محجبات ابغداد المهم رحت سلمت علیهم وخاله والبنات عرفنه بس اشو ذني تجمهرا عله امیر تکول بورک دخل علیهم عفتهم وردت اصعد الغرفتي قبل لا اوصل للدرج لاکاني شاب اشو هاذ صفن بوجهي ستحیت اجیت افوت وکف مقابیلي

                                

....شنو انه غی مراٸي 

                                

سما : سلام علیکم 

                                

..... اویلي شنو من صوت وعلیکم السلام مد ایده انه هشام 

                                

سما  : جکد وقح کتله اهلان وغلست عن ایده وفتت لتفتت وراي ارید اشوف امیر انتبه ویایتني ما لتفتت العیون طاکه حمر علي صعدت رکض وکلبي یرجف غیرت ملابسي ونزلت للغده ساعدت البنات ولتمینه عل غده بعدني بسم الله رفعت راسي والکه امیر عیونه علي شبیک یحضي قبل شوي رومنسي وهسه مللک الموت ضلیت اکلب بالاکل شوي وکام کلت یا الله راح اکل اشو هاذ یاشرلي کومي یاا شبي هاذ امري لله کمت 

                                

خالو : وین سماوي ما اکلتي شي لا تتمرضین وشیخلصه من شیخ صالح یکول ما وکلتو بتي 

                                

سما: لا خالو تسلم شبعت ارید انام شوي 

                                

هبه : شله ابوهه معلمهه عل مفطح ما یعجبهه هاذ الاکل 

                                

سما : ستغربت هاي شبیهه طفرت بالنص ضجت اجیت ارد بس مالحکت ..

                                

امیر : والله ابوهه شیخ والنعم منه بس عله بختج هبه هیه هاي شکلهه ما مفطح 

                                

ابو امیر : اي والله سما اصلن طفرا وراثیه ماعرفناهه علیم طالعه ناعمه هیج روحي سماوي رتاحي 

                                

سما :احس ردت ابجي من الفشله وبنفس الوقت فرحت لا سکتوهه شنو قصدهه عابت غسلت روحت للفراش ارید انام تعبانه من الدوام ندک الباب تفضل کحت رجال لبست حجابي ستغربت من فات امیر بیده صینیه 

                                

امیر : تفضلي کملي غداج 

                                

سما : لا شکرا شبعت 

                                

امیر : هه لیکون صدک تردین مفطح هسه اذبحلج طلي بس کولي 

                                

سما ؓ: بتسمت لا شکرا اخذت الصینیه من ایده 

                                

امیر : مالج علاقه بهبه شنو التحجي غلسي 

                                

سما : علي افوتهه بس مستحیل اسکت عله احد یتجاوز عله بابا 

                                

امیر : هنیال بابا بیج تنهد اي صدک دیر بالج تختلطین وي هشام ولو مسلمه علیه قبل شويه اله اکسر ایدج وراسه 

                                

سما : بتوتر انه ماسلمت علیه مو خوفن من احد بس کتلک انه اعرف حدودي وما اکسر ثقت بابا

                                

امیر : افف لج فدیت بابا عله هاي التربیه مال کرط ولج لاتخجلین لا انه اکسرلج ثقه بابا هسه یالله انه طالع تغدي ونامي ولا تنسین کلامنه 

                                            

                 

                                                    

سما : اطلع رحمه لبوک اول ما طلع اخذت نفس جنت حابسته باوعت عل اکل وطحتلج علیه میته جوع  خلصت اخذت الصینیه اخذت الصینیه ورجعت نمت .

                                

......

                                

مروا : اسٶ شعور وایام عشتهه بحیاتي حته اسٶ من الایام الجیروني بیهه عل زواج صالح من یوم الصار هو یطلع من الصبح یجي بعد نص اللیل ما اعرف شوکت یطلع وشوکت یجي مرات اکول یاریت ما صارهاذ الشي عل اقل جنت اشوفه واسمع صوته ومرات اکول یمکن وجودي بعد الصار جاي یضایکه بس مایقبل یعني یرید هو یبعد بس انه لا مثلن  البارحه اجه قبل لا انام سلم وراح للفراش بدل  من اجیت انام انام خلیت مخده یم راسي تفصلني عنه لان اعرف نومي مو مال اوادم وشعري ابقي مفتوح

                                

صالح : شنو هاي 

                                

مروا : حته ما یزعجک شعري لان احوص هواي

                                

صالح : شمر المخده لا ما یزعجني 

                                

مروا : ضاج ونام وانه هم نمت وکل عاده کعدت الصبح ماموجود خلصت هاي الایام مطلعه حرکتي بالتنضیف والطبخ حته عمه تحجي علي وجنان مکیفه عل وضع خوا الغرفه بار لونهه من التنضیف الیوم هم کعدت من الصبح انضف بیهه بس فجٸه تذکرت اهلي احس مشتاقت الهم ومحتاجتهم خاصه ساره نکطع تواصلي بیهه من فترا وهیه الوحیده الاکدر اشکیلهه همي  کمت ابجي وانضف بعد ما اتحمل کرهت حیاتي کعد وحضنت رجلي وکمت اشهك وابجي وفجٸه انفتح الباب ودخل صالح لایاربي ما ریده یشوفني بهاذ الوضع اجه یمي وبعیونه نضرت خوف وقلق نضرات حلوا بعیونه

                                

صالح : خیر مروا شبیج شصایر 

                                

مروا : باوعتله ودموعي صبت کتله مابیه شي بس المنضف دخل بعیوني 

                                

صالح :تنهد کومي غسلي واجهج 

                                

مروا : رحت غسلت وجهي ورجعت اشوف بعیونه نضرت قلق وهاذ الشي المخبلني رغم تجاهله الي بس داٸما عیونه احسهه تلاحقني ویهتم بیه لیلیه یجیب علاکت حلویات وفواکه لان بهاي الفترا کطعت الاکل  وهامله نفسي رجعت ارید اکمل تنضیف 

                                

صالح : عوفي من یدج کافي ما ملیتي لمیته ما اجیج تنضفین شوفي وجهج شلون اصفر ترکي من ایدج ارید اکلج شغله 

                                

مروا : ترکت البیدي ورحت یمه کتله شنو الموضوع 

                                

صالح : عرس جلال وساره مو هاذ الخمیس الیجي 

و.....قاطعته 

                                

مروا : بفرح صدك هیج ساره ما تکليلي بسیطه رجعت باوعتله صالح انه ارید اروح من باجر 

                                

صالح :شنووو ولیش من باجر العرس بع سبوعین بعدین اشو بعرس عماد اتوسل بیج ماتقبلین ترحین 

                                

مروا : لان تعبانه انه ارید ارتاح کم یوم ومشتاقه لهلي صار هواي ما شایفتهم 

                                

صالح : بعصبیه ومنو متعبج اشو انتي نازله بالتنضیف وما تاکلين حته جنان صایرا مثل لامیرا بسبب حضرتج ما تخلینهه تشتغل حجي من شنو تعبانه اعرف الصار غلطي وانه عتذرت منج بس ما اکدر اغیر الصار لیش تحسسیني بالذنب بهاي تصرفاتج لاتبجین دخیل ربج خلص تردین رتاحین راح اخذج وابقي جکد ما تردین بس بالاول لازم تحضرین عرس زهراء بت خال سما لخاطر سما عل اقل وبعدهه اخذج وین ما تردین 

                                            

                  

                                                    

مروا : هزیت راسي موافقه وانه دموعي تصب ترکني وطلع ضرب الباب ورا وانه نهاریت بالبواجي والله ما جاي افهم هوا شیرید بالضبط یعني هوا مبعد عني ومن کتله اروح عصب یاربي ساعدني بعد ما اتحمل 

بیومهه مارجع للبیت بقیت اللیل کله انتضر لحد ما غفیت بس حسیت من نام بصفي حسیت خصله من شعري نسحبت ولمساته عله خدي وبلحضه سحبني الحضنه یاربي جکد محتاجه هاذ الدفو دفن راسه برکبتي وحضي بدیه من خصري وانه اشتم بعطرا ارید اشبع منه حسیت انفاسه ثکلت باوعتله غافي شکله تعبان دفنت راسي بحضنه ونمت ............

                                

.......

ساره : جنت نایمه شمیت عطرا احسه قریب مني اکید نایم یم ملاك ریدت اتحرک احس نفسي مقیده فتحت عیوني لکیت نفسي بحضنه رواسي عله صدرا جکد مشتاقه الحضنه احس نفسي طفله بحضن ابوهه حضنه بعده دافي ویحسسني بالامان اتامل بتفاصیله تفاحت ادم المزینه رکبته انفاسه لحیته طولانه وزایده جمال کلشي بي حلو اعشقه بس مارح اسمحله یکسرني مرا ثانیه ویعلقني بي حاولت اخلص نفسي من قبضته جان نایم فتحت ادیه جانت محاوطه خصري فتحتهه اجیدت اکوم ماحس غیر سحبني بقوا ورجع حبسني بین ادیه حته رجلي حبسهم برجله فتح اعیونه بنعاس ورجع غمضهم

                                

.......بعصبیه انته شجابک هنا ترکني خل اکوم منو سمحلک تلمسني 

                                

جلال : جانت الغرفه ضلمه عبالي ملوکه 

                                

ساره : بغیض وعصبیه هههاي ما تضحك وهسه عرفت یالله بعد عني روح احضن ملاک وکمل نومتک

                                

جلال : لا تغارین بس بحضنج ارتاح وما ابدله 

                                

ساره : لا کلبي اترجاک لاتتاثر بکلامه لاتخلي یسمع نبضاتک من قربا کتله هه الیغار لازم یحب بالاول وانه بعد حته کلبي ما عندي انه کسرته ونتها

                                

جلال : بس انه جاي اسمع نبضاته تصیح بسمي مثل کل مرا اتقرب بیهه منج القلب الیحب جلال عمرا ما ینکسر 

                                

ساره : انته واحد اناني اتمنه تضوک الوجع الحاسه بي حته تعرف انو نبضات کلبي هاي من الوجع مو حبا بیك 

                                

جلال : سحب راسهه وخلا عله کلبه وکال لا ادعین علي احس بوجعج لان انه یوجعني اکثر منج من یعرف اهو السبب بهاذ الوجع اي انه اناني ومهوس بیج ونتي الي وراحض اضلین الي برضاج او غصب 

                                

ساره : ادموعي ضلت اتصب احس عایشه بدوامه من المشاعر لیش یتصرف هیج ما جاي افهمه جنت احس کلبا بي هم وجع وحسه ما کذب بولا کلمه کالهه کتله

                                

اشبهه لهل درجه حته مهوس بیه وتریدني اربي بتهه

                                

جلال : هههه هاي منین جبتیهه انتي ماتشبهین وحده ماکو غیر ساره جلال وحده بس

                                

ساره : کتله بغیض اکرهک 

                                

جلال : لسانج طولان سکتي لا اکصه اذا عدتيهه

                                

ساره : کمت ادفع بي بغیض واضرب عله صدرا اکرهک اکرهک اکرهک بعد عني 

                                

جلال : خلصتي وهسه اجه وکت العقاب وانه شحلون ما جوعان

                                            

                       

ساره:کلبني وصار فوکي ربط جسمي بدیه ودنک راسه یرید یبوسني کمت افر برسي اخر شي ضاج مني لزم فجي بیده وعض شفتي کطعهه ردت اعیط سد حلکي ابوسه جانت مثل الثورا بقیت اضرب بي حته یبعني وما استسلم بس انه مو قویه لدرجت اواجه شوقي اله تفاعلت ویاا وانه کارهه ضعفي کدامه من رخه قبضته عني دفعته عسه والعل الحک جزء من کرامتي الضیعتهه بلحضت الضعف هاي ویا 

                                

.....کمت عنه وکتله دیربالک تقرب مني 

                                

جلال : ممم صایرا شرسه شکلج راح تعبیني بیوم العرس خرب شوفي شسویتي بیه هسه شلون اطلع

                                

ساره : جان واکف عل مرایه ویحجي باوعتله یتفحص برکبتهه مشرمختهه بتسمت عله شکله شلون یباوعلهه باوعلي سویت نفسي ما مهتمه غمزلي وطلع

                                

...بیبي جبرتني اروح ویاهه للسوك علمود التجهیزات جنت اتمنه مروا ویاي هیه الوحید التکدر تخفف عني بس ما اتجراء اتصل بیهه واجبرهه تجي بعد الطریقه الراحت بیهه بعرس عماد تنهد فترینه بالسرك شترینه الشغلات التقلیدیه حسب نضریت بیبي عطور ومفاش وملابس ورجعنه للبیت هلکانه صعدت کبل الغرفت خاله مها ارید اشرف ملاک اي خلال هاذ الاسبوع تعلقت بیهه کلش سوالفهه تجنن واحله شي بالموضوع انو هیه تعلقت بیه اکثر من جلال بحیث حته ما اخلیله حجه یجي ینام یمنه اخذتهه ونیمتهه بغرفته هیه ترکته واجتي نامت یمي وهاذ الشي حسیته انجاز کدرت اضبط وضعي بالجامعه واکدر اتلاحک المحاضرات الفاتتني لهیت نفسي بالدراسه وملاک واحاول ما اشوفه او اکعد ویا بمکان واحد مارید ارجع اضعف کدامه لذالك هو صایر عصبي نار مایتحاجه مرا کسر الباب لان لکاني قافلته ودخل نار سویت نفسي نایمه وهو عل عناد اجه حضني ونام قربا مني یخلي کلبي یبررله وینطي اعذار وهذ الشي الما اریده هوا کسر کلبي وستغله ماریده یسامحه ویضعف کدامه بس شلون وهو ما بقی غیر اسبوع عله زواجنه واذا وحنه بغرفتین منفصلات ماکدرت اخلص منه شلون بغرفه وحده لا لا مستحیل اسامحه تنهدت تخلت للغرفه شفت ملوکه تلعب وي الجهال شافتني اجتي ترکض هلو یاحبیبت ماما وروحهه

                                

ملاک: مامي خاله کول انتي صیري عروسه 

                                

ساره : بتسمت ونتي همات انه جبتلج بدلت عروسه

                                

ملاک : واو عروسه عروسه 

                                

ساره : یمه فدیت واحله عروسه یالله تعالي نتغده 

زلنه صبینه الغده بالمطبخ جاي ناکل ودخل جلال الوجه مدخن اخذ ملوکه خلاهه بحضنه وکعد کدامي وضل یبوس بیهه ویناغیهه کدامي یلوکله دور الاب  

شویت نفسي ملتهیه بالاکل بس حترکت من الغیرا 

                                

جلال : شوکت تختارین الغرفه ما بقی وقت 

                                

ساره : ما کو داعي 

                                

جلال : راح انتضرج باجر الصبح انروح انشوفهه 

یالله ملوکه کملي اکلج وي ماما وتعالي نامي بحضني

                                

ملاک :ماشي بابا وماما هم 

                                

جلال : تنهد لل امج خلیهه هسه تستمتع بالوحده 

بعد اسبوع راح تشتاق الهه

                                

ساره : وکعت الخاشوکه من ایدي بلشت اتوتر من هاي السالفه اکید راح ینفذ تهدیده معقوله یجبرني لا جلال ما یسویهه بس هاذ مو جلال القدیم.......

                                

........

                                

سما 

                                

خلصت هاذ الاسبوع بالضیم من ناحیه امیر الفرض حصار علي وهاذ الشي الاحضنه البنات ف هبه بت خالته صارت ما اطیقني بس زینب لا حبابه ولازكه الامیر وین ما یروح وما اعرف لیش هاذ الشي مضوجني یعني یکعد ویاهن یسولف ویضحک وانه ممنوع لا ولبسهن کله ضیک والحجاب بس بالاسم وحته ینتقدن ملابسي وحجابي لان عراض بس ماهتمیت الهم لان رغم هاذ کلهه انه ابقی احله منهن  ومن الجهه الثانیه هشام الیستغل عدم وجود امیر ویدخل للبیت ولازک بیه اذا امیر اهنا مایخلي یدخل للبیت ارتاح منه شویه لان صدک صار یزعجني الیوم اخذتنه مرت خالو للسوک اشترینه ملابس الان باجر الحنه بس القهرني انو هنه عاملني علی اني ماعندي ذوق وما اعرف اشتري فستفزني وجبت فستان جريٸ شوي ما اعرف شلون راح البسه استحي افف بس للعرس جبت فستان محجبات کلش حلو عکسهن حته للعرس شترن فساتین ضیکه ومفتوحه بس انه قررت البس حجاب لان الولد اطب وتطلع بس الحنه لا واحله اخبر انو بابا راح یجیب مروا للعرس والحنه 

اف رتاحیت بوجودهه احس بالامان وکانهه امي... 

بالیل سهرنه سهرا مال بنات لان بیومهه امیر خفر فستغلن الفرصه بس انه احس البیت فارغ بدونه لان هاذ الاسبوع ما خله من کلام الغزل ماله وطبعا العصبیه اذا ما عجبه شي احس بدیت انعجب بیه.