رواية عشك الشاهيين الفصل الثامن والعشرون بقلم مجهول
🌿**انه بلـ لا وعيّ من إنطيتك الروح
وعقل ما چان عندي
وهسة فزيت
ما چذّب وأگلك
باچر أنساك
عفتني وذكريات هواي خليت
اذا كل حايط الـ بي
أسمك يطيح
على هل حالة لازم
نهدم البيت **🌿
#البارت_28
اخذت جنطتي ونزلت ودعت الكل طبعا الكل عرف بهل موضوع
ماعرف شنو الفلم ليش هيج الكل فرحان بشكل وممصصدكين شاهين قرر يزوج
وراها جنت انتضر هل وحش يرجع حتى نروح اجتي عمتهم بس احسه مو مثل البقيه يعني الكل جان مبين الفرح بعيونه صح باركتلي بصوره رسميه واحس. ضايجه بس متبين
بس من اجتي بته عود باركتلي عرفت السبب.
قبل مارد عله هاي البينه الي اسمه. نهله . دخل هو. كل عاده حضوره طاغي عل كل سلم. وكعد بصف. جده بعد ما باس راسه. جده كال
شيخ مظفر
شاهين
شاهين
امر جدي
شيخ مظفر
مايمر عليك ضالمً بويه هل ورده اخوك علي راح يوصله هو وزهراء
شاهين
خير جدي شصاير. شنو علي يوصله بعدين. عدنه شغل شني هم علي يشتغله مكاني
شيخ مظفر
شنهي شغلك هذا الي مايكدر علي يحل محلك بي
شاهين
جدي ترى مايصير هل شي. المهر الي اني وغرام علي وزهراء شلهم دخل غير احنه الي نجهز
غرام
لا عادي اني ماعندي مشكله
من كلت هيج نضر الي نضره اوووف ربي لو النضرات. تكتل جان هسه اني بعداد الموته. وكال
شاهين
شغلي اني أخلصه بيدي محد يحل محلي
شيخ مظفر
لا انته عندك شغل ثاني
شاهين
جدي شنو الفلم شهل شغل
شيخ مظفر
لا تنسى هاي مشيت الشاهين بيوم كلتلي اريد مشيتي تكون مثل ردتل جيش واني ناوي اسوي الي جان بخاطر الشاهين
شاهين
جدي هل شي مايمنع روحتي لبغداد وبعدين كل الي كلته بالماضي. راح يصير بالحاضر.
لذالك اني رايح.
انتبهت. انو شاهين حتى جده ميناقشه من يقرر يسوي شي. بس امه كالت.
ام علي
شاهين
شاهين
كولي ام. علي شني هم انتي ضدي
ام علي
هو اني مصدكه. راح اشوفك عريس.
شاهين
هههههههه صدكيً صدكي شيخه
ام علي
فهد ومريًومه يرحون وياكم
ابو زهراء
ام علي شهل حجي مريم شموديه وياهم شعده
ام علي
لا يخوي مريومه بذاك العرس. ماجهزت مثل العرايس الي لازم تجهز هاي بت الشيخ. محسن مو حي الله وحده لذالك. عرس الفهد ومريم راح ينعاد. بعرس تسولف بيه العربان
مرام
خاله فدوه خلي اروح وياهم
صگر
وين تروحين وياهم شنو نسيتي انتي صارلج يومين من جبتي وبعدج نفسه
مرام
فدوه حباب صگر. شبيك غير اختي العروس
صگر
والله حياتي سلامه زوجتي وصحته اهم. من هل سوالف
مرام
ترى اختي
صگر
اي عمري ادري اختج بس هذا عرس الشاهين يعني مراح تفوتين شي
مرام
شلون يعني
صگر
هذا. بعد هل انتضار راح يسوي كلشي مضاعف
شاهين
وهاي نيتي
غرام
صافنه علي الي يسمعه يكول صدك عاشق ومكيف بعرسه ولا عبالك. كلشي يسوي عناد وبمزاجيه
حايره شلون راح تخلص أيامي وياه. مادري ليش عدي احساس هذا راح يسجني بهل قلعه
لا احتمال يدفني واني عدله.
شاهين
كاعده كدامي مثل واحد الي مسويله مكسوره وخايف ينكمش. هادئه ومبين عليه الخوف اي هو هذا اصلا الي اريده. مو بسهوله نرجع سوه.
بسبب جذبه وحده منه كدر واحد تافه مثل جهاد يعدنه عن بعض. (عشر سنوات)
بس هاي امي منين طلعتلي بسالفه فهد ومريم. شلون ورطه
اني سكتت لان اذا ناقش اكثر راح أكون محط شك وشنو الي يخليني هيج مصر
لذالك سكت
اباوع عله فهد الحقير فهم ماريد روحته وهو ولا يمه. يوزع بهل بتسامات.
ومريم ماصدكت دنكت راسي رفعته هيه مبدله. واگفه فوك راسي فوك الظيم كله
هيه ماله شغله بفهد لازگه بيه وتسوي
مريم
يله شيخ اروح
شاهين
راحت روحج كون.
مريم
عادي المهم نروح
فهد
بابا انتي ترحين ويايه شعليج بشاهين.
مريم
لأحبي نروح كلنه بسياره وحده. ترى ملل بس اني وياك
غرام
اي صدك شكو كلمن رايح بسياره
فهد
وين الله وانفرد بيه واشك حلكه الفاهي هذا. بنيه ثوله بعمري ماشفت مثله ولا راح اشوف غير اباوع عليه اخزره ولا عبالك
أنوب الحقيره طلعلي السانه
اني اعلمج اله اكص هل لسان الج
بس خرب شرفه عله هل ابتسامه شلون تسحر كلبي بيه
موبنيه كارثه أنوب كل عقله تكلي قصة الحب الي ماعشته قبل غصب عليك تعيشني اياها قصص وروايات عراقية كرار صلاح
مريم
الاشياء الي جنت احلم بيه ويه الفهد لازم احققه اني الي كلت لمرت عمي تكول خلي فهد ومريم يرحون وياكم
اني اريد ارجع اني القديمه الي كلي حيويه وحماس.
مدلله الشاهين. مثل ما الكل يسميني ...قصص وروايات عراقية كرار صلاح
طلعنه اربعتنه لبغداد اني وغرام كاعدين ليوره. وفهد يسوق وشاهين بصفه
اني وفهد طول الطريق جنه نضحك ونسولف
بس غرام وشاهين تحس كل واحد بيهم بجهه شاهين شخص صعب حيل ماعرف شلون تقبل شخصيه مثل. غرام هيه حيل مختلفه عنه
يعني مرام تقريبا مثلنه طريقه لبسه. ومكياجه وتصرفاته يعني حتى من زوجت هيه وصگر لبست عبايه.
بس وحده مثل غرام. شخصيه قويه. كله غرور وكبرياء مستحيل تخظع لشاهين.
الصراحه اصلا متفاجاءه. شلون وحده مثله. يختاره شاهين يعني صح البنيه جمال واخلاق وشهاده
بس مو شخص ممكن شاهين يختاره بس اني شكو المهم قرر يزوج كتله
مريم
شيخ شاهين. شوكت قررت تزوج غرام
فهد
قرر قبل١٢ سنه
مريم
شنووووو😳
شاهين
يمظرط هذا معليج بي
غرام
لا صدك اني اعرف شاهين من ١٥ سنه
مريم
لا تخبلوني واحديكول ١٢ واحد يكول ١٥
غرام
شاهين جان طالب وياي بالجامعه
مريم
اهاااا اكيد لعد تعرفين المرحومهً الله يرحمه ( كالته بصوت ناصي عود حتى مايسمع شاهين)
غرام
المرحومه منو
شاهين
مريم ليش ماتنجبين وتسكتين
مريم
حسيت الجو توتر. وغرام صفنت بشاهين. خرب حضي هسه اني اذكر حبيبته القديمه الميته هو اني شايفته اصلا بس اشو فهد يوزع ابتسامات جان يكول
فهد
اكول شيخ شاهين. إنشاء الله تطلع مثل صگر تطلع مكضيه وعود
غرام
ههه لا طمئن اني ماريد شي. اصلا كتله ماله داعي كل هاي الامور
شاهين
والله اذا انتي شوفين روحج عجوز ومتشوفين العرس ميناسبج اعذريني تراني بعدني بعز شبابي
غرام
اي واضح من هذا الشيب الي تارس راسك
شاهين
هذا من علامات الجمال. والهيبه بعدين ترى الإعمار ماتقاس بعدد السنين
غرام
هو انته شاطر بالفلسفة
من كالت غرام هيج اني وفهد انصدمنه ثنينه باوعنه لشاهين هذا شراح يسوي هو باوع علينه وكال
شاهين
طلعت فيلسوف ماجنت ادري ( ماله يضحكه)
فهد ومريم
هااااا
غرام
ههههههههه شبيكم مصدومين ترى داشقه وياه يعني مامعقوله راح يثور غضب عليه علمود شقه
مريم
لا انتي اليوم محضوضه لان شاهين فرحان بيج واله جان عرفج الشقه على اصوله.
ترى اني الي هيه اني اذا اجفص بحجايه. يسويلي عرس ماعرف شلون سكتلج
غرام
همه يحجون ويشاقون بس ولا مره قبل شاهين حاجيلي عن علاقته القويه بمريم صح هو يعتبره موبس اخت لا يعامله مثل بنته
رغم كل الي بينه حسيت بالغيرة من اهتمامه بيه.
بعدين تذكرت هو اصلا شاهين ماذكر مره حجالي عن اهله ولا عرفني على احد بيهم
ضليت ساكته همه خلصوا الطريق ضحك وسوالف. صح احس شاهين يضحك جذب زين اعرفه
بس شمنتضره منه اكيد راح يضحك جذب وصلو لبيتهم مريم وفهد نزلو وشاهين كالهم راح اوصل غرام وارجع
اول ماتحركت السياره كال
شاهين
شوفي لج لا عبالج اكووو شي تغير. ترى اني ذاك نفسي الشاهين خليه هاي براسج ترى بمزاجي مشيته الج
غرام
شتريد سوي مثلا تتركني وتروح مثل قبل ترى هاي كبل جانت ترعبني مو هسه. هسه اتمناها.
شاهين
لا اخذ روحج عل بطيء
شاهين
طول الطريق اني كاعد على أعصابي. احس بكل كلمه اتكوله قصده تهيني عاد اني شلون الي خلك
بس من كال مره من شفته لليوم. ذكرني بالي سويته تذكري بتركي اله
بس خلص الشاهين رجع وراح يرجع كلشي اله ويخصه
وصلته لبيتهم ونزلت سلمت على اخوهه ورحت للبيت ظليت ادور على مريم وفهد ماكو وين اختفو قبل نص ساعه وصلتهم خابرت فهد كال طلعنه نمشه.
وراها دخلت للحمام سبحت ومددت بفراشي احس جسمي متكسر تكسير من الطريق وطوله كل عقلهم طالعين يتمشون
