رواية رحمة في رمضان الفصل السابع والعشرون
المشهد: داخل شقة صابر، التوتر مازال موجود، وآدم يحاول يلاقي فرصة يتكلم مع رحمه.
ادم: طاب ممكن اتكلم انا ورحمه على انفراد؟
امينه: اللي هو ازاي يعني؟
ادم: هساءلها بيني وبينها يا خالتي، وصدقيني مش هضايقها.
امينه: ربنا يسهل لما الضيوف يمشو.
ادم: طيب عن اذنكم، انا شكلي مش مرغوب فيا.
يتركهم وينزل وهو متضايق، ويفكر في حل.
ادم (لنفسه): انا هنزل عند عم خليل، هو الوحيد اللي يقدر يخليني اقعد مع رحمه وافهم منها.
ينزل عند عم خليل.
خليل: تعالي يا آدم.
ادم: عم خليل انا ليا عندك طلب او رجاء، بس ياريت متردنيش.
خليل: خير يا ابني، لو اقدر عمري مهتأخر عليك.
ادم: عايز اقعد مع رحمه واتكلم معاها.
خليل: اسمع يا ابني، رحمه انا مربيها على ايدي، لكن اللي عملته الست و...
المشهد: بعد كلام أمينه، الجو يهدى شوية وتحاول تصلح اللي حصل.
ادم: ماعاش ولا كان اللي يزعلك أو يزعل رحومتي.
امينه: ولما هيا رحومتك زي مبتقول، بتزعلها ليه انته وامك؟ ده طول عمري كان نفسي يبقى عندي ابن، ولما انته جيت قولت الحمدلله بقى عندي ولد، هيبقى جوز رحمه واخ لرانيا، لكن بعد اللي حصل خلاص بقى.
ادم (بحزن): حقك عليا يا امي، والله بعتبرك امي.
امينه: خلاص يا واد متتسهوكش، هجوزك رحومتك. يا اخويا انزل عند خليل وانا هشيعها وراك.
ادم: بجد والله، انتي احسن حما وام في الدنيا.
امينه: طاب ياله مستني ايه؟
ادم: طاب هعمل معاها ايه؟
امينه: هقولك، انته هتتأسفلها وتقولها معلش مكانش ينفع ازعل امي فقولت اجي على حبيبتي شويه، وزي ما انتي عارفه امي ست صعيديه وطبعها صعب، بس اوعدك عمري مهزعلك تاني ولا هسمح لحد يزعلك.
ادم: وبعدين؟
امينه: ولا قبلين، رحمه طيبه وحنينه وهتتعامل كأن محصلش حاجه وهتتصالحو.
ادم: ايدك ابوسها وليكي عندي هديه غوشتين دهب.
امينه: يا ابني انا مش عايزه حاجه، عايزاكم بس تعيشو في سعاده وفرح.
ادم: طاب عن اذنك بقا اروح عند خليل.
المشهد: الضيوف بيمشوا، وسمره بتستأذن.
سمره: ابقو فكرو وردو علينا.
صابر: شرفتو وانستو.
المشهد: أمينه تلمّح لرحمه تنزل لخليل.
امينه (تغمز): انزلي يا رحمه عند خليل هاتيلي منه بصلتين.
رحمه: حاضر.
المشهد: عند عم خليل.
رحمه: خلو يا خلو يا حتت سكره، عايزه بصلتين.
خليل: طاب خشي خدي.
خليل (بهزار): أظهر يا سمسم.
ادم: واهو سمسم ظهر اهو.
رحمه: هات يا البصل خليني اطلع.
ادم: رحومه حبيبتي.
رحمه: حبك قرد.
ادم: قصدك قرده؟
رحمه: انا قرده يا ابن سعديه؟
ادم: يعني بتحبيني؟
رحمه: انا مبحبش حد.
ادم: حقك عليا معلش زعلتك من غير قصد، بس ديه امي فقولت اجي على حبيبتي، امي ست صعيديه وطبعها صعب اوي لكن انتي روح قلبي سامحيني بقا.
رحمه: لاء.
ادم: طاب يارب يا رحمه لو مسامحتيني اموت حالا.
رحمه (بلهفه): بعد الشر عليك.
خليل: والله انتو الاتنين مجانين وعقولكم تعبانه، اسمعو بقا بكره انشاء الله انا عازمكم كلكم على الفطور.
رحمه: كلنا مين؟
خليل: سكان البيت كله، بس بشرط.
رحمه: شرط ايه؟
خليل: هما الصراحه شرطين، اول شرط نادره عروستي تيجي تفطر معانا هيا وبنتها.
رحمه: سهل.
خليل: الشرط الثاني حضرتك اللي هتعملي الفطور كله لوحدك.
رحمه: يا سلام بتدبسني.
خليل: والله بعمل لمصلحتك وبعدين هتعرفي.
رحمه: ماشي.
خليل: هجهزلك الطلبات كلها.
رحمه: خلاص اعملهم السهل منه فته ولحمه.
خليل: لاء طبعا.
رحمه: امال ايه؟
خليل: جميع انواع المحشي، صواني رقاق ومكرونه بشاميل، لحمه محمره وفراخ وبط وملوخيه خضرا وسلطه وعصير.
رحمه: وجاي على نفسك ليه؟
خليل: ايه مش هتعرفي يعني تطبخي؟
رحمه: حل عني بقا.
خليل: تنزلي هنا الصبح بدري عشان تلحقي تجهزي الفطور.
رحمه: ماشي يا خلو اما اشوف اخرتها معاك.
خليل: اه صح نسيت الكنافه والقطايف.
رحمه: داخل انته على طمع بس مش مشكله انا بحبك ومقدرش ارفضلك طلب.
ادم: نعم يا حلوه بتحبي مين؟
رحمه: بحبك انته.
تجري رحمه وتطلع فوق بسرعة.
المشهد: داخل الشقة، صابر قاعد مستنيها.
صابر: خدي هنا يا بت.
رحمه: نعم يا قلب البت.
صابر: ابلفيني، انتي ايه حكاية سمره وأخوها وازاي ييجو يطلبو ايدك وانتي شبه مخطوبه؟
رحمه: متاخدش في بالك، انا بس كت بربي ادم وأمه.
صابر: انا مخلف رئيسه عصابه ياربي.
رحمه: خلاص بقا هخش انام ساعه قبل السحور.
تقبّل والدها.
رحمه: حبيبي يا صبوره.
المشهد: بعد ما طلعت رحمه، صابر بيبص وراها وهو مبتسم بنص رضا ونص قلق.
صابر: ربنا يهديكي يا رحمه.
المشهد: العم خليل طالع شقة أبو عصام يطمن عليه.
خليل: يا اهل المنزل.
ابو عصام: تعالي يا خليل، والله انت ابن حلال، ام عصام نايمه من بعد الفطار وسايباني لوحدي.
خليل: مش انته الحمدلله بتقدر تتحرك وتطلع وتنزل؟
ابو عصام: اه والله الف حمد وشكر لله، ربنا يكرمه عصام ابني من وقت ما كلم دكتور صاحبه وبقى يجيلي يعملي علاج طبيعي غير الحقن المستورده وانا بقيت احسن بكتير.
خليل: طاب الحمدلله، ولا انته بتدلع على ام عصام؟
ابو عصام: فيك مين يكتم السر؟
خليل: في بير.
ابو عصام: بيني وبينك خدت على الدلع، ام عصام الله يبارك لها ونعم الستات، اصيله وبت اصول، عمرها ما اشتكت، حتي لما كت بتعصب عليها كانت بتستحملني، عشان كده عايز اجيب لها هديه محترمه.
خليل: احنا فيها، انتو بكره انشاء الله كلكم معزومين عندي على الفطار، بعد صلاة العصر اروح معاك عند الصائغ.
ابو عصام: هجيبلها جوز غوايش وسلسله فيها مصحف عشان ربنا يحفظهالي.
خليل: ربنا يخليكم لبعض ويخليلكم عصام وولاده، اه صح في مفاجاءه بكره على الفطار.
ابو عصام: خير يا رب.
خليل: بقولك مفاجاءه.
ابو عصام: هتخبي على صاحب عمرك؟
خليل: البت رحمه هتجوزني خالتها.
ابو عصام: الف مبروك والله احلى خبر في الدنيا، جدعه البت رحمه ديه.
خليل: ديه نور عيني.
ابو عصام: طاب متنساش بقا تعزم سيد ابن حسن.
خليل: جدع انك فكرتني، انزل انا بقا.
ابو عصام: لاء يا حبيبي انته هتتسحر معانا.
خليل: ايه بترد العزومه بعزومه قبلها؟
ابو عصام: لاء يا اخويا عشان نختم المصحف وتاخدني نصلي الفجر سوا.
خليل: تمام، هتصل على صابر عشان يختم المصحف معانا ونتسحر سوا.
ابو عصام: تمام.
المشهد: في شقة سمره، تجهيز للسحور ولمّة عائلية.
بهيه: بابا احنا هننزل نتسحر عند ماما حكمت.
حسن: وماله يا حبيبتي.
سمره: انا جهزت كل حاجه، معلش يا حسن شيل الصينيه.
حسن: عيوني، ربنا يهديكم على بعض يارب.
المشهد: في شقة نجاه، جو هادي بينها وبين زوجها.
فاروق: الله على القعده والروقان، وبيتنا هادي وقاعدين في راحه.
نجاه: والاحلى بقا اني حامل.
فاروق: بجد؟ قولي والله.
نجاه: والله حامل.
فاروق: الحمدلله الف حمد وشكر لله، قومي نتوضي ونصلي ركعتين لله.
نجاه: فرحان بجد؟
فاروق: ده انا هطير من الفرحه.
(اما في شقه بخيته)
بخيتة: فها هيا ترتب شقتها وهي تدعو الله أن يكرم أولادها وزوجها ثم تقول الحمدلله ربنا أكرمنا وجيبنا تلاجه وغساله وبوتجاز وسراير العيال يا اما انته كريم وحنين يارب
(ويمر الليل)
وها هو الليل قد انقضي وأتي صباحًا جديدًا جميلًا من أيام الشهر الكريم
(في الصباح)
لنجد رحمه قد استيقظت وكلها نشاط وحيوية
رانيا: ايه اللي مصحيكي بدري اوي كده
رحمه: عمك خليل عازمنا علي الفطار وشارط عليا اني اعمل الفطار كله لوحدي
رانيا: عازم مين
رحمه: عازم البيت كله
رانيا: طيب يعيش ويعزم
رحمه: هيعزم سيد متقلبيش خلقتك
رانيا: بجد
رحمه: اه بجد وسعي بقا خليني انزل اما اشوف اخرتها معاه ده كمان
(تنزل رحمه الي شقه خليل)
رحمه: هو فين اللي موراهوش غير وجع القلب
خليل: خشي يا حلوه المطبخ بينادي عليكي
رحمه: ايه ده يا نهارك ابيض انا هعمل كل ده لوحدي
خليل: ربنا يعينك انا هجيب كرسي واقعد قدام البيت لحد ما تخلصي ومتنسيش تعملي الخشاف وانا هبقا اجيب سوبيا وتمر وعرق سوس
رحمه: وجاي علي نفسك كده ليه
خليل: رحومه الشطوره هتعمل الفطار
رحمه: مش عارفه اقولك ايه طيب ماشي استعنت علي الشقا بالله
(لتبدأ رحمه في إعداد طعام الإفطار، ونتركها ونذهب إلى شقه آدم)
انتصار: صباح الخير يا اما
سعديه: صباح النور
انتصار: هتفطرو ايه النهارده
سعديه: خيك جاللي إن الراجل اللي اسميه خليل عازمنا علي الفطور
انتصار: له يا خيتي انا اتلوم
سعديه: ولا تتلومي ولا حاجه وبعدين ما وحيد جوزك هيندلي معانا
انتصار: زي بعضه خلاص اروج انا الشجه
سعديه: وانا هنعس شويه عشان صاحيه من عشيه
انتصار: استني اروجلك اوضتك جوامك الاول
سعديه: البت رحمه ديه كلمتك
انتصار: له بس اسكتي مش جاها عريس امبارح
سعديه: جولتيلي عشان كده خيك جالب وشه علينا ده مداجش الوكل لاسحور ولا فطور
انتصار: ما تهمليه يتجوزها يا اما ولدك بيحبها وعاشجها
سعديه: صح يا بتي
انتصار: اه وغلاوتك انتي يا اما
سعديه: خلاص هبجا اشوف
(اما في شقه رحمه)
لنجد أن أمينه كانت تتحدث في الهاتف مع نادره اختها
أمينه: ياله يا اختي تعالي وهاتي البت معاكي بس صح هيا بتك موافقه
نادره: لما بس نيجي
أمينه: ليه يعني لسه هتتعرفي عليه
نادره: مش القصد
أمينه: طاب ياله البسي عبايه حلوه كده واخلصو اسكتي صح مش رحمه بتي من صباح ربنا وهيا عند خليل بتعمل اكل العزومه
نادره: يا اختي ماشاءالله رحمه بت اختي حبيبتي انا هجهز واجيب البت واجي سلام يا اختي
(تغلق نادره الهاتف مع أمينه، ثم تتحدث إلى ابنتها)
نادره: اسمعي يا حبيبتي انتي عارفه من وقت ابوكي ما اتوفي وانتي لسه مخدتيش الاعداديه وانا كسرت شبابي عليكي ورفضت الجواز بس الصراحه خالتك أمينه جايبه لي عريس وانتي عارفاه كويس خليل الراجل الطيب اللي ساكن عندهم
نادين: الله يا امي عم خليل ده طيب اوي وانا كمان بحبه اوي زي مايكون ابويا
نادره: يعني موافقه
نادين: اه موافقه
نادره: بس كده معاش المرحوم ابوكي هيشيلوه بس الجزء بتاعك هيفضل
