رواية جبروت إبن عمي الفصل الخامس والعشرون بقلم توتة
أما الآن فأنا لا أحمل في داخلي شيئاً أكثر من أسفٍ عميق وهائل لنفسي التي أرهقتها بألبكاء في كل درب مأهول بالخيبة 🤍
......
ورود.
مرر اسبوع علئ الي صار واني حالتي يوم عن يوم تسوء متتحسن
ثائر صاار ابددد. ميحجي ويايه ولاشايلني م̷ـــِْن ارضي هو م̷ـــِْن غير شي نفسيه ومغرور بعدين صار هل شي
صار ابد ميحجي ويايه الكل معاديني حته اخواته ابد ميحجن ويايه
خلاني صرت خادمه الهم اگعد صبح اسويلهم ريوك اكلهم صباح الخير محد يرد غير جلال
گعدت صبح واني نايمه ع ارض ولغرفه حاره لان بوقتها احنه بصيف
طلعت كانت ساعه ب 8 صبح صعدت للغرفه مالتنه اني وثائر اريد اخذ ملابس اريد اسبح جوو حار ولغرفه سامطتني سمط حته جسمي يحكني
فتحت الباب كانت الغرفه ضلام. وباارده م̷ـــِْن السبلت گلت هاذي انسب فرصه اكيد نايم
فتحت الكنتور وماحس غير انسحبت م̷ـــِْن ايدي بقووه احسها انخلعت
صرخت بوجع
اااخ ايدي
كان ثائر هسه طالع م̷ـــِْن الحمام لابس بس بجامعه رصاصيه ومخلي منشفه علئ كتافه
شدسوين ?
هوه بس اجيت حته.
حته تبوگين فلوس وتشردين ويه صاحبج مو صح
باوعت عليه بصدمه هاذه م̷ـــِْن كل عقله يحجي معقوله لهل درجه شايفني رخيصه
لا غلطان اجيت حته اخذ ملابس اريد اسبح الحر موتني
اخذي كلشي يخصج م̷ـــِْن كنتوري وممنوع مره ثانيه دخلين غرفتي اذا مدكين الباب
ترا الي حق بيها مثلك
هههههه ولله منوو يكول الج حق بيها
اني اكول
تقدم نحوي وهو ضايج وعيونه كلش تستفزني.
مالج أيئ حق لابغرفتي ولابحياتي مخليج هنا بس حته اذلج واهينج واخلي الكل يدوس ع راسج
ههه وشراح تستفاد
استفاد هووايه استفاد. اطلعج رخصيه كدام الكل واخليج تشتغلين مثل الخدامه قصص وروايات عراقية
عادي.
كنت احجي برود اريد استفزه مثل مايستفزني ويقهرر بيه ميعرف كلبي شلوون م̷ـــِْن جوه يحترك م̷ـــِْن كل كلمه يحجيها
لزمني م̷ـــِْن شعري وركز بعيوني وگال
انتي شنو م̷ـــِْن بشر لج ماعرف م̷ـــِْن ياطينه مصنوعه انتي هم اخلاق زفت وهم تتباهين بهل شي
نزلت دموعي بدون ماحس م̷ـــِْن كلامه الي
خلصت. ممكن تعوف شعري اجيت بس حته اخذ ملابس واطلع م̷ـــِْن غرفتك
دفعني وراح للكنتور طلع ملابسي وصار يشمر بيهم علئ ارضيه الغرفه. وهو يگول
هااج هاذي ملابسج اخذيهم واطلعي برا
غمضت عيوني واني اريد اكتم صوت البچي ولصرخات الي بداخلي
رحت لميت الملابس م̷ـــِْن الارض واني دموعي تنزل قبل لادنگ ع ملابس توكع دمعه كدامي
شلتهم وطلعت م̷ـــِْن الغرفه صرت اشهك م̷ـــِْن البچي نزلت بسرعه دخلت للغرفه شمرت الملابس علئ ميز وگعدت ع ارض وصرت ابچي
انفتح الباب شلت راسي شفته جلال واكف ب باب وضايج علئ حالتي
دخل وكعد مقابيلي وگال
ليش هيج حالتج وليش تصرفتي هيج وخلتي الكل يحجي علئ اخلاقج وتربيتج طلعتي نفسج رخيصه كدامهم
كافي جلال فدوه الي سمعته م̷ـــِْن اخوك كلش كافي عليه يخليني اتعذب طول حياتي
صدكيني اني ماحب اشوفج وانتي بهل حاله مهما يصير ومهما يكون تبقين بنت عمي وحالج حال اخواتي
مارضاها علئ اختي هيج يصير بيها انتي بس احجلي شنو الي خلاج هيج تسوين بلكي اكدر اساعدج بشي
ع اقل. اغير م̷ـــِْن تفكير اخوي ثائر اخلي يحن عليج
مااريد شي م̷ـــِْن اخوووك بس يعووفني بحالي تعبت منه كرهت حته نفسي ولله ماعاد عندي طاقه اتحمل اكثرر
اخوك ماعنده گلب ولاضمير مايحس بكلامه الي يحجي ولاتهمه دموع شخص
ترا ثائر مغلطان بشي انتي الي غلطتي بحقه وغلطج كلش جبير ومينغفر.
ماكوو رجال يقبالها ع نفسه مرته تروح تحجي ويه غيره وتكله احبك
هاذي خيانه ياورود ولله خيانه
ولله مخنته صدكني مخنته اني بوقتها رحت حته امنع وسام ويخطب صديقتي
لان هيه متحبه وماتكدر تگوله هل شي رحت وحجيت وياه
م̷ـــِْن سالني كلي انتي متحبيني وتزوجتي اني كتله كنت احبك وتزوجت مجبوره
هو هاذه كلشي كلته ولله مكلت حرف زياده وانت تعرف كلش زين اني تزوجت مجبوره مو حبا بأخوك ولاحبا ب فلوس
اخوك اشتراني بفلوسه وصار يتحكم بيه مثل العبده عنده اني صح حجيت هيج بس ولله ولله مافكرت بيوم اخونه او اطعن شرفه
ولله ماعرف شكلج بس الله يهديكم ويحنن گلب ثائر عليج لان حالتج كلش صعبه هسه
عافني وطلع
بقيت ابچي واحجي ويه نفسي
اييي اني غلطت ومناكره هل شي بس شسوي ولله كنت بس اريد امنع وسام ميتزوج ساره
مسحت دموعي كافي ورود كافي تبچين لآزٍمٍ تقوين نفسج
اخذت ملابس ورحت للحمام التحت سبحت وطلعت رجعت للغرفه مشطت شعري ولبست شالي ورحت للمطبخ
كنت واكفه الافكار مدوختني ياربي شسوي شلون احل هل موضوع
كلهم صارو يشوفوني رخيصه وماعندي اخلاق اني مايهمني كلامهم الي يهمني ثائر اريده يصدك اني مخنته ومكان قصدي شي مـن الي حجيته
شلون اخلي يصدك ماسويت شي ﯙيـه وسام بهل اثناء واني افكرر دخلت عليه ديانا
اكلج هيي سوي ريوك اريد اروح لجامعتي
ترا عندي اسم واني ماشتغل عندج تريدين. ريوك سوي لنفسج
ايي حبي تشتغلين عندي اخويه ثائر كلي وضفت خادمه جديده اسمها ورود قصص وروايات عراقية
احترمي نفسج ديانا
هههههه ولله ضحكتيني اني محترمه نفسي كلش زين علمي نفسج ع احترام بعدين تعالي احجي
مراح انزل نفسي لمستواج. واحجي تبقين جاهله
ههههه اني جاهله. ياعمري ولله كلامج يضحك اذا اني جاهله واحسن م̷ـــِْن عندج وعندي اخلاقي وشرفي اهم م̷ـــِْن كلشي
لعد انتي شنكول عليج يل رخيصه
هيه گالت هيج احس نار وشبت بكلبي تقدمت عليها بسرعه ودفعته جان وگعت
اشرف من الشرف انييي ولله اذا سمعتج مَـرّھٌ ثانيه حاجيه هيج متلومين اله نفسج
لج حقيره دفعيني اجت بسرعه عليه ودفعتني كان اكوو زيت ع نار م̷ـــِْن دفعتني ارتدمت ب طاوه واطفر الزيت ع ايدي
صرخت بصووت عااالي
اااااخ ايدي يمممه
شويه ودخل ثائر يركض شاف ايدي محترگه وديانا واكفه ومصدومه
لزم ايدي. وگال
شلوون صار هيج
ديانا مافتحت حلگها بكلمه واني بس ابچي وايدي محتركه وتوجعني
طلع عصاره م̷ـــِْن الثلاجه مال حروك اعتقد وخله ع ايدي م̷ـــِْن خله حرگتني اكثرر
ااااخ ايدي ايدي كاافي ثائر لاتخلي ولله توجعني
اششش. اهدي هسه تصير زينه
خله عصاره ع ايدي كمل وباوع ع ديانا بغضب وگالها تعالي ورايه
طلع وراحت ديانا وراه اني بقيت ابچي ب مطبخ ابچي ع حضي علئ قهرر كلبي م̷ـــِْن كلام ديانا
تحجي عني وتگول رخيصه وماكدر اسوي شي ليش ياربي ليش كل هل شي يصير بيه
اجت كرستينا للمطبخ حته تسوي ريوك شافت ايدي انصدمت وگالت
مدام ورود شنوو صار شبيها ايدج
احتركت
شلون احتركت
وكع عليها م̷ـــِْن هاذه الزيت الحامي
لحضه خليني اجيبلج عصااره خلي عليها بلگي تبرد شويه
قبل شويه خليت هسه شويه وتصير احسن
انتي روحي اگعدي اني احضرر ريوك
لا عادي اكدر احضره وياج
لا فدوه اني هاذه شغلي ومتعوده عليه م̷ـــِْن زمان خليني اني احضرر ريوك
اوك براحتج
عفتها وطلعت كان الكل كاعد ب ستقبال ثائر گاعد ع طرف الغنفات وهو يدخن وضايج
ديانا كاعده قريب م̷ـــِْن امها واختها مروه. وجلال گاعد مقابيل ثائر
رحت واني منزله راسي گعدت علئ الغفه الي ب طرف بدون ماحجي شي.
اباوع علئ الكل ضايج م̷ـــِْن وجودي يمهم واحسهم قرفانين مِڼـّي.
شويه واجت كرستينا گالت
تفضلو جهز الريوك.
الكل كام راحو علئ طاولت الاكل عدايه ماريد شي احس نفسي مخنوكه ولعبانه نفسي م̷ـــِْن كلشي
راح الكل يتريك اجت يمي كرستينا وگالت
مدام ورود روحي تريكي.
شكرا ماريد.
عافتني وراحت بقيت گاعده ودموعي تنزل احس نفسي تعودت ع بچي مايمر يوم اذا مابچي بيه شتاقيت لأمي شتاقيت الاهلي
الي كانو يحبوني شتاقيت الايامي هناك م̷ـــِْن تزوجت لاحد هل لحضه مارتاحيت
اندك الباب راحت كرستينا تفتح الباب طلعت بنت شابه تصير بكد مروه اخت ثائر حلوه وبيضه بدون حجاب
شعرها اصفر دخلت وهيه تطگ بكعبها
شافتني واجت نحوي وهيه تتبسم
سلام. عليكم
وعليكم سلام
شلونج
بخير الحمدلله
انتي ورود ?
اييي اني انتي منو اول مره اشوفج هنا
اني زهراء اصير بنت خال دنوو يعني اقارب م̷ـــِْن بعيد هيج شي ههههه
ابتسمت بحزن احسها مو راحه
وين الكل.
يتريكون.
هاا ب عافيه
اگعدي ليش واكفه.
گعدت خلت رجل علئ رجل وهيه تعلچ وگالت
ايي ورود احجيلي شمخلصه دراسه
اول مرحله كليه
هاا حلوو اني محاميه متخرجه اجيت ليوم حته احجي ويه ثائر موضوع شغل. لان اني محاميته الخاصه ب شركه
هاا زين
شويه واجه ثائر. يعدل بأكمام قميصه شافها واجه نحونه سلم عليها وگعد علئ الغنفات
شلونج شخبارج لبارحه رحتلج للمكتب وملگيتج هناك
اوو ولله ماعرف لْـۆ اعرف بيك جاي جان لغيت كل شغلي
ههه لا عادي اصلا اني مريت ب صدفه كان عندي شغل وخلص كملته
هو اني اجيت الك حته توقع هذولي الاوراق مالت الشركه وبعدها تگدر تشتري الارض وتكون بيها المصنع
ب نسبه الي اني گاعده مثل الاطرش ب زفه كلشي مافتهمت يحجون ويضحكون سويه واني ساكته ومانطقت كلمه
باوع عليه ثائر وگال
ورود گولي لكرستينا تحضر الضيافه
هزيت راسي بأي.
كمت اريد اروح للمطبخ اسمعها تكوله هاا ثائر بطلت م̷ـــِْن موضوعنه مو گلت فترا واجيج
ماعرف شصار بيه احس كلبي صار يدك سريع يعني يخوني وياها. ويحجي عليه يكول خاينه
طلع مسوي علاقه ويه المحاميه وانتي شعليج ورود اصلا هو ممهتم لوضعج اكيد راح يدور علئ بنت غيرج
طبه مرض خلي يحب الي يريدها اصلا ميهمني اذا حب او لا.
رحت گلت لكرستينا تحضر ضيافه الها طلعت م̷ـــِْن المطبخ ورحت گعدت يمهم عناد
شويه وجابت كرستينا الضيافه احس نفسي اختنكت م̷ـــِْن ريحت الاكل لكهوه
كمت بسرعه رحت للحمام غسلت وجهي واني مخنوكه ونفسي يضيق ماكدر حته اتنفس.
................................................
جلال.
مرر فترا علئ الي صار بين اخوي ورود الكل كاره ورود ولاشخص يحجي وياها
تگعد صبح تـصـبح علينه ماكو شخص يرد عليها ومن تكوم يصيرون يحجون عليها
اني ماعرف ليش ماكدر احقد عليها عكس اهلي وللعلم اني اقرب شخص م̷ـــِْن ثائر
كعدت صبح م̷ـــِْن وكت سبحت وبدلت نزلت اريد اروح لشغل. اسمع صوت شهكات وبچي بصوت عالي
تقدمت شفت الصوت جاي م̷ـــِْن الغرفه النايمه بيها ورود. دخلت عليها بدون مادك الباب
كانت مخليه راسها بين رجليها وتشهك وتبچي كلش انقهرت عليها حرام الي ديصير بيها
احنه تقصدنه ناخذها ونعرفها تحب وسام بس الي صار مو حلو بحق ثائر هيه مرته هسه
كعدت يمها وصرنه نحجي الي فتهمته م̷ـــِْن عدها مكان الها قصد بلي حجته بس كانت حابه تساعد صديقتها
ومن سالها وسام مجاوبته هيج وثائر سامع كلشي وصار الي صار
عفتها وطلعت واني دايخ اريد اساعدها اريد ثائر شويه يحن عليها مسكينه مخلصه يومها ڱڵـه. بجي
طلعت شغلي واني افكرر شلون احل هل موضوع شلون افهم ثائر وهو سامع كلشي بأذنه
كنت كاعد ب عياده دخلت عليه مَـرّھٌ جبيره وياها بنت شابه فحص وكشفيه وكذا. طلعت المره الجبيره تاخذ التحاليل
بقت البُـنًتٍ يمي گاعده ع كرسي تباوعلي بستغراب احسها تعرفني وعدها كلام
اكوو شي
انت مو جلال
اي ڼـعمًـْ اني دكتور جلال تعرفيني انتي. ?
ايي اعرفك اني اكون صديقت ورود اسمي ساره
اهلا بيج
ورود شلونها اتصل عليها جهازها مغلق وبعد مارجعت للجامعه صاير شي وياها
لا مبيها شي ولجامعه هل سنه مراح تدرس
ليش ?
بعدني محاجي دخلت امها وگالت يلا يمه ساره خلينه نروح.
باوعت عليه وگالت
فدوه سلملي علئ ورود كولها تحجي ويايه ضال بالي عليها حته لْـۆ شويه
انشالله.
طلعو ثنينهم واني بقيت حاير شسوي موضوع ورود شلون اساعدها
اتصل جهازي كانت دنوو
الوو
هلاوو حوبي شونك مشتاقتلك
الحمدلله انتي شلونج
اني كلش زينه صرت م̷ـــِْن سمعت صوتك.
دومج انشالله.
حبيبي جلال بيك شي احسك ضايج
ممكن اشوفج تعبان شويه
اني هسه ب جامعه تعال مر عليه ونطلع سويه تمام
تمام اخلص الي بأيدي واجيج
منتضرتك
سديت م̷ـــِْن عدها وبقيت اشتغل كملت شغلي وطلعت رحت علئ جامعه دنوو كانت كاعده ب حديقه هيه واختي ديانا
شافتني واجت علي
هاا حبيبي شبيك
مبيه شي اصعدي
صعدت ب سياره اخذتها ورحنه علئ المنتزه.
حبيبي دنوو ليوم احجي ويه امي واجيبها ونجي عليكم نحدد موعد الخطبه
صاحت بصوت عااالي
عززااااا صدوووك تحجي
ۏجـع شبيج تصيحين فضحتينه
حضنت عليه وهيه تضحك جلال ولله كلش فرحانه واخيرا راح نكون سويه
غير تكولي م̷ـــِْن وكت هسه ماكدر الحك شلبس شون اسرح شعري اوف منك جلال
بعدتها عني واني اضحك
ولج بس نجي نحجي ب موضوع مو نخطب نلبس خواتهم
ايي اعرف بس حجي بس اريد اطلع كدام خالتي حلوه ومرتبه
انتي حلوه بكل حالاتج
تقربت مِڼـّي وباست خدي وگالت انته الحلوو حياتي
سحبتها م̷ـــِْن ايدها واخذت بوسه م̷ـــِْن شفتها
هاذي البوسه الحلوه مو م̷ـــِْن خدي
عيب جلال ليشوفنه شخص احنه بمكان عام
ماكو شخص الحديقه فارغه بعدين انتي راح تصيرين مرتي يعني حلالي
بقينه نحجي ونخطط للخطبه واني مقرر ليوم افاتح اهلي بموضوع خطوبتي م̷ـــِْن دنوو امي م̷ـــِْن زمان تلح عليه
م̷ـــِْن راح اكولها راح تفرح كلش اخذتها وصلتها الاهلها بعدني امشي ب طريق اتصل جهازي كان عامر اخوو ورود
الوو هلا عامر
شلونك جلال
بخير الحمدلله انته شلونك
الحمدلله اكلك جلال ورود ماكو هل فترا جهازها مغلق امي تعبانه كلش صارلها يومين ب مستشفئ واني احاول اتصل بثائر ميرد عليه
اتصل بورود مغلق شصاير وياكم
شبيها امك
تعبانه كلش.
مابيها غير العافيه انشالله ورود جهازها وكع ب مي وحترك وثائر دائما عنده شغل احتمال ميعرف ب جهاز
هسه راح ارجع للبيت واكول لورود تجي عليكم تشوف امها.
تمام براحتكم
سديت الاتصال م̷ـــِْن عنده ورجعت للبيت واني مقهور علئ ورود م̷ـــِْن جهه الي صار بيها ومن جهه ثانيه امها المريضه وحالتها تعبانه
دخلت للبيت كان الكل كاعد ب استقبال بس ورود وثائر مموجودين
سلمت ع كل وكعدت شويه ونزل ثائر لابس ومتأنق يريد يطلع
ثائرر
نعم
وين ورود
ليش
قبل شويه اتصل اخوها عامر بيه وگال امها مريضه وحالتها تعبانه صارلها يومين ب مستشفئ
شنووو. شبيها
ولله مادري يكول صاعد عدها الضغط مدري شنوو وحالتها تعبانه
ديانا روحي صيحي ورود خليها تجي
گامت ديانا وهيه تتأفف وضايجه متحب ورود ابد
راحت تصيح ورود شويه واجن ثنينهن
حجه ثائر.
حضري نفسج وتعالي ويايه
وين
للمستشفئ
ليش شكوو
