رواية ذيب الشامخ الفصل السادس والعشرون بقلم توتة
ذيب : الووو
خنگتني العبره ماگدرت احچي شي اول ماسمعت صوته بچيت وكانو دموعي تشكيله شكدد انهضمت وانذليت بسبب هل حب
هوه عرفني م̷ـــِْن اول ماسمع صوتي واني ابچي اسمعه يسحب نفسس بقووه ويزفر
ذيب : اششش كااافي كاافي بويه لاتبجين وعيونج اسوي كلشي اگدر عليه بس لاتبچين مراح يصير شي
_ذء ذيب
ذيب : يروح ذيب
_شلونك
ذيب : موزين رباب موزين وينج عني ليش ماتخابرين وليش تحركين روحج مافكرتي شراح يصير بيه مافكرتي شكدد احبج اني وشكدد حاربت علمودج هيج تجازيني ولج ولله عقل ماضل براسي
ادري بيج انتي هم انقهرتي وضجتي بس مايصير تأذين نفسج.
_تعبت ذيب ولله تعبت ماگدرت اسوي شي ابوي رفض زواجنه رفض قاطع وحلف گال ماينطيني الك بس فهمني شسوي شلوون اتحمل م̷ـــِْن جهه انته ومن جهه ثانيه اهلي الي محاربيني ومخليني اكرهه حته نفسي
ولله ولله روح ماعندي باقيه بس جسد احس كل يوم امووت ؏ بطيء
ذيب : انه لوو اعررف ابوج شيريد جاا ارتاحيت هوه شنوو الي مضوجه مِڼـّي سامع شي احد حاجيله عليه حته اذا صدك اجي واصحح كلشي بنضره
_مادري ذيب مادري هوه م̷ـــِْن يوم الي عرف بيه اني عندي علاقه وياك گلب حياتي فوك تحت بطلني م̷ـــِْن المدرسه وحرمني م̷ـــِْن الطلعه وحته جهازي اخذو مِڼـّي وماگدرت احچيلك شي.
اخاف م̷ـــِْن يمهم يسوولك شي لأن ابوي حلف گال اذا سمعت بيوم انتي متواصله وياه اموته ومايرفلي جفن ومراح يعرف احد بيه واني ادري بأبوي يگدر يسوي كلشي وعنده معارف هواي خفت عليك لايصيرلك شي بسببي
خفت اكون سبب موتك فهمني شلوون اتقبل الموضوع شلوون اشوف اهلي يريدون يكتلوك واني اضل ساكته
تلومني لان حرگت نفسي ولله لوو تعرف بالي مريت بيه جان مالمتني بيوم.
بعد كلشي صاار حاولت ابتعد عنك وسويت حساب جنت راسمه بالي اخليك تكرهني بس حته تبتعد عن حياتي وتشوف حياتك وتنساني
بس ماستفاديت شي ماگدرت ابتعد عنك ولاگدرت انساك لحضه.
ذيب : انتي ليش ماحچيلي ليش ماگلتيلي كلشي م̷ـــِْن الآۆلْ انتي تدرين شصاار بيه لج بويه ولله تخبلت مَآعِرَفتّ شنوو ديصير بس جنت ثاق بشي واحد انو انتي
عمرج مراح تكونين ضدي ومراح تحبين غيري وبقيت متمسك بيج لحد هاذي الحضه ولطول عمري راح اضل وياج وادافع عنج ورجع واحچي ويه ابوج وانشالله يقتنع.
_لا ذيب ولله مراح يقتنع واصلا بعد متگدر تسوي شي لأن اني راح انخطب بعد 4 ايام.
ذيب : شنوو شنوو عيدي شگلتي
_ذيب حبيبي اسمعني صدكين ماكوو أمل نصير لبعض الي صاار ويانه كلش كافي ماگدر اتحمل صدمه ثانيه ماريد اشوفك وانت متأذي واكون اني السبب صدكني هاذه احسن شي راح يصير
ادري بيك تحبني واني هم احبك وانت ماسامع الي يحب يضحي واني راح لضحي بسعادتي ألاجلك ماريد يصيرلك شي واكون اني المسؤله.
ذيب : رباااااااب انتي تخبلتيييييي تريدييين تمووووتيني انتي ولججج بعددد تعبيييي وقهررري وضييييمي تجيين تگليلي اريدد اتزوج اخاف علييك
_ذيب بس خليني ..
ذيب : انجبييييي صوووتج ماسمعه ترفضين الزواااج واني اعررف شلوون اتصرف لاتخافين مراح يصير شي.
_لا مراح ارافض اني وافقت اصلا وخلص انتهئ الموضوع وقرو الفاتحه.
ذيب : قارين الفاتحه وراضيه انتي ???
بلعت ريگي بغصه ودموعي تنزل شلالات ؏ خدودي شجعت نفسي وحچيت خلص لآزٍمٍ انهي كلشي
_اي وافقت خلص ذيب الي صار صار وانتهئ شووف حياتك بدوني
ذيب : رباب صدك تحچين ?
_اي ولله هاذه العندي واجيت احچيلك حته ماتگول ضمت الموضوع عني
سحب نفسس بقووه احسه زرف گلبي م̷ـــِْن جوه ذب حسره جبيررره وگال
ذيب : ليووم بيدج كسرتي ذيبج
شهكت ودموعي تنزل خليت ايدي ؏ حلگي واني ابچي اريدد اسيطر ؏ نفسي ماگدر احاول اهدي نفسي ماگدر دموعي صارت تنزل بقوه
ذيب : تتهنين يبوي لله يسعدج.
_ذيب
ذيب : اششش كافي انتي موتكولين هاذه انسب حل ماشي سوي الي يعجبج
_سامحني
ذيب : مع سلامه
_ذيـ ...
سد الجهاز بوجهي انفجرت بس دموعي صرت ابچي بصوت مسموع اجت مريم حضنتني وصارت تبچي وياي وتواسيني احس ليووم اصعب.
مر عليه بكل حياتي ممدمره هيج گلبي احسه طلع من مكانه كلامه خلاني انكسرر اكثرر ليووم بيدي دمرت حبي
دمرت حبيبي كسرت گلبه خرب كلشي بحياتي ماتهنيت لحضه بعمري خلصتها ڱڵـه. قهر وحزن احس اني الوحيده بهاذه العالم تتجمع المصايب بس عليه
حياتي صارت عباره عن اختبارات وقهر وحزن يوم بعد يوم اني ادمر وامووت الف مووته.
بقيت تقريبا ساعه كامله ابچي واشهك واريد اجر نفس ماگدر
مريم : كاافي فدوه راحت عيونج راح تموتين شبيج
_اااااخ يارربي موووتني وخلصني تعببببببت ولله تعبببت
مريم : اششش كافي لايسمعوج
_خلييييهم يسمعووووني هوه كل ضيييمي منهم دمروو حيااااتي
مريم : انتي موو الي ختاريتي هل زواج ورضيتي اسكتي بعد هاي قسمتج ولازم تتقبلينها
_عبااالج راضيه بأرادتي لجج خووف علييه خاايفه من نهايه هل قصه اخاف اخسرره لأبد ؏ اقل اذا تزوجت أمن عليه مايصيرله شي بسببي
مريم : لله يكون بعونج
خليت راسي بين رجليه وبقيت انوح وابچي ومريم گاعده يمي تسكت بيه اندك باب الغرفه
مريم : الباب يندك افتحه ??
مسحت دموعي وگمت م̷ـــِْن مكاني رحت فتحته جانت مروه تطك بعلجها
مروه : يلا عيني صارلجن ساعتين بالغرفه العالم وصلو تگول بيبي خليها تسوي عصير وتجي تضيفهم بعدين شبيه وجهج
مگلوب كلاب وعيونج طافيه م̷ـــِْن البچي شنوو ماخذينج للحرب راح تزوجين حالج حال البنات كاافي تدلعين علينه
غمضت عيوني بقهر هاي شافين من يگولون الجرح الي بغيرك شدخ ماتدري بقهري وضيمي وباقيه تمسلت لوحدها
هزيت راسها الهاا بـأي وسكتت درت وجهي ؏ مريم تباوعلي بنضرات قهر
عفتهم ورحت للحمام غسلت وجهي ورحت للمطبخ سويت عصير عيوني احسهم طالعين من مكانهم نااار بيهم ومنفخات
عدلت شاالي ورحت عليهم الاستقبال دكيت الباب ودخلت جان الكل گاعد ومندمجين يسولفون م̷ـــِْن دخلت صارت كل الانضار عليه قصص وروايات عراقية
الولد كاعد صاار يباوعلي بهدوووئ نزلت راسي سلمت ودخلت ضيفتهم واحد واحد
وصلت اله الصينيه بأيدي ترجف الاكلاص يهتز لزم ايدي شمرت الصينه طاحت بحضنه
شهكت بيبي وامه هوه گبل كام صاار وجهه احمر مبين ضاج بس ماگدر يحچي شي
الحجيه : ياا ياا سم لله شمالج حبوبه دمرتي الولد
_ءاسفه ولله مقصدي
ثائر : عادي يابه مصار شي بس دليلي ؏ مغاسل انضف القميص
الحجيه : اخذي خلي يغسل
هزيت راسي بأي طلع كدامي رحت وراه دليته ؏ مغسله قريبه من تواليت الي بالساحه
ثائر : بيج شي ?
_لا ليش
ثائر : جسمج كله يرجف مريضه شنوو
_مابيه شي هاي المغسله اني رايحه
درت وجهي لزم ايدي سحبت ايدي منه بسررعه واني ضااايجه
ثائر : اعصابج شبيج
_لاتمد ايدك بعد مفهوم بعدك ماصرت زوجي هل تصرفات عيب وحرام
ثائر : اني اسف واعتذر بس لأن شفتج ترجفين عبالي بيج شي واذا ضايقج هل موضوع لاتحجين عادي
عفته ورجعت دخلت للبيت مالي خلك حته اتجادل وياه ويني وينه كارهه حته روحي لان فضلته ؏ ذيب وكسرت خاطره.
__________________________
ذيب.
دزيت عليها مريم گالت اروح عليها واخابرك بقيت منتظر منهاا خبرر
گاعد ؏ نارر احس كل مافكر بالموضوع عقل مايضل بيه اموت واعرف ليش ابوها رافضني ليش الاهل من
يعرفون بتهم عدها علاقه بتحاربون وياها زين الحب شبيه لاحرام ولاعيب ليش ناس رافضه تتقبل هل فكره وتبطل توكف بقسمت كل ثنين يحبون بعض.
گاعد بالمكتب والف فكره شاغله بالي اتصل جهازي جانت مريم جنت اصحح بأوراق ماگدرت افتح م̷ـــِْن اول اتصال
رجعت اتصلت فتحت عليها الي صدمني مجانت مريم جانت حبيبتي رباب صوتها اميزه لْـۆ بين الف بنيه اعرف حته انفاسها من تتنفس
احس روحي تكطعت الف مره م̷ـــِْن اسمعها تشهك بالجهاز وتبچي ماتگدر حته تحچي صوتها متغيررر ومبحوح
ضاهر باچيه هووواي ومتأذيه م̷ـــِْن اهلها صارت تحچيلي ؏ الي مرت بيه وشلوون حرگت نفسها لأن مدمره نفسيتها
عائلتهه الي حـرام ولله اگول عنهم عائله واكفين كلهم ضدها ومجزعينها عيشتها
مادري شنوو هل ضلم الي عدهم ماترف گلوبهم عليها مادري شلوون يگدرون يبچونها اني اسمع صوتها تبچي انتهي
گالت اخذو جهازي مِڼـّي مهددينها يكتلوني هيه م̷ـــِْن نووع خوافه كلش تخاف م̷ـــِْن كلشي
بحيث اذا شخص يحچي أي شي يمها تخاف وتصير ترجف
گالت راح تنخطب م̷ـــِْن حچت هل كلمه سجين وخلتها بنص گلبي
يعني تخيل من تكون راسم كلشي بالك واحلام هوواي وينهدم كلشي بلحضه بهل لحضه صاار هيج بيه احس كلبي تكسر الف مَـرّھٌ
جانت تحچي وماتفكر بكل كلمه تحچيها جاي تحرگ روح ذييب.
ذيب الي ضحه بكلشي علمودها نزل نفسه للناس وطخ راس الهم رجع وتوسل وحاول اكثرر م̷ـــِْن مره لخاطرها
بس هيه ماقدرت كل هل شي وراحت وافقت ؏ زواج ونست كلشي صاار بينه سديت منها واني احس روحي تريد تطلع.
ماعرف شنوو الي خلاها تاخذ هيج قرار وتعوفني خلتني اكرهه كلشي.
خليت اديه ؏ راسي واني احاول اهدي نفسي
كافي ذيب خلص هيه الي ختارت هل طريق لاتذل نفسك اكثرر من هيج من اليوم مراح اخليها تسمع شي عني ولاتعرف شي عني.
غمضت عيوني بقهر حسيت نزل شي ؏ خدي مسحت خدي شفت دموع
_ذيب تبچي عليها معقوله !!!
عمري مابچيت ؏ شخص ولاحسيت بالضعف والكسر عافوني اهلي واني بعمر صغير عشت بالشاوارع وشفت الضيم
ومانكسرت ولابچيت بيوم ليوم بعد كل هل عمر والتجارب الي مريت بيها ابچي ?
هيج الحب يدمر الواحد ويكسر گلبه لْـۆ بس حبي اني هيج ليش من غير كل البناات گلبي ختارها هيه ليش مانطوها الي
ابوها ليش رفضني كل الافكار تجمعت براسي احس راسي صار عباره عن بركان شمرت كلشي ؏ مكتب وفلشت الاغراض الموجوده
اريد يبرد كلبي ماكدر دفرت الكرسي برجلي كسرته بقيت اروح ورجع واني اتنفس بغضب
_بسيطه ذيب بسيطه انت تعرف شلون تتصرف وياهم خليهم ياخذوها بس حسابهم يمي.
اندك باب المكتب ..
_تفضل
حسام : شنو هاذه الصوت الي طلع م̷ـــِْن المكتب عبالي صار انفجار هنا شبيك صاير شي
_وعليكم سلام
حسام : هههه يمعود ولله خفت عبالي صارلك شي
_ماكوو شي ضجت وكسرت. كلشي موجود من اطلع اريد كلشي راجع لمكانه
حسام : لا ولله انته عليك تكسر وتفش خلكك واني اجي ارتبلك
_اي وانت الممنون
حسام : هههه لا هيج هواي عليه
_يلا عدي شغل طالع ماوصيك تنضفلي المكان لْـۆ تصيح واحد م̷ـــِْن الولد يساعدك
حسام : ماشي
عفته وطلعت صعدت سيارتي وسقت بقيت ادخن واتذكر كل لحضه مرت بيني وبينها
زياره "
مدرسه "
لقائنه الآۆلْ "
الخطبه ''
كلشي اجه ؏ بالي شغلت اغنيه شكثر مشتاگ لو تدري
شكثر مشتاگ لو تدري ..
شكثر مشتاگ ياعمري ..
ابوس عيونك الحلوات ..
واضم صدرك علئ صدري ..
قطع تفكيري اتصال من ابوي ستغربت شعجب متذكرني ليوم اكيد عنده شي
سحبت نفس طويل بقهر وفتحت خط عليه
ابو ذيب : الوو ذيب شلونك
_هلا يابه الحمدلله زين انته شلونك
ابو ذيب : زين .. وين انته ?#ڪــڔٰا̍ڕ
_بالدوام ليش صاير شي امي بيها شي
ابو ذيب : لا مابيها شي وحالتها زينه بس خابرتك اريدك تجي صارت عدنه فاتحه واريدك تكون موجود وياي
_ليش ولدك وين بس اني موجود
ابو ذيب : رياض طلع بشغل خارج العراق وليث بعده صغير تعال انته راح اضل منتضرك نروح ونرجع يوم واحد
_ماشي وين صايره الفاتحه ?
ابو ذيب : بيت ***
_هاا لله يرحمه اني هسه طالع باجر الصبح اكون يمك ونروح
ابو ذيب : ماشي لاطول عيب منهم صار يومين ؏ فاتحه.
_انشالله ..سلملي ؏ امي
ابو ذيب : يوصل.
سديت من عنده وكملت سياقه وكفت سيارتي قريب من بستان نزلت اتمشه بيه وادخن گعدت ؏ طرف شجره مكسوره وبقيت ادخن
اتصل جهازي رفعته شفته رقم مريم صديقه رباب توقعت رباب رجعت تريد تحچي وياي فتحت خط بدون ماحچي شي
مريم : الوو ذيب
_هلا
مريم : شلونك
_زين
مريم : ادري الي صار وياك صعب كلش انو تعوفك حبيبتك وتختار شخص ثاني بس لاتشيل بگلبك عليها هيه هم تحبك ولله بس قسمتكم موو سويه
وانته لآزٍمٍ تتقبل هل شي لان لمصلحتك ومصلحتها اذا تبقون سويه راح تتأذون لان هيه اهلها رافضين موضوع زواجكم
وابوها دائما يهدد بيها ومكرها عيشتها فأ لاتلومها لأن هيه مابيدها غير هاذه الحل.
_اي خليها براحتها
مريم : هسه انته وين ?
_ليش
مريم : هاا ..هيج بس سالتك لان بعد الي صار اجه ؏ بالي تسوي شي بنفسك
_لا يابه مو طفل اني اعرف شلون اتصرف لايضل بالج ..رجعتي من يمها
مريم : اي قبل شويه رجعت اجه خطيبها وراحت تشوفه وتكعد وياه
_خطيبها ???
مريم. : اي اجه هوه واهله حته يشوفونها ويقطعون المهر وياخذها يشتريلها حلقه
سحبت نفس بقهرر واني اتخيل هل لحضه م̷ـــِْن زمان الي اني وياها معقوله هيج احلامي تتحطم وتروح م̷ـــِْن ايدي
مريم : الوو ذيب تسمعني ?
_اي وياج ..وهيه راضيه
مريم : اي راضيه
_ماشي
مريم : يلا اخذ راحتك واسفه. ؏ كلام لأن ضوجتك بس هاذه واقعكم ولازم تتقبل قسمتك موو وياها فكرر بنفسك
مثلها هيه هسه فكرت بحياتها وكملتها انته هم كمل حياتك
_الله كريم
سديت منهاا واني اتذكر كلامها من گالت خطيبها احس ضربتني ؏ راسي
ستغفرت ربي وكمت رجعت لسيارتي وسقت رجعت للمركز كملت شغلي ورحت ؏ شقه
ثاني يوم م̷ـــِْن الصبح طلعت لصلاح الدين حته اشوف ابوي ونروح للفاتحه الشوارع مسدوده بوقتها زياره ومشايه قاطعه كل الطرق
امشي ؏ كيف لان ازدحامات اتصلت بابوي كال راح انتضرك ؏ شارع العام #ڪــڔٰا̍ڕ
مشيت ؏ مكان الي وصفلياه بس طولت منا لاحد ماوصلت للمكان
وصلت تقريبا ساعه بـ 1 الظهر شمس تحرك حرگ وكفت سيارتي ؏ رصيف ونزلت من سياره بقيت اباوع شو ماكوو ابوي
معقوله بعده ماواصل اتصلت بيه ماكوو جهازه مغلق
رجعت وكفت يم سيارتي انتضره ماكوو
اتصلت بيه اكثرر م̷ـــِْن مره ماكوو جهاز مغلق اتصلت ؏ اخوي ليث
_الوو
ليث : هلا ذيب
_اكلك ابوي موو گال اكوو فاتحه صارلي ساعه واكف بالشارع شنوو وينه شو طول
ليث : شعجب ماوصلك من صبح طلع
_وينه اذا من صبح طالع صارلي ساعه واكف ماكوو
ليث : اوكف باله خليني أسال امي يمكن تعرف وين راح
_يلا بسرعه شمس طيحت حضي
ليث : ضل وياي هسه أسالها
_ماشي
راح يحجي ويه امي اسمعه يسألها عليه تگله طلع صبح وگال راح ياخذ ذيب وياه ويروح للفاتحه وبعد مادري بيه
ليث : هاا ذيب سمعت امي شگالت
_جاا .. وينه خاف صاير شي وياه شوكت طلع هوه
ليث : مادري ساعه بـ 8 الصبح تقريبا
_ولككك جااا وينه م̷ـــِْن صبح طااالع وهسه راح تصير ساعه بـ 1 وهوه ماكوو
ليث : اخاف صار بيه مثل خالي ??
_انجب حيوووان شنوو مثل خالي ليش هوه عنده عداوه ويه احد واني مادري
ليث : اي عده هوواي عداوات انته موو تدري بطبيعه شغله شنوو وشلوون حياته 24 ساعه مهدده للخطر
_خرب شرفك وليش ماتحچون هسه وين الگاه معقوله كتلو ?
ليث : ولك اسكت لاتسمع امي اله تقوم القيامه هناا انته وينك هسه اني جاي عليك ندور عليه سويه
_منطقه ** واكف ؏ شارع العالم لاطول خلينه نروح للمركز نتعقب مكانه بلكي نلگله شي
ليث : تمام شويه واكون يمك لاتروح لأي مكان لاحد ماوصلك
_ماشي
سد م̷ـــِْن عندي بقيت حسبه تاخذني وحسبه تجيبني معقوله كلام ليث يطلع صح ويروح ابوي مثل خالي الي. ماوكفنه عليه لاحد هسه وماعرفنه شي عنه
ميت عدل كلشي ماعرفنه ولله اذا تطلع صدك امي تتخبل رسمي هيه كلشي ولابوي تموت عليه.
ياربي دخيلك شهل مصايب الي تجمعت ؏ راسي شوكت ارتاح م̷ـــِْن هل اهموم والتجارب.
بعد ساعه كامله وصلني اخوي ليث
ليث : سلام عليكم
_وعليكم سلام
ليث : مَآعِرَفتّ شي
_لا ولله كلشي مَآعِرَفتّ صارلي اكثرر م̷ـــِْن ساعتين واكف هناا خابرت عليه اكثرر م̷ـــِْن 10 مرات مغلق جهازه
ليث : ولله خايف يكون صايرله شي واحنه گاعدين ومانسوي شي
_امشي خلينه نروح للمركز
مشينه نريد نصعد بالسياره اتصل جهازي جان رقم ابوي وكفت وصحت ؏ ليث
_اووكف هاذه ابوي يتصل
ليث : يالله
فتحت خط عليه اجاني صوت موو صوت ابوي يختلف كال
مجهول : الوو ..هاذه رقم ذيب ?
_نعم منوو وياي ?
