رواية عشك الشاهيين الفصل السادس والعشرون بقلم مجهول
ضليت صافن بعيونه هاي العيون الي بيوم جانت تبدي وتنتهي حياتي بيهن ههه شلون قدر حلو وجميل رجعت الي برجليه هيه بقت مصدومه من شافتني اقتربت منه هواي صح اني زعلان بخصوص خطبته الي اصلا ماجابتلي طاري عنه وزعلي احتمال يطول لان بسبب اخفاء هل شي عشر سنين اني دافن روحي بالحياة..قصص وروايات عراقية كرار صلاح
وهذا الحقير الي وهمني بينهم شي لو باخر الدنيا أجيبه واشرب دمه هيه من صرت اقترب منه ارتبكت ورجعت ليوره طخت بالحايط حصرته بيني وبين الحايط دفنت راسي بركبته اووووووف يا عطره كتله
شاهين
غرامي
من حجيت هل كلمه رجف جسمه صرت اسمع دكات كلبه كتله. واني اعرف شنو تاثير هل كلمه عليه
شاهين
غرامي شميني
غرام
الجهال موجودين بالغرفه ماريد اطبع راشدي على وجه عمهم اصحي عله وكته ابتعد عني لا انسه احنه مو وحدنه للغرفه
من كالت هيج عرفت مو بسهوله راح ترضخ الي رغم تاثيره بيه حاوطته من خصره كل قوتي ردت اكسر عظامه بقبظتي وكتله
شاهين
شميني
حسيت اديه الي جانت تدفع بيه بقوه تتلمس ركبتي جنت اشتم عطره مثل الغركان ويريد الهوى جنت مستبعد كل البعد انو ممكن تاذيني ماحسيت غير اظافره انغرزت بلحمي عبالك سجاجين تجرح بركبتي
رغم الألم الي حسيت بيه بس ماتركته. همست باذنه
شاهين
اريد طريقه غير هاي تحسسني خسرت غرامي هذا الي سويتي اني اعتبره إفشاء غضب مو اكثر
غرام
زواجي بعد اسبوع
من كالت هيج احس كلشي بجسمي ارتخه وبرد لا مستحيل الحبيته صادقه وفيه ماتعرف تخون غرامي تحب حب عباده صفنت بعيونه وأحس اني جبل الجليد كمت ماشوف عيوني اني انملت دموع بس اريده تحط عينه بعيني ماكو عافتني وراحت شالت ابن اخته وشمته كل قوته بهل الأثناء. دخل صگر ومرام
اني جنت فاصل كل جزء بيه احس بمكان ماكدرت ابقه اكثر. شكد جنت عدي امكانيه اخفي مشاعري بس هل مره لا مستحيل
عفتهم وطلعت رجعت للبيت الساعه ٤:٣٠ الصبح صعدت لغرفتي شفته كدامي
لا مستحيل هاي شلون صعدت مستحيل تكون شافت هل غرفه جانت تباوع لصورته الي معلكه عل حايط جانت بوستر جبير. من شافتني كالت
غرام
هاي الصوره شسوي هنانه
جنت صافن بيه شلون شسوي هنانه. اتذكرت من بحضني وكالت عرسي بعد سبوع رحت امشي باتجاه الصوره شكيته وكتله
شاهين
ماعدت اكو صوره خلص
ذبيت الصوره بالكاع. هيه صفنت عليه بس جنت اشوف كلشي بيه متغير يعني هاي الكدامي مو نفسه ذيج الي جانت نبضات كلبي. شلون يهون عليه تسممه باسم واحد ثاني شلون
كل مشاعر الألم والغضب الي جانت مستوطنه بيه رجعتلي نفسه ذيج الاحاسيس من جنت تخيله. بحضن غير ذكره بؤسه جهاد اله جانت واكفه بيني وبينه كتله
شاهين
اطلعي برى غرفتي
غرام
ليش اليوم يله شكيته
شاهين
تعرفين شلون طلعين لو اطلعج
عافتني وطلعت كسرت كل شي بهل غرفه كلشي جان بيه هو خاص بغرام كلشي يذكرني بيه
الصبح صاحوني عل ريوك من ردت انزل سمعت مرام تكله هذا احسن قرار اختاريتي جهاد يستاهل يكون وياج.
أخذي الي يحبج. مو الي تحبينه. اسألي مجرب هسه اني صگر لان يحبيني مستعد يضحي بروحي
كملن طريقهن هههههه يعني نفسه هو الي خسرته بسببه كدر ياخذه
بس لا حلم بليس بالجنه أخليه يربح عليه حتى لو خسرت غرام ماراح اخلي يربح عليه
نزلت. وراهن طبعا غرام اصلا متجاهلتتي ولا كانو موجود اني جنت أوجه الشباب علمود اليوم خطبه الفهد ومريم. اني روحي طالعه وصگر ينعثل
شاهين
قسما بالقرءان الكريم اذا أحط واحد منكم براسي انسي حليب امه جر عدل صگر. لا اطيح حضك
صگر
خلص شاهين هاهيه مثل متريد
فهد
بس شاهين لازم ......
شاهين
الي عندي كلته حرف واحد زايد هاي الخطبه كله تلغي سمعتوني.
شيخ مظفر
هدي جدي هدي خلص كلشي يصير مثل ماتريد بس هدي
ام علي
يمه فدوه اروحلك شبيك هدي شويه اخوتك مايخالفون رأي الك.
صكر راد يلطف الجو لان شاهين بي شي هو ويعصب هيج دون سببب كاله
صكر
عمي مو بس انفذ أوامرك عمي احنه نطلك نسوانه لأجلك مو فهد
فهد
طز بمريم والعرس. كلشي ولا خاطر الشاهين
مريم
اي والله طز بفهد وعرسه يروحلكً فدوه فهد والعرس. اهم شي ضحكتك. شيخنه
فهد
هااااً ست مريم هيج صارت. اريد اشوف منو اليوم يكول نعم اقبل بها زوجه
مريم
ههه علساس هو بكيفك شايف من الشيخ شاهين يرفعلك تك حاجب. عود ذاك الوكت ارفض
شاهين
هههههههههههههههههههه هههههههههههه لا عمي يروحلج فدوه هو شلونه فهد عاد. غصبا ماعليه يكول نعم وهو المنون
فهد
بختج الشاهين يحبج والله عله ضوجته مال اليوم لوجنتي غير وحده جان كال. ماكو خطبه
شاهين
لا شنو القضيه
فهد
خهههههه اي اذكرك من كلت لصگر ماكو عرس
صگر
ههههههههه خرب بوكته الدنيا سودت بعيني
مرام
ليش
صكر
هههههههه غير جان قافل عرس ماكو وتعوفه لهاي البغدادية والصراحة بوكته سالفه عرسنه جان ميؤوس منه بس الحمد لله من شايفجً مدري شحاجيتله اجه كال العرس بعد سبوع
علي لا هيه الحلوه من صكر عود جان مفكر يحجي ويه جدي هههههه علساس مايعرف شاهين...قصص وروايات عراقية كرار صلاح
هههه الكبسه جانت من جدي كاله الشاهين من يصدر امر يتنفذ
جان الكل يحجي واني اباوع عله غرام شلون مركزه وياها. وخاصه من صگر يحجي عرفت اكو شي وسالفه ( انطلك نسوانه اذا كال طلكو) عجبتني وحبيت استغله بهل سالفه.
اني مستحيل اطلب من واحد منهم يترك مرته لو ادري حياتي عليه. بس اني الج غرام
اني صعدت بدلت ونزلت عدي اني وجدي كعده ولازم انروح جنت أوجه بالشباب حتى وره صلاة المغرب. نعقدلهم انتبهت على غرام صافنه بيه. من شافتني اباوع عليه عافتني وكامت طلعت للحديقه. كتلهم اني شويه واجي
رحت لكيته. صافنه بالزرع
كتله
شاهين
راح اكل لامي تخطبج الي وأنتي مثل الحبابه راح. توافقين
غرام
آه والله هواي متفائل بابا انته شتحجي اكله عرسي بعدله اسبوع يكلي اخطبج
شاهين
كيفج عرسي اني وأنتي. لو طلاك مرام وصكر. وأنتي كيفج
غرام
هاااا انته شتحجي شاهين شبيك تخبلت هيه بكيفك. يتطلكون
شاهين
القرار قرارج. وإذا حابه جربين كلامي. صح او خطا ارفضي ترى اني ماجبرج على شي
كلت هيج وعفته وطلعت. واني اشوف ارتباكه ورعبه من الحجيته.
غرام
شاهين عشك سنسن عمري هو مثل الدم يمشي بجسمي بس مستحيل اخظعله مره ثانيه زين ادري بيه. يعرف شكد هو يأثر عليه. لا هههه يريدني اشمه حتى. ينتهي كلشي بيه احسه أصابعه راح تخترق جسمي حاولت أبعده. صح جرحت ركبته بس احس الألم بيه
بس هو جان صامد ولا كانو. الدم صار ينزل من ركبته كتله عرسي بعد اسبوع حتى يبتعد. وصح مثل ماجنت متوقعه. بس رد فعله الصراحه صدمني. يعني الي شفته منه. وكان شاهين القديم وكتله هيج خبر مو شاهين الي عافني وتركني دون سببب دون مبرر. دخلو مرام وصكر. مرام من شافتني شبعت بجي. وهيه بحضني وراها
بفتره نزلت للمطبخ. سمعت العاملات يحجن وحده اتكل الثانيه ( والله هيه هاي نفسه. من ذيج المره كتلج. بس ماصدكتيني بس هيه والله أخت ست مرام هيه نفسه الي مخلي. الشيخ شاهين صورته شكبره بغرفته )
من كالت هيج الصراحه استغربت والفضول كتلني. اريد اعرف اني المقصودة لو شخص غيري.
ههههه صرت اتخيل انو ممكن. شاهين دخل حياتي لان اني جنت اشبه وحده جان يحبه
الدراما الهنديه حيل صعد معدله بدماغي اخر شي من نام الكل. وتأكدت. هو ماموجود
صعدت جان الطابق الثالث عباره عن سويت كامل خاص بالسلطان شاهين. شهل غرور دون اخوانه ماخذ طابق كامل. دخلت لغرفه نومه اباوع متروسه اشياء جانت تخصني اني. وياه يعني هل غرفه يمكن بيه كل ذكرياتنه وهل صوره اي صورتي ضليت صافنه. اذا صدك حبني ليش هيج سوه بيه بس الي فهمته من خلال كلام اهله. الي دائمن يحجونه اني مو الشخص المناسب اله. جان شخص ثاني بالي بس كلبه حبني بس هذا. مو كافي حتى يزوجني ويكمل وياي
بهل اثناء هو دخل الحقير شك الصوره كدامي وشمره بالكاع وطردني ههه مفضل عليه شكد مكروه وراها سمعت صوت تكسير اكيد كسر كل ذيج الاشياء
اني حتى أبعده عني سولفت لمرام انو راح ازوج جهاد حتى خاف يسال احد يتأكد ومنا لحد مارجع لأمريكا عود ابرر جذبتي.. قصص وروايات عراقية كرار صلاح
الصبح جان الكل يتريكون هو نزل اخر واحد بس ماعرف ليش احسه صاير احله من قبل بميت مره
بس هذا غير شاهين الي اعرفه شهل جبروت الي عنده وليش هيج الكل يتمنى بس رضاه واصل بيهم يطلكون نسوانهم لخاطره.
جنت اشوف شكد مرام سعيده ويه صگر وحياته حلوه معقوله. ممكن بسبب كرهه الي ياذي اختي
جنت كاعده اني وأمه الي هيه إنسانه الطف منه ماكو شلون هذا ابنه مادري
نزل هو. هاي اول مره اشوفه بهل شكل بهل هيئه
شهل هيبه والشخصية. شاهين جان شخص يجبر المقابل يعترف بهيمنته وسلطته وحضورهه.
نسيت نفسي. واني صافنه بيه هذا الرجال الي ملكني بما عنت كلمت التملك
انتبه من رفعلي حاجبه بمعنى شبيج
عفته وطلعت
اوووف ربي من هل رجال
جنت سارحه بفكاري وفززني صوته ورعبني كلامه من جنت ملكه واله. عافني بكل سهوله. وخلاني أضيع واكره شي اسمه حب
ليش هسه. منكدرت اكمل حياتي وهو موبيه بعيده عن أذيته. وخداعه ومكره. رجع يريد يكسرني من جديد.
زين اعرف شاهين يكدر يسوي. اي شي خاصه اليوم الصبح كلامه. وأسلوبه. وتعامل اخوته وياه اكبر دليل على انو هو يكدر يسوي اي شي خاصه مرام تكون اختي يعني ابسط حركه يسويه يطلعه برى هل بيت.
طول اليوم واني اباوع عله مرام وابنه وصكر عالمهم حلو ولطيف. يشع محبه وعطف حياة هادئه بعيده عن كل الاشياء الموجودة بحياتي
بيوم من الأيام مرام خسرت هواي والسبب اني. هم راح أخليه. تخسر اكثر
معقوله اني بهل انانيه.
ههه اقبلي غرام وسكتي شراح يضيف رجوع شاهين لحياتج. اكثر من هل عذاب ماكو
جنت كاعده ويه الكل بس اني مو ويه احد صافنه بفراغ الكل فرحان ناس تركص ناس تهوس واني مثل الصنم عقدو ودخل فهد يلبسه الذهب. طبعا فهد شاب كلش لطيف وحنون ومبين حبه الواضح لمريم. احسه طاير بيه وراها تقريبا راحو اغلب الناس بقت بس عمتهم وبناته مبين عليهن لطيفات. سلمن عليه وتعرفن عليه جنت احاول اختلط بيهم
بس مجرد ما سمعت وحده بيهم. تحجي بجمال شاهين وهيبته لا والحلوه حاطته براسه لو هو لو هو. حسيت روحي اختنكت شلون راح اكدر اكمل بهل طريقه. يارب الكالي حل خلصني من هل زواج
عفت الكل وصعدت للسطح اذكر. مره مريم كالت اكو كعده مسوينه فوك
جنت منهاره احس كلشي ضدي ماعرف شكد بقيت. ولا حتى شوكت غفيت ماحسيت غير على صوت واحد يكعد بيه
