رواية الطالبه والضابط الفصل السابع والعشرون بقلم توتة
عفتهم وطلعت لحگت سحرر واني دامشي ارتمت بشخص. رفعت راسي وكانت الصدمه .
حيدر واكف ومصدوم م̷ـــِْن جيتي عليهم اني احس رجليه صارت خيوط وگلبي وكع بطني.
ابتعدت عنه بسررعه واني خايفه اتذكرت كلشي سووه بيه. هوه بقه واكف مكانه ويباوعلي بنضرات غريبه.
حيدر / نارين شجابج هنااا. ??
مارديت عليه وعفته وصعدت لغرفه سحرر اركض احس گلبي طلع م̷ـــِْن مكانه صرت اخاااف م̷ـــِْن حيدر كلش
دخلت للغرفه وسديت الباب بقوه واني فحطانه
كانت سحر كاعده علئ سرير وتخابر م̷ـــِْن شافتني بهل حاله سدت الاتصال واجت يمي
سحر / خيرر شبيج وجهج مخطوف
_ماكوو ماكو شي بس شويه تعبانه اريدد ميي.
سحر / تعاي اكعدي هناا خليني اجيبلج ماي ورجع
لزمت ايدها بقوه
_لا سحرر فدووه لاتعوفيني لوحدي هنااا.
سحر / يااا نارين شبييج خايفه وعبالك شايفتج جني. ترا غرفتي مراح يصعد عليها شخص ارتاحي بيها بين ماجيبلج ماي.
_خلص ماريد بس ابقي يمي
رجعت كعدت يمي علئ السرير لزمت ايدي وگالت
سحر / احجي شبيج من شنوو خايفه هددتج غدير لْـۆ سهئ. كولي ولله هسه اروح وانعل والديهم.
_لا ولله مالهم علاقه اني تعبت لوحدي
سحر / وجهج مخطوف قبل شويه مثل الورده شجاج
_شفته كان تحت لزمني
سحر / منوو قصدج ??
_ولاشخص انسي خلينه ننزل.
سحر / بس احجي ويه سيف وانزل روحي گدامي اذا تريدين.
_ماشي.
عفتها وطلعت م̷ـــِْن الغرفه واني بالگوه اسحب نفس احس روحي اختنكت اريدد اطلع م̷ـــِْن هل مكان ماريدد ابقه بعدد
اجتي مثل الحاله النفسيه الي تخليني اختنك واخاف ويصير كل جسمي يرجف حته انفاسي تضيق
نزلت وصلت قريب م̷ـــِْن الدرج كان ضرغام واكف ولابس دشداشه سوده وجروايه لافها علئ رگبته. وجكارته بأيده واكفه يمه سهئ
صرت قريب م̷ـــِْن الدنگه حبيت اسمع شنوو يحجون
اسمعها تگوله
سهئ / شفت شكدد صلفه هل بنيه بعدد كلشي سوواه اخوك بيها جايتنه للبيت بدون خجل ولامستحه.
ضرغام / استغفرلله ياااربي لوو تشبعين م̷ـــِْن نارين جان ارتاحيت
سهئ / هيه بسس نارين انته شايف اختك سحرر صايرر لسانها هل طوله كله م̷ـــِْن وراها طلعت عينها هل بنيه
بلاول خلتها تروح تحب وتسوي علاقات وانوب خربت تفكيرها وخلتها تتخبل علينه
ضرغام / سهئ موو وكت سوالفج هسه عندي شغل كولي علئ شنوو ناديتلي وخليتيتي دخلت للبيت وهوه كله نسوان.
سهئ / خليك بعيدد عن نارين ولاتسلم عليها لان اعرفها تحبك وتحوس عليك.
ضرغام / خرررا بيج وبنارين اكلها ماااحبها ماااحبها عمرري مافكرت احب. تاالي عمرري احب وحده زعطوطه.
احس گلامه زلزلني نزلت دموعي علئ خدودي وكلبي صاار يرجف يعني يكذب عليه مايحبني ليشش يعلقني بيه اذا هوه شايفتي وحده طفله وزعطوطه ..
كمل كلامه وگال
ضرغام / بعدي هل افكااار عن راسج سهئ لاتخليني انتحر بيج. طفله هااي موو يمم الحب واذا فكرت بيووم احب مراح احب وحده بكدها.
خليت ايدي علئ حلگي واني اكتم صوت البچي مالتي.
سهئ / اعرفك حبيبي اعرف متحب هيج نماذج. اصلا انته وين وهيه ويين غير هاذه كله اخووك حيدر مخلي عينه عليها وطاخ شرفها.
غمضت عيوني واني اجمع قوتي لا نااارين لاتنكسرين ككافي لاتبچين خلص كااافي
بقيت امسح بدموعي وتنزل امسح وتنزل صاارو يحجون كلام اشكال الوان وضرغام مره يغلط علئ سهئ مره عليه مرره علئ اخوو
بسس كلمه ماحبها وحده زعطوطه ماطلعت م̷ـــِْن بالي.
شويه وراح ضرغام ارتكيت علئ الحايط واني اشهك ودموعي تنزل شلالات.
اااااخ. انييي جنت غبيه ومصدكه بكلامه يضحك عليه ايي ولله يضحك عليه شااايفني طفله كدددامه ويريد يستغلني.
متستاهل هااي دموعي متستاهل حبي الكككك.
طلعت سحر م̷ـــِْن غرفتها وشافتني بهل حاله اجت تركض عليه ولزمت ايدي
سحر / شبيييج نارين ليشش تبچين ??
حضنت عليها واني اشهك وماگدر احجي كلمه. من البچي.
سحر / اهدي حبيبتي شجاج متگليلي
اخذتني ودخلتني لغرفتها وصارت تمسح بدموعي وتهدي بيه.
سحر / احجي شبيج ليش هل دمووع كلها غيرر افهم.
_اريد ارجع لبيتي
سحر / ايي ترجعين ويه ابوج بسس ليش تبچين هسه غيرر افتهم.
_ماكوو شي شويه تعبانه وبچيت
سحر / باوعيلي نارين هااي دموعج موو خاليه وراهم سالفه جبيره احجيلي حبيبتي اني وياج اخوات ولله ماتهونين عليه
_صعب سحرر صعب شخص يفهمني كلها دور قهري وحزني كلها تكرهني ولله
خليت اديه علئ وجهي وبقيت ابچي.
سحر / لاتحجين هيج كلنه نحبج ولله ومعتبريج وحده منه.
اندك باب الغرفه.
سحر / تفضل.
دخل ضرغام وگال
ضرغام / سحرر كومي بسررعه سوي جاااي ناس منتضره.
رفعت راسي عليه واني عيوني مورمه م̷ـــِْن البچي بقه فاتح عيونه بستغراب م̷ـــِْن حالتي واني منهاره
ضرغام / نارين شبيج ليش تبچين ??
سحر / ولله مادري لگيتها فحطانه م̷ـــِْن البچي اسالها شبيج ماترضه تحچيلي شي
ضرغام / روحي حضري جاي بسررعه
هزت راسها بأيي وعافتنه وطلعت م̷ـــِْن الغرفه اول ماطلعت سحرر ضرغام راح قفل الباب
گمت م̷ـــِْن مكاني واني نااار طالعه م̷ـــِْن عيوني
_ليششش قفلته افتححححه اريد اطلع
تقدم نحوي رجعت خطوات ليورا
ضرغام / شبيج ياروحي ليش هل دموع صااير شي
_هههه روحي. انته صدوووك واحد متستحي واحد متخجل لككك انته شنووو م̷ـــِْن بشررر شلوون تگدر تصررف هييج وتسوي نفسككك مسكين.
ضرغام / نارين شبيج تخبلتي شنوو هل حچي
_لله ينتقم منككك ليششش سويت هييج بشنووو اذيتك انييي فهمني ليشش تحاول تكسررر گلبي ليشششش فهمني. ليششش تحاوووول تستغلني
تقرب مِڼـّي ولزم كتافي بقوه وركز بعيوني بعصبيه
ضرغام / هسسسه غيرر افهم شكوو ليش تحچين هيجج اني شسويت
_عوووفني وخرر لاتلمسسسني وخررر.
دفعته عني ودرت وجهي اريد افتح الباب سحبني عليه بقووه وحضني م̷ـــِْن ورا
ضرغام / اشششش اهدي خلينه نتفاهم بهدوئ بسس احجي شنوو الموضوع ليشش هيج كارهتني شنوو الي تغيرر.
_وخررر عنييي ضررغام ولله اصررخ والم النااس عليككك وخرررررر. انته شنووو مستحتي شلووون تلزمني هيييج وخررررر.
ضرغام / بسس احجيلي شنوو الموضوع
طلعت نفسي م̷ـــِْن عنده بالگوه كان حاضني بقووه درت وجهي عليه واني ابچي
_كااافي تستغلني كااافي حرررام عليككك.
ضرغام / احترگت عشيرتج شوكت ستغليتج انييي انتي شبيججج متخبله.
_متحبني انته متحبني تضحك عليييه ولله
ضرغام / وانتي شنوو الي يرضيج موو تگولين ماااريدك تحبني شتغيررر هسسسه.
_ليشششش تعلقني بيككك اذا ماتحبني ليششش تكذب عليه وتعيشني بأوهام.
سحبني م̷ـــِْن ايدي عليه وحاوط خصري بقووه نزل راسه علئ راسي وهمس
ضرغام / احبج ولله احبججج يوم بعدد يوم هل حب يكبررر بداخلي بسس انتي مجاااي تحسين
_وخررر عنييي لاتمسني انته واحد جذذااااب تحجي يمي شكل ويم مرررتك شكل ثااااني انييي طفله زعطوطه انيييي مافيدك.
ضرغام / صوووتج فضحتينه.
_خااايف تسمع مرررتك مووو هسسسه راح احچي كلشي الها راااح احجيلها عنككك شلوون تخون بيها وياي شلووون تقربت مِڼـّي واستغليتني وانيييي مريضه.
استغليت ضعفي لصالحك وخنت ثقت بابا بيكككك.
ضربني راجدي وكعني علئ السرير.
لزمت خدي واني مصددددوووومه م̷ـــِْن تصرفه
گمت بسررعه م̷ـــِْن مكاني وصرت اضررب بيه علئ صدره وعلئ وجهه.#ڪــڔٰا̍ڕ
نارين / انته منووووووو سمحلك تضرررربني ولله ليييوم افضحك فضيحه كدام الكل.
ضرغام / اشششششش كااافي كااافي تحملتج هووواي. شنوو ستغليتج شنوو خنت ثقت ابوج انتي مستوعبه الكلام الي تحچي
صرت اشهك وابچي حته نفس ماكدرت اتنفس. خليت ايدي علئ صدري واني اشهك
ضرغام / لله ياااااخذني ورتااااح الله يموتني انييي شجابني عليجججج شلوون تورطت وحبيتج.
اني بس ابچي واشهك وهوه مستمر يحچي علئ نفسه ويدعي يكفرر نزل. كلام افشار وغلط ومسبه ماخله شي.
اخرر شي دار وجهه عني وفتح شباك الغرفه وصااار يتنفس بغضب.
صرت ابچي بصوت مسموع ب گوه طلعت هل كلمه م̷ـــِْن حلگي.
_ءا. اكرهك. ءاه. اكرهك.
دار وجهه عليه وعيووونه حمرررر وطاكات م̷ـــِْن العصبيه وجهه عركان.
بقيت مركزه بعيونه واني ابچي وجسمي صااار كله يرعش.
اندك الباب مال الغرفه ضرغام كل ملامحه تغيرت وماعرف شيسوي اني ابچي ومنهاره عبالك ميتلي شخص عزيز
وجهي صااير احمررر م̷ـــِْن الضربه الي اخذتها وهوه وجهه عركان م̷ـــِْن العصبيه ولكلام الي حجاه.
ضرغام / اششش ولاصوت.
خليت ايدي علئ حلگي واني اكتم صوت البچي مالتي.
شويه وراح الصوت م̷ـــِْن الباب
راح بسررعه ضرغام فتح الباب بهدوئ وبقه يباوع خاف شخص موجود.
رجع باوع علي واني مدنگه راسي وابچي
سحب نفس بقووه احس زرف گلبه زرف وعافني وطلع م̷ـــِْن الغرفه.
م̷ـــِْن طلع انهاريت اكثرر صرت ماشوف م̷ـــِْن الدموع راسي احسه راح ينفجر.
كمت م̷ـــِْن مكاني واني ارجف اباوع علئ وجهي بالمرايه عيووني مورمات وخدي احمررر.
دخلت للحمام بسررعه غسلت وجهي واني اسحب نفس ماگدر. اتذكر شلوون مدد ايده عليه وضربني اول مره بحياتي انضرب واسكت عن الموضوع.
لآزٍمٍ احجي كلشي الابويه خلص الي صاار مينسكت عنه منوو مفكرر نفسه ويضربني هيج عباله احبه واسكت. لا غلطان.
شويه وحسيت صوت سحر بالغرفه
سحر / نااارين وينج
_اني. ء. اني. هناا
دخلت عليه للحمام شافتني وشهكت بصوت عاالي
سحر / عزززززا نااااارين شبيييج. ??
_مابيه شي.
عفتها وطلعت م̷ـــِْن الحمام واني امسح بوجهي م̷ـــِْن الماي. رحت اخذت جنطتي وطلعت م̷ـــِْن الغرفه
قبل الانزل لزمت ايدي سحرر
سحر / اووكفي نااارين وين رايحه فهميني شصاار راح اتخبل ولله.
_مصارر شي تُعباُنٌهْـ ريحه احجي ويه بابا يرجعني. للبيت.
سحر / وين يرجعج ناس مخبوصه عدنه احتمال تباتون هناا اليووم بعدين الوقت متأخر هسه
_عووفيني سحرر لله يخليج اريدد اطلع ختنكت
سحر / تعااي احجيلي شبيج شنووو سبب هل دمووع ولقهرر كله
_عووفني ايدي رجاااء مارريد احجي شي
سحر / موو تكولين اني وياج خوات ماتحجين الاختج
_بعدين سحرر ماگدر احجي شي هسه اعذريني.
عفتها ونزلت تحت واني ميتتتته م̷ـــِْن القهررر وبداخلي ناااار شابه تمنيت امووت بهل لحضه ورتاح
اصعب شعور هوه شعور الم الگلب متكدر توصفه ولاتكدر تشرحه لشخص.
تحس نفسك جااي تموت علئ البطيئ.
اتصلت بابا مره ومرتين وميجاوب.
دزيتله رساله كتبت..
يلا بابا خلينه نرجع للبيت تعبت كلش
ماوصلته مافتح نت.
بقيت كاعده بالصاله واني دايخه وراسي احسه راح ينفجر.
سهئ واختها يحوسن ويتهامسن بيناتهن تجاهلتهم وسويت نفسي مامنتبهه عليهم.
شويه واجت سحر خطيه لازمه كلاص عصير خلته گدامي.
سحر / هاج اشربي وجهه اصفرر
_ماريد
سحر / نارين شجاج ماتگليلي ولله شلعتي گلبي غيرر افهم ليش مقهوره وضايجه هيجج.
_مابيه شي لاتخافين
سحر / هوه شنوو مابيج شي شايفه نفسج بالمرايه. وجهج اصفرر وعيونج مورمه م̷ـــِْن البچي وغيرر هاذه كله جسمج يرجف عبالك شايفتج جني.
_اني هيج م̷ـــِْن زمان من انقهر واضوج جسمي يصير يرجف
سحر / دشربي شويه عصير بلكي تصيرين زينه.
_حبيبتي والله ماريدد لاتعبين نفسج.
سحر / شلوون بلووه يربي انتي علئ منوو هيج عنوديه.
_ممعانده. بس ماشتهي.
سحر / لخاطري فدووه اشربي شويه
اخذت لكلاص منهااا وشربت شويه حته ماتزعل خطيه بسس هيه الشخص الوحيد الي حاس بيه ومقهور علئ حالتي.
خليت الكلاص علئ طاوله شويه واتصل جهازي كان بابا.
گمت م̷ـــِْن مكاني ورديت علي.
الوو هاا بابا نروح
ابو نارين / حبيبتي مانگدر نرجع هسه احتمال نبات اليوم عدهم شنوو تعبانه.
_لا بابا فدووه ماريدد ابات خلينه نرجع للبيت
ابو نارين / بويه ناس ملتمه ماگدر اعوفهم ورجع لبغداد وعمامج اتصلو بيه وگالو راح يجون هم للفاتحه.
_اوووف
ابو نارين / شبيج نااارين منوو وياج
_مابيه شي لايضل بالك بسس راسي صاار يوجعني م̷ـــِْن الهوسه.
ابو نارين / انييي شگتلج وشحچيت موو كتلج لاتجين انتي الحيتي هسسه احسلج.
_اووف بابا
ابو نارين / روحي علئ غرفه البنات ورتاحي شويه اذا گدرت اطلع اخابرج ونرجع للبيت
_ماشي.
سد م̷ـــِْن عندي كلش انقهرت وضجت شكدد ماكنت فرحانه بجيتي كرهت الجيه واريدد بس اطلع اختنكت م̷ـــِْن المكان كله
رجعت للصاله. وكعدت علئ الغنفات اباوع علئ منار وسحر يسولفن بعصبيه معرف شبيهم شويه واجت يمي منار.
منار / نارين فدووه خليج بعيده عن حياتنه.
بقيت صافنه بوجهه هاي صدك تحجي اني عايزه واحد يجي ويحجي عليه ليش كلها كارهتني شمسويه بحياتي اني
_شبيج منار اني شعليه بيكم.
منار / هاي سحرر م̷ـــِْن تعرفت عليج لليوم متخبله.
سحر / منااار شنوو هل حجي ولله راح اكول الامي كلكم تحجون علئ نارين بشنوو امأذيتكم البنيه فقيره حراام عليكم.
منار / شحاجيه عليها اني.
ام ضرغام / ولجنننن شبيجن فضحتنه لله يفضحجن اصواتجن طالعه الاخررر البيت
سحر / تعااي يمه شوفي منار تحجي علئ نارين.
منار / يمه والله ماحاجيه شي بسس طلبت منهاا ماتدخا بحياتنه.
ام ضراغام / موو وكت سوالفجن هسسسه شووويه استحن كااافي مزعطه فشلتنه روحن حضرن الاكل ويه سهئ بسررررعه
راحت منار هيه وسحر يتأففن. اجت يمي ام ضرغام. لزمت ايدي وكعدتني علئ الغنفه وكعدت يمي
ام ضرغام / لاتضوجين يمه هنه هيج م̷ـــِْن زمان يتعاركن علئ كلشي.
_خاله اني شدخلني بحياتكم ولله ممدخله بشي ليش هيج تحجي عليه.
ام ضرغام / ختولي لاتضوجين نفسج عليها واني اعتذر نيابته عن ابني حيدر وعن بناتي.
_لا خاله لاتعتذرين انتي شنوو ذنبج
ام ضرغام / شسوي يمه اني امهم. وماكدر اسوي شي غير اعتذر عن تصرفاتهم الطايشه.
هزيت راسي بأييي وسكتت.
شويه وراحت بقيت كاعده لوحدي اجت يمي سحر شايله صينيه اكل.
سحر / هاج حبيبتي تعشي بين ماروح اجيب روبه ورجعلج
هزيت راسي بأييي.
خليت صينيه كدامي واني صافنه علئ الاكل شويه واجت سهئ شايله مرگه صارت مقابيلي
رفعت راسي عليها وابتسمت مجامله
سهئ / اصبلج ?
هزيت راسي باييي شلت الماعون دتخلي مركه علئ التمن.
جابت المرگه وصبتها علئ ايدي احس روحي راحت
شمرت الماعون علئ الارض وصرخت بصوت عاالي.
_اااااااخ يييييمه اييييدي...
