رواية الطالبه والضابط الفصل الخامس والعشرون بقلم توتة
"أحسِن الاختيار لنفسك، انتقِ ما تسمع وما تقرأ، ما
تأكل وما تشاهد، من تُرافق، مع من تتفاعل، ومع من تصرف وقتك وطاقتك، سلامك أولويتك، راحتك
أغلىٰما تملك، إن ما يدخل لحياتك يترتّب عليه أمورًا نفسية وجسدية فوق ما يتخيل الإنسان ويعتقد. أصلِح داخلك وخارجك."
«اتمنئ لكم مشاهده ممتعه. ❤️»
**************************
نارين.
"أُخبئ لكِ حُباً ، ولو أنَّ الحُب يُرىٰ ، لرأيتِ في قلبِي مدينة لكِ ...
مر يومين علئ سفره أبوي الاربيل وليوم يرجع. ضرغام طول هل يومين ماتواصلت وياه ماريد اعود نفسي عليه
بس اني بداخلي ميته عليه واريد احچي وياه دائما الزم جهازي واريد اراسله بس اتراجع.
هوه هم ماراسلني ولاسأل عني.
صرت اضوج كلش بدونه احس نفسي تعودت عليه احچي ويه اخته سحر مرات و بالصدفه تحچي عنه
كنت بلمدرسه اتصل جهازي كان السايق.
الوو هاا عموو
صلاح / بنتي نارين اني رايح اجيب ابوچ م̷ـــِْن المطار ارجعي ويه صديقتج منارس للبيت.
_ اوك عمو بس يخلص الدوام ارجع وياها.
سديت م̷ـــِْن عنده ورجعت للصف مرر اليوم طبيعي دروس وامتحانات قربت تخلص نصف السنه.
_اگلج حبي ليوم ارجع وياج للبيت عموو صلاح مراح يجي ياخذني
منارس / تمام حبي هسه اتصل بأاحمد واخلي يرجعنه
خلص الدوام وطلعنه اني ومنارس برا المدرسه كان بوقتها تضاهرات وناس كلها تمشي بالشوارع.
منارس / اگلج شنوو سبب هل تضاهرات.
_ولله ماعرف بس ناس تريد حقوقها وتضاهر اكثرر شي شباب الجامعات شوفي شلون يتعبون ويتخرجون وتالي ماكوو وضايف.
منارس/ تعاي خلينه نتمشئ وياهم بين مايوصل اخوي احمد.
_لا وين رايحين خلينه منتضرين اخوج لايصير شي
منارس / شبيج خايفه شراح يصير يعني ناس كلها متضاهره خلينه بس ناخذ صور ع اقل انزلهم علئ الانستكرام.
_انتي عندج اهم شي المضاهر. اكعدي وسكتي لايصيرلج شي
منارس / اني رايحه انتي ابقي هنااا.
_ولي يلاا. بس يجي احمد اكوله عليج
منارس / مايخوفني احمد يلا بباي.
عافتني وراحت تتمشئ ويه المضاهرين وشايله علم عراقي وتصور اني بقيت واكفه مكاني
اتصل جهازي كانت سحر اخت ضراغام.
الوو هلا سحر
سحر / هلاو نارين شلونج حبيبتي
_ بخير انتي شلونج اهلج شلونهم
سحر / بخير الحمدلله اشو ماكوو مختفيه هل فترا صايره ماتسألين.
_ولله هل فترا عندي امتحانات ومشغوله اعذريني انتي شخبارج حضرتي تجهيزات عرسج.
سحر / تقريبا بعدني بس اتشريت ذهب بعدني ممشتريه ملابس
_اذا تحبين تعالي لبغداد اخذج الاحلئ موول هناا منزل ملابس تخبل
سحر / ياريت ولله بس منوو يجيبني عليج
_خلي ضرغام يجيبچ علينه ونروح اني وياچ
سحر / وين ضرغام مريض صارله يومين بالفراش
_شنووووو شبيه ????
سحر / وانتي شبيج اخترعتي. ?
_هاا لا بس استغربت شبيه ليش بالفراش صاير شي وياه.
سحر / حرارته مرتفعه نگوله روح للدكتور يگول مابيه شي وهوه حته مايگدر يوكف علئ رجليه
_مابي غير العافيه انشالله خلي امج تقنعه يروح للدكتور. هيج راح يتأذئ اكثرر
سحر / ولجج انتي ماتعرفين ضرغام عنودي مايسمع كلام شخص.
_بسس المرض مابي عناد ناس تريد مصلحته.
سحر / شنسويله هوه مايرضه خلي براحته كم يوم ويرجع طبيعي.
_شلون تحچين هيج ولجج هاذه اخوج
سحر / هسه اني شبيدي عليه گايلته لايروح اشوو گاعده يمه واسويله كمادات وحته توسلت بيه يروح للدكتور ماقبل
_اممم. اوك حبي اني هسه رجعه للبيت م̷ـــِْن اوصل نحچي.
سحر / ماشي حبيبتي دير بالج ؏ نفسج.
سديت م̷ـــِْن عدها واني ضايجه ومقهوره علئ ضرغام ياربي شجاه ليش هيج مريض اتصل عليه.
اخاف اتصل وترد عليه مرته شراح اكولها اذا ردت هيه. ميهني اريد اطمأن عليه
لا نارين اهدي لآزٍمٍ متخلين مشاعرج تسيطر علئ عقلج.
بس هوه اهتم بيه م̷ـــِْن كنت مريضه وماعافني لوحدي علئ الاقل لآزٍمٍ اطمأن عليه
بقيت حايره بين اتصل او لا احس گلبي صاار ناار عليه شويه واجت سياره احمد اخو منارس
احمد / سلام عليكم
_وعليكم سلام
احمد / منارس ماطلعت شنوو.
_هاا لا بس راحت ويه المتضاهرين
احمد / شنوووو !!!!
_ولله منعتها ماتروح بس هيه ماسمعت مِڼـّي وراحت وياهم.
احمد / يلا اصعدي خلينه اشوف وين راحت
هزيت راسي بأييي
وصعدت وياه بلصدر ساق وراح علئ المتضاهرين مالگينه منارس دورنه المكان كله ماكوو فص ثلج وماع.
نزلنه ثنينه وبقينه نسأل وندور وماكوو
احمد / يالله وين راحت
_معقوله انخطفت ??
احمد / منووو يخطفها وليش هيه شمسويه
_مادري ولله بسس هيج خطر علئ بالي يعني وين راحت بهل ضهريه
احمد / خليني اتصل عليها بلگي ترد
بقه اخوها يتصل عليها ويدور واني كذالك ادور شويه وشفتها گاعده علئ كرسي وتصور بأيدها
رحت بسرعه عليها وضربتها علئ كتفها
_حقيررررره صااارر ساعه ندور عليچ بهل شمس وانتي گاعده هنااا عبالي انخطفتي صااارلج شي
منارس / اوووي شبيج نارين وجعتيني.
_وسم حته سم گومي اخوج متخبل صااارله ساعه يدور عليج.
منارس / شبيكم ترا اني موو طفله حته تخافون عليه.
_لججج انتي شنوو متشوفين الدنيه مگلوبه ماتخافين علئ نفسج
منارس / ماكوو شي يخوف الوضع أمان
_اني رايحه للبيت ابقي انتي انشالله تنخطفين وتعرفين شنوو داحچي هسه
عفتها ورحت تلاگه وياي احمد گتله لگيتها راح عليها وطيح حضها بالحجي ولرزله. ورجعنه للبيت
وصلت للبيت ساعه ب 2:00 ضهر "
بوجهي لغرفتي سبحت وبدلت ونزلت اتغدئ. كملت ورجعت لغرفتي
لزمت جهازي واني متردده اتصل بضرغام او لا سحبت نفس بعمق واتصلت واني ارجف
اتصل عنده مَـرّھٌ ومرتين وماكوو اخر رنه وصلت تريد تقطع انفتح الخط واجاني صوته تعبان ومتغير.
ضرغام / الوو منو ?
_اني. ضرغام اني نارين
كح وبلع ريگه وهمس بهدوئ
ضرغام / هلا شلونج
_زينه انته شلونك صدوك مريض
ضرغام / لا مابيه شي شويه راسي يوجعني.
_ليش ماتروح للدكتور ?
ضرغام / تعاي انتي اهتمي بيه
_فدوه ضرغام روح للدكتور لاتبقه هيج راح تتاذئ
ضراغام / منوو گلج اني مامتأذي هسه
_شنو مفتهمت
ضراغام / تعبان نارين تعبااااان
_غير انته هامل نفسك روح للدكتور اخد علاج وانته تصير زين لخاطري ضرغام موو تگول احبج اذا تحبني روح
صفنت علئ نفسي شلون احچي هيج خليت ايدي علئ جبيني بفشله
ضحك ضحكه خفيفه وهمس
ضرغام / هاهيه مادام حلفتليي بحبج راح اروح للدكتور.
_امممم. .. فدوه
ضرغام / احجيها نارين خلي جروحي كلها تشافه
_شحچي ?
ضرغام / گولي احبك
_روح للدكتور وكافي من هل كلام
ضرغام / روحي مالي خلك خربتي واهسي
_يااا ضرغام شبيك. فدووه روح للدكتور ولله اذا تبقه هيج راح تتاذئ اكثرر.
ضرغام / وانتي شهامج. ??
_يعني لاه تهمني. ماحب اشوفك مريض تبقه عمي.
ضرغام / احترگ عمج بناررر.
_يااا ضرغام شبييك ليش هيج تدعي ؏ عمي.
ضرغام /راسي يوجعني نارين اريد انام
_ متنام كوم يلا روح للدكتور
ضرغام / ماروح. هسه اشرب علاج واصير زين
_افتح كام اريد اشوفك #ڪــڔٰا̍ڕ
ضرغام / ولجج تعبان ياكام. ياخر***
_ضرررغام شبيييك يلا افتح اريد اشوفك
فتح كام متمدد علئ السرير وشعره كله نازل عليه هوه عنده شعرر ثخين كلش عيونه ذبلانه وجهه اسمر صايرر ومتغير
_ياا صاااير بيك متغير كلش
ضرغام. / شبيه مابيه شي
همست بهدوئ معبالي يسمعني
_سوده عليه
ضرغام / اوووف ربي جاي تشووف
_شنوو.
ضرغام / شايفه هذن كلماتج يداون كل جرح بيه
_تحبني ?
ضرغام / بعدج شاكه بحبي شنوو
_بس اني ماكدر احبك ليش مجاي تفهم عليه
ضرغام / منوو گلج حبيني اني احبج وخلص
_يعني مراح تنقهر م̷ـــِْن احب واحد غيرك
ضرغام / شحدج غيررر ادفنج ولله
_شنوو بكيفك اني احب وارتبط حياتي وحره بيها لكون عبالك اخاف منك او اخذ رأيك.
ضرغام / ليش تشلعين گلبي نارين
_شوف.
بعدني ممكمله كلمتي اندك باب غرفتي خليت ايدي علئ جهاز
_منو ??
حبيبتي نارين ابوچ وصل يريدج
_جااايه.
_ضرغام بابا اجه اني رايحه فدوه روح للدكتور عليك لله.
ضرغام / ماشي ديري بالج علئ نفسج بنت گلبي
ابتسمت ورديت عليه بلطف
_وانته هم دير بالك ؏ نفسك
سديت م̷ـــِْن عنده ونزلت اشوف بابا
_______________________________
ضرغام.
بعد الجفصه الي حجيتها كدام سهئ صارت سهئ دائما تشك بيه وزعلت مِڼـّي علئ الكلمه
حاولت اغير م̷ـــِْن تفكيري بس ماگدرت كل ماحاول انساها اتذكر لحضاتنه سويه اول مره امرر بهيج تجربه واعيش لحضات حب بحياتي
جنت ﭑسمع بيه بس عمري مافكرت احب بنيه هيج جان كل همي شغلي واهلي
تعبت نفسيتي كلش واحس عقلي تخربط فدمره صرت ماركز علئ شي.
حته. ماتوصلت وياها مكنت اريد اتعلق بيها اكثرر ولو اني متعلق وخلص بسس عود گلت ابعد نفسي عنهاا.
بوقتها كنت مريض وراسي يوجعني.
كنت نايم اتصل جهازي
فتحت عيوني تعبان شفته رقم نارين حته رجعلي نشاط.
رديت عليها بقت تحجي بصوتها الناعم وتتوسل بيه روح للدكتور. بعدين طلبت نفتح كام
فتحت وياها. كانت حلووه كل عاده عيونها وضحكتها كل ملامح وجهه اعشقهم.
اجه ابوها وسدت مِڼـّي. ضوجتني الخبله وراحت
اندك باب. غرفتي
_تفضل
ام ضرغام / هاا يمه ضرغام شلون صرت
_الحمدلله هسه گايم اروح لشغلي
ام ضرغام / يمه جدك بالمستشفئ وحالته تعبانه ابوك راح عليه م̷ـــِْن صبح ولاحد هسه ماراجع.
_هسه اسبح واروح اشوفه هم اريد اخذ علاج راسي دمرني.
ام ضرغام / سوده بوجهي يايمه غيرر تهتم بصحتك
_لاتخافين يووم هسه اصير زين
دخلت سهئ للغرفه وهيه گالبه وجهه
سهئ / عمه حيدر جوه يريدج
ام ضرغام / ايي يمه جايه
طلعت امي م̷ـــِْن الغرفه.
_حضريلي حمام اريد اسبح
سهئ / هذاك الكنتور وهذاك الحمام گوم واسبح عندي شغل اريدد اخلصه
_هاا هيج صارت
سهئ / ايي هيج خلي نارين تهتم بيك احسن مِڼـّي
_ستغفرلله يااربي هم جابت نارين بالنص
سهئ / عبالك اني مادري بيك تحبها
_اروح لشغلي ابركلي مالي خلكج
عفتها وگمت لزمت قميصي وحجت بصوت عاالي.
سهئ / ولله ياااضرغام انتحررر اذا عررفت بيك مسوي علاقه ويااااها.
لزمت ايدها ولويتها صاار ضهرها علئ صدري
_اشوو لسانج طولان لاتشوفيني ساااكت ترااا هناا ادوس علئ،راسج وحق الخلقج.
سهئ / عووفني انته خربت زواجنه
_ولججج شخربت انتي متنبهه علئ تصرفاتج
سهئ/ احبك تدري بيه اغاااار عليك اكثررر م̷ـــِْن روحي ليشش تسوي هيجج بيه
_هسه اني شمسوي شفتيني نايم وياها مسوي علاقه البنيه بغداد واني يمج.
سهئ / تحلف هسه انته ماتتواصل وياها.
_ليكون جايه تحاسبيني ويه منوو احجي ويه منوو لااا.
سهئ / اييي احاسبك اني مرتك والي حق بيك اكثررر م̷ـــِْن كل واحد
دفعتها علئ سرير وتقربت منهااا.
_لاتخلين الغيره تخرب عقلج سهئ انتي تعرفيني زين اذا ضجت منج او حقدت بعدد ماتراجع ولاتنازل.
خلت اديها علئ رگبتي وسحبتني عليها قربت وجهه مِڼـّي كلش
سهئ/ موتني اذبحني ولاتخوني.
اخذت شفايفها بقووه اريد انسيها اريدها ماتحس بيه متغير عليها سهئ م̷ـــِْن نووع تغااار كلش عليه تحبني
م̷ـــِْن هيه صغيره اهلها وكل اقاربهم عرفو بيها تحبني وابوها وهو الي انطاها الي بدون لاخطبها ولاحته مفاتحهم بالموضوع كانت دائما دزلي هدايه ودزلي رسايل بس اني متجاهلها بعدين م̷ـــِْن عرفت بيهاا هيج مهووسه بيه قررت اتزوجها واستر عليها.
تقربت منهاا واني تعبان بسس خاطر ماتزعل ماتهون عليه مهمئ يصير تبقه مرتي والها عمرر وياي.
عفتها ورحت سبحت وطلعت.
سهئ / اسفه حبيبي ضوجتك هل فترا موو
_هسه يلا حسيتي ؏ نفسج
سهئ / شسوي انته هل فترا متغير عليه
_اني بعدني ضرغام القديم بس انتي هل فترا موطبيعيه عقلج ڱڵـه. متخربط وصايره شكوكيه
سهئ / وعد بعد ماشك بيك بس انته لاتجيب طاري نارين كدامي ولله امووت اذا اسمعك تحجي بيها
_اي ماشي يلا رايح اشوف جدي
سهئ / انته هم خلي يشوفك دكتور جسمك صايرر جمرر.
_انشالله
عفتها وطلعت رحت علئ المستشفئ. بلطريق. اتصل جهازي كان ابوي.
_هاا يابه
ابو ضرغام / مات جددددك يااابويه مااات.
_انا الله وانه اليه راجعون.
اسمع صارت هوسه يمهم سديت م̷ـــِْن ابوي وسقت بسرعه للمستشفئ وصلت لگيت الدينه مكلوبه
جدي معروف هوه باقي الجبير علينه.
ابوي ابنه الجبير عنده 4 ولد.
التهينه بالجنازه اخذناها ورحنه للدفنه.
_الفاتحه تصير يمنه بويه
عمي / لا نخليها بيتنه جبير وساحه جبيره ننصب بيها الديوان.
ابو ضرغام / لا الفاتحه تنصب بيتنه ولديوان يصير بالمقدمه.
_هسه. حددو وين راح ننصب الفاتحه.
ابو ضرغام / بيتنه بووويه.
راح ابوي واعمامي يدفون اني رجعت للبيت الناس كلها ملتمه عدنه نصبنه الجادر عدنه
التمت كل عشايرنه تعازينه وتقرالنه الفاتحه.
مرر يوم شغل وركض وناس تـروح وترجع علينه ثاني يوم الصبح كاعدين بالديوان.
دخل ابو نارين وسلم علئ كل الموجودين.
وگعد ويه عمامي الكبار
شويه واشرلي ابو نارين اروح علي ستغربت هاذه شرايد.
رحت گعده يمه
ابو نارين / بويه اجت هواي عالم وياي بقت واكفه برا خلي ناس تدخل للبيت لْـۆ تسوون جادر ثاني بعد ناس جايتكم م̷ـــِْن بعيد وماواصله
_البيت فارغ راح ادخلهم للديوان ولباقي راح نسويلهم جادر.
ابو نارين / دخلهم واني اسلم علئ الموجودين والحكك
عفته ورحت طلعت للناس الموجوده سلمت عليهم ودخلتهم لبيتنه الفرع كله انسد م̷ـــِْن طول للطول ماضل مجال حته لركن لسياره
دخلت الناس للبيت وكعدتهم بالديوان مالتنه. طلعت حته اكولهم يحضرون ضيافه.
شفتها وهيه واكفه ستغربت هاي شجابها معقوله هاي نارين ??
كانت لابسه فستان اسود وطالعه دمار كل عاده واكفه ويه اختي سحرر
مانتبهت علي ولاشافتتي لأن البيت هوسه.
بقيت صافن عليها شويه وطلعت.
