رواية ذيب الشامخ الفصل الثامن والعشرون بقلم توتة
المــــر
لــــوو ينجرع چــــــااا ترسوو الفنجـــان
والحچي الما بي وزن يحچيــه ياهو الچـــان ..🖤
>>>>>>>>>>>>>>>>>>
تبارك : شبيه بابا ??
درنه وجوهنه شفنه تبارك واكفه ورانه وتبچي خليت ايدي علئ وجهي يالله هسه شلون نفهم هاي
تبارك : ماتحچون شبيكم شبييييه بابا
يوسف : اششش هدي هدي اني احچيلج بس اسكتي لاتخلين امج تسمع هيه مريضه
ليث : يمعود شتحچي انته
يوسف : خليها تعرف
_تعاي بابا تعاي يمي اني احچيلج
اجت يمي گعدت مسحت دموعها بأيدي وحجيت وياها بهدوئ ماريدها ترتعب لوو تخاف وتخلي امي تعرف وتتخبل
_شوفي ابوي هسه مخطوف
فتحت عيونها بصدمه جبيره وصاحت بصوت عالي
تبارك : شنووووو مخطووووف
خليت ايدي ؏ حلگها فضحتنه الخبله موو مال واحد يحجي وياها بهدوئ.
_اششش ولج امي لاتسمع خليني افهمج اسكتي هزت راسها
وخرت ايدي م̷ـــِْن حلگها ..
تبارك : منو ..منو خطفه وليش شيريدون منه
_انتي موو تدرين بأبوي وشغله اكيد عنده اعداء وخاطفينه يريدون مكانه فلوس
تبارك : فلوس ??
_اي طالبين عليه 40 شده ولازم باجر ننطيهم الهم ويسلمونه ابوي
تبارك : ذيب فدوه اروحلك دبر الفلووس لاتخلي يصير شي لبابا.
_آإنْہۛ ۛ شـۣۛـۣۛـآإ۽ آللّـۣه هسه احنه منتضرين اتصال منهم حته نتفق وياهم علئ موضوع الفلوس ونعرف وين نلتقي بيهم ونستلم ابوي
تبارك : ياربي دخيلك معقوله يجذبون ياخذون الفلوس ويذبحون ابوي
_لا بويه جبناء مايسوون شي همه كل همهم الفلووس لوو يريدون يذبحونه جا ماتصلو علينه وطلبو فديه خليج مرتاحه ..الي اريده من عندج هسه
تسكتين والاكانو تعرفين شي ماريد امي تعرف شي وتتخبل علينه بهل ليل لاحد مانرجع ابوي
تبارك : ولله گلبي مامرتاح خايفه ذيب ولله
ليث : خوو انتي ماتخافين وعرفتي هسه شيخلصنه بعد بابا الموضوع مابي شي ننطي فلوس ونرجع ابوي لامن سمع ولامن دره ماشي
يوسف : ؏ كيفك وياها بعدها مصدومه من الخبرر
ام ذيب : ياخبر يمه
_هلا يوم شنوو هل ريحه الطيبه شسويتيلنه
ام ذيب : خير من لله
_عاشت ايدج
خزرت الكل تغيرت وجوهم تبارك مسحت دموعها عافتنه وطلعت من الصاله جابت امي صينيه مال الاكل خلتها كدامنه
_اگعدي يوم اكلي ويانه
ام ذيب : لا حبيبي اكلو انتو بالعافيه هستونه تعشينه
_لله يعافيج ..تعال يوسف تدنه
اجه يوسف گعد يمي تعشينه سويه وامي گاعده ويانه تسولف عليه كلام عادي كملت وكمت اغسل برا
اتصل جهازي شفته رقم ابوي طلعت برا البيت كله رحت اتمشه يم سيارتي فتحت خط
مجهول : الوو
_نعم
مجهول : حضرت الفلوس ?
_اي كلشي جاهز وين نلتقي اسلمك الفلوس وتسلمني ابوي.
مجهول : انطيك عنوان تجي لوحدك اذا عرفت جايب وياك احد لوو لاعب بذيلك تتندم ولله
_لاتخاف اني مو جبان مثلكم اجيكم لوحدي وبأيد فارغه بس اذا انته وجال طلع وجهك گدامي
مجهول : ديلا يلا لاتبيع رجوله علينه باجر صبح راح تجيك رساله علئ جهازك بيها العنوان تخلي الفلوس بالمكان وابوك راح تستلمه اول مانستلم الفلوس
_شنو الي يثبتلي كلامك ?
مجهول : كلامي مايصير ثنين مفهوم ..واعيد واگلك اذا ادري بيك جايب شخص وياك تتندم.
_ماشي الصبح يمك اني
سد الجهاز رجعت دخلت للبيت تلاگه وياي يوسف وليث
ليث : هاا شصاار خابروك ?
_اي گال باجر الصبح تجيك رساله لجهازك بيها العنوان الي راح تخلي بيه الفلوس
يوسف : وعمي وين راح نستلمه
_بعد ماياخذون الفلوس راح ينطوني ابوي
ليث : شنوو ينطوك احنه مانروح وياك
_اي اروح لوحدي لأن اذا اخذ واحد منكم وياي راح اعرض حياة ابوي للخطر
ليث + يوسف : مخبل انته تريدد تواجهم لوحدك
_اي
يوسف : اني وياك رجلي علئ رجلك
_گلت الكم ماخذ شخص لاتلحون تبقون منطقه بعيده تراقبون المكان م̷ـــِْن بعيد واني ادخل لوحدي واذا تأخرت عليكم او ماطلعت تهجمون مفهوم
ليث : ناخذ ويانه حمايه
_اي انتوو ولحمايه توكفون علئ صفحه ومن انطيكم اشاره او اتاخر عليكم انتو تهجمون علئ المكان
بس هاا موو 5 دقايق ودخلون وراي وتخربوون الآۆلْ والتالي
همه يستلمون الفلوس يلا ينطونه ابوي خلو هل شي بالكم أي حركه زايده منه يروح بيها
يوسف : انته هم دير بالك ليكون ناصبين كمين الك انته هم خلي وياك سلاح او البس درع
_مسدسي بخصري درع مالبس اذا لله كاتبلي اموت خليني امووت اصلا شضال بيها حياتي اني
ليث : ذيب شبيك هسه نخاف عليك علئ ابوي
_يلا خلونه ندخل صبح لآزٍمٍ نطلع
عفتهم ودخلت جوه صعدت علئ غرفتي سبحت وتمددت علئ فراشي
اول ماغضمت عيوني اجاني حلم مزعج كلش رباب تزوج واني واكف واباوع عليها وماسوي أي شي بس صافن وهيه بدلت العرس
كمزت م̷ـــِْن الحلم لگيت نفسي عرگان وفحطان مسحت وجهي م̷ـــِْن العرگ
واني اتذكر بالحلم شكدد اختنكت منه لوو يصيرر گدامي شيصير بيه
ستغفرت ربي اباوع علئ ساعه بـ 2 بليل طفيت الجهاز ورجعت نمت.
__________________________
رباب
_اني ..اني
وكف السياره علئ الاشاره الحمره دار وجهه عليه وهوه ينفخ دخان ركز بعيوني ماگدرت اباوع بوجهه درت وجهي عنه
ثائر : اي انتي شنوو
_هيج ماكوو شي انسه
ثائر : احلف عليج انتي مو طبيعيه شبيج بابا قبل شويه جان بحلگج حجي گولي ليش تراجعتي
_امممم .. لا بس موهسه بالوقت المناسب احچيلك
ثائر : هيج الموضوع يرادله وقت حته تحچينه الي
_اي
ثائر : ماشي براحتج.
هزيت راسي وسكتت صارت الاشاره خضره حرك السياره ومشينه ..
وصلنه محل الذهب نزلنه سويه گعدنه جابولنه خواتم نختار منهاا
اباوع عليهن واني مقهورره تمنيت هل لحضه تصير ويه حبيبي ذيب شكدد جنت اتخيل ايامنه سويه
شلوون م̷ـــِْن نتزوج م̷ـــِْن نعيش سويه م̷ـــِْن ياخذني كدام الكل
نزلت دموعي بصمت مسحتهم ودرت وجهي بقيت اهفي بأيدي اريدد روحي ارتاح شويه قصص وروايات عراقية
ثائر : شنوو رأيج بهاذه حلوو
_هاا اي حلوو
ثائر : انطيني ايدج خليني اجربه عليج
مديت ايدي اله خله الحلقه بأصبعي علئ كدي گال ناخذ هاذ هزيت راسي بأي واني حته منتبهه علئ الحلقه
انطاه الهم وگلهم غلفو باوعلي وگال
ثائر : يلا ختاريلي حلقه علئ ذوقج
اباوع علئ الحلقات هواي بس اكوو وحده بيهم حلووه بيها مثل الحروف بالون الاسود داير ماداير عليها كلش نازكه ومرتبه
_هاي حلوه
ثائر ; حلووو ذوقج .. خلينه هاي
اخذها منه وخلاها بعلبه طلعنه م̷ـــِْن المحل ورجعنه للسياره شغل اغنيه بصوت ناصي واخذنه علئ،مطعم.
دخلنه سويه گعدنه طلب النه اكل لزم ايدي سحبت ايدي منه بسرعه واني ضايجه
ثائر : شكوو شبيج
_لاتلزم ايدي
ثائر : ليش احنه بعدد يومين الخطبه مالتنه مستحيه مِڼـّي
_بعدك ماصرت خطيبي حرام تسوي هيج
ثائر : ههههه هسه تريدين تقنعيني انتي مؤمنه وملتزمه هل كدد حته م̷ـــِْن لزمت ايدج تستحرمين
_مشكلتك تريدد تصدك تريد لا
من حچيت هيج اختفت الابتسامه م̷ـــِْن وجهه ضاهر ماعجبه كلامي سحب نفس وسكت ماحجه شي بعد اني هم رتاحيت مالي خلك اتجادل وياه.
شويه واجه النادل جايب الاكل خلاه گدامنه اني حته ماشتهي شي اكلت شويه خلصنه وطلعنه سويه
وصلني للبيت وراح طول طريق ماحجه شي ضاهر ضاج لأن حچيت وياه بهل أسلوب طبه مرض هاي مشكلته لآزٍمٍ يتحملني
مر يومين بسرعه واني ويه كل يوم حالتي تسؤء ماتتحسن كل ماتخيل راح اتزوج واعيش ويه انسان ماحبه لاعرف
شي عنه ادمر الكل فرحان ويحضرون بنفسهم اجتي امي للبيت وتباركتلي ولاجنها مسويه شي ولاحاسه بالذنب ابدد
وعمتي حرير وبنت عمي يسممن بيه بهل حچي ماعرف ليش هيج حاقدات عليه وكارهاتني.
گعدت الصبح واني ماتمنه يصبح عليه اليووم ولايصير.
اجت يمي بيبي انطتني ملابس گالت حضري روحج ؏ سريع حته ناخذج للصالون
كمت واني القهر غاطيني غسلت وجهي ولبست وطلعت الهم
الكل جاي علينه حته مرت عمي سهام اجتني بوستني وتباركتلي وامي واخواتي هم كلهم موجودات راح تصير الخطبه بيت جدي لان اني م̷ـــِْن يوم الي حترگت بيه بقيت گاعده عدهم
ومن خطبوني گال ابوي اسوي الخطبه يمي بس اني مارضيت گلت الهم ماروح للبيت اضل هنا وبيبي هم مارضت
گالت الهم الخطبه تصير بيتنه هم جبير وهم هيه تريدد هناا.
طلعنه للصالون اني ومرت عمي سهام واختي ساره ومروه.
عمتي حرير جانت تريدد تجي ويانه بس ماخلتها بيبي گالت الهاا منوو يضل وياي بالبيت
لبست بدله لونها ذهبي وطلبت منهاا ماتخلي هواي مكياج اريدد شي خفيف.
كملتني اباوع علئ نفسي واذب حسرات خلت ايدها علئ كتفي عمتي وهمست
سهام : ؏ اقل بس اليووم ابتسمي ليووم خطبتج
_تريديني افرح عمه إنتـي اكثرر وحده تدرين بيه ماراضيه بهاذ الزواج وانجبرت عليه
سهام : ادري بيج انجبرتي بس بعد مابيدج شي تسوينه حته لوو ضجتي وبچيتي مراح يتغير شي هاي قسمتج ولازم تتقبلين الموضوع
انتي الي ختاريتي هل طريق ولازم تكفين بيه الولد ماله ذنب ليش تخربين فرحته هوه مبين فرحان بيج ورايدج بعيوني شفت شكدد مهتملج ويباوعلج بحب
_عمه فدوه اروحلج اسكتي اني ماحبه گوه اجبر نفسي عليه گلبي مايريده اني لوو ماتهديد أبوي مستحيل بيوم افكرر اتزوج وابقه گاعده علئ گلوبهم لْـۆ ينطوني لذيب لْـۆ ماتزوج بس بعد مابيدي حيله
گال عمي ابوي هل مره مقرر وحالف اذا اسوي أي حركه راح يقتل ذيب
واني كلشي ولايصيرله شي بسببي ختاريت اتزوج وابتعد عن حياته وحياة اهلي بس حته أمن عليه واعرف مراح يصيرله شي اذا اني تزوجت.
سهام : مثل ماختاريتي موضوع الزواج واتقبلتي لآزٍمٍ تتقبلين الواقع انو راح يكون رجال بحياتج راح تصيرين مَـرّھٌ متزوجه
لآزٍمٍ تحترمين زوجج وتسمعين كلامه وتحبينه مثل مايحبج حته لوو تجبرين نفسج عليه هوه اله حق عليج بعد وانتي مجبوره تنفذين كل رغباته لاتنسين هل شي
الرجال ماخذج مايباوعلج يريد حب دلال مداراه غسل تنضيف حته اذا شاف كل هذني منج يعيشج احسن عيشه
بس اذا انتي ماسويتي شي منهم لاحب لادارينه لاتأدين واجباتج اتجاهه راح يكرهج بعيشتج وانتي ماعايزه قهر وضيم
احچي اني لمصلحتج ولله لأن ماريدج تتعذبين اكثرر م̷ـــِْن هل عذاب خلي شي بالج اذا تضلين علئ هل اسلوب مراح تستفادين شي #ڪــڔٰا̍ڕ
وانتي الوحيده الي راح تكونين خسرانه لان راح تخسرين اهلج زوجج وذيب وتفلسين م̷ـــِْن الكل فأ خليج واعيه
وفكري بكلامي زين وانطي لنفسج فرصه وحاولي تتقبلينه حته لوو ماتحبينه بس تضاهري بالحب گدامه خلي يحس اكوو شي بداخلج اتجاههه
_لله كريم
سهام : يعمري لله يهنيج بحياتج انشالله وتكون ايامج كلها فرح وسعاده
_فدوه لگلبج
سهام : راح اخابر علئ عمج اخلي يجي يرجعنه للبيت تأخر عليه واحنه مكملين صارلنه ساعه
هزيت راسي بأي الهاا راحت تخابر بقيت صافنه وافكرر بكلامها كله صخ بس جيب الي يقنع گلبي بهل حچي ماگدر ولله ماگدر روحي رافضه كلشي
حته ماگدر اباوع بوجهه احس روحي جاي اخون بذيب شكدد حارب لخاطري وحاول ويه اهلي بس همه ماقدرو ولانطوني اله
شويه واجت عمتي خلت الطرحه علئ راسي وگالت راح يوصل عمج
ساره لبست جبه وشال وطلعنه سويه اجه عمي رجعنه لبيت جدي
دخلنه كله هلاهل وركص بنات عمي وخالي وخلاتي كلها متجمعه عدنه وصاايره هووسه.
صارت ساعه بـ 3 العصر وصلت الزفه م̷ـــِْن وصلت احس دكات گلبي صارت طبول وتوتر علئ خوف علئ خجل مادري شلوون ينوصف شعوري.
دخلت نسوانهم تهلهل وتشمر جكليت خلو علئ راسي الطرحه صاحت ام ثائر
ام ثائر ; الف صلاه والسلام عليك ياحبيب لله محمد كلوووووووش
. شويه ودخل هوه كاشخ وعطره يوصلك من بعيد
بقيت منزله راسي اجه يمي گعد واجه وياهم الشيخ صار يقرا وصل لاحد كلمه ڼـعمًـْ
گلت نعم وهوه هم وتمت الخطبه الكل تبارك لثائر كام سلم علئ ابوي واعمامي
طلع الشيخ شال الطرحه عن راسي وركز بعيوني المليانه دموع بالگوه لازمتهن ماينزلهن
باسني براسي غمضت عيوني بقهر وحزن خلص انتهئ كلشي صرت علئ أسمه صرت مرته
جابو الحلقات لبسني الحلقه وانطوني الحلقه مالته بقيت صافنه وايدي ترجف لزمت جتفي امي وهمستلي لبسي
لزمت ايده ولبسته الحلقه والمصور يصور بينه ولجكليت والهلاهل صارت هوسه
بقه گاعد يمي شويه گاله المصور تعالو للغرفه ناخذلكم صور لوحدكم
گومني واخذني لغرفه عمي دخلنه دخلت ويانه بس امه وامي وعمتي حرير.
صار يعلم بينه المصور وياخذلنه صور اني بكل صوره تعابيري جامده وماتحرك ولاسوي أي شي بس هوه الضحكه مرسومه علئ وجهه ويصور ويضحك
لزمني م̷ـــِْن خصري وسحبني عليه همس قريب م̷ـــِْن أذني
ثائر : ليش هل وجهه الحلوو ضايج شنوو الي معاجبج حته اعدله
_مء ماكو شي بالعكس كلشي حلوو
ثائر : اكيد ?
هزيت راسي بأي ابتسم باس راسي وطلع بقيت ابلع بريكي بخنكه اريد اجر نفس ماگدر #ڪــڔٰا̍ڕ
خلصت الخطبه وراح الكل بقت بس عائلتنه وبيت عمي بالبيت اجتني ساره ساعدتني بنزع البدله والتسريحه.
صارت تنزل دموعي بدون سوابق انذار واني اشوف الحلقه بأيدي واتذكر نفسي خلص صرت مرته وعلئ اسمه بعد ماگدر اغير شي
خسرت بهل قصه خسرت ماگدرت اكون كدد هل حب ماگدرت اخذ حبيبي الي ضحه لخاطري وحارب بس اني مابيدي شي سويت كل هل شي لخاطره
ماريد يصيرله شي بسببي واكون اني المسؤله خلص خلي يشوف حياته بدوني
ساره : فدوه لگلبج كافي عيونج راحت
_اااااخ ساااره لوو تشوووفين النااار الي بگلبي هسسسه اتمنئ امووت واخلص ولجج تعبببببت ولله تعبببت ماگدر اتحمل بعد اريدد يووم واحد ارتاح بيه ماكوو ليش هيج حياتي
بس فهميني اني شسويت حته هيج اهلي يسوون بيه ليش حرموني م̷ـــِْن ألانسان الاحبه ليش ماخلوني مرتاحه بحياتي ودمروها.
ساره : هاي قسمتج م̷ـــِْن الحياة
_يااااقسمه تحچين عنهاا قسمتي همه الي وكفو بطريقها اطلب أيدي بكل احترااام منهم وماقدرو ولانطوني اله ليشش بس اريدد افهم ليشش مانطوني اله وانطوني لهاذه بشنوو أحسن م̷ـــِْن ذيب شنوو المميز بيه
لوو لأن اني هاذه ماحبه جبروني عليه لأن همه يستمتعون م̷ـــِْن يشوفوني اتعذب ويتقصدون يذلوني
ساره : اشش كافي فدوه اسكتي گلبج راح يوگف اذا كلها توكف ضدج اني وياج ماعوفج دقيقه وراح اكون دائما موجوده
_اليوم اني خسرت ساره خسرت تحطمت كل احلامي كل سعادتي تحطمت ماضل شي حلوو بحياتي شكدد جنت بانيه احلام وافكار لزواجي اني وذيب خططنه لكلشي بس بلحضه كلشي دمر.
ساره : لله ينتقم م̷ـــِْن كل واحد جان السبب بتدمير حياتج.
بقت گاعده يمي وتسكت بيه شويه هديت م̷ـــِْن طلعت كلشي بداخلي اذا مابچي.
مارتاح احس شي خانكني خنك م̷ـــِْن ابچي واحچي كلشي بداخلي ارتاح شويه
غيرت ملابسي وغسلت المكياج وبقينه گاعدين اني واختي سويه صارت تواسيني وتمسح دموعي
يمكن لْـۆ ماهيه يمي ليوم جان موتت نفسي ورتاحيت من كل هل عذاب.
صارت ساعه بـ 11 بليل دخل اخوي محمد گالها ابوي يريدج برا يگول خلينه نرجع للبيت
سلمت عليه وراحت خليت راسي علئ المخده واني صافنه وعيوني تمطر دموع لوحدهم مادري شكدد محمله دموع
الي يشوفني شكدد ابچي يگول عفيه عيون عندج ويشوفن لحد هسه
نمت واني القهر والضيم غاطيني ...
