رواية جبروت إبن عمي الفصل السادس والعشرون بقلم توتة
حضري نفسج وتعالي ويايه
وين ?
للمستشفئ
ليش شكوو
امج مريضه.
شنووو شبيها امي صاريلها شي ومتحجولي
حجيت اني.
لاتخافين مبيها شي بس قبل شويه اتصل اخوج عامر وكلي تعبانه شويه وماخذيها للمستشفئ
فتحت عيونها بصدمه وگالت مستشفئ !!!!!
ايي حالين هيه ب مستشفئ صارلها يومين
شنووو يومين ياربي شبيها وليشش متگولولي عنها ليشش ساكتين
باوع عليها ثائر وگال
صوتج لاتعلي وحضري نفسج وتعالي نروح نشوفها وراي شغل بسررعه
صارت تباوع عليه وعيونها مليانه دموع راحت تركض للغرفه شويه واجت طلب ثائر م̷ـــِْن امي تروح وياهم بس امي مقبلت
راح ثائر ورود يشوفون امها
رحت كعدت ويه امي.
ليش مارحتي وياهم يمه
ماالي خلك حته اشوفهم ولله زين منه ومخليها عدنه لاحد الان ماعرف اخوك ليش ساكت علئ،موضوعها
ومخليها ع ذمته لْـۆ اني بمكانه م̷ـــِْن زمان طلكتها وشمرتها مثل الجلب ع اهلها الفگور
حرام عليج يمه لاتحجين هيج ترا اخوي ثائر فاهم لموضوع ڱڵـه. غلط
لاتحكمين علئ البنيه وانتي ماتعرفين الموضوع شنو
لا فاهمه الموضوع ڱڵـه. صح انته لگلبك طيب وع نياتك ولك يمه هذولي ناس ماعدهم لاتربيه ولاخلاق ولاحته مايفكرون ب ناس الوراهم
انته نسيت ابوك شلون تخلو عنه وهوه اخوهم م̷ـــِْن دمهم ولحمهم
يمه كافي لخاطر الله كل سالفه ودخلتو ابوي ب نص خلو نايم بكبره ومرتاح لا كل شويه جايبينه ب طاري
بعدين هاذي مشاكل بين رجال ومرته حته عيب علينه ندخل بينهم
اذا اني ماتدخل بحياة ابني لعد منووو يدخل هاااا
هسه عوفينه م̷ـــِْن هاذه كله عندي موضوع وياج ومتأكد راح يفرحج كلش
شنوو هوه ?
اريد اتزوج
يااااا يمه صدوك هاذي الساعه لمباركه باجر م̷ـــِْن صبح اخطبلك مره.
لا يمه مو اي وحده اني بالي بنيه واريدج تخطبيها الي
لاتگولي م̷ـــِْن هذولي لفگور لان ولله حتمال اذا تكلي تجيني سكته قلبيه قصص وروايات عراقية
هههههههه سم لله عليج يوم لا بنيه منه وبينه وتعرفيها كلش. زين
منو ?
دنوو بنت خالي
اشو گلت دنوو امي استلمتني تبوس بيه وتباركلي
يمه تستاهل ولله م̷ـــِْن باجر نروح عليهم ونخطبها الك اني م̷ـــِْن زمان احلم بهاذه الًيَوُمًِ الًيَوُمًِ الي اخذ بنت اختي الابني
شلون غيرت رئيك وصرت تريد تاخذها مو قبل كم يوم حجيت وياك بمضوعها ورفضت
صرنه نحب بعض
ياماتستحي يل ماتخجل اني اكلك اخطبها وتكلي يمه كافي تلحين ماريد اتزوج تاالي تطلع مسوي علاقه وياها واني مادري
ههههه لا وداعتج مصارلنه فترا علئ علاقه وامها تدري بينه
ولك هاي م̷ـــِْن يمته صاير كل هاذه ومتحجيلي طلعت مسوي علاقه وحاجي للكل واني اخرر م̷ـــِْن يعلم
لا ولله ماما گتلج مصارلنه فترا سويه وامها عرفت ب صدفه وحالين احنه نحب بعض
اني ليوم حجيت وياها وگلت الها راح اجيب امي ونجي نحجي ويه اهلج
لا يمه شلون نروح بدون اخوك ثائر
ايي بس يمه اني حجيت وياها واتفقنه ليوم نروح عليهم فشله وهسه يمكن حجت الامها وحضرت نفسها
زين نروح اني وياك احجي ويه امها..
اي يمه يلا حضري نفسج حته نطلع
يمه منك مستعجل
هههههه هسه صرتي تتعززين عليه مو قبل كم يوم ماكله راسي اتزوج ماتزوج
يلا يلا رايحه احضر نفسي شون ماخطب لوليدي شعندي غيركم اني
صاحت ديانا
خطبت منووووو ?
باوعت عليها بغرور وگلت خطبتي
يااااي صدوك تحجي يعني واخيرا راح تخطبون
وانتي عرفتيها منو
طبعااا اعرفها دنوو حجتلي كلشي وحته صورتلي شمحضرتلكم ضيافه وشلابسه هههههه
هههههه ولله خبله
جلال حباب خليني اروح وياكم
انجبي رايحين هسه بس نفتح لموضوع وياهم م̷ـــِْن تصير صدوك راح اخذج ويايه بعد ورانه هوايه روحات عليهم
اوك.
يلا يمه تأخرنه اني صاعد ابدل ملابسي وانتي هم حضري نفسج
عفتهم وصعدت لغرفتي بدلت اجتني رساله م̷ـــِْن دنوو
كاتبه
ڪـــــــيف أتڪــــــلم عـــــن الحــــب ... وأنت كلمــــــاته ..!
ڪـــــــيف أتڪــــــلم عـــــن العـشـق ... وأنت حــــــروفه ..!
ڪـــــــيف أتڪــــــلم عــــن الـغــــرام ... وأنت سطـــــوره ..!
ڪـــــــيف أتڪـــــلم عــــن القلـــــب ... وأنت نبضـــــــــه ..!
ڪـــــــيف أتڪــــلم عــــن اللـــــــيـل ... وأنت قـمــــــــره..!
ڪـــــــيف أتڪــــلم عـــن النهـــــــار ... وأنت نـــــــــــوره..
ابتسمت علئ اشعارها ودلالها رديت عليها
لله عليج دنوو طلعتي شاعره وماعرف راح اخليج تشتغلين ويه شهد الشمري
دزت دبدوب يضحك وكاتبه
اصيرلك شاعره ومغنيه وكلشي انت متعرف شكدد اعشقك واحبك
رديت عمري انتي يلا حبيبي حضري نفسج حجيت الامي وهسه احنه جاييكم ع طريق
ردت. اوك حياتي منتضرتك
نزلت لگيت امي جاهزه اخذتها ورحنه علئ بيت خالتي ام دنوو. اخذنه ويانه حلويات وكذا اني اشتريت ورده جوريه حمره وخليتها بجيب الشاكيت
وصلنه عليهم استقبلونه بكلام حلوو وضحكه ب مناسبه بيت خالتي كلش حبابين ويضحكون حته لْـۆ بكلوبهم حقد ع شخص
گعدنه كلنه ب ستقبال عدهم نزلت دنوو لابسه فستان طويل وردانه طوال عليه مثل الهاشمي وخيط م̷ـــِْن الخصر رابطته طالعه تذوب
سلمت علينه وكعدنه فاتحناهم ب موضوع وخالي وافق هوه وامها وكالو الكم يمته متحبون تعالوو وحددو موعد للخطبه
اباوع علئ دنوو عيونها صارت تلمع م̷ـــِْن الفرحه وجهه مبتسم اني هم كلش مرتاح
بقينه شويه عدهم اتصل جهازي گمت اريد اطلع حته ارد ع مكالمه اشرت لدنوو بعيوني حته تطلع ورايه.
______________________________
ورود.
ماعرف هل فترا شبيه وليش هل خنكه ولغصه الي بداخلي احس نفسي مختنكه وب گوه اجر نفس
رحت غسلت ورجعت شفت ثائر كاعد لوحده ولبنت رايحه
رحت كعدت ع غنفات واني امسح بوجهي واسحب نفس بصعوبه
شبيج ?
ماعرف احس نفسي مختنكه
ليش ماتريگتي
مجوعانه.
كومي اكلي
ترا كتلك مجوعانه مو غصب لْـۆ انته كلشي يمشي ع اوامرك حته الاكل
ايي كلشي علئ أوامري م̷ـــِْن اكلج تاكلين تاكلين ومن اكلج تموتين تموتين نفسج سمعتي وهسه گومي اكلي شي ولاتسوين نفسج م̷ـــِْن هذولي لمضلومين قصص وروايات عراقية
وطلعين نفسج فقيره ترا اعرفج انتي شنوو ميحتاج تصرفين هيج
ركزت بعيونه واني اكتم غضبي عفته ورحت للمطبخ طلعت زيتون وجبن سويت جاي وكعدت اكل.
خلصت شلت الصحون وغسلتهم كرستينا تغسل ب ملابس فوك
رحت للغرفه الي عايشه بيها هل فترا گعدت ع ارض واني مخنوكه وضايجه ماعرف شنوو نهايتي ويه ثائر
راح نبقه ع هل حاله لْـۆ يتغير وضعي ليش تصرفت هيج اني وكعت نفسي بمشكله وانحرمت م̷ـــِْن كلشي
وغير هاذه كله وسام انضرب بسببي وماعرف شي عنه شصار وياه وشعجب سكت وماتصرف شي ويه ثائر
ياربي راح اتخبل هاذه ثائر ابد متنطاق العيشه وياه شلون اخلص نفسي م̷ـــِْن هل زواج م̷ـــِْن هل علاقه الي مالها معنئ
اندك الباب مال الغرفه استغربت منو رحت فتحته كانت ديانا اخت ثائر
نعم
ثائر يريدج ب صاله
حجيت ويه نفسي هاذه شرايد مِڼـّي لله يستر
رحت وياها شفته واكف ويمه جلال رحت عليه صرت مقابيله وگتله
هاا ناديتلي.
حضري نفسج وتعالي
وين ?
للمستشفئ
ليش شكوو صاير شي
امج مريضه ..
گال امج مريضه احس كلبي طار م̷ـــِْن مكانه وجسمي صار ڱڵـه. يرجف ياربي دخيلك مستحيل اكدر اتحمل صدمه بعد امي الشخص الوحيد لبقالي
شنووو شبيها امي وليش متحجولي شي
باوع عليه جلال وگال مابيها شي بس شويه تعبانه وماخذيها للمستشفئ قبل شويه اتصل بيه عامر وكلي
صارلها يومين ب مستشفئ
شنووو يومين ياربي شبيها وليشش متگولولي عنها ليشش ساكتين.
صاح عليه ثائر وگال
صوتج لاتعلي وروحي حضري نفسج حته نشوفها وراي شغل اريد اخلصه بسرعه
باوعت عليه واني ابچي معقوله لهل درجه ميحس بعذابي. ميكول امها وخايفه عليها
عفتهم ورحت للغرفه واني اشهك م̷ـــِْن البچي ودموعي تنزل عشره عشره بدلت ملابسي وطلعت اني وثائر امه ماقبلت تروح ويانه شايله خشمها علي
صعدت ب سياره وصعد ثائر وساق باوع علي واني امسح بدموعي
ترا لسه ماشفناها ع شنوو تبچين
مارديت علي وبقيت ابچي واشهك خايفه يصير شي بيها واني منوو يبقالي اخوي وباعني خواتي صغار امي لوحيده الي باقيتلي
وصلنه للمستشفئ نزلت اني وثائر اتصل ثائر بأخوي ودلنه علئ الغرفه همه ب طابق الثاني
صعدنه ب مصعد ورحنه علئ غرفه امي لگينه كدامنه بيت خالي خالتي وخالي وسام واخوي عامر
اني شفت وسام احس كل جسمي جمد وگلت هسه راح تصير عركه كدام اخوالي
لزمني م̷ـــِْن ايدي ثائر وعصرها حييل همس وگال
اشوف. حبيب الگلب كدامنه متفقين شنوو
كافي ثائر الله يخليك مو وقت هل كلام امي تعبانه خليني اشوفها
وصلنه يمهم سلم ثائر ع كل بس ماسلم علئ وسام
رحت علئ اخوي عامر واني ابچي حضنت علي
عامر شبيها ماما شنوو صار
لاتخافين مبيها شي بس صعد ضغط مالها ودكتوره گالت خلوها تحت المراقبه هل يومين
يعني زينه
ايي زينه هسه هيه نايمه خليها تگعد وندخل عليها وتشوفيها اصلا هيه كل شويه تسألني عليج
رحت علئ الباب بقيت اباوع عليها م̷ـــِْن الجام كانت نايمه وجهه ذبلان
ماما حبيبتي اني اجيت فتحي عيونج اريد احجيلج الي بگلبي احجيلج بنتج شوون تعذبت ونهانت كومي وشوفي شصاار بيه
احجي بكلبي ودموعي تنزل اجت دكتوره دخلت علئ امي تغير المغذي #ڪــڔٰا̍ڕ
دكتوره فدوه خليني اشوف امي شويه
هسه نايمه خليها تگعد وادخلو عليها
بس شويه ماطول عدها ولله
بعدني احجي شفتها گعدت ابتسمت وعيوني كلهم دموع
كعدت اكدر ادخل هسه
ايي هسه تكدرون دخلون بس لاتخلوها تتوتر او تضوج
دخلت بسرعه هيه شافتني ومدت ايدها الي رحت اركض عليها حضنت عليها واني اشهك وابچي
ماما خوفتيني عليج ولله شنوو صار ليش هيج حالتج
بعدتني عن حضنها ومسحت دموعي بأيدها وگالت
لاتخافين يـروح امج مابيه شي شويه تعبت
دخل ثائر والكل للغرفه
تقدم ثائر واجه قريب م̷ـــِْن امي وگال
الحمدلله ع سلامه شلون صرتي
الله يسلمك يمه الحمدلله احسن
بقيت كاعده يمها ودموعي تنزل ابچي ع نفسي لْـۆ عليج يمه شحجيلج وشكولج لْـۆ تشوفين النار الشابه بكلبي.
وكف ثائر وگال ورود تعالي شويه
طلعنه ثنينه برا الغرفه
اني عندي شغل روحي سلمي علئ امج وخليني اوصلج للبيت
شنووو. شون اعوف امي وارجع ثائر شبيك صدوك تحجي
لا داتقشمر وياج. ايي صدك احجي لا عبالج اخليج ويه هاذه العار بنفس المكان
لزمت ايده واني ابچي ثائر ابوس ايدك خليني بس ليوم يمها ولله باجر ارجع بس ليووم فدووه
مستحيل اخليج دقيقه زياده فضل مِڼـّي جبتج لهنا حته تشوفيها وهاذه موجود
لج ولله لْـۆ ماگول امج مريضه وخاف يصير بيها شي جان هسه دفنته ب مستشفئ
ولله ولله اخلي خالي يرجعه للبيت بس اني ابقه ويه امي احلفلك ماحجي وياه ولاحته اخلي يبقه هناا بس خليني ليوم يمها
لزمني م̷ـــِْن اكتافي بقوه وهزني
انتي شنووو ماتفهمين لج ليش تخلين تطلع اعصابي واني هنا امشي قبل لابتلي بيج كدام الكل
ثائر فدوه اذا تحب امك. فدوه حس بيه امي مالي غيرها اذا يصيرلها شي ولله امووت
ترا هيه مابيها شي قبل شويه كنت يمها حالتها كلش زينه ودكتوره گالت ب ليوم ويطلعوها باجر
تعالي نرجع وانشالله باجر اذا صار عندي مجال اخذج الها للبيت تمام
ركزت بعيونه واني ابچي شعنده م̷ـــِْن گلب كل هل توسل ولدموع ماتأثر بيه م̷ـــِْن شنوو مصنوع كلب حجر
رجعتلي الخنكه وصعوبه التنفس وكعت عليه واني دايخه حضني علئ. صدره وصار يضرب ع خدي
ورود ورود شبيج شنوو صار
نفسي راح امووت ماكدر ماكدر اتنفس
صاح للدكتوره اجت تركض. شالوني م̷ـــِْن عنده طلع اخوي وخالي علئ صوت ثائر
اخذتني دكتوره وركبتلي مغذي وصارت تفحص بيه
طلعت مِڼـّي اني بقيت متمدده ع سرير
ياربي شديصير بيه ليش هل خنكه ليش ديصير هيج
دخلت دكتوره وبيدها اوراق اعتقد تقارير مالتي
دكتوره شنوو صار ليش هيج ديصير بيه
ابتسمت وگالت
الف مبروك انتي حامل.......
