رواية سداد وبنت العرب الفصل السابع والعشرون 27 بقلم الزهيريه

لو كان الحق يقال خلف ظهورنا 

صحيح 

لقالوه أمامنا 

مرحبًا بحسنات لم نتعب لأجلها 

ألق / اي انسان تشعر وياه بالأمان يكون آخر انسان تتوقع منه الغدر آني من بقيت ما يقارب 3 أسابيع ويه سداد أبد ما يوم حسسني انه عينه عليه أبد بالعكس احسه مرات مشاعره جامده وما يهتم أبد حتى من أظل ادقق بملامحه أبد ما يصد ويباوع عليه 

وإني بحكم عمري والبيئة الي چنت عايشه بيها ما يوم احد حبني وحن عليه غير بسمة زوجة عمو زهير الله يرحمه وهاي نحمد الله ونشكره ما طولت ويايه وبقيت تحت رحمة عمي نزار وزوجته نضال لهذا چان اذا احد ينطيني نستله اگول هذا يحبني ومرات اذا أشوف وحده تطلع ويه أبوها او أخوها ويحنون عليها اني من يمي احبه واگعد أبني عليه آمال وهمية شحال من شفت سداد 

شلون يحچي ويايه وشلون يعاملني وهدوئه وجماله صرت أحب كل تفاصيله وساكن مخيلتي ليل نهار وصرت متعلقه بي ومن جابلي ملابس مو عبالك جابلي ملابس من باب العطف عليه لانه وحده فقيره وما عندي لا صرت اصوره يحبني وما يگدر بدوني طبعًا هذا الشي طلع بس بخيالي لا اكثر 

وهو من جابلي الملابس راح لدوامه ومر على عدم وجوده أسبوع وبيوم بالليل چنت نايمه حسيت على واحد نايم ورايه ويتلمس بجسمي فتحت عيوني چان الضوه مال الغرفه مطفيته هذا الضوه هسه معلوگ ألتفت چان سداد صرت ارافس بيده وأدفع بيده إلي مطوقتني بس هو اقوه مني بحيث رجله على رجلي وايده مخليه وحده صايره جوايه وثانيه فوگايه آول ما عطت صارت أيده إلي مخليها فوگايه صارت على حلگي واني في وقتها چنت لابسه ثوب قصير يعني ما يحتاج جهد حتى ينزعني وهو بس نزعني اللباس الداخلي

وهو هم ما نزع ملابسه أصلًا بس فتح بنطرونه وطول الوقت چان ما يحچي تحسه مو طبيعي وهو من چان مخلي ايده على حلگي من چنت ادفع بي صارت ايده على خشمي وحلگي سوه بحيث صارت عندي صعوبه بالتنفس صرت أحس روحي اختنگ اريد بس هوه وبعدها حسيت صار عندي وجع داخلي كلش قوي يعني صرت بين وجع بطني والداخلي وبين نفس ما اگدر اخذ أيدي اثنينهن صارت على ظهره وصرت اخرمش بي باظافري وبعدها حسيت راح يغمي عليه وبالفعل چنت راح أغيب عن الوعي ما اعرف يمكن هذا كله الي حچيته وقته ثواني واني لكون چنت اختنگ حسيته ساعات 

بعدها اجاني الفرج أبعد ايده عن حلگي وهو نفسه إبتعد عني وگدرت أتنفس وبقى بس الوجع الداخلي من تحركت شفت الدم على الفراش وهو چان يرفع بنطرونه ويباوع عليه وعيونه گوه مفتحهن وفتح الباب وطلع واني ظليت گاعده بمكاني حتى اخاف اگوم من مكاني أو اروح ورا واحچي ويا 

بس ذيچ الليله الله اليعلم شلون مرت عليه وما نمت من وجع بطني غير وجه الصبح وما حسيت غير الباب يندگ ودولفين/ گوم انت بعدك نايم گوم شوف البيت شكو بي 

الق/ اباوع على الساعه 7 ونص الصبح وآني أريد اگوم بس احس جسمي كله ما يساعدني بس فوضت آمري لله الواحد القهار وگمت ومن فتحت الباب الوجع يزيد عندي الداخلي ما اگدر امشي گولوا وصلت للمطبخ ومحضرتلي شغل مال بيت إذا ابلش أشتغل بي يمكن بعد يومين ما أخلص ومن گتلها/ ما اگدر اليوم كل شي أسوي مريضه 

دلفين/ انت تكذب انت ما بيك شي يله أبدي بشغل مال بيت 

الق/ وهي تحچي أتقربت مني وضربتني على ظهري بقوه صدگ هنا ما أعرف منين اجتني الجرئه هي چانت مطلعه مواعين المطبخ النظيفه وتگلي غسليهن كله في سبيل ما اگعد وارتاح من ضربتني جريتهن أكثرهن وصرت أشمر بيهن بالگاع واعيط واگللها اعتقيني لخاطر الله مو لخاطر احد خلي الله بين عيونچ خابري سردار خلي يجي هسه وأحق الله هسه احرگ البيت فوگ رووسكم 

وهي الظاهر چانت ما متوقعه ردة فعلي وطلعت من المطبخ تركض وآني رجعت للغرفه وبس رجعت على فراشي واني الوجع موتني بس خليت راسي على المخده نمت رحت بنوم عميق ما أدري بكل شي 

وما حسيت غير الباب يندگ بقوه گمت گوه احس راسي مربوطه بي طابوگه من گد الثگل البي ومن فتحت الباب صار بوجهي سردار شو هذا گبل دخل وسد الباب ورا وهو جرني من ايدي وسحبني لأخير الغرفه وهو يحچي بصوت خافت 

سردار/ اگلچ انت سداد متقرب عليچ 

ألق/ ساعة الگشره على سداد الله لا ينطي العافيه 

واني رفعت الغطه عن الفراش وهو شاف الدم 

يحچي وعلامات الاستغراب مبينه على وجهه سردار/ شنو هذا الدم شنو انتي بعدچ بنيه بكر 

الق/ أي بعدني بنيه وابن خالتك شوف شنو سوه بيه 

سردار/ اگلچ انتي شنو تردين تخبليني لما سداد جابچ من ملهى تردين تقنعيني انتي بعد بنيه وانتي چنتي بملهى لعد لمن انتي بنيه بكر شنو چانوا يسوون بيچ بملهى شنو كاتبين عليچ لافته ممنوع اللمس بابا من جبتي هذا الفلم الهندي 

الق/ اني ما مجبوره اگعد أبرر الك رجعني على عمي نزار هسه لا افضحكم وأول واحد افضحه سداد 

سردار/ شوفي انتي هنا زوجته اياچ تگولين مره ثانيه أرجع على عمي وهو ما يدري بيچ زوجته أصلًا انتظري فتره وبعدها طلگي وروحي على عمچ 

الق/ شنو وهذا السوا بيه ابن خالتك شنو سمي 

سردار/ عيني انتي وعمچ قبضتوا الثمن أنتي تهمتي حتى تاخذون فلوس واخذتوها خلاص بعد سواء چان سداد يدري بيچ زوجته او ما يدري هذا حقه ان يدخل بيچ خلاص والفلوس إلي أخذها عمچ تعتبر مهرچ مقدم ومؤخر وانتي الي ربحتوا لان عمچ اخذ لهدت فلوس وانتي ستر عليچ بعد ما چنتي دايحه بملاهي أربيل لو نسيتي 

الق/ عيني هسه احنه شياطين ومو خوش اوادم وانتوا ملائكة خلاص بعد ما أريد ابقى هنا لو يعرف شنو سوه بيه وأكون هنا زوجته او ترجعوني على عمي 

سردار/ شوفي لچ الچ عين تشرطين من عين باچر ارجعچ لعمچ وانتهى الموضوع وروحي رجعي على فگر عمچ يوميه يبيعچ الواحد بعيني هسه اتصل بي 

ألق/ وبالفعل طلع موبايله وأتصل على عمي نزار وفتح مايك طلع الخط مغلق 

تفاجأت زين اذا رقمه شلون ووين اروح 

سردار/ هسه يله عندچ غير عمچ اوصلچ اله ونخلص 

الق/ لا ما عندي احد ظل أتصل بعمي ألى ما يجاوبك وبلغه أنه آني أريد أرجع يمه 

وهو بس هز براسه وما اعرف بس سمعت دولفين وسداد يسولفون بس صوتهم صار أعلى شبيهم ما اعرف اني ظليت گاعده بالغرفة ورجعت بعدها سمعت صوت سردار ويمكن مر على ما سمعت صوت سردار نص ساعة رجع أجى يمي بالغرفة 

سردار/ طبعًا مثل ما توقعت سداد مستحيل يسوي الي سوا وياچ وهو بوعيه سداد چان سكران لهذا اي شي من السوا وياچ ما يذكره أبد اياچ وبالچ تجيبين سيرة الصار گدام سداد اصرفي طبيعي لما اتواصل ويه عمچ وارجعچ عليه 

سداد/ طبعًا الانسان ما يعرف الحجم الكارثة الا من يوگع بيها هذا اذا چان صاحي على نفسه كيف ما اذا چان عقله مغيب من وعيت وشفت الساعه تخبلت معقوله چنت كل هذا الوقت نايم والشي الچان محيرني وشاغل تفكيري وهو منو جابني للبيت ووين چان عقلي وليش كل شي ما أذكر ابد ومو دخلت سبحت آول صدمه صحتني على زماني چان الدم إلي بالباس الداخلي هذا شنو ومن وين إجى لفيت نفسي بالمنشفه واخذت اللباس الداخلي وصعدت فوگ ومن دا ابدل ندگت الباب 

وبعدها نفتح الباب ودخل سردار تفاجأت بي وسألته/ شنو جابك سردار اكو شي محتاج شي 

سردار/ اگلك سداد أنت البارحه شارب شي 

سداد/ ليش تسأل هذا السؤال صاير شي 

سردار/ بربكم بدينك انت أكو عقل براسك لك بابا أنت صغير حتى سوي هيچ أشياء لك بابا انت وصلت لعمر الثلاثين ترى مو صغير سداد 

سداد/ شبيك سردار بس گلي اكو شي بروح أبوك 

سردار/ جاوبني انت ما جاوبت إلى هسه شارب شي 

سداد/ والله سردار اذا اگلك بالصار ويايه ما صدگ أبد البارحه عزموني اصدقائي حتى يصلحوني ويه اوزجان تصالحنه وتعشينه وبعد العشه جابوا نرگيله ومن چنت اجر نفس النرگيله احس الدنيا تفتر بيه ومن ذاك الوقت الى ما گعدت قبل شويه قبل ما أسبح ما أذكر شنو الصار والكارثة والطامه الكبرى أنه اللباس الداخلي مالتي بي دم هذا الدم منين إجى ما اعرف تفحصت نفسي من فوگ إلى جوه ماكو اي جرح بيه لعد هذا الدم منين 

وبعده ما مجاوبني سردار اني چنت واگف گدام المرايه مال ميز التواليت وأكو مرايه بباب الكنتور شفت ظهري بالمرايه مليان خراميش مال اظافر مشوه شوه 

تخبلت 

سردار/ هو بس الدم تدري خابرت عليه خالتي تگول جيرانكم جاي عليها ويگول سداد دعم الباب مالتنه وفلشها ومصورتك الكاميرا مال بيتهم والثاني من بداية الفرع هم جاي ويگول انت داعم السياج مالتهم ومفلشه 

ومن شفت تصوير سياقتك چانت جنونيه أدري متعجب شلون وصلت للبيت وانت ما بيك شي وهو الفرع فلشته لعد الطريق كله شلون چانت سياقتك والمشكله مو هنا المشكله والطامه الكبرى السياره هاي إلي أنت اجيت بيها مال منو 

سداد/ يمعود گول غيرها هاي شنو الصار ليش هيچ ما اذكر شي 

هاي احچي ويا وأني ألبس بملابسي ونزلت أركض ورايه سردار ومن طلعت لگيت السيارة بره تفاجأت بيها هاي مو سيارتي هاي سيارة اوزجان 

سردار/ هاااا هاي السيارة مال منو 

سداد/ هاي سيارة اوزجان شلون اجيت بسيارة اوزجان واني بالتصوير اني چنت اسوق السيارة لعد اوزجان وين وانوب من گعدت إلى هسه منتبه آنه موبايلي ماكو 

ولگيت السياره ما مقفله والسويچ بيها يعني حمدلله الي يريد يبوگها ياخذها بسهولة لان عايف السويچ بيها وفتحتها أدور بيها على الموبايل 

سردار/ على شنو دى دور بيها 

سداد/ رحمه على أهلك دگ على موبايلي اريد أشوف هذا الموبايل الاگشر وينه 

وبالفعل دگ عليه سردار ماكو يدگ مغلق واني كله ولا موبايلي لإن الامه العربيه كلها بي واني وسردار بسيارة سردار رحنه على بيت صديقي الي چانت العزيمه بي ودگيت الجرس طلع صديقي نفسه وهو هم دايخ مثلي بالصار وكل تفسير للصار ما لگينه ولگيت موبايلي عنده وخليته يمه على الشحن وبس شحن شويه 

خطر على بالي فرقد وأتصلت بي وهو رد 

فرقد/ قبل شويه خطرت على بالي گلت شعجب اختفى وما إتصل بيه وهاي انت إتصلت تفضل كاكا 

سداد/ وحچيتله الموضوع بما إنزل وحتى على الدم الچان على الداخلي مالتي 

فرقد/ مبروك هاي راح تجيك تهمة أغتصاب على الجهاز هذا شي اما الشي الثاني انه ماكو نرگيله سوي إلي ذكرته ماكو واحد ينام يوم كامل من وره نرگيله اكو شي ثاني هسه راح ادزلك آبن خالتي أحمد ياخذ عينات من النرگيله والأكل وهسه نعرف اذا اكو ماده موجوده بيها لو لا شكرته وغلقت الخط ويا 

وبقينه ننتظر حدود ساعة ونص وأتصل عليه رقم غريب وبلغني إنه أحمد ابن خالة فرقد وصفتله البيت وين واجى بعد السلام والترحيب دخل آخذ عينه من الآكل ومن مواعين مختلفة رجع على النراگيل اخذ عينه من 3 نراگيل وحتى المي والعصير هم اخذ عينه منهن وسلم وطلع 

وبس طلع احمد رجعنه على تسجيل الكاميرات رجعنه تصوير مال البارحه الكاميرات وشفنه ماكو شي مريب بالبداية وظل التصوير 

وشفنه ابو الدليفري من جاب الآكل وبعدها شفنه الولد الي دخل سوه النراگيل وبعدها صارت ظلمه لآن نگطعت الكهرباء وبعدها شغل ابو المولد يله رجعت الكاميرا وشفنه من طلعنه وكلنه بين العياط وبين واحد يضرب الثاني الوضع مالتنه چان الوضع مزري 

وبالتصوير شلون اخذت سويچ اوزجان وركبت سيارته وانطيته سويچ سيارتي يعني الوضع چان عبالك سكرى وهذا حيرنه بعد أكثر إتصل على اوزجان وكوجر اثنينهم موبايلاتهم مغلقة شنو الصار بذيچ الليله الله وحده اليعلم 

ومن رجعت للبيت رحت اني وسردار على جوارينه الي ضرروا وردت انطيهم تعويض بس ما قبلوا وظل ينصحون بيه ويلوموني لان اني انسان محترم وهذا تصرفي غير لائق والله خجلت صرت بنص هدومي 

وآني من النوع ما عندي أذية على احد وبعدها راح سردار واني دخلت البيتنه صارت أول ما دخلت للمطبخ صارت گدامي ورده احچي وياها ما ترد وشلون تباوع عليه بكره احچي وياها ما جاوب وراحت للغرفه چان يوم عجيب غريب 

اما أني رجعت نمت كأنه ما نايم ابد وعلى ثاني يوم گعدت متاخر من النوم ورجعت إتصلت بكوجر وهاي المره ردت عليه وحده گالت آني زوجة كوجر وبعد السلام سألت عن كوجر عجبتني من گالت كوجر بالسجن اخذت اسم المركز الي بي كوجر وبس بدلت رحت عليه وطلبت مقابلته 

ومن جابوا ألي وسالته عن سبب دخوله لسجن 

كوجر/ ما ادري من كل شي ما أذكر حسيت الدنيا تفتر بيه وبعدها كل شي ماحسيت ومن گعدت ما ادري چنت نايم او مخدر بلغوني انه داهس واحد بسيارتي وهو حاليًا بالمستشفى يا يعيش يا يموت وحالته خطره 

كل واحد بينه چان بذيچ العزيمه صارتله مصيبه وبقى بس اوزجان وين صفى بي  

رجعت للبيت وأتصل بيه فرقد وبلغني 

فرقد/ طلعت نتائج العينات الي أخذناهن واحمد رجع جواب أنه كله نظيف وما بي شي هاي الآكل والنراگيل وألمي والعصائر صارت بعيده عنهن الشبهات 

وآني دى احجي ويه فرقد أتصل بيه صاحبي الي چانت العزيمه في بيته وبلغني خبر ظليت لي صافن لا اخذ ولا انطي گال / اوزجان توفى بنفس الليله وطلع ماخذ سيارتي والحادث صار من چان يريد يرجع لاربيل البريك فاگس عنده ومگلوبه بي سياره 

الفصل الثامن والعشرون من هنا